الأنثى العورة والرجالة السودانية..يوجد سوط عنج

مرحبا Guest
اخر زيارك لك: 03-28-2024, 02:06 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2009م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-13-2009, 09:53 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18581

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    غايتو فتحتي جنس موضوع


    مبالغة
    الواحد ما بقدر يديك رأياً سمح
    ألا يمشي ويجيك صاد

    تسلمي يا بت قضيم
                  

06-21-2009, 07:34 AM

jini
<ajini
تاريخ التسجيل: 02-05-2002
مجموع المشاركات: 30716

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    ما خليتى فرضا ناقص يا بت قضيم
    جضمتى الموضوع جنس جضيم!!
    كلام مجيه!
    أخطأ عمر وأصابت امراة(شفتى الارث التأريخى دا)!!

    وما يفوتك
    الباب أبو تلاتة ضلف حق الرجال حتى لو فى البيت ما فى عربية والباب أبوضلفة حق النسوان حتى لو بقت قدر الفيل أبوزلومة!
    الديوان حق الطوب حق الرجال واودة الجالوص حقة النسوان ولو البيت كله جالوص يقشروا حقت الرجال براااااها!
    دا كوم والنسوان ياكلوا بعد الرجال وربما الباقى حقهم دا كوم تااااانى!
    وبعدا دا تجيهم كونزالزا رايس تعظيم سلام!
    عالم تخاف ما تختشيش!
    دكتورة بيان مثالك فى الميراث استثناء وهو عليك وليس لك!
    اها رايك شنو فى ميراث الخنثى مشكل والذى يقع فى النصف بين الرجل السوى والمراة السوية بمعنى ان ميراث الخنثى مشكل الذى يجمع اعضاء الانثى والذكر يساوى مجموع ميراث الذكر والانثى مقسوما على اثنين يعنى اكثر من ميراث الانثى!
    اليس وضعا مستفزا ناهيك عن اجحافه!
    جنى
                  

06-30-2009, 01:02 PM

عبدالله كع
<aعبدالله كع
تاريخ التسجيل: 02-12-2008
مجموع المشاركات: 4841

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    بت قضيم سلام كبير
    ومن الاخر كدا
    المرة مرة والراجل راجل ..

    زي ما قال : عكود خلوهن للشحن والتفريغ بس !!

    حاشيه :

    عكود ده جد ابوي
                  

06-13-2009, 11:10 AM

Amany Elamin

تاريخ التسجيل: 01-24-2009
مجموع المشاركات: 3541

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    (عدل بواسطة Amany Elamin on 06-20-2009, 03:34 PM)

                  

06-13-2009, 11:26 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Tabaldina)

    Quote: بالاعلى ياسادتي

    مجموعة من النساء المعقدات والرجال المجاملين ..

    المداخلة سادتي من رجل معقد وإمرأة مجاملة ..
    ما تستعجلوا المرأة المجاملة دي بتجي بتجي..


                  

06-13-2009, 11:48 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: عمر الفاروق)

    دينا العزيزة
    قلتي
    Quote: المساواة هى مساواة فى الحقوق والواجبات .. نكفل ليهن الحق
    بعدين كل زول حسب ظروفوا بطبقوا او يتنازل منو او ياخد ما يريد و
    يعرض عن ما لايريد .. كيفو بعدين !!!!

    تمام
    مية مية ولا تعليق

    لكن كلامك للأخت أماني، حابة اكتب معلومة دينية تذكيراً وتعليقاً
    وهي أن المرأة حتى لو كانت صاحبة عمل وصاحبة دخل رئيسي، وعندها ورث، ومش محتاجة، حتى لو، لا يسقط حقها في أن ينفق عليها الرجل
    وأنا في رأي هذا أكبر دليل على نصرة الدين الإسلامي للمرأة
    ما تنفقه هي بعد داك بمزاجها على زوجها أو المنزل أو الاولاد، فيعد بمثابة الصدقة، تؤجر عليه إن فعلت، ولا حساب عليها إن أوقفتها
    هذا للتأكيد بس يا دينا
    وواصلي مع أماني

    (عدل بواسطة بت قضيم on 06-13-2009, 12:25 PM)

                  

06-13-2009, 11:55 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    الطاهر ساتي
    تحياتي
    نص الليل دي مشكلة الله يسترنا منها
    غايتو أحلى ما في اختراعات الإنترنت، أنه لا يتقيد بشروط الوقت المفروضة
    خارج عن الموضوع (خارج خالص)
    استغرب من ناس تقول ليك (الساعة سبعة صباحا ًما ممكن ناكل لحمة) أو (الساعة اتنين صباحاً صعب ناكل كسرة وأم رقيقة)
    غايتو انا في اي وقت بأي شكل باكل اييييييي حاجة تجي في مزاجي
    هسه يا الطاهر، كلامي السابق ده ما في ليه اي معنى أو اي ارتباط بموضوع البوست
    مشكلة يعني؟؟
    (ابتن) والله
    تعال نص الليل الصباح بدري بعد بكرة
    مشكلة (اسلو) مافي
    سلمت
                  

06-13-2009, 12:14 PM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    دكين
    تحياتي
    وشكرا ًلرأيك ونحترم وجهات النظر المختلفة مهما كانت
    سلمت
                  

06-13-2009, 12:16 PM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    أماني العزيزة
    روقي المنقة
    Quote: وليه ياسيدي التعالي ده وجايينا من فوووووووق كده؟
    تصدق انك مثل حي للتعالي الذكوري والترهيب اللفظي البنحكي عنه ..
    كويس انك جيت وضربته لينا مثل حي بالعقليه الذكوريه اللي ما بتقبل النقد ..
    وبتشوف كل البختلف معاها معقد والبوافقو مجامل !!!


    عملتي للغبيان دكين أهميات والله
    الزول ده ما كده بتاع عقليات ونفسيات وتعالي ذكوري وكده وكلام كبار
    النت زاتو دخلو بقابض في عروس ما لاقيها وما بلقاها بشناته دي، والشناة خلقة ربنا ولا اعتراض
    وكما قال الحكيم، الله يخلق والشياطين تعولق
    وهو -والله- شخصية لطيفة طيبة تعشق الاستفزاز، ينبسط - اي والله - لما يستفز إنسان

    نعتني قبل كده بأني (غنماية) ساكت، مع اني وقتها كنت لسة (عمبولق) ما وصلت لدرجة الغنمية دي
    وبعدين مرة قال انه بت قضيم دي هو، يعني دكين هو بت قضيم
    ومداخلته السابقة أعلاه (ولو اني ما كنت عايزة افشه واعلق عليها)، المقصود منها لفت النظروالاستفزاز
    وحتى لو كان رأيه أن المشاركات أعلاه معقدات، ما تزعلي
    عادي
    العقدة ممكن تتفك
    المشكلة يا أماني (الشناة)
    الشناة بفكها شنو؟؟
    روقي يا حبيبة

    جاية
                  

06-13-2009, 12:27 PM

Amany Elamin

تاريخ التسجيل: 01-24-2009
مجموع المشاركات: 3541

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: عمر الفاروق)

    (عدل بواسطة Amany Elamin on 06-20-2009, 03:36 PM)

                  

06-13-2009, 12:14 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Tabaldina)

    بت قضميم :
    Quote: دينا العزيزة


    Quote: هذا للتأكيد بس يا داليا


    هو الجداااااد ده غيروهو ؟ :)
    اصلو ما خاتين عليها لمن قالوا يجبوهن اتنين فإن نست ذكرتها :)
    الفووول الفووول يا بت قضيم وقفي الفول وعلييك بي الكرياكي
                  

06-13-2009, 12:23 PM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: عمر الفاروق)

    عمر
    يا ث(غ)يل
    الفول برئ مني الله يعلم
    القسمة بس يا عمر
    المخ قسم يا هناي
                  

06-13-2009, 12:36 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: عمر الفاروق)

    اماني

    مع احترامي الكبير لي وجهة نظرك ..
    بس دي وجهة نظري..
    قد لاستطيع الاسهاب في شرح اسبابها لذا جيتك بالخلاصة..
    وربما اكون شايف انومسالة الشرح دي ما بيستاهلها الموضوع اصلا..
    اصلا في زول عاقل بحاور مرة سودانية من جيلكم ده؟؟
    على العموم رايك ده مابغير في حقيقة انو النساء ينطلقن في كتابتهن من عقد لاوجود ليها إلا في رؤسهن ..
    تاكيد على المقولة الخالدة( المراة من بنبرا ولى ورا)





    بت قضيم
    اعتذر عن وصفي لك بالغنماية..
    انتي مرة بطنك غريقة..الوصف ده ليهو هسي تقريبا سبعة سنوات..
    لا اظن انو الغنم عندهم ذاكرة متربصة زي ذاكرتك دي..
    انتي بالتاكيد اكر من وصفي لك بي كتير..










    بالاعلي يا ساداتي نساء غير معقدات ورجال غير مجاملون
    يلا افرحو
                  

06-13-2009, 12:35 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Tabaldina)

    والله بعد ما قررت ارجع جااادي لكن والله دي غلبتني ومااا بفوتها ان شاء الله بت قضيم تطردني ..
    Quote: يادينا القوامه (وانت ست العارفين) لاتعني أفضليه أو رئاسه,

    كئ كئ كئ كئ كئ كئ كئ كئ
    ككككككككأأأأأأأأكأأأأأأأ
    او كما يضحكو ناس ميكي جيب ...:)
    والله يا اماني دينا دي ما عارفة اييي شي ولو ما خايف البوست يتقلب جينة حيوانات وجداد وكوشة لقت دينا دي تور الله في برسيمو ..
    دينا دي شن دراها بي القوامة ؟؟؟
    إنتي يا أماني قاصدة القوامة ولا القوالة ؟؟:)
                  

06-13-2009, 12:56 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: عمر الفاروق)

    Quote:
    تخيلي أن أكثرية هنا ما زالت تعتقد ن مشاركة ال(البنت) في النت، وعمل علاقات مع زملائها من النتيين لو صح التعبير، هو منتهى قلة الأدب منها؟
    وأن الكثير (لو مش الكل) ما زال يظن أن وضع صورة الفتاة في المنتديات هو عين العيب والخطأ


    انتي من اوائل البنات في سودانيز اون لاين دي لو ما اول زولة تخاف من وضع اسمها الحقيقي

    ورفع صورتك ..

    كان انتي وعاملة مستنيرة وبتكتبي عن العقد حقتكم دي ودور الرجال في المظالم وماعارف هلجرا خرافات وخزعبلات وعقد وجندريات فما بال غيرك من النساء؟؟
    فياخي ما تهللي بي شي انتي نفسك غالبك تسويهو..بالرغم من انو كتير جدا من النساء في البورد هنا رافيعن صورهم وخاتين اساميهم وماداسنها..



    كتير من النساء تجاوزن هذه المسالة واصحبت مسالة انها تتعامل بي نيك نيم مسالة بتاعة تقليد لا اكثر ولا اقل
    بس انتي وبعض المعقدات لاتزال هذه حياتهن ..غموض ودسوسية وخوف من المجتمع الذكوري المتوهم..





    خليكم كده لي يوم الارحمات
    عسى ان يجعل ربي لكم مخرجا..
                  

06-13-2009, 01:01 PM

Sabri Elshareef

تاريخ التسجيل: 12-30-2004
مجموع المشاركات: 21142

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: عمر الفاروق)

    بت قضيم

    تحية طيبه



    انشغلت بالدفاع عن الانسان بهناك اصلو القيامه قامت وناس عماد موسي محمد الوهابي الارهابي

    ومعاه الاخ الجبهة اسلامية فرانكلي بيوزعوا في الناس في الجنان والنيران


    الان يقررون ان والدة باقان اموم ماتت علي سوء الخاتمه لانها نصرانية او لها ديانه افريقية



    لذا لا يجوز الترحم عليها اما الدكتورة نجاة فتقول تمشي الفراش لكن لا تسال الله لها المغفرة



    اعتذر ده مكانو بهناك لكن ده السبب في عدم المتابعه




    اقول في موضوع المراة ان الدين هو الذي يشكل مفهوم كبير جدا في فهمنا لما يصدر من اذهان غالبيتها تري



    المراة لا تساوي الرجل


    الميراث حتي لو البيت اشترتو بنت لا تتساوي مع اخيها


    الشهادة المراة شهادتها ناقصة

    لا اهلية للمراة ان تتولي امر المسلمين

    المرا لو فاس ما بتشق الراس


    لم يفلح قوم ولوا امرهم امراة


    ملك اليمين ان تملا البيت بالنسوان وتتضاجع من تستطيع وبعد ان تلد المراة تسمي بولدها


    خدم وحشم


    جلد المراة بعد ان تستنفذ كل حطوات التاديب دي مدرسة الرجل ؟؟


    اهانة وسوقها لبيتها بالبوليس لكي ترقد في فراش الزوجية




    ضربها باختها ان تتزوج اخري فيها


    التعدد لمتهة الرجل للمراة لا الصوم احتمال انه لها افضل؟؟؟؟؟؟؟؟؟؟؟؟


    المفاهيم الدينية والعرف هي اس الفهم الذي يجعلنا ندور في محراكة اذلال المراة

    لا غيره لا غيره



    نريد تطوير المنهاج في النصوص الدينية

    نريد وضع قانون احوال شخصية مدني في محتواه
    لان الشريعه لا يقدر علي تغييرها لذا الحكم الوضعي هو الاسلم



    اي انسان يلف علي هذه المسلمات يقول قولا اخر


    توجد معالجه فريده ووحيده في التاريخ الاسلامي

    اتمني ان يساهم بها الاخوان الجمهوريين فهي تقدم حلا من داخل الاسلام



    لك التحية
                  

06-13-2009, 05:24 PM

Amany Elamin

تاريخ التسجيل: 01-24-2009
مجموع المشاركات: 3541

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Sabri Elshareef)
                  

06-13-2009, 07:02 PM

دينا خالد
<aدينا خالد
تاريخ التسجيل: 06-26-2006
مجموع المشاركات: 8736

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Amany Elamin)

    Quote: والله يا اماني دينا دي ما عارفة اييي شي ولو ما خايف البوست يتقلب جينة حيوانات وجداد وكوشة لقت دينا دي تور الله في برسيمو ..
    دينا دي شن دراها بي القوامة ؟؟؟

    ياخ الحممممدلله ال ما برسيمك انت !!
    فى ناس لاتدرى وتدرى انها تدرى ..
    وفى واحدين لايدروا ويعرفوا انهم لا يدروا ؟؟
    الله يا عمر تقوم قيامتك .. قول امين

    عــــــــــفوا سيداتى ســــــادتى
    ما ورد من الزملاء اعلاه كان فاصل فكاهى يللا واصلوا يا بنات !!









    ـــــــــــ
    قتى لى يابت قضيم العقد بتفك ؟؟؟؟؟
    لووووووووووووووووول ..



                  

06-13-2009, 09:31 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: دينا خالد)

    Quote: "مع حفظ صلاحيتها لأغراض أخري" ..

    تصوري ده ذاتو السودانية من جيلكم ده ما نافعة فيهو..




    اماني
    بالمناسبة انا اديتك اكتر من كذا مداخلة ودي مسالة حقو تقدريها وتقيفي عندها وثم تحمدي عليها الله وتثني عليه..
    لذا ياخي حاولي احترمي وجهة نظري دي لانها صاح ..
    صاح لاني قتها موش صاح لانها منطقية..
    انا في حواري معاكم ما بفتش لي المنطق لانو ماعندو معنى ..والمتحدث بالمنطق في ونستو مع النسوان كما الوعل في رهيد البردي..
                  

06-14-2009, 11:35 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Tabaldina)

    Quote: ودعني بتجلياتي هذه أسألك سؤال بسيط المفروض كان سألتك هو من زمان
    أنت مالك؟؟!!

    والله يا بت قضيم من شدة ما ضحكت لمممممممممن ما ضحكت زاتو ..
    زكرتيني بي صاحبي جننننننننننو وجن السؤال ده ..
    الله قال بي قولك لو بس بس بس سألتو وقلت ليهو :
    إنت مالك ؟؟؟

    اووووووووووووووووووووووووووووووووووووووووووو ياخ رجعتينا لي ايام الجامعة وما ادراك ما الجامعة :)

    تخريمة :
    اهجري البوست ده وعليك بي بوست تاني لانو ده خلااااص بقا زي (البنات القليلات ادب) وما ظنيتو يرجع لي وضعو بدري:)
                  

06-20-2009, 02:23 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Tabaldina)

    بت قضيم صاحبة البوست :
    كيفنك خيتي..
    ويا ريت ردي يجي في الصفحة التانية وما يغطس زي الفات ..
    حا اقول ليك كلام مشاتر دكين زاتو ممكن يتسغرب فيو ..
    لكن النصييييحة دكين ما غلط غلطت اماني دي!!!
    وبكل صراحة بكل صراااحة اوول مرة اقرا لي مداخلة لي زولة بتدافع عن حقوق مرأة بي الشتارة دي..
    معظم المتداخلات من البنات في البوستات دي بصراحة كنت بحسدهم على درايتهم ومنطقيتهم وعلمه في الطرح ..
    اماني مداخلتها لو تمسح لي اقل ما توصف بيهو انها نشاااز..
    مداخلة شترا مستفزة ..
    ابدا ابدا ابد دكين ما فكر بي الفهم القالتو عنو اماني ده بس اماني جات منفوشة حبتين وشكلها ماخدة فكرة عن دكين وفكرت في لحظة انها تكتب كتابة تصدي..
    عن نفسي بكتب لي دكين ممازح وضاحك ومن باب المشاغلات وشركك قبض وشركت لي فلانة وبختك حا تجيك بي الايميل والذي منو من ما بتسموهو باب العنف اللفظي ضد المراة البوردابية بس بصرااااحة اماني بالغت شدييييد وكتبت كلام مستهلك مع احترامي ليها ما عندو اي معنى فكان رد دكين مناسب لي مداخلة اماني..
    عاتبوا اماني علي المداخلة الشترا بتاعتا وبعد داك تعالوا لي دكين ..
    تخريمة :
    بالمناسبة يا بت قضيمما عارف لكن خالد الزاحمنا بيهو ناذر ده قطع شك بوردابي معانا هنا وبي باسويردو فما عارفك انتي بتتعاملي بي حسن النية معاهو ولا نظام الفورة مليون :)
    ما بعيد يكون دكين زاااتو او ناذر :)
                  

06-21-2009, 03:25 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Tabaldina)

    البوست بي قدرة قادر اتقلب لي مباراة تنافسية بين دكين وعمر ضد مجموعة نساء والسبب مداخلات اخيييرة فجبت ما قبلها (ياخ الايام دي انا متجدع بي مصطلحات مبااالغة).
    المستغرب ليهو انا هل اختنا اماني سحبت مداخلاتها بناء على مداخلتي الاخيرة ام بناء على ما كتب دكين مع العلم إنو اماني عقبت على دكين وعليه يبدو إنو اماني حذفت المداخلات بناء على مداخلتي الاخيرة .
    وإن كان كذلك فده معناها إنو اماني ابد ابدا ما زعلت من كلام دكين بقدر ما انها حست من مداخلتي نوع من الاساءة الشخصية ليها بافتراض عبارات وردت مثل نشااز وشترا ووو
    يبقا الناس اللي جات هاجمت دكين مبدئيا ما ليهم حق ما لم تكون دي ردودهم حقتهم هم لي دكين عشان ما تتشخصن الحاجات وتقا دكين واماني..
    ويا بت قضيم خيتي صدقيني بالنسبة لي القصة الاخيرة دي فياخ اماني والله بي طريقة غير مباشرة غلطت على دكين وكتبت كلام الزول ده ابددددددددا ما قالوا ولاااا جاب سيرتو بافتراض انها حاجات تم مناقشتها هنا زمااااااااااااان ..
    اماني يبدو انها جديدة في المنبر او ما مواكبة لي قضايا اتحسمت سواء بالسلب او الايجاب لكن ردت على دكين من منطلق انفعالي فيهو نوع من الشفتنة المبطنة وفي بالها الزووول ده انا حا اوقفو ليكم عند حدو ..
    ما بلوم الزولة دي على سحب مداخلاتها عن نفسي عملتها قبل كده في بوست لي حليمة وكنت في سجال مع عزاز بيسبب دبرسة وفهم غلط وصل لي ناس ..
    اي زول حر في مداخلاتو والقصة عشان ما تكبروها ساي لا انكسار ولا ضعف من اماني البت رأت إنو الانسب تشيل مداخلاتها وين المشكلة ؟؟
    بكري مرات بيشوف من الانسب يوقف عضو عدييل وين المشكلة ..
    العنف اللفظي البيتكلموا عنو بعض النساء هنا والله في منو كتيير كتبنو النساء ديل زاااتن تعابير مخلة بي الاداب اقل ما توصف بيهو انها تافهة وبي مفهوم معادلات راجل مرا حقتكم دي فمروض لو الراجل كتب للمرأة الخجول التي يخدش حياءها بعض التعابير فمفروض لمن المرا تجي تقول تعابير ساقطة فكمان الراجل يدخدش وبي الضعف كمان !!!
    لكن طبعا لمن المرا تكتب تعبير خادش فبيكون اما هظار او والله هي ما قاصدة او لالالالا ياخ بس هي جات توريكم انها شفتة ومقدداها وانها ضاربة السما جير فما تتصعلقوا علي يا رجال..
    الارشيف ملاااان من ساقط قول نساء المنبر مش كتابة بس لالالالالا صووووت وصوووورة اخير الرجال تراهم بيكتبو سااااي!!!
    ما ننجرف بعيد ومعليش بت قضيم ارجعي لي موضوع التربية وما قصدت اي شي والله لا نبز لا شكل لا تكسير مجاديف ويا اماني ياخ لو سبب حذف مداخلاتك شعورك بي اننا بنستهتر بيك فده ماا حاصل ..
    تخريمة :
    كالعادة ستتشنقل المداخلة فوووق لي عطل في الكمبيوتر فبالله جيبوها لي تحت عشان البوست يمشي كويس..

    استعدال التخريمة :
    سناء خالد دحين انتي مش بتاعت القصة حقت الدخلة والعرس ديك ؟؟؟
                  

06-22-2009, 07:55 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Tabaldina)

    بت قضيم خيتي:
    صباحات الله بي خيرا..
    الرد تاني حا يتشعلق فوق وجيبي ايصالاتك ساي خيتي واقطعي لي الايصال ..
    والسبب بكل بساطة انا عشان ارد عليك تصدقي بمشي اضغط على (رد) اللي بعد ماداخلة تبلدينا في الصفحة الأولى دي الوحيدة البتديني مساحة اضافة رد والباقيات كللهم مقفلات بافتراض حاجات تكنيكل انا عارفا تتعلق بي ظروف العمل..
    ما عايز ازحمكم بي تبريرات الردود دي بس صدقيني معظم مداخلاتي في كتير من البوستات وعدم حتى متابعتي لي بوستات فتحتها انا تكمن بسبب المشكلة دي ..
    اها لسة مصرة على الايصال ولا ممكن اسوق من غير رخصة عادي؟

    طيب ياخ نجي لي كلام اختنا سناء خالد القلتي زعلت منو وإن كنت ما عارفا زعلت من شنو لكن ما بيناتنا خلونا نتسلبط زيي سلبطتكم دي ..
    ومع اني ما كنت قاصد حاجة بتزعل لكن أهو طلعنا بي فايدة وقدرنا نزعل سناء خالد لكن انا حا ابقا شفت واتعذر ليكم بي حاجات تقبلوها مني كردة فعل وما تغالطوني فيها اسة اسة حسيتا وعايز اتسلبط فيها واعملا عذر منطقي جدا لي ردي البايخ(كما احسن سناء) ..

    Quote: و وصلت لإنسانة في أدب و علم و فكر ..أماني... أنك لا ترى منها سوى ذيل فستان

    و لا تسمع سوى طرقعة كعب عالي..

    والله ده كلام شين شين شين وفيهو اتهام لي في اخلاقياتي وطريقة تفكيري وطالما اي زول بيفهم الحاجة الاتكبت زي ما اتلقاها هو ف اكيد ما بيهمني ماذا عنى صاحب المداخلة !!!
    مش اسة هي حاسبتني اني قلت ليها (بتاعت) وفسرتها بي كيفها؟؟
    اها انا كلاما الفوق ده بالجد حسيت فيهو امتهان لي بي صورة ما طبيعية وطلعتي اخرتا بتاع ازيال وكعوب !!
    بالمناسبة يا سناء في مجتمع الشارع تعبير (ذيل فستان ) ده حاجة ما جميلة خااالص خااالص ..
    وبعدين ادب دي بتقصدي بيها ادب حقت الادب العربي والقافة ولا ادب حقت البيوت ؟؟؟
    لانو لو قصدي الادب حق البيوت تكوني باااالغتي والله فلا انا هبشتها في ادبها ولا في اخلاقها ولااا من حقي زاتو ولا انتي من حقك زاتو تتكلمي عن الحتة دي ..دي حاجة بتعرفا هي براااها وحقتا هي برااها..

    دي كده واحد خلتني اكتب (حقت)

    Quote: عمر الفاروغ جدا جدا

    دي كده اتنين ..
    حا تقولوا لي بتهظر مش؟
    والله انا زااتي بهظر ياخ ..ما تشوفوني كده بحب الهظار زيييكم والهظار ما حكر على الناسء بس مش؟
    بالمناسبة ابدا ابدا ابدا ما قريت يا بت قضيم موضوع البت سماح القلتيهو ده ولا متزكرو والله حتى لو ممكن اكون كتبت بس ماا اظن ومستحيل فانا بي طووولة لساني دي عندي حتت كده ما بخشها ولااا بشوفا..
    بس القصدتو انا رواية اتوقع انها كانت في موقع اخونا فيصل نوبي وبرضو اتوقع كانت مشعلقة هنا وانا ما عارف اسمها لكن اتشابه علي البقر وفكرت انو كتبتا سناء خالد ولحدي اسة البقر متشابه فلو طلعت ما هي التقول لي ..
    قصة كده كانت بتحكي عن تفاصيل دقيقة لي بت من قبل العر والتفاصيل اياها لحدي يوم العرس ومشينا الفندق وشنو وشنو وشنو ..
    ما بكضب عليك جني وجن التفتيش في الارشيف مع انو قاااعد لكن ما بحب ارجع للوراء والا كنت جبت ليك ارشيف ناس بتتفاصح اسة وتتمشدق(الكلمة دي جاية هنا؟)
    يلا يا جماعة واحد يكسب فيني اجر المناولة ويجيب لي ردي ده تحت بدل شعلقتو الفوق دي..

    تخريمة :
    سمحتي لي نفسك تقولي لي فاروغ اسمح لي نفسي اقول ليك بتاعت ..
    حلو الكلام؟
                  

06-22-2009, 10:05 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Tabaldina)

    Quote: عمر الفاروغ
    هو الاسم السميت بيهو نفسك في بوست تيسير المحذوف يبقى ما تلوم أي انسان يناديك بيهو
    !
    سميت بيهو نفسي لييي روحي دي ما قلت نادوني بيهو ..
    بنفس مفهومك التعبان ده سمحتي لي نفسك وجيتي بي كرعيك انا ماسالتك استحملي ..
    اقول البقولوا طالما انتي ياخ اي كلام بقولوا بتسمعيهو وتصدقيهو فياخ ما كان في داعي تزعلي من بتاعت دي!!
    يعني حا تشتغلي على كيفك؟؟
    اذا كانت الاجابة نعم على كيفك فانا كمان على كيفي او كما يقول الاستاذ عادل مسلم :
    علي كيفك تفوت علي كيفك تعال وفي رواية تجي..

    Quote: أفتكر جاوبتك بخصوص القصة أو الرواية فصحح نظرك و ما تحاول تشبه تاني!

    بشبه والله ..ويخلق من الاسماء اربعين طلعتي ما انتي خلاص ما انتي طلعتي انتي خلاص انتي ..
    Quote: أما باقي الهراء الذي عمرت به مداخلتك فهو أسلوبك الذي يشبهك تماما

    طالما شبهتي اسلوبي بي فوالله ووالله ما تشوفيني كده بالجد جد انا وجيه عدييل وروحي عاجباني وعليه شكرا لتشبيهك لي اسلوبي بي مما يدل على جمال اسلوبي ..
    Quote: أعتذر لنفسي أن وضعتها في مكان يسمح لك أن تخاطبني به!

    اها ياااااااااا سناء جميل !!!!
    طواااالي تشيلي نعلاتك وتطقطقيها في وشنا ده (ما نعلات كعب عالي معليش) وتقولي لينا هووي ده طرفي من مكانكم ده تاني ما جاياهو ويا ريت وانتي طالعة تشيلي مداخلاتك معاك او تنتظري حتى تتم العشرة وتشيليها عشان ما تجي ناطة كل شوية !!
    بالمناسبة انتي بتقري مجلة ميكي كتييير وتأثرتي بي روايات ادهم صبري خوووولص خوووولص ..قولي لي كيف؟
    Quote: الهراء

    ثم غاااص في بطن الاول وركل معدة الثاني ودس سيجارة بين شفتيه وتناول القداحة في جزء من الثانية لكنه فجأة سمع صوت سونيا جراهام وهي تقول :
    هراء ..

    تخريمة :
    اوصيك المرة الجاية تستخدمي كلمة تراهات الايام دي طالعة في الكفر اجمل من هراء دي لانها بتديني احساس كديسة كديسة
                  

06-22-2009, 01:10 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Tabaldina)

    ولاتزال المخالفات المرورية والايصالات تتقطع والرد يتشنقل فوق ولو دومة بارتني شكلها حا تدخل الجنة من اجر المناولة ده .

    اها يا بت قضيم طبعا بطلت احكمك في المقارنات لانو فعلا اي شاة معلقة من عرقوبها (طبعا شاة دي مقصودة زي بقر بالمناسبة عشان تاني ما اتعب سناء في التفكير) والشاة هي الغنماية برضو عشان ما اتعب سناء في التمحيص مع انو سناء دي احسن زول بيقرا الجوة النفوس براااها تقرر وبراااها تفسر وبراااها تقصدك وبراااها تقوولك ويا قول جمال عبد الرحمن في مسرحية المهرج :
    تطلع براااك ..تفتح باب السجن براااك ..تجي راجع براااك ...وتجيب معاك الغنماية ده برااااك ...
    قايلا هممممممممممللللللللة ساااااااااااااااااااااكت!!!!
    هييييه ما علينا ..
    وعليك الله يا بت قضيم بس السماااح عشان عولقنا ليك البوست ..
    Quote: و المقصد الدنيء ليس خاف لا عليك و لا على أي شخص يقرأ عبارة عمر (و ليس استفساره فعمر لا يستفسر)

    أهو اسة بي الرجااالة كده عايزة بت قضيم تقول ليك ما خافي؟؟؟ انا هيين دواخلي بتتقري سريع اصلا بعيد عنك شفاااف وشوفتي شفا وزعلي بيشفق بعترف ..لكن بت قضيم دي عايزة تغالطيها فييييييي بتم ام رويحة دي؟؟؟
    بعدين انتي مالك يا زولة ملافظك سعد دنئ وقمئ و شفيييئ .. وشفييئ دي تم فيها تحويل القاف لي ييئ للثقل والمصرنة وشفيييييييئ يااااااا رااااااااااااااجل ..
    تعرفي تلقيك انتي النوع الاسة بيناضم نفسو ونظام يااا اماني لا عليك الاولاد العاملين ليك فيها صعاليق ديل انا بطيير ليهم صعلقتهم دي في راسهم وطارحة نفسك مطرح القوة والعراك في غير معترك ونافشة رويشاتك (لازلت اواصل مسلسل جنينة الحيوانات دون ان اضطراك للدخول لاعماقي لمعرفة مقاصدي..)

    Quote: و لا أعتقد أن إشارات سقيمة

    يا بت انتي بتقري كتب تفسير كتير؟؟
    بس ذكرتيني سؤال متى كذب سيدنا ابراهيم عليه السلام ؟؟ فقيل أنه اضطر للكذب عندما ادعى انه سقيم يوم ان كسر الاصنام ووضع الفأس في رأس كبيرهم ..غير ان هذا التفسير جاء في إبن كثير بينما يقول البيهقي السقم هو المرض وهذا ما خالفه كتاب الكلام الاخلاق في سيرة العشاق للكاتبة سناء ..
    ياخ الله يرضى اطلعي من دور التصدي الخاشاهو ده فلا انا فاضي ليك ولا انتي فاضية لي مش؟

    عايني عايزة تصلي لي شنو من الاخر كده ياسناء اكتبيهو لي هنا وانا ببصم وبقر ليك عليهو واصادق ليكك بيهو عشان ترتاحي ..

    تخريمة :
    قدر ما حاولت اجيب اغنية خواطر فيل هنا غلبني عشان اتم طقم الجنينة ده .
                  

06-23-2009, 07:45 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Tabaldina)

    والله يا بت قضيم زعلان من روحي عشااان في اول مشاركة لي معاك بشتنت ليك البوست بعد ما كنت ماشي كويس لكن يا ستي ارفعي يدك من البوست ده اصلا كده كده ماشي الارشيف ابدي ليك واحد جديد خيتي وهناك ما بجييك خليني النتم البشتنة للمبشتنين او كما قال..
    Quote: أها يا ود يا عمر

    ياخ والله شخصيتك طلعت مكشوووفة واكدتي لي ما كنت اتوقعه عن انو مخك حا يكوون ااااااااااااادي كده هو ..(اترك ليك خيار الحاجة الممكن اكون اشرت ليها عشان اوصف ليك عقلك ..)
    تصدقي عرفتك جدا انو اكككككككتر شي حا يحرقك من المداخلات دي كللللها تعبير يا بت !!!!!
    حولاااااااااا وجيتي توووشك تتسدي بي الود عمر لأ ونظام في خاتمة المطاف ..لالالالا لكن ختتتتتتري يا طه حسين !!
    Quote: طبعا نفسك و منى عينك تخلص مني

    و بأي طريقة و أي أسلوب

    مش قلت ليك انتي ببتأثري بي القصص البوليسية ؟ يا بت انتي تختخ بيبقا ليك شنو ؟(يا بت دي والله عفوية ما زي الاولى ديك سمح؟)
    البيقرا كلامك ده حا يتخيل إنو حا اعزمك في الريفيرا واكلم النادل( اووو احب MBC2 ياخ) والنادل هو الجرسون للناس الما بيحضروا ام بي سي تو واقوم اديهو كيس صغير واقول ليهو كب من السم ده شوية في كباية العصير حقت البت سناء خالد(لسة بت بتجي بي عفوية) وتقووومي كده تشربيهو وتقووومي كده ججججججججخ تقعي في الكرسي ورقبتك متنية ولسانك طالع برة وقد فارقتي الحياة !!!
    حولااااااااااااااااا لكن من خيالك يا لوزة !!!
    اتخلص منك شنو يا بت الناس واسلوب ايه وطريقة منو والله يا سناء راسي ده فيهو حاجات كتييييرة مهمة شديد سبب واحد يخليني ازحم راسي بيك ماف ..
    ياخ زول عندو محمد عمر الفاروق ده تاني بيزحم راسو بي حاجة ؟؟؟ حولاااااا لكن ..

    Quote: أنا فضيت ليك روحي مخصوص يا عمر

    لالالالالا كده بزعل منك بالجد ..
    ما تعمليني سبب لي فراغك وفضيانك الله يرضى عليك ..
    ونصيحتي ليك خليني في هامش حياتك ما تديني اكتر من وضعي ..
    ويااا قول عادل إمام في مسرحية الزعيم :
    حجمييييني .. حطيني في وضعي ..

    Quote: ما من الأول..!

    من لحظة ما قريت دي


    Quote: سناء خالد دحين انتي مش بتاعت القصة حقت الدخلة والعرس ديك


    كضبا كاااضب ..وكضاااب كضااب يا البعيو يمين كضاب ..انا ما كضاب انا ما كضاب..
    ياخ انتي فضيتي لي روحك من ما جيتي ودخلتي ورديتي على مداخلاتي بي سطور طويلة عريضة وقبل ما اعرف اسمك زاتو وقبل ما اسالك السؤال ده ..وكدي لاحظي ترتيب المداخلات شوفي منو فينا اللي جا هبش التاني اول سمح ؟
    هو الفضيان ده غيروهو ؟؟؟ (الفضيييان ما الفيضان يا ناس عشان ما تقولوا كتبتها غلط)


    Quote: أصلو أنا روحي دي بريدها و خاتاها في حتة عالية و بتعلى أكتر كل ما الزول القدامي بيهبط

    ياخ علييك الله ما تشفي وعايني في ورقتك ..
    يعني بس عشان انا قلت ليك روحي عاجباني ووجيهوني تقومي تتسلبطي وتقنعي روحك انك عاجباك ..
    اصصصلو ما عاجباك والله روحك زاتا بتكون مضايقة منك ..واااضح جدا انك عدو نفسو والنوع الممكن عااادي جدا تقيفي قدام المراية تديري حوار مع نفسك الكارهاك دي لمااااااان تتكيفي في كنكوجك (الكنكوج هو المنطقة اسفل الكعب العالي )..

    Quote: ) كنت بصدد توجيه نقد -بنَاء ..هدَام ما مهم- للقصة

    2) كنت بصدد تسجيل اعجابك بيها

    3) و الا كنت عايزني أمضى ليك أوتوغراف؟

    هممممم ..اممممم ..امممم وبدا يفكر كما في مجلة ماجد ضاربا باصبعه على اسنانه وبرجله على الارض وفوق الراس طالعة دورانيات كده..

    الحل في الحلقة القادمة ..

                  

06-14-2009, 05:30 AM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    الاعزاء .. اسف ان فاتني هذا المقال منذ ان نشر .... امر مرادف وربما هو الذي يتحكم فيما بينته الاخت/الابنة " الادب" وهو "الحياء" .. كلاهما لا يفترقان وكلاهما ليس لهما "جنس" معين ...الالفاظ النابية هي التي تتجاوز هذين المعنيين وتنطلق خارجة دون رقيب ...لست منزها ولا من غير شاكلة ذكور بلادنا ولكن لم اتناول هذه المسميات خلال عمري لانها لم تتردد عشوائيا اصلا في مجتمعي الصغير الاسرةوالتجمعات التي اخترتها لانتمي اليها ولان ترديدها ليس معيارا لتاكيد ذكوريتي وانوثية غيري فلا انا محتاج لترديدها لاثبت ذكوريتي ولا الانثي التي اعرفها وهن كثر من افراد اسرة الي زميلات عمل وصديقات يحتاجن الي تذكيرهن بها .. فالاعضاء التناسلية لها وظيفتها واهميتها الكبري في حياة البشر مما يجعل لها قيمة وخصوصية تتجاوز العبث بها ولذا تبقي مصانة من العبث اللفظي والمادي ولنا في قواميس اللغات المتعددة التي نعلرفها مخزون من الفاظ وتعابير غيرها لتناولها ان اردنا وفق الحالة ووفق المترادفتيين الحياء والادب .....

    ارتبطت بالنشر والكتابة الاليكترونية منذ عقود ثلاث وصرت ناشطا في منابر اليكترونية خاصة وعامة منذ منتصف الثمانينات وقبل تحرير الشبكة الاليكترونية بعقد من الزمان وبالتالي لا اجد انها الا ادواة عصر متقدمة للعمل والمخاطبة والاتصال(وسائط اتصال) والعمل .. وعملي من اوله الي اخره وفي مجمله يتطلب ان يكون اليكترونيا فبالتالي كتاباتي اليومية وادارة المشاريع وتدبير احوالي المهنيةى والوظيفية والشرائية تتم اليكترونيا وبالتالي فانني اهتم كثيرا بكل كلمة او حرفا ادخله مستعملا الكيبورد .... المنابر واجهات مهمة ولا تلغي الاتصال الحسي وانما تساعد في تسرييع الاتصال ...الحاجز النفسي والافتراضي الذي يعشعش في مخيلة من يستعمل الواجهة الاليكترونية بحيث يظن ان الاخر غير موجودامامه وان ما يمكتبه او يتلفظ به اليكترونيا يحميه من ان يكون قد تجاوز حد الادب والحياء فهو واهم وجاهل لحقيقة الواجهات الاليكترونية التي نستعنلها في زماننا هذا يوميا...انا اكتب الان وفي خاطري اناث وذكور وعقول واحاسيس ولذا فانا لست وحدي ولا اخاطب نفسي انني اخاطب جمعا عظيما وبالتالي ما اكتبه اتحري فيه الدقة حتي ولو كان مزاحا او مناكفة تماما مثلما افعل وانا او اجه الاخر حسا وجها لوجه ....
    الواجهات الاليكترونية اليوم هي بنوك ومصادر اخبار وادوات اتصال وعمل سياسية واجتماعية ودراسة وعلم وشهادات واقتصادية ونضالية ( وانا لا اشارك من يري في نشر الراي الاخر هو نضالا للكيبورد(اي هامشيا) وحملات الانتخابات وتعينات سياسية وتحركات عسكرية وغيرها تتم من خلال هذه الواجهات وبواسطتها ولرؤساء كثير من الدول واجهات اليكترونية يخاطبون من خلالها شعوبهم وجماهيرهم..الخ )... الان للكتابة الاليكتروتية قوانين واحكام وملكية فكرية تحميها ومن يستغلها لا غراض شائنة او عدوانية ينال عقابه مثلما يحدث خارج الشيكات الاليكترونية .....

    ليس من حق الرجل او المراة ان تتجاوز حدود الحياء والادب اليكترونيا بحجة ان ذلك يحميه او يحميها وعموما الاصرار علي تقليل شان شريك اساسي في الحياه ذو قيمة حياتية واجتماعية ابرز كالمراه فهو نوع من جلد الذات فانا 1ذكر ومن بعض ارث ذكوري ابغضه لا اري قيمة كاملة لي بغير امراة في حياتي ام وزوجة واخت وابنة وصديقة وزميلة عمل ....

    مودتي واحترامي
    ابوبكر سيداحمد
                  

06-14-2009, 09:25 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: abubakr)

    سلام للجميع
    واعتذرعن تأخر الرد المشغوليات كتيرة
    -----
    حبيب نوره
    حبابك
    وفي الانتظار
    بس ما تزوغ
    ------------
    أماني ودينا

    واصلو،، رأي بكتبه بعد شوية بمزااااااج
    عمر الفاروق
    بتتعوق، اخير ليك
    -------------
                  

06-14-2009, 10:23 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    تك
    بووووز (موضوع البوست)

    دكين العزيز

    الحق لله، جلست أفكرر كثيراً في رد يضايقك ويحبط أملك في محاولاتك الاستفزازية
    للحق يعني فكرت اطنشك، رغبة مني في عدم فتح حوار ممطوط قلناه كثير قبل الآن
    فكرت اغيظك ولكن
    اني في لحظة نادرة من التجلي، لذا
    اعترف امام الملأ، بأن لك قدرة عجيبة في إثارة إحساس غريب كده ما قادرة اسميه أشبه بالغيظ وبعيد عن السخط
    اتكيف لردك مع اختلافي معه
    انبسط لوجودك في أي بوست اكتبه واتمنى في نفس الوقت انك ما تتداخل فيه.
    يعني أطبق المثل السوداني القائل (لا بريدك لا بحمل براك)

    واني والحق يقال، بريدك، لله فالله كده، ربما لعشرة ماسنجرية كانت، وربما للطف ردودك وجمال استفزازك، وربما لطيبة فيك أدركها وأعيها
    ودعني بتجلياتي هذه أسألك سؤال بسيط المفروض كان سألتك هو من زمان
    أنت مالك؟؟!!
    ما هي الأسباب والدوافع الخفية التي تجعلك انسان مشاكس درجة أولى، مزعج بطريقة طفولية تضايق ولكنها تضحك في نفس الوقت،، موودي، زهيج ،، مكابر،، مغالط،، مفتري مرات مرات؟؟؟
    معليش
    أنا بسأل باعتبار أنك بتاع (تحليل شخصيات) و (فاهم الدنيا ومقددها) وأنك تعطي الحق لنفسك في كتابة سطور من حياتي التي تظن انك عارفها جداً،
    تظن أنك فاهمني صح؟؟
    حللتني في أكثر من موقع، وبصمت بالعشرة أنك عارفني بل تماديت وألمحت أن سبب توقفي عن البورد الفترة الأخيرة كان بسبب زواجي وولادتي أو شئ من هذا القبيل
    بل أنك قلت أنك (شفتني) قبل كده
    والآن تؤكد بمنزلاتك حيث أنت أكيد أنك (لا تنطق عن الهوى)، أنني ضعيفة وبتاعت كلامات ونظريات وأنني خايفة ومرعوبة من وضع صورتي في البورد
    تعتقد جازماً أنني سأرد وأنفي وأحارب لرفض هذه الصورة، دفاعاً عن صورة المرأة المناضلة التي رسمتها لنفسي
    وببساطة حارد اني مش ملزمة بتفسير يرضيك،،وببساطة اتساءل (ما دخلك؟؟)
    يعني ايه؟؟
    يعني ايه لو كنت معقدة؟؟
    هل ستفرق معك يا دكين لو أن بت قضيم بصورة أو بدون صورة؟؟
    هل الشكل يمثل هذا الفارق الكبير بالنسبة لك؟؟
    هل الصور تعني عندك (الحرية)؟؟ واللا الحرية عندك (صور)؟؟؟

    عايزة أقول (ومش ملزمة أقول) أن الصورة يا عزيزي، وضع صورتي في أي إطار نتي كان أو صحيفة أو غيره، لا يعني بالضرورة تحضر واستقلالية...
    كما أن عدم وضع صورة ليس بالضرورة عقد أو خلل ما..
    الاستقلال – يا كابتن- يأتي من القلب وليس من القالب
    يا متخلف
    ربما يوم الم شعري في تسريحة الثلاثينيات، هل يعني ذلك انني انتمي لجيل الثلاثنيات يا دكين؟؟
    رجاء
    تجاوز ما فوق رأسي وصورة وجهي فما داخل رأسي وخلف وجهي هو أنا، وليس العكس،
    ليس صورتي التي خلقني الله بها دون تدخل مني، يمكنها أن تحدد استقلاليتي وعلمي وفهمي بين الناس
    رجاء
    تجاوز (صورتي ) و( حياتي) وحاول أن تتعامل مع انسانيتي وحروفي

    وبالمناسبة،
    ما رأيك ؟؟
    نقلب الادوار شوية؟؟
    تحب أعطي لنفسي الحق في تحليلك يا دكين بدون أن تستاء مني وبدون أن تحس اني بفرض رأي عليك؟؟
    حسناً
    يا دكين
    من يتعامل بقانون (الهجوم خير وسيلة للدفاع) انسان ضعيف
    أنت حنين غصباً عنك، كعادة معظم الرجال، تعتقد أن (الحنية ) نقطة ضعف، تخازل وجبن فتنفيها ببضع تصرفات صبيانية تحاول بها أن تلفت النظر لرجولتك التي تظن أن (الحنية) ستهزها وتهزمها في مقتل
    لكنك انسان كويس
    فكرة (المرة من بنبرا ولي ورا) ولو اني والله مش فاهماها كويس خالص، واعرف أن معناها أن النساء لا تنفع سوى لإرضاء غرائز الرجل والتي برضو نفيت أن جيلنا حتى دي لا يتمتع بها، مع انك مش عارف مثلاً من أي جيل أنا، لكن بمنزلاتك افترضت أنني من ذاك الجيل القايم ليك في رأسك أنت

    بمنتهى (التغابي) مرة أخرى، تفرض الصور التي يرسها لك عقلك ، فتظن أنها هي الواقع المعاش
    تأبى أن (تطلع شووووية) من صورك الخاصة، لتتمتع بصور الناس الأخرى المحيطة بك
    يا دكين
    عندي سؤال تاني وبمنع نفسي اسألك لأنه سؤال شخصي أولا وثانياً لأنه ما كان بهمني كثير
    لماذا تعيش حياة محورها البحث عن (شريكة) تعيش حياتها معك؟؟
    ما أي (مرة من بنبرا) تنفع
    لماذا تجاوز الأمر حياتك ومجتمعك والاسفير الذي تعيش فيه، بحثاً عن إمرأة ؟؟
    لماذا لا تختار (أي مرة من بنبرا لي ورا)
    ما هذا التناقض الغريب
    ماذا ستفرق معك أن تعرفها أو أنها متعلمة أو تجيد الحديث؟؟
    أليس قناعتك أن (الحوار المنطقي) لن يفلح مع ال(مرة)؟؟؟
    لماذا إذن تبحث عن شئ وفي نفس الوقت تؤكد للعالمين أنه شئ غير موجود وشئ مستحيل؟؟
    غتاتة يا ده واللا (تشوش فكري) ساي؟؟

    هل أنت (طال عمرك) بداخلك تعلم تماماً وجودها وتخاف الاعتراف بها، خوفاً من ضعفك وحنيتك المشار إليها أعلاه؟؟
    دعني أقول (وكان ممكن أجيبها من الآخر كده بدون ما أفسر لأني نعسانة اليوم وما قادرة افسر واحترم رأي آخر بقرأ معي) دعني أقول...
    الضعف والتناقض ليسا مشكلة كبيرة إذ هي مشاكل قابلة للحل،
    والجهل في حد ذاته مش مصيبة كبيرة إذ برضو قابل للحل بالعلم
    المشكلة مثلا لو أن الظالم ما عارف انه ظالم
    ومصيبة (الزعزعة) و (عدم الثقة في النفس) أن لا تدرك نفسها، أن يظن صاحبها العكس تماماً، وأن لا يدرك مدى التهالك الذي هو فيه
    وفي النهاية
    ببساطة خالص
    تاعب روحك مالك وانت اصلاً ما قادر أو (ما عندك مزاج) تفسر

    سيب الناس العقد دي، مع الرجال المجاملين ديل في حالهم
    خليك مع الناس ال(فري) والرجال ال(دغرية) واستمر
    واقف في المحطة دي مالك وانت قرفان من شارعها؟؟؟
    و
    ششششش
    تك
    بلاي (نرجع للبوست)
                  

06-14-2009, 01:36 PM

Amany Elamin

تاريخ التسجيل: 01-24-2009
مجموع المشاركات: 3541

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    (عدل بواسطة Amany Elamin on 06-20-2009, 03:39 PM)

                  

06-14-2009, 04:07 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Amany Elamin)

    Quote: معليش أنا الظاهر ضيعته زمني معاك زي ماقالت بت قضيم

    الاخت اماني
    انتي ماضيعيت زمنك..انتي زمنك اصلا ضايع طبيعي..




    وتصدقي انو الزمن الراح في ردك عليّ ده هو الزمن الحقيقي العشتيهو لحدي هسي في طول عرض حياتك

    ودي برضو وجه نظر يعني ما مجبورة تصدقي الحتة دي..

    (عدل بواسطة DKEEN on 06-14-2009, 04:09 PM)

                  

06-14-2009, 04:13 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Amany Elamin)

    اماني شكر الله سعيكم..

    (إمبل ُدب) بالدنقلاوية = مع السلامة
                  

06-14-2009, 04:01 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    يتضح جليا انك شوية كده فهمك ما حبابو

    Quote: هل ستفرق معك يا دكين لو أن بت قضيم بصورة أو بدون صورة؟؟
    هل الشكل يمثل هذا الفارق الكبير بالنسبة لك؟؟

    ياخي انا مابتفرق معاي ..انشالله تكوني مصنوعة من دخان ..
    بس انا لامن قتا ليكي داسا صورتك وعاملة نيك نيم كنتا بوريكي التنقض في كلامك الفوق
    Quote: تخيلي أن أكثرية هنا ما زالت تعتقد ن مشاركة ال(البنت) في النت، وعمل علاقات مع زملائها من النتيين لو صح التعبير، هو منتهى قلة الأدب منها؟
    وأن الكثير (لو مش الكل) ما زال يظن أن وضع صورة الفتاة في المنتديات هو عين العيب والخطأ


    يظن التحتا خط الفوق دي ماجات خبط لزق وانما جات نتاج شوف وبرهان
    يعني شافو واحدة زيك مستنيرة وتدعي الافراح والبؤس احيانا داسا صورتا وخاشة بي نيك نيم..

    ودي مادايرة اجتهاد وتحدي ولا هو استفزاز عشان اخليكي تنزلي صورة اوغيرو ..بس الحقيقة هي انك خايفة من وضع صورتك ..

    تكابيرلا تنككري تبربري بي منطق او بدون منطق ده انتي في جواكي عارفة الكلام ده..
    فياخي ما تحاكمي ظنون غيرك

    دي كل المسالة فيما يتعلق بي موضوع صورتك..


    باقي الموضوع بتاعك ده هو جزء من سلسلة مواضيع نسوية طغت على المنتديات والجرايد وونسات الصوالين
    مواضيع نابتة من قرايات خاطئة لحقوق المرة في المجتمعات الافريقية والشرقية بشكل عام..
    قرايات غير راشدة لي تجارب نسوية في الغرب..
    اندهاش بتجارب عالمين ومحاولات لم تراعي الفارق في الربط بينها وبين تجارب النساء في مجتعاتنا..
    فجاة النساوين يطقن الزيطة والزمريطة في كافة انحاء المعمورة
    جندر وماعارف حقوق ومساواة ويوم المرة وعيد الشجرة ومحاولة ركوب اي تاء تانيث غير محتفى بها..

    الذكورة وماعارف الاقصاء والاوبس والقاينا ومصطلحات تم ترجتمها من قواميس غربية لتتقافز في سوء ظنكم تجاه الرجال في دنيانا..

    اعحبتكم تجربة نسوان رائدات في مجتمعات كانت المرة فيها فعلا من بنبرا ولى ورا..
    فجاة كده كل النسوان ديل عايزين يبقو فاطمة احمد ابراهيم وسعاد آشا..


    بعدين ياخي بحثى عن شريكة القتيهو ده والقتي فيهو لاازال (اعيش)
    بلاهي شوفي مقدار الامد في اعيش دي قدر شنو ..
    من سنين معرفتي الاولى بيكي- من حوالي سبعة اعوام- وانا لا زال اعيش..
    تفتيش وبحث وكتابة وبلا متلاحق ولا ازال اعيش وابحث..
    ده بلاهي موش دليل على ضآلة المعروض في سوق نساوينكم..
    الذي استلمو من اخواني والاصحاب اهو عايشين ..الواحد تسالة اها العرس كيف يمط ليك خشمو ويقول ليك: إييييييييييييييه كورة العباسية وكوبر انتهت كم كم؟؟

    صدق اخونا الخواض حين قال انهن لسن للسرير فقط
    اصلا الافتراض بتاع اسامة انو انهن فشلن في السرير اصلا ، فقام يفتش ليكم في مهام اخرى..
    محاولة لايجاد وظائف ليكم في هذا العالم ..
    بس حتى في دي فهمتوهو غلط ..
                  

06-14-2009, 11:20 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: abubakr)

    صبري الشريف
    سلامات أخي
    بالله اسم البوست شنو؟؟
    والله ما قريت الحاجة دي لكن اندهشت من كلام التكفير القلته ده وعدم جواز الرحمة والكلام الكبار ده
    نشوف كدي

    المهم
    بالنسبة لما تورده هنا يا صبري، وأنا طبعا مش فقهية ولا استطيع أن أقول اني متعمقة في الموضوع
    بس اعتقد أن هناك خلط في كلامك بين الأحكام الشرعية والأحكام الوضعية

    وعلشان ما اقول كلام مش واثقة فيه، ولأني مشغولة شوية اليوم
    فحاجي راجعة إن شاء الله لتفصيل كلامك حيث عايز قعدة فعلاً

    خالص الشكر وبالله ورينا عنوان البوست البتتكلم عنه إن أمكن

    كل الود
                  

06-14-2009, 11:49 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    الأخ أبو بكر
    أنا اللي آسفة أنك لم تشاركنا من الأول

    ما جاء في كلامك اعتبره بيان (مش دكتورة بيان) بيان يجب التمعن فيه بدقة

    و
    Quote: ليس من حق الرجل او المراة ان تتجاوز حدود الحياء والادب اليكترونيا بحجة ان ذلك يحميه او يحميها وعموما الاصرار علي تقليل شان شريك اساسي في الحياه ذو قيمة حياتية واجتماعية ابرز كالمراه فهو نوع من جلد الذات فانا 1ذكر ومن بعض ارث ذكوري ابغضه لا اري قيمة كاملة لي بغير امراة في حياتي ام وزوجة واخت وابنة وصديقة وزميلة عمل ....


    حياك يا هذا
    ولكي لا أشوه ما ادرجته هنا من كلمات اعتبرها (مضيئة) يا قول المثقفاتية فاكتفي بالقول
    كفيت ووفيت
    فششششششششششششششكراً كثيراً لك
    دام اتزانك يا رب
    سلمت
                  

06-14-2009, 12:09 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    Quote: حياك يا هذا


    يابتي العربي الغلات دة ما بقدر عليهو -: )

    ____

    لا اظن اننا في بلادنا سنتقدم خطوات مهمة الي الامام ونحن في وضعنا الاجتماعي الان مصريين علي تهميش والغاء المراة تاكيدا لفحولتنا وذكوريتنا وتاريخ الكنداكات ومن حكمن بلاد ليس فيه شيئ من مثل ذلك بغرض تاكيد انوثتهن .. في موضوع اخر في هذا المنبر اشرت الي غياب المراة في محفل لجالية كبيرة في الاغتراب من خلال صور نشروها وانا عليم بكنداكات ضمن تلك الجالية وعرفت فيما بعد ان اثنتين حاولتا الالتحاق بلجنة الدار من خلال انتخابات فلم تنالا ما يكفيها من اصوات (ياعيب الشوم)... مقولة لا اجد فيها كثير من مصداقية هي تلك التي يرددها كثير من ذكور بلادنا "فلتناضل المراة لنيل حقوقها " لماذا ؟؟ هل ناضلتم لنيل حقوقكم الذكورية واستوليتم باسمها علي حقوق المراة ظلما واستكبارا ؟؟؟ لماذا تناضل لنيل حقوقها ؟؟ لماذا وهي حقوقها ؟؟ وتنالها ممن ؟؟ الستم الذين استوليتم -سرقتم- حقوقها ؟؟؟؟
    مواجهة صادقة لواقعنا هي المخرج ... انني احث بنتي ولقد كبرن علي ان قيمتهن فيهن وفي اداؤهن وفي عقلهن وحفظ كرامتهن وكرامة الانسان اينما كان وليس هنالك من له حق في ان يمتلك حقوقهن بحجة ذكورية ما "
                  

06-14-2009, 04:38 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    Quote: يظن التحتا خط الفوق دي ماجات خبط لزق وانما جات نتاج شوف وبرهان
    يعني شافو واحدة زيك مستنيرة وتدعي الافراح والبؤس احيانا داسا صورتا وخاشة بي نيك نيم..

    ودي مادايرة اجتهاد وتحدي ولا هو استفزاز عشان اخليكي تنزلي صورة اوغيرو ..بس الحقيقة هي انك خايفة من وضع صورتك ..

    تكابيرلا تنككري تبربري بي منطق او بدون منطق ده انتي في جواكي عارفة الكلام ده..
    فياخي ما تحاكمي ظنون غيرك

    دي كل المسالة فيما يتعلق بي موضوع صورتك..


    باقي الموضوع بتاعك ده هو جزء من سلسلة مواضيع نسوية طغت على المنتديات والجرايد وونسات الصوالين
    مواضيع نابتة من قرايات خاطئة لحقوق المرة في المجتمعات الافريقية والشرقية بشكل عام..
    قرايات غير راشدة لي تجارب نسوية في الغرب..
    اندهاش بتجارب عالمين ومحاولات لم تراعي الفارق في الربط بينها وبين تجارب النساء في مجتعاتنا..
    فجاة النساوين يطقن الزيطة والزمريطة في كافة انحاء المعمورة
    جندر وماعارف حقوق ومساواة ويوم المرة وعيد الشجرة ومحاولة ركوب اي تاء تانيث غير محتفى بها..

    الذكورة وماعارف الاقصاء والاوبس والقاينا ومصطلحات تم ترجتمها من قواميس غربية لتتقافز في سوء ظنكم تجاه الرجال في دنيانا..

    اعحبتكم تجربة نسوان رائدات في مجتمعات كانت المرة فيها فعلا من بنبرا ولى ورا..
    فجاة كده كل النسوان ديل عايزين يبقو فاطمة احمد ابراهيم وسعاد آشا..


    بعدين ياخي بحثى عن شريكة القتيهو ده والقتي فيهو لاازال (اعيش)
    بلاهي شوفي مقدار الامد في اعيش دي قدر شنو ..
    من سنين معرفتي الاولى بيكي- من حوالي سبعة اعوام- وانا لا زال اعيش..
    تفتيش وبحث وكتابة وبلا متلاحق ولا ازال اعيش وابحث..
    ده بلاهي موش دليل على ضآلة المعروض في سوق نساوينكم..
    الذي استلمو من اخواني والاصحاب اهو عايشين ..الواحد تسالة اها العرس كيف يمط ليك خشمو ويقول ليك: إييييييييييييييه كورة العباسية وكوبر انتهت كم كم؟؟

    صدق اخونا الخواض حين قال انهن لسن للسرير فقط
    اصلا الافتراض بتاع اسامة انو انهن فشلن في السرير اصلا ، فقام يفتش ليكم في مهام اخرى..
    محاولة لايجاد وظائف ليكم في هذا العالم ..
    بس حتى في دي فهمتوهو غلط ..
    دكين!؟!
    انت صارف عربي قدر ده فوق كم؟
    براحة علشان ما يجيك ضغط ولا يطق ليك عرق
    المراة البناقشها هنا دي ما لازماك ولا هي مرادك
    شن طعمك جاي تنظر؟

    شاقي بحمد و مارق بخوجلي و شخصنت الحوار و بقيت في رقبة بنت قضيم
    ما ياهو نوع الحوارات المأزومة دي الجابتنا ورا و خلتنا نباري الجداد
    انت نفسك محدساك انو انت لا يأتيك الباطل من بين يديك ولا شنو؟

    يا زول ؟ خليك في المرة اللي من بنبرا ولورا دي
    واختى النساء اللي ليهن رأي و بتفاكرو فيه ..

    انت موش عنقالي؟






    وتيب؟
                  

06-15-2009, 12:19 PM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: عزاز شامي)

    أخي أبو بكر
    عندك حق ، حياك هذه ذي (قبلاتي) الكان كتبها تمبس قبل كده
    سلمت للفهم الراقي
    ورحم الله والديك دنيا وآخرة يا رب على هذا النبت الصالح
    سلمت

    يا عزاز
    لا تعليق

    دكين
    أوكي

    تحياتي للجميع
                  

06-15-2009, 02:35 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    قبل اعوام جاوزت الثلاث وعند فوز الكنداكة الافريقية الين جونسون رئيسة لليبريا ( ومن ذاك الوقت هدأت ليبريا والتي كانت ممزقة بحروب قاسية ) كتبت الي مجموعة من الاصدقاء المبعثريين شتاتا في هذه الدنيا العريضة مطالبا بعودة زمان حكم الكنداكات ونشرته في مدونتي الخاصة sidahmed.blogspot.com وتعظيما لكل نساء بلادي اللاتي لولاهن لما تخطينا مصاعب كثيرة ومازلن يكابدن لترقية اجيال سودانية صغيرة واملا في ان ياتي اليوم الذي تواصلن ما انقطع فتدرن امر بلاد ارهقتها الحروب وفكر ذكوري بائس اعيد نشر ما ذكر ته :

    Quote: Sunday, January 29, 2005

    ترحيبا بعودة الكنداكات الي كرسي الحكم في افريقيا

    لسبب او اخر - وليس فيه مما يجول دائما في خواطر العاربة والمستعربة واهل المؤودات الذين استبدلو ؤادهن روحا وجسدا بتهميشهن فيما بعد والترفع عنهن بذكورية جعلوها سببا لذلك غافليين عن انه لولا انوثتهن لما وجدوا احدا يعير
    ذكورتهم انتباها - انا من الذيين يصنفون في بعض من هذا العالم بال
    FEMINIST
    كذلك تعنصرا ذكوريا فليس هنالك مثلا
    MALEIST
    ..... فالذكور كل حقوقهم مصانة غصبا واغتصابا لحق المراة والماعاجبها مطلقة بالثلاث !!! ليه ياخلق الله !!! وليه بالثلاث ومين انت ياخي !!
    قبل ان يذهب بخيالكم بعض من موروثات العاربة والمستعربة ورغما ان لكل فولة كيال فانا الان ليس في من فائض فولة للكيل فانا اخر "السطة " والحمدلله اموت في حب امي و زوجتي وبناتي واخواتي وبنات اخواتي واخواني وكل مؤنث في اسرتي ...
    اطالب منذ زمن في المنتديات النوبية بعودة الكنداكات الي قيادتنا فالنوبة لم تري ازدهارا مثل الذي كان في زمان الكنداكة الام سيدة كنداكات افريقيا ومنذ رحيلها بعد ان قادت ابنائها الي طيبة لتنقذ عرش فراعنة مصر الذين قهرهم البيزنطة فاسس ابناؤها الاسرة الخامسةوالعشرين وصاروا الفراعنة السود ... وبرحيلها صارت الشعلة النوبية تخبوء شيئا فشيئا حتي اتي زمان من فرض عليهم استرقاق ثلاثمائة منهم مقابل نبيذ للكنيسة رغم ان الخمر حرام"مش كدة ياجماعة والا ايه ؟" وزمان السدود من اسوان الاولي الي الثانية التي ابتلعت الارض والمقابر والثالثة التي سميت مروي نكاية بكل الارث النوبي في ارض تمتد ثلاثمائة كلم في داخل النوبة لتبتلعها بما في باطنها من اثار لم تكتشف بعد ...
    انا منشرح الصدر بعودة زمان حكم الكنداكات بوصول السيدة الين جونسون الي سدة حكم ليبريا –بعد ان مزقت ليبريا حروب الذكوريين - وامس كانت اخر روعة وهي تؤدي القسم بكامل اناقتها و حولها كثير من ذكور افريقيا والعالم الرؤساء وهم لابسيين استرتشات محزقة كا اشار الاستاذ ادم ضمنا واكيد كانو يتصببون عرقا خوفا من الزلزال القادم حين تعيد افريقيا سيرة "يا اسنتيوا الاشانتية " و" امينة الزاريةالنيجرية " و "كاهينا البربرية " و "ناندي الزولية " و"نزينق الانجولية " و"نهندا الزمبابوية " و"ماكيدا السبوية " و "نفرتاري النوبية " و"نفرتيتي " و"حتشبسوت " و"اماني ريناس النوبية " و "تاي النوبية " ... واكثر انشراحا لانه ياتي قبل ما يعرف بمؤتمر الذكورية الافريقي ومقدمته من اجتماع السيدات الاوائل وهو نوع من الدعاية للرؤساء الذكور تقمن به زوجاتهن غصبا عنهن واحيانا رضاء بدور هامشي فرض عليهن فاجتماعهن لا يودي ولا يجيب في مجتمعات ارثها السلطوي الذكوري هو الغالب ...
    فيا ذكور افريقيا الرؤساء و معظمكم من جماعة ابي عاج وابو عصاية وابو كرش جاكم بلا

    17.01.06 ...!

    26/01/06
                  

06-15-2009, 03:55 PM

Amany Elamin

تاريخ التسجيل: 01-24-2009
مجموع المشاركات: 3541

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: abubakr)

    (عدل بواسطة Amany Elamin on 06-20-2009, 03:40 PM)

                  

06-15-2009, 06:45 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Amany Elamin)

    من خالد غالي :

    Quote: وجاء دكين وقال كلاما تظن انه اشتر لكنه في صميم الموضوع ... فهب فيه من هب ... فجاء وسحبه بحردة لطيفة محببة .. ثم مالبث ان جاء وقال المرا من بنبرا ولي ورا ... وحقيقي انا فرحت ... ثم جاءت بت قضيم وقالت ثابت بوست .. وقالت كلام لدكين طولت ماقالتو ليهو تلك لعمري بت قضيم البنعرفها .. وفعلا حسيت انو دي بت قضيم وحسيت انو سودانيز لسة بخير .. ثم امرت بت قضيم بمواصلة البوست كانما لم يحدث شي ....

    والحقيقة يابت قضيم اما انك عجزتي او انك صدقتي كلام الناس البيقولو ليك ده بتاع الرواد الاوائل وما ادراك ما الرعيل الاول وشنو ماعارف لانك ليك فترة كده كلامك رصيييين كده ومافيهو السخرية اللازعة الخفية اللذيذة ديك ... وبرضو يعني معليش لكن بقيت شايفك تردي علي اي مجاخلة حتي لو كانت علي شاكلة شكرا وبارك الله فيك ودي ما عادتك .. لكن كلامك الاخير لدكين ده ياهو كلامك وياكي بت قضيم البنعرفها ... ربنا يحفظك ويبعد عنك شر الرعيل الاول

    وبرضو بما انك خففتي من اللهجة البديتي بيها البوست ياريت تنظمي الكلام وتاخدي في الاعتبار الحاجات الاتفقو عليها الناس عشان تتوضح نقاط المناقشة .. ولانو برضو العنوان بتاع يوجد رجالة وما ادراك ماسوط عنج بقي ما مناسب .

    واصلي مع دكين لاني شايفو رد ليك وامتعونا ياخ بنتفرج فيكم من بعيد ولو في حاجة حرقتنا البركة في ايميل نازر الله يديهو العافية

    تحياتي خالد غالي
                  

06-15-2009, 06:46 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Amany Elamin)

    من جيم باهي :

    Quote: الآخ الكريم ناذر الخليفة

    لك مني التحايا أجملها

    ولك تحياتي على بوستك الجميل بتاع الموصلي و شغله الجميل وغيرها من مشاركاتك في المنبر العام والتي تنبئ عن ذوق عالي ومزاج رايق وفهم جميل .. .

    وبعد

    فأنا واحد من المتابعين لمنبر سودانيز أون لاين منذ فترة طويلة ترجع للعام 2003 وكحال الكثيرين المتابعين من المساطب الشعبية من أمثالي أجد نفسي كثيراً راغباً في المشاركة والتعليق في أحد الخيوط المنثورة على هذا البورد العظيم لكن يقف الباسوورد اللعين دون تحقيق تلك الرغبة وفي هذه الأيام وجدتني مشدوداً جدا للنافذة التي فتحتها الاخت بت قضيم وودت التعليق والمشاركة وراجو تكرمك بإنزال مشاركتي هذه إن وجدت فيها ما يفيد. وأبدأ فأقول أنا النقاش المطروح جميل من الجانبين .. وطبعاً بت قضيم ابتدرت هذا الخيط من وحي المساجلة التي جرت بين عزاز شامي من جانب وود الباوقة والسيدح من الجانب الآخر وما حدث في ذلك البوست من (عنف لفظي) ضد عزاز فحرك هذا الكوامن لدى بت قضيم حول ممارسة العنف ضد النساء وقمعن وإسكاتهن باستخدام العنف اللفظي بسبب عدم مقدرة الطرف الأخر (الرجل) على الرد .. لكني أرى غير ذلك من متابعتي لهذا البورد فمثل هذا التصرف ليس حكراً على الرجال وحدهم .. فحتى النساء هنا كثيرا ما يلجأن لهذه الطريقة في حال انعدام المنطق والحجة .. فقط يختلف الأسلوب .. فإذا كان الرجال يحولون البوست إلى (بيت عزابة) من خلال العبارات التي يتداولونها والتي لا تستطيع السيدات مجاراتهم فيها، فالنساء يستخدمن اسلوباً آخر أكثر دهاءاً ومكراً وهو وصم الشخص المختلف معه بالتخلف الذكوري وعدم الإيمان بمساواة المرأة وتحررها وممارسة التمميز ضدها .. والغريب واللافت للنظر هنا أن (المتهم) في هذه الحالة يجابه بهجوم لا هوادة فيه من قبل كل العضوات ـ في بعض الأحيان دون حتى دراية كافية بالسياق والخلفيات) (بس وقفة لله كدة مع أختهن) إضافة لهجوم الأعضاء الرجال الخائقين من وصمهم بنفس الاتهامات إن هم لم يشاركوا في إبداء رأيهم وتأديب ذلك العضو (المتخلف) . على العكس من ذلك نجد أن النساء في هذا المنبر يتمتعن بحرية كبيرة في في استخدام العنف (اللفطي) فالواحدة تستخدم عبارات مسئية بجراءة تحسد عليها ودون أن يرمش لها جفن ولا تجد من يستنكر لا من العضوات ولا الأعضاء وحتى من يستنكر يستنكر على استحياء حتى لا يغضب معسكر النساء ... آما فيما يخص الهيمنة الذكورية والتمميز والإقصاء وما إلى ذلك من عبارات مثقفات سودانيات فاستغرب والله وأتعجب أين هذه الأشياء من واقعنا المعاش لا أعتقد أن هذه الأشياء موجودة وإنما هي محض توهمات وتخيلات في أذهان من ينطقن بها ... وحين ما انظر لنفسي مثلا أو لآي واحد أعرفه من جيلي ، لا أجد أنني أمارس هذه الأمور ضد زوجتي أو أنني سبق وأن مارستها ضد زميلاتي في الجامعة أو في العمل مثلاً .. فمن أين تأتي هؤلاء النساء بهذه الألفاظ ؟ وأدعو بت قضيم وكل من تعتقد بوجود هذه الممارسات ضد النساء أن تنظر إلى حياتها الشخصية .. إلى زوجها هل يمارس ضدها أي نوع من التمييز أو العنف أياً كانت أشكاله .. وهل لو كان الأمر كذلك كنا سنراها تشارك في مثل منتديات الحوار هذه ؟ بالله عليكن ضعوا الكرة أرضاً وحاولن نسيان هذه التوهمات التاريخية التي لا أساس لها أبداً

    .. فما تدعونه من تعرض للتمييز يماثل في رأي ما تدعيه إسرائيل من تعرض لمحرقة النازية .. تباكي وإدعاء بالتعرض للظلم واستدرار للشفقة لتحقيق المزيد من المكاسب والدعم .. من أمريكا والمجتمع الغربي في حالة تباكي إسرائيل .. ومن الرجال في حالة تباكي النساء

    ولك شكري وخالص تقديري آخي ناذر .. ولو لقيت كلامي ده كويس ونشرته وقتها سأتشجع وأمدك بكلام كتير تاني عايز أقوله في (الحتة دي) بإذن الله
                  

06-15-2009, 10:04 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: ناذر محمد الخليفة)

    تجربة المرة السودانية في المساهمات العامة - العامة دي غير تربية النشء والتحريض- دي مسالة قديمة لاتحتاج
    الى تكرار ممجوج ومستهلك وممل من بنات هذا الجيل اللواتي لايحسن سوى البربرة في المنتديات والصحف باشياء هي بقت من المسلمات..
    اشياء زي التقول اكشتفنها فجاة في صفحة من كتاب فطفقن يحاولن اللحاق بشي في الخاطر..
    يعني بدل مايبدو من حيث انتهو رائدات العمل النسوي جايين بادين من حيث ديك بدو..
    حتى القرن العشرين تواترت انباء عن دور المرة السودانية المتالق في كافة العهود التي انصرمت..زارعة
    او كنداكة اومعلمة في الخلاوي او حوارة اومحرضة في الحروب او في اعمال الغناء الشعبي والهدايات..
    النادي النسوي ده زمان حبوبتي قات لي سويناهو في ود مدني في 1926 صحي قام بي مبادرة من زوجات بريطانيات بس ضم لفيف من زوجات كبار الموظفين والعاملين في الحكومة الاستعمارية انذاك..
    اسلئكم وهرجلتكم دي لامن ظهرت بصورة واضحة لامن كونو جمعية للمرشدات في 1928 جو المتخلفين الزينا وقالو ليهم ده خروج عن العادات والتقاليد وقفو ليهم النشاط وبقو بس خواجات لحدي ما فتحو عضويتو لي السودانيات في 48 ..
    وجات بعديها رابطة الفتيات الثقافية ودي كانت فيها حبوبتي عضوة..
    حبوبة الزول البتمشي فيهو ده وعاملاهو مطرطش قرت مدارس مصرية وكانت عضوة في رابطة نسوية..
    وكان ستهم خالدة زاهر الساداتي البقت ماعارف اول دكتورة او شي من هذا القبيل وفاطمة طالب سكرتيرة ..
    فاطمة طالب المعلمة والتي ظلت معلمة حتى توفاها الله المابتخافوهو فينا ده..
    الجميعة دي اشتغلت في السنوان محو امية من سنة 47 بس الظاهر اميتكم دي ما بمحاها قلم..
    من الاربعينات دور المرة السودانية الواعي بقى واضح ومافي تورين بتناطحو فيهو..
    خالاتي قالن لي كنا في الخمسينات بنطلع مظاهرات وفزنا في نقابة تابعة لوزارة الصحة ..
    اها واحسبي عندك دور ناس نفيسة المليك بتاع اتحاد المعلمات وسجلتو ليهم الدولة بصورة رسمية ..

    واحدة اسمها عزيزة ازرق كانت بتجي في بيت خالتنا روي عنها انها سعت وشكلت مع الرائدات من جيلها الاتحاد النسائي السوداني من 52
    من52 النسوان االسودنيات قصة المتاجرة بي قضاياهن - لو اصلا في قضايا- للظهور والبربرة بقت موضوع مستحمي..

    اهم شي مرقو بيه من 52 انو قعاد المرة في بنبرا ده اهم شي بالاضافة انها تكون عاملة في المجتمع...
    ماسمعنا بيهم قالو الذكورة والفحولة والجندر ..كانن عاقلات جدا واول الطلعو بيهو تجويد دور المرة في المجتمع والاهتمام بالطفولة ووالامومة والقضاء على الفقر وماعارف التنميةالاجتماعية..
    ادوار كده هي في لب العمل التوعوي المدروس موش البرطمة والقفز فوق مستويات الفهم العام لمجتمع ماشي يرجع متخلف بسبب جهالتكم وجهالات الراعي الرسمى
    هسي بلاي كدي بي كل الصدق الفيكي امسكي اقرب تلاتة نسوان حتلاقيهم بعد ماتعملي شت داون للجهاز ده وفي الحتة الانتي فيها دي..
    وشوفي اهم اهتماماتم كنساء وكآمهات وربات منزل ..
    لو مالقيتي ونستها انو راجلا بني او قرب يبني او بفكر يبني او شايلين هم البنيان بتاع بيتم في السودان او جابت كم ملاية زي ملاية ناس هالة والتوب الموضة شنو واخر قيدومة ناس فلانة جابو فيها شنو..
    قرقرابات فارغة او طين عفانات ساي على قول مولانا محمد حسبو

    كلامكن ده ما بتقال هنا في منبر بتاع انترنت ..
    ده كلام يتساق في حتتين :
    يا في ونسة نساوين عسى يهتدين او
    قدام مسجد بتاع سلفيين ..
    المنبر ده الناس الفيهو لو مرقتو منهم ابان دقون ديل مافي واحد فيهم بغالطتكم تاني فيهو غيري..
    البتقولو فيهو ده انتي واماني وعزاز وبقية الخائضات هي مجموعة مسلمات لم تعد تحتاج الى ايراد او توضيح عشان نطناطح فيهو هنا..
    انا غايتو بالنسبة لي ونسة زي ماقالت اماني ..ونسة ممكن بيها شوية شوية اتعرف على اماني دي لا اكتر ولا اقل..
    يعني مداخل لي هظار تقيل مدروس اتوسل بيهو لعرفة بت..

    في الاربعينات قالو في واحدة من من بنات امدرمان دي اشتغلت في مصلحة الاقتصاد ..
    اها قالو اخوها واهلها كانو بقدموها لحدي باب المكتب..
    وبعد كم ساعة يجو تاني يرجعوها لامن تمرق عشان يوصلوها البيت..وبعد ده قالو كان ناس امدرمان بفلقوهم بالحجار باقي علب البيرة زي المجدلية..
    وقالو في المكتب الكانت شغالة فيهو في ناس حلفو طلاق انهم مايقعدو معاها في مكتب واحد..

    شوية شوية لامن بقو تسعة بنات والحجار والطوب قلو شوية شوية..
    هسي الواحد فينا لو قالو ليهو حتشتغل مع بنات تجيهو ام فريحانة..

    ياخي الجعليين العاملين فيها رب حوش الحريم ديل..
    جبل ام علي ده قالو مسمى على واحدة اسمها بكرة بت مكابر قالو كانت من المحاربات الشرسات وكان عندها راي وراسا
    ناشف وقدر مايجبو ليها الرجال للعرس تقول ده مابنفع معاي لحدي ما اتزوجت بي مزاجها وانجبت عليا وسمى الجبل باسمها جبل ام علي..

    ده غير الشيخات الدرسن القران في الخلاوي فاطمة بت جابر في منطقة ترانج وعائة بت قدال في نواحي جبل اولياء
    ونسوان المساليت والبرقو..
    ياخي دي سلسلة طويلة من نساء سودانيات ملكن حقهن في مايصبون اليه..

    احترام المرة والاحتفاظ بها في رفوف المخمل لايجعل منهن عورة ومسبة ..
    الراجل العوقة منكور ..
    والمرة الدلاهة منكورة..

    والمرة البتسوي البتقولو بتكون مسموعة الكلمة في مجتمعنا..
    وفي اي عيلة سودانية بتلقى انو فلانة ديك (مقدر) وبتقدر تستلم الشغلة واتيفر الشغلة كانت( عرس- سماية - تربية - بنى بيت او ادارة عمل)
    َمقدر موش لانها خرجت عن العرف والتقليد ..
    بس لانها قدرت تثبت انها ليست ضعيفة وانها ذات راي..
    وفي نفس الوكت بتلقى راجل مابتشريهو بي بصلة لانو ما زول راي..
    المحك ليس الانوثة والعورة واعضاء التناسل وانما الراي والمشورة والقدرة على فرض الانجاز..


    انتو كده انسو فكرة انكم عورة دي في الاول وبعدين تعالو قولو لينا ننسى..
                  

06-16-2009, 08:32 AM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: DKEEN)

    ههههههههههههيع دكين يا اخي انت ما زول ذكي ولعه وعجمي طوع لغه الاعراب مالك علي البنات ديل اسه هارشهن
    انت للان ما لاقي عروس يا بن انيسه مش لان المعروض ما عجبك انت الما عهجبتهن بلا قرضمه معاك
    دحين رسل لي التظكره النشوف الدوحه دي للزمان وتكون عربون مهر للمنقه
                  

06-16-2009, 02:51 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: doma)

    دومة

    ياخي وحاة الخوة ونحنا البينا خوة قديمة تجيبي الفاتورة بتاعة التذكرة افرشا بين يديكي دراهم ..
    انتي قايلة المنقة ديك هينة؟؟
    انتي بس انقزي وتعالي..
                  

06-16-2009, 02:53 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: doma)

    من اين اتى هؤلاء النساء؟؟
                  

06-16-2009, 03:05 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: DKEEN)

    دكين ياخ اصصصصصلو ما بتطور؟؟؟
    قطر دي ما اضافت ليك اييي شي والله اللهم الا انها جعلتك اكثر شجاعة في مواجهة كاميرات التصوير الديجتالية ..
    من اووووول مداخلة ليك وانا عرفت إنك تاني ما حا تقيف ..
    وحا تجي وررررررررووووووووووررررررررررررررررر تكتب لي زي طفشطاشر سطر احسبها مكررة ومعادة للمتابعين ليك من زمان بينما ربما اوقول ربما تكون جديدة على (اماني) اذا ما كانت من المتصفحين الجيدين في السابق..
    جيت شبكت الناس رجال مجاملين ونساء معقدات فانضممت مرحبا بك في زمرة الرجال المجاملين بينما تواصل النساء المعقدات معاك وما قصرن في الرد عليك ..
    دكين والله حنكك بيش ياحبووووب جدد جدد يا قريبك ..
    بالمناسبة عديت ليك مداخلاتك من بعد رجال مجاملين دي فوجدتها تقارب الجغلومية ونيف ..
    يبدو انها حسادة منك سااااااااااااي عايز تطفشنا من البوست ده وتسفسف النبق براااك يا عمك لكن تلقاها عند الغافل
    بوست وضع كللل البيض في سلة واحدة من الصعب مبارحته ولو استفزنا دكين (حكمة يونانية)..
                  

06-16-2009, 04:41 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: عمر الفاروق)

    Quote: سطر احسبها مكررة ومعادة للمتابعين ليك من زمان بينما ربما اوقول ربما تكون جديدة على (اماني) اذا ما كانت من المتصفحين الجيدين في السابق..


    ياعمر يا وجع قلبي
    انا في البوست ده مابهمني غير اماني..
                  

06-16-2009, 09:19 PM

ismeil abbas
<aismeil abbas
تاريخ التسجيل: 02-17-2007
مجموع المشاركات: 10789

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: DKEEN)

    ألأخ/الراقية..بت قضيم ..السلام عليكم..

    الجابنى ليك فى البوست ده عمر الفاروق....كنا بناقش مع بعض فى موضوع.قريب لموضوعك ده.وقال لى إنت فاتحة بوست بمنتهى الجمال حول هذا الموضوع..

    الحقيقة عمر نادر ما بشكر ليهو حاجة..ولما يشكرليهو حاجة بتبوظ..مع العلم بأن الزول ده عينو ما حاره..

    موضوعك لقيتو زى ماقال لى لكن كمان لقيتو اتشعب وإتشخصن برضو...والناس ديل ما بخلو حاجة سمحة بتمشى لقدام عشان نستفيد كلنا بحوار هادى وجميل...

    والله ألأنثى دى حاجة جميلة فى الحياة..خلاقة..رؤومة.رحيمة..مبدعة..متجدده...

    أما البعض منهم واكرر .البعض منهم.مشوهات جماله وبهجته ..بالمقارعة بدون فهم ووعى...

    الرجال بختلفوا فى فهمهم للمرأة ومدى تقديرها واحترامها..وفى نفس الوقت .لابد ان تكون الحياة قائمة على مبدآ ألأحترام والتقدير لبعض إن لم يكن هناك حب..ولو كان هناك حب تكون عجوة معطونة فى عسل الحياة. بألأضافة للأشياء المذكورة..
    Quote: على فكرة المصريين عندهم مثلا ًمليون في المية صح (زوجك على ما تعلميه)
    وفعلاً
    لو كنتي علمتيه من البداية فكرة (التعاون) كان هسه بقى ولا أسامة السيد
    وبدون هزار


    الحتة دى ما صحيحة ما إحترامى ليك..وطبيعة المصريين لاتوافق طبيعتنا..عندك فى أغلب ألأحيان الزوج المصرى بجى يسلم كل راتبه لزوجته ويقول ليها اتصرفى..قليل من السودايين البفعل ذلك...

    فلنرجع الحتة دى للدين..الرسول صلى الله عليه وسلم كان يساعد زوجاته..وكان يداعبهن..ويمازحهن.. .وقال صلى الله عليه وسلم..ما اكرمهن إلا كريم وما أهانهن إلا لئيم...

    ولكن بالمقابل ..المرأة لابد ان تكون مالية مركزها وهيبتها وان تناقش بأدب وبدون تطاول...

    وبرضو الراجل كذلك..عشان ماتجوا تقولو لى والراجل ليه ما يملآ مركزو....


    Quote: لكن كلامك للأخت أماني، حابة اكتب معلومة دينية تذكيراً وتعليقاً
    وهي أن المرأة حتى لو كانت صاحبة عمل وصاحبة دخل رئيسي، وعندها ورث، ومش محتاجة، حتى لو، لا يسقط حقها في أن ينفق عليها الرجل
    وأنا في رأي هذا أكبر دليل على نصرة الدين الإسلامي للمرأة

    وده فعلآ الكلام الصح..ان تضبطبى البوست بتاعك بنفسك من ألأنحراف....
    خالص أحترامى................إسماعيل محمد احمد عباس....
                  

06-17-2009, 09:20 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: doma)

    صباح الخير جميعاً
    ولكلكم شكراً جزيلاً
    بحاول ارد بس مشغولة شوية
    ادوني فرقة بجي
                  

06-17-2009, 11:47 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    سلام تاني
    يا خالد الغالي شكراً للملاحظات الغريبة (يعني لفت نظري لحاجات أنا ما كنت منتبهة ليها)
    أولاً من ناحية الكبر دخل فالكبر دخل ولا مغالطة
    لكن الغريب ما تقوله عن اسلوبي الرزين وما عارفة كيف، بالله أنا قدر ده كنت مسيخة يا هناي؟؟
    وكمان بطنش الناس ما برد عليهم واضطهدهم؟؟
    لا ياخ قول غير كده
    دكين زهجني وطير الكلمتين من راسي،ومسخ لي البوست، وما عايزة ارد عليه، حردت ليه البوست زاتو

    وبعدين فكرة البوست الأساسية كانت (وما زالت) الحديث عن التربية والأدب في المجتمع السوداني،
    الكلام اتقلب منافسة بين الرجل والمرآة وما عارفة كيف
    أنا غايتو بنتظر الأرشيف، لو كمل الكلام هنا كان بها، لو ما كمل بفتح بوست جديد، وبررررررضو بقول كلامي
    على فكرة
    في أغنية تتردد في راسي غايظاني شديد، ثقيلة كده (صورتك الخايف عليها، وانت ما خايف علينا، فيها ايه انسان بعزك لما يحفظ ليك صورة) تررررررررن
    صورتك ال(خمستاشر واحد بصفقوا)
    تفتكر المناسبة شنو اتذكر الغنية دي الآن؟؟
    المهم
    بجي
                  

06-18-2009, 09:03 AM

Amany Elamin

تاريخ التسجيل: 01-24-2009
مجموع المشاركات: 3541

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    (عدل بواسطة Amany Elamin on 06-20-2009, 03:42 PM)

                  

06-18-2009, 02:44 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Amany Elamin)

    يا أخوانا خالد غالي دا شوفوا ليهو باصويرد معاكم بدل الشحتفة الهو فيها دي ..!! :

    Quote: ( لووووووووووووول) يابت قضيم

    انا انتبهت لي حاجاتك لاني شايفك من بعيد مش لما نقرب صورة لي عيونا شديد مابنشوفها بي وضوح ... او كما قالت يرحمها الله

    ماكنت ولاعشتي مسيخة لكن كنتي عملية ومابتجاملي .. اسي بقيتي بتجاملي وعملية .. وانت براك شوفي ايهما افضل واحكمي

    من علامات الكبر عندك انو دكين بقي يغلبك بسهولة بالكلام ويضطراك تحردي ليهو البوست وعلي فكرة دكين ده عندو مآرب اخري وكلامو ده ممكن نختو تحت قاعدة .. حنك داخل حنك زي تفاضل دالة الدالة ... لووووووول مش عليك الله

    وبرضو من علامات الكبر عندك بقيتي مابتقدري تسيطري علي بوستاتك من المقلبيين والمقلباات لما بوستاتك بقت تنقلب بدون ماتعرفي من اي منقلب ينقلبون ..

    الغنية دي بتكون من ضمن اسباب بوستيك القصير جدا الاسمو تشوف العمي انشاء الله متزكراهو ؟؟ خليتي مالك بالمناسبة ؟؟
    انا برضو عندي اغاني في راسي غايظاني لكن نعمل شنو الله غالب بس

    المهم لو كان عندي باس ويرد والله كنت رسلت ليك مسنجر داخلي بخصوص الغنية دي رغم انو المسنجر الداخلي مافكرة حكيمة الايام دي وما اظن في زول قاعد يستخدمو في الفترة دي لكن كنت حا اتوكل واعملا واجري علي الله

    واصلي يابت قضيم ياخ الناس دي كلها منتظراك

    تحياتي خالد غالي

                  

06-18-2009, 07:45 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Amany Elamin)

    Quote: وبعدين هو الزي دكين ده العرّفوا شنو بمعاناة المرأه في المجتمع الذكوري؟

    يعني الحاجات الجاية دي كلها من الذكور ..ومن ثم قالت..
    Quote: شن عرّف دكين بالتحرشات اللي بتواجه المرأه المحترمه في الشارع والعمل ومقاعد الدرس؟ !!

    انتي شن عرفك بي نوعية المرة (غير المحترمة) الحايمة في الشوارع والقاعدات في العمل وبي الحاصل في مدراس البنات؟؟
    شن عرفك بي إظهار الرقم في الجامعات والشوارع وكبائن التلفون؟؟احكي ليك عن شكل المرة في الشارع السوداني والشغل والجامعة؟؟
    Quote: شن عرّف دكين بالعنف المنزلي؟

    شن عرفك انتي بي اهمال المرة لي بيتها وفشخرتا وقصص (عايزة ملايات زي ملاية ناس سعاد) شن عرفك بي الاهتمامات القشور حقت النساوين وونسات الضحى والقطيعة ؟؟
    وبعدين ياخي العنف المنزلي البعملنو النساوين مالي مجلدات ومجلات ...وبعدين ياخي انتو خليتو راجل يقعد في بيتو اصلا عشان يمارس عنف؟؟
    Quote: شن عرّف دكين بخيانة الأمانه والتحرش داخل المنزل؟

    شن عرفك بي قصص النسوان المصاحبات عيال صغار ومبارين المسنجرات والفيس بوك وقصص النسوان الشغالات ؟؟
    Quote: شن عرّف دكين بالاستغلال المادي للمرأه من قبل الزوج (والأب أحيانا) والاتكال علي عملها ودخلها؟

    شن عرفك انتي بي فشخرة النساوين وطلباتن القصرت عمر الرجال وخلت الواحد يمرق صباحي مايرجع إلا ربع الليل الاخير ؟؟
    وبعدين في ذمتك دي هسي قضيةذكورية؟؟

    Quote: شن عرّف دكين بخفاض البنات واثاره النفسيه والطبيه؟

    خفاض البنات مين يا مفقهية انتي..اهودي شغلة نساوين ماعندها دخل بالرجال ..نحنا كان عجبتنا بي شنبات بنشيلا..
    راجعي تاريخ البنات الطهروهن في حلتكم مافي زول جاب ليها الطهار غير امها او خالتا او عمتا..

    Quote: شن عرّف دكين بالزواج المبكر في القري واثاره النفسيه؟
    وشن عرفك بي الزواج غير المبكر؟؟
    اها افرضي في حمرة الوز البت بعرسوها من 12 سنة ..فيها شنو؟؟
    قولي عشرة سنة؟؟
    الاشكال وين؟؟
    ياخي دي قري متصالحة مع عاداتا ومافي بت بتكورك يوم دخلتا من جهالتا...
    البكوركن ديل ناس التلاتين وانتا ماشي..
    وبعدين دي قرى ودي تقاليد مرضية ..انتي مالك عايزة تفرضي فكرتك وعالمك وتصورك؟؟
    Quote: أكمل وللا تكملي الباقي يابت قضيم؟

    تكلمي شنو انتي صدقيني ملخبتة بالحيل...
    امورك جايطة ساي ..ومافارزة عناوينك..

    القتيهو فوق ده ليست امور جندر او ذكورة او كركدن..دي امور اجتماعية نسبية تساهم فيها المراة بمقدار يكاد يكون اكبر من مساهمة الرجل فيها..
    وقد يختلف فيها الجنسان..وممكن عادي تلقى راي نسوان كتار مخالفات لي رايك ده وشايفات انو السبب في الموال بتاعك الفوق ده اساسا هو النساء..

    وعلى العموم لو نظرتي ليها نظرة بتاعة زول واعي بتلقيها انها حمالة اوجه وزي الجمل الخبرية تحتمل عدة تاويلات..


    لايمكن باي حال من الاحوال رميها في ملاعب الرجال وتحميل تبعاتها لهم..


    Quote: وفاهم انه المرأه نالت حقوقها كامله في مجتمعنا لكن هي جاحده للجميل..

    حقوق شنو يا ام حقوق انتي
    بافتراض اني شاغلتا مرة في الشارع العام..هل بكون انتقصتا من حقها ..؟؟
    ام انتقصتا من حقي؟؟
    Quote: وتعاني من شوية فراغ بخليها تكرر في كلام بايخ بدون فهم

    هو موش فراغ ..هو محاولة لايجاد موطء قدم في الفراغ حد نفسو..
    انتو الفراغ زاتو كتير عليكم..

    Quote: ويمكن يسمع عن القصص الخفيه اللي بتروي عن هيمنة الرجل واحتفاء المجتمع بيهو ومضايقته للمرأه
    هيمنة الرجال دي الانا عايزا..
    وريني ليها في ياتو حتة بالضبط..
    مسالة المشاغلة في المدارس والشوارع والعنف المنزلي دي ماهيمنة دي عبارة عن ُجنح وجرايم تم وضع ُمحددات ليها..
    من المؤسف انو ده يكون مستوى فهمك يا اماني لي مسائل الذكورة المعطينا بيها..
    يعني هسي انتي شايفة انو العنف المنزلي ايشو ذكوري؟؟
    وشايفة مشغالة البنات في الشوارع ايشو ذكوري؟؟
    وشايفة الطهور ايشو ذكوري؟؟
    ياخي انتي آفة على الفهم العام لي النسوان..
    وجودك بهذه الصفة وبهذه الكتابات خصم كبير على الحركة النسوية ومجاهدات المرآة خلال السنوات التي خلت..
    انتي جيتي لي النسوان ديل من وين؟؟
    من 1946 والنسوان شغالات اجتهاد تجي انتي في 2009 وتمرقي بي هذه التحاليل الفطيرة؟؟

    نكبة على الحركة النسوية انتي يارقيقة الحاشية..

    Quote: ودكين ده ماتشتغلي بيهو, هو بس مافاهم نحن بنتكلم عن شنو ..

    عن شنو؟؟
                  

06-19-2009, 12:23 PM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: DKEEN)

    عاد يا دكين شكيتك علي انيسه امك
    الود خشمو تقول فيه كلبه والد يهو هو متل الما نصيح
    انت العرفك بمشاكل النساء شنو ؟؟؟
    كنت امراه معاهن ونحن ما داريين ولا شنو ؟؟؟
    كدي روق المنقه وخلي اللبهي البتسوي فيه دا
    وما تاكل البنوت ديل حنك ساكت .
    اكيد عندهن مشاكل هم حاسين بيها وانت ما حاسيها لانك راجل
    يااخي اعطيهن الحق في انهن يعبرن عن احساسهن من منطلق انهن نساء وستات وجعه
    ما من منطلقك انت الراجل المنتفع وعاضي بنواجذك وماسك باصابعك العشره
    علي مكتسباتك الموروثه والمكفوله
    بنصوص كثيره سواء ا عرفيه عملوها الرجال ولا شرعيه انزلت من السماء .
    يا بنات اضربن بيد من حديد علي هذا الدكين ولا تاخذكن به رافه ابدا .
    عندي حله قرع في النار ما تحرق وماشه السوق اشتري ملايات متل ملايات ناس سلوي اصلو جيت اسه من الجم والبودي كيير وبعدين بجي اتونس مع صاحبي الصغيروني في الفيس بوك .

    (عدل بواسطة doma on 06-19-2009, 01:17 PM)

                  

06-20-2009, 06:20 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: doma)

    صباح الخير يا جماعة
    معليش لكن شدة ما حرقني كلام دكين، حارد عليه الأول

    ويا خالد أنا- طبعاً- ما حردت البوست لدكين،آخر ما يتمنى الغبيان ده اني احرد ليه مكان، مع اني ما أخفيك، أني كثيرا ًما اتضايق من مجانية الإنترنت الخلت الأكتاف تتساوى
    المشكلة في اتصال النت عندي، فيه مشكلة وتعجبك طبعاً الاتصالات السعودية،
    وبجيك
    يا دكين المحترم سيد الرجال أجمعين
    مش من حقك انك تتهم أي شخص بانه عار على مكان ما،
    رجاء تحترم أفكار الغير ولو أن هذه الأفكار ما راكبة مع راسك فلا يعني أنها مغلوطة أكثر مما قد يعني ان راسك فعلاً مقودس، فاسحب الجملة – الله يرضى عليك – خلينا في حدود الأدب الأنت ما قادر تفهمو وشكلك ما حتفهموا أبداً
    أغرب ما لفت نظري في كلامك المنزل (رضي الله عنك)
    Quote: وشن عرفك بي الزواج غير المبكر؟؟
    اها افرضي في حمرة الوز البت بعرسوها من 12 سنة ..فيها شنو؟؟
    قولي عشرة سنة؟؟
    الاشكال وين؟؟
    ياخي دي قري متصالحة مع عاداتا ومافي بت بتكورك يوم دخلتا من جهالتا...
    البكوركن ديل ناس التلاتين وانتا ماشي..
    وبعدين دي قرى ودي تقاليد مرضية ..انتي مالك عايزة تفرضي فكرتك وعالمك وتصورك؟؟

    البت البعرسوها في 10 سنوات أو 12 سنة، فمشكلتها مش الكواريك يا دكين، المشكلة ليست مشكلة جسدية فقط، في حاجة إسمها التأهيل النفسي، والاجتماعي، البت العمرها 12 سنة عرست وحتخلف عمرها 13 14 سنة، غير مؤهلةلا نفسياً ولا تربوياً على إدارة منزل

    وإدارة المنزل – عكس ما تتصور- ليست دلكة ودخان وخدمة مطبخ وإرضاء زوج فقط، إدارة المنزل تربوية، يعني العمرها 13 سنة، ليست لديها القدرة على تربية نشئ، يا – وسوري إذ مضطرة اعيدها – متخلف
    برضو يا دكين
    العرس وما إلى ذلك، ليست واحدة جميلة لديها المقدرة على تحمل حفرة دخان
    وليست شابة لطيفة تجذبك كلماتها الرنانة في الإنترنت والمنتديات العامة
    العرس ليس شيلة ودهب ورقيص عروس
    الأقاليم البتقول أنها (متصالحة مع عادتها)، ما زالت تعاني من الجهل والفقر والتخلف والتردي، علمي كان أو صحي أو حتى اجتماعي
    لذلك نحن مش متقدمين، لأننا ما زال بداخلنا ناس (متعلمة)، (مثقفة) تدخل منتديات نتية عامة، تزرع سيفها في (ضراعها)و (مخها)، تدعي الحضارة والمسامحة مع النفس، لدرجة البحث عن عروس من خلال صورة وحرف، وتؤكد، أنه عااااااااااااادي خالص زواج طفلة بعمر 13 سنة ما دامت (ما حتكورك يوم الدخلة)
    من جديد، حصر لعملية الزواج في سهولة وصعوبة فض غشاء البكارة للعروس

    عجيب يا دكين
    هذا هو موضوعنا على فكرة اللي حاولت تشوهه لمجرد أن هناك اسم انثوي في البوست اكتشفت انك لسة ما اشتغلت عليه شوية وما اكتشفته وهذا شأنك، بس لو سمحت، هذا البوست مش المحطة الوسطى، تتململ وتتدسدس وتتسحب وتنظر فقط علشان تتعرف على واحدة هنا

    أمثال الطفلة التي توافق على أن تزوجها ما دامت تتحمل العملية الجنسية، هي التي في يوم حتمارس التفاهة التي استفرغتها اعلاه

    Quote: تاريخ البنات الطهروهن في حلتكم مافي زول جاب ليها الطهار غير امها او خالتا او عمتا..

    شن عرفك انتي بي اهمال المرة لي بيتها وفشخرتا وقصص (عايزة ملايات زي ملاية ناس سعاد) شن عرفك بي الاهتمامات القشور حقت النساوين وونسات الضحى والقطيعة ؟؟
    وبعدين ياخي العنف المنزلي البعملنو النساوين مالي مجلدات ومجلات ...وبعدين ياخي انتو خليتو راجل يقعد في بيتو اصلا عشان يمارس عنف؟؟

    انتي شن عرفك بي نوعية المرة (غير المحترمة) الحايمة في الشوارع والقاعدات في العمل وبي الحاصل في مدراس البنات؟؟
    شن عرفك بي إظهار الرقم في الجامعات والشوارع وكبائن التلفون؟؟احكي ليك عن شكل المرة في الشارع السوداني والشغل والجامعة؟؟


    الطفلة التي (ما اتربت صح) وحرموها من الطفولة ولعب الحجلة ، امسكوها طفلاً لترضع، دخلوها مجتمع نسوان غصباً عنها، منعوها الحياة الطبيعية، هي التي في يوم ما ستكتشف أنها في عمر الثلاثين، متزوجة من بغل في الغالب يفوقها أقل شي عشرين عاماً، لها احتياجات، نفسية قبل جسدية، حاجات اجتماعية، هذه الطفلة هي اللي ممكن تصيع في الشوارع، تصاحب، تتفشخر بالملايات، فرأسها يا عزيزي دكين، فاضي، لا علم، ولا دين، ولا حياة اجتماعية طبيعية ولا أي شئ خالص

    الطفلة دي، في راسها ما في حاجة غير ال(طهور) يا دكين، حتجيب أفكارها من وين يعني غير حبوبتها ونسيبتها وعمتها وجارتها اللي عادي خالص اتزوجوا في 12 13 سنة؟؟

    وكما قالت أماني، في الغالب أنت حاصر نفسك في زمن عقلي حفرته لنفسك ومش راضي تطلع منه أبداً
    الكان زمان (وضع عادي) تغير الآن، حياتنا الإجتماعية تغيرت يا عزيزي وبالتالي مفاهميك المغلوطة دي اتغيرت واستغرب (جداً) ان انسان متعلم، المفروض فاهم يقول عادي بنت تتزوج في عمر 13 سنة ما دامت تتحمل (الكواريك) على رأيك
    وخليني اقعدوا ليك يا دكين
    العرس ما عملية جنسية بس، وإلا الخواجات المسموح لهم بأي حاجة قبل الزواج، كانوا ما عرسوا اساساً
    العرس (سكن) و (مودة) و (رحمة)، الزواج عملية تكاملية (اجتماعية ونفسيه وبعديييين جسدية)

    ثم
    كونوا أن الناس الحوالينك، أو المجتمع الأنت عايش فيه، العرس فيه بالصورة العجيبة الأنت رسمتها بكلماتك أعلاه، فلا يعني ذلك (إطلاقاً) أنها صورة صحيحة سليمة

    دكين أنا آسفة اني اكون (مش أول) من يعلمك بنفي ما جاء في كلامك

    Quote: بعدين ياخي بحثى عن شريكة القتيهو ده والقتي فيهو لاازال (اعيش)
    بلاهي شوفي مقدار الامد في اعيش دي قدر شنو ..
    من سنين معرفتي الاولى بيكي- من حوالي سبعة اعوام- وانا لا زال اعيش..
    تفتيش وبحث وكتابة وبلا متلاحق ولا ازال اعيش وابحث..
    ده بلاهي موش دليل على ضآلة المعروض في سوق نساوينكم..
    الذي استلمو من اخواني والاصحاب اهو عايشين ..الواحد تسالة اها العرس كيف يمط ليك خشمو ويقول ليك: إييييييييييييييه كورة العباسية وكوبر انتهت كم كم؟؟

    يا رشدي أباظة
    بحثك فاشل ليس بسبب ضآلة المعروض في السوق
    بحثك فاشل بسبب ضآلة الموجود في عقلك (لو وجد عقل أساساً)

    وواحد اختار أن يتزوج جسد (13 عام) بغض النظر عن عنده مخ أو لأ،أو تزوج صورة أرسلتها له بت خالته من البلد، لا يلومن إلا نفسه، ولما يمطمط شفايفه بكورة العباسية وكوبر، فليتذكر، أن لأجل (شفايفه) دي، مرته زهجت وتعبت ، ويأست، فخلقت لها مجتمع (ملايات) يسعدها على الأقل، يملأ فراغ (قدومه) المقفول أربعة وعشرين ساعة

    أما ما جاء في حديثكم من شاكلة
    مسالة المشاغلة في المدارس والشوارع والعنف المنزلي دي ماهيمنة دي عبارة عن ُجنح وجرايم تم وضع ُمحددات ليها..
    فمن جديد، كله بسبب التربية، ومين حيربي ؟؟!!
    أم بعمر 13 عام؟؟ أم رجل اشترى وعاء جميل صغير السن ليضعه ديكور جميل في منزله ذيها ذي أي مزهرية؟؟
    وقول لي بالله يا ريتشارد جير، كم صورة لحدي هسه جاتك ورفضتها في سوقك الهامدة؟؟؟
    ثم هل باب التسجيل مفتوح؟؟!!
    وآخر عمر ممكن نسجل فيه كم؟؟
    وكم الرسوم ؟؟
    طيب حق دمغة؟؟
    سمح في ختم؟؟؟
    آزول،،، (:(:(:(:
    يسعد صباحك إن شاء الله
    ما خلصت منك لسة
                  

06-20-2009, 07:11 AM

Amany Elamin

تاريخ التسجيل: 01-24-2009
مجموع المشاركات: 3541

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    (عدل بواسطة Amany Elamin on 06-20-2009, 03:44 PM)

                  

06-20-2009, 08:27 AM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Amany Elamin)

    لووووووووووووول دكو الككو شماته ماما دومه فيك
    لووووول
    تسلم موسك يا بت قضيم حلاقه السرور
    غايتوا ما اخدتك فيه رافه تب
    عفيت منك يا زوله
                  

06-20-2009, 08:18 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    دومة الحبيبة
    ياخي لو قايلين دكين بجيبك لينا كان زمان فرشنا ليه ورد أحمر وحنسناه يجي
    شرفتينا والله
    اخبارك كيف؟ العيال؟ الجماعة؟ إن شاء الله طيبين؟ الجيتي منهم؟؟ ناس الماسنجر؟؟ الفيس بوك ؟؟ تمام
    !!!
    (:(:(:

    شكرا ًللمساندة والعضدد (حلوة العضدد دي مش)
    وهسه ارد عليك يقول لي خالد الغالي بجامل ،
    يا خالد ياخ انا ما بجامل انا برد وفقاً للبجي في راسي
    يعني ما بقعد اقرر وكده
    وبعدين مرات بكون عندي وقت ارد مرات ما بقدر على حسب يعني
    وعايزة اكتب ليك الإيميل حقي علشان عذبنا معانا ناذر لكن خايفة من الدهماء والرعاع وكده (كلمة الرعاع دي تجيب لوز عديل كده)
    وبصراحة والله ،الإيميل السجلت بيه هنا الله يعلم ما متذكراه اساسًاً شنو
    اشوفه أو اغيره واقول ليك ما يبقى فينا (إيميلك الخايف عليه) (:(:(

    يا دومة والله شرفتينا وعليك الله ما تشوفي لينا فدائية للزول دكين ده كان الله يهديه؟؟
    انا غايتو اظن أنه راكباه جنية شينة زيه كده لذلك حالته صعبة شديد
    يا الفكي هاني انجده ان شاء الله
    لوووووووولش
    سلمتي يا دومة
                  

06-20-2009, 08:29 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    يابت قضيم يامحترمة يا ست النساوين

    بداية: الشي المابخصك هنا خليهو لي الزول البخصو
    موضوع اتعرف على اماني او اتوسل بي البوست بتاعك ده دي مسالة ماشغلتك..
    صحي البوست ده فتحتيهو انتي ..بس الساعة النزل هنا ببقى ملكية عامة..لذا حاولي اكتفي بي طرح وجهة نظرك والدفاع عنها او ماتيسر..
    وانا ماعندي مانع تواصلي هرجلتك دي وشتايمك المبطنة دي.. عادي عندي..
    قلة عقل منك تجد عندي مكانتها من القبول ..
    هسي انتي بحسن نية او بسوء نية ماعارف حتخربي لي مشروع عرفة اماني دي..
    يافضول منك ياحسادة..
    ومالو ياخي ما اتعرف عليها..الاشكال وين؟؟
    قالو ليكي انا قاعد اسوي مسابح من سنون البنات ولا بسلخ جلدهن؟؟


    Quote: وإدارة المنزل – عكس ما تتصور- ليست دلكة ودخان وخدمة مطبخ وإرضاء زوج فقط،

    جزء من جهالتك انك وانتي بتكتبي ردودك المنفعلة دي بتقومي تآلفي عن الزول كلام ما قالو ولا حقو ..
    انا قتا ليكي اجتهدي لي في تصوري؟؟
    اديتك تفويض لما اتصوره وانا ماعارف؟؟
    هل معرفتك بي بتسمح ليكي تتصوري نيابة عني؟؟
    انا متين تصورتا زي ماتفضلتي بالاعلى وقتا انو انتو دلكة ودخان وارضاء زوج..

    ياخي دي مهام اصلا المرة السودانية مانافعة فيهو..ودي قناعة راسخة وقتها في (المحطة الوسطى) بتاعتك دي في مداخلة فوق عشان كده لايمكن احصر فيهم هذه المهام..
    الزواج من السودانية هو في غالب الامر ملايات وقطعة واضة وسيراميك وتوب ناس نجوى وتقصير عمر، وعايزة انزل اسلم على ناس امي..
    الشغلة القتيها فوق دي يابت قضيم الراجل السوداني المسكين ما بلقاهاعند الغافلة..

    Quote: الطفلة التي (ما اتربت صح) وحرموها من الطفولة ولعب الحجلة ، امسكوها طفلاً لترضع، دخلوها مجتمع نسوان غصباً عنها، منعوها الحياة الطبيعية، هي التي في يوم ما ستكتشف أنها في عمر الثلاثين، متزوجة من بغل في الغالب يفوقها أقل شي عشرين عاماً، لها احتياجات، نفسية قبل جسدية، حاجات اجتماعية،

    انا ماعارف انتي فهمك كعب ولا قاصدة المسالة دي ..ولا بتقوم تفوت عليكي هذه الاشارات في خضم ردودك المتعجلة دي..

    زي ماقتي براكي في الكلمات التالية:

    حرموها
    وامسكوها
    ودخلوها
    منعوها


    الها بتاعة الجماعة دي راجعة لي صالون الرجال براهو؟؟
    ليه ماعايزة تقتنعي انو القصص بتاعة الطهور وزواج البدري دي مسالة يكون للمرة فيها دور كبير لو ما كان اساسي..
    وموش النسوان في القرى بس..
    بل دي فكرة البنات اصلا ..والسائدة في يوم الناس هذا..
    الذي يدور في مجتمعات النساء بين النساء ..والقوالات والبشتنة البتنساق ورا التي فاتا قطر الزواج او المطلقة او البيتا مبشتن هي اسباب رئيسية في تخلفكم ده..وتخبط البنات في الاختيارات ومن ثم الخروج بي مجتمع نسوي مآزوم..

    هسي يعني رميتي فارغة النساوين وجهالتهن والكشكرة بتاعتم والعولاق البسوو فيهو اغلب النسوان في انها عرسوها بدري..
    سجم رماد الفهم يا بت قضيم..
    كده يعني حللتي لينا اسباب الطلاق وتقصير النسوان في تربية الابناء وقصة ملايات ناس سعاد ؟؟




    مسالة تانية

    Quote: مش من حقك انك تتهم أي شخص بانه عار على مكان ما،

    مامتذكر اني قتا لي زول /زولة انو انتا عار على المكان ده

    لو قتها انا بعتذر..
    ولو مالقيتيها قولي لي برضو ..عار دي كلمة شينة بصراحة..
    ممكن توريني مكانها عشان احذفها هسي؟؟..








    ـــــــــــــــــــــــــــــــــــــــــــــــ
    Quote: حتمارس التفاهة التي استفرغتها اعلاه
    ا
    اخيرا
    حاولي شوية اضبطي ملافظك ..
    لو الواحد رجع ليكي ملافظك دي حتقولي عشان انا بت انتو بتحاولوا تسكتونا..
    تلطفي في استخدام النبذ..
    انا يوم ما فكيتا فيك انتي بالذات بمثل هذا الدراب الفكيتيهو..
                  

06-20-2009, 09:14 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: DKEEN)

    المهم انت ما تضيق
    أنت تضايقت يا دكين؟؟!!!
                  

06-20-2009, 09:41 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    وعليك السلام أخي إسماعيل
    حبابك وشكراً كثير لعمر

    عن شخصنة البوست فمعليش، الله يخلق والناس الشينة تعولق
    عادي يعني

    وأحب اطمئنك ان موضوعي الأساسي ما نسيته أنا بس خايفة من الأرشفة، أصرف عربي ويضيع ساي
    فكرة توافق المصريين معانا طبعاً حياتنا غير وطباعنا غير، ما قصدته ليس استسلام الرجل التام للمرأة لأنه كده برضو غلط، لكن مثلاً لما تفتح داخلية جديدة (مثلاً يعني) وتضع قواعد معينة لا يجب تجاوزها، حتلقى كل المسجلين فيها يلتزموا بهذه القواعد
    طبعاً في الحيشذوا عن القاعدة أكيد، لكن على الأقل حيكون مفهوم أنهم شاذين عن قاعدة
    يعني معروف أنهم غلط
    وجوزك على ما تعوديه، قصدت بها فكرة أن في البداية، بداية الحياة الزوجية، يجب وضع قوانين وتطبق، فيعتاد عليها الزوج (والزوجة كمان طبعا ًتخضع لنفس الفكرة)

    ونعم، ليس هناك من شئ حفظ حقوق المرأة أكثر من الدين الإسلامي
    المشكلة احنا فاهمين غلط
    وطبعاً المرأة لا بد تكون مالية مركزها وهيبتها أكيد
    ومرة أخرى، أنا لا اسعى لمقارنة بين رجل وأمرأة، أنا كنت قاصدة التربية في الأساس

    دمت يا عزيزي وشكراً خالص للمشاركة
                  

06-20-2009, 10:17 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    والله يا دكين هي لحظة ممتعة أن اشوفك مرة قبل أن توافيني المنية منفعل وزعلان ومتضايق وتخبط يمين وشمال
    لكن حفاظاً على صحتك من أمراض الضغط والسكر،وأنت زول ما صغير يعني وكده،

    حابة اوضح ليك (شان ما تزعل زعلك برضو بهمنا) نقطة مهمة جداً وهي
    حتمارس التفاهة التي استفرغتها اعلاه
    فهمتها غلط خالص فليس المقصود أنك انت تمارس تفاهة ، أنا بتكلم عن صورة الفتاة ، يعني اللي حتمارس التفاهة، هي الفتاة، أما الذي استفرغته فهو كلامك المقتبس أعلاه
    طيب

    وبعدين
    كلمة (عار) أخدتها من صياغ الكلام يا باشا، أنت قلت حاجة ذي كده، عار آفة دودة، الفكرة يا سيد وليس المعنى الشين
    وما تزعل خااااالص يعني، القلته أنت كتير ما جات على دي يعني، ومع ذلك نعتذر عن الخطأ المشين

    غير ذلك فلا أسف

    ثم
    عايزني عااااادي كده اشوفك بترمي شباكك لواحدة (غير) وما ازعل ؟؟؟!!!
    تحرمني التنفس ومستغرب ادافع عن وجودي في الحياة؟؟؟
    !!!
    آزول!!!
    انت ضد فطرتي السليمة بأن أطرد ضرراتي!!!
    آزول
    (:(:(:(:
                  

06-20-2009, 11:48 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    Quote: كلمة (عار) أخدتها من صياغ الكلام
    اسمها قولتيني حاجة ماقتها..

    انا اسحب اعتذاري اعلاه لان المدعوة بت قضيم لقت انها قولتني الكلام بتاع (عار) ده من صياغ الكلام..

    بكرة بعد بكرة واحد يجي يقول لي يا ود الكلب..
    ولامن يتنزق يقول لي اخدتها من صياغ النباح القالتو ليك دومة..


    هسي انا ذنبي شنو من الفكرة الاخدتها اماني من اللفحي بتاعك ده والسميتيها بي كل براءة(صياغ الكلام)
    اها قرت الخريف بتاعك ده وجات قات لي احترم نفسك لانك زول ما محترم..
    مرقتيني من عرفة اماني..خلاص البت انحبطت فيني بي سبب تبريرك النسواني الفطير..




    الغريبة لسع مصرة تآلفي وبتقولي
    Quote: القلته أنت كتير ما جات على دي يعني،
    ممكن بلاي شوية من بحر الكتير ده؟؟
                  

06-20-2009, 01:26 PM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: DKEEN)

    Quote: اسمها قولتيني حاجة ماقتها..

    انا اسحب اعتذاري اعلاه لان المدعوة بت قضيم لقت انها قولتني الكلام بتاع (عار) ده من صياغ الكلام..

    بكرة بعد بكرة واحد يجي يقول لي يا ود الكلب..
    ولامن يتنزق يقول لي اخدتها من صياغ النباح القالتو ليك دومة..

    لووووول دكو محنبكا
    يا اخي ما عهدتك كدا خلي روحك رياضيه وارجع لشغبك اللطيف
    هل تضيق الدوحه اخلاق الرجال ؟؟؟
    شكلك وانت زعلان ما حلو .
    بعدين المقارنه اعلاها دي ما لافقه
    عاديناك بالمنطق النسواني ولا شنو ؟؟
    قول ممكن زول يوم يجي يقول لدومه انت قلت دكين كدا ( الشئ دا كان مؤنث لان الكلب ما بعرف اولاده لا بهوهو ) .
    دكو انت استعملت صفات بالالماني Abwertend
    وهي في حدود المقبول في نقاشات الانتجلسيا
    يبقي لما ردوا ليك منها بالكوريق تقبلها
    وتناقش عادي وتبلش حمبكه
    نحن بنشجع اللعبه الحلوه .
    يا اخي ارتقي لمستوي وروح دينا خالد
    . بتضرب في التنك وبذكاء لا تخطئه عين
    لا بتزعل لا بتولول .
    اتضامن مع دكو في محنته
                  

06-20-2009, 01:42 PM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    شكرا بترحيبك الحار بمامتك دومه وسؤالك عن الحال والاحوال
    كبرت يا بت قضيم ووهن العظم مني واشتعل المقود س شيبا
    نستعين بالنسيان والصبر علي جفوتكم وغربتنا
    وعلي رجل في لبهي لسان دكو .
                  

06-20-2009, 03:55 PM

Amany Elamin

تاريخ التسجيل: 01-24-2009
مجموع المشاركات: 3541

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: doma)

    العزيزه بت قضيم:

    أستميحك عذرا ..
    لدي عشرة مداخلات في هذا البوست ..
    قمت بسحبها جميعا ..
    وأعلن انسحابي من البوست ..
    الجو في البوست أصبح غير لطيف ..
    ممكن جدا أكتب رد لعمر الفاروق ولدكين ..
    لكن الموضوع حيكبر وحنغير مجري البوست ..
    وكمان ما حابه أدخل في معترك شخصي مع أي عضو زميل ...

    أرجو انه الموضوع يتوقف لغاية هنا ..

    ورجاءا واصلي في موضوعك الأساسي عادي ..

    شكرا واحترامي للجميع ..
                  

06-20-2009, 06:35 PM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Amany Elamin)

    اماني يا ستهم ليتك استمريتي لان
    دكين وعمر الفاروق مقدور عليهم جدا
    من غير استنفار الاحتياطي المركزي .
    اماني ما تزعلي منهم صدقيني الموضوع ما بستحق زعلك ابدا
    لان التعابير المستفزه من نوع من وين جيتن وماشات وين وانتن افه الفكر ويد البورد الواجعاه وكراعه المكسوره من نوع من الكلام السايب دا
    الكوم بقرش والدقه بلاش متل قرع ود العباس
    لو قعدنا ليه ابليسهم يستغرب .
    الموضوع ما كان بيستدعي تمسحي مداخلاتك ولا تمرقي من البوست

    وكان بستعدل
                  

06-21-2009, 03:00 AM

Sana Khalid
<aSana Khalid
تاريخ التسجيل: 02-01-2005
مجموع المشاركات: 2740

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: doma)


    الأخت المحترمة بت قضيم

    تحياتي ليك و لكل زوار بوستك

    على راسهم العزيزة ماما دومة (مشتاقين)

    دكين اللعين جدا

    عمر الفاروغ جدا جدا

    و العزيزة أماني ..



    كتب عمر الفاروق في مداخلة اتشعلقت فوق شديد

    Quote:
    بت قضيم صاحبة البوست :
    كيفنك خيتي..
    ويا ريت ردي يجي في الصفحة التانية وما يغطس زي الفات ..
    حا اقول ليك كلام مشاتر دكين زاتو ممكن يتسغرب فيو ..
    لكن النصييييحة دكين ما غلط غلطت اماني دي!!!
    وبكل صراحة بكل صراااحة اوول مرة اقرا لي مداخلة لي زولة بتدافع عن حقوق مرأة بي الشتارة دي..
    معظم المتداخلات من البنات في البوستات دي بصراحة كنت بحسدهم على درايتهم ومنطقيتهم وعلمه في الطرح ..
    اماني مداخلتها لو تمسح لي اقل ما توصف بيهو انها نشاااز..
    مداخلة شترا مستفزة ..
    ابدا ابدا ابد دكين ما فكر بي الفهم القالتو عنو اماني ده بس اماني جات منفوشة حبتين وشكلها ماخدة فكرة عن دكين وفكرت في لحظة انها تكتب كتابة تصدي..
    عن نفسي بكتب لي دكين ممازح وضاحك ومن باب المشاغلات وشركك قبض وشركت لي فلانة وبختك حا تجيك بي الايميل والذي منو من ما بتسموهو باب العنف اللفظي ضد المراة البوردابية بس بصرااااحة اماني بالغت شدييييد وكتبت كلام مستهلك مع احترامي ليها ما عندو اي معنى فكان رد دكين مناسب لي مداخلة اماني..
    عاتبوا اماني علي المداخلة الشترا بتاعتا وبعد داك تعالوا لي دكين ..
    تخريمة :
    بالمناسبة يا بت قضيمما عارف لكن خالد الزاحمنا بيهو ناذر ده قطع شك بوردابي معانا هنا وبي باسويردو فما عارفك انتي بتتعاملي بي حسن النية معاهو ولا نظام الفورة مليون :)
    ما بعيد يكون دكين زاااتو او ناذر :)



    فعلا بوست مهم و كان نفسي لو قريتو من بدري.. أو حتى بعد ما قريتو لو اتداخلت فيهو قبل ما أماني تمسح مداخلاتها (المهمة في رأيي)

    و مع انو جيت متأخرة لكن جيت عشان أقول لأماني انها في البوست دا غلطت مرة وااااااااحدة بس

    و هي انها مسحت مداخلاتها اللي ما كان فيها غلط أو ما يعيب

    صحيح انها في النهاية بقى نفسها حار شوية

    لكن دا رد فعل طبيعي لاستفزاز دكين ليها

    أماني ما بتعرف دكين و لا مترصدة ليهو (زي ما أوحت مداخلة عمر الفاروق)

    و أنا نفسي ما بادعي معرفة دكين ..لكن من قراءتي لمداخلاته خلال السنوات الماضية

    أعرف أنه كثيرا ما يخلط الجد بالهزل .. يغلف أحدهما بالآخر حسب الموقف

    و ربما تكون ماركة أو بصمة لكتاباته

    عن نفسي أستمتع بالكثير مما يكتب .. و إن كانت بعض كتاباته تحرجني كامرأة (كما جاء في الموضوع الأصلي للبوست)!!

    في البوست دا (و دي ما محاولة تحليل .. دا انطباعي و فهمي لما كتب.. عايزة أوصلو لأماني)

    في البوست دا دكين ما دخل عشان يدافع عن موقف الرجال السودانيين و طريقتهم في احراج النساء في البورد أو خارجه..

    لأنو حسب اعتقادي دكين ما بيهمو كتير تحسين صورة الرجل أو الدفاع عنها

    و لو كان مهتم بتوصيل فكرة مفيدة كان ركز أكتر على انو بعض النساء يتحملن مسؤولية معاناة المرأة في مختلف الأزمان..

    كما أن بعض الرجال كان له شرف رفع الظلم عن المرأة في أزمان مختلفة أيضا ..

    فالمرأة أحيانا ضحية نفسها أو بنات جنسها و ليست دائما ضحية للرجل..

    بل قد يكون الرجل (أحيانا).. ضحية للمرأة !


    لكن دكين واحد من الناس ما بيهمو يخربش صورة الرجل و يقطعها كمان

    مقابل انو يعيش متعة احراج احداهن أو استفزازها..حتى تغضب و تترك المكان.. أو ..تقذفه بحقيبة يدها

    و دي أكيد بتبسطوا أكتر!

    لأنو وقتها ممكن يمسك الشنطة دي و يطلع الفيها واحدة واحدة - دون مراعاة للخصوصية -

    بس عشان يحس بالانتصار و هو بيطلع (أصبع روج أو مراية)

    و يؤكد بضحكة خبيثة ..انو أها شفتو قلة عقل البنات و مباراتهم للمظاهر!!

    دكين في محاولاته (نكش) أماني .. نسي أن ما يحاول التسلي به هو قناعاتها و ثوابتها

    و حلمها بمستقبل انساني أفضل

    و ليس أصبع الروج و قطعة المراية

    و عمر الفاروق لما دخل في الحتة دي و قعد يباصي في الحاجات و عايز يكاوي و يهظر

    ما انتبه لأنو أماني هنا ما بتتسلى و لا قادرة تجاري دكين في مكاواتو و هظارو

    لأنو المنكوش هنا ما شنطة يدها

    المنكوش دا قناعاتها و أفكارها البتحاول انها توصلها بكل جدية عسى و لعل انها تكون بتساهم في خلق بيئة أفضل لحوار انساني و ليس (جنساني!)!

    حاجة طبيعية انو أماني تتضايق من مسار الحوار و حاجة طبيعية انو ما يعجبها اسلوب دكين لأنها بتعتبر دا استخفاف بعقلها لما يكون مجرد غرضو هو التعرف كما قال .. أو اثارة انفعالات شخص ما ..

    حاجة طبيعية انها تثور لما تلقى نفسها منتزعة من سياق حوار جاد لتستعمل كأداة للتسلية أو لنفض الغبار عن ذاكرة طويت صفحاتها!!

    .....

    عمر الفاروق .. مع انو (مؤخرا بديت) أعجب بكتابتك و صراحتك الشتراء لدرجة بديت أخاف على روحي و بقيت حاسة انو في خلل حاصل!

    و مع انك بديت مداخلاتك بطريقة إيجابية كان ممكن تسهم فعلا في الحوار موضوع البوست

    لكن كونك تاني تقلبو هزار و تبدأ تباصي لدكين مشاغلات حول (البت الجديدة) فللأسف نسفت مضمون مداخلاتك الإيجابية ..

    و وصلت لإنسانة في أدب و علم و فكر ..أماني... أنك لا ترى منها سوى ذيل فستان

    و لا تسمع سوى طرقعة كعب عالي..

    (أنثى) توجد في الجوار... صفارة عالية يفهمها الأصحاب.. و لعاب يسيل طمعا في (سفسفة النبق!!)




    قف! تأمل! اليافطة على مدخل البوست!

                  

06-21-2009, 05:22 AM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Sana Khalid)

    سلام وانحناءه سناء خالد
    يا بت انا مبسوطه منك شديد
    Quote: دكين في محاولاته (نكش) أماني .. نسي أن ما يحاول التسلي به هو قناعاتها و ثوابتها

    و حلمها بمستقبل انساني أفضل

    وبتمني عوده اماني للخيط دا حالا
                  

06-21-2009, 06:24 AM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: doma)

    سلامات يا اماني
    اوكي شوفتي وقعت في مقص انك تكتبين باسمك الاصلي
    ولا تريدين ان تتعاملي مع دكين حتى لا يظن من يعرفونك
    انك نزلتي مستواك ولا البت السودانية المحترمة لا ترد على من يهاجمها من الرجال..
    نفس فكرة المحطة الوسطي ممكن يتحرش بيك رجل وتسكتي لانه المرأة السودانية لازم تسكت
    الان تحول السلوك دا للبورد للاسف
    الموضوع يكون ماشي كويس نقاش صحي مفيد
    تتغلب على واحد كدا عقليتو الذكورية ولا ساكت زول بتاع عنكبة يجي
    يخلي الموضوع الاساسي و يمارس سياسة خدش الحياء
    باستخدام الفاظ نابية ولاتلميحات بطالة
    اها تجي الواحدة الخايفة على اسمها وسمعتها (السودانية)
    تنسحب من الحوار كما حدث لابنتنا اماني..
    سلاح خدش الحياء ومحاولة احراج البنات والنساء الكاتبات مع اسرهم
    ومعارفهم دي الطريقة الوحيدة لابعاد النساء الاتي لديهن ما يقولونه
    من البورد دا.
    وحدث كثير حيث هناك عدد رفضت اسرهم تواجدهم في هذا البورد
    لانه بيشوفهو شيل حال واشانة سمعة..وكذلك ازواج واخوان او اي من افراد الاسرة
    مصيبة المرأة السودانية الكاتبة مصيبة يعزو فيها..
    عندما قرات ثرثرات العواميد الاتي يكتبنها بنات سودانيات خاتت صور شرط
    اتمحنت في روحي. لماذا لا يكتبن في الامور الجادة الهامة
    لماذا جل الكتابات خواطر "عضيرة" لبنت مراهقة تكتبها في مفكرتي العزيزة
    وتجد قبول كبير متموم بالصورة طبعا..
    الكتابة منزوعة الشرور بالنسبة للمرأة هذه الخواطر العضيرة
    ولكن الكتابة ذات الاشواك وهي الكتابة الفاهمة التي تريد تغير مفاهيم
    وتطرح رؤى عامة مثل كتابة اماني تثير حنق الرجل
    فينقسمون الى قسمين في رد الفعل الايجابي ان يحاول ان يدخل معها في حوار
    ويفرغ الحوار من معناه ويحولو لكوميديا غير الهية اويتفق معها
    لاغراض غير الحوار وهذه ذكرت في هذا البوست..

    كان يمكن دكين ان يطرح ما طرحه بصورة خالية من السخرية والاستخفاف
    وممكن يناقش اماني في ما براه طرح غير ناضج او يذكرها بانه الحركة النسوية بدأت
    متين ويناقش موضوع مطالب نساءالاربعينات هي غير مطالب بنات الالفية الثانية

    ولكن دكين بسخريته الدائمة حول الموضوع انه فقط
    يود ان يتعرف باماني ولذلك دخل في هذا الحوار وكتب ما كتب عملية لفت نظر ما اكثر ليه
    هوي انا دكين وفيري افيلبول..

    ودا ذات ما كان يحدث لنا في اركان النقاشات في الثمانيات
    حين يختصر احدهم الحوار بان يقول والله انتن بس عايزين ليكم رجال
    يادبوكم ولا رجال تمام ينسوكم الكلام الفارغ دا
    وينتهي الركن بقرقراب وضحك على النساء..
    لا يمكن للرجل السوداني ان ياخذ موضوع المرأة بجدية
    وهذا هو السلاح الذي يحارب به الرجل المرأة السخرية "والتقريق"

    فتحول موضوع نقاش المرأة من الكوميديات الشهيرة
    ولذلك لسنوات طويلة جدا جدا هجرت الكتابة في هذه المواضيع..
    املا ان تأتي اجيال جديدة تاخذ هذا الموضوع بحدية
    وراعني بعد ربع قرن الحال في حاله في جيل الابناء والبنات..

    لو كان محمد عباس الله يطراه بالخير في بداية الثمانيات
    يجلس خالفا رجل على رجل( رجل مشققة) يضحك ويستهزأ

    بما نقوله عن المراة وحقوق المرأة وهو يدرس المسرح يعني فنان
    واذكر مرة سالته كيف زول فنان يكون شايف المرأة بس صاج وعنقريب
    قالي دا طبعا معاك هنا لكن لو عملوا معاي مقابلة بالتأكيد
    حاقول المراة نصف المجتمع ولها حقوقها و الخ الخ ما يريدن النسا ء ان يسمعن

    يظهرني كفنان مثقف محترم..
    في تلك السنوات كان يصيبني الحنق علي محمد عباس وقضيت سنواتي
    كلها في محاولة تصليحه دون جدوى ولكن الان بعد ربع قرن من الزمان
    احترم جدا محمد عباس لانه رجل واضح وغير مخادع ولا يكذب ولا يتجمل..
    مثل دكين الان فهو واضح فيما يراه لا يريد ان يظهر بمظهر غير مظهره
    وت يو سي وت يو قيت..
    ليس مثله مثل الادعياء من الاحزاب التقدمية الفي اقرب ملف يطلع
    سلاح خدش الحياء واستخدام ورقة الشرف والعرض لتخويف


    باختصار
    اماني عودي لنقاش وحقك محفوظ واحترامك
    دكبن شكرا لانك لا تكذب ولا تتجمل..
                  

06-21-2009, 07:45 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: د.نجاة محمود)

    Quote: العزيزه بت قضيم:

    أستميحك عذرا ..
    لدي عشرة مداخلات في هذا البوست ..
    قمت بسحبها جميعا ..
    وأعلن انسحابي من البوست ..
    الجو في البوست أصبح غير لطيف ..
    ممكن جدا أكتب رد لعمر الفاروق ولدكين ..
    لكن الموضوع حيكبر وحنغير مجري البوست ..
    وكمان ما حابه أدخل في معترك شخصي مع أي عضو زميل ...

    أرجو انه الموضوع يتوقف لغاية هنا ..

    ورجاءا واصلي في موضوعك الأساسي عادي ..

    شكرا واحترامي للجميع


    في دي أنا اقول انك غلطانة جداً
    وما تزعلي مني لكن ما اتخيلت انك (ضعيفة)
    معليش ما تزعلي انتي اختي برضو، ووافقتك على كلام حق كتير قلتيه، بس مش حاوافقك على حاجة ما غلط عملتيها
    يا حبيبة البوست ده ناجح بدليل الحجار الكتير الجات فيه
    ما عايزة اقول ليك كلام مجلة ميكي( الشجر المثمر يضرب بالحجارة) ، لكن صدقيني أن كلامك أصاب، وبما انه أصاب فيعني أنه مهم فعلاً
    أول مرة مثلاً اشوف دكين متأثر
    شوفي
    دكين - اشارطك- دكين دخل هنا بنية الاستفزاز فقط والتسلية،
    ثم تغير شوية شوية حديثه للجدية
    من وصف الرجال بالمجاملين والنساء بالمعقدات، لشرح مفصل (حسيته دخيل) عن نساء كانوا وعملوا وفعلوا ومش عارف أيه، لمداخلة غريبة عن إمكانية زواج طفلة الثالثة عشر، وبعدين جغبزة وانفعال وزعل وطناش عن موضوع زواج الطفلة لتركيز على كلام فارغ انا عارفة ما هو الزعله فعلاً ،، باختصار
    هزيناه
    شفتي كيف
    تقومي تجي (محنبكة) زعلانة، تمسحي كلامك لان شخص واحد - مع احترامنا الكامل لرأيه - قال انك شترتي النقاش؟؟
    ما ليكي حق والله
    خصوصا ًالمشاركات اللي ردينا عليك فيها، مش من حقك لان الكلام اصبح مشترك بينا وبينك، كيف تمسحي كلامك بس نبقى احنا زي البنتكلم برانا؟؟
    لو عندك المشاركات الأصلية رجاء رديها، وما تدي الغبيان دكين فرصة يعيش دور المظلوم الغلبان على أمره يقشقش مسكين في دميعاته
    ارجعي يا أماني
    يرضى عليك إن شاء الله
                  

06-21-2009, 07:30 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: doma)

    صباح الخير جميعاً
    شكراً يا دومة محاولتك لتلطيف الأجواء والكتاحات الحصلت هنا،،، ما نجاملك في كتاحة إن شاء الله
    بعدين الواحد يعني ما ياخد ليه تعسيلة 10 ساعات إلا تقوموا تتشاكلوا
    !!
    شكيتك على الله يا دكين

    يا أماني الجميلة
    النقية
    اسفة جداً إني ما حفظت مداخلاتك السابقة كان رصيتها ليك تاني كيتاً فيك
    وعارفة اني قد اتهم اني بحابي ليك لكن كلمة حق، وافقتني عليها ماما دومة، حأقول – بأمانة – ما شفت أي شئ شين كتبتيه للوغد دكين ، وفقاً لاستفزازه وإصراره على التحدث معك على أنك مجرد فرصة جديدة يريد التعرف عليها، كان من حقك أنك تتكلمي معاه بأي طريقة، ومع ذلك حديثك كان مؤدب وراقي وبأمانة ما شفت فيه أي تطاول أو بعد عن حدود الاحترام بين الزملاء

    دكين عايز يقول أي حاجة، يعتقد أي اعتقاد، وما يهبشوا أي انسان
    يعني هو مثلاً زعل لما تحدثت عن فكرته عن زواج البنت في 12 سنـة، مع انه كان كلامه وكان تصريحه واضح ولا يقبل الشك، زعل وقال أني تحدثت بلسانه وقلت عن حاجة يؤمن بها مش عارفة شوية جغبزة كده وفي نفس الوقت، يصر على أني ما بكتب باسمي الحقيقي ولا أضع صورتي خوفاً وانفصام في شخصيتي
    !!!!
    هو مسموح له يتكلم بلسانا وقناعاتنا واحنا لأ
    حلال عليه حرام علينا

    ويا دكين يا أخي، وبتكلم معاك جد وفعلاً بشعور أخوي صادق (صدقتني او لا)
    أنا في رأي، أن لو عايز الناس تتعامل معاك في حدود معينة، فتعامل أنت معها بنفس هذه الحدود المطلوبة
    ذي نصايح الابتدائي زمان (عامل الناس كما تحب أن تعامل)
    يعني تفتكر ممكن أقول لعمر الفاروق يوم (يا متخلف)؟؟
    ولما قلتها لك ليس لاني ما بحترمك – حاشاني – لكن لأن حدود عمر التي رسمها لا تتحمل هذا، عمر ما قال لي يوم يا نعجة مثلاً (ما بنسى آيوه)، ولا قال ان عقلي خفيف
    تعطي لنفسك الحق أن تنعت بأي لفظ ، حارده ليك مباشرة، واللا كيف؟؟

    تعاملت مع اماني باستخفاف وتعالي وفوقية و( يا مرة) ، ردت عليك بما معناه
    واللا كان المفروض أنها يعني تضحك وتنبسط أن في زول عايز يتعرف عليها وكده وانها انسانة جذابة لفتت نظرك؟؟ بالله مش كده بتفكر؟؟ انها أكيد حتنبسط لفكرة (المشروع) اللي اشرت إليه أعلاه؟؟
    عارف يا دكين، زي واحدة بتتكلم مع أي شخص عن الحرب النووية، ويقوم بسماجة يعاين ليها في صدرها
    انت ما عارف الإحساس ده احنا عارفينو
    وانا عارفة ان نيتك سليمة، لاني بعرفك، ودومة تعلم أيضاً ، لكن أماني دي إلا تقشرك عشان تعرفك

    ويا عمر الفاروق
    انت شن غرضك زول يرسل بالهوت ميل واللا بالزاجل حتى؟؟
    هسه ده موضوعك؟؟
    هسادة ده (:(:(:
    وبعدين أحترم رأيك انك شايف مداخلة أماني مش حلوة ، ده رأيك، على الرحب والسعة، بس ما رأيك في استخفاف دكين ؟؟
    استخف بكلام شخص كان بتكلم بمنتهى الجدية والمسؤولية؟؟
    ما شايف برضو أنه مستفز بطريقة تغيظ فعلاً؟؟
    Quote: كلامكن ده ما بتقال هنا في منبر بتاع انترنت ..
    ده كلام يتساق في حتتين :
    يا في ونسة نساوين عسى يهتدين او
    قدام مسجد بتاع سلفيين ..
    المنبر ده الناس الفيهو لو مرقتو منهم ابان دقون ديل مافي واحد فيهم بغالطتكم تاني فيهو غيري..
    البتقولو فيهو ده انتي واماني وعزاز وبقية الخائضات هي مجموعة مسلمات لم تعد تحتاج الى ايراد او توضيح عشان نطناطح فيهو هنا..
    انا غايتو بالنسبة لي ونسة زي ماقالت اماني ..ونسة ممكن بيها شوية شوية اتعرف على اماني دي لا اكتر ولا اقل..
    يعني مداخل لي هظار تقيل مدروس اتوسل بيهو لعرفة بت..


    رأيك بالله شنو في الكلام الفوق ده، وتحديدا ًحتة

    انا غايتو بالنسبة لي ونسة زي ماقالت اماني ..ونسة ممكن بيها شوية شوية اتعرف على اماني دي لا اكتر ولا اقل..
    يعني مداخل لي هظار تقيل مدروس اتوسل بيهو لعرفة بت..


    الجملة الأخيرة دي بتاعت دكين، لو أنا ما بعرف دكين خالص فيكفي ما قال
    وين شتارة أماني طيب؟؟
    خليك حقاني يا عمر
    وتاني ما تعنقل كلامك فوق ،، هسه الأشتر منو؟؟
    (:(:
                  

06-21-2009, 07:55 AM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    كتب جني



    Quote: ما خليتى فرضا ناقص يا بت قضيم
    جضمتى الموضوع جنس جضيم!!
    كلام مجيه!
    أخطأ عمر وأصابت امراة(شفتى الارث التأريخى دا)!!

    وما يفوتك
    الباب أبو تلاتة ضلف حق الرجال حتى لو فى البيت ما فى عربية والباب أبوضلفة حق النسوان حتى لو بقت قدر الفيل أبوزلومة!
    الديوان حق الطوب حق الرجال واودة الجالوص حقة النسوان ولو البيت كله جالوص يقشروا حقت الرجال براااااها!
    دا كوم والنسوان ياكلوا بعد الرجال وربما الباقى حقهم دا كوم تااااانى!
    وبعدا دا تجيهم كونزالزا رايس تعظيم سلام!
    عالم تخاف ما تختشيش!
    دكتورة بيان مثالك فى الميراث استثناء وهو عليك وليس لك!
    اها رايك شنو فى ميراث الخنثى مشكل والذى يقع فى النصف بين الرجل السوى والمراة السوية بمعنى ان ميراث الخنثى مشكل الذى يجمع اعضاء الانثى والذكر يساوى مجموع ميراث الذكر والانثى مقسوما على اثنين يعنى اكثر من ميراث الانثى!
    اليس وضعا مستفزا ناهيك عن اجحافه!


    يا جني الخنثى المشكل ديل كم من البشرية؟
    عشان نجي ننقاش ياخدو كم في الميراث؟
    لانه برضو في رجال شاذين نوعية انثى محبوسة في جسد رجل..

    في وجهة نظري ان نظام الوراثة الاسلامي حفظ للمرأة المسلمة في المجتمعات الاسلامية
    حقها تماما
    واذا كان لنا ورثة تركها الوالد فلن اغضب اذا اعطي اي من اخوتي اكثر مني
    لانه منذ احالة والدي الى المعاش عليه الرحمة
    هم الذين بكل تجرد و مسؤولية يصرفون احوال الاسرة المالية من حر مالهم..
    واحسب كل الاسر السودانية تعتمد على اولادهاولذلك بكل طيب خاطر
    نتقبل هذه القسمة الحكيمة من اله عادل ولا ظلام للعبيد..

    مع التحية..
                  

06-21-2009, 09:26 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: د.نجاة محمود)

    Quote: سلام وانحناءه سناء خالد
    يا بت انا مبسوطه منك شديد


    وأنا كمان
    مبسوطة منك شديد

    Quote: أنك لا ترى منها سوى ذيل فستان

    و لا تسمع سوى طرقعة كعب عالي..

    (أنثى) توجد في الجوار... صفارة عالية يفهمها الأصحاب.. و لعاب يسيل طمعا في (سفسفة النبق!!)


    عجبتني عجب الحتة دي
    وبصراحة حاقشر بيها كم مرة كده فسامحونا

    يعطيك العافية يا سناء
    وخليك معانا بالله
    سلمتي
                  

06-21-2009, 01:38 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: د.نجاة محمود)

    Quote: تتغلب على واحد كدا عقليتو الذكورية ولا ساكت زول بتاع عنكبة يجي
    يخلي الموضوع الاساسي و يمارس سياسة خدش الحياء
    باستخدام الفاظ نابية ولاتلميحات بطالة
    اها تجي الواحدة الخايفة على اسمها وسمعتها (السودانية)
    تنسحب من الحوار كما حدث لابنتنا اماني..

    دكتورة نجاة
    انا ماعارف انتي قريتي البوست ده كلو ولا ساي جيتي لافحة طرف توبك وسوء ظنك وتووشك..
    وماعارف برضو لي بتين اظل اردد في هذا المكان البائس واقول:
    ياخوانا ماتقولوني (من قِوالة) ماتقولوني كلام ماقتو ولاترمو على بمشاكلكم وعقدكم واسقاطات عمايل الرجال والايام والزمن والظرف المهلك فيكم..
    يانجاة ياخي انا ماعارف هل ايرادك للحتة دي:
    Quote: يخلي الموضوع الاساسي و يمارس سياسة خدش الحياء
    باستخدام الفاظ نابية ولاتلميحات بطالة

    الكلام ده هل انا مقصود بيهو لانو معاليك شايفة اني قتا كلام من هذا القبيل..
    ام عقدة مقيمة تجاه الرجال حبيتي ترميها هنا وتهيجي بيها بقية النسوان اللوائي لامخ لديهن لفرز حقيقة كلامك من الاسقاط بتاعك ..
    ام هو شي تفسيري منك زي صحبتك المطوفشة بت قضيم لامن اتزنقت في قوالة قولتني ليها قامت قالت (صياغ الكلام) ..
    وين خدش الحياء القتيهو وشيلتينا آسيتو دي؟
    وين اللفظ النابي والتلميحات البطالة القتيها دي؟؟
    وبعدين إيه سمعتها واسمها والهرجلة الغير مسؤولة دي يابيان؟؟
    هسي المسَ سمعتا منو؟؟
    اهو جنس كتباتك واسقاطك ده هو المخوف البنات والنساء..

    اهو قدامك يا اماني نموذج لي ذهنية مآزومة ..نموذج واحدة عايزة تذكرك بي فوبيا السمعة ..
    بلاي منو يا بت قضيم ويا اماني ويا مسة ويادومة ويانجاة منو في الرجال الفي البوست ديل جاب سيرة السمعة ؟؟
    دي إعادة تدوير لي الفوبيا بتاعة المرة السودانية القاعدة في طرف سوء ظنها بالرجال..
    فوبيا (السمعة) المهجسة بالاسر السودانية ذات الوعي الفضائحي..
    لا انا ولا عمر الفاروق في واحد فينا دور الجهالة بتاعة النساوين دي هنا..
    اهو جات مرة ودكتورة ونجيضة وعملت ليها ريساكل عشان تستقر بدون وعي منها في وعي الجيل الجديد والقارئة خاوية الذهن التي تطلع على افئدة هذا البوست..
    نموذج لي مرة متعجلة الى الهجوم على الرجال ..
    في مثل صيني بقول انك لاتستفز النمر..لان النمر مُستفز بطبعه..
    نجاة دي والحق يقال زولة تعجبني صراحتها وكتاباتها النقدية وهي – ولاتحتاج الى شهادة صعلوك- كاتبة تستطعم كتابتها مهما طالت دون ملل,,
    بس لامن تجي في حتة قضايا مايسمى بالجندر دي ..بتكون بره شبكة المنطق.. وشايلة موسى تطهر من طرف..
    صفة المتعلم المتعجل الذي لايدري انه بتعجله يمارس الجهالة ..
    وبعدين حتة انو اماني تنسحب من الحوار(الونسة) دي ما مشكلة بتاعة رجال يا بيان..
    ده خيارا ..
    بالغة راشدة مكلفة اختارت الذهاب لامن شافت انو الناس بتهظر وماجادة في الحوار ..
    ماهدي بت قضيم قاعدة تقارع الحجة بي الفارغة وانتي جيتي بتقارعي الحجة والفارغة بقوالات تعطل الحجة وتفوق الفارغة ..
    ياخي اهو هسي سمية قالت البت انسحبت لانو لقتني بهذر وماجادي وعامل القصة ونسة..
    تقومي تقولي : البت الرجال مارسو عليها( سياسة خدش الحياء) و(تلميحات بطالة) و(الفاظ نابية)؟؟
    نصدقك انتي ولا نصدق المرة التانية سمية؟؟
    اهو كل مرة فيكم بتظن حسب مستوى ضرر الإشكال الذكوري جواها..
    ومع ذلك الاختلاف ده شي طبيعي.. انا شخصيا ماعندي اعتراض عليهو..
    بس تحميل الامر على الرجال بهذا التطرف هي مسالة اضافة الى انها غير مقبولة فهي مسالة لاتدر عليكم غير مزيد من التشكيك في قدرة المرة من امثالكم على الفهم والاستيعاب السوى..

    Quote: يمكن للرجل السوداني ان ياخذ موضوع المرأة بجدية

    لايمكن بالحيل..
    لانو ليس ثمة موضوع اثرنه( النساء ) بالاعلى..
    النسوان لامن يخلن طرح مايسمى بقضايا المراة بصورة ساذجة وفطيرة ومنقولة من قرايات متطرفة منقولة من قرايات متطرقة الى وعي يستبطن اصلا سوء الظن..
    لامن يخلن الحاجة دي سيجدن صمتاً من طرف الرجال الزينا (المتخلفين)..ده لو ما لقو دعم كبير من طرف الطرور التاني..
    انتي قايلة كمية الرجال الطرور البطبلو لي النسوان الزيكم ديل شوية هنا ..
    الحق حين ياتي واضحا مرتبا لايعتوره ظلم او سوء فهم لايجادل فيه احد..ولانملك إلااحترامه..موش لانو عجبنا..بل لانو مابلخلي ليك فرقة تقول بغم..
    بس لامن يجي من زول شهادتو فينا مجروحة بنص كتابتو بتكون مجرد تجاريب نسوية فطيرة وطرطشة ..كتيرة ذاتو فيها الرد المازح..
    موش كتر خيرنا الهظرنا وونسناكم وخلينا البوست حق بت قضيم يمشي صفحتين..



    وصفك لي بالصراحة بي طريقتك الفي اخر مداخلتك دي
    كلمة حق اُريد بها وصفي بالتخلف ..
    ياخي ولا تزعلي ولاتجتهدي في ضرب الامثال للناس.
    انا متخلف فيكم بصراحة ..
    لاادري كيف تصارع الواحدة منكم في اثبات حقها في الكلام ومن ثم تجي فجاة وتقول هوي انا مرقتا..انا بت وماحمل الفارغة دي..

    هل الفارغة دي حاكورة رجالية يستفرغها الرجال وتخاف منها النساء فقط..
    اولا نستحي نحن الرجال ..اولا تستفرغن الفارغة ؟؟!!.
    الا يخاف الرجل منا على سمعته كما تخاف النساء؟!!
    اوكل النساء يخافن على سمعتهن؟!!
                  

06-21-2009, 01:55 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: د.نجاة محمود)

    Quote: اوكي شوفتي وقعت في مقص انك تكتبين باسمك الاصلي

    شوف بلاي الدعوةالمفتوحة للخوف والدسوسية دي..

    اهو ده المخلي بت قضيم ماتنزل صورتا..وتكتب اسمها..
                  

06-21-2009, 03:15 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: DKEEN)

    دكين بطل النطيط..
    انا اتكلمت عن حاجة عامة وهي استخدام الالفاظ الجارحة للنساء

    بعدين يا دكين مين قاليك انا عندي غباين ضد الرجال؟
    الحمدلله والشكر لله
    الرجال الحولي رجال اسوياء يشهوك الرجالة ذاتها.. من ناحية بوستف جدا
    رجال مالين مركزهم مثقفين غير منفصمين
    والحمدلله انا انثى ولدت حرة والى الان حرة . لا يمنعني احد من التحرك
    عشان تجيني غباين ضد جنس الرجالة
    الغباين دي ما بتحي الا بدقوني ويمنعوني الحركة ويرفضون من اتزوج ولا اقرى شنو

    قريت مسرح واتزوجت راجل دنقلاوي 0 (زول مادي لسانو)
    في حرية اكثر من كدا (0هاهاهاه)
    عشان كدا يادكين اناما عندي اي غباين ضد الرجال بالله بطل اشاعات
    فارغة..

    لكن بكره نوعية معينة من الرجال
    التكون انت تتكلم ليهم عن الذرة وهم يعاينو لصدرك القالتهم بت قضيم..
    البتكن بتقأليهم في شعر يتنحو ويغرودو وعيونهم
    وهم بعاينو لشفايفك.
    البتناقشه لما حجتك تبقى قوية يقومو يقولو ليك يلا بلا نسوان
    مينبوس بلا لمة
    نحنا الصغيرات عرفنا ليهم شنو
    غوري يا ولية ما تكسري لينا حظنا..

    ولذلك يا دكين اصلو ما عندي ايتها غباين مع ايتها راجل ماسك دربو عديل.

    (عدل بواسطة د.نجاة محمود on 06-21-2009, 03:57 PM)

                  

06-21-2009, 04:19 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: د.نجاة محمود)

    دكين بطل النطيط..
    Quote: دكين بطل النطيط..
    انا اتكلمت عن حاجة عامة وهي استخدام الالفاظ الجارحة للنساء

    تكلمي عن حاجة عامة هنا ليه؟؟
    ده هسي حتة تجيبي فيها العام بالطريقة دي؟؟
    وليه ماوضحتي انها حاجة عامة عشان الناس ما تجي تشلت في دكين من طرف..
    هسي بي سوء الادارة بتاعك ده جا انبطاع لي الناس انو انا نبذتا بي الفاظنابية وخادشة للحياء..

    في حتت زي دي تحري رص المداخلة..
    Quote: بكره نوعية معينة من الرجال
    التكون انت تتكلم ليهم عن الذرة وهم يعاينو لصدرك القالتهم بت قضيم..


    بعدين ياخي انتو ليه مصرين تتكلمو نيابة عن النسوان
    لو انتو الحتة بتزعلكم
    انا بعرف بنات ونساوين الواحدة مستعدة ينفجر فيها قنبلة نووية بس تلفت المتحدث الى صدرها..
    دي مسائل نسبية كل زول ونظرتو لي مسالة الجسد..
    في نساوين - وديل ماشوية- بحبو جدا انو يكونوا قبلة الانظار موش فيالصددر بس بل وفي حتات اخرى..

    فياخي قصتكم ومثلكم الاعرج ده حقكم براكم..
    ليس مقياس..وانتو احرار فيهو ..
    هسي لو مسكتي عالم نساوين اليوم ..
    الواحدة مستعدة تاخر راجلا لامن ترفع ضغطو عشان بس تجي ضاغطة حمال النهود ويكون مشدود..
    وممكن تمعطو تحت في العربية ساعة اخرى وترفع سكريهو عشان تحدد بالروج شفايفا..
    ونص ساعة تانية تهيج فيها قولون المطرطش الراجيها تحت عشان تعمل بتاع الرموش داك الطويل داك..
    وتجي بعد ده كلو تصل عربية الراجل يقرب يموت من الخلعة في شتارة الميك اب..




    يانجاة دي مسائل نسبية ما تجيبوها لينا هنا كتجريم
    في ازول البعاين لي النهود
    وفي البقابض عديل
    بس فيكم البتسوي كده عشان يتعمل ليها كده وفيكم المرة الغير مسؤولة

    لايمكن تجي تقولو انو انتو بتعاينو لينا في صدرونا وكت نكون بنتكلم عن الذرة بالتالي انتو كلكم متخلفين..
                  

06-21-2009, 09:40 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    سلام للجميع

    بنت قضيم
    سلامات و تحية ... ويديك العافية السايقة البوست ده وسط الاعاصير
    ____
    اماني يا اختي .. ليه شلتي الكلام؟
    ليه تحرمني انسان يلتقط طرف الخيط الرميتيهو؟
    ما تسمحي لكائن من كان يا بنت امي يبلعك كلامك ما دام انتي مقتعنة بيهو ... حجة بحجة .. كلامك ما كان فيهو اساءة
    والبوست ما لدكين .. ممكن عادي تمري فوق كلامو و بانتقائية شديدة و تواصلي في طرح فكرتك

    حزنت جدا لضيقك ... و حزنت أكثر لمقتل مشاراكاتك القيمة ...
    ____
    يا دكين يا صاحب يصر على حشر اصبعه بين ضلفتي باب سيشرع شاء أم أبى
    هنيئا لك شتارتك ...
    شتارة جديرة بالاحتفاء و يوم بفتح ليك بوست احتفائي لشتارتك فائقة النكهة دي ...
                  

06-21-2009, 10:08 AM

jini
<ajini
تاريخ التسجيل: 02-05-2002
مجموع المشاركات: 30716

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: عزاز شامي)

    Quote: يا جني الخنثى المشكل ديل كم من البشرية؟
    عشان نجي ننقاش ياخدو كم في الميراث؟
    لانه برضو في رجال شاذين نوعية انثى محبوسة في جسد رجل..

    في وجهة نظري ان نظام الوراثة الاسلامي حفظ للمرأة المسلمة في المجتمعات الاسلامية
    حقها تماما
    واذا كان لنا ورثة تركها الوالد فلن اغضب اذا اعطي اي من اخوتي اكثر مني
    لانه منذ احالة والدي الى المعاش عليه الرحمة
    هم الذين بكل تجرد و مسؤولية يصرفون احوال الاسرة المالية من حر مالهم..
    واحسب كل الاسر السودانية تعتمد على اولادهاولذلك بكل طيب خاطر
    نتقبل هذه القسمة الحكيمة من اله عادل ولا ظلام للعبيد..

    مع التحية..

    يا بيان أختى
    الدين الاسلامى ليس للسودانيين فقط وليس امرا شخصيا بحيث تنبع قناعتك من اريحية أخوتك!
    وانت تعرفين تماما ان اهلنا فى الشمال قلما يورثون بناتهم بل ربما يعضلوهن او يزوجوهون بغض النظر عن رغبتهن حتى لاتذهب الأرض الى الغير!!
    كون ان الخنثى مشكل حالات نادرة هذا يجعل الامر مأساويا ويعنى اننا غرقنا فى شبر ماء والا كيف نضع حاجات كائن بشر فى منتصف السلم بين انثى فى الحد الادنى وذكر فى الحد الاقصى!
    اذا كان التقسيم على اساس فيزيولجى ليس له علاقة بالاحتياجات والتطلعات فيجب ان يكون حظ الانثى هو نصف حظ الذكر مطلقا مهما كانت ثروة الاب!!
    نسمع منك!
    جنى
                  

06-21-2009, 03:06 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: jini)

    ..
    .
    غايتو يا امانى انسحابك الشامل
    حتى المداخلات السابقة يعتبر انكسار
    وضعف يحسب عليهن ..

    ________

    الواحد ما عارف يتضامن مع من فى هذه الحوار المحنة !!؟
                  

06-21-2009, 03:06 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: jini)

    ..
    .
    حذف للتكرار

    ________

    تضامناً مع امانى :)

    (عدل بواسطة Tabaldina on 06-21-2009, 03:19 PM)

                  

06-21-2009, 03:22 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: jini)

    Quote: ما تسمحي لكائن من كان يا بنت امي يبلعك كلامك ما دام انتي مقتعنة بيهو ... حجة بحجة .. كلامك ما كان فيهو اساءة
    والبوست ما لدكين .. ممكن عادي تمري فوق كلامو و بانتقائية شديدة و تواصلي في طرح فكرتك


    سلمت سلفا بانو امماني دي مرقها من البووست ده كلامي وقالت البوست مالدكين
    ياخي يمكن مرقت عشان عمر!!
    ولابس انتو طالما لقيتة استنادر وش القباحة دكين بالجوار ..خلاص نشيلو ليها..
    اهو دي امراة اخرى ترمي بكلام غير مسؤول..



    اماني
    من الواضح انو الناس دي قاصداني لاسباب يس هذا البوست من ضمنها..
    ربما لغيظ قديم
    وربما لصحوبية متوهمة
    وربما لغيرة..


    غايتو البقدر اعرفو
    انو النسوان ديل قدرو ياسسوا لي فهم اني زول كريه وقدرو يثبتو ليكي اني انا السبب في حردتك دي..
    وشوية شوية ودون وعي حتلقى نفسك عملتي مكنزمات رفض ضدي بلا اي سبب سوى هترشة النسوان غير المسؤولة دي..
    اهو بي عزاز بقو تلاتة
    واحدة بتاول الكلام وتقول معليش ده من صياغ الكلام
    والتانية بتجيب حاجات اصلا ما حاصلة
    والتالتة قات ليك البوست ده حق دكين؟؟ مثبتة بذلك انو سبب طلوعك دكين ماعمر او اي شيطان تاني ..
    وحتلاحظي انو المداخلات الجاية كلها حتكرس لي الفهم ده..
    فهم دكين المتخلف
    دكين الرجعي..
    ومابعيد بعد كم مداخلة يقولو ليكي دكين بشجع ختان البنات..




    غايتو يا اماني ضيعوك ..
    انتا مابتعرف صليحك من عدوك..

    اظنها غيرة بعيد عنك..
                  

06-21-2009, 03:22 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: jini)

    بت قضيم...


    خلاص كويس

    (عدل بواسطة DKEEN on 06-21-2009, 03:43 PM)

                  

06-21-2009, 03:52 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: DKEEN)

    Quote: وعليه يبدو إنو اماني حذفت المداخلات بناء على مداخلتي الاخيرة .

    ده كلام عمر يا عزاز ..
    عشان تاني ما تخرفي ساي..
    على الاقل في بينة ولو ظنية انو البت ماحردت البوست عشاني زي ماحضرتك حاولتي توهمي البنية المسكينة..

    انتو التلاتة بصراحة حتخصمو من رصيد المرة في المنبر ده..
                  

06-21-2009, 04:02 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: DKEEN)

    ماقاله عمرالفاروق في اخر مداخلة ليهو ..بس مابعرف مسجم ومرمد من يومو حاجاتو بتمشى بطريقتها

    Quote: :
    البوست بي قدرة قادر اتقلب لي مباراة تنافسية بين دكين وعمر ضد مجموعة نساء والسبب مداخلات اخيييرة فجبت ما قبلها (ياخ الايام دي انا متجدع بي مصطلحات مبااالغة).
    المستغرب ليهو انا هل اختنا اماني سحبت مداخلاتها بناء على مداخلتي الاخيرة ام بناء على ما كتب دكين مع العلم إنو اماني عقبت على دكين وعليه يبدو إنو اماني حذفت المداخلات بناء على مداخلتي الاخيرة .
    وإن كان كذلك فده معناها إنو اماني ابد ابدا ما زعلت من كلام دكين بقدر ما انها حست من مداخلتي نوع من الاساءة الشخصية ليها بافتراض عبارات وردت مثل نشااز وشترا ووو
    يبقا الناس اللي جات هاجمت دكين مبدئيا ما ليهم حق ما لم تكون دي ردودهم حقتهم هم لي دكين عشان ما تتشخصن الحاجات وتقا دكين واماني..
    ويا بت قضيم خيتي صدقيني بالنسبة لي القصة الاخيرة دي فياخ اماني والله بي طريقة غير مباشرة غلطت على دكين وكتبت كلام الزول ده ابددددددددا ما قالوا ولاااا جاب سيرتو بافتراض انها حاجات تم مناقشتها هنا زمااااااااااااان ..
    اماني يبدو انها جديدة في المنبر او ما مواكبة لي قضايا اتحسمت سواء بالسلب او الايجاب لكن ردت على دكين من منطلق انفعالي فيهو نوع من الشفتنة المبطنة وفي بالها الزووول ده انا حا اوقفو ليكم عند حدو ..
    ما بلوم الزولة دي على سحب مداخلاتها عن نفسي عملتها قبل كده في بوست لي حليمة وكنت في سجال مع عزاز بيسبب دبرسة وفهم غلط وصل لي ناس ..
    اي زول حر في مداخلاتو والقصة عشان ما تكبروها ساي لا انكسار ولا ضعف من اماني البت رأت إنو الانسب تشيل مداخلاتها وين المشكلة ؟؟
    بكري مرات بيشوف من الانسب يوقف عضو عدييل وين المشكلة ..
    العنف اللفظي البيتكلموا عنو بعض النساء هنا والله في منو كتيير كتبنو النساء ديل زاااتن تعابير مخلة بي الاداب اقل ما توصف بيهو انها تافهة وبي مفهوم معادلات راجل مرا حقتكم دي فمروض لو الراجل كتب للمرأة الخجول التي يخدش حياءها بعض التعابير فمفروض لمن المرا تجي تقول تعابير ساقطة فكمان الراجل يدخدش وبي الضعف كمان !!!
    لكن طبعا لمن المرا تكتب تعبير خادش فبيكون اما هظار او والله هي ما قاصدة او لالالالا ياخ بس هي جات توريكم انها شفتة ومقدداها وانها ضاربة السما جير فما تتصعلقوا علي يا رجال..
    الارشيف ملاااان من ساقط قول نساء المنبر مش كتابة بس لالالالالا صووووت وصوووورة اخير الرجال تراهم بيكتبو سااااي!!!
    ما ننجرف بعيد ومعليش بت قضيم ارجعي لي موضوع التربية وما قصدت اي شي والله لا نبز لا شكل لا تكسير مجاديف ويا اماني ياخ لو سبب حذف مداخلاتك شعورك بي اننا بنستهتر بيك فده ماا حاصل ..
    تخريمة :
    كالعادة ستتشنقل المداخلة فوووق لي عطل في الكمبيوتر فبالله جيبوها لي تحت عشان البوست يمشي كويس..

    استعدال التخريمة :
    سناء خالد دحين انتي مش بتاعت القصة حقت الدخلة والعرس ديك



    انا البطة السوداء هنا بعيد عنك ياعمر..

    لن تخيل انا شامي ريحة تطفيش لي اماني دي من البنات ديل مقصودة وملبسنها لبوس الجهالة..
                  

06-21-2009, 05:29 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    Quote: غايتو البقدر اعرفو
    انو النسوان ديل قدرو ياسسوا لي فهم اني زول كريه وقدرو يثبتو ليكي اني انا السبب في حردتك دي..
    وشوية شوية ودون وعي حتلقى نفسك عملتي مكنزمات رفض ضدي بلا اي سبب سوى هترشة النسوان غير المسؤولة دي..
    اهو بي عزاز بقو تلاتة
    واحدة بتاول الكلام وتقول معليش ده من صياغ الكلام
    والتانية بتجيب حاجات اصلا ما حاصلة
    والتالتة قات ليك البوست ده حق دكين؟؟ مثبتة بذلك انو سبب طلوعك دكين ماعمر او اي شيطان تاني ..
    وحتلاحظي انو المداخلات الجاية كلها حتكرس لي الفهم ده..
    فهم دكين المتخلف
    دكين الرجعي..
    ومابعيد بعد كم مداخلة يقولو ليكي دكين بشجع ختان البنات..

    النبدى المداخلات الاستشرفتها فوق دي
    ______________

    دكين؟
    يا فردة الجرسة دي ما حلوة منك
    بقيت تحرشنا وتقول (خذوه عني ... خذوه عني) ؟
    أفّأ يا قولة الكفيل .. انا اخوك يا نورة
    داير تخرب لي اجازتي مالك يا عشا البايتات؟
    يا دكين اركز للبتجيك ما تقعد تجقلب ساي ..
    و رصيدنا ده قبيل قلت ليك و في غير مناسبة وفي اوقات متفرقة من النهار
    (ما تشتغل بيهو .. انحنا ليهو )
    حسي حشوة الطماطم باللحمة العملتها لينا دي في البوست نكرتها مالك؟
    بنات عاقلات راشدات يتفاكرن عن شريحة يهمهم أمرها،
    جيت قعدت تقول لا لا لا في نسوان دايرات كده ..
    لا لا لا انتو ما فاهمات ...
    حسي ما ده ياهو سوط العنج،
    سوط العنج غيروهو ؟؟

    انت سقت الحوار للحتة المأزومة دي و ما تلبس مسوح الانبياء و البريئين ...
    اكل نارك ...
    يا تعدل مسار القطر،
    يا تستخلف الله فيما قد كان، و اشرع ذراعيك لنظرة كرستها انت منذ الأزل
    امشي اعد ليك كام مرة قلت (المرة من بنبرا و لورا)
    موش في البوست ده ولكن في بوستات متفرقة
    و عدى عليها الحول و استوجبت الزكاة و قد حان يا هناي ..

    فكرتنا عن نظرتك للمراة ما من البوست ده ولا هي نظرة طارئة
    إلا لبرلوم أو شخص بلغ الكي بورد أمس ..
    بس انحنا اللي في البورد عارفينك وما بنغباك ...

    انت بتقولها صراحة انو المرة من بنبرا لورا
    و جيت قلت انو نقاش موضوعي مع امرأة ضرب من الخيال
    ما رجعي يعني؟ كنت بتعمل عصف ذهني ولا ياهو ده رأيك؟
    يعني (يا ناس حب اكتر من كده)؟



    أركز ... اركز
    وفي رواية أخرى
    خم و صر

    _____________

    ما زلت صديقتك شئت أم ابيت
    لاني مؤمنة بأن أمر المؤمن كله خير
                  

06-21-2009, 05:47 PM

Rihab Khalifa
<aRihab Khalifa
تاريخ التسجيل: 07-07-2006
مجموع المشاركات: 3738

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: عزاز شامي)

    سلام يا بت قضيم و الكل و موضوع جميل، و حبيت اتداخل من اول ما نزل، لكن ما لقيت وقت
    و بصراحه مرات شويه بكون كاشه من مواضيع الجندر العامه البيكون فيها الرجال كوم
    متشابه و النساء كوم اخر بالرغم من الديسكليمرز البنختهم في البدايه و الاستثناءات
    للرجال الممتازين، لكن مرات لا مناص من التقسيم

    فكره الادب للبنت السودانيه والتي عرضتيها عند بعض الرجال السودانيين، انا معاك فيها
    و اكيد اصبحت الان مرفوضه اكتر و فكره رفضها مقبوله اكتر، وما حاصل حد اقول انه كفايه
    علينا النقاش في الموضيع دي لانه بقت معاده، و لكن يبقي السؤال الدائم في ذهني،
    غير مفاهيم الذكوره و الانوثه ديل، هل هناك مفاهيم تانيه تساعد هذا الفهم؟ هل في
    كيمان تانيه ممكن تساعدنا نفهم ليه الظواهر دي ما زالت موجوده؟ خصوصا في ظل الامثله
    الذكرتيها في ردودك الاولي من اذدواج في معايير السودانيين

    اضرب ليك مثل لاوضح فكرتي، الكذب عموما غلط و كلنا بنعرف الكلام ده، و لكن هناك عادي
    عندنا في السودان انه الامهات و الابهات يكذبن علي و امام الصغار، مثلا الباب دق و ما دايره
    الواحده تشوف الزائر، ممكن تكلم ابنها انه يكذب و يقول للزائر ببساطه انها غير موجوده، في
    حين انه اذا كذب الطفل في حاجه تانيه، يمسكوهو من اضنينه و يقولو ليه مش قلنا ليك الكضب
    حرام؟ ده مش تعدد في الاستانداردز زي قصه انه الولد ممكن عادي يقول كلام فيه قله ادب و ما
    يحسب عليه و لكن يحسب علي البنت؟ هل يمكن ان ارجع واقسم زي ما قسمت كوم الاولاد
    و كوم للبنات بانه اقول في كوم للامهات وكوم للصغار؟

    الشاهد، انا حابه اقول، الذكوره و الانوثه كمعطيات ممكن يفسروا لينا الكتير من المشاهد دي،
    و لكن ما براهم و خصوصا في مجتمعاتنا، و ما تصلح لوحدها انها تفسر النفاق في حكايه الادب و
    انه ليه استانداردز مختلفه للاولاد و البنات و الحبوبات، اعتقد انه هناك اسباب اخري كثيره في تربيتنا بالاضافه
    لمفهوم الذكوره و الانوثه تتداخل في قصه تحليل الاشياء لنفسنا و تحريمها علي غيرنا دي، تاتي
    في اشكال و قوالب كتيره من الكبير للصغير، المدير للعمال، الاستاذ للطالب، بوليس الحركه للسائق،
    النساء للرجال، الرجال للنساء، ... و ما الذكوره و الانوثه الا قالب من هذه القوالب

    التركيز علي قالب الذكوره و الانوثه مهم، و لكن لوحده و في غياب باقي العوامل الاجتماعيه و
    الاقتصاديه و السياسيه و ال ال ال، بيعجز عن تفسير الفروقات دي، و من المهم جدا في نظري انه
    الناس و بقدر ما بيركزو علي قالب الذكوره، الا ياتي هذا منفصلا من فهم النساء لنفسن و انوثتهن
    و انتي و عمر ضربتو امثله جميله توضح الجانب ده، و لانه فهم الادب القلتيه عند الرجال ده
    موجود عند النساء و ده في نظري اخطر و اكبر

    انتي قسمتي الرجال في البدايه لنوعين، نوع متفاهم مع روحه و غيره و نوع العنده الدبل ستاندارد
    ده، و اسمحي لي اضيف للقسمه نوع تالت و عليه اقسم النساء الي:

    اولا، الانثي التي تقر و تشارك هؤلاء الرجال رؤيتهم في انه المراه عوره و عليه، ضررها البتسببه لبنات
    جنسها اكبر من ضرر الراجل في نظري و دي ما منها خوف، لانها واضحه و يمكن التعامل معها بنفس الوضوح

    تانيا، الانثي التي ترفض الرؤيه دي ظاهريا، و لكن عند النظر بقرب الي سلوكها، نجدها تؤيده، و دي
    شخصيه خطيره جدا، لانه مرات هي نفسها ما بتكون شايفه التناقض ده وفي نظري لظروف التربيه
    و كسودانيين كلنا في مرحله او زمن مرينا بالشخصيه دي و جزء كبير مننا اتعلم كيف يكون في تفاهم
    اكبر مع روحه

    تالتا، الانثي المتسقه قناعتها مع واقعها و اسلوب حياتها، فهي ترفض الاسلوب و تسلك مسلك يؤيد
    الرؤيه دي، و دي و حتي ان اختلفت مجموعه معها، التعامل معها سهل لانها واضحه

    عندي باقي كلام ماشه و جايه
                  

06-22-2009, 00:14 AM

Sana Khalid
<aSana Khalid
تاريخ التسجيل: 02-01-2005
مجموع المشاركات: 2740

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Rihab Khalifa)

    مكرر

    (عدل بواسطة Sana Khalid on 06-22-2009, 00:21 AM)

                  

06-22-2009, 00:19 AM

Sana Khalid
<aSana Khalid
تاريخ التسجيل: 02-01-2005
مجموع المشاركات: 2740

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Rihab Khalifa)

    Quote: سناء خالد دحين انتي مش بتاعت القصة حقت الدخلة والعرس ديك ؟؟؟


    لأ يا عمر الفاروق

    و ما بأقبل منك و لا من غيرك (و لا أعتقد أن صاحبة القصة المشار إليها تقبل) أن تخاطبني بعبارة مثل


    Quote: انتي مش بتاعت



    !!!!!!!!!!!!
                  

06-22-2009, 01:53 AM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: Sana Khalid)

    اصبحنا واصبح الملك لصاحبه

    امبارح يا دكين كتبت ليك رد كان حاخد فيه اوسكار ولكن طار مأسوفا عليه

    المهم يا دكين حكاية انه المرأة النموذج للرجل السوداني هي المرأة التي تجعله
    يجوس في صدرها بعيونه وحين تقرأ ليه الشعر يكون مغرود ومركز على الشفايف بدون ما تزعل وتهتف وا ضيقي الشديد اناس في شنو والحسانية في شنو و لكن ظاهريا المفروض تكون مطنشة لانه المرأة
    النموذج المحترمة بت الرجال المفروض طوالي تطنش اي تحرشات وتعمل رايحة
    و اذا ادخل يده في صدرها تسكت ممكن هو يقوليها والله عايز منديل والمفروض هي تصدق الكلام دا وتظاهر بعدم الفهم
    المرأة بت الناس اصلو المفروض ماتفهم الايحاءات والتحرشات العرفهاالكلام دا شنو لو ما هي كعبة
    يعني عايزين المرأة التي يمكن بسهولة تصدم وتتخلع عشان تقولو دي يا ها مرة الصح..

    دي نموذكم المفضل. بعدن ياخي منو القاليك في نسوانبلبسو ويعرو جمالهم ليكم
    الواحدة البتجمل بتجمل لرويحتها دي ما ليكم..
    مشكلتكم التعميم دا مابتعمموا االتجارب الخيرة خالص بس تعمموا ما يخص النساء اذا واحدة رضت راجل يقرصها في المواصلات وسكتت خلاص تاني الراجل يتحول للقراص العالمي لما يلقى ليه واحدة تدي كف
    تقتل ليه اللبيدو حقو وبعدين تستعد للنظرات الغاضبة من المارة لو ماعايزة كدا ماكان ركبت المواصلات
    وممكن واحد كبير كدا يقوليها استري روحك يا بتي بت الرجال والاصول ما بتسوي كدي..
    بقدرة قادر تحو الى جاني والضحية هو المتحرش
    ودا كلام بت قضيم من الاول..

    عشان كدا يا دكين بس النساء ديل عايزين الزول يشوف فيهم انسان
    ولكل مقام مقال.

    وطبعا دا ما بمنع وجود بعض النساء الاتي يسعدن ويحتفين باهتمام الرجال بتضاريسهن
    بس لسان حالنا بقول افرز يا بطل..


    ازيك يا رحاب اتمنى تكوني بخير
                  

06-22-2009, 05:42 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: د.نجاة محمود)

    صباح الخير للجميع
    وآسفة لتعطل النت عندي والمشاكل اللي بتحصل فيه تقريباً بعد الساعة 12 الظهر وما عارفة السبب أيه

    ومعليش أنا حارد عليكم عموماً لأن الكلام بقى كتير وحيعمل ليه حساسيات شخصية لا داعي ولا سبب لها أصلاً

    دكين بأمانة لا انت ولا أي شخص هنا خدش حياء أي شخص تاني
    والكلام أهو كلو موجود يشهد بكده
    ودكين
    يا ما صديق (:(:(:
    لو سمحت راجع البوست من البداية، لأنك لو فهمت فنحن أو خليني اتكلم عني بدون ما اتكلم عن لسان شخص تاني، لم اتحدث عن حقوق المرأة المشار إليها في كلامك، أنا اتحدث عن حق المرأة في المنزل واللي هي نفسها مش عارفاه واللي مأثر بصورة مباشرة في فكرة التربية
    ومن جديد
    دي ما كورة هلال مريخ، نسوان ورجال ومقارنة
    أنا بتكلم عن التربية المقصورة اللي بعاني منها الجنسين
    رجاء راجع البوست من البداية عشان انت جبت لي ضغط
    كل ما تكرر جمل من شاكلة

    Quote: النسوان لامن يخلن طرح مايسمى بقضايا المراة بصورة ساذجة وفطيرة ومنقولة من قرايات متطرفة منقولة من قرايات متطرقة الى وعي يستبطن اصلا سوء الظن..


    زيس اذ آآآوت أوف بوينت
    اقولها ليك بالدنقلاوي يعني؟؟
    كلامك ده بره موضوعي تماماً تشيل وتقول فيه تشيل وتعيده حافظه صم، ده ما بص دنقلا ده بص طلبة، أنا بتكلم عن موضوع مختلف، ياخي حاعيد كلامي كم مرة يعني؟؟
    الله يغيظك من صباح الرحمن
    ثم بعد
    احترامك لا كلام فيه، وما حد يهبشه، وانسحاب أماني بسببك أو بغيره بالنسبة لي مرفوض وقلت رأي في الموضوع بصراحة، ولو كان أي شخص مسها وسمعتها وكرامتها بأي شئ انا اكيد كنت ما حاسكت
    وانت برضو، لو قدر أي كائن ما على هبشك والله ما كان رضيت ليك(وحاة الخوة يا الأخو)
    وكلمة (طرور) الوصفت بها أي شخص يعجبه كلامنا (فيما معناه) ما ظريفة منك
    وفي بنات أكيد بحبوا يظهروا للرجال، ويلبسوا للرجال، ويموتوا علشان نظرة رجل بالطريقة التي وصفتها أعلاه، عادي موجود ده عرف الدنيا كده، اللي قلته أنا، اللي قصدتها انا، واحدة جادة مش من النوع اللي قلته انت، دي هي اللي حتحس بضيق من نظرة رجل سفيهه
    يا مخ
    وكلمة (متخلف) الغايظاك شديد، ما بتزعل لأنها تعني (متخلف عن الركب) وليس (متخلف عقلياً) إلا لو كان الموضوع مس فيك وتر حساس فدي ظروفك والله (:(:(:
    وما شغلك ،، وتاني ما تجيب سيرة المخليني ما اكتب غير باسم بت قضيم،، لاني (من جديد) ما خايفة
    وانت ادرى بأن حتى اسم بت قضيم ولو كان لشخصية مش معروفة فاعتقد اني قدرت ارسم له حدود احترام جيدة يشهد لها الجميع(واللا كيف؟؟)
    والبتقدر تعمل لاسم نكرة شكل وصورة محترمة، أكيد ما حاتغلب انها تعمل شكل وصورة محترمة لاسمها الحقيقي، لانها فعلاً محترمة، وبرضو، ده ما موضوعك ياااخي

    وما في زول قال انك شخصية كريهه ، ففي نفس هذا البوست، يا عموش، قلت بكامل وعي اني بريدك لله فالله وانك زول كويس، كنت أعنيها وما زلت

    وما في زول بقولك كلام ما قلتو، وما عارفة رأيك عن ختان البنات وما بهمني اساساً موضوع ختان البنات (برضو قلت كده في البوست ده يا عموش) وأي رد رديته ليك فكان من خلال كلماتك وآراءك العظيمة في البوست
    ما في زول قولك كلام كلمة عار وآفة الاختلاف بينهم ما بعيد ما تعمل فيها خلاص الولد برئ ومسكين ونديك منديل تمسح دموعك وتعيش دور المظلوم، ما تمسكها لبانة يا سمج
    ومداخلتك المسحتها انا ما قريتها، بس يبدو ان كويس انك مسحتهالأنه يبدو انك كتبتها وانت محموق (محموق المليجي)
    وبث
    التوقيع
    (صديقتك) بت قضيم
                  

06-22-2009, 05:58 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    عمر الفاروق
    لا يعني بالجد ما فاهمة
    النت عندك شغال وبتكتب عادي
    فكرة الرد ينط فوق دي ما قادرة افهمها ، يعني ما عارفة العطل البصيب جهاز كمبيوتر شنو يخليه يعنقل رد في بورد
    يا جهازك ده سكران، يا انت كمان احول
    (:(:(:(:
    شوف يا عمر
    بغض النظرعن السبب اللي سحبت أماني بسببه مشاركاتها فتصرفها خاطئ من وجهة نظري
    انتهينا
    أما عن خدش وجرح وحياء وكده فالحق ده ما حصل
    عني أنا فأنا ما هاجمت دكين، أنا هاجمت كتاباته المستنيرة حسب رأي طبعاً وبناء على كلماته
    يعني الموضوع ما شخصي ذي ما بحاول يقنع في نفسه (عامل لروحه أهميات عجيبة)
    انت رأيك ان أماني غلطت في دكين، أنا رأي انها لا ما غلطت
    اختلفنا ومش مشكلة، اختلاف الرأي لا يفسد للود قضية (صح؟؟!!)

    العنف اللفظي نعم مارسوه نساء هنا وشفت مرات تعليقات نسائية واتهامات من قبلهم لرجال هنا، مشينة ومسيئة، ده ما اختلفنا عليه وما جات سيرته أساساً وكونه ما اتكلمنا عنه لا يعني اننا ننكره أو انه مش موجود، بس ما جات المناسبة
    سناء خالد زعلت من تعبيرك الرجاء تعديله وظبطه
    موضوع العرس وليلة الدخلة ده لو كنت تقصد موضوع زمان بتاع الأخت سماح (مذكرات عروس) اللي بشتنتوه وطلعتوا زيتوا، فشكراً انك ذكرته هنا فهو موجود في الأرشيف، شفت طريقة ردود الشباب عليه كانت كيف؟؟
    شفت عن انسانة محترمة كانت عايزة تنقل صورة من مجتمع حقيقي شفت طفشوها كيف وبلعوها لسانها؟؟ أهو ده سوء التربية والفهم اللي بتكلم عنه مع انه - خت سطر هنا بالله - معظم أو كل حتى، من تداخل شخص محترم وانسان متربي بس في خلل حقيقي في مفهوم التربية
    بعدين يقولوا بت قضيم قالت احنا ما متربين، أها يقولوا كيف أن التربية فيها شئ غلط؟؟
    حيرتونا زاتو وزهجتونا وطلعتوا ميتينا بالجد يعني
    يا عمر رجاء وضح للأخت سناء ما تخليها تزعل منك في موضوع ما بستاهل
    وحاجيب عسكري مرور هنا، أوعك تطفش ردك فوق بعمل ليك مخالفة (:(:(:
    تسلم أخوي
                  

06-22-2009, 06:07 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    دكتورة نجاة
    حقيقي بحس اني ما بقدر ارد عليك
    وكتابتك أحيانا ًتحيرني، اتفق معاها واللا اختلف، مرات اكون متفقة معاك في نص سطر، ونص السطر التاني لأ
    مناقشاتك مع دكين حاخليك منك ليه، خصوصاً انه يبدو سحب مداخلته اللي رديتي انت عليها في الأخير، فأنا ما قريت الموضوع اصلاً ولو انه باين من عنوانه يعني

    أما ما جاء في النقاش بينك وجني عن موضوع الخنثى؟؟
    فمعليش ما فهمت
    بالجد في الدين في حاجة كده؟؟
    وبالمناسبة
    يا جني
    أمثالك التي ذكرتها عن صالون الرجال و أوضة النسوان، أكل الرجال قبل أكل النسوان، باب الرجال غير باب النسوان، فوالله ملاحظة في محلها تماماً
    متهيأ لي الموضوع متوارث من الأجيال السابقة تلك التي كانت الواحدة فيهم تنتظر بعلها وكل همها إرضائه وراحته
    ايام ما كانت غلط الأنثى تخرج وتعمل وتتحمل التقيلة، بس موضوع الأكل بالذات ما أظن بسبب ال(حقارة) يعني، لأن حتى الاكل لو طبخه رجل، بيكون منتظر رأي الناس التانية أو في الأغلب الطباخ أو من طبخ يعني ما بياكل قبل الناس التانية ما عارفة ليه
    وخليني بجيك للموضوع شتتني موضوع الناس ديل
    الله يعين
                  

06-22-2009, 06:41 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    رحاب
    شكراً أولاً انك بتحاولي ترجعي البوست لموضوعه الاساسي
    ثانياً
    في موضوع التربية، فالمشكلة مش مشكلة ذكورة أو أنوثة، يعني فكرة أن للرجل الصلاحية في ممارسة أخطاء عيب تمارسها الأنثى، ده جزء من مشكلة تربية مغلوطة
    وهذا الخطأ لا يحكمه رجل أو إمرأة بل مشكلة مجتمع
    يعني كلامك
    Quote: ما الذكوره و الانوثه الا قالب من هذه القوالب


    سليم مية في المية
    بس هو قالب غالب لأن الحياة ذكر وأنثى ما نقدر ننفي كمان

    مشكلتنا مشكلة مجتمع، مشكلة مشتركة حتى - على رأيك - الاطفال مشاركين فيها
    ويمكن كمان أن للنساء يد أكبر في زيادة المشكلة باعتبار أن النساء هن المسؤولات عن فترة التربية الأولى ،، فترة الثلاث سنوات الأولى، وهي في رأي - ورأي كثير من علماء التربية - أهم سنوات في حياة الطفل حيث تتشكل البنية الأساسية
    ذي العمارة يعني،، قوي الأساس واطلعي في البناء فوق

    تقسيمك
    Quote: اولا، الانثي التي تقر و تشارك هؤلاء الرجال رؤيتهم في انه المراه عوره و عليه، ضررها البتسببه لبنات
    جنسها اكبر من ضرر الراجل في نظري و دي ما منها خوف، لانها واضحه و يمكن التعامل معها بنفس الوضوح

    تانيا، الانثي التي ترفض الرؤيه دي ظاهريا، و لكن عند النظر بقرب الي سلوكها، نجدها تؤيده، و دي
    شخصيه خطيره جدا، لانه مرات هي نفسها ما بتكون شايفه التناقض ده وفي نظري لظروف التربيه
    و كسودانيين كلنا في مرحله او زمن مرينا بالشخصيه دي و جزء كبير مننا اتعلم كيف يكون في تفاهم
    اكبر مع روحه

    تالتا، الانثي المتسقه قناعتها مع واقعها و اسلوب حياتها، فهي ترفض الاسلوب و تسلك مسلك يؤيد
    الرؤيه دي، و دي و حتي ان اختلفت مجموعه معها، التعامل معها سهل لانها واضحه



    التقسيم القلتي عليه أكيد موجود، وحابة أضيف عليه أن أحياناً تمر النساء بالثلاث مراحل كلها(زعزعة يعني)

    في سن المراهقة، مقتنعة بفكرة المرأة العورة، كل المحيط الحوالينها بيساعد على تأكيد هذا الفهم

    في العشرينات وشوية الثلاثينيات، متمردة، رافضة الفكرة ظاهرياً لكنها في السلوك متفقة معهم (ظاهرياً برضو)
    شوفي زمان ، يعني نقدر نقول قبل عشر سنوات تقريباً ، مدة جيل تقريباً لوراء، ما كان الموضوع ظاهر أو يشكل مشكل في مجتمعنا، ليس لأن المشكلة ما كانت قائمة، بس لأن المشكلة ما كانت ظاهرة، وعادة المشاكل المجتمعية بتظهر شوية شوية، شوفي الشارع العام حالياً ، كم الفساد الموجود (تحت تحت) قدر كيف؟؟
    يعني الآن في جيل كامل أو جيلين حتى (إلا من رحم ربي طبعاً) ظاهرياً سلوكهم قويم، تحت تحت الله لا يوريك
    ذي واحدة عادي تطلع وتنزل مع أي شاب المهم ألا تمس غشاء البكارة (معليش للمثل بس خلينا نتكلم بواقعية بدون الفاظ رنانة)
    وليست المشاكل الأخلاقية من هذا النوع فقط، بل عموم السلوك يعني ،كذب ، سرقة،احتيال، تلاعب مع كم راجل في نفس الوقت، حتى في رأي فكرة الكريمات وتبييض الوجوه بالقوة برضو خلل نفسي
    ده جيل منفصم
    لماذا؟؟!!
    لأنه اتربى على فكرة (ما دام ما في زول شايفك، أعمل العايزو) فكرة الفضيحة و (كلام الناس)
    علشان الناس بتحب الوجوه البيضة حاغير لوني ، المهم وجهي يكون أبيض، أما جوه جسمي ما مهم، أو تتدمر كليتي فما في زول شايفه
    تفتكري كلللللهم ، كل من تبيض وجهها فعلاً فعلا ًبتحب لون البشرة البيضاء؟؟
    ا؟؟!!
    أما التربية من أجل الأخلاق الحميدة والدين والله وأن (ربنا شايفك في كل مكان) تقريباً معدومة عندناأو ضعيفة خلينا نقول
    في جانب الشباب، في البيت خليك مستقيم، في الشارع أعمل السبعة وذمتها

    شفتي أهل السعودية هنا ، ودايماً ما نوصمهم بسوء التربية، والواحد ممكن عادي يشاغل واحدة في الحرم المكي، لأنهم عانوا وما زالوا من هذا الانفصام سنين طويلة، اركبي طيارة مثلا ًمن السعودية لتركيا، في بداية الرحلة كل الحريم منقبات، في نهاية الرحلة، الجينز ما يديك الدرب، وهم جيل والحصل فيه حصل، المشكلة تبقى في الأطفال، فكرة أن طفل يشوف أمه منقبة في مكان، وفجآة صورة مختلفة تماماً فاكة شعرها سواد عباية مافي مكياج عطور، هذه اللحظة تولد في الطفل فكرة العيب و ال(دسدسة) و (ما دام ما حد شايفك أعمل العايزو)، تتوقف عنده فكرة (الله) لأن الطفل مثله الأعلى أمه، لما مثله يكون بصورتين، عايزاه هو الطفل كيف يكون؟؟
    لذلك الدين يقول (كلكم راع وكلكم مسؤول عن رعيته)
    الموضوع ما أكلوا العيال ودرسوهم ولبسوهم فقط، الموضوع (قف واعتدل) حتى يقف ويعتدل ابنك

    ناس السعودية عاشوا هذه الحياة سنين طويلة ففساد المجتمع عندهم (وبرضو تحت تحت) كان أكبر من عندنا كتير، ونفسياتهم أصبح فيها نوع من التشويش
    يعني مستحيل سعودية تصافح ود عمها مثلاً في يده و(تقالده) كما يحدث عندنا عادي

    في السودان زمان كان عادي، الآن ما زال عادي لكن بمفاهيم مختلفة، ومش باقول انها مفاهيم مختلفة الواحدة حتى مع ولد عملها تخاف، لكن بقول أن التسلسل الطبيعي لوضع المجتمع حالياً يذهب في ذاك الاتجاه، أننا بعد شوية حتى أولاد عمنا ما حنسلم عليهم عادي كده
    حنتشوه داخليا ًوظاهرياً

    القسم الثالث اللي قلتي عليه، فيا اما هي منبوذة نوعاً ما من مجتمع الحريم، لا تصادق إلا نوعها، أو هي ست تعيش فترة خمسينياتها مطمئنة من نظرة الناس لها

    ما اراه أنا، لا يبشر بخير أبداً
    حاسة أن مجتمعنا في النازل تربوياً ويزيد عليها مادياً كمان
    هناك طبقة عايشة حياة واااااو، قروش كتييييييييييرة، مع فقر مدقع، شوية شوية حاسة أننا حندمر نفسياً

    وبرضي جاية
                  

06-22-2009, 07:13 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    يعني البقدر يسكتني الليلة سيبربح المليونين

    ظواهر كثيرة في المجتمع نلاحظها وما حد قادر يحلل ما حد أصلا ًفاضي يحلل

    الأغاني الهابطة (وأنا بحبها جداً على فكرة) في ازدياد
    من زمااااااان الاغاني الهابطة موجوة، وكبار الفنانين أمثال زيدان ابراهيم وكابلي غنوها في جلساتهم، الفرق أن زمان الفنان يغنيها مع اصحابه في جلسه، مش في حفلة عامة
    ثم زمان الفنان كان مبدع، مبتكر، ملحن فلتة، كم فنان بالله من زمان كان مبدع فعلا ًبالحان عبقرية أقل ما يقال عنها عبقرية
    عثمان حسين مثلاً، ابراهيم حسين، كابلي، محمد الأمين، وغيرهم وغيرهم،
    كم لحن مبدع لحنوه وانتشر
    لا اذكر ولا علم لدي - نهائي- عن أي فنان مبدع من هذا الجيل والجيل السابق من ثلاث أجيال تقريباً أو اقل شوية
    يعني الاغاني الجديدة موجودة، لكنها ماسخة بلا طعم
    حتى الاشعار
    طبعاً في شعراء مبدعين وبعض الفنانين المبدعين، لكن قلة قلة ناااااادرة مقارنة مع الكثرة اللي كانت موجودة سابقاً

    كم طبيب علم حالياً في السودان؟؟
    كم عدد الأطباء السودانيين من خريجي الجامعات بالأخطاء الفادحة التي يرتكبوها واسلوب التعامل و
    والعجب معامل التحاليل الطبية وال(الوساخة) المتوفرة بكثرة لديها

    مضيفات الطيران والطيران نفسه، الناس بتمشي لقدام واحنا لا قدام ولا واقفين مكانا
    شفتوا صور مضيفات زمان؟؟ شفتوا الضيافة زمان؟؟

    المعلمين، التعليم نفسه
    الطلبة والطالبات
    التجار

    داء (خم قدر ما تقدر بكرة تطير) المصاب به معظم قيادات بلادنا

    العمالة
    البناين والسمكرية والنجارين

    كم جامعة لدينا الآن؟؟ وكم خريج؟؟ وكم ناجح؟؟ فقط مسمى ناجح مش مبدع حتى
    طبعاً كلهم ناجحين بس مش كلهم ناجحين

    الإذاعة
    الممثلين
    المذيعين
    ناس الديكور يا كافي البلا

    خدوا مثل مثقفينا هنا في البورد، صورة التشدد والشطط في الرأي
    يا معاي يا عدوي

    متدينينا، ناس الدين يعني
    حدث ولا حرج

    فعلاً لحدي بكرة ما حاسكت،
    طبعاً الكويس موجود والصورة ليست بهذه السوداوية، لكن نسبة الجيد مع الفاسد قليلة قليلة جداً
    ولن ابالغ لو قلت كلو من التربية، احنا بنربي غلط يا ناس

    يا جماعة بالجد قلبي وجعني
    ما لنفسي لأولادي في المستقبل
    تفتكروا الناس المولودة في 2009 مثلاً هذا العام، بعد عشرين سنة كيف حيكون وضعها؟؟

    دقيقة اشرب قهوة وجاية
                  

06-22-2009, 08:44 AM

jini
<ajini
تاريخ التسجيل: 02-05-2002
مجموع المشاركات: 30716

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    (المرأة هى المخلوق الوحيد الذى يعيش مع من يضطهده تحت سقف واحد)
    Quote: متهيأ لي الموضوع متوارث من الأجيال السابقة تلك التي كانت الواحدة فيهم تنتظر بعلها وكل همها إرضائه وراحته
    ايام ما كانت غلط الأنثى تخرج وتعمل وتتحمل التقيلة، بس موضوع الأكل بالذات ما أظن بسبب ال(حقارة) يعني، لأن حتى الاكل لو طبخه رجل، بيكون منتظر رأي الناس التانية أو في الأغلب الطباخ أو من طبخ يعني ما بياكل قبل الناس التانية ما عارفة ليه
    وخليني بجيك للموضوع شتتني موضوع الناس ديل
    الله يعين

    فى موضوع الاكل انا لا اقصد ضواقة الطعام!
    ولكن اقصد فارق الزمن يعنى اول شئ ياكلوا الرجال بعدين النسوان ولو ما بقى حاجة تتاكل ما ضرورى!
    عشان كدة النسوان كلهن عندهن انيميا والرجال عندهم كروش !
    جنى

    (عدل بواسطة jini on 06-22-2009, 08:46 AM)

                  

06-22-2009, 06:45 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    من خالد غالي :

    Quote: يابت قضيم البوست في طريقو لانو يكرر نفس السيناريو الحاصل اليومين ديل في المنبر بوست يتفتح والناس يتناقشو ... راجل ومرة يتشاكلو ... الناس تنقسم فريقين ... البوست يتحول لموضوع الشكلة ويطول الي ما لانهاية ويفقد معناهو .. وعشان ماتتفاجئي حا اوريك باقي السيناريو حايحصل شنو .. دكين حايجي ويجوط في الناس الاتكلمت في الموضوع ده كلهم ويقول كلام جارح ... لو اماني جات البوست تاني حاتزعل شديد وتقول كلام جارح برضو ... وحايجي زول صاحب اماني ويخش معاها ويفتح بوست بعنوان دكين الاشتر ويتنقل الصراع لي هناك وممكن تظهر بعض الحاجات الشخصية وممكن نشوف ايميلات او ملابس داخلية لي دكين .. ده غايتو حسب تصوري فاااا حاولي اتصرفي ولو طلبتي راايي بقول احسن تخلي البوست يمشي الارشيف وتفتحي واحد جديد في الربع القادم رغم اني عندي مداخلات لاتقدر بثمن حاتضيع ( لوووووووول)

    وبرضك ما قسمتي لي من باس ويردك وما جبتي سيرة الايميل تاني وغنية ايميلك الخايف عليهو مابتنطبق علي صورتك الخايف عليها لانو اساس في مثل بيقول صورة ماصورتك ختها في المنتدي عادي لكن الايميل بيختلف .. هي صورة منو بالمناسبة ؟؟ واوعك تشتغلي بي كلام عمر الفاروق ده ده باين عليهو فتاااان

    عمر الفاروق بركة الاحرجوك انت مالك ومال بوردابي ولا ما بوردابي انا زول ضيف ياخ خيك ظريف

    وبالمناسبة الكلام القالو دكين ده اسي لو قالو زول تاني كنتو كسرتو رقبتو لكن سبحان الله دكين ده مهما يقول بتعاتبوهو لكن بطريقة لطيفة برضو ما عارف خوف منو ولا عشان عارفين انو زول كويس وبيضحك ساي ولا الفكرة شنو بالظبط ما عايز افتنكم فيهو والله لكن بس ملاحظة ساي وقلتها ... الكلام ده طبعا لي عزاز ودكتورة نجاة اكتر شي لانهم مشهورين باللهجة القاسية انت طريقتك في التقريع ما قاعدة تتغير من زول لي زول

    غايتو ربنا يعدل الحال ويهدي النفوس

    تحياتي خالد غالي
                  

06-22-2009, 06:55 AM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الأنثى العورة والرجالة السودانية..يوجد سوط عنج (Re: بت قضيم)

    Quote: ومداخلتك المسحتها انا ما قريتها، بس يبدو ان كويس انك مسحتهالأنه يبدو انك كتبتها وانت محموق

    وااااااااااااااااااااااااي من سوء الظن

    يابت قضيم انا ما مسحتا شي
    المداخلة الفيها حذف دي كانت عبارة عن تكرار لي المداخلة الفوق منها ..
    بدل اكتب مكرر قمتا كتبتا
    اللقيتيهو فوق ده ..
    بس سوء ظنك فيني والتعجل الى التشفي صوران لك ذلك..

    وانا متاكد من انو في زول من الحضور ديل شاف التكرار ده وممكن يجي يشهد ليكي بيهو لانها اخدت وكت اكتر من عشرة دقايق..
                  


[رد على الموضوع] صفحة 2 „‰ 4:   <<  1 2 3 4  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de