|
Re: تبــــــــارك شــيخ الديــن عريــــــس (توجد صور) (Re: اساسي)
|
كتبت تماضر
Quote: النعمان ...
خلى الجبن ..هدى ليها اللستة قاعدة ... عقبالك يا صديقى ... |
الجبن على رايك ولا الإفتراء على راي أماني دا كان زماااان. هسي المشكلة كلها بقت في النسيان بس. كل ما تجيني صَحْية ذهن كدة أمسك لي في شهر غالباً بيكون 10 ولا 12 واقول خلاص الشهر دا لما يجي القصة دي حتكون محسومة تب. تاخدني ليك الدنيا الواسعة دي وأدقش ليك شوارعها. أها لما الشهر بتاع الحسم المحدد يجي يلقاني ليك ناااااااسي وقاعد غالباً آكل لي في عدس. اللستة دي خليها قاعدة في الـ saving account كن ما ضيعت أوراقي الثبوتية ولا حاجة بجيك راجع لتقفيل الحساب واستلام مدخراته دفعة واحدة بس أصبري علىّ شوية أكمل قراية "مذكرات" تبارك دي خط أخوك دا لو ما الحيرة ساكت ما بتقري.
| |
|
|
|
|
|
|
Re: تبــــــــارك شــيخ الديــن عريــــــس (توجد صور) (Re: ابو مهند)
|
بكرى ابو بكر (الفراز) قال ما داير دردشة ..اها نحن البورد ده بنجيه بس للدردشة ...اعتزلنا الحوارات والمشادات التى لا لم تورثنا الا الهم ...
أها يا جماعة يا اصدقاء يا أفاضل ...سيتولى معتصم الجبلابى صاحب البوست الرد عليكم بالمهلة ..اما أنا فأشكركم جميعا ...وأخص بالشكر
كل زول ...فى ناس طولنا ماشفناهم زى عادل اسحق وابو مهند وحليمة وناس ملكة سبأ وفى ناس يتداخلو معانا لاول مرة زى خطاب حسن احمد
وفى ناس لامونا فى العزومة زى ناس سمعه المخرج وناس الموصلى ..وفى ناس ظريفين لله والرسول ...فلكم أجمعين كل المودة ...
حسة بكرى ابو بكر ده لو ما فراز ...وينو الكرت البختو للافراح والاتراح البعملو لى باقى الناس ؟ ليه ما جه بارك لينا ....نحن فى دارك يا سيد الدار ...
بمناسبة دارك دى يا بكرى ابوبكر ..المقداد شيخ الدين خلص الماجستير حديثا وقال بقى عندو زمن لمتابعة البورد ..لكنه فقد الباسويرد القديمة ويتمنى لو أرسلتها له أو أرسلت ليه واحده جديدة ...مع تحياتى للأسرة الأولاد والدكتورة أم العول ...مودتى للجميع ...
كنت متخيلة ناس معينين يجوا يقولو لينا مبروك بالمنتاسبة ....ناس هشام يازول وأبو مريم اخوان العريس ....و.ناس سالى ومريم اهل العريس ..وناس طلال عفيفى وجريفاوى والملك ووديدى ...وناس دكتور متوكل ..اصحاب أخت العريس ...أجى؟؟؟؟
يعنى فى ناس قرااااااااب من الزول لكن فى لحظات معينة كده بيختفو...ده لوم من نوع المادارك ما لامك فما تفهمونا غلط بالله "برانا زهجانين"
جبلابى يوم شكرك ما يجى ...لك وللمجموعة الكثيفة العطاء التى شاركت بتنظيم ,اخراج وأعداد الحفل الجميل ...ناس حسن مبارك وأدروب واولاد العاقب وماهر وزوجبته عالية ..وخالد زوروق وعبد الهادى والحضور المبارك .والناس النضموا السوميته والناس الرموا الطعمية والناس الربطوا الحريرة ...والعزفوا الايقاع .والناس الاتحننو ...الخ .ياخى ده كان مهرجان من الالفة والمحبة ...وناس سميرة وحاتم ديل براهم ...وناس فايز واسما ديل حاجة تانية وناس ندى وبت اخت اسما ديل كوم براهم ...
ويافايز مليجى ...امسحها لى فى وشى عدم العزومة ..انا ضيفة وهم اتلوموا ...وخوتنا فى محلتا ...ويا عمر بانقا سلامتك ...رسالتك وصلت وانت اصلك واصل ...وياخرد ازيكم...نورتو الحفلة ..
معقول زول يقدر يقول ناس حفلة كاملة ؟؟ اقيف لحدى هنا واى زول كان موجود ...مكانه القلب!!!
| |
|
|
|
|
|
|
Re: تبــــــــارك شــيخ الديــن عريــــــس (توجد صور) (Re: Tumadir)
|
Quote: اصحاب أخت العريس ...أجى؟؟؟؟
يعنى فى ناس قرااااااااب من الزول لكن فى لحظات معينة كده بيختفو...ده لوم من نوع المادارك ما لامك فما تفهمونا غلط بالله "برانا زهجانين" |
ديل نحن عاد
انت برية من الزهج الزهجك بالزهجة الما تفارقو
التباريك مضاعفة لتبارك تلقاهو هسي ناسينا وعامل ما بعرفنا ولا شافنا قبل كدا
*** نعمان والله نصيحة لو فوت السنة دي بعد داك لستة تماضر دا بتنفعك
| |
|
|
|
|
|
|
Re: تبــــــــارك شــيخ الديــن عريــــــس (توجد صور) (Re: سمندلاوى)
|
انت يا سمندلاوى سمعت بجاعورتنا انا وأزهرى فى التلفون ... مش فى غنية بتقول: يادمعى النقط ..واتشتت وغلب اللقاط ...
أها ده الحصل علينا أنا وأزهرى فى التلفون ..وناس حمد اسماعيل والباقيين كلهم كانو مع حسن مبارك فى تلفونة...والله غايتو بس الله غالب
تحياتى لك ولاسرتك المؤتلفة ...(عجبتك؟؟ انا ذاتى عجبتنى ) ..ان شا الله دريب محنتك ما ينقطع ..
| |
|
|
|
|
|
|
Re: تبــــــــارك شــيخ الديــن عريــــــس (توجد صور) (Re: ولياب)
|
الف الف مليون مبرووووووووووك
للاخ تبارك ولكل ال شيخ الدين وانشاء الله بيت مال وعيال
تخريمه : -
اوعك ياتماضر تقولى لى انو الواقف وراكى فى صورتك مع العيال دا ساريه الطفل الذى هدهدته صغيرا فى الثوره وكان يحتاج لمترجم فى ذلك الوقت لفهم كلامه غايتو لو طلع هو بوسيه لى يمين وشمال وبلغيه تحياتى وقولى ليهو عمك على قال ليك الله يجازيك اكان كبرتنا قبل يومنا وربنا يخليهم ليكى وتفرحى بيهم كمان
| |
|
|
|
|
|
|
Re: تبــــــــارك شــيخ الديــن عريــــــس (توجد صور) (Re: خدر)
|
خدورى ..دى نشوة بت القاضى ...
نحن هنا أهل ..متجاورين اكتر من عشرة سنين من تبت وكانت شافعة الامات صاحبات والاولاد أصحاب ..النوع البقولو لى بعض cousin ديلك ...
بت تتخت على الجرح وهو يبرا على طول ...أرجوك مراعاة ذلك ... وعارفاك ما قاصد الا الخير ...يابو العول
انا مرة كتبت عنها فى حكايات مزهرة ..لانها مع سيرين عملوا جمعية شباب السودان بأمريكا وقدموا ورقة زى الورد فى مؤتمر جمعية الدراسات السودانية
عرفت عشو بت الزين كدى حتعجبك ...ياربى ليه؟؟ "عواراتنا من جينات متشابهة ولا شنو؟؟ ...
| |
|
|
|
|
|
|
Re: تبــــــــارك شــيخ الديــن عريــــــس (توجد صور) (Re: معتصم مصطفي الجبلابي)
|
فعلا با معتصم تلفونو اتقفل قبل ما يسافر
لكن نحن كنا متابعين مع الاهل بتلفون أميمة ...وهشام يازول حضر ...والصادق شيخ الدين مشى قبل العرس بيومين لبلجيكا هو وزوجته هالة البلجيكية ..الله ما كتب ليهم يحضروا لكن رتبوا مع الفنان الصديق سيف الجامعه ..وكتر خيرو قال كلام جميل قالوا لينا الصادق فى التلفون ..ما معناه انه هو برضو أخو العريس ...ما عدمناك يا سيف ...
وواللله كان عرس جميل جدا والحضور كثيف ..والحفلة كانت بسيف الجامعة "اخونا الزمان" ..أما مفاجأة الحفل فكان هوالصوت الجديد: الهام عبد الخالق عضو البورد ..
قالوا كانت حفلة جميلة ومتفردة ... وبعداك تابعناهم و وصلناهم لحدى الجرتق ...
تانى يوم كان عرس أخو العروس عبدو ..ود عمتى هدى ...وتالت يوم كان عرس بت خالنا عبير محمد عثمان همرور ..
وقالوا بعض بورداب الداخل كانوا هناك ...نتمنى انهم يكونوا استمتعوا بالزواج الميمون ..وعندهم لينا صور ... .
أها نحن أديناهم صنة ...وبكرة من الصباح نقوم نضرب ونشوف فى شنو ...
شكرا معتصم تانى ..وتالت وحتى ما لانهاية ...
أما على تروس فلما يجى يورينا نظريتو بتاعة احترام الجمال ..عبر الاجيال دى بيعملها كيف؟؟
| |
|
|
|
|
|
|
Re: تبــــــــارك شــيخ الديــن عريــــــس (توجد صور) (Re: وليد محمد المبارك)
|
Quote: كنت متخيلة ناس معينين يجوا يقولو لينا مبروك بالمنتاسبة ....ناس هشام يازول وأبو مريم اخوان العريس ....و.ناس سالى ومريم اهل العريس ..وناس طلال عفيفى وجريفاوى والملك ووديدى ...وناس دكتور متوكل ..اصحاب أخت العريس ...أجى؟؟؟؟
يعنى فى ناس قرااااااااب من الزول لكن فى لحظات معينة كده بيختفو...ده لوم من نوع المادارك ما لامك فما تفهمونا غلط بالله "برانا زهجانين" |
اجي ياتماضر ده كلام شنو ده ما تابعنا العرس ده من طقطق للسلامو عليكم‘(عملات طلال عفيفي)
واتكلمنا كل يوم وبالتفاصيل من هنا لحدي السودان ‘الا كان بتقصدي مباركة الاسافير
لكن انا كنت قايلاها في حالة تعذر الكلام المباشر الذي هو اكثر حميمية ولا شنو‘‘
| |
|
|
|
|
|
|
Re: تبــــــــارك شــيخ الديــن عريــــــس (توجد صور) (Re: HOPEFUL)
|
لا تسعنا الكلمات، عشة طيور وعريسها المسيكين، التى نعبّر بها عن عرفاننا بانتمائنا لكم؛ وبحبكم لنا؛ وبفرحكم بنا. وقد قال أحدنا ذات مرة:
أيه الدنيا غير: لمة ناس فى خير؛ أو، ساعة حزن!!!
أسعد الله أوقاتكم بكل خير، وأكثر من أفراحكم، وهوّن من ساعات حزنكم، ومد من أيامنا بينكم وسعادتنا بكم!
المهم
| |
|
|
|
|
|
|
|