العرقية الخايفين منها

Quote: الفنانه الأنسانه تماضر قلت احييك فى دارك فى الأول لغاية ما اجييك راحع

بالله شوف الدنيا دى مرات بتجى فيها حاجات سمحة كيف ..وفجأة كمان ؟

بدرالدين عبد التام

ياجماعة الزول ده شدة ما اخوى ..ممكن امسكه البوست ده وامشى انوم هانئة البال ..

"هاك امسك لى قرون الاسد ديل يا بدر الدين ...بجيك حسة دى ( وجه بلسان طويل ممدود بالجنبة كناية عن المقلب

والله يابدرالدين حيرنى الشكلات الجانبية القامت فى البوست

"طبعا الكلام ليك ...يا تمبس وتراجى "

انتو متشاكلين من بدرى ..والله ما بتخربوا لى بوستى

الحقائق التى خرجت بها من معظم المساهمات والجميع متفق عليها هى :

الوضع فى دارفور مأساوى

الطغمة الحاكمة تسببت فى زيادة الطين بلة

والعقلية التى تتلقى معلوماتها ومعتقداتها من الطعمة الحاكمة ...تزيد النار حطبا

البعض يحمل الضحية الذنب فى مأساته

العالم الغربى التفت لعمق المأساة ..من مداخل متعددة ..اولها انسانى ..وآخرها "مادى" واطماع

أهل دارفور يفضلون من وقف معهم وعلى استعداد لحمايتهم ...بدون مساءلة من السودان او من "غيره"

اهل دارفور لا يستطيعون فى عمق هذه المأساة الا الحكم على "الاغلبية" من حملة "عقلية" السادة والسلطة ..بالعداوة ..(حتى يثبتوا العكس؟؟)

بعض حملة العقلية المذكورة ..يتهمون اهل دارفور "ببيع السيادة الوطنية" مقابل "ماذا؟" حياتهم و عرضهم و سلامتهم ؟( وهل لذلك ثمن؟ )

بعض حملة العقلية آنفة الذكر يعزفون على وتر "فرق تسد" ..

بعض ابناء دارفور على وعى تام بالمتربصين والمناصرين لهم ويستطيعون التفريق بينهم بسهولة ..وهم فى حالة تامة من ضبط الاعصاب ووضح الرؤية.

بعض ابناء دارفور فاض بهم الكيل ولم يصبح "السودان" بالنسبة لهم يعنى ما تعنى كلمة "وطن"...

اذا كان كل ماذكر اعلاه صواب ..

فنحن على اتفاق فى "ماعون الفكرة" ولكننا نختلف فى الثقوب التى تؤدى للماعون ..اذا اعتبرنا اننا نمل يسعى ( لدرة ) المعرفة الراقد فى الماعون

ذو العدة ثقوب ..

اذن ونحن هنا لماذا لا نفعل مافعلته فعاليات اسبوع الثقافة التى اوردها كارلوس اخونا "عبد الله الشيخ" ..ونفرش (الدره) على دلجة الحوار ..وونتقاسم الرأى جميعا برؤيا واسعة النظر

اكثر المشاركات التى اخجلتنى من شكوكى كانت مداخلة "شاو دورشيد" ...فلك العتبى ..ولكل ابناء دارفور الذين يعرفون اننا منهم ولهم ..حتى ترضون.

تمبس ..تراجى ومحمد سليمان ديل طالعهم فى بوست مجاور ..فأنا أكن لكل منكم قدرا من الاحترام ..لا يسمح لى بمشاهدة صراع الديكة هذا واعرف جيدا انكم متفقون على الفكرة ونختلف فى المداخل ..فالمشكلة فعلا تفقد الانسان صوابه وفغلا تدعو للتساؤل "لم كل هذا؟" وماذا انا "اى انسان دارفور الطيب المسالم وهو يفاجأ بالغارات الليلية ويسلب فى كل يوم شيئا غاليا ان لم يكن كرامته فهو حياته.

وحتى لو اختلفنا ..نكون مختلفين فى الحل سرعته ومقداره .. مع ضرورة معرفة ان الوضع لا يحتمل الصبر .

أما الذين يحترق ذويهم تحت القنابل والغارات الجوية ويموتون تحت الحوافر كل ليلة فلهم العذر كل العذر حتى ينجلى هذا الليل ويشرق ذلك الصباح ..

اها لو فى زول قولتو كلام ما قاله يقول

مودتى العامرة.

(عدل بواسطة Tumadir on 09-19-2006, 10:25 PM)