|
تعالوا نهنيء الزميلة ناهد بشير الطيب بمناسبة تخرج إبنها المهندس محمد ..
|
Quote: وسط أهازيج الفرح إحتفلت أُسرة الأُخت الكريمة الأُستاذة ناهد بشير الطّيّب بتخريج إبنها الأكبر الشّاب النّابغة ( محمّد نجم الدّين عبد الله إبراهيم ) ، والذي تخرّج بالأمس ( مهندساً ) من جامعة سبأ بعروس البحر الأحمر مدينة جدّة السّعوديّة ( قسم نظم المعلومات الحاسوبيّة ) .. |
الف مبروك يا ناهد وعقبال بقية اخوته
|
|
|
|
|
|
|
|
Re: تعالوا نهنيء الزميلة ناهد بشير الطيب بمناسبة تخرج إبنها المهندس محمد .. (Re: كمال سالم)
|
Quote: [ و عقبال تختى ليه الحنة ".. و.. تلبسيه " الضريرة " ..
هى السعادة بعينها عندما ننجز و لو جزء من رسالتنا فى الحياة كاباء و امهات !!
لك ان تفرحى اختى ناهد اليوم .. و انتظار الغد لبقية اخوته !!
وطننا و شعبنا فى انتظار اجيال مؤهلة و مؤمنة .. تمسح دموع الحسرة و التخلف بغد مشرق !
|
سعادة العميد يوسف
وعقبال مانفرح بالبنيات وتخرجهم قريب ياااارب والله القلته مابنزيد عليه .... يديك ربى الف الف عافية وانت دائما سباق للخير سلامى لست بيتك ....الزوجة المثابرة والمناضلة فى سبيل الاسرة ونجاحاتها ( ماشاء الله )
شكرا سعادة الريس
| |
|
|
|
|
|
|
Re: تعالوا نهنيء الزميلة ناهد بشير الطيب بمناسبة تخرج إبنها المهندس محمد .. (Re: ناهد بشير الطيب)
|
كتب الاخ كمال سالم ا شاء الله ياناهد وألف مبروك تخرج الإبن أحمد وعقبال عالى الشهادات كمان . تصدقى أنا قريت كلمة تهنئه فى الأول وإفتكرت النجاح فى مرحلة الاساس وبالكتير قلت الشهاده السودانيه ,, يطلع تخريج من الجامعه ؟؟ عينى بارده ,, لسه شباب .
______________________
تخيل انا زاتى كنت قايلة كده .....الكتوف اتلاحقن ياكمال يااخوى
احمد الله واشكر فضله كتير ....
تسلم لى ياااارب من كل شر .,..وربى يفرحك بالمعاك ....
| |
|
|
|
|
|
|
Re: تعالوا نهنيء الزميلة ناهد بشير الطيب بمناسبة تخرج إبنها المهندس محمد .. (Re: ناهد بشير الطيب)
|
كتبت الاخت الجميلة منى خوجلى ...
مافي أجمل من الفرح بأبنائنا وبناتنا.. ياريت لو كان عندي بنت غير آيه..كنت خطبته ليها..
ربنا يزيد أفراحه عليكم..وعقبال النجاح في كل دروب الحياة..
____________________________________
عقبال ماتفرحى يامنى بياسين واخته ...وربى يحفظ ليك اية وزوجها ... ويبلغك انتى والحاجة اكمل الصحة يارب .... والله زى ماقلتى ...ربى يفرح كل انسان باولاده واولاد غيره ... وعقبال مايفرحوا يامنى يااختى فى دروب حياتهم زى ماقلتى ... تسلمى لى كتير وشكرا ليك كلك ذوق كالعادة
| |
|
|
|
|
|
|
Re: تعالوا نهنيء الزميلة ناهد بشير الطيب بمناسبة تخرج إبنها المهندس محمد .. (Re: انور التكينة)
|
Quote: و طبعا يا ناهد ما قادر استوعب كيف ناهد جات الخرطوم و رجعت بدون نتقابل !!!! غايتو البركة فى المكالمتين و ان شاء الله ربنا يجيبك فى الافراح و نتقابل ... عموما ... الفرحة تملأ الجوانح بتخريج ابنك و ربنا يوفقه و يرفع اسم العايلة ... |
الاخ الزميل الجميل جدا انور التكينة
والله زيك بقول كيف ما الاقيك .....لكن هانت كلها اقل من شهر وحااكون فى الخرطوم (بحوله تعالى ) وجاياااكم محل ماتكونوا انت وحنان .....وتسلم لى يااارب وعقبال ماتشوف الكتاكيت المعاك كبروا يااارب وانت وامهم فرحانين
تسلم ياانور ....
| |
|
|
|
|
|
|
|