|
Re: فـــارس أحـــلام الــبــنــات.. مــن هــو..؟ (Re: bint_alahfad)
|
كما ذكرت لك لا أريد أن أكون فارساً لوحدي بل أريدها أن تكون فارسة هي ايضاً أحتاج لإنسانة لأروضها وتروضني وأعرف تماماً أن الجياد ليس بإمكانها ان تروض الجياد لكننا سنروض بعضنا بالكلمة وبالحب وبالأمل وبالتعايش سأمنحها فصيلة دمي لتنصهر مع فصيلة دمها لتكون فصيلة واحدة وحلم واحد لا اعتقد أنني أحمل ولو ربع قطرة من مواصفات فارس الأحلام التي تتمناها كل إمراة لكن اثق تماما أن المراة التي سترتبط بي ستخلق مني فارساً مثلما أنني سأخلق منها إمراة جميلة وواثقة من نفسها كم اتمنى أن اكون فارساً للكلمة وفارساً للحق والحرية والإنسانية وفارساً للمرح وفاكهة تغذي كل فرسان وفارسات البورد لقد إنتهى زمن فارس الأحلام عندما كان عنتر يشق الصحاري في منتصف الليل ليلاقي عبلة تشاء الصدف أن أذهب خصيصاً الى منطقة تسمى عيون الجواء حيث كان ياتي عنتر بالقرب من صخرة تقبع هناك فعلاً تحمل رائحة شجاعة عنتر ورحيق عبلة تالمت كثيراً أن عنتر لم يحضر عصر الموبايل والأنترنت وإلا لكفى نفسه شر القتال والترحال والتلصص ليلاً ٍ الفارس في نظري أختي رجاء هو ذلك الرجل الغير معقد لا ذلك الرجل الذي يسعى بكل حواسه لأن يمتلك إمراة جميلة ولكن سرعان مايتحقق له ذلك يغير منها لدرجة البكاء فيحرمها حتى الهواء والفارس هو الذي يترجل من صهوته ليعانق محبوبته وزوجته في أمس اللحظات التي تحتاجه اليها الفارس ذلك الرجل الذي يحمي بيته وعائلته وفوق هذا وذاك وطنه وأخته وجارته وصديقته
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: ابوحراز)
|
Quote: هو ذلك الرجل الغير معقد لا ذلك الرجل الذي يسعى بكل حواسه لأن يمتلك إمراة جميلة ولكن سرعان مايتحقق له ذلك يغير منها لدرجة البكاء فيحرمها حتى الهواء |
Quote: والفارس هو الذي يترجل من صهوته ليعانق محبوبته وزوجته في أمس اللحظات التي تحتاجه اليها
|
Quote: الفارس ذلك الرجل الذي يحمي بيته وعائلته وفوق هذا وذاك وطنه وأخته وجارته وصديقته |
عارف يا ابوحراز قلت كتير من الدايرة اقوله
رجاء...
تصدقي بحضر في لستة الصفات لغاية الليلة؟؟؟ كل يوم بتذكر حاجة اختها شكلي حاعملها في حلقات مسلسلة عندك بي جاي بجيك تاني
غايتو باندودث بكري الله يكون في عونه
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Raja)
|
حنينة شكراً ليك وشكراً لتلاقي الأفكار وإنسجام الرؤى وبالعامية يقولون القلوب لبعضها
رجاء يا اختي الكلام دا كلو مذكر إلا فتاة دي أها أنا أقلبوا كيف ماتشوفي الفصاحة دي أنا في اللغة العربية ضعيف جداً أقلبيها لينا خلينا نشوف حظنا كيف قالت فارس كل فتاة قالت ياريييييييييييييت من أول وريتنا إنك إمكن تتأخر يووووووم كان غايتو إطمنا شوية وبحرك ياليل ياليل ياليييييييييييييييييييل !!! اعجبتني رائعة عيناك التي غنتها المتالقة ماجدة الرومي وبصراحة وهذا رأي شخصي إن كانت فيروز هي ملكة جمال الغناء في لبنان فإن ماجدة الرومي هي الوصيفة الأولى 00 سألت مرة الشاعرة المخضرمة دكتورة سعاد الصباح وقلت لها : بالله عليك هل قمتي بتفصيل { كن صديقي } على مقاس ماجدة الرومي ؟؟؟ معليش الحصان تعثر ووقعنا منو وطلعنا من الموضوع
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: bint_alahfad)
|
Quote: والا يكون حكومه ولا معارضه |
قالوا يا بنت الأحفاد.. واحد مسكين.. ربطوا ليهوا كم واحد دايرين يدقوهو جقاره ساي.. ما عمل شي... اها.. قاموا سألوهو.. "إنت معانا ولا مع الناس التانيين"... قال ليهم (خائفا) "معاكم".. قالوا ليهو "ها هاي.. إحنا الناس التانيين".. وأخد علقته... مافي شي في السودان اسمه ما حكومة وما معارضه...
غايته شوفي ليك خواجه عيونه خضر... وشعره أشقر... وأكليه كسره بي ملاح.. أخير ليك...
مع كل الحب...
بنت الحسين
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Raja)
|
رجاء .. بالله قلتي لي حكاية العمر ما همية؟ بالله أنا من زمان أقرا وأقول يا الله ما يجيبو سيرة العمر .. طيب .. كان كدا معانتا نحن الـ إتعدينا 25 سنة ممكن ننافس .. لأنو باقي الشروط بنشتغل فيها كويس .. بل يمكن ننافس كمان .. الطول والنضم واللازي مينو .
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Raja)
|
بنت الحسين
انا اخوانى ما عندهم شغله خالص بالسياسه مع انهم سودانين!!! بعدين انا احب اولادى يكونو سودانيين ابا عن جد , فانا احب الارتباط اكثر بالسودان وليس الابتعاد عنها لو ما كده كنا فكرنافى اللأنجليزى بس ما بعيون خضر لانى لا احب لون العيون الخضر
مودتى
رجويه العسل
شفتى طلباتى بسيطه كيف؟ برغم ده مريم قالت لى ابقى قابلينى لو لقيتيها!!! انتى مؤيداها فى كلامها ده!!!
قلتى لى 25-29, صراحه فى السن ده بعتبرو لسه بيبى ونوت ماتور, انا عارفه انو ده حيفتح النار لى من الناس الاعمارهم فى الرينج ده وحيقولو لى طيب انتى شنو, لكن عقل الفتاه ينضج قبل عقل الرجل بمراحل, بعدين انا عايذه واحد يدلعنى ما ادلعه انا ولا رايك شنو؟
مودتى
وفى امان الله
لا اله الا الله
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Raja)
|
ما هذا يا رجاء؟؟؟؟؟؟؟؟؟ يعني توزعي في الكروت وما يصلنا منكم ولا حتى مرسال انا المقال دا شفتو اول ما نزلتي وقلتي انو ح يكون في واحد تاني للفرسان كمان وطاااااااااااااااااااال الانتظار اها قسمتوها ولا لسة ?
_____
أتق الله حيث ما كنت واتبع السيئة الحسنة تمحها وخالق الناس بخلق حسن
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Raja)
|
والله كتر خيرك يا هالة .. يا رجاء أهو اتوفرت حاجة من تسعة وتسعين نجيبهم من وين ؟ عشان كدة عايز اقول خلونا نتم الناقصة من هنا ومن هنا شوية منها وشوية منو وما ننط على طول كدة للجاهز وما نتصور فتى أو فتاة الأحلام ملاك في إطار .. نجتهد شوية بس تكون في مرونة وقدرة على التمازج والتكيف والانصهار والتشكيل لأنو القصة كلها رمال متحركة المزاج و الجمال والخصال والمناخ والدنيا كلها .. نحاول نبنيهو قشة قشة وحبة حبة .. واحد اتنين .. ثلاثة اربعة .. لحدى تمانين كدة ممكن يكون كفاية .. وللا ما كدة؟
راجعين ..
صلاح / شتات
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: hala guta)
|
هالة ازيك..
Quote: ويكون فى طولة بال خالد الحاج ووضوح ود قاسم ورزانة ابو جهينة ورهافة تمبس وكتاب زى المطر وشتات والرحمابى وموسوعية الفيا وسعة صدر ياسر الشريف |
هالة وين طيبة دكين ومسكنة وليد طه؟!!
Quote: كدى بامشي اتزكر باقى الحاجات واجيك |
ننتظر يعنى؟
يكمن نأنس وكده مودتنا
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Raja)
|
سلامات رجاء متين نسمع لينا زغروتاية كدة....... يعني الكلام ما يبقى في الاحلام وبس.......... عايزييييييييييييين حقــــــــــــائـــــــــــــــــق....... قبل ما نبدا مشروع الرشاقة واللياقة ......... لزوم الصورة وكدة _____
أتق الله حيث ما كنت واتبع السيئة الحسنة تمحها وخالق الناس بخلق حسن
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Raja)
|
هسه يا رجاء الموضوع ده داير ليهو نقه كتيره كده؟؟ فارس الاحلام هو.... و لا شنو؟؟؟
طيب نصلح مواصفات هاله شويه : لئامة دكين , مساخة مراويد,سختة سجيمان,استهبال خدر ، لسان الجريفاوى،حكمة مكى، عباطة "....", عقل و ثقافة "...." , ده كلو لو بقت معاهو قروش صلاح ادريس بكون مافى اى مشكله.. لمعظم البنات...استثنى قله منهن
الموضوع ده انا اتناقشت فيهو نص عمرى و طلعت بان اصح حكمه هى : العرس قسمه و نصيب و قروش .... و لا شنو يا راويه
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Raja)
|
وليد طه
مسكنة دكين!!!!!!!!!!!!!!!!!!!!!!!!!!! انت جادى يا زول
مراويد اصبر لى انا كتبت يكون زى...... جاياك للسلبى ناس يكون ما زى....... يعنى يكون ما زى الكتبتهم فوق ديل كلهم بصلاح ادريس
راوية صباح الخير غايتو انا لستتى وقفت لحدى هناك .....باقى اضافاتك دى براك انا غايتو واحدة من شعاراتى كما تقول المغنيات المظاهر ما همية المهم يكون عريس شخصية ومسالة العمر دى فيها قولان كبير عندى.....غايتو وليداتنا الصغار ديل داير ين ليهم امهات ما زوجات وانا دة شعرا ما عندى ليهو رقبة: D
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Mamoun Zain)
|
الاخت رجاء بصراحة لم أستطع قراءة كل هذه الردود والمداخلات لكننى متأكد انها تجمع أشكال والوان من التجارب و الآراء .. ويهمنى هنا ان أعطيك رأى بصراحة او بالأحرى إجابتى على سؤالك (فـــارس أحـــلام الــبــنــات.. مــن هــو..؟) الذى حظى بكم هائل من الردود. أقول ، وقولى مبنى على تجارب عايشتها فـــارس أحـــلام الــبــنــات هــو من تجتمع فيه أكثلر من 70 فى المائة من هذه الصفات: الرجل الذى يملك تعليما لا بأس به (المهم ألا يكون دون المرحلة الثانوية) الرجل الذى يملك عملا ثابتا (أو يمتلك أعمالا) تدر عليه دخلا تستطيع به الأسرة ان تعيش حياة خالية تماما من المعاناة المادية. الرجل الذى يملك قدرا لا بأس به من الثقافة بشتى مجالاتها( يستطيع ان يدلى بدلوه فى معظم المواضيع التى تثار فى المجتمعات) الرجل الهادى الصفات ،الذى يتمالك نفسه بسرعة عند الغضب ، غير المتوتر أوالمتردد أوالرجل الواثق من نفسه الرجل الكريم (او بالأحرى غير البخيل) فى أهله .. الذى لا يستكثر شيئا على أولاده فى حدود المتاح والمعقول. الرجل الناجح الطموح .. الذى يتوق دوما الى الأحسن ويرى أنه هناك دائماالأحسن مما هو كائن. الرجل الإجتماعى الذى يحب الناس و الحياة وهنا أعنى الرجل الذى يأخذ أسرته من وقت لآخر فى رحلات - حتى وإن كانت بسيطة وداخلية لزوم تغيير نمط الحياة)
الرجل الذى يتمتع بقدر لا بأس به من الوجاهة .. وهذه الصفات تشمل الآتى: اللون(؟؟) ، الحجم(ألا يكون كبير الحجم أكرشا) , الطول(متوسط ،غير متناهى الصغر) ، الشعر(يفضل ذو الشعر الأسود الكاسى من الأصلع ،إلا ما ندر)
زوجتى منعتنى من تضمين صورتى فى البروفائل .. فقلت لها ما تخافى ، هو يعنى لو الناس شافو الوجاهة دى يعرفو الصفات الحلوة التانية دى كيف؟
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Raja)
|
Quote: الاخت رجاء بصراحة لم أستطع قراءة كل هذه الردود والمداخلات لكننى متأكد انها تجمع أشكال والوان من التجارب و الآراء .. ويهمنى هنا ان أعطيك رأى بصراحة او بالأحرى إجابتى على سؤالك (فـــارس أحـــلام الــبــنــات.. مــن هــو..؟) الذى حظى بكم هائل من الردود. أقول ، وقولى مبنى على تجارب عايشتها فـــارس أحـــلام الــبــنــات هــو من تجتمع فيه أكثلر من 70 فى المائة من هذه الصفات: الرجل الذى يملك تعليما لا بأس به (المهم ألا يكون دون المرحلة الثانوية) الرجل الذى يملك عملا ثابتا (أو يمتلك أعمالا) تدر عليه دخلا تستطيع به الأسرة ان تعيش حياة خالية تماما من المعاناة المادية. الرجل الذى يملك قدرا لا بأس به من الثقافة بشتى مجالاتها( يستطيع ان يدلى بدلوه فى معظم المواضيع التى تثار فى المجتمعات) الرجل الهادى الصفات ،الذى يتمالك نفسه بسرعة عند الغضب ، غير المتوتر أوالمتردد أوالرجل الواثق من نفسه الرجل الكريم (او بالأحرى غير البخيل) فى أهله .. الذى لا يستكثر شيئا على أولاده فى حدود المتاح والمعقول. الرجل الناجح الطموح .. الذى يتوق دوما الى الأحسن ويرى أنه هناك دائماالأحسن مما هو كائن. الرجل الإجتماعى الذى يحب الناس و الحياة وهنا أعنى الرجل الذى يأخذ أسرته من وقت لآخر فى رحلات - حتى وإن كانت بسيطة وداخلية لزوم تغيير نمط الحياة)
الرجل الذى يتمتع بقدر لا بأس به من الوجاهة .. وهذه الصفات تشمل الآتى: اللون(؟؟) ، الحجم(ألا يكون كبير الحجم أكرشا) , الطول(متوسط ،غير متناهى الصغر) ، الشعر(يفضل ذو الشعر الأسود الكاسى من الأصلع ،إلا ما ندر)
|
You mean ykoon Sudani Or You mean ykooon ana AnwarKing
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Raja)
|
المحترمة بت الأحفاد: والله شروطك دى كلها فى السلك: Quote: لاعلاقه له بالسياسه مطلقا, ولا ينتمى لأى حزب سياسى او حزب دينى, الا يكون حكومه ولا معارضه |
دى خليناها من زمن خدر كان إسمو طارق ابوعبيدة...!ه بس: Quote: يساعد فى غسيل العده وما يطلب منى اقطع بصل ولا توم ويجيب اللحمه جاهذه من الدكان مقطعه لشرايح صغيره |
أخخخخخخخخخ دى نحِّلها كيف؟؟!ه
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Ahmed Elsharif)
|
Quote: ويكون فى طولة بال خالد الحاج ووضوح ود قاسم ورزانة ابو جهينة ورهافة تمبس وكتاب زى المطر وشتات والرحمابى وموسوعية الفيا وسعة صدر ياسر الشريف
|
يا هاله قوته...يكون فارس احلامك المنبر زاتو يا ربي!!!!!!!!
ديل في ود ابنادم واحد ما اظن تلقيهن...دحين لخبطيهن بي بدر الدين شنا امكن يتلقن...والله صوطي معاهم سجيمان...الخلطة كدا ممكن تكون معقوله...
والله تشيلي المواصفات دي كلها في واحد بكري زاتو علّ يشيل كورتو...ويخلينا نتمها بي كورة شراب...
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: nazar hussien)
|
Quote: لا الوسامة ولا الطول ولا المال..
|
يا رجا انا ارجعك لبداية البوست الرجل اذا لم تتوفر فيه الشروط الثلاثة اعلاه فهو بالتاكيد فارس يمتطي (سخلة) دا اسمه عريس الحيرة ذكرتني النكتة الشهيرة بهذا الوصف حين كانت الفتاة التي طال انتظارها للزواج حين تقدم لابيها الطعام او الشاي يدعوا لها : الله يديك ود الحلال يا بتي ويوما ما دخلت لابيها بشاي العصر بعد ان تناوله نظر اليها وقال قولته: الله يديك ود الحلال يا بتي وهنا استدركت واستنكرت البنت وقالت له: والله يا ابوي بعد دا ود حلال ود حرام البيجي بعرسوا .
استاذتي رجا العرس دا قبله نظريات وبعده شكوات انا مقتنع جدا بانه الزول كان جاهز حيلقي بت جاهزة ويعرسها وخلاص كل النظريات دي تحصيل حاصل ساكت يا ما كان في فراس احلام بعد الزواج اتضح انهم لا يملكوا من الفروسية الا مثلما يملك ابو لهب من التقوي والايمان ..يقال ان الزواج بطيخة مقفولة ولكن كل البنات يبحثن عن حد ادني من الضمانات لما بعد فتح البطيخة الضمانات دي بقت زي ما جاء في تعليق احد الاخوة ذكر مسلم هذا واقع الحال او يكاد يقارب هذا ..اما ما ذكرتيه عاليه وابتدرتيه بلا اي الوسامة والطول والمال فهو مرفوض الان لان هذا اصبح زوج لقطة بالنسبة للدبل او الزوجة الثانية ... لذا يرفضن البنات عريس عوانه الشراكة المستقبلية ... واظن ان العريس اللقطة صار اصلع وقصير وسمين ومفلس كاحسن خيارات مطلوبة في فارس الاحلام لانه فتي احلام لمرة واحدة فقط وصارت البنات يطلقن علي فارس الاحلام (التشز )او منديل الورق لانه استخدام لمرة واحدة فقط هاهاهاهاهاها لانه البنات بقوا خطرات وما التي تقنت لاب شرا ان شاء الله راجل مراة ببعيدة فهي تحكي عن اشواق كثير من البنات وفارس احلامهن الم يقال ان اغاني البنات تحكي واقهن واحلامهن..؟ واواصل اساسي فارس يمتطي عتود ويمتشق قلم كوبيا
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: hala guta)
|
رجاء يااللز زولة .. البوست ده شايفو وكل يوم بلفلف بي عندو .. وكنت راجي الصنارة تغمز ونشوف لينا زولة شروطه تكوزن شوية خفيفه علينا لكن طالما انو الحكاية فيها رهافة ومعجبات فاهمات كده .الواحد بيدخل بي كل الاسهم .. غايتو كان كرتوني ياهاله ويارجاء .. مافي طريقةالا تحبوني انتو الاتنين وانا النوع العكليت خالص
المواصفات .. زول مسالم جدا جدا .. بسيط لي درجة انو الغنماية بتاكل عشاي وتقش خشمه في بنطلون الجينز الاسود بتاعي .. ما قندولي خالص خالص كده .. لكن خبره في حاجات كتيرة .. يعني ( مراسيل ) وكده ..قضاي جدا ودي طبعا خبره اكتسبتها موخرا من صاحبي خدر لكن طبعا الحجل بالرجل يعني كان في مرسال نمشي سوى ..
بعدين ما كبكابه ولارجافه .. يعني اذا كنت ماشي مع الزولة الدايره معاي دي .. بكون رزين وهادي .. وما بعاين لي اي حاجه شديده تانية في الشارع .. بس المرة الاولي بس لانو زاتو عيب كده .. الواحد ما يعاين كتير..
بحب اللون البيجي .. جني وجن الشباشب ...وبموت في الخدره .. ما ملاح الخدره شان ما تفهمونا غلط من مواليد برج الاسد..
اها يارجوية .. دي مواصفات صغيرونه كده كشي مبدئي ..لسه في كتير جدا ممكن نتمو فيما بعد .. غايتو باقي الليل ده كان ما طلعت لي بي جكساية من هنا بي مؤهلاتي المتواضعه دي انت وهاله قوته يحلكم الله مني .. والله حب مبالغه
انا قاعد في البوست ده هنا .. ماماشي منو الا معاي .. فارسة احلامي
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: tmbis)
|
تمبس عليك الله اقرا باقى المواصفات وتعال
كضبا كاضب ما تغش بنات الناس
Quote: لكن خبره في حاجات كتيرة .. يعني ( مراسيل ) وكده ..قضاي جدا ودي طبعا خبره اكتسبتها موخرا من صاحبي خدر |
والله دى حاجة مهمة خالص
ممكن نفكر؟
غايتو انا بحب الشبشب لكن بريد العدة والترامس كيف معاك؟؟
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Raja)
|
غاليتنا رجوية أهم شرط انه يكون[ راجل]بمعنى: مقدرة على اتخاذ القرارات ثقة عاااااالية بالنفس صبور حكيم شجاع مقدام كريم حنون صديق لزوجته صريح و مباشر حيث اكره الرجل المغارة رزين حيث أكره الرجل/الصبى التى تتناسب تصرفاته عكسيا مع سنه الرجل ذو الالف وجه ما معانا يعنى الايام الارتباط شكل و ايام الخطوبة شكل و ايام الزواج شكل وبعد الزواج شكل الثرثار ما معانا السميع ما معانا ولى عودة
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: Raja)
|
رجاء والبهاء
كيفك يا "فارسة" كل الأحلام، ويا نداوة كل الأيام
شكلكم كده لسه ما اتفقتو، وما أظنكم تتفقوا، معايير الإختيار بتختلف يا رجاءن إستحالة تتوحد، يمكن يكون شوية قواسم مشتركة، بس برضه حتكون متداخلة ومختلفة
اها عملتى لينا شنو فى مواصفات الفارسة، ولا بعد ما نتفق هنا يعنى
ومن جوه الحديقة دى يا رجاء بالله، اسمحى لى أرسل وردتين، واحدة بيضاء وواحدة زرقاء، للعزيزة هالة قوتة، وأقول ليها فعلا والله، العالم اذا ما اتجمل واتزين للنساء أول شى، حيكون حتما أجمل للرجال، دى اصله مافيها خلاف، وشكرا على الإطراء الجميل يا هالة
| |
|
|
|
|
|
|
Re: فـــارس أحـــلام الــبــنــات.. مــن هــو..؟ (Re: hala guta)
|
بكرى الجاك قلت 1Quote: - اننى غير مرتب
2- غير لبق فى الحديث الى الجنس الاخر
3- امارس بعض مما تعلمته من عمليات التحليل النفسى مع محدثتى
4-اتحدث كثيرا فى اغلب الاحوال, وطبعا حسب كتاب Woman from Mars Men from Venous على الرجل ان يتحلى بقدرة فائقة على الاستماع الى شريكته حتى يعطى دفعات من التجديد للحب, الكتاب يتحدث عن احياء المشاعر بالنسبة للمتزوجين.
5- منغمس فى القضايا السياسية الى اخمص قدماي
6- ادخن احيانا, حسب المزاج
7- لا احب التاطير, والملاحقة مثل اسئلة الى اين ذاهب ومتى ستعود ومع من ستكون فهى تحسسنى باننى ما زلت غير مسؤل عن تصرفاتى
8- فاشل جدا فى ابتداع لحظات للفرح فى اوقات السام والرتابة,
9- ميال للحديث فى المجرد و قليلا ما اتحدث فيما هو مادي محسوس
10- لا اكترث كثيرا الى هندامى و لبسى بل اري المبالغة فى الاهتمام فى هذا الامر هى تاكيد على الفراغ الذهنى
11 - لا تجذبنى المرأة التى تقضى وفت طويل فى مكياجها كما لا تشدنى المراة عاشقة الميك اب وهذا ما لا تحبه معظم النساء فهن يعتقدن فى ذلك تجاهل وعدم تقدير |
الصفات اللى ان قلتها دى هى القاسم المشترك فى كل الطلاب (او الخرجين ) المشتغلين بالسياسه . و هم غالبا اكثر الشباب المثقفين فى هذا العمر , يعنى نادر جدا تلقى واحد مثقف و متفتح العقل و يكون ما نشيط سيسيا . ( رغم انى اعرف ثلاثه او اربعه من هولاء القلائل ) بالرغم من كده كل هولاء ( المشتغلين بالسياسه ) فرسان لاحلام لكتير من الفتيات . غريبه مش ؟ و ما تقول لى الكلام ده غلط , اكبر دليل صحبك محمد فاروق , كمية من الجكس كان باكى فيه بالرغم من كل الصفات المزكوره اعلاه كانت فيه.
معليش يا رجاء على التخريمه. ح ارد على سؤالك اذا كان زوجى هو فارس احلامى المره الجايه
| |
|
|
|
|
|
|
|