في سنتر الخرطوم الشمار بالكوم !!!!!

مرحبا Guest
اخر زيارك لك: 03-29-2024, 02:44 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عواطف ادريس اسماعيل عبدالله(عواطف ادريس اسماعيل عبدالله)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-06-2007, 09:31 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
في سنتر الخرطوم الشمار بالكوم !!!!!

    إخوتي الأحباء أسفة !! تأخرت عليكم فقد شالتني نومة ( لاحظو أن النوم لايشيل أحد غيرنا! نحنا الوحيدين في الدنيا اللي بتشيلنا النومة وتودينا مطرح ما تريد ومركب على الله ما بتغرق شي عجيب
    إذا تايتانك بجلالة قدرها غرقت البخلي مركب على الله ما تغرق شنو ؟؟

    المهم تعالو النحدثكم وأقول ليكم أنا غايتو في حياتي ماشفت أمة من أمة لا إله إلا الله بتحب سماع
    وترويج الأخبار زي أمة الأمجاد يعني الواحد يدفع عمرو عشان يسمع خبر إنما أيه ! على عكس المصريين
    ينتظرو لما الخبر يبقى ببلاش حتى يسمعوه عشان كدة دايما بقولو يا خبر بفلوس بكرة يبأ ببلاش شوفو
    الحكمة ؟أما نحن فلا حول ولا قوة إلا بالله حتى أغنانينا كلها شمارات فمثلا فنان رفيع ورقم صعب من
    أرقام الغناء السوداني يقول ليك جانا الخبر شايلو النسيم في الليل يوشوش للخمايل هش الزهر بكت
    الورود سالت مشاعر الناس جداول بالذمة شوفتو ليكم أي نسيم في الدنيا بنقل أخبار غير نسيمنا السوداني ؟؟ برضو في أغنية بتقول وقت سيرتك يجيبوها أهلي كتير بيريدوها ياتو سيرة ياربي ؟ ولا الفنانة البتقول ليك خبر !! خبر !! الزول وصل يا ناس من كتر ما هي مستعجلة ما قالت مصدر الخبر
    وطبعا في عالم الصحافة لابد أن يكون لكل خبر مصدر موثوق به ,, ولا التانية البتوزع أخبارها بالمجان
    بالبث المباشر وتقول رسل لي رسايل وقال أنا في الجزاير في أول يناير يجينا حمادة زاير طبعا حمادة
    حمادة دة ما عارفنو منو يا ربي يكون محمد مختار جعفر ؟؟ ولا البتقول قالو أمو شمشارة أريدها وأريد
    شمارة !! يعني لو ما كانت شمشارة ما كانت حتحبها ؟
    يقال أن أحد السودانيين قابل صديقه الإماراتي الذي لم يشاهده من مدة طويلة بدائرة الجوازات والهجرة فركض نحوه يسلم عليه بحرارة شديدة ثم سأله : كيفك يا زول ؟؟ أخبارك العامة والخاصة ؟؟ فأندهش الإمارتي لسؤاله عن أخباره الخاصة فرد عليه ضاحكا وعلى مسمع من الملأ : أخباري العامة زينة إلا أخباري الخاصة دي ماليك فيها خص يا زول ( ليست من إختصاصك ) علما أن هذا السوداني يفترض أن يعرف أن الإماراتيين يعتبرون أخبارهم الخاصة من المقدسات التي يجب أن لا يعرفها أحد حتى أقرب الأقربين .

    حدثني د. عبدالقادر محمد عبدالقادر مدير مركز رقابة الأغذية ببلدية أبوظبي سابقا ورئيس هيئة المواصفات والمقاييس حاليافي السودان أن امرأتين من قرية طابت تعاركتا عراكا شديد فذهبتا إلى
    شيخ القبيلة ليحكم بينهما فسأل عن أسباب المعركة فقالت المتظلمة أن خصيمتها شتمتها وقالت لها
    أمشي يا نشرة ستة فاستغرب الشيخ وسأل المدعى عليها عن سبب تسميتها بنشرة ستة بالذات وليس سبعة
    مثلا !! فردت عليه بكل حماس عشان نشرة ستة بتجيب كل الأخبار حتى الوفيات !!!
    وكمان أزيدكم من الشعر بيت هناك قرى وحلال ( جمع حلة بكسر الحاء وليس فتحها) تخصصت في نقل الأخبار
    لدرجة أن البعض ألف لها أغنيات لقت رواجا وإنتشار تحسدها عليه أغنية أم كلثوم ثورة الشك حيث تقول : يقول الناس إنك خنت عهدي ولم تحفظ هواي ولم تصني حينما تسمع أغنية فوق الحلة ديك أنا ما بجي الشمار كتير تاني ما بجي ياريت يا جماعة نعرف الحلة دي عشان نزودها بوسائل بث مباشر وكم صحفي وصحفية لنقل الأخبار إلى بقية الحلال المجاورة اللي ما ليها في الطور ولا الطحين .
    في سنتر الخرطوم الشمار بالكوم !!! هذه الأغنية دفعت مروجي الشمارات والخبارات إلى الجلوس ليلا
    ونهارا في سنتر الخرطوم عل أن يظفر أحدهم أو إحداهن بخبر ما حصلش فيتميز بالإنفراد به وطبعا
    الإنفراد بالخبر مسألة مهمة جدا في عالم الصحافة لأنها بتخلي باقي الصحف الأخرى اللي ما عرفت تجيب
    الخبر تدخل في هدومها ومن ثم تقوم بتوجيه لفت نظر وتوبيخ للصحفي الذي يعمل مع المنفرد بالخبر
    في نفس المصدر. يا جماعة والله أغنية في سنتر الخرطوم دي خلت وسط البلد زحمة بصورة ما عادية وبمناسبة وسط البلد دي قيل أن طالبة سودانية من ذوات الحجم العائلي كانت تدرس بالقاهرة وفي أثناء
    ما هي ماشة عاكسها واحد مصري وقال ليها وسطك ولا وسط البلد ؟؟ طبعا دى شمار بايت و لا مش كدة؟
    عندنا واحدة في بنايتنا من شدة ما شمشارة سموها السي أن أن وبعدين كمان طبيعة عملها( تعامل مباشر
    مع النسوان ) أسهمت في نقل وترويج الأخبار الزولة دي عندها صاحبات أزواجهن بشتغلو معاي فكل ما يلاقوني يقولو لي والله قالو أمبارح عندكم حفلة كاربة في بيتكم ما عزمتونا ليه ؟؟ سمعنا إنك كنت
    في سويسرا ما قلت لينا يا خاينة كان قلنا ليك جيبي لينا معاك جبنة سوسيرية!!( رأفت ميلاد ما سمع بالشمار دة ) ! برضه في واحدة عبارة عن سيارة متنقلة لنشر الأخيار سموها الوسيط وطبعا الوسيط دي مجلة إعلانية واسعة الإنتشار في الأمارات بتوزع 200 ألف نسخة مجانية يوم الجمعة يعني تصحى من النوم يوم الجمعة تفتح الباب تلقى الوسيط قدامك وكمان عندها مكاتب في كل العواصم العربية حتى الخرطوم فتخيلو واحدة إسمها الوسيط بتكون كيف ؟؟
    زمان كانت الأخبار تنقل بطرق بدائية ثم جاءت التلفونات , ثم الموبايلات فالأنترنت والماسنجر وفي ناس
    عملو ويب سايت سموه شمارات دوت كوم عاد افتح الويب سايت وعينك ما تشوف إلا النور ( فلانة ما طلقوها
    قالو راجلها شافها من البلكونة الساعةاتناشر بالليل نازلة من عربية قام طوالي الصباح قطع ليها
    تذكرتها ولحقها أمات طه ) وكان شفتو فلانة الفي راس الخيمة ديك الكان مفروض يتم عرسها شهر عشرة
    قالو أم العروس ما عجبتها الشيلة ولا المهر قامت كرشت ليك أم العريس والنسوان المعاها ) ها يا يمة
    راجل فلانة قالو فنشوه من الشغل وهي من اليوم داك عزاية نعاية قالت لا عندهم بيت في السودان ولا رصيد
    في البنك وحقوق نهاية الخدمة حتمشي للسلفية وندمت وسفت التراب عشان عرست مغترب و عشان الزول الخطبها في الأول ورفضتو عشان المغترب دة بقى وزير وبدل البيت عندو تلاتة ) إنتي في دة ولا بت فلانة اللقاها أخوها في الديسكو قالو يامة دقاها دقة السواد والرماد وخلى المايشتري يتفرج قدام خلق الله ) يا جماعة الخير ما تخلو الخلق لي خالقها! والله أنا عاشرت كل الجنسيات ما سمعتهم يوم جابو سيرة زول ! فليه نحنا كدة ؟ وبنستفيد شنو من أخبار غيرنا؟ أسئلة ما لاقية ليها إجابة . وفتكم بعافية!!
                  

04-06-2007, 09:42 AM

Mustafa Mahmoud
<aMustafa Mahmoud
تاريخ التسجيل: 05-16-2006
مجموع المشاركات: 38072

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)
                  

04-06-2007, 09:49 AM

Mustafa Mahmoud
<aMustafa Mahmoud
تاريخ التسجيل: 05-16-2006
مجموع المشاركات: 38072

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Mustafa Mahmoud)

    hello awatif
    long time no news
    i hope you and family are well

    i hope you like the song
    Khartoum centre
    like al mahtta al woosta
    in the good old days

    mustafa
                  

04-06-2007, 10:04 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Mustafa Mahmoud)

    عزيزي د. مصطفى !!!

    تحياتي ,,,

    شكرا على سؤالك عني ,, أنا بخير بس كنت مشغولة شوية بحبة مؤتمرات ,, وشمارات !!!
    ياحليل المحطة الوسطى وأيامها كانت ايام كلو سنة وإنت طيب لا وسطى ولا إبتدائي فقدإختلط الحابل
    بالنابل وأصبح عندنا سنتر الخرطوم ,,, مودتي ..
                  

04-06-2007, 10:05 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Mustafa Mahmoud)

    د. مصطفى !!!

    أغنية سنتر الخرطوم من أجمل الأغاني لم تتضمنه من نقد ذاتي ,,, شكرا للإضافة !
                  

04-06-2007, 09:47 AM

هاشم أحمد خلف الله
<aهاشم أحمد خلف الله
تاريخ التسجيل: 01-16-2007
مجموع المشاركات: 6449

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    Quote: وفتكم بعافية!!


    تعالي هنا ماشة وين عليك الله في زولة شمشارة أكتر من يا عطوفة , اصبري علي وجايك بالمهلة .
                  

04-06-2007, 10:08 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: هاشم أحمد خلف الله)

    هشومي!!!

    جمعة سعيدة !!

    إنت كان ما شمشار ألقاك أول زول من المملكة في بوست الشمار ؟؟ تعال بسراع ولمن تجي ما تنسى تجيب
    ليك شوية شمار معاك ,,,
                  

04-06-2007, 10:12 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    الإخوة والأخوات المتداخلين !!!

    معزتي ,,,

    أدخلو وأمرقو براحتكم حأجيكم باكر ومعاي شمار بالقفة وسوف أرد على كل الشمشرة والشمارات البايتة
    والفريش !!
                  

04-06-2007, 10:42 AM

Mamoun Ahmed
<aMamoun Ahmed
تاريخ التسجيل: 11-29-2004
مجموع المشاركات: 922

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    اها يا عواطف
    جدة فيها اكبر مجتمع سوداني مغترب
    والشمارات هنا علم عديل كده
    وعرفت انو الشنارات انواع وتخصصات

    فهناك الشمار بس وده نوع بدائي
    كلام وبس ويسمونه شمار مقبلات(فاتح شهيه)
    وعليك (انت صاحب الشمار)
    ان ترميه كبذره
    بعدين ردود الفعل وجس النبض
    ثم الخطوات الشمارية التالية المبنيه عليه

    ثم هناك الشمار المدقوق
    وده مظبط بادعاءات وقرائن وشواهد
    وهو نوع خطر عديل

    اما الشمار البايت
    يعني شمار قديم واستهلك
    ويدل على تخلف صاحبه
    عن ال
    (updating)

    وهناك شمار الباتريوت
    وهو شمار يطلق ضد شمارات مهاجمة

    و(الشمار الحار)
    ده بكون ضارب وحساس
    وسريع وجديد لنج ومدهش


    اما ناس
    شمار حارقني
    ديل القعده بتغلبهم
    الا يطلعوه

    غايتو جنس شمارات
    حماكم الله
                  

04-07-2007, 01:22 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Mamoun Ahmed)

    مامون ود أحمد !!!

    معزتي ,,, وجزيل شكري لتزويدي بهذه المعلومات الشمارية وشكلها كدة جاية من سوق الحريم بتاع جدة طازجة ومغربلة ,,, عموما مرورك الجميل أسعدني كثيرا ولتكن معنا ,, وربنا يسعدك .
                  

04-06-2007, 01:15 PM

محمد مختار جعفر
<aمحمد مختار جعفر
تاريخ التسجيل: 11-15-2005
مجموع المشاركات: 4927

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: هاشم أحمد خلف الله)

    غايتو نصيحة للقراء والزملاء المتداخلين كافة
    إياكم وفتح بوست ( عواطف جمعه) وليست عواطف إدريس
    لأنو لو بديت فى قراءته بتفقد ثلاثة أشياء غاليات ..

    1_ القطر بفوتك وصلاة الجمعة عليها العوض ...

    2ـ تبدأ تميل شوية شوية للشمشرة غير المؤذية ( خالى ذنب ) مع أسلوب
    رصين فى معالجة قضايا الساعة ..

    3ـ ظهور أعراض الغيرة من بعض الزوجات على إدمان أزواجهن على ( بوستات عواطف جمعه )
    يوم الجمعة ..
    وللحديث بقية .. ملحوظة: أنا الحمد لله الجمعه ما فاتتنى
    يا عواطف جمعه .....
    تحيـــــة مربعـــــــة
    ... محمد مختا جعفر

    (عدل بواسطة محمد مختار جعفر on 04-06-2007, 01:45 PM)

                  

04-07-2007, 01:26 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: محمد مختار جعفر)

    حمادة!!!

    الله !!! أيه الكلام دة يا راجل ما كنا كويسين ,, صحيح إنه الجمعة ما فتتك لكن صاحبك دلق الشاي على

    روحو ,,, كلو جمعة وإنتو طيبين وسالمين وكلو جمعة وشماركم خالي من الذنوب ,, وتسلمو !
                  

04-06-2007, 10:40 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    عواطف سلام .. قبل كام شهر كتبت الي صديقة تستشيرني في امر قناة فضائية عربية اجنبية تريد ان تنتج فيلما تسجليا في السودان بحيث يكون تلقائيا فيه shammar هكذا كتبنه هي وكذلك مخرجة الفيلم في اسفل الرسالة ...استغربت فانا لا علم لي بشمار غير الذي للطبخ والفول ... اتصلت بها لاعرف فضحكت وخبرتني ماهو الشمار وهي لا تصدق انها المرة الاولي ان اتعرف عليه اي الشمار في موضع خارج المطبخ ( شنو ما بربري جاهل ) ومنها وان اتابع الشمار... اها نشم الشمار ونجي راجع ...
                  

04-06-2007, 02:00 PM

غادة عبدالعزيز خالد
<aغادة عبدالعزيز خالد
تاريخ التسجيل: 10-26-2004
مجموع المشاركات: 4806

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: abubakr)

    Quote: حدثني د. عبدالقادر محمد عبدالقادر مدير مركز رقابة الأغذية ببلدية أبوظبي سابقا ورئيس هيئة المواصفات والمقاييس حاليافي السودان أن امرأتين من قرية طابت تعاركتا عراكا شديد فذهبتا إلى
    شيخ القبيلة ليحكم بينهما فسأل عن أسباب المعركة فقالت المتظلمة أن خصيمتها شتمتها وقالت لها
    أمشي يا نشرة ستة فاستغرب الشيخ وسأل المدعى عليها عن سبب تسميتها بنشرة ستة بالذات وليس سبعة
    مثلا !! فردت عليه بكل حماس عشان نشرة ستة بتجيب كل الأخبار حتى الوفيات !!!


    موضوع عثل بث و الله يا عطوفة



    كل الحب

    غادة
                  

04-07-2007, 01:34 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: غادة عبدالعزيز خالد)

    غادة الحبيبة !!!

    نورت المنبر فازدهرت البوستات وأشرقت المداخلات فلا تغيبي أيتها الشمس ,,, شكرا على عبورك الأنيق
    وإنت العسل ذاتك .
                  

04-07-2007, 01:31 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: abubakr)

    أبوبكر سيد أحمد !!!

    معزتي أيها الأخ الحبيب ولا أستغرب ما قلته فأنت إنسان يعيش في عالمه الخاص ,, عالم سنجتهد كثيرا
    لنتمكن من الدخول فيه ,,, أبوبكر العزيز لك عالمك الخاص ودنياك الخاصة وللناس عوالم ودنياوات
    أخر ,, شكر أيها النقي نقاء النبع الصافي على مرورك الجميل .
                  

04-06-2007, 03:21 PM

ماجدة عوض خوجلى
<aماجدة عوض خوجلى
تاريخ التسجيل: 12-25-2006
مجموع المشاركات: 7279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    عطوف مشتاقين

    اها انا عندى شمار لكن مابديه ليكي هنا لانى شايفه الشمشارين اتلممو كيف
    باتصل بيك وبقولو ليكي بس كده (كية) فى ناس الشمارات
                  

04-06-2007, 06:47 PM

Izzeldin B. Eltayeb
<aIzzeldin B. Eltayeb
تاريخ التسجيل: 03-13-2005
مجموع المشاركات: 40

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: ماجدة عوض خوجلى)

    Quote: حدثني د. عبدالقادر محمد عبدالقادر مدير مركز رقابة الأغذية ببلدية أبوظبي سابقا ورئيس هيئة المواصفات والمقاييس حاليافي السودان أن امرأتين من قرية طابت تعاركتا عراكا شديد فذهبتا إلى
    شيخ القبيلة ليحكم بينهما فسأل عن أسباب المعركة فقالت المتظلمة أن خصيمتها شتمتها وقالت لها
    أمشي يا نشرة ستة فاستغرب الشيخ وسأل المدعى عليها عن سبب تسميتها بنشرة ستة بالذات وليس سبعة
    مثلا !! فردت عليه بكل حماس عشان نشرة ستة بتجيب كل الأخبار حتى الوفيات !!!


    Quote: , 02:00 م

    غادة عبدالعزيز خالد

    تاريخ التسجيل: 26-10-2004
    مجموع المشاركات: 2318

    Re: في سنتر الخرطوم الشمار بالكوم !!!!! (Re: abubakr)


    Quote: حدثني د. عبدالقادر محمد عبدالقادر مدير مركز رقابة الأغذية ببلدية أبوظبي سابقا ورئيس هيئة المواصفات والمقاييس حاليافي السودان أن امرأتين من قرية طابت تعاركتا عراكا شديد فذهبتا إلى
    شيخ القبيلة ليحكم بينهما فسأل عن أسباب المعركة فقالت المتظلمة أن خصيمتها شتمتها وقالت لها
    أمشي يا نشرة ستة فاستغرب الشيخ وسأل المدعى عليها عن سبب تسميتها بنشرة ستة بالذات وليس سبعة
    مثلا !! فردت عليه بكل حماس عشان نشرة ستة بتجيب كل الأخبار حتى الوفيات !!!



    موضوع عثل بث و الله يا عطوفة



    كل الحب

    غادة


    هذه صورة لأزمة المنبر حيث أصبح يكتب فيه كل من هبّ ودبّ
    من مدعي الثقافة و "الظرافة"، يكتبون بغير علم ولا سعة أفق، الغرض فقط جذب مشاركين ضاحكين لا يقرأون ما كتب بتمعن
    منذ متى صار د. عبدالقادر محمد عبدالقادر طرفاً في جلسات النساء الثرثارات
    ومنذ متى صارت نساء "قرية !!؟؟" طابت مثلاً للنساء "الشمشارات" واللاتي يتعاركن عراكاً يتدخل فيه "شيخ القبيلة ؟؟؟؟"
    هل تعرفن الفرق بين شيخ الطريقة وشيخ القبيلة ؟؟ حيث يعرف الناس عن طابت أنها مركز للطريقة السمانية، ولا يعرف عنها أنها مركز لقبيلة معينة ولها شيخ قبيلة
    ولماذا تتعبن في معرفة الفرق ؟
    أهي كتابة والسلام

                  

04-06-2007, 06:58 PM

غادة عبدالعزيز خالد
<aغادة عبدالعزيز خالد
تاريخ التسجيل: 10-26-2004
مجموع المشاركات: 4806

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Izzeldin B. Eltayeb)

    Quote: هذه صورة لأزمة المنبر حيث أصبح يكتب فيه كل من هبّ ودبّ
    من مدعي الثقافة و "الظرافة"، يكتبون بغير علم ولا سعة أفق، الغرض فقط جذب مشاركين ضاحكين لا يقرأون ما كتب بتمعن
    منذ متى صار د. عبدالقادر محمد عبدالقادر طرفاً في جلسات النساء الثرثارات


    الأخ الكريم
    عز الدين
    لا أدرى متى صار الدكتور عبدالقادر طرفا فى جلسات النساء أو غيرها
    فانا لا أعرفة, و لا أظننه يعرفنى
    و ما دامت قالت الأخت عواطف انه قص لها هذة القصة, فانا اصدقها
    و لا أدرى لماذا, إن لم يكن صحيحا, تكتب فى الموضوع اسمة و عمله كاملا..

    Quote: ومنذ متى صارت نساء "قرية !!؟؟" طابت مثلاً للنساء "الشمشارات" واللاتي يتعاركن عراكاً يتدخل فيه "شيخ القبيلة ؟؟؟؟"


    لا أهتم إذا كانت النساء المتعاركات من قرية طابت او من الكلاكله او من الخرطوم.. او حلفاية الملوك حتى..
    مشكلة و عراك بين نساء او رجال يحدث فى اىة وقت و فى اية مكان..

    Quote: هل تعرفن الفرق بين شيخ الطريقة وشيخ القبيلة ؟؟ حيث يعرف الناس عن طابت أنها مركز للطريقة السمانية، ولا يعرف عنها أنها مركز لقبيلة معينة ولها شيخ قبيلة
    ولماذا تتعبن في معرفة الفرق ؟
    أهي كتابة والسلام


    و بعض من اشياء لا تستحق التعليق

    غادة
                  

04-06-2007, 07:21 PM

ADIL FAIT
<aADIL FAIT
تاريخ التسجيل: 07-27-2005
مجموع المشاركات: 1134

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: غادة عبدالعزيز خالد)

    Quote: و بعض من اشياء لا تستحق التعليق

    عفواً .. يا بت يا غادة
    الزمل بتكلم عن مستوي الموضوعات المنحطة والـ ما بتحل ولا تربط الـ بتطرح في هذا الممنبر العزيز جداً لينا والمتنفس الحيقي برضو لينا..

    هبشة: ودا برضوا كلام إتقال يا جماعة

    كل الود،،،

    عادل فايت
                  

04-08-2007, 06:28 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: ADIL FAIT)

    الأخت العزيزة سعاد ( الولايات المتحدة ) أشكرك على شعورك الجميل كما أقدر إتصالك الذي أسعدني

    كثيرا ,, قلتي موضوع الشمار بالكوم قطع مصارينك من الضحك ,,, سلامة مصارينك يا ست البنات الحكاية

    مش مستاهلة ,,,

    العزيزة الهنوف ( دبي جبل علي ) أشكرك يا حبيبتي على إتصالك وتواصلك وإطرائك على مواضيعي وهذا

    يدل على سعة أفقك ومتابعتك لما يكتب في سودانيز أون لاين .. أنا في الأول كنت فاكراك خليجية ولمن

    عرفت إنك مولودة في السعودية لم أستغرب الإسم ,, معزتي .
                  

04-07-2007, 01:39 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: غادة عبدالعزيز خالد)

    غادة الحبيبة !!!

    أشكرك على ثقتك في وهذا يكفي !!!

    تسلمي يا بعد عمري من كل بلا .
                  

04-06-2007, 07:20 PM

عبود احمد النصيح

تاريخ التسجيل: 02-01-2005
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Izzeldin B. Eltayeb)

    Author: Izzeldin B. Eltayeb


    هذه صورة لأزمة المنبر حيث أصبح يكتب فيه كل من هبّ ودبّ
    من مدعي الثقافة و "الظرافة"، يكتبون بغير علم ولا سعة أفق، الغرض فقط جذب مشاركين ضاحكين لا يقرأون ما كتب بتمعن
    منذ متى صار د. عبدالقادر محمد عبدالقادر طرفاً في جلسات النساء الثرثارات
    ومنذ متى صارت نساء "قرية !!؟؟" طابت مثلاً للنساء "الشمشارات" واللاتي يتعاركن عراكاً يتدخل فيه "شيخ القبيلة ؟؟؟؟"
    هل تعرفن الفرق بين شيخ الطريقة وشيخ القبيلة ؟؟ حيث يعرف الناس عن طابت أنها مركز للطريقة السمانية، ولا يعرف عنها أنها مركز لقبيلة معينة ولها شيخ قبيلة
    ولماذا تتعبن في معرفة الفرق ؟
    أهي كتابة والسلام





    يارجل مالك أختا الموضوع بالفهم داك كما عودتنا استاذة عواطف بتاخد مثل ولو من الخيال او الواقع لظاهرة إجتماعية معينة وبتم معالجتة باسلوب كتابي جميل نحسدها عليه وموضوع الشمار ظاهرة منتشرة عندنا اكتر من غيرنا وهي ظاهرة ما جيدة يجب التوقف عندها وبعدين بتخرب بيوت وما عتقد اذا عرضت اي نموزج هنا لتقريب الفهم او الحبكة خلاص يعني الضرببو المثل وقع الحقيقة كل القري والمدن السودانية بتحب الشمار بما فيهم طابت
    وشكرا لك عواطف
                  

04-06-2007, 08:13 PM

نهال الطيب
<aنهال الطيب
تاريخ التسجيل: 03-14-2007
مجموع المشاركات: 1606

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عبود احمد النصيح)

    ست عواطف مشتاقين والله

    والله العظيم نحنا هنا عندنا مجتمع شمارات فريد من نوعه وعلى قول عمارأخوي الحرفنة في صنع الشمار وليس في تدواله وماك علينا عندنا قعدات القات للسودانين اها دي مع القات بكون فيها كمية شمارات إفتخارية تكون قاعد في صمة خشمك ينجروا فيك شمار وأريته كان بالجد ديل الشباب وكان للنسوان والبنات بس خليها ساكت إبداع منقطع النظير والأخبار في صنعاء بتنتقل بسرعة البرق داخلها وما بعيد تصل المحافظات لأنو في ناس بمراسلينهم كمان

    وللامانة الإجتماعية أنا بالزمانات كنت شمشارة لكن الواحد عجز وزهج من الشعب العربي ده فبقيت أضان من طين والتانية من عجين لكن بعد ده الشمارات تجيك من حيث لا تدري الواحد يكون قاعد في آمان الله يجيه شمار طاير

    وللأمانة الأخلاقية أمة الأمجاد ما أكتر أمة شمشارة والله أبو يمن ديل ما في زول بحصلهم إذا راكبة جنبهم في المواصلات لازم يسألوك الأسئلة المعتادة ماشة وين وكم معاك أطفال بالرغم انها ما بتكون سألتك أنك متزوجة ولا لا وشغالة و وبدوك كم لو المشوار طول بسألوك من بتنومي الساعة كم
                  

04-07-2007, 11:16 AM

محمد فرح
<aمحمد فرح
تاريخ التسجيل: 09-14-2006
مجموع المشاركات: 9222

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: نهال الطيب)

    Quote: ومنذ متى صارت نساء "قرية !!؟؟" طابت مثلاً للنساء "الشمشارات" واللاتي يتعاركن عراكاً يتدخل فيه "شيخ القبيلة ؟؟؟؟"
    هل تعرفن الفرق بين شيخ الطريقة وشيخ القبيلة ؟؟


    الأخ الحبيب عزالدين
    تحيه طيبه
    الأخت عواطف تطرح في موضوعاتها مشاكل إجتماعيه هامه جداً وطافيه على السطح بقوه .. ومن خلال تناولها لهذه المعضلات الإجتماعيه تحاول جاهدةً أن تخرجها بشكل بسيط وجميل وجذاب وبطريقه سهله تساعد في حل هذه المشكله ... وهذا الأسلوب من أبلغ وأفضل الأساليب لحل مشكلاتنا ..

    أما عن ذكرها لأماكن وأسماء في هذا البوست فهذا بالتأكيد ليس للتقليل من شأن هذه الأماكن أو هذه الشخصيات ولكن فقط لتقريب الصوره فالسودان مجتمع متشابه جداً ومتطابق وكله عباره عن نسخ كربونيه متماثله فمثلاً حي الكلاكله وحي ودنوباوي رغم الفرق الشاسع بينهما فهي أحياء متماثله بها الشمشار والفنان وبتاع الكوره (نفس الشخصيات ونفس الفهم ولكن تختلف الأسماء وحتى الأشكال متشابهه) إذاً هذه المشكله (الشمار) متواجده وفي كل انحاء السودان وكل أحياءه ... وثق أن الأخت عواطف لم تقصد شيئاً مما1كرته أما عن قلمها فهو وبشهادة كل أعضاء وقراء أون لاين قلم مميز جداً وجميل وصاحب رساله هذا فضلاً عن روحها الجميله جداً والمشرقه وهذا بشهادة الجميع ...

    هذا فقط مالزم توضيحه وبيانه وأعلم أن مساحات الحب متوفره لك وربما تزيد إذا تجملت وسجلت إعتذار صغير للأخت عواطف ..
                  

04-07-2007, 11:40 AM

محمد مختار جعفر
<aمحمد مختار جعفر
تاريخ التسجيل: 11-15-2005
مجموع المشاركات: 4927

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: محمد فرح)

    أما عن قلمها فهو وبشهادة كل أعضاء وقراء أون لاين قلم مميز جداً وجميل وصاحب رساله هذا فضلاً عن روحها الجميله جداً والمشرقه وهذا بشهادة الجميع ... محمد فرح
    ـــــــــــــــــــــــــــــ
    .... لاإضافة من عندنا بعد الكلام أعلاه كل الذى نرجوه لها التوفيق والسداد
    محمد مختار جعفر ...
                  

04-07-2007, 02:01 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: محمد مختار جعفر)

    حمادة !!!

    ما بلاش السكر الزيادة ,, شكرا على مرورك الزاهي مع تحياتي للأبناء ,,
                  

04-07-2007, 01:57 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: محمد فرح)

    حمووووودي !!!

    ربنا يسعدك ,,,

    عاجزة عن التعبير ,, أحيانا يكون العجز نوع من أنواع البلاغة في التعبير ,,, لست أدري ماذا أقول

    سوى يكملك بعقلك لأن عقلك يوزن بلد ,,, شكرا فرح فأنا فرحة بمرورك الجميل .
                  

04-07-2007, 01:52 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: نهال الطيب)

    نهولة !!!

    معزتي ,,,

    والله صدقتي في شمشرة أبويمن أنا كنت راكبة الطيارة من أبوظبي لي صنعاء وراكب جنبي يمني سألني

    جنس اسئلة ما أنزل الله بها من سلطان كلها جاوبت عليها أتقول قاعدة في إمتحان لكن الوجعني ولدي

    صغير عمرو 7 شهور بس صحته كويسة قام قال لي الولد دة عمرو كم سنة ؟؟ طبعا عشان هم صغار وضعاف

    برضه أختي وزوجها طبيب في حجة وفي يمنية ركبت معاهم الطيارة لمن نزلو تزح و تزح لامن جات جنبها

    قالت ليها إنت سودانية قالت ليها أيوة قالت ليها الأبيض دة زوجك قالت ليها أيوة قالت ليها طيب

    كيفن المصري بيعرس سودانية سودا قامت أختي إتغاظت منها قالت ليها غصبا عنك شيافني سودا وعرسني

    وبعدين دة ما مصري دة سوداني كان ما عجبك إنت قايلة المصريين هم بس البيض ؟؟ شفتي الشمشرة

    دي كيف ؟؟
                  

04-07-2007, 01:44 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عبود احمد النصيح)

    عبوووووووووودي !!!

    تسلم يا سيد الذوق والفهم ,, أنا أعرف ما أكتب وما أقول ولا تعليق !!!

    أشكرك على كلامك الرصين وكما تعلم فالصحافة رسالة ومن يؤدي رسالة لن ينحني للعاصفة ومن لا يعجبه

    ما أكتب ليس هناك ما يجبره على القراءة أوالدخول ,,
                  

04-08-2007, 09:32 AM

Kamal Abdu

تاريخ التسجيل: 02-22-2007
مجموع المشاركات: 270

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Izzeldin B. Eltayeb)

    يا عزنا

    هسه الجاب سيرة أسيادنا السمانية شنو؟؟

    و بعدين عاوز تعملها أزمة مالك؟؟؟ لو الموضوع ما عجبك أقلب لواحد تاني طوالي

    و لولا اختلاف الآراء لبارت المواضيع...و المنبر مفتوح للكل و ما شرط يكون الموضوع هادف و ذو بعد

    أفقي و رأسي و بالجنبات كمان ....والا كنا حلينا مشاكل السودان كلها في خبطة واحدة

    مواضيع عواطف لو عاينت للصورة الأكبر هي بتمس مجتمعنا بصورة مباشرة و الأغلبية موافقة على أغلب

    الاطروحات.

    وسع صدرك يا مولانا و ما تبقى زي ناس هناي و هناية الما بيعروا يكتبوا الا يشاكلوا

    و دمت

    كمال
                  

04-07-2007, 01:37 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: ماجدة عوض خوجلى)

    شمشورة !!!

    خالص حبي وودي !!

    ياداب عرفت أغنية قالو أمو شمشارة بريدة وأريد شمارة قطعوها لمنو ؟؟ تحياتي لإبنك العزيز وكل
    شمار وإنت طيبة .
                  

04-07-2007, 11:51 AM

Haitham El Galal

تاريخ التسجيل: 07-18-2005
مجموع المشاركات: 227

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    للاخت الاستاذه عواطف اسلوبها المميز فى تناول شتئ المواضيع الاجتماعيه و لها قرائها المنتظمين و عموما حريه النشر و الكتابه حق انسانى مكفول للجميع و لهم الحق فى مطالعة ما يريدون و النقد البناء ظاهره صحيه على ان لا تتجاوز السلوك الحضارى و الاداب العامه

    التحيه للاستاذه عواطف و لقرائها الكرام

                  

04-07-2007, 02:02 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Haitham El Galal)

    هيثومي!!!

    ليك وحشة !!!

    شكرا يا بعد عمري ,,, في الليلة الظلماء يفتقد البدر ,,,
                  

04-07-2007, 12:26 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    Quote: هذه صورة لأزمة المنبر حيث أصبح يكتب فيه كل من هبّ ودبّ


    يا عزيزي ...الاستاذة عواطف صحفية متميزة وكاتبة مقتدرة في ارقي واهم المجلات النسائية في الشرق الاوسط وافريقيا المتحدثة بالعربية وام وليست "من هب ودب"...رغم مشغولياتها الكثيرة فانها تستجيب لطلبات الكثيرين دون تذمر للكتابة باسلوبها الشيق وبمعرفة وخبرة عن امور تمس حيات الكثيرين منا .. هي تاكيد ليست تحتاج الي دفاع مني او من غيري ولكن لقد جانبك الصواب ياعزيزي وانت تكتب ما كتبت .. الاشارة الي اماكن في الوطن بامثلة كما ذكرت عواطف امر لا غبار عليه فهي تاخذ من واقعنا والسودان ملك لنا جميعاوكل اهل السودان اهلنا وليست نساء طابت او غير طابت استثناء ...ارجو ان تكون في مخاطبتنا للبعض موضوعية واحترام وبعض من حب يذهب جفاء ما تعاني فيه بلادنا منه ...
    اقدر لعواطف اهتمامها بامور حياتية تشيير اليها باسلوب مميز جذاب وانا متاكد من ان تواصل هي كتاباتها ..
    واكيد فالابن او الاخ قد كتب ما كتب من فرط غيرة جهوية حبا في قريته طغت علي موضوعية وليس استعداء وامل في تشمل غيرته الاستاذة عواطف فيعتذر لها وبذا تشمل غيرته خارج قريته وتسع كل السودان...

    ولكم مودتي
    ابوبكر
                  

04-07-2007, 02:12 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: abubakr)

    أبوبكر سيد أحمد !!!

    مودتي ,,,

    أنت تعرف أن الصحافة مهنة المتاعب ,, والصحفي معرض لكل شيء إبتداء من أغتيال الكلمة وانتهاء

    باغتياله شخصيا وقد ظهر هذا جليا في السنوات الأخيرة ,, مئات الصحفيين زهقت أرواحهم كما زج

    بالبعض الآخر في السجون ,, ولكن القافلة ستسير لأنها مهنة إختيارية وليست إجبارية ومن إختار

    حتما يستحمل نتيجة إختياره ,, شكرك لغضبتك المضرية ولكن هون عليك فدكتور عبدالقادر وأسرته

    أصدقاء أعزاء والعلاقة عشرة عمر ليست خمس أو عشر سنوات ,, ثانيا أنا لا أهتم بسفاسف الأمور

    فما لم يكن فيني فلن يكون ولو اجتعت السماء والأرض ,, عموما أشكرك على كل كلمة جميلة قلتها

    في حقي مع أني أشعر أنك أعطيتني أكثر من ما أستحق ولكن ماذا أفعل فأنت حاتمي المشاعر ,, ولا

    تخشى في الحق لومة لائم . شكرا يا أخو البنات .
                  

04-07-2007, 01:44 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    عواطف الشمشارة
    وجميع الشمشارنجية (التصريف ده صاح؟)

    إنتظرت واحد منكم سواء كان خبير شمشرة أو مدّعي خبرة يورينا أصل كلمة شمار .. وليه نقل الأخبار (الفارغة بالذات) بقى إسمه شمار؟ مع العلم بأنها أصبحت تعبر أحسن من غيرها .. وممكن التوصية عليها لإدخالها قاموسنا رسمياً

    عموماً الحمد لله ما سموهو (شطة) كان العطيس والدموع ما أدونا الدرب

    رايعة كالعادة يا عواطف
                  

04-07-2007, 02:17 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: محمد أبوالعزائم أبوالريش)

    ودأبو الريش !!!

    مرورك يسعد الخاطر ويشرح القلب والله قبل ما أكتب البوست لجأت إلى عدة مراجع لأعرف أسباب التسمية

    وقد رجحت السبب الذي يقول أن الشمار هو أكثر البهارات قوة في التأثير على جميع الحواس لما له

    من رائحة نفاذة والله أعلم ,,, شكلك كدة عايز نعمل ماجستير في الشمار ,, عقبال الدكتوراة يعني

    لو أشرت بس تلقى مية سوبرفايزر !!
                  

04-07-2007, 01:51 PM

الصادق صديق سلمان
<aالصادق صديق سلمان
تاريخ التسجيل: 07-11-2006
مجموع المشاركات: 4010

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    الأستاذة عواطف

    لي عودة إنشاء الله غداً عشان نوزع معاك الشمار دا.

    أبوفتحية
                  

04-07-2007, 02:18 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: الصادق صديق سلمان)

    ابو فتحية !!!

    إنشاء الله ما تضوق الأذية ,,,

    في إنتظار شمارك لأنه حيكون غير شكل ,,,
                  

04-07-2007, 02:20 PM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 24695

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    أختنا الشاطرة عواطف

    ليك ألف تحية
                  

04-07-2007, 02:31 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: حيدر حسن ميرغني)

    حيدر !!!

    ولك مليون مثلها .
                  

04-07-2007, 02:26 PM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    Quote: الحرفنة في صنع الشمار وليس في تدواله


    كيفك يا عطوفة؟ مشتاقين و الله..

    أتفق مع الأخت نهال..في إننا بارعين في صُنع الشمار و ليس في تداوله فقط..

    *
    تلقى مثلاً واحد سايق عربية جميلة و ينزل منها يشتري رغيف لأولاده..
    ناس الشمار يستلموا الموضوع..
    الأول: عليك الله بعد العربية دي..يشتري رغيف ب 2 ألف بس؟
    التاني: و هي العربية ركبها متين؟ دا قالوا ليك كان أباضو و النجمة..لكن هبر ليهو هبرتين..رفعنو السما...
    (( مع العلم إنه أول مرة يجي الفرن دا..و دي عربية أخوهو المغترب ليهو تاشر سنة! ))
    بعد يومين لمن المسكين يجي الفرن تاني..
    ناس الشمار بصوت واحد : الحرامي جه !!!
    ---------------------------------------------------

    *
    تلقي مثلاً واحدة رايقة و لا بيها و لا عليها...قاعدة تتكلم في موضوع جاد مع واحدة تانية..
    ناش الشمار يستلموا الموضوع..
    الأولى: ما تشوفي هناية دي و سماحة لبسها دا...حسي يكون الراجل منجضها نجاض السواد...(( مع العلم إنهم أول مرة يقابلوها ))..
    ترد التانية: صدقي يا إنتي كلامك صح!!! شوفيها صارة وشها كيفن..ما من العليهايا إنتي ..كُرررر عليها و على وليداتها !!
    و لمن تتاح الفرصة و يتلاقوا تاني..
    تقول الشمشارة الأولى للتانية..: هيييي يا إنتي..دي ما هناية الراجلها منجضها!!!
    ترد التانية: حلفوا يا إنتي و قالوا ليك..الراجل يصبحها ب كف..و يمسيها بإم دلدوم!!!

    عاد دي حالة دي يا عطوفة!!!
                  

04-07-2007, 02:37 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: mamkouna)

    ممكونة الحنونة !!!

    عاد الشمار ما عندك ,,,

    ضحكتيني لمن وقعت على قفاي !!! تصدقي كنا في بيت عرس وبعدين اتنين قاعدات يتكلمو في واحد معاه

    أخت زوجتو قامت الأولى قالت للتانية شوفي راجل فلانة المابخجل دة هسه دي ما قدر بناته وكمان جايبة

    الحفلة بكل قوة عين قامت التانية قالت ليها الحفلة بس دة قالو قاشر بيها في كل مكان وأهلها

    عارفين ومطنشين مع إنه يا ممكونة البت جات من السودان إجازة لولادة أختها وقالت عايزة تشوف الأعراس

    هنا كيف !!!! أيه رايك في شمارنا ؟؟؟
                  

04-07-2007, 02:49 PM

amira abdelrahman

تاريخ التسجيل: 11-28-2004
مجموع المشاركات: 113

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    أسلوب كتابة ...عسل.
                  

04-07-2007, 07:45 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: amira abdelrahman)

    دي صواطة راقية جدا
    أستمتعت بالقوالة العظيمة
    قصدي المقالة العظيمة!!!
                  

04-08-2007, 06:41 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: حبيب نورة)

    حبيب نورة !!!

    وينك يا زلمي ؟؟

    زمان ما شفناك ,, وحشتنا قعدتك المميزة ,,

    شكرا على المتعة الجميلة ,, ولسة في سواطات وقوالات كمان !!!

    معزتي .
                  

04-08-2007, 06:46 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: amira abdelrahman)

    الأميرة بنت عبدالرحمن !!!

    شرفت ونورت ,,,

    أنت العسل والله !!!
                  

04-07-2007, 07:58 PM

ismeil abbas
<aismeil abbas
تاريخ التسجيل: 02-17-2007
مجموع المشاركات: 10789

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    ألأحت/عواطف


    يا سلام على الطلة البهية .........وحشتينا .وليكى مدة مابنتى وفى إشتياق لى مثل بوستاتك الحلوة التى تناقش كثير من الظواهر الجديدة على مجتمعتا بأسلوبك الحلو الجميل.............

    لكنى أحب أقول ليك مركب على الله ما بتغرق........لآنها على الله والمتكل على الله مابتجيهوا عوجة...........

    تسلمى يالعاقلة ورزينة ولكى تحياتى

    .................إسماعيل محمد أحمد عباس.................أم درمان....
                  

04-08-2007, 06:33 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: ismeil abbas)

    ود عباس يا سيد الناس !!!

    كيفك يا جدو ؟ إنشاء الله ما تشوف وحش ,,,

    أشكرك على كلماتك الحلوة حلاوة روحك ,,, سعدت لإطرائك عبى بوستاتي وإن دل لإنما يدل على سعة أفقك

    ومقدرتك الفائقة على وضع النقاط فوق السطور ,,, شكرا على التوضيح الرصين ,, أبقى معنا فوجودك

    يزيد المنبر شرف .
                  

04-08-2007, 06:38 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: ismeil abbas)

    إسماعيل عباس !!!

    بالله إنت من أمدرمان ؟؟ والله فات علي أعلق على ذلك ,, طيب ما تقول كدة من زمان ,, عشان كدة الدم

    بحن ,,, عموما عشان ما نكون جهويين فأمدرمان هي السودان فتأمل ماشاء لك في ربوعها ستجدها سكنت

    إبن الشمال في قلبها وعلى إبن الجنوب ضمت ضلوعها .
                  

04-07-2007, 08:18 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    اها ياعواطف .. اتاري ما نحن البرانا البنشمر .. في شمار تكنلوجي .بس شريط يتلصق فوق المصفح بتاع الانترنيتGossip Toolbar وهات شمار ورررر جاري يميين وشمال .. بس برنامجا صغيروني ومجاني بيقوم يلصق ليكي شريط الشمارات وكان شفتي جنس شمارات هاي لايف .. اها من الشمارات الجديدة الليلة :
    +انواسعار الجزم البوت الكانت لابساهو نعومي كامبل قبل اسبوعيين وهي بتكنس وتنظف الشوارع كخدمة اجبارية كعقاب ليها لانها ضربت واحدة شغالة ارتفعت والاقبال علي البوتات دي ( ماركة كريستيان لابوتين) بقي ما حصل وموضة
    +وانو الممثلة سكارلت جونسون بعدما ادت شريط للبوي فريند بتاعها جون هارتنت خلت الناس يضربو اخماس في اسداس عن الولد الجديد ..مرة يقولو جستن تمبرليك ومرة ديل تورو ومرة جارد ليتو ...
    + مايكل جاكسون داير يرجع توب تاني وبشان كدة طلب مساعدة الصائع اكااكون بتاع الهيب هوب ....

    وشمارات كثيرة ما تخلص .... اها كمان شوية ونلقي شريط شمارات زي دة بالعربي وتبقي حكاية .ونبقي في صباح مرنقة علي ولد راغب علامة شفتي المرة وقوة عينا ...
                  

04-08-2007, 06:44 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: abubakr)

    أبوبكر !!!

    كل دة يطلع منك ؟؟ ياما تحت السواهي دواهي ,,, عموما أنا سعيدة بهذه الشمارات الفايف استار لذلك

    أدعو كل من لديه شمارات من هذا النوع أي شمارات غير ضارة بالآخرين أن يزودنا بها فهذه مساحة

    حرة للشمشرة ,,, شكرا ودسيد أحمد يا ذوق ...
                  

04-08-2007, 08:10 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    يا عواطف .. حتي في الشمارات لسه بدري علينا .. في موسوعة اليكتروتية كاملة اسمها قوسيبيديا وفيها كترة شمارات فايف استار زي :
    * الصغيروني هاري وريث العرش البريطاني -طبعا بعد ابوه ولو كاميليا ما سوت سواية - حالتو تقطع القلب صديقتو الدرست معاهو في ساندهيرست ماتت في العراق يوم الخميس.. ربنا يصبرو
    *مارتا استيورت وعشان خاطر عيون صديقها السائح الفضائي الحيسافر الي الفضاء بفلوسو جهزت وجبة خاصة من صدر البط وكعكة سيمولينا ومشمش جاف ...شفتي الحب بيعمل ايه
    *بريتني اسبيريز عملت تخفيض مليون دولار للبيشتري بيتها هي وطليقا كيفن ..من 13 مليون الي 12 مليون ... واللا بلاش

    وشمارات عجب ووووو يعني احنا غلابا حتي في الشمارات
                  

04-08-2007, 06:56 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    Quote: وقد رجحت السبب الذي يقول أن الشمار هو أكثر البهارات قوة في التأثير على جميع الحواس لما له

    من رائحة نفاذة والله أعلم


    والله أنا على ما أذكر أول مرة أسمع فيهو المصطلح كانو بينطقوهو (شمشرة) وبدل حرف الشين بينطقوا (ch) بعدها بقت شمار ومدقوق كمان.

    مودتي
                  

04-08-2007, 08:06 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: محمد أبوالعزائم أبوالريش)

    ود ابوريش !!!

    معزة ,,,

    شكرا على التوضيح الجميل في انتظار شمارك المدقوق .
                  

04-08-2007, 07:10 AM

Kamal Abdu

تاريخ التسجيل: 02-22-2007
مجموع المشاركات: 270

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    نحن شعب لا يعيش بالخبز فقط

    لكننا نمووووووت في الشمار

    يعني زي الانفجارات الحصلت أمبارح دي في الخرطوم........

    ما شفتي كمية التلفونات و أنواع الشمارات و هاك يا تحليلات....

    و طبعا الجميع لديه أمنية وااااااحدة أنو الفجيرات دي تكون بداية النهاية

    (أنا ما بفسر و انت ما تقصر) "هو دا ظاااطو هسه مش شمار؟؟؟"


    كمال
                  

04-08-2007, 07:46 AM

محمَّد زين الشفيع أحمد
<aمحمَّد زين الشفيع أحمد
تاريخ التسجيل: 03-21-2007
مجموع المشاركات: 1792

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Kamal Abdu)

    غايتو أنا بالِّي أضاني
    وقاعد أصَّنَّط ..
    وراجي باقي الشمار ..
    لأني أنا دايماً برخي
    أضاني للشمار ..

    والغريبة في ناس ما بحبو
    الشمار ..
    زي ما في الأغنية
    البتقول (فوق الحلة دي
    أنا تاني ما بجي
    الشمار كتير أنا
    تاني ما بجي ) ..

    مع إنو كان راخي أضانو
    للشمار وعِرِف إنو الحلة
    دي فيها شمار ..



    تقبلي احترامي
    وشماريَ ..
    وأضاني المبلولة ..
    أخوك / محمدزين ...
                  

04-08-2007, 08:19 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: محمَّد زين الشفيع أحمد)

    محمد زين ,, الراسي ورزين !!!

    هو الليلة الأحد ولا الإتنين ,,,

    غايتو خليك بالي أضانك وأرجى شمارات ناس برة وجوة وزي ما بتقول الفنانة علوية كوبر ( هيييه يالجوة

    نادو لي ناس برة ) شكرا على الإنتظار سوف يأتيك بالشمار من لم تزود ,,,
                  

04-08-2007, 08:15 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Kamal Abdu)

    كيمو !!!

    شكرا على مرورك ذو الرائحة الشمارية النفاذة وطبعا بالنسبة لناس الشمشرة عندهم شعار البفتش

    للشمار بلقاه وأهو شمار الإنفجار جاهم في محلهم ,,, تسلم يا ذوق ,,,
                  

04-08-2007, 08:49 AM

عبد اللطيف بكري أحمد

تاريخ التسجيل: 11-13-2005
مجموع المشاركات: 7394

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)


    عمنا محمد محي الدين عليه رحمة الله وجدته
    يوما مكفهر الوجه واجم لا يدري ماذا يقول
    وهو يقف بجانب عربته التي أصابها خدش بآلة
    حادة ،،
    مالك ياعم محمد مسخن كدا من الصباح؟
    والله ما عارف اقول شنو!! تصدق لقيت أتنين
    شايلين ليهم سكين وبحكو في البوهية؟ قال
    عشان الأول حلف للتاني قال ليهو العربية
    دي قبل لونها الحالي دا كان لونها أحمر،،
    ==
    دا نسميهو شنو ياعواطف ؟؟
    شمار ولا فضول ولا غباء ولا إيه؟؟
    واصلي ،،
                  

04-08-2007, 09:30 AM

رأفت ميلاد
<aرأفت ميلاد
تاريخ التسجيل: 04-03-2006
مجموع المشاركات: 7655

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عبد اللطيف بكري أحمد)

    كيفك يا عواطف
    من أمثالنا من إشتغل بالناس مات همآ ودع الخلق للخالق ...

    لكن قبال ما ندخل فى لإنتقاد والتفنيد
    حارقنى الشمار ده
    Quote: وكان شفتو فلانة الفي راس الخيمة ديك الكان مفروض يتم عرسها شهر عشرة
    قالو أم العروس ما عجبتها الشيلة
    سمعنا المغتربات هن البجيبن الشيلة
    وأم العريس هى الماعجبتا الشيلة
    عروستكم البتجيب الشيلة دى ما محتاجة جبنة سوسرية


    تحياتى ودايمآ فى المواجهه مع النفس

    ودى
                  

04-08-2007, 11:45 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: رأفت ميلاد)

    عواطف طولت منك كيف حالك

    فتشت اخر مداخلة للرطاني عشان اعمل كوتنج لحاجة منها واعلق عليها لقيتها كلها كلام ناس بندر ما بعرفو .

    وحياتك كلميهو قولى ليهو ود شيقوق قال ليك اكتب لينا بالسقف الثقافي الجيت بيهو من السودان وليس سقف ثقافتك المهجن الحالي الذي تداعت امامه جماليات البفتشوا ليها في التاريخ وبسألوا عنها الاجداد .
                  

04-08-2007, 12:38 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: الطيب شيقوق)

    ود شيقوق يالكلك ذوق أغشى الحبان في كل مكان قول ليهم شفنا شمار عمان !!!

    ليك وحشة افاية أنا ما قلت الزول دة مشى وين ؟؟ كنت الليلة عايزة أتشمشر مع فاروق حامد وأسال

    منك !! هسة إنت ذاتك كان ما الشمشرة العليك تدخل في البوست ولا تعلق على ود سيد أحمد ,,, عارف

    أبوبكر دة يحق له ما لا يحق لغيره يكتب بجميع اللهجات والثقافات حتى المتعددة عايز طبعا تتشمشر

    وتعرف ليه مش كدة ؟؟ ما طول الغيبة ,, الطول فيها هول .
                  

04-08-2007, 12:33 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: رأفت ميلاد)

    ريري !!!

    تحية خليجية ساخنة علها تذوب بعضا من جليد الألب الذي فقع مرارتنا ونحن ندعي أننا متعودين فنتقاذف

    بكرات الثلج ونضحك بينما نحن نموت من شدة البرد .

    تصور كلامك صاح في بعض البنات بشترو كل حاجة لأن العريس ظروفو مش ولا بد ديل كايسات السترة وبس لكن

    دايما العريس بتمسكن لامن يتمكن وبعد داك أضان السويسريات في مكة وأضان بناتنا في زيورخ ,, والله

    الجبنة السويسرية أكلنا فيها لامن قلنا بس يوم الناشونال دي بتاعكم قبل أسبوعين أمانة ما كريمين

    يا رأفت لامن أنا قلت حاتم طي دة يمكن يكون جده سويسري حتى لمن كنا هناك أكرمونا كرم شديد بس

    ناقصهم يدونا شوية فرنكات كان تمو الناقصة يا ربي سلمى العسل عندها أغنية في سنتر الخرطوم دي

    ولا لا ؟؟ شمشرة على وزن مقدرة ,,, النفس طويل يا أبو سلمى بس سلبة الله لا يوريك نحنا متنا وشقينا

    الترب وشفنا حتى البعاعيت والسحارين فلا خوف علينا ولا هم يحزنون . شكرا أبوسلمى يسعد صباحك .
                  

04-08-2007, 07:10 PM

رأفت ميلاد
<aرأفت ميلاد
تاريخ التسجيل: 04-03-2006
مجموع المشاركات: 7655

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    Quote: والله

    الجبنة السويسرية أكلنا فيها لامن قلنا بس يوم الناشونال دي بتاعكم
    الشمار ده هنا ولا فى البلد . ونحنا كنا وين مشينا عمرة ؟

    تانى ما تعملى كدة سمح .

    ويييين سلمى العسل أبو بكر مقفل تحميل الأغانى

    لكن هاكى شمار سعاد والطيب الدوش والكابلى
    شمار الهنا والسرور فى السنتر

    دكَّكُتَ في الراكوبة
    في الحنقوقَة
    سروالي الطويل
    سويتلو رُقعَات في الوسِطْ
    في خشمي ختّيت القميص
    أجري و أزبد شوق و أنُطْ



                  

04-09-2007, 08:45 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: رأفت ميلاد)

    ريري !!!

    الشمار بتاع الناشونال دي كان في الهليتونيا بيتش في أبوظبي وكان حدث . السفارة بتاعتكم بتعمل

    حفلات ضخمة بتعزم أكثر من ألف شخص وتعال شوف الحكايات والروايات واليانصيب لكن يتخيل اليوم داك

    إنت تكون في الحج وليس العمرة ,,, شكرا يا ود ميلاد على سعاد الجميلة والله رغم الجليد إنت زول

    فنان وذو إحساس ملتهب جدا نحسدك عليه,, سلم على سلمى العسل .
                  

04-08-2007, 12:23 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عبد اللطيف بكري أحمد)

    أخي العزيز عبداللطيف !!!

    شكرا على طلتك الأنيقة وزي ما بقولو يا ودأمي شر البلية ما يضحك دي مش شمشرة وبس دة جهل فاضح

    وشمشرة مرضية مزمنة ومن زي ديلة وا أسفاي ,, شكرا يا أبن العم ,,
                  

04-08-2007, 01:32 PM

ابوبكر يوسف إبراهيم

تاريخ التسجيل: 05-11-2006
مجموع المشاركات: 3337

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    أختي العزيزة عواطف

    لك خالص المودة والتحايا

    على غير العادة فأنا لن أتحدث عن الموضوع ولكن سأكتب رأياً مهنياً في كاتبة الموضوع و موضوعاتها وربما يكون ما أكتب مجروحاً ولكني سأتوكل على الله وأرجو أن يحسن بي الظن وأن لا يجانب ما أكتب إلا الموضوعية..

    أولا : إختيارك للموضوعات إختيار موفق .. وطريقة الطرح لا تخلو من روح الدعابة ممايسهل معه إيصال الفكرة للمتلقي و طرحها بطريقة تدعو القاريء يتفاعل لأنه ليس بعيدا عن الموضوع لمطروح حيث أن القاريء يشعر بأن له من الموضوع نصييب ولا بد له من يتفاعل ويدلي بدلوه فيه

    ثانيا: نشعر بترتيب الأفكار وعمق التجربة التي صقلها الإحتكاك مع الآخرين وكذا نشعر بحذر الغربة وكيفيه التعاطي معها مما أكسبك جرأة الطرح وكذا النظر إلى الحياة نظرة حادة وجادة ، ورغم الإنفتاح على الثقافات الأخرى التي هي أغزر تمدنا وتحضرا من البيئة الأصلية فهذا قد ولد فيك نهم الإطلاع والتثقيف الذاتي مما مكنك من النقد البعيد عن جلد الذات بغية تقويصة.

    ثالثا :قمين بنفسٍ كنفسك أن تتشبث بالموروث الحميد من التقاليد حيث يتجلى هذا واضحا فميا تكتبن من موضوعات وكذا محاولة تقويم ما هو منفر منهابغية تقويم مسار مستعينة بالمعينات الحضارية المكسبة التي لا تمس الحميد

    رابعا: في عرضك لا تعوزك السلاسة والوضوح كما إلتزام التعبير السردي حيث تزجين إلينا موضوعات فيها ألفاظ مأنوسة وديباجة واضحة حتى أنه حال ورود بعض من المصطلحات الدارجة مما لا بد منها لإستقامة السياق السردي عندها تسبغين علىها مساق جميل ممايزيل اللثام عن تلك المواضعات الغطاء ويوضح الخفاء

    تحياتي

    (عدل بواسطة ابوبكر يوسف إبراهيم on 04-08-2007, 01:40 PM)

                  

04-09-2007, 07:02 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: ابوبكر يوسف إبراهيم)

    الجميل أبوبكر يوسف !!1

    لا تعليق على ما ذكرت ففي الصت كلام لكن عايزة أقول ليك بعد كل هذه الأريحية و المواضيع التي تمنحنا

    كما من الفرح والأمل عايز تفوت تخلينا ؟؟؟ حرام عليك ,, شكرا على مرور الرفيع فهذا ما عهدناه فيك

    يارقيق الشعور.
                  

04-08-2007, 12:48 PM

ماجدة عوض خوجلى
<aماجدة عوض خوجلى
تاريخ التسجيل: 12-25-2006
مجموع المشاركات: 7279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    كبيرة شمنارجيه حوش بكرى تحياتى
    قالو انو اول الشمشارين بتكون ام الولد وبعدابتنتقل العدوى لام البنت وبعد كده الموضوع يصل
    لاقرب جارة وهنا بقى بيخرج تماما من اليد وبيصعب السيطرة عليهوبتتوسع الدائرة وكل زول يزيد البيقدرو عليه ربناوبيجيكى لافى تانى من جديد لكن من كتر التعديلات والاضافات الاتعملت فيهو انتى بتفتكرى انو حاجه جديدة وعلى هذا الاساس انتى برضو بتضعى زياداتك وتعيدى التوزيع والقصه بتكون مدورة كده طوالى
                  

04-09-2007, 07:09 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: ماجدة عوض خوجلى)

    حاجة شمشارة !!!

    مودتي ,,,

    اليوم اكتشفت إنك كاتبة سيناريو ماهرة جدا وخاصة فيما يتعلق بالشمار والشمشرة فوالله فعلا امهات

    الاولاد شمشارات عشان عندهم حق الفيتو ولا شنو رايك ؟ حأجيك راجعة .
                  

04-08-2007, 01:12 PM

Haitham El Galal

تاريخ التسجيل: 07-18-2005
مجموع المشاركات: 227

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    غايتو يا عطوفه انا اليومين ديل شمارى ههههههههههههههههههههار (على وزن ححححححححححار) و ما بنقال
    ابو الراء يازوله كيف اقول ليها رايك شنو فى موضوع الزوجه الثانيه

    اليومين ديل الاكل الا نجيب ناس المعمل يفحصوه لى بعد داك اطفح يا قولها


    غايتو يا لطيف لا بنقدر بيهم و لا بالاهم

    لكن ياختى بقول ليك براك

    مودتى و عميق شوقى و احترامى

    هيثم
                  

04-09-2007, 08:49 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Haitham El Galal)

    هيثومي !!!

    لكن الشمار ما عندك ,,, عاد أبوالراء دة ما بتقدر عليه وبعدين مالك مستعجل على الزواج التاني

    قبل ما تدخل السنة التانية ؟؟؟ كدي روق المنقة يا بطل أحسن الكلام دة بوديك أحمد شرفي بالمزيكة

    تحياتي للجميع يا ودأمي ,,,
                  

04-08-2007, 04:52 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    Quote: اكتب لينا بالسقف الثقافي الجيت بيهو من السودان


    سقفنا هناك في بلدنا السما.. سقفا مما بعيد نشوفو قريب ونشابر نقول يمكن نلحقو نجي واقعيين في ا الاصلو مابنقدر نفوتا ... ناضمني بكلامنا البنقولو تحت السما مب في غرف .. قولو دوبيت ونم ..ما قت زمان عرريب وبتعرف النم واللا كان شمار ....

    (عدل بواسطة abubakr on 04-08-2007, 05:14 PM)

                  

04-08-2007, 05:12 PM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: abubakr)

    Quote: سقفنا هناك في بلدنا السما.. سقفا مما بعيد نشوفو قريب ونشابر نقول يمكن نلحقو نجي واقعيين في ا الاصلو مابنقدر نفوتا ... ناضمني بكلامنا البنقولو تحت السما مب في غرف .. قولو دوبيت ونم ..ما قت زمان عرريب وبتعرف النم واللا كان شمار ....


    شفتي ياالعواطف اكان الواحد جاك اتونس معاك ساى ما بخليني بقوم بهاجمني رغم انو من دعاة التواصل الانساني بين اعضاء المنبر العام وكمان رافع راية ما احلى التصافي من بعد التجافي .

    انت والله الواحد ما ينوم ليك قفى رطاني بطنك غريييييييييييقة وانت يا العواطف طالما بتطبلي ليهو كده ياني الجاييك تاني انا مسافر لبلد ما طل فيهو خيال الا الفاروووووووووووق والجن وحنوية .
                  

04-08-2007, 05:35 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 12-04-2006
مجموع المشاركات: 13936

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: الطيب شيقوق)

    هيع
                  

04-09-2007, 08:53 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: الطيب شيقوق)

    شيخ العرب !!!

    أخبارك وأحوالك ,, علك طيب ,,

    غايت نصيحتي ليك مت تهبشو عشان المثل بيقول أحذر غضب الحليم ولا شنو رايك ؟؟
                  

04-08-2007, 05:41 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    Quote: رطاني بطنك غريييييييييييقة


    هي بطن والا بير بترول ...؟ الرطان قال سقفو السما وانت اصلك شغال في ناسا ومقسم السما حارات حارات ما ياكا عررايب ما بتعرف شمارات ...
                  

04-09-2007, 05:35 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: abubakr)

    Quote: ما بتعرف شمارات ...


    هو انت بتعرف (شمارت) دى وكتر خير العواطف عاملة ليها مدرسة للناطقين بغيرها. بعدين ما تفتكر انحياز العواطف ليك ده لسواد عيونك دى بدبلوماسية الصحفي المحنك بتدودر فيك لتروّج بك في هذا البوست لانها عارفاك معبود الجماهير عشان كده وظفت ليك كل ادوات الاعلام الاستثماري .
                  

04-09-2007, 09:21 AM

ismeil abbas
<aismeil abbas
تاريخ التسجيل: 02-17-2007
مجموع المشاركات: 10789

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    ألأخت/عواطف

    تحياتى وسلامى

    كويس إنك لاحظتى حتة أم درمان دى..وياغالية أم درمان دى ألوحيدة ما فيها جهوية دى السودان.وناس أم درمان بحبوا كل أهل السودان وكيف لو كان من أم درمان دى نكهة خاصة..........

    واصلى فى سنتر الخرطوم والشمار بالكوم والدوت كوم..........
    إسماعيل محمد أحمد عباس............أم درمان........

    (عدل بواسطة ismeil abbas on 04-09-2007, 09:30 AM)

                  

04-09-2007, 10:33 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: ismeil abbas)

    Quote: !!!


    ما فاهم دى عواطف اختى - هل كرت احمر؟
                  

04-09-2007, 10:54 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: ismeil abbas)

    سمعة !!!

    كيفك ياأبن أمدرمان بلد الأمان !!!

    تعيش وتعيش أم در ,, ويسعد مساك
                  

04-09-2007, 01:16 PM

الفاتح ميرغني
<aالفاتح ميرغني
تاريخ التسجيل: 03-01-2007
مجموع المشاركات: 7488

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    العزيزة عواطف
    تحياتي
    ومن زمان وانا اتساءل عن سر تميز بوستاتك ,اتاري الشغلانة فيها بهارات وشمارات?
    سمح هاكي الشمار ده من طوكيو
    الاميرة ماسكو زوجة ولي العهد مارة بحالة Stress حادة لدرجة انها بقت ما بتكلم زول .وده طبعا حسب الشمار بسبب البرتوكول الصارم في البلاط الامبراطوري .كان دايرة تكلم امها بالتلفون لازم تخطر ناس المراسم قبل اسبوع.والله انحنا اليومين ديل ايدينا في قلوبنا انه تصيبها ال Bulimia الاصابت نظيرتها الراحلة ديانا بسبب صرامة البرتوكول.وانتظريني للمزيد من شمارات الشرق

    (عدل بواسطة الفاتح ميرغني on 04-09-2007, 01:24 PM)

                  

04-09-2007, 01:43 PM

عفاف أبو حريرة
<aعفاف أبو حريرة
تاريخ التسجيل: 12-28-2006
مجموع المشاركات: 1818

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: الفاتح ميرغني)

    توفي ازيك كنا غايبين ولما رجعنا فقدناك
    عارفه ياعواطف موضوع الشمارات ده موضوع
    هام ونحن السودانين بنعاني منه معناه شديده
    واحيانابتحصل منه مشاكل وازمات مش في التعامل بس
    في الانسانيه زاته وفي ناس عندهم الشمشره هوايه
    والواحد يلت ويعجن لما الفطير من لته يخمر وريحته
    تزكم الانوف يعني زي ده ريحت شمارنا الزمان حلاته
    معاهو تسلمي لينا ويسلم فهمك العالي دايما بتوصلي
    المعلومه ببساطه ودبلوماسيه والله يكفيك شر الشمشارين
    وابقي دايما شامخه شموخ الجبال كامل مودتي واحترامي

    عفاف ابوحريره
                  

04-10-2007, 06:03 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عفاف أبو حريرة)

    بت أبوحريرة !!!

    ليك وحشة بركة الجيتي ,,,

    بصراحة الشمشرة بيني وبينك ما سمحة غير ما بتجيب للناس الهوا ما بتسوي حاجة وكمان بتضيع وقت

    الشمشارين على الفاضي لكن نسوي شنو الله غالب ,,, شكرا عزيزتي على كلماتك الحلوات ,,,
                  

04-10-2007, 05:59 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: الفاتح ميرغني)

    الفاتح !!!

    حبابك عشرة بلا كشرة ,,,

    لكن شمارك عينة ! عشان كدي واحدة من بناتنا رفضت أمير السويد خافت من الحالة الصعبة والعيشة المرة

    دي آل أمي أل !! الله يعينكم على الجاييكم ,,

    شوية شمشرة !

    إنت تعال يا ودأمي الوداك هناك شنو ؟؟
                  

04-09-2007, 03:22 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    Quote: عفاف ابوحريره


    وين صورة البنات ؟؟ يعني دي احلي منهن ؟ لكن احسن ما يسحروهن لينا ..
                  

04-09-2007, 05:04 PM

عفاف أبو حريرة
<aعفاف أبو حريرة
تاريخ التسجيل: 12-28-2006
مجموع المشاركات: 1818

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: abubakr)

    Quote: ]وين صورة البنات ؟؟ يعني دي احلي منهن ؟ لكن احسن ما يسحروهن لينا




    الصوره دي يا ابوبكر حسيت فيه معاني عجيبه
    فيها سلام بلف كل مشاعرك ورحمانيه
    زي صوتك
    عفاف
                  

04-09-2007, 07:49 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    Quote: زي صوتك


    الله يخليكي ..
                  

04-09-2007, 08:55 PM

رأفت ميلاد
<aرأفت ميلاد
تاريخ التسجيل: 04-03-2006
مجموع المشاركات: 7655

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: abubakr)

    Quote: الله يخليكي ..
    ويخليك لينا يا أبو البنيات
                  

04-09-2007, 08:55 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    Quote: هو انت بتعرف (شمارت) دى وكتر خير العواطف عاملة ليها مدرسة للناطقين بغيرها. بعدين ما تفتكر انحياز العواطف ليك ده لسواد عيونك دى بدبلوماسية الصحفي المحنك بتدودر فيك لتروّج بك في هذا البوست لانها عارفاك معبود الجماهير عشان كده وظفت ليك كل ادوات الاعلام الاستثماري .


    يعني كيف معبود جماهيير .. جماهيير شنو البتعرفني. انا لا حتات ولا عضو لجنة نادي ولا بلبس بدلة كبدي وكرفتا كاروهات ؟؟ انا رطان بس .. وليه عواطف ما تنحاز لي ..اخوها .. دي كمان عندك فيها كلام ..انت ما احسن ليك تلزم السلامة وتمشي تشوف شغلك في المطارات واماكن التعازي مش انت رئيس شعبة الاعلام الخارجي والداخلي في النادي ..
                  

04-10-2007, 10:59 AM

الفاتح ميرغني
<aالفاتح ميرغني
تاريخ التسجيل: 03-01-2007
مجموع المشاركات: 7488

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: abubakr)

    Quote: إنت تعال يا ودأمي الوداك هناك شنو ؟؟



    Partir c`est mourir un peu, mais puisque vous partez dans l`espoire a commencer bintot une vie nouvelle ,vous pouvez dire que partir ce renaitre
    N`est pas?

    (عدل بواسطة الفاتح ميرغني on 04-10-2007, 11:56 AM)

                  

04-10-2007, 05:33 PM

هاشم أحمد خلف الله
<aهاشم أحمد خلف الله
تاريخ التسجيل: 01-16-2007
مجموع المشاركات: 6449

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: الفاتح ميرغني)

    الأستاذة الفاضلة عواطف إدريس , أكتب اليوم وأنا أشعر بالحسرة علي بعض الناس , والذين لا يعرفون

    صليحهم من عدوهم , ولا داعي لسرد ذلك المقال , وكما قلت أنا قبل الأن في أحدي مداخلتي معك أن

    الضرب في المبت حرام , عرفناك يا أستاذة عواطف مرشدة وتعالجي مشاكلناالإجتماعية في قالب يستذق

    طعمه الجميع وهو قالب بلدي يتماشي مع جميع أفراد الشعب السوداني ومن لم يستشف حقيقة الأمور

    ويضعها في نصابها فقد ( أبـي ) كما أبي إبليس الجنة .


    وأقول لك ( يـا جـبـل مـا يـهـزك ريــح ) سيري يا عواطف وأنيري لنا دربنا بالنصائح والحكاوي

    والمقالات , وسنطل نـحـبـك مـا حيـيـنا يـا بـت الـبـلـد يـا أصـيـلـة .
                  

04-10-2007, 06:18 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: هاشم أحمد خلف الله)

    هشومي !!!

    وا لومي ما عرفت أقول شنو ,, تعطلت لغة الكلام عشان كدة بقول ليك شكرا وبس ياأخو البنات ومقنع

    الكاشفات .
                  

04-10-2007, 06:31 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: الفاتح ميرغني)

    !!! c,eat vrais

                  

04-10-2007, 05:40 PM

Deng
<aDeng
تاريخ التسجيل: 11-28-2002
مجموع المشاركات: 52539

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    Quote: "شوف لاعبيتنا, دي الشينة كورتنا, الخمسة ماركتنا. كلام في كلام يا عوض دكام"

    دينق.
                  

04-10-2007, 06:13 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Deng)

    دينق !!!

    لكن ما بالغت !! هي كورتنا بس الشينة ؟؟ يسمع منك ربنا !!!
                  

04-10-2007, 10:04 PM

Deng
<aDeng
تاريخ التسجيل: 11-28-2002
مجموع المشاركات: 52539

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: عواطف ادريس اسماعيل)

    Quote: دينق !!!

    لكن ما بالغت !! هي كورتنا بس الشينة ؟؟ يسمع منك ربنا !!!


    عواطف.

    باقي الكلام تجيبي أنتي.

    دينق.
                  

04-11-2007, 05:33 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: في سنتر الخرطوم الشمار بالكوم !!!!! (Re: Deng)

    دينق !!!

    يا ود الناس طول عمري ماشة جنب الحيطة مالك عايز تجيب لي الهوا ؟؟؟؟
                  


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de