|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: Amjed)
|
اما وضعنا في الحزب يا د. بيان و ما سواها من القضايا غير المتعلقة بالاساءة التي اظنك وجهتيها الي فانا على استعداد ان اناقشك فيها بهدوء و روية و اريك لماذا و نحن في جيل اتى في غيهب من الزمان اخترنا هذا الدرب و امنا بمثل هذه قضية و لنا ذلك و ان كنت تنكريه علينا غير ان كل ذاك و اغلب ما عاليه ليس بموضوع النقاش هنا و ارى انني قد رددت على نقاطك التي اوردتها رداً علي الواحدة تلو الاخرى فلم تردي فلعل المانع خير
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: Amjed)
|
تعرف يا امجد .. مرات نادرة كده بتذكرني اني صاحبتك ليه. اها انت بديت تخت مضابط حوار كويسة مع دكتورة بيان. لو صفت بيناتكم بدون تدخلات تأييد و معارضة تنعكس على موقف اي واحد فيكم من الاخر بتمشي كويس. و اجمل شي انك ادنت الكلام الاتقال في حق الدكتورة. و اظن - غالبا - انو ده الشي الكان دايما بيضايقا انو قدر ما تجيب الكوتات دي مافي زول منكم بيقول غلط. ده موقف مبدئي منك ممتاز. بعد ده الكورة في ملعب الدكتورة - رغم انها بتكره الكورة - انها ترد على نقاطك دي واحدة واحدة. لكن حبذا - لمصلحة النقاش - لو اتفقتو انتو الاتنين على استبعاد بعض النقاط لأنو الكلام برضو كتير. يعني لو تقبلو نصيحتي موضوع شروق/هنادي ده و انهم واحد وله فصل موضوع جانبي جدا و طويل. و لا يمس احدكما الان.
احب جدا اشوف اتنين اصحابي و عزاز عليّ بيتناقشو نقاش هادئ بدون انفلاتات. فترت انا في المسينجر احلف لبيان انك زول كويس و احلف ليك انو بيان كويسه. طلعتو عيني الله يطلع عينكم ياخ.
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: abubakr salih)
|
كتب طلعت الطيب :
Quote: ولكن ما ذا يجنى القارىء من تقييمك لجامعة القران الكريم فى هذا المقام؟ لانه موضوع خاص بموضوع التعليم العالى فى السودان لمن يهتم بذلك و رفعه فى وجه الدكتورة بشكل مستمر فيه استهتار واضح بشخصها ومجهودها وانجازاتها . وهو الذى يدخلك فى شبهة ازدراء نجاحات المرأة |
بصرف النظر عن الشهادات وتقييمها نجاة اول من بادر بالإستهانة بقدرات الناس وبي انا شخصيآ حيث وصفتني مرات عديدة بالجهل وفي الحقيقة انا كنت على الدوام اتجاهل الرد عليها بسبب انها لاتعرف سيرتي العلمية ولا العملية ولا زاملتني في كلية ولا في مجال عمل وهي قطعآ لاتعرف تخصصي ولا مؤهلاتي حتى تتحدث عن جهلي بتلك البجاحة المؤذية ولو كانت تقصد مستوى مداخلاتي هنا فقط ايضآ ماعندها حق لأن لغتي واضحة وفكرتي ورأي أوضح ولن يتهمني أي زميل منبر هنا بالركاكة او بالجهل لم تفعلها إلا نجاة / بيان ودائمى السبب عدم رضاها عن موقفي منها وهي لاتناقش ذلك الموقف وأسبابه بل تنحدر للإساءة مرة معرضة بجهلي حسب زعمها وادعائها غير المسنود او بأني متحرش مسييء
نجاة فعلت ذلك في اكثر من بوست وكنتم شهود وتلفعتم بالليل والصمت
نجاة محمود تبادر بالعنف والإساءة والإستفزاز وعندما ترد لها بضاعتها عليها ان تفيق ، وإن لم تفعل عليكم افاقتها
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: خضر حسين خليل)
|
Quote: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) |
...
السيده نجاة كتبت تعليقها في بوست اخر ... وشيوعيو جيل الانقاذ (علي وزن خريجي مرحلة الاساس)... بقدرة قادر قلبوه لشهادة دكتوراه من جامعة القران ... ما تنسو تقطعو (القران) ذاتو خلي شهادتو ....يالعاجباكم شهادتكم بتاعة الخرطوم ... البنشوفها (نحن) مافي فرق بينها وبين جامعة الامام المهدي ولا معهد ود المقبول ...
لو ده مستقبل الشيوعيون ... حيبقو في الحزب (اتنين) واحد بضارب الناس في الشارع ... والتاني بيبحث ليهو عن مبرر...
__________________________________________________________________ *غايتو الشيوعيه دي ما فضل فيها غير سب الدين وبنطلون جنز وسخان...والبوست اكبر دليل علي شخصنة مواضيع ...
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: أبو ساندرا)
|
كتبت شادية عبدالمنعم
Quote: وإتساع الزمة يسع أشياء كثيرة منها البهتان |
كلام صاح لكن
ما رأيك في هذا البهتان؟
Quote: جد مخك كان فطرك ما بغديك.. |
Quote: لا تابه بما يقوله ابو ساندرا لانه كذاب وعينو قوية وسنو ملوية |
Quote: طبعا لازم نثبت ان ابو ساندرا من الرجال الذين اعدهم بالنسبة لي سقط متاع.. |
Quote: وفي النهاية يبقى القلا الكلام دا هو ابو ساندرا.. رجل من وزن الريشة.. |
البهتان أعلاه غيض من فيض جادت به في بوست واحد
طبعآ ما عايز منك رد يا شادية ولا عايزو كمان من طلعت الطيب ولا عايز اقتضي حقي بأي وسيلة مشروعة كانت
عايزكم فقط تنتبهوا إلى ان نجاة افضل من يصنع لنفسه أعداء ماتواجهه نجاة ردة فعل لسكب يديها
أي عدو إسفيري هنا لنجاة محمود عليكم أن تبحثوا كيف حولته نجاة إلى عدو* فتشو من تحتها وحواليها ح تجدوها مارست إستفزاز و وقاحة وشليت بكبك وبتاع
-------------------------------------------- * عدو = تداخل عنيف ، ملاحقة بحق
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: أبو ساندرا)
|
يا بركات خلاف نجاة معاك لا يجعلها عدو للحزب أو للشيوعيين ومهما نقلت لي من كوتات تأكد أني بقيف مع ضميري ومبادئي
وياريت تعرف أني ما بختار أصحابي بالوصاية والشئ والوحيد الإختياري هو الأصدقاء
وأقول ليك حاجة صدقني في كوتاتك دي كلها ما شايفة أنو نجاة بهتتك في شئ وأنت عارف إنو البيني وبينك بناتك خاصة ماهيتاب
يعني يوم أدس منك عيوبك وأدافع عنك لو غلط بكون خنت الناس ديل وإنت عافني أموت وما أخون ماهي
فياخ أكبر على الخلافات الفطيرة دي وما تقحم الحزب يكون أحسن
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: حمور زيادة)
|
أخوي حمور زيادة التحية ليك للجهد الذي بذلته لتقليل النيران كنت مثلك يعز علي جداً أجد إثنين من أصحابي العزيزين ما قادرين يتفاهمو
أبرت في أمجد إدانه للإساءة التي تعرضت لها نجاة لكن كنت أتمنى من نجاة أن تدرك أن لا دخل لأمجد بمافعله الأخرون فكل شاة معلقة من عرقوبها
وموقف مجدي أراه مبدئي أرجو أن تقدره نجاة
وتضمن أمجد مع شذى يحسب له لا عليه
شكراً يليك يا حمور وأرجو أن يصل البوست ده لغاية الفهم الصحيح لو ما للتعامل ككل على الأقل لموقف أمجد وأن تصحح نجاة مواقفها وأجدها قادرة على ذلك فيه تملك الشجاعة أن تقول الحق حتى لو على روحها
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: أبو ساندرا)
|
زميل المنبر أبو بكر صالح يمكنك أن تناقش الدكتورة نجاة فيما تختلفان فيه من فكر و مبادئ بعيدًا عن الحديث حول مؤهلها العالي الذي حازته حقيقة من جامعة محترمة و متخصصة في العلوم الإسلامية و العربية ، و أنت لست أهلاً للحكم على رسالتها خاصة من الناحية اللغوية لأنك غير متخصص ، فلا يقبل أن تتكلم عن ركاكة أسلوبها و أخطائها اللغوية ، و أخطاؤك أنت في اللغة العربية لا تكاد تحصى ، و من له أدنى إلمام باللغة يدرك ذلك ، و في الاقتباسات التي سأوردها هنا أمثلة كثيرة ، و ليس قصدي من إيرادها التعقب اللغوي ، و إنما أردت
التعقيب باختصار على تجنيك على جامعة القرآن الكريم و العلوم الإسلامية و أساتذتها الأجلاء .
Quote: هذا حسب التقاليد المرعية فى الجامعات المحترمة ما عندى فكرة عن القرأن الكريم دى. |
قلت إنك لا تعرف عن جامعة القرآن و تقاليدها المرعية شيئًا ، ثم تصفها بهذه الأوصاف السيئة ؟! :
Quote: و الله العظيم و بكل اسف قد وضح ان الجامعات السودانية و خاصات الجامعة التى يسيطر على الجهلاء من سدنة الاسلام السياسى هذه جامعة فاشلة و ساقطة فى معاييرها الاكاديمية و ليس لها وزاع اخلاقى يضبتها. |
Quote: و تابع البوست دا عشان تشوف نموذج لمدى اٍنحطاط التعليم فى بلادنا حيث صار كل فاشل عديم المواهبة و القدرات مثل الشيخة نجاة دى يحصل ليهو على دكتوراة من جامعة هلامية اساتذها جهلاء و ضعيفين اخلاقياً تتبرعون له\لها بالالقاب العلمية ساااااكت بالمجان، بنا على علاقات مشبوه و اٍجرامية، لكن سنفضحهم اينما ثقفناهم عساهم يرعون. |
من موقع الرابط الذي أحلتنا عليه . للفائدة : ( المجاسفة و المجاسفين ) التي وردت كثيرا في كلامك بالزاي لا السين ( المجازفة )
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: عبد الرحمن الطقي)
|
أنا ممن درسوا بهذه الجامعة منذ بداياتها قبل خمس و عشرين سنة يوم أن كانت كلية القرآن الكريم ، صحيح قد يكون أصابها ضعف ما بعد إضافة كليات أخرى إليها ، و طرأعليها شيئ من مظاهر الحزبية و تحكم بعض عناصر الجبهة الإسلامية في بعض مناحيها بعد صيرورتها جامعة ، و قد كتبت سابقا عن ذلك هنا ، لكنها تبقى جامعة متخصصة و محترمة بل و مرموقة في مجالها على مستوى عالمي ، و يكفي أنها ضمن منظومة الجامعات السودانية الكبيرة و المنضبطة بضوابط علمية دقيقة يصعب تجاوزها بالصورة التي تصف ، معظم أساتذتها من كبار العلماء ، و لكن لعل موقفك المبدئي من الدين و صغر سنك و قلة تجربتك و عدم معرفتك بالناس يجعلك تقلل من أساتذة عظام ، بل و تصفهم بالجهل و الفشل و السقوط و الضعف بل و الإجرام ؟!
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: عبد الرحمن الطقي)
|
هل هؤلاء العلماء الإجلاء جهلة و مجرمون ؟!
مؤسسس الجامعة البروفيسور يوسف حامد العالم رحمه الله البروفيسور يوسف الخليفة عبد الرحمن البروفيسور أحمد محمد علي بابكر البروفيسور أحمد خالد بابكر البروفيسور أحمد علي الإمام البروفيسور أحمد علي الأزرق رحمه الله العلامة الشيخ محمد سليمان صالح رحمه الله العلامة الشيخ محمد علي الطريفي رحمه الله البروفيسور يوسف سليمان الطاهر البروفيسور محمد صالح محي الدين البروفيسور علي العوض الدكتور إبراهيم نورين الدكتور جابر إدريس عويشة
و كل هؤلاء – عدا ثلاثة – ممن تقلد منصب مدير جامعة ما .
و القائمة تطول و تطول من فطاحل العلماء و أهل التقوى و الورع و الدقة المتناهية في الإجازات الأكاديميةممن لا يمكن يحسب عليهم انحياز أو مجاملة ، فهم يحجزهم ورعهم و خوفهم من الله – كما نحسبهم و لا نزكيهم على الله – قبل أن تحجزهم أمانتهم العلمية و أقدارهم و أسنانهم .
فيا هذا يجب أن تتحرى الموضوعية و الدقة ، و لا يحملك بغضك للدين و أهله أو للإنقاذ و أهلها أن تتجنى على مؤسسة علمية شامخة ، تجهل مناهجها و طرق تدريسها ، فالحكم أمانة و يجب أن يكون مبنياً على معرفة تامة و من أناس مؤهلين له .
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: Amjed)
|
ستحل في الاول و العشرين من هذا الشهر الذكرى الاليمة لرحيل المناضل النقابي الدكتور: علي فضل أحمد، الذي مضى في درب اختاره و مضى فيه حتى كانت النهاية اثر احدى و عشرون ليلة من التعذيب المتواصل في زنزانات الامن و ما ظل يعرف ببيوت الاشباح و اقبية الجلادين الموتورة، لما اذهلهم الشهيد بصموده الاسطوري في وجه التعذيب و اساطينه الذين تفننو في انزال صنوف من العذاب عليه فلم يجدوا مخرجاً الا الاستعانة بشبح القتل حليفاً لهم و ساتوقف احياءاً لهذه الذكرى الاليمة عن التداخل في أي بوست عدا هذا المفتوح لذكرى الشهيد التي رحل من أجلها علي فضل... 21 ابريل سيأتي مرة اخرى
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: HAIDER ALZAIN)
|
ألاخ ابوساندرا السلام عليكم
انى اشعر بالأسف ان ينضم سيادتكم الى جماعة الأذان فى مالطة
الواضح ما فاضح بعض الناس قد نالو حق استخدام العنف اللفظى بكل اشكاله من الاستفزار وصولا الى الشتائم وبرضو يفضلو عند بعضهم ما عملو شى اها تلحق تفتح خشمك و تجيب بالدليل القاطع تلقى الرد البملى خشمك تراب
يا ابوساندر ليتنى استطيع ان اجد التفسير لذلك و لكنها حكمة الله فى خلقه يمكن يكون النبذ فى خشمهم طالع ذى السكر ... ما اااااااا معروف
الاخ حمور السلام عليكم والله يا حمور نحن فترنا من قصة والله الزول ده كويس بس انت لسة ما عرفتو يا حمور يا بلدياتى يجب ان يجنى الناس حصائد كتاباتهم عل و عسى
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: Siham Elmugammar)
|
Quote: وأقول ليك حاجة صدقني في كوتاتك دي كلها ما شايفة أنو نجاة بهتتك في شئ |
يا ابا ساندرا بصراحة رد السيدة شادية عبد المنعم دا وقح، اى و الله!! وقح بالدرب العديل دا. و انا اشعر بالندم لانى فى رودى السابقة اتعاملت معاها باقل مما يجب، كان عارفها بترد بالطريقة و متضامنة مع شيخة و الظلام للدرجة دى على اليمن كنتا ردت بما يجب.
يا امجد عليك الله اختك شادية تسرّح ليك و تبلسك الجزمة و الشراب عشان تطلعوا الحدائق، امجد انتا ود فالح شااااطر و ذكى... بعدين تشترى ليك اٍسكريم كمان.
دى شنو الدوشة الفى المنابر دى؟.
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: abubakr salih)
|
ياسيد أبو بكر لعل لي الحق في الحديث مع أبو ساندرا بوجه نظري صريحة وهي الشتائم المتبادلة بينه وبين نجاة هي محض شتائم وأظن أن تشتم أحدهم شئ وأن تبهته شئ آخر
يعني كلمة وقحة دي شتيمة وأنا ما بشتم عشان كدة ما حأرد عليك لكن لو متخيل إنك ممكن تكيل لي الأتهامات وتفتش في تاريخي عشان تشتمني يبقى ده زاتو الوضع الأنا شايفة إنو المفروض الناس تترفع عنه أولاً إختلاف الرأي يجب أن لا يتحول إلى قضية شخصية خاصة أن ما بين الناس شئ عام
وأظن أن علاقتي بأبو ساندرة تبيح لي أن أهديه أخطاءه كما فعلت مع نجاة وإذا أغضب هذا أبو ساندرة فهذا ما ينقله بالنسبة لي إلى خانة الناس البعييدين مني والماطالبني نصيحة
بعدين صدقني أنا ما بعرفك لكن تهديدك لي بالردود العنيفة وشتيمتك لن يغير شئ بالنسبة لي ولو بالنسبة ليك نصيحتي للأخت نجاة هي جريمة تستدعي أن تعلن علي الحرب تبقى غلطان لا ده مدعاة حرب ولا أنا بخاف
وأقول ليك الحقيقة يشرفني أخ زي أمجد كثير جدأ
وسأظل أخته الكبيرة حتى لو أخطأت في حقه وهو يعرف أن له مطلق الحق في نقدي وتقويمي وعارف أن سأستمع لوجهة نظره بإهتمام
أما الدوشة الفي المنبر دي واضح أنها ضجة صوت العقل وإحترام الآخر وواضح أنها بقت صعبة القبول عند البعض
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: Siham Elmugammar)
|
الأستاذة سهام المجمر في مداخلتين لك في هذا البوست شعرت بأنه ربما علي أن أوضح لك وجهة نظري ولكن ترددت في الكتابة لأن من طبعي لاأحب أن أكسب أعدء أو أن أخسر أصدقاء وكنت دوماً بالنسبة لي صديقة محتملة من كثرة ما حكى لي قيقراوي عنك وهو وهو صديق مقرب وأظنه يعرفني لدرجة أنه يقترح علي الأصدقاء الجميلين في نظره لو قرأت وجهة نظري التي كتبتها مرات عديدة منذ العام 2005 وحتى الآن في وضع نجاة محمود في المنبر فقد نقدتها علناً مرات وتحدثناعبر الماسنجر مرات ونجاة تعرف وجهة نظري في تبادل السباب جيداً لها منطقها بأن الشيوعيين تكالبوا عليها وعليها أن ترد الصاع صاعين وجهة نظري واضحة وقد كتبتها في بوست لا أذكره لكن سوف أبعث لك بالرابط
وكون نجاة ليست عضو في الحزب الشيوعي فطيلة عقدين ونيف وهو عمر علاقتي بها وبأسرتها الكبيرة والصغيرة لم أشعر بأن بيننا خلاف فكري ليس لأن لا نقاش سياسي وفكري يدور بيننا لكن ربماوجهة نظر حمور صحيحة ففي أي نقاش بيننا إستطعنا تقريب وجهات النظر بالمودة التي بيننا والحق نجاة دوماً كانت مشروع صديقة إلا لمن أبى
لكن لو تابعت كتابتي في هذا البوست لأول مرة دخلت وأنا قنعانة حتى من أن نجاة تسمع وجهة نظري بدل دخلت لأطلب من أمجد التوقف لأن هذا لا يجدي أدناه نص كلامي فكمبيوتري لا يأخذ كوتات
لكن أحببت أن أوضح لك لست هنا للدفاع عن نجاة وفي تقديري كلمة الحق يجب أن تقال في الصديق والعدو والحقيقة أنا ما بعتقد إنو عندي أعداء
أما بالنسبة لبركات (أبو ساندرا) فغير أنه أزعجني بمحاولة جري لدائرة أن نجاة كوزة ونحنا شيوعيين هو يعرف عمق علاقتي بنجاة وعمق علاقتي به وما كان صاح منه يفسد جهودي لمجرد أن كانت هناك عاصفة شتائم أنا ما بقرها بيه وبين نجاة بس بقول للأسف ده ما يجب أن يحصل بيني وبين أصحابي أنا لكن أكون مع طرف ضد الثاني وفقط عشان الإنتماء الحزبي أكون دي ما أنا بعدين لا نجاة لا بركات ولا في أي زول في الدنيا كويس منو يشتم الآخرين وأظن المنابر ممكن تكون أحسن من غير كدة يعني لو الناس إتونست ساكت أخير ليها من العداوة ياخ العداوة والكراهية دي شئ بغيض خاصة لو بقى في شئ عام كلنا عندنا فيهو الحق المتساوي زي الوطن أخيراً ليك جزء من كلامي لأمجد في هذا البوست وقولي لي إنتي غلطانة ولك كل تقديري
أمجد سلام يا دكتور تعرف أول حاجة مشتاقين وتاني حاجة لو تقبل نصيحة أختك (الكبيرة) ما كان في داعي للبوست ده يعني ما حتعمل حاجة أكثر من البوستات الكثيرة البايخة لا فكر لا ذوق واضح إنو نجاة بقى عندها خط حتمشي فيهو مهما خسرت وهناك شيطان يزين لها الخسارة فتحسبها نصراً أول الخسارات هي تضييع وقتها وقدراتها في إجترار المرارات وفتح النار على الصديق قبل العدو وهي تظن إنها تؤذي من آذوها ولكن هل الإنتقام فكرة جميلة وشعور مريح ومربح ؟؟
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: شادية عبد المنعم)
|
الأخت شادية سلام
موضوعى يتلخص فى الاتى ... بعض الناس يتغاضى عن اخطاء اصدقائة و يركز مع اخطاء الاخرين يعنى كتابات نجاة دى الما بشوف فيها اشعالها للاستفزاز واطلاق الاحكام على الناس و دس السم فى العسل ذى ماقال امجد .. يكون بالغ و يستحق ان يتم لفت نظره يعنى تبدأ ليهو بالابن أمجد و تديهو عشرة شتائم فى الصميم و يجى يقول ليك يااااخ ما بدات ليك بالابن .... اها اصدقاء نجاة يتغاضو عن ده و يجو ليك كبع كبع فى أمجد لمن يكون ده الموقف الواحد لازم يتسأل ياربى هو فى شنو؟؟؟؟ اها شوفى لوى عنق الحقيقة فى رد (اترفع انا بحكم ما اطلق على من احكام) ان ارد عليهو يعنى الموضوع اتحول بقدرة قادر من ما ذكرت لك اعلاه الى انا مافى زول عندو رأى سالب فينى و انا محترمه منو القال ده الموضوع اساسا ... واساسا منو الفاضى عشان يكون عاوز يتداخل فى مواضيع فقط عشان يشوه صورة زول و يدو نفسو الحق يقول فلان عندو صفات سالبة والا فلان غير محترم ... الموضوع اساسا صديقتكم بتبدأ بالخطا و بتبدأ فى اطلاق النيران على كل من تشتبه فى انه شيوعى ولا تراعى أدب الإختلاف نهائى (نهائى دى تحتها خطين لانو كمبيوترى ما أخير من حقك يا شادية)
يا عزيزتى شادية انا احترم كل العلاقات الانسانية و احى دفاع الاصدقاء عن اصدقائهم لكن اختلف مع ان يكون ذلك على حساب الاخرين ... وذى ما الواحد بعمل حساب لصديقو بحكم معرفتو بيهو ..كمان يدى الاخر مساحته وبحكم عدم معرفتو بيهو مرحبا بك معرفة جديده فى اى زمن و الشكر موصول لقيقراوى
حمووووووور يا بلدياتى بتتكلم عن الاحترام و النوايا الطيبه والله لولا حسن المقاصد الليله كان الواحد بيكون احتفظ بعدد 3 بوستات فى كمبيوترو السجمان ده عشان يجيبهم ليك هنا... لكن حكم بكرى على الاعضاء الغريبة يا أبنى انو من اشتركت فى هذا المنبر سنة 2003 ما حذف لى بوست ابدا حتى تداخلت مع بيانكم دى...... النصيحة سلاح يا حمور و سيف عدل
قلت امجد صديق و الصديق يثق فى صديقو ثق فى امجد و اترك له حرية ان يواصل نقاشه مع بيان بما يراه مناسب وبعدين القصة بتاعة شيوعيين دى شرك انا ضد ان تتعرض بيان لهجوم بسبب تصنيفها السياسى بحكم الحقيقى او الاشتباه وضد ان تشرك اسرتها فى ذلك والطريق لرفع ما تم من ظلم هو اما التسوية الودية و واما التقاضى وفى الحالتين لها ان تكتب و توضح عن استردادها لحقها بس كل ما تشم ليها ريحه شيوعيين تجى مطششه الشوف وشايله لينا اقتباساتها من البوستات المحفوظه و المؤرشفه ده حدو وين يا حمور والله الناس تعاين للطريق و تتغابى العرفة النصيحة دى بقت ذى حجوة ام ضبيبينه بالمناسبة الحجوة دى شنو؟؟
_____________________________________ العزيزة شادية صدقى انى ما شيوعية!!!! (وش عجيب) تسلمى و مرحب تانى
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: Siham Elmugammar)
|
Quote: انا ضد ان تتعرض بيان لهجوم بسبب تصنيفها السياسى بحكم الحقيقى او الاشتباه وضد ان تشرك اسرتها فى ذلك والطريق لرفع ما تم من ظلم هو اما التسوية الودية و واما التقاضى وفى الحالتين لها ان تكتب و توضح عن استردادها لحقها |
نعم الكلام يا اختنا سهام
وفروض اختنا نجاة تتفهم الحتة دي فيك برضو
وده هو لب موضوعها
Quote: بس كل ما تشم ليها ريحه شيوعيين تجى مطششه الشوف وشايله لينا اقتباساتها من البوستات المحفوظه و المؤرشفه |
اذا كانت الاقتباسات دي ذات صلة باتهامات الزميلة هنادي
تستحق ان يدينوها الزملاء بدلا من السكوت عليها ويدينو الاخت نجاة اذا كانت اخطأت في حق هنادي برضو
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: شادية عبد المنعم)
|
Quote: الاخ حمور السلام عليكم والله يا حمور نحن فترنا من قصة والله الزول ده كويس بس انت لسة ما عرفتو يا حمور يا بلدياتى يجب ان يجنى الناس حصائد كتاباتهم عل و عسى |
بلدياتي سهام .. و عليكم السلام .. قصة الزول ده كويس ما معناها ما تختلف معاهو اوانو خليو ما ترد على غلطو. دي معناها انو عاين ليو بعين المودة و التقدير و انت بتقرا غلطو و انت بترد عليو. لما اكون شايف انو سهام زوله كعبة حتى كلمتينك الكتبتيهم لي ديل حاعتبرم كلام كعب. ممكن اطلع من ورا سطورم الف كلمة و كلمة و اجي اقول ليك ما ليك دخل و انتي ليك عين كمان تتكلمي معاي و انتي اول زول يجني حصاد ما كتب نسيتي يوم كتبتي شنو ما عارف داك و .. و .. و .. لكن لما تعاين للزول بعين التقدير ( رغم الاختلاف ) بتتفهم كلامو كويس و ترد عليو بدون حده و بحسن نية. انا عاوز امجد و بيان يتناقشو ما عشان يبقو شي واحد و لا عشان ينسو خلافاتم .. لأ يتناقشو لان النقاش شي صحي و مفيد لكن عاوز بيان تناقش امجد الزول الكويس ما امجد متخيل انو قليل ادب و شيوعي مغرض عاوز تشيع الفاحشة في الناس و عدو لله و رسوله. و امجد يناقش بيان الزولة الحبوبة البسيطة ما بيان المتخيلة انها كوزة عندها مخطط و متعنته و اساسا ما عاوزه نقاش لكن عاوزه مشاكل.
راجعي بوست منى خوجلي عن قضية منال و شوفي نقاشي مع امجد. اختلاف شديد في قضية حساسة .. لكن المعرفة بيناتنا ما بتخلي واحد يفقد احترامو للانسان التاني. انا مختلف مع امجد من النظرية الماركسية الهو مؤمن بيها لحدي محل سكنو هسه. خلافات فكرية و شخصية و اي شي. لكنو زول رائع و اخ و صديق و الما صاحب امجد فريد ما صاحب. النظرة للزول انو كويس ما معناها ما نختلف معاو. و هدا هنا انا مختلف مع بيان في الهي كتبتو و تلقي كلامي ليها في الصفحة الاولى.
اتمناك بخير
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: حمور زيادة)
|
Quote: انا عاوز امجد و بيان يتناقشو ما عشان يبقو شي واحد و لا عشان ينسو خلافاتم .. لأ يتناقشو لان النقاش شي صحي و مفيد |
ابشر بطول انتظار يا مربد...... ( شكلى جطه الكلام لكن المعنى لن يخفى على فطنتكم ) يا حمور ياخى نحنه برضو مستنين نقاش لكن مستحيل يحصل الدكتوره من 2005 ( لحظه دخولى لهذا السيرك) ما قرينا ليها نقاش وبى صراحه كده فى كم نفر كده لما يكونو بيكتبو هنا المكان يمتلاء بالصراخ والعويل والكع والكف هسى الكتابه حقت دكتور امجد دى بى صراحه ( برضو) كتابه تستحق الناس تقراها مليون مره..... دكتور امجد عاوز ناقش ( هو عاوز قبل ما انته تعوز) لكن الطرف التانى عاوز يصفى حسابات (( ليه تقيفو مع شذى وما تقيفو معاى )) دا كلام يا اخوانا --------------------------- وشكرا للاضافه يا ملك
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: أبو ساندرا)
|
Quote: جري لدائرة أن نجاة كوزة ونحنا شيوعيين |
ابو ساندرا مفتكر اني كوزة بالله؟
حكاية عجيبة باخي ما معقول والله بس الزول عشان بقيتو كوز يبقى كعب...
اول مرة اعرف انه ابو ساندرا مفتكرني كوزة عشان كدا عامل الغاغات دي..
اذا عرف السبب بطل العجب...
وذي ما قلت ليك انت بالنسة لي لاوجود لك
وانه الوفاء ين الاصدقاء اصلو ما عيب كعبين الناس الجاحدين الما اوفياء
قبل كدا جيت قلت لحيدر حفظ جميل في وقفته معي في المقالات الاتكتبت في الراية القطرية وكأن حفظ الجميل عيب
المنطق المختل بخلى الزول يسوى سواتك دي
تبقى شادية مقدرة ومحترمة بمواقفهاالمشهودة المعروفة لكل من يعرفها ويتشرف بمعرفة امرأة نادرة في الزمن الكعب دا...
ولتبقي مودة واحترام شادية للابد لانها زولة ما بتاعة مصالح ذي بعض الناس.يستخدمون الناس كمناديل الورق...لحين انتهاء افائدة يحملون السلاح ضدهم... الحمدلله الربنا اداني صديقات ذي شادية دي شجاعات محترمات مبدئيات انسانيهم مدفقة وبميزو بين الطيب والخبيث والحق واالباطل ممكن يتهددوا ويبتزواذي ما حاصل في البوست دا لكن يمرقو الحقيقة كانت شادية حتكون كما قلت لو وقفت معاك عشان انا كوزة كزعمك..
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: د.نجاة محمود)
|
كتبت شادية
Quote: أما بالنسبة لبركات (أبو ساندرا) فغير أنه أزعجني بمحاولة جري لدائرة أن نجاة كوزة ونحنا شيوعيين هو يعرف عمق علاقتي بنجاة وعمق علاقتي به وما كان صاح منه يفسد جهودي لمجرد أن كانت هناك عاصفة شتائم أنا ما بقرها بيه وبين نجاة
|
وجارتها نجاة :Quote: كانت شادية حتكون كما قلت لو وقفت معاك عشان انا كوزة كزعمك.. |
ماقالته شادية فوق كذب صراح وذلك لسببين : 1- انا ما حاولت جرها لدائرة ان نجاة كوزة ونحن شيوعيين أبدآ ولا دخلت البوست لذلك السبب ، والقصة ماعندها علاقة بشيوعيين وكيزان انا دخلت تعليقآ لما قالته شادية ، عبارة { بهتان } تحديدآ وقلت ان نجاة هي من تبادر ببهت الناس ودللت على ذلك ببهتانها لي ووافقت شادية على ذلك البهتان فبهتتني مثلما فعلت نجاة ومازالت تفعل ودخولي إلى جانب دكتور امجد ليس لأنه شيوعي ، بل لأنه شكى الضيم من نجاة ونجاة دائمة الإستفزاز وبعدين بيبقى ليها حار
ولو فعلآ القصة قصة شيوعيين بيشيلو بعض ، ف شادية شيوعية وتساندك في المنشط وفي المكره
2- الكذبة الثانية متعلقة بماقالته شادية بالشتائم الدائرة وانا أبدآ ما شتمت نجاة ولا شتمت أي حد وبالعكس انا تعرضت للشتائم من قبلها وخاصة بعبارة { زيرو أخلاق } انا فقط اقوم بإنتقاد مسلك وطريقة نجاة الإستفزازية وبقوم بفضح اكاذيبها
مبروكة عليك نجاة يا شادية ومبروكة عليك شادية يا نجاة
شبهينا وإتلاقينا
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: abubakr salih)
|
يا سيد أبو بكر
الحقيقة أنا ما بعرفك خالص زي ما كررت ليك وبرد عليك فقط بقدر ما تكتب وبرضو ما بخاف لا من يد ولا من قلم ولا أتوهم أشياء لكن التهديد بالعنف الفظي هو ما دفعني لكتابة ما كتبت وليس التوهم بعدين يا أبو بكر هل يتوهم من يعيش في ارض المعركة؟؟ أنا عايشة يومي وسك الكيزان وعرضة يومي للتصفية فهل أخاف من تهديد باعلنف اللفظي؟؟ أنا ما متوهمة معركة وعدو في السافير وسالة عليهو قلمي لكن عارفة العدو الحقيقي وين وقاعدة أواجهو بعدبن لي من العمر والخبرة التي تخولني أن أعرف حقيقة الصراع في أي مكان لو ما فهمتو على الاقل يمكنني المحاولة الحقيقة فيما يخص الصراع وإدارته لي رأي يختلف لأن البطش بالمخالفين لينابالممكن والمستحيل ماهي الطريقة الصحيحة وتنميط الناس وقسمهم إلى معاك وضدك يجعل ألأمر أشبه بمعركة في غير ساحتها الكيزان في يدهم السلطة ما حاجتهم لنجاة لتدعم خطهم؟؟ وليه نحنا حتى خير الناس بنقدر نحوله لي شرنا؟؟ على أي حال في إمكانك تعقبي في البرورد وترد علي في أي مداخلة بأعنف طريقة ممكنة لكن تأكد أني أفعل ما أظنه صحيحاً حتى يبين لي أحدهم إنه خطا
وعلاقتي بأمجد ليس لك أن تفسرها هو وحده يعرف كيف يفسرها الشايفة إنت وصاية أمجد يمكن يكون شايفة إحترام من أخت لمقدراته وتاريخه المشرف
وحقوا ما يزعلك رأي في حكمة أمجد ونبل أخلاقو وهو محبوب بالنسبة لناس كثار جداً وده ما لأنهم وصيين عليهو لكن ممكن لأنو عفيف اللسان وكريم حتى في الخلاف
وكلمة أخيرة أنا قريت كل الرواط فقط للذكرى لأني حاضرة أطروحة نجاة وناقشت معها حتى النقاط التي أظن أنها ليست صحيحة وهي وضعت فرضياتهاوبنت بحثها على أساسها يعني بالنسبة لي بحث نجاة بحث مميز جداً من حيث الموضوع والتناول أما الأخطاء التقنية فهذه مسؤلية المشرف على أي حال أنا برضو ما شايفة أخطاء
وكون نجاة ما شيوعية لا يجعلها بليدة وحمتالة وغيرها من الشتايم الغير موضوعية فكما قلت لك نقد بحث أجازته جامعة ومنح على أساسه درجة علمية لا يتم إلا ببحث ناقد له ومجاز من جهة علمية
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: أبو ساندرا)
|
أنت عارفني يا بركات ما بكذب لو ختوا لي السيف في رقبتي وإذا أنا غلطانة في تفسير مداخلتك وخاصة غضبك لأني نصحت نجاة لأنه الحقيقة أنا ما دافعت عنها ولم أقل أن نجاة لم تخطئ لكن لو قريت مداخلتي الأزعجتك وقررت جري لدائرة نحنا شيوعيين ونجاة كوزة أو لدائرة نحنا اصحاب أكثر مما نجاة صاحبتك هي أني نقدت نجاة وأظن بيأس ومرارة ونجاة تقبلت ذلك مني لثقتها في حسن نيتي تجاة كل الناس وخاصة أصدقائي لكن إنت عندك الما معاك ضدك وأنا لست ضدك ولن أكون لإعتبارات واضح أنك يا بركات وحسب الرسالة الرسلتها لي ولا حتفهمها في يوممن الأيام
لو كنت أخطات في موقفي كان في إمكانك تصححني بدل ما تقول إن كذابة كبابة دي ياها الشتيمة الأنا ما ممكن أنحدر ليها خاصة معاك
وصدقني قصة شبهينا وإتلاقينا دي لو ما اضافت لي ما بتنقص مني لأنو عمري كلو أحلم بان أشبه الخير
وبرضو لو ده سلاح معركتك ضدي صدقني إنت غلطان
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: أبو ساندرا)
|
كتبت شادية :
Quote: ولو دي طرقة المعركة التي هددتني بيها في الماسنجر حقيقة أنا حزينة على صداقة بيك ظننتها للأبد |
هذا هو الماسينجر الذي سمته تهديد :
Date: 13-04-2009, 09:31 ص From: أبو ساندرا To: شادية عبد المنعم Subject: فهمنا حاجة طالما انت عندك فيني هذا الرأي السييء المتفق مع رأي نجاة حول إني غبي وجاهل وسقط متاع وغيره كان على الأقل تقوليهو هنا في الماسينجر او بالإتصال ، ولكنك بايراده هناك على الملاء يؤكد رغبة التشفي وحرقي وعليه هي معركة سأديرها خارج المنبر انسي موضوع ماهيتاب وكل مايتعلق بي
Quote: Date: 13-04-2009, 09:31 ص From: أبو ساندرا To: شادية عبد المنعم Subject: فهمنا حاجة طالما انت عندك فيني هذا الرأي السييء المتفق مع رأي نجاة حول إني غبي وجاهل وسقط متاع وغيره كان على الأقل تقوليهو هنا في الماسينجر او بالإتصال ، ولكنك بايراده هناك على الملاء يؤكد رغبة التشفي وحرقي وعليه هي معركة سأديرها خارج المنبر انسي موضوع ماهيتاب وكل مايتعلق بي
|
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: أبو ساندرا)
|
الحقيقة أنا ما وقفت مع نجاة في أي شتيمة شتمتها لأزول بل نقدتها لكن بينت الفرق بين لفظة شتيمة ولفظة بهتان ولا تنسى أنني من إستخدمت لفظة بهتان
إنت في الماسنجر قلت لي معركتك معي ستديرها خارج البورد يعني وين في الحزب ولا في الشارع وقلت لي أنسي ماهيتاب وأنا يا بركات بعرفك يمكن أكثر من روحك يعني أذا صديقك لو ما وقف معاك لو أنت صاح ولا غلطان ممكن تخسروا وأنا عارفاك خسرت ناس قدر شنو وأكرر ليك ما في داعي تجر بنتاتك وأصدقائك لمعارك أنت نفسك في غنى عنها يعني يحصل شنو لو أنصرفت للمفيد وإنت عافو قدر شنو؟؟
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: د.نجاة محمود)
|
قرقرقرقر شكرا ياخي بجتاالقصة
هذه احكاية نشرت قبل سنوات تحت سلسلة قصص بعنوان قصص وغدة جمعتها في مدونتي منذ سنوات
نمرة واحد
Quote: حكاية وغدة.. نقد ذاتي وشرف حزبي والله على ما اقول شهيد |
الى صديقي الذي كانت تتغلب سودانيته على شيوعيته لك التحية اينما انت الان… نصيحة لله لمن يرغب في الاتضمام للحزب الشيوعي اياك والنقد الذاتي لانه عادة يحفظ لليوم الاسود وهو خروجك من الحزب… Quote: نقد ذاتي اقسم بشرفي الحزبي انني ساقول الحق كل الحق.. سوف اكتب عن نفسي بكل شفافية حتى اكون مستحقا لعضوية الحزب الشيوعي العظيم.. حد ذاكرتي عندما كنت في الخامسة من عمري. كنت اتبول على نفسي لا لضعف في مثانتي ولكن لانني كنت اخاف من الذهاب الى المرحاض حيث كنت اسمع جدتي تقول انه بيت ناس بسم الله. استمر هذا الخوف من المرحاض الى سنين طويلة مما اورث امي الحزن وكانت دائما غاضبة علي.. الى ان وصلت الى فكرة جهنمية وهي وضع قصرية في الزقاق منذ ذلك اليوم توقف عادات الاخراج الضارة..وصارت امي لا تغضب كثيرا مني.. عندما صرت في المدرسة الاولية كنت احاول ان اجتهد في دراستي حتى لا يضربني المعلم كنت اجد صعوبة في حفظ الايات والاناشيد. كنت اغش في الامتحان باستخدام ما تعارف عليه التلاميذ بالبخرة حتى انال درجات اعلى وانافس.. عندما صرت في المدرسة المتوسطة بدات العب كرة القدم في الفريق الذي اقامه احد أولاد الجيران لمن لا يرغب احد في ان يشارككهم اللعب اي فريق الكيشة. كنت أفرح بأنه اخيراً اتيحت لي فرصة لعب كرة القدم ولم اكن اعرف ان الثمن فادح اذ ان ذلك الجار الطيب لم يكن جاراً طيبا على الاطلاق.بل كان ينصب اهتمامه على ضعفاء البنية لاسباب اخرى لا تمت الى الكرة بصلة. اخجل الان كثيرا عندما اتذكر ما حدث وجعلني اكشف ذلك الرجل الذي لم يكن طيبا كما يظن الاهل…(…..) وانا في السنة الثالثة متوسطة كانت اول مغامرة جنسية لي مع عاهرة حبشية اخذني لها صديق بعد البلوغ واذكر ان تلك الطرادة التى دفعتها ثمناً للحظة المتعة كنت قد جمعتها بشق الانفس وبالسرقة من محفظة جدتي النائمة وأذكر أنني بعد أن عدت وأخبرت الصديق بما حدث ، ضحك على كثيرا لآن ما فعلته لم يرق الى مستوي علاقة جنسية اذ ان لصغر جسدي ظنت تلك العاهرة انني صبي صغير. ، في المرة الثانية سرقت الطرادة بكاملها من محفظة جدي و انطلقت إلى حي المومسات ، أما جدي فقد اتهم الخادمة وتم طردها من العمل بتهمة السرقة احسست بتانيب ضمير كبير ولكنني لم استطع ان اخبر الوالد بالحقيقة وجبنت تماما والى الان يقتلني الندم على تلك الفعلةولذلك بانضمامي الى الحزب ساحاول خدمة الطبقة العاملة بكل همة ونشاط..علي امسح هذه الفعلة الشائنة في واحدة من الطبقة العاملة.. بعدها صرت اذهب الى بيوت العاهرات بانتظام ولكن دون سرقة اذ انني صرت اوفر بعض المال الى ان يكتمل طرادة فاذهب.. بدات شرب الخمر وانا في المدرسة الثانوية حيث كنت اذهب مع بعض الطلاب الى الانداية يوم الجمعة ثم تطور الامر الى حضور قعدات ايام الخميس في بيوت بعض الاصدقاء..لم اكن املك اموالا كثيرة لادفع ضمن الدافعين فصرت اعرف اين القعدة واحضر متاخرا بعد ان يكون قد تم جمع الانصبة واذا استدعى الامر لشراء وصلة فيما بعد كنت اتظاهر بانني قد تمكن السكر مني تماما فلا ادفع.. عشت هكذا فترة من الزمن أشرب على حساب اصدقائي والان انا نادم على كوني كنت انتهازيا وانانياً واستغلاليا. استغل طيبة اصدقائي.. عندما دخلت الجامعة تعرفت على عدد من البنات علاقتي معهن لا ترقي الى علاقات عاطفية اذ كنت حذراً جداً في علاقاتي مع الجنس الآخر..الى ان رايت الانسة ش وكانت عضو حزب وطلبت مني الانضمام الى الجبهة الديمقراطية والعمل معهم في العمل الثقافي وبالفعل تعهدتني بالرعاية وصارت تحضر لي الكتب والنشرات ونمت بيننا علاقة قوية. اعترف احيانا أنني كنت احس بشهوة تجاهها ولكن اخنق هذه الرغبات لجدية الانسة ش. اذ لم تكن تتعامل معي كرجل وهي امرأة..ولكن كنت احلم بأني أجامعها دائما.. و كانت تأتيني كبنت إبليس كما يقول الصبيان . وكان هذا الشعور يزعجني جدا احس بالخجل منه. ولكن ماذا افعل احساسي هذا غير ارادي..اسرتي اسرة عادية اب وامي ابناء عمومة يلعب كل منهم دوره باتقان لا توجد مشاكل في الاسرة سوى التي تنشب من حين لآخر بين امي وجدتي لأبي المتسلطة ، التى كثيرا ما تكذب في نسج القصص لابي..عننا وعن امي كثيرا ما تمنيت ان تموت ليرتاح الجميع. احس بتأنيب ضمير من هذه الرغبة الشريرة ولكن هي تحيل حياتنا الى جحيم. وصل بها الامر انها اتهمت امي بالرذيلة مع شخص سمته له ، وادعت ان اخي الصغير هو ولده. غضبت امي واخذت اخي الصغير وذهبت الى بيت والديها..غضب جدي لامي وقال لابي ان الامر فاق الحد ويجب تطليق امي فورا ، تدخل الاهل واعتذرت الجدة وعادت امي مكسورة. هذا مما يجعلني احس بالغضب من كيفية تعامل المجتمع مع النساء… احيانا انظر الى اخي الاصغر واحول ان ارى اذ هناك اي شبه بينه وبين الرجل الذي حددته جدتي.. واحس بتانيب ضمير لهذا الاحساس الغريب من الشك…. كرهت جدتي لأنها زرعت ذلك الشك في نفسي .اقسم بشرفي الحزبي انني ساحمي المرأة اينما كانت وساكفر عن كل عثراتي.. اقسم بشرفي الحزبي ان كل ما ورد هنا من نقد ذاتي صحيحا والله على ما اقول شهيد |
Quote: حكاية وغدة……. حب بلا طائل |
Quote: للوغد دكين
يجلس طول الوقت تحت نيمة قرب بابها.. ينتظر ان تخرج ليتبضع بنظرة تجعل يومه جميلا..حتى فتحت الباب يوما تطلع اليها منشدها وماخوذا. نظرت اليه وقالت له: يا هناي النبي كان ما جريت اشتريت لي كبريتة |
Quote: حكاية وغدة…….بصبصة |
Quote: اهداء للوغد دكين
كان جارهم يسحب كرسيه في العصريات امام منزلهم ليجلس مع جدها و ابيها كان جدها يناديها لتحضر الشاي و مستلزمات قعدة العصرية. كانت لا تحب جارهم هذا الذي يذكرها بالضفدع.. كانت عندما تاتي من المدرسة تلتقي به ينظر اليها وكأنه “اسكانر”وكانت تتخيل انها تسمع” زووووووووووووووووووووووزذذذذذذذذذذذذووووووووووووووذ صوت “الاسكانر” وكانت نظراته تتركز في منطقة معينة ( لاحقا عرفنا سبب تهدل كتفيها )
بعد كل لقاء عابر معه تدخل الى البيت تركض الى الحمام وتستحم لساعات وتغسلهما عشرات المرات مع صب كثير من اللعنات واللوم والتقريع عليهما.. فرحت بالفرصة التي اتتها حين قال له الجد يوما: البت “التكب” ليك كباية شاي تاني.. مد يده بالكوب قبل ان يضعه سكبت الشاي في يده وصرخت باعلى صوتها ملتاعة ومعتذرة معليش يا جدو |
هذه هي السلسة كاملة نشرت ودخل مدونتي اكثر من 11 قارئ
اولا مرة اعرف انه يمكن محاكمة القصص والحكايات سياسيا تعيش كثير تشوف كثير والغرض مرض
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: د.نجاة محمود)
|
Quote: اولا مرة اعرف انه يمكن محاكمة القصص والحكايات سياسيا تعيش كثير تشوف كثير والغرض مرض |
نصوص اية يا شيخة، هو انتى متخيلة الهرطقات حقتك دى ذات قيمة ادبية؟ يا نبى الله نوح، قلنا لك الادب لا يُتكلّف، لا يُصنع، اما ان تولد اديباً و تتطور الايام تجربتك او لا. و المحاكمة سياسية لانو اصلا الهرطقات خاصتك دى ما فيها شئ غير موقفك السياسى المعادى للشيوعيين، لكنك للاسف لا تنتقدين الشيوعيين سياسياً انما تلجئين للاساليب الرخيصة التى ظلت الجبهة الاسلامية تستخدمها طوال تاريخها فى حربها النتنه ضد الشيوعيين، الحرب عن طريق التشويه، الكذب و الادانة الاخلاقية لا السياسية.عشان تعرفى ان الهرطقات حقتك دى غرضها سياسى هو العنوان الذى يقدمها للقارئ:
Quote: نصيحة لله لمن يرغب في الانضمام للحزب الشيوعي اياك والنقد الذاتي لانه عادة يحفظ لليوم الاسود وهو خروجك من الحزب
|
انتى كضابة يا شيخة نجاة، ايوة كضابة بالدرب العديل و ذمتك واسعة، و من يحتال الشهادات العليا مثلك لا يرجو منه خيراً و لا يتوقع من الا ان يسوّى الشينه. دايرة تقولى انو الشيوعيين بيستخدموا النقد الذاتى الذى يكتبه الاعضاء لضربهم به يوم خروجهم من الحزب، و هذه فرية و اكذوبة. اصلا النقد الذاتى فى الحزب الشيوعى و الجبهة الديمقراطي و فى اى من هيئات الحزب و الجبهة لا يُكتب النقد الذاتى على طريقة الاعتراف الكنسى الذى حاولت ان تصوّرها الشيخة نجاة فى كما جاء فى مكتوبها الانداياتى اعلاه. فالنقد الذاتى ليس تقريراً تقدّمه عن حياتك السابقة و من كان فيها. انما هو جزء من اداة او فلسلفة تعليمية غرضها هو تصحيح الاخطاء التى تقع فيها العضوية او الهيئات الحزبية اثناء العمل و النشاط السياسى اليومى. هو اصلا منبى على رؤية فكرية مفادها ان الممارسة الانسانية تصحب معها فى داخلها اٍحتمال الخطاء و نسبية المعرفة و الحقيقة، ففى اى لحظة تكشّف لك خطاء سلوك اتيت به فى اٍطار عملك الحزبى فانت مطالب بالاقرار بهذا الخطاء -بعد معرفته طبعاً- و من ثم الإعتذار عنه للهيئة المعنية بالامر، و النقد الذاتى يمكن ان يصدر كذلك من هئية حزبية اذا اٍتخذت قرار سياسى خاطئ، او قصّرت فى اٍنجاز واجبات موكلة لها. لذلك الفبركة التى نشرتها الشيخة بيان لا تخرج عن جملة خطاب الشتائم الاخلاقية التى يحال السارقين من اخوانها فى الله اٍلصاقها بالشيوعيين السودانيين.
اتمنى ان تخبرنا السيدة شادية عبد المنعم ما رايها فى المكتوب الانداياتى للسيدة نجاة محمود.
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: Tabaldina)
|
شادية العزيزة تحياتي الحارة
في البدء عايز أشير لحتة محددة عندها علاقة بي البوست بتاع نجاة محمود واللي ما كملنا فيهو نقاشنا واسفت كثيراً للقصة الدروت جمباوي بينك وبين بركات ! شخصياً واثق في انكم الاتنين بتقدروا تحسموا الحاصل دة بدون (مساعدين الياي ) البحتفلوا بخلافات الاصدقاء وعشان أكون دوغري وواضح قصدي بمساعدين الياي معتز قريش كحالة ! دكتورة بيان عندها رؤي كثيرة خاطئة عن الحزب الشيوعي وكثيراً ما كثيراً ما قامت بإدخال الحزب في قضايا لا ناقة له ولا جمل فيها سوي أن بعض الافراد الذين لا تحترمهم بيان ينتمون للحزب الشيوعي ! الكلام دة وين وأنا بالمناسبة ما من هواة الجري للارشيف وما الي ذلك من ادراج اقتباسات لكن بقول ليكي ارجعي وأخدي ليكي سندة صغيرة في مكتبة بيان وربك رب الخير يمرقك من دون أذية ! المفروض يصل للدكتورة بيان انو الناس البكتبوا هنا ديل بمن فيهم هنادي بيعبروا عن آرائهم ومعتقداتهم فيما يعتقدون ولا دخل للحزب الشيوعي سوي من قريب أو بعيد بالشكلات الاسفيرية دي ! بمعني حقها تاخدوا كان كاش كان بي شيك من الافراد ، ومخيرة هي بكل تأكيد في جملة آرائها في الحزب الشيوعي دي حاجة مهمة بمعني الحزب دة ما عندوا باس ويرد ولا مسجل في بورد بكري ابوبكر ، رؤية الحاجات الانا اتكلمت عنها فوق يا شادية ما بتحتاج لي تذكرة سفر بتحتاج منك زي ما كلمتك بعمل عدد واحد كلك وبعد داك نجي نشوف القصة من أول وجديد . ويا بيان أنا خضر حسين دة واحد من الناس الحاولوا انهم يصلوا لفكرتك العايزة توصليها سوي للسادة القراء او لينا نحنا ديل كبورداب الله والرسول أولاً وكشيوعيين في الحياة الواسعة دي ! النقاش هنا بقي مشرور واي زول بغرف من طرف ومن الاستحالة بمكان توصيل فكرة واضحة ومرتبة يفهم منها الناس حاجة في دنيتهم دي ! مبدئياً أنا عندي رغبة أتم معاكي يا بيان بوست (اعتذارك لخالد العبيد) داك ومنتظر ردك فيهو وكان بتشوفي نواصل النقاش هناعديلة عليك وخير وبركة فالفكرة واحدة والعداء واحد و(المشية زاتها وقدلتو) ! خاتمة قولي ونافلتي يا شادية المبادئ لا تتجزأ ومن غير المعقول انو نشيل من نفس العيش بالقطاعي ونصر انو الباقين يشيلوا منو بالجملة والنبايذ واحدة هنا والمشكي لي الله !
والسلام يا مدني السلام !
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: خضر حسين خليل)
|
خضر
ىسفة يوما توسمت فيك الخير
على العموم لا رغبة لي في اي نقاش معك
حاسمع نصيحة شادية الابتعاد من الرمال المتحركة
وذي برضو عايزةاطلع في كفر وكدا
اندهولي حد كبير اكلمو انتو تبكو بس..
واكرر اعتذاري لسيدة عظيمة جدا عرفتهايوما في ظروف عمل وعطاء الان وجدت كل هذاالعنت لانها احقت حق...
ويا شادبة هكذا تبدأ الرمال المتحركة في ابتلاعك حين "يتكالب" عليك الناس من كل حدب ويضعون لافتة فوق راسك كما اضحكني الذي اتى نابلا وطلع شادية كوزة والاسع بهدد فيها بالعنف اللفظي سدقي الزول دا مولود في الثمانيات عايز يهدد الحوت بالغرق تعرفي الزول ف البورات دي لازم يشتت السيرة الذاتية عشان الناس المفتكرة الشيوعية سب دين وجينز وسخان وشعر مبرم وجكس يفهمو الشبب الشيوعي كل بيعمل شنو يحفر الابار ويبني المدارس ويعمل الايام الصحية والليلالي الثقافية والمسرحية وفصول التقوية كان بهدي الوعي ويربط التعليم العالي بتنمية الريف يجي ناس قريعتي راحت ديل مفتكرين السيرة الذاتية اركان نقاش وفليق كيزان وسخ وشعر مبرم وجكس عشن تهزموا عدوكم وه الكيزان قدموا نموذج افضل شوفتي يا شادية تتحملون هذا الفراغ الذي يسد بالجرابيع الحايمة هنا دي
هل ابوبكر البهدد زميلة داعضو في الحزب الشيوعي ولا قشرة ساكت؟
لك التحية يا بنية من بلادي.. ولك كل الاعتذار بالجد حزينة جدا
عالم مرض...
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: د.نجاة محمود)
|
انا الشهادة لله ما كنت بلبس جنز وسخان، بل كنت بلبس ناطلين قماش و قمصان باكمام طويلة و انتعل مركوب من جلد الماعز، حاكم انا زول ود ريف و كدة، ما لى فى التشيرتات و الجزم الاسبورت. زميلتنا فى الحزب واجبنا هو تعريفها بحقيقة موافقك السياسية المتأمرة على الشيوعيين و الخادمة لعصابة السارقين و الشفتة الاسلامية. لانو من و الواضح كده انو الصورة غائبة عنها، صورة موقفك السياسى. انا بالمناسبة بشهد ليك شيخة بيان انك عندك قدرة عاااالية على التلوّن، الحربائية و تغبش حقيقة نفسك. الواحد يلقاك منجعصه بين المثقفات اليساريات ترهفى بمواقف منادية بحقوق المرأة و معادية للوعى الذكورى و بعد شويتين يلقاءك منجعصه فى نص الظلاميين تطالبى و بتطبق شرع الله، و تقترحى الحلول على سنة كتاب الله طيب هو الوعى الذكورى دا وين محلو؟ ما اصلا قاعد فى كتاب الله و سنة رسوله ديل. بنص الدين المراة ناقصة عقل و دين، و الرجال قوامون على الناس، و النساء مدعوات لان يقرن فى بيوتهن فى داعى زاتو للشغل و المروق فى الشوارع، و الرجال مباح له ان يتزوج من النساء مثنى و ثلاث و رباع، و بعد دا ما يقصر يلغف مما ملكت اٍيمانه، و المراة كان نشذت يجلدها بالسوط و يهجرها فى المضجع، و ان دعاها و لم تجبه باتت تلعنها الملائكة. اصلا معاناة المراة و تهميشها فى مجتمعنا الحالى سببه الاساسى الموقف الدينى، التسلط الحاصل على النساء و اٍنتقاص حقوقهن دا كلو حاصل بمرجعية من كتاب الله و سنة رسوله ديل، حتى جريمة الخفاض التى قننت قبل ايام تم تقنينها بناء على ذات الاسانيد الدينية.
بالمناسبة شايف طلع ليك حس، و بقيت تردى على مداخلتى ما شاء الله، طيب وكت فالحه و بتردى ما تعالى لنرجع للنقاش حول بحثك المزعوم، نتناقش حول البحث، انا بخت اٍلنقاط الانتقدها فى بحثك و انتى ردى عليها، اكشفى لي الناس ديل كيف انا ود بليد ساى، كااااااااك. غايتو نشهد لك بالبراعة و القدرة على الحلبسة. لازلنا فى اٍنتظار زميلتنا شادية عبد المنعم.
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: عمر صديق)
|
الأخت شادية سلام
موضوعى يتلخص فى الاتى ... بعض الناس يتغاضى عن اخطاء اصدقائة و يركز مع اخطاء الاخرين يعنى كتابات نجاة دى الما بشوف فيها اشعالها للاستفزاز واطلاق الاحكام على الناس و دس السم فى العسل ذى ماقال امجد .. يكون بالغ و يستحق ان يتم لفت نظره يعنى تبدأ ليهو بالابن أمجد و تديهو عشرة شتائم فى الصميم و يجى يقول ليك يااااخ ما بدات ليك بالابن .... اها اصدقاء نجاة يتغاضو عن ده و يجو ليك كبع كبع فى أمجد لمن يكون ده الموقف الواحد لازم يتسأل ياربى هو فى شنو؟؟؟؟ اها شوفى لوى عنق الحقيقة فى رد (اترفع انا بحكم ما اطلق على من احكام) ان ارد عليهو
يعنى الموضوع اتحول بقدرة قادر من ما ذكرت لك اعلاه الى انا مافى زول عندو رأى سالب فينى و انا محترمه منو القال ده الموضوع اساسا ... واساسا منو الفاضى عشان يكون عاوز يتداخل فى مواضيع فقط عشان يشوه صورة زول و يدو نفسو الحق يقول فلان عندو صفات سالبة والا فلان غير محترم ... الموضوع اساسا صديقتكم بتبدأ بالخطا و بتبدأ فى اطلاق النيران على كل من تشتبه فى انه شيوعى ولا تراعى أدب الإختلاف نهائى (نهائى دى تحتها خطين لانو كمبيوترى ما أخير من حقك يا شادية)
يا عزيزتى شادية انا احترم كل العلاقات الانسانية و احى دفاع الاصدقاء عن اصدقائهم لكن اختلف مع ان يكون ذلك على حساب الاخرين ... وذى ما الواحد بعمل حساب لصديقو بحكم معرفتو بيهو ..كمان يدى الاخر مساحته وبحكم عدم معرفتو بيهو مرحبا بك معرفة جديده فى اى زمن و الشكر موصول لقيقراوى
حمووووووور يا بلدياتى بتتكلم عن الاحترام و النوايا الطيبه والله لولا حسن المقاصد الليله كان الواحد بيكون احتفظ بعدد 3 بوستات فى كمبيوترو السجمان ده عشان يجيبهم ليك هنا... لكن حكم بكرى على الاعضاء الغريبة يا أبنى انو من اشتركت فى هذا المنبر سنة 2003 ما حذف لى بوست ابدا حتى تداخلت مع بيانكم دى...... النصيحة سلاح يا حمور و سيف عدل
قلت امجد صديق و الصديق يثق فى صديقو ثق فى امجد و اترك له حرية ان يواصل نقاشه مع بيان بما يراه مناسب وبعدين القصة بتاعة شيوعيين دى شرك انا ضد ان تتعرض بيان لهجوم بسبب تصنيفها السياسى بحكم الحقيقى او الاشتباه وضد ان تشرك اسرتها فى ذلك والطريق لرفع ما تم من ظلم هو اما التسوية الودية و واما التقاضى وفى الحالتين لها ان تكتب و توضح عن استردادها لحقها بس كل ما تشم ليها ريحه شيوعيين تجى مطششه الشوف وشايله لينا اقتباساتها من البوستات المحفوظه و المؤرشفه ده حدو وين يا حمور والله الناس تعاين للطريق و تتغابى العرفة النصيحة دى بقت ذى حجوة ام ضبيبينه بالمناسبة الحجوة دى شنو؟؟
_____________________________________ العزيزة شادية صدقى انى ما شيوعية!!!! (وش عجيب) تسلمى و مرحب تانى
*****لقيت انى لصقت الرد ده فوق بما يجهجه السياق والمتابعة عشان كده نزلتو هنا تانى
اها الجاية دى اضافة: يا جماعة صدقونى انا بعرف لى اكتر من زول/ه عندهم نفس المرض بتاع ما بشوفو عوجة رقبتهم وكان شافوها بشوفو انو ده الطبيعى للرقبة وبشمو اكتر من كده يقعدو يقول ليك مالو كدى عاينو ليها أمانة ما رقبة السرور واللبن البفور اطمئنو ما حصل ليهم اى شى ماشااااااالله تبارك الخالق عايشين فى امانتين رب العباد وكمان منهم العرس وولد تبارك ربى
أمجد ...ابوبكر... ابوساندرا الظاهر لاياقتكم معدية يلا شتتو بالله ______________________ شفتو كيف نحن برضه ممكن نعمل فيها دمنا خفيف و نستعمل لغة الشباب وقومو الى حوائجكم يرحمكم الله ســـــــــــــــــــــــــــلام
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: Siham Elmugammar)
|
Quote: خضر
ىسفة يوما توسمت فيك الخير
على العموم لا رغبة لي في اي نقاش معك
حاسمع نصيحة شادية الابتعاد من الرمال المتحركة
وذي برضو عايزةاطلع في كفر وكدا
اندهولي حد كبير اكلمو انتو تبكو بس..
واكرر اعتذاري لسيدة عظيمة جدا عرفتهايوما في ظروف عمل وعطاء الان وجدت كل هذاالعنت لانها احقت حق...
ويا شادبة هكذا تبدأ الرمال المتحركة في ابتلاعك حين "يتكالب" عليك الناس من كل حدب ويضعون لافتة فوق راسك كما اضحكني الذي اتى نابلا وطلع شادية كوزة والاسع بهدد فيها بالعنف اللفظي سدقي الزول دا مولود في الثمانيات عايز يهدد الحوت بالغرق تعرفي الزول ف البورات دي لازم يشتت السيرة الذاتية عشان الناس المفتكرة الشيوعية سب دين وجينز وسخان وشعر مبرم وجكس يفهمو الشبب الشيوعي كل بيعمل شنو يحفر الابار ويبني المدارس ويعمل الايام الصحية والليلالي الثقافية والمسرحية وفصول التقوية كان بهدي الوعي ويربط التعليم العالي بتنمية الريف يجي ناس قريعتي راحت ديل مفتكرين السيرة الذاتية اركان نقاش وفليق كيزان وسخ وشعر مبرم وجكس عشن تهزموا عدوكم وه الكيزان قدموا نموذج افضل شوفتي يا شادية تتحملون هذا الفراغ الذي يسد بالجرابيع الحايمة هنا دي
هل ابوبكر البهدد زميلة داعضو في الحزب الشيوعي ولا قشرة ساكت؟
لك التحية يا بنية من بلادي.. ولك كل الاعتذار بالجد حزينة جدا
عالم مرض |
إزيك بيان ومادام الاسف والجهجهات ما بنفعوا ! ثبت يقينك يا ولد الناس مصيرهم يرجعوا
الكلام الفوق لحميد طبعاً رأيت في هذي الساعة المتأخرة من الليل أنها تلزمني وتفيض ! آسفة علي شنو يا بيان ؟ ويات خير الإتوسمتيهوا في زول بطالبيهوا يجيب ليك واحد كبير والله انها نكبة روما والمتمة علي قول ود بادي العكودابي ! أها أنا زاتي آسف أسفاً شديداً لمحاولتي الخروج بك لاجواء نقاش معقولة بعيداً عن السب والشتم وكل ما ارفقتيه لنا في ردك ! أما السيدة التي وجدت كل هذا العنت بسبب إحقاقها الحق النكلمك يا زولة شادية دي غير إنوا في حزب سياسي اسموا الحزب الشيوعي لامينا مع بعض فهذه الزولة صديقتي لزم ! ولوري محاولة من محاولاتك لتصوير الموضوع ولكأننا تخندقنا ضد شادية فقط لانها إتفقت معك لن تؤثر في شادية ولن تؤثر علي الاقل في علاقتي معها شفتي كيف ! لأنو البينا كبير ومشاريع بنصحي وننوم عليها كان تتحقق . فـ زحي شادية من درب نقاشي معاكي ! أما ناس رمال متحركة وكثبان رملية فدي ما لازماني علي الاطلاق وما بشتريها بي تعريفة بعدين قصة الشيوعية دي سب دين وبنطلون جينز وسخان و(بحبوا البنات بأغاني مصطفي) والاخيرة من عندي كزيادة خير ! القصة دي ممكن تكون مقبولة لو قام بطرحها زول قاعد ساي ولا يري في الشيوعيين السودانيين غير بنطلون جينز وسخان وشعر مبرم والموش عارف ايه وهي كشتيمة بقت ما جايبة حقها في الواقع السياسي وأصبحت لا قيمة لها في قاموس الردحي وشيل الحال أما سب الدين فياريتك عشان الكلام يكون مضبوط تدينا نموزج نموزجين . المداخلة بتاعتك دي يا بيان قد تنفع كرد لأي زول غيري أنا معاي القصة دي ما بتمش أنا طالبك نقاش موضوعي عديل . أما ناس جرابيع وطفابيع واللغة السايلة دي فلا حوجة لي بها .
تعالي لي بالدرب يا بيان والليل (غناوي نولعوا)
| |
|
|
|
|
|
|
Re: د.بيان و طشاش الشوف و اجندات السم في العسل(عذراً صديقتي الغجرية لزجك هنا مرة اخرى) (Re: خضر حسين خليل)
|
Quote: نصيحة لله لمن يرغب في الاتضمام للحزب الشيوعي اياك والنقد الذاتي لانه عادة يحفظ لليوم الاسود وهو خروجك من الحزب…
|
وين يا جماعة زميلتنا شادية عبد المنعم، اهو كلام الشيخة اعلاه قالت ليك انكم بتستخدموا النقد الذاتى الذى يكتبه الاعضاء ضدهم عند خروجهم من الحزب هل الكلام دا صحيح؟. يعنى من ما الزول يخلى الحزب طوالى تفتحوا جراب النقود الذاتية و تطلعوا حقوقوا و تستخدمونه ضده؟
و هل النقد الذاتى فى الحزب الشيوعى يكتب على طريق الاعتراف الكنسى التى صورتها الشيخة نجاة؟
مكتوب نجاة اعلاه كما قلنا يخلو من اى حس ادبى او روح اٍبداعية، هو مكتوب متكلف لذلك جاء فى صورة تقريرية تخلو من حبكة قصصية او عقدة تدور حولها احداث تاريخ او حاضر، و كما قلنا هى حيلة بسيطة يكمن لا شخص اٍستخدامها لايصال ما يريد قوله، فياترى من تخدم هذه الشتائم الطعون الاخلاقية؟.
| |
|
|
|
|
|
|
|