|
|
 Re: أوقـــات لــلــقــلـــب.. (Re: Raja)
|
الحب .... رجاء
وأنت ....رجاء
فلك منا كل أوقات قلوبنا
وزيدينا عشقا
و.........
يالي ظلمتو الحب وقلتو وعتوه عليه قلتو عليه مش عارف ايه
العيب فيكم يا في حبايبكم
اما الحب ياروحي عليه
في الدنيا مافيش ابدا ابدا
احلي من الحب
نزعل .. نغضب
نشتكي منو لكن بنحب
يا سلام على الدنيا وحلاوتها في عين العشاق
يا سلام ياسلام
| |
 
|
|
|
|
|
|
|
|
Re: أوقـــات لــلــقــلـــب.. (Re: Raja)
|
للحب وقت
وللقلب وقت
وللجسد وقت
وللبيت وقت
وللاطفال وقت
وللوالدين وقت
وللاصدقاء وقت
وللعباده اوقات كثيرة وطويله
وللمنبر الحر كل الوقت في وجود رجاء واخواتها LooooooooooooooooooooooooooooL
تخريمة
ازيك رجاء
التوزيع ده كيف عجبك
| |
|
|
|
|
|
|
|
|
|
Re: أوقـــات لــلــقــلـــب.. (Re: Raja)
|
رجاء
رجاء وضيوف المحبة
سلام
الوقت كله حب...
وغير الحب لا ...وقت
اريتكم تزوروا الرباباطى فى بوست يتحدث فيه عن سلطان العاشقين..عشان تشوفوا
"سلطة الحب" على سكنات وحركات العاشق...
يمكن صياغة السؤال بعد داك تكون
هل هناك وقت بلا حب؟؟
الحب طبيق الحلم؟
ما حالن بلاهو
لو ماهو بنكون....عربات ولا ترابيز
وبيهو يكون الانسان انسانا...واكتر شوية
ولكم محبتى العامرة
| |
|
|
|
|
|
|
|
|
 Re: أوقـــات لــلــقــلـــب.. (Re: Tumadir)
|
الحبيبة تماضر..
مبعوث الحب في هذا المكان..
لا تتخيلي فرحتي وانا أرى روحك المحبة ترفرف هنا مع الأحباب.. لتقولي لنا أجمل الكلمات عن الحب..
وبيهو يكون الانسان انسانا... واكتر شوية
ولقاءنا عند سلطان العاشقين..
| |
|
|
|
|
|
|
|
|
|
Re: أوقـــات لــلــقــلـــب.. (Re: نصار)
|
البت القرنفلة
رجا ء
عندما كنت امن بة غنيت لة:
Quote: احبك علامة
وشوق للسلامة
يماثل تماما
مقدار صحياني فيك
دما يصطفيك
قلبا ينتويك
ودربا يهتديك
وفرحا يحتويك
|
وعندما كفرت بة انشدت:
Quote: احتاج كارثة
تفتت يقين الحب في خلاياي
فالحب محرقة تقام
للخارجين عن النظام
الحب مقصلة تنصب
للانتقام
الحب مطحنة الوئام
الحب زانية تنام
بين احضان الخصام
الحب رب
والرب درب
والدرب كرب
فما اراي
والكفر تعويذة دماي..؟
|
وهكذا نظل مشبحين ما بين كيدين ومنفي
كيد الحب ونقيضةوالغربة..
مع ودي
| |
|
|
|
|
|
|
|
|
|
Re: أوقـــات لــلــقــلـــب.. (Re: Alia awadelkareem)
|
الحبيبة العالية عاليا..
بقدر ما أفرحتني كلمات الإيمان.. حزنت للأخيرة الكفر..
لدي فلسفة في الحياة.. أسير بها وأحسب نفسي من السعداء نوعا ما..
وهي.. أن أي أمر حزين يمكن ان نجد فيه شعاع أمل للخروج.. ولا اظن ان شخصا ما يمكنه ان يكفر بالحياة..
فالحب هو الحياة.. وطالما تشرق شمسنا يوميا.. وطالما نأكل ونشرب ونعيش.. فإن قلوبنا قادرة على الخفقان مرة ثانية..
أنتظر منك أغنية عن أمل في حب..
| |
|
|
|
|
|
|
|
|
|
Re: أوقـــات لــلــقــلـــب.. (Re: Raja)
|
طلال ياغالى
شكرا وتسلم انت والحلوين
انا قصدت اعمل لرجاء مفاجاءه فى البوست بتاعها
عارف نحن بينا اتفاق غير معلن
فى اعياد ميلادنا بنتصل ببعض- بعد ان فرقتنا المنافى -ونعيد على بعض
ودا الحبيب الغالى بهاء الدين العباسي
الليله عيد ميلاده
وهو بينى وبين رجاء
طبعا رجاء الاكبر 
| |
|
|
|
|
|
|
|
|
 Re: أوقـــات لــلــقــلـــب.. (Re: ودرملية)
|
الحب قدر وقضاء ومصير ..
ومشاعرنا خارج إرادتنا ..
تدفعنا حيثما شاءت ..
وكيفما شاءت ..
ومتى أرادت ..
قد نتوه ..
وقد نصل ..
قد نسعد ..
وقد نأسى ..
قد نتعثر ..
وقد ننكسر ..
قد ننهزم ..
وقد ننتصر ..
يقولون الحب هزيمة ..
ويقولون الحب إنتصار ..
يقولون الحب كبرياء ..
ويقولون الحب إنكسار ..
تاني بجي راجع ..
| |
|
|
|
|
|
|
|
|
 Re: أوقـــات لــلــقــلـــب.. (Re: jini)
|
بعض الناس طره وكتابة
وبعضهم ممسوح من الجنبين
لا تتعرفلو طره لا تتعرفلو كتابه
ليك درب ولا دربين
ركاب الامجاد ضهاب
ليك قلب ولا قلبين
لمن تسكن جبره وتحب في العزوزاب
لمن قلبي حنه
اديت حبيبتي رنه
رد اخوها الكبير
قلت ليهو موبايلي جنه
اوقات للقلب
واوقات للمعده
وقيل في عهد غير زي عهد .. علي عهدة الراوي
أن القلب يتجه اين ما اتجهت المعده
واذا ارادت الإنثي خطب ود احدهم
اعدت له ما يحب ليحبها
العشاء
| |
|
|
|
|
|
|
|
|
 Re: أوقـــات لــلــقــلـــب.. (Re: jini)
|
جني يا غالي..
يا حليلو قلبنا
نحن من زمن الجامعة هريناهو وهسة شغالين بي أبدمام
لكن ما حصلتا ..
اها قول لينا.. بعد ما أبدمام زاتو يتهري.. حتحولو لي شنو..؟
اوعك تقول الحجاب الحاجز  ..
تخريمة: مشتاااقوووووووووووون
| |
|
|
|
|
|
|
|
|
|
Re: أوقـــات لــلــقــلـــب.. (Re: Raja)
|
الغالية رجاء
في هذا الزمن الراكض على قدمين لا بد لنا نحن أن نركض أيضاً لنلحق به و بمتطلبات الحياة المعاصرة. لكن في لحظات ركضنا اللاهثة هذه لا بد لنا من أوقات للحب تشرنق القلب بدفء كيرقة يافعة ! و يبقى السؤال هل فقط المهم أن نعيش في حالة حب في كل الأوقات أم الأهم أن نختار بالقلب و العقل شخص من نحب؟
شكرا على الموضوع الواحة .
| |
|
|
|
|
|
|
|
|
|
Re: أوقـــات لــلــقــلـــب.. (Re: Nada Amin)
|
الحبيبة ندوية..
هل فقط المهم أن نعيش في حالة حب في كل الأوقات أم الأهم أن نختار بالقلب والعقل شخص من نحب؟
اووووه.. جيتينا في قلب البوست..
طبعا سأفتي ليك رأيي:
ليس مهما ان نعيش في حالة حب في كل الأوقات.. مع انه دي امنية اي زول..
لأنه ليس من البساطة على العثور على هذا الحب والاستمرار فيه دون أن تلهينا أشياء أخرى تحدد له وقتا وطاقة..
المشكلة يا ندى ان المحبوب لا نختاره لا بقلبنا او عقلنا.. المحبوب نجده محبوب.. زي ما بيقولو المصريين: زي القضا المستعجل..
لأنك لو ابتعدتي قليلا من الصورة.. لما رأيتي سببا واحدا يمكن ان يجمعك مع هذا الشخص إلا سحرا خاصا..
وعليه: الحب به كثير من السحر، قليل من المنطق.. وكثير من الجنون، قليل من العقل.. كثير من الجوى، وقليل من الحسرة.. كثير من النعيم، قليل من البؤس..
..
....
وهكذا..
انتظر عودتك..
| |
|
|
|
|
|
|
|
|
|
Re: أوقـــات لــلــقــلـــب.. (Re: nada ali)
|
رجاء
دى مبالغة
يعنى كل يوم اقول ادخل على الجماعة
واسلم بس00 لكن لقيت القصة دايرة
ارجع واجيب شنطتى وكمان عفشى000
ردى لى سريع امجاد واقفة برة وكمان
ضرب 000بورى
فى انتظار رد الجواب
سلام
| |
|
|
|
|
|
|
|
|
|
Re: أوقـــات لــلــقــلـــب.. (Re: nada ali)
|
الحبيبة ندوية التانية..
قلتى لى شنو يا رجاء؟
قلتا في وقت ولا مافي..؟
لكن لو بس عاينا ليك حنعرف ان الزول بيعرف يلاقي الوقت.. مووش  ..؟
طبعا كلامك مهم للغاية عشان الناس فاكرة "الجندريات " ديل ما شغالين بقلوبهم الشغلة.. هم ما عارفين ساكت  ..
منتظراك..
| |
|
|
|
|
|
|
|
|
|
Re: أوقـــات لــلــقــلـــب.. (Re: Raja)
|
العزيزة رجاء أو في رواية أخري "رجوية"
ماشاءالله , البورد الايام دي كله كلام حب . " كلام الحب كلو قلتو ... بس كلامي انا الماعرفتو" .
أعتقد انك أذا أنجزت عملا ما , فأنت تستحق ان تكافئ قلبك ببعض لحظات رومانسية كأن تأخذ محبوبتك الي السينما " مثلا" أو ان كانت بعيدة عنك أن تدبج لها رسالة غرامية " ملتهبة " ....
حبو ... غنو
الدنيا مازالت ندية
| |
|
|
|
|
|
|
|
|
|
Re: أوقـــات لــلــقــلـــب.. (Re: ASAAD IBRAHIM)
|
أسعد يا عزيز..
مالك غيرتا رايك..؟؟!!!!
يا ريت شنو..؟ انو تلاقي وقت..؟ ولا تلاقي شنو ..؟
بالمناسبة عمرو الحب ما كان رفاهية ولا كماليات..
في زول يقول على الحياة كده.. طيب العايشين ليها شنو..؟
ما حنعتقكك لازم تقول..
| |
|
|
|
|
|
|
|
|
 Re: أوقـــات لــلــقــلـــب.. (Re: Khalid Eltayeb)
|
العزيز جدا خالد..
أعتقد انك أذا أنجزت عملا ما , فأنت تستحق ان تكافئ قلبك ببعض لحظات رومانسية
إذن نحن من نصنع او نختار الوقت للقلب.. ونحن ايضا من نتجاهل نداءاته.. ولكن ما رأيك فيمن يرى ان ذلك رفاهية..؟
ماشاءالله, البورد الايام دي كله كلام حب. "كلام الحب كلو قلتو... بس كلامي انا الماعرفتو".
اها كلامك احنا منتظرين نعرفو..
تعرف في نهاية البوست ده حنلاقي الجميع الشارك والقرا فكًر في ذلك الوقت المهم.. للقلب..
تحياتي
| |
|
|
|
|
|
|
|
|
|
Re: أوقـــات لــلــقــلـــب.. (Re: WaD OmI)
|
نوفا الحبيبة..
ليك وحشة آآآآد كده..
انتي وين مختفية..؟
البوست جميل لأن الناس الجميلة جات وحكت..
انتي حتحكي لينا متين..؟
عندي أسئلة بسيطة..
- هل الحب مهم في حياتك..؟ بنسبة كم.. اوعك تقولي 30% ..
- هل الحب شئ خاص يحب الزول مننا ان يحتفظ بيهو..؟ أم انه احساس اكبر من ان يحتمله الشخص فيحكي كم هو سعيد..؟
- هل بنحكي بس القصص المنتهية في حياتنا ولا اللسة بنعيشها..؟
منتظرين..
| |
|
|
|
|
|
|
|
|
|
Re: أوقـــات لــلــقــلـــب.. (Re: Raja)
|
سلام وتحايا
رجا العزيزة عليك الله في داعي حسه تقعديني في الكرسي الساخن ده؟
وتخليني اتجرس كده
عارفه يارجا في كل الاسئلة الطرحتيها اجابة ..
الحب مهم ومهم جدا في حياتنا لو اي زول عاين لنفسه فقط ح يلقى
انو بمثل جانب عظيم كبير لايمكن تناسيه او تجاهله وان ادعى العكس ..
بالنسبه لي انا ياحبيبه قد تخونني سعادتي واتجاوز ايماني
بانه شئ فعلا شخصي ...
لك كل الحب
نوف
| |
|
|
|
|
|
|
|
|
|
Re: أوقـــات لــلــقــلـــب.. (Re: WaD OmI)
|
الحبيبة نوفا..
سمعت مقولة: أن اجمل الحب ما كان خافيا..
وعندما فكرت في معناها.. وجدت انها تحمل اكثر من قصد..
خافيا.. قد تكون حتى عن المحبوب..!!
خافيا.. قد تكون الاحاسيس التي لم نكتشفها بعد..
خافيا.. قد تكون.. بعيدا عن أعين العوازل..
و..
و..
الخ..
ليس المهم ان نعلن اننا نحب "فلانا" بالإسم.. ولكن المهم ان نعيش بهذا الحب مع الناس..
يعني بالبلدي كده.. ما ممكن زول بيعرف يحب.. يتماسخ ويتساخف على الناس من الباب للطاق..
مش..؟؟!!!
تحياتي,,
| |
|
|
|
|
|
|
|
|
|
Re: أوقـــات قلبــــــــــى.. (Re: Raja)
|
سلام وتحايا
واجمل الحب ماكان جهارا نهارا عيانا
فلا شي يحد حدود الجمال في الحب.....
وقد يظهر في افعالنا في اقوالنا في تصرفاتنا وقد لا يظهر
فلا شي يحكم الحب وتبعاته التى تختلف من محب للاخر....
خلاصة قولي هو دنيا لاتحدها حدود ولا تلزمها قواعد
Quote: يعني بالبلدي كده.. ما ممكن زول بيعرف يحب.. يتماسخ ويتساخف على الناس من الباب للطاق..
مش..؟؟!!!
|
؟؟؟؟؟؟؟؟؟؟؟؟؟؟؟؟؟
نوف
| |
|
|
|
|
|
|
|
|
|
Re: أوقـــات لــلــقــلـــب.. (Re: Raja)
|
رجاء
يا هذه البنت التى تمتد فى دنيانا سهلا و ربوعا و بقاع
واصلي هذا الالق من فضلك
وبرضو الاستجواب و طلبات الاحاطة قائمين و راجعى بوست زولا بتاع الخميس
| |
|
|
|
|
|
|
|
|
|
Re: أوقـــات لــلــقــلـــب.. (Re: معتصم دفع الله)
|
رجـــــــــــــــــاء
اجدني مفتونا بهذا النص الكيميائي لاخونا الاستاذ يحي فضل اللة
ما معني ان نحيا
ولا ندري بان العشق قد يبقي سجينا في الخلايا
ما معني ان نشهد موات الاغنيات
ما معني هذا الصمت الذي لا ينتهي
وبرغم حوجتنا الصراخ
عليك اللة شوفتي الشاعر الكيميائي دة
| |
|
|
|
|
|
|
|
|
|
Re: أوقـــات لــلــقــلـــب.. (Re: Raja)
|
الغالية رجاء
يا سلالالالالالالام
You made my evening
سكة اللينك البتودي للأغنية دي مفروشة زخات مطر و رائحة زهر ليمون!
بالمناسبة ما هي أخر أخبار القلب عندك
| |
|
|
|
|
|
|
|
|
|
Re: أوقـــات لــلــقــلـــب.. (Re: Raja)
|
صرخه00
جميعنا نقف على حنين وذكرى00
و
عندما نقف على الاطلال يشتعل فينا الحنين بلهب الذكرى 00
*المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00
كل عام وانتم بخير والسنه دى قبل الجايه تتحق امانيكم00 Raja00
| |
|
|
|
|
|
|
|
|
|
Re: أوقـــات لــلــقــلـــب.. (Re: Raja)
|
الأحباب جميعا سلام..
وانا ابحث اليوم عن موضوعاتي المفترض الانتهاء منها بسبب الأرشيف.. وجدت هذا البوست.. ووجدت ان العزيزان صفاء ويعقوب قد عيرا دون ان انتبه لهما.. فلهما العتبى.. وكل الحب.. وكل يوم والجميع بخير..
تحياتي..
| |
|
|
|
|
|
|
| |
Raja
Tumadir
نصار
Adil Osman
Rawia
طلال عفيفي
معتصم دفع الله
بدرالدين شنا
ودرملية
abas
jini
HOPEFUL
Kostawi
nada ali
عصام عبد الحفيظ
Khalid Eltayeb
ASAAD IBRAHIM
WaD OmI
lana mahdi
Safa Fagiri
بلدى يا حبوب
مجدي شبندر
mulhim
معتز تروتسكى
فيس بوك
تويتر
انستقرام
يوتيوب
بنتيريست