|
|
 تماضر شيخ الدين ..جوابك للبلد وصل
|
ياخ إنتي وقت زولة لذيذة كده وروحك حلوة وكلامك بسيييط ومن القلب للقلب وعفوي ..
دحين مالك في المنبر زولة سياسة وختا ولخبتة 
انا من المحبين جداً للراديو وخصوصاً خلال شهر رمضان المعظم والفترة المفتوحة وما أدراك ما موسيقى لامبادا ..
إتحكرت وشغلت التلفزيون وحولتو لي وضع الراديو وفجأة يجينا جوااااااب للبلد ..
ومقدمة من صوت المزيع عن المرسل للجواب وطلعتي عجوووووزة يا مكارة
الراجل قال ضيفتنا ومرسلة الجواب خريجة المعهد عام 1982م ..
وجا صوتك ليرسل جواب للبلد قمة الروعة والبساطة والأناقة ..
أكتر شي عجبني فيهو العفوية والكلام الدارجي وبساطة ناس الحلة حركات بنات الثورة والبيسمعك يقول الزولة دي أسة خاتّة ليها صحن قونقليز بالدكوة وتبش بالشطة ..
غايتو يا تماضر أمبارح والنصيحة لي الله إتكيفت منك حد الإعجاب الفض وفات حد الكبابي..
ياخ عليك الله أقطعي وشك من المنبر ده وأرجعي لي بلدك وتووووشك على الإذاعة والتلفزيون ..المنبر ده بيعولقك ساي
وما أحلى مقدمة الجواب للبلد والكابلي يغني في مقرن النيلين ..
ووردي يغني الطير المهاجر ..
وتماضر من الخلف ترسل جوابها للبلد ..
وكما يغني محمود عبد العزيز في جوابه للبلد:
ضل الضحى الرامي شمس شتوية دفاية ..
وريحة البن لما يفوح في قلاية ..
سبحة جدي..وفروة جدي..
لامن جيت أمد يدي ..
جدي اديني تعريفة !!!
بتقرا الحمدو يا المبروك ؟
بقراها وعشان تعريفة ألقاها بجود في القراية كمان ..
وإييييه يا يمة والله زمان .. يا يمة والله زمان ..
بت الفكي ..والطورية والواسوق..
سعف حبوبة والحنقوق ..
وصوت سعدية بت جيرانا تشحد ليها في طايوق..
وصوت عرفة لما تخمج الدلوكة غنّاية ..
وبث ...
تخريمة :
الكلام ده حصري لي تماضر بتاعت الرادي
|
|
 
|
|
|
|
|
|
|
|
Re: تماضر شيخ الدين ..جوابك للبلد وصل (Re: عمر الفاروق)
|
طبعا كعادتك قشرت قدام ( الحرمة) انه الزولة الكاتبة الجواب دي بتكتب معاك في سودانيز اون لاين زيها زيك
تماضر دي ياخي اسحن زولة هنا
المشكلة انا زاتي اكتشفتها ليك بعد ستة ولا سبعة شكلات سنة الفين وتلاتة
اشاكلت معاها مرة وحردت ليها المنبر والله حنستني جنس حنوس
والله لمن اتخيلت ليك انه عيونها مرقرقة وهي بتكتب
| |
|
|
|
|
|
|
|
|
|
Re: تماضر شيخ الدين ..جوابك للبلد وصل (Re: عمر الفاروق)
|
Quote: وما أحلى مقدمة الجواب للبلد والكابلي يغني في مقرن النيلين ..
ووردي يغني الطير المهاجر ..
|
الاخ عمر الفاروق
رمضان كريم
رغم اني قعدة في الخرطوم ورغم كلامك حصريا لكن الكلام اعلاه خلاني ادمع بدون ما اشعر
السودان ده دنيا جميلة جوانا
تخريمة واجبة بمناسبة حصريا دي:
انتوا صالح كامل هدا فيكم ولا شنو ؟؟
| |
|
|
|
|
|
|
|
|
|
Re: تماضر شيخ الدين ..جوابك للبلد وصل (Re: عمر الفاروق)
|
سي حسين :
ياخ والله واحشنا ..
عاش من شافك وين أيامك ..
وكيف بالله الدبل قبين ؟ ولا هو قبين واحد
اخر خسائر الإجازة جيت لقيت إشتراك ARTخلص وبراك سيد العارفين تاني إلا بعد شهرين حتى الواحد يدخل جيبو ريال عشان كده ما متابع معاكم أغاني وأغاني مع سيد نقة
ياخ ما تشوف لي بطاقة من لالوسدان وإتصرف رسلها لي إن شاء الله بالفاكس
تحياتي يا زول يا جميل وبشرنا بي اخبار العلم عملت فيهو شنو ؟
إن شاء الله شرفتنا وطلع الشجر الكبار فيهو الصمغ؟
| |
|
|
|
|
|
|
|
|
|
Re: تماضر شيخ الدين ..جوابك للبلد وصل (Re: عمر الفاروق)
|
Quote: المشكلة انا زاتي اكتشفتها ليك بعد ستة ولا سبعة شكلات سنة الفين وتلاتة
اشاكلت معاها مرة وحردت ليها المنبر والله حنستني جنس حنوس
والله لمن اتخيلت ليك انه عيونها مرقرقة وهي بتكتب |
والله ليها حق ياخ ..
إنت زول فقر ..
الغريبة يا عمك انا ماف زول حنسني !!! يكون من شنو ؟
| |
|
|
|
|
|
|
|
|
|
Re: تماضر شيخ الدين ..جوابك للبلد وصل (Re: عمر الفاروق)
|
الأخت مايا :
الله أكرم وتصوموا وتفطرو على خير..
زامن لمن كنا بنسمع إنو فلان رجعتو أغنية وعلان جابو مشهد للبدل كنا بنقول دي حركات جيش ساي والزول ده بيكون فلس..
لكن دارت الأيام والحال بقا علينا !!
غايتو كان ما الإندومي والفيمتو الخايفين عليهو "يخلّصوه" كان رجعنا لمن سمعنا يا حلاة النيل والخرطوم بالليل
تخريمة :
| Quote: انتوا صالح كامل هدا فيكم ولا شنو ؟؟ |
كان للحصرية هدتو ما دايرنها لكن كان جابت ليها شياخة وقنوات فمرحباً بالهدّ !!
| |
|
|
|
|
|
|
|
|
|
Re: تماضر شيخ الدين ..جوابك للبلد وصل (Re: عمر الفاروق)
|
سحس:
الف الف الف مبروك ياخ ..
أدينا صندوق بريد عشان نرسل ليك هدية ساعة ذهبية ودفاتر صنع في أندونيسيا ومقلمة والة حاسبة مع كم لبسة كده لزوم القشرة
تخريمة :
| Quote: لو ما أديتها صوتي ما ابقى انا |
تعرف الكلام ده لو كان كتبو بقال تماضر كان زعلت منو لأنو كان حا يكون قاصد سوط
| |
|
|
|
|
|
|
|
|
|
Re: تماضر شيخ الدين ..جوابك للبلد وصل (Re: عمر الفاروق)
|
جواب البلد الناس البرا بتكتلوا ديل يجوا يقعدوا فيهوا ويتركوا التنظير
الواحد في المنبر هنا يكون بد الفضيل الماظ ولمن يلقى الرادي والتلفزيون ينسى الهم السياسي ( القرف ) السياسي تعالوا لابداع ورسالة للبلد وجواب من اهل البلد تالوا الىكلمة سواء
| |
|
|
|
|
|
|
|
|
|
Re: تماضر شيخ الدين ..جوابك للبلد وصل (Re: عمر الفاروق)
|
لا لا البورد ده فعلا داير أرشفة ...
أكادو لا أصدقو .....
بوست عديييل كده ...فيهو عمر الفاروق بيشكر تماضر شيخ الدين وأساسى متداخل معاهو ...
ومافى أى مشكلة؟؟
يا امتن دايرين تسقطوا حجرى وتمرقونى من الاستنارة وسقطا ويبقى انقلاب ما منو عودة : الشيوعيين يقولو من الخوارج وناس الحركة يقولو "جلابية" وناس تراجى يقولو ضد دارفور وناس منان يقولو ضد كجبار و(جنى )يقول حلايب مصرية وناس الجالية يقولو تبع السفارة
ولا كمان السودان الجديد ...ما كضب
بالله نلت اعجابك؟ ومن زمان الناس يقولو ليك "لذيذة، لذيذة ..." بس انت راكب راسك وما داير نصدق ...
اسأل أساسى ده قبل ما الدنيا تتقلب سياسة فى البورد ده ...
ويا ملاسى حأعتمد عليك فى (الاسواط)
المهم بمشى بعد ده قبل أهلى المستنيرين يجوا يلقونى واقفة فى "الضلمة" براى وما معاى محرم ...
ولكم تحياتى كما أشكركم على ..."حسن الاستماع"
| |
|
|
|
|
|
|
|
|
|
Re: تماضر شيخ الدين ..جوابك للبلد وصل (Re: الملك)
|
الفاروق صاحب البوست .. تمبس .. أساسي .. ملاسي .. وطبعا التماضرتين وكل الرائعين الهنا..إزيكم .. ورمضان كريم ..
Quote: "عارف قبل سنتين تلاتة..سمعتها فى الراديو وأنا فى مواصلات اركويت فى البلابل
بقى المكان"محطة البلابل مربوط عندى بتماضر شيخ الدين" |
سمع أضاني يا الملك .. كمساري قال في البلابل .. تماضر في نازل .. لكن ما كنت عارف إنها تماضر "الليلتنا".
Quote: يا عمر رمضان كريم ...من الواضح "بعد بوست تمبس عن "سيف وغادة"
وبوستكــ ده..
إنو البورداب ديل..!! تسمعهم احسن من تقرأ البورد |
وتشوفهم كمان .. ركز معانا يا الملك..
| |
|
|
|
|
|
|
|
|
|
Re: تماضر شيخ الدين ..جوابك للبلد وصل (Re: عمر الفاروق)
|
بدر:
رمضان كريم ..
والقرف السياسي ده ماااااااااا حبابو خلينا في جوابات البلد دي..
حبيبنا حاتم :
Quote: ياخي بدل تشحتفنا كده
كنت تسجل الرسالة دي وتنزلها خلفية للبوست |
يا زول قول الحمد لله البقا عندي ديجتال وتلفزيون ..
نحن ناس الرادي أبو جلد بني داك ..
قال أسجل قال !!
والله إلا أسجل ليك الريدة ..
أو كما تقول *المادحة حنان بلو بلو :
سجل لي عرباتك انا وسجل لي شركاتك
ــــــــــــــــــــ
* فكرة مادحة مستمد من قناة ساهور ..قناة الأمة..
| |
|
|
|
|
|
|
|
|
|
Re: تماضر شيخ الدين ..جوابك للبلد وصل (Re: Mohamed E. Seliaman)
|
الاخ عمر الفاروق
شوف ناس البلد دي لما يتركوا السياسة ويتجهوا للهلال والمريخ وعثمكان حسين ووردي والعملاق ود اللمين شفاه الله شوفنا بنكون حلوين ازاي وانا بحل السودان وبكره اسرائيل وجواب للبلد دا حكاية رائعة من الا1ذاعة يلا الناس المبدعين اتصلوا بالاذاعة وجملوا لينا الاثير
| |
|
|
|
|
|
|
|
|
 Re: تماضر شيخ الدين ..جوابك للبلد وصل (Re: Tumadir)
|
| Quote: يا خوانا البوست ده الخلاهو يبور كده شنو؟؟ |
ما خلاهــو يبور ولا حاجة يا تماضــر ..
بس الخــوف عمر الفاروق دا يكون عندو حمى يا ملاريــا طلعت ليهو في راســو الزول جاي من السودان ليهو كم يوم
تستاهلي ياتماضر .. ودا رائي وعارفاهـو من زمــان ..
وياحليل البورد لمــا كان الرسائل بتصل للناس وتقع ليهم في جـرج ..
مش رسائل بتتفخخ من هنــا .. وتمشي للناس في صمة خشمم..
..
.
يا عمـــر .. عازمك بوست لمحمود عبد العزيز بالمناسبة دي ..
عارفك الليلة تكون ما حضرتو .. كان بقيت جاهز قول عوووك .. ننزلو ليك هنــا بوست كارب جدا وتجي تنظر فيهو تماضر
ملحوظة:
ممكن تجي تشيل حقك برضو سيديهـات (كاش) بعدما تشوفو مع الناس هنا ..
| |
|
|
|
|
|
|
| |
عمر الفاروق
Hussein Mallasi
اساسي
..
Tumadir
الملك
نجوان
محمد نور أحمد
Mohamed E. Seliaman
tmbis
غادة عبدالعزيز خالد
فيس بوك
تويتر
انستقرام
يوتيوب
بنتيريست