|
|
|
 Re: رسـائـل حـب إلـى (000000) بـمـنـاسـبـة عـيـد الـحـب،، (Re: Raja)
|
رجاء تحياتي ..
والدعوة دائما ان يسود الحب هذا العالم المضطرب ...
وان تحفه السكينة والهدوء والسلام ...
وان يسود الحب ابدا بين اهل السودان بكل طوائفهم وقبائلهم ومللهم واعراقهم
والوانهم ...وامزجتهم ...
وان يسوس الحب والوئام حياتهم ..ومعيشتهم ..وضحكهم وفرحهم وحزنهم
وان ينير الحب ..
دربهم ...للوحدة والرفاه والرخاء والإخاء ...
ولك تحياتي ...
| |
 
|
|
|
|
|
|
|
 Re: رسـائـل حـب إلـى (000000) بـمـنـاسـبـة عـيـد الـحـب،، (Re: الطيب شيقوق)
|
الفاضل الطيب..
تحية ود وتقدير..
أولا مرحبا بك في هذا المنبر الوطن..
تعرف ان نسبة اي فعل لـ "كي بورد" مثل: صحبة كي بورد، معرفة كي بورد.. شكلة كي بورد.. الخ.. بتقلل من البيجمعنا هنا.. شخصيا مررت بثلاث تجارب مهمة أثبتت لي ان هذا الكي بورد وهذا المكان هو واقع حي (بشحمه ولحمه).. وفي النهاية كل شخص يخرج (افضل او أسوأ) ما عنده.. وكل حسب رغبته..
الألفة الحقيقي هو الملا عمر.. وهو دايما ما يتفقد (الفصل).. ليهو الشكر..
..
تخريمة: غايتو من الليلة كان غبتا وما سالت عني.. حتكون دخلتا في لوم كبير..
مرحبا تاني..
ودي..
| |
|
|
|
|
|
|
|
|
|
Re: رسـائـل حـب إلـى (000000) بـمـنـاسـبـة عـيـد الـحـب،، (Re: ابو مهند)
|
الحبيبه القريبه رجاء ..
كل سنه وانتى طيبه وايامك كلها اعياد
يا اجمل فرحه ..يا نسمه فى عز الهجير
يعلم الله دخلت اهنيك بالمناسبه الجميله
لقيتك بتفتشى على الحبايب وفاقداهم
ان شاء الله ما تفقدك شينه يمه
تسلمى يا الحنينه
ان شاء الله يا رجويه العافيه تبراك وتبقالك رفيق
كل سنه وانتى رجويه الحبيبه
وتحيه لكل احبابك زوارك الكرام
| |
|
|
|
|
|
|
|
|
 Re: رسـائـل حـب إلـى (000000) بـمـنـاسـبـة عـيـد الـحـب،، (Re: Agab)
|
المفكرة السودانية المتميزة رجاءالعباسي:
تحية تقدير و إحترام
إفتقدناك كثيرآ في البورد و أفتقدنا مقالاتك الجميلة و أفتقدنا النسمة الجميلة التي تملأ البورد بالإبداع و الجمال و السعادة
كل عيد حب و أنت بخير
أهديك قصيدة مرية بمناسبة عيد الحب
مريّه
يامريّه:
ليت لي ازْميل((فدياس)) وروحاً عبقرية
وأمامى تل ُ مرمر
لنحت الفتنة الهوجاء في نفس مقاييسك
تمثالاً مُكبر
وجعلت الشعر كالشلال : بعضُُ يلزم الكتف
وبعض يتبعثر
وعلى الأهداب ليلاً لا يُفسر
وعلى الخدين نوراً يتكسر
وعلى الأسنان سُكر
وفماً كالأسد الجوعان زمجر
يرسل الهمس به لحنا معطر
وينادى شفة عطشى وأخرى تتحسر
وعلى الصدر نوافير جحيم تتفجر
وحزاماً في مضيقٍ ، كلما قلتُ قصيرُُ هو،
كان الخصر أصغر
يا مريه
ليت لي إزميل ((فدياس)) وروحاً عبقرية
كنت أبدعتك يا ربة حسنى بيديَّ
يا مريه
ليتني في قمَّةِ ((الأولمب)) جالس
وحواليَّ العرائيس
وأنا في ذُروة الإلهام بين المُلهماتْ
أحتسي خمرةَ ((باخُوس)) النقيَّة
فإذا ما سرتْ النّشْوةُ فيَّ
أتداعى ، وأُنادى : يا بنات
نقٍّّروا القيثار في رفقٍ وهاتوا الأغنياتْ
لمريه
يا مريه
ما لعشرينين باتت في سعير تتقلب
ترتدى ثوب عزوف وهي في الخفية ترغب
وبصدرينا ((بروميثيوس)) في الصخرة مشدوداً يعذب
فبجسم الف نار وبجسم الف عقرب
أنتِ يا هيلينُ
يا من عبرت تلقاءها بحر عروقي ألفُ مركبْ
يا عيوناً كالينابيعِ صفاءْ...ونداوة
وشفاهاً كالعناقيدِ امتلاءْ...وحلاوة
وخُدوداً مثل أحلامي ضِياءْ ....وجمالا
وقواماً يتثنّى كبرياءْ...واخْتيِالا
ودَماً ضجَّتْ به كلُّ الشرايينِ اشتهاءْ..يا صبيَّة
تَصْطلي منهُ صباحاً ومساءْ....غجريَّة
يا مريّه
أنا من إفريقيا صحرائها الكبرى وخطِّ الإستواءْ
شحنتْني بالحراراتِ الشُموسْ
وشوتني كالقرابينِ على نارِ المجُوسْ
لفحتني فأنا منها كعودِ الأبنوسْ
و أنا منْجمُ كبْريت سريعِ الإشتعالْ
يتلظَّى كلًّما اشتمّ على بُعدٍ  (تعالى))
يا مريه:
أنا من إفريقيا جوْعانُ كالطِّفلِ الصَّغيرْ
و أنا أهْفو إلى تُفاحة حمراء من يقربها يصبح مذنب
فهلُمي ودعي الآلهةَ الحمقاءَ تغضبْ
وانْبئيها أنها لم تحترم رغبة نفسٍ بشرية
أيُّ فردوسٍ بغيرِ الحبِّ كالصَّحراءِ مُجدبْ
يا مريه
وغداً تنفخُ في أشرِعتي أنفاسُ فُرْقة
و أنا أزدادُ نأياً مثْل ((يوليس)) وفي الأعماق حرقة
رُبما لا نلتقي ثانيةً
يا ....مريه
فتعالى وقّعي أسمك بالنار هُنا في شفتي
ووداعاً يا مريه
| |
|
|
|
|
|
|
|
|
|
Re: رسـائـل حـب إلـى (000000) بـمـنـاسـبـة عـيـد الـحـب،، (Re: أبو ساندرا)
|
الحبيب أبو ساندرا وأخواتها الجميلات وأمهن كمان..
كل عيد حب وأنت سعيد..
طبعا ولا حتصدقني.. لكن لو لاحظتا اني امبارح ما قدرتا أضيف أي قائمة.. لأنه كل ما أرص الأسماء فجأة الجهاز يطفي.. حصلت لي الحكاية دي 4 مرات.. قمتا قفلتا الجهاز وقنعتا قلتا الموضوع داير ليهو "فكي".. لوووووووووووول..
وتصدق اسمك وأبوقوتة وقيسان وفردة وعادل الصافي كانو منورين اللستة الرفضت تتكتب..؟
اها نجي لثروت.. هو أنا في ديك الساعة لما زول زي ثروت يطلب يدي.. اها المثل بتاع "الحلو ما يكملش" معمول ليهو مخصوص.. عشان هو بالفعل عندو أسرة حلووووة.. قول ان شا الله تومو..
ودي وشوقي
| |
|
|
|
|
|
|
|
|
|
Re: رسـائـل حـب إلـى (000000) بـمـنـاسـبـة عـيـد الـحـب،، (Re: صديق الموج)
|
هههههههههههههههههه يا موج يا عزيز..
القوائم دي للناس المافيشين.. وانت بسم الله ما شا الله منوًر المنبر..
وحأقول ليك زي ما مرة صديق قال لي لما عمل كتاب وشال مني معظم المادة والصور.. وسألته لييه ما جاب سيرة الحكاية دي حتى ولو في حاشية.. فكان رده: انتي في حواشي القلوب.. وطبعا صدقتو بمزااااج..
ودي..
| |
|
|
|
|
|
|
|
|
|
Re: رسـائـل حـب إلـى (000000) بـمـنـاسـبـة عـيـد الـحـب،، (Re: اساسي)
|
الاخت العزيزة رجاء
لك التحية والشكر على هذه اللفتة الجميلة
لقد توقفت عن الكتابة فى البورد قبل تسعة اشهر وذلك لعدة اسباب وقد زال بعضها الان مما يعنى العودة قريبا انشاء الله وطيلة هذه المدة كنت اتابع بالقراءة العديد من الاقلام الجميلة والتحية لك مجددا ولاخت العزيزة راوية.
| |
|
|
|
|
|
|
|
|
|
Re: رسـائـل حـب إلـى (000000) بـمـنـاسـبـة عـيـد الـحـب،، (Re: hanouf56)
|
قدر ما رجيتك تجيبى اسمى دا ساكت .. اصلوا
ما خطر على بالك ...؟
قلته ياولد انتظر شويه احتمال الناس ديل ناسين او لسه بتزكروا فى الناس
ورجيت قلته ما ممكن نكون فى الاول ولا التانى خليها التالت برضو مافى
قلته مافى مشكلة امكن اللستة الرابعة دخلنا وقرينا الاسامى برضو مافى
وهكذا لحدي السادسة وقلتى بتجى سابع ولحدي هسه ما جيتى ..
بصراحة كدا انا قربته اعمل زي اساسى وافتح بوست واقول فيه المنسيين فى البورد
من رسائل حب الى (...) ...؟
لكن قلته عيب ادخل بس واقول الكلام دا واسلم و اطلع واهنئ بالعيد
وارسل تحياتى لكل اللست الموجودة واليك ...
| |
|
|
|
|
|
|
|
|
|
Re: رسـائـل حـب إلـى (000000) بـمـنـاسـبـة عـيـد الـحـب،، (Re: ودالعباسية)
|
رجاء المبتسمة دايما
والله انا كل ما اشوف صورتك ببتسم معاك
يا ستى انا ما مختفية لكن هذا الانانى خدر
ماسك الكمبيوتر على حسابو وابى يعمل لى النت وورك
لكن انا لما قريت بوستك دة قعدتو.. واتكلمنا عن الساواة
وحقوق المرأة ..وقلت ليه ..
خلاص بعد دة الموضوع كبر والناس بقت تسأل على.. وفقدونى
لانو انتى عارفة انا ما بلقى وقت معاه الا ادخل بالليل
او الصباح بدرى ..وما بقدر اكتب كتير
و بقيت زى نسوان الجيلى...
يا دخلت باركت لى زول.. وللا عزيت لى زول
بقيت ست حلة وملاح بس
والكلام ده بقى ما بيتسكتش عليه بعد كدة آآآه امال ايه
| |
|
|
|
|
|
|
|
|
|
Re: رسـائـل حـب إلـى (000000) بـمـنـاسـبـة عـيـد الـحـب،، (Re: ودالعباسية)
|
ود العباسية يا عزيز..
كل عيد حب وانت بخير..
تصدق انا قبل ما أكتب البوست ده عملت جولة سريعة في بوستات الصفحة الأولى والتانية والتالتة.. واللقيت إسمو موجود سواء كاتب لبوست او آخر تعقيب ما جبتا اسمو في اللست.. خاصة واني كنت غايبة فترة قبل البوست وخليت الصفحات هي الحكم في التواجد من عدمه..
وبرضو بقول ليك ما ممكن أنسى اي زول من الحبايب.. وجيًتك بالدنيا..
دمت ودام ودنا..
| |
|
|
|
|
|
|
|
|
|
Re: رسـائـل حـب إلـى (000000) بـمـنـاسـبـة عـيـد الـحـب،، (Re: Raja)
|
العزييييييييييييييييييييييييييييييزة رجاء
مهماعم تاخروا فانهم يأتون
من كل فج عميق فانهم ياتون
علي كل ضامر انهم ياتون
قبلة لا يمكن تجاوزها .الان وهنا بحر الحب حيث الماء المقدس الشراب حتي السكر والغسيل حتي الصفاء إنة الحب يا رجاء .إنها جغرافيا الوجدان التي تقام فيها سرادق الاحتفال .الموسيقي تاتي بسحرتها حتي يعلقون الدهشة علي رؤسنا والشعراء يتنادون بشئ من سحر البيان .تملاء الدهشة المكان .ولا زمان .نفقد وعينا انها غيبوبة الشفاء في عيد مولد الجمال .........................عيد الحب .اين انتي التي يخفق لها قلبي الذي يمارس علي كتمان الاسرار .قلبي حدثني باللة عليك من هي ؟عموما الاسطورة هي التي تبقي.
كــــــــــــل عــــــــــام وهــــــــــي الحــــــــــب
شكرا يارجاء ولك اجر المناولة
مجدي شبندر
| |
|
|
|
|
|
|
| |
Raja
luai
waleedi399
الطيب شيقوق
Fadel Alhillo
صديق الموج
nazar hussien
nassar elhaj
بلدى يا حبوب
THE RAIN
Khalid Eltayeb
Omayma Alfargony
.... طييييييييب 
Abd-Elrhman sorkati
Rawia
lana mahdi
المسافر
alfatih
مريم بنت الحسين
Agab
Kamel mohamad
عبد المنعم سيد احمد
ثروت سوار الدهب
عبد الحميد البرنس
abuguta
أبو ساندرا
محمد الامين احمد
BAKASH
الواثق تاج السر عبدالله
Mamoun Zain
نصار
hanouf56
ودالعباسية
بارعة
عوض الله الفولانى
A.Razek Althalib
Elmamoun khider
ايهاب
معتصم دفع الله
Mayada
samwal ebrahiem
مجدي شبندر
فتحي البحيري
Osman Hamad
seham_musa
فيس بوك
تويتر
انستقرام
يوتيوب
بنتيريست