|
|
|
 Re: خروفين ..واحد مضبوح معلق فى شجرة كريسماس والتانى بياكل فى العلم السودانى (Re: Tumadir)
|
Quote: العناصر الاولية هى
خروف
علم سودانى
شجرة كريسماس
سانتا
|
انتي مش عاوزاهم كلهم يحتفلو بالاعياد دي...
اول حاجة
ركبي الخروف في المركب وقطعيه الضفة التانية....حا يفضل ليك العم سانتا وشجرتو..في الضفة الاولي.
وارجعي بالمركب فاضية شيلي العم سانتا نزليه بالضفة التانية ورجعي الخروف معاك ...الضفة الاولي...
وقبال الخروف ما ياكل الشجرة,,,نزلي الخروف وارفعي الشجرة لحقيها العم سانتا...وأرجعي تاني جيبي
الخروف لحقيه عيد الكريسماس....وقولي ليهم مافي ضحية السنة دي...
وكل سنة وانت اجمل....واولادك وأهلك والسودان بخير...
| |
 
|
|
|
|
|
|
|
|
Re: خروفين ..واحد مضبوح معلق فى شجرة كريسماس والتانى بياكل فى العلم السودانى (Re: nazar hussien)
|
Quote: ركبي الخروف في المركب وقطعيه الضفة التانية....حا يفضل ليك العم سانتا وشجرتو..في الضفة الاولي.
وارجعي بالمركب فاضية شيلي العم سانتا نزليه بالضفة التانية ورجعي الخروف معاك ...الضفة الاولي...
وقبال الخروف ما ياكل الشجرة,,,نزلي الخروف وارفعي الشجرة لحقيها العم سانتا...وأرجعي تاني جيبي
الخروف لحقيه عيد الكريسماس....وقولي ليهم مافي ضحية السنة دي...
|
ذكرتنى أحمد باص لما كنا فى المعهد
كان فتران وزهجان...
قامت سمية خالد قالت ليهم غلوتية بتاعة 3 أزواج ومركب وضفتين
والمركب ما بتشيل اكتر من اتنين ..
وما بتمشى فاضية
ولو فى راجل ركب مع مرة راجل تانى بدقها
قام احمد باص يحل والناس الباقيين يحلوا ابت كلو كلو ..
قام بى حماس فجائى كده بدا يحل
تمشى المركب الدور الاول شايلة راجل ومرتو
تجى راجعة بالراجل تشيل مرة الراجل التانى
قالت ليه: بدقها
قال ليها: يدقها ....
وواصل فى الحل.
ههههههه
شكرا يانزار على لذاذتك...وكل عام وانتم بخير
| |
|
|
|
|
|
|
|
|
|
Re: خروفين ..واحد مضبوح معلق فى شجرة كريسماس والتانى بياكل فى العلم السودانى (Re: Tumadir)
|
Quote: تمشى المركب الدور الاول شايلة راجل ومرتو
تجى راجعة بالراجل تشيل مرة الراجل التانى
قالت ليه: بدقها
قال ليها: يدقها ....
وواصل فى الحل.
ههههههه
|
طبعا هو بيكون اكتشف غلطتو....ومركبو في البحر...عشان كدا قال اخير تندق مما يغلطوه
هههههههههههههههههههههههههههههههه.....من زمن ما ضحكت بصوت عااااااالي......
والله انت الالذ يا تماضر....
طبعا انا فوق نسيت العلم....وافترضت براي كده بعد ما عملت كليك علي اضف رد...
انو العلم ما ...مشكلة لما يصلو بلاقوه مدروع في الشجرة...وبعدين هم دايرين بيه شنو؟
| |
|
|
|
|
|
|
|
|
|
Re: خروفين ..واحد مضبوح معلق فى شجرة كريسماس والتانى بياكل فى العلم السودانى (Re: Emad Abdulla)
|
[urple] ليه خروفين
راس السنة وناس سانتا كلوز
مابتاعين جداد وديوك رومية
لانو الخروف مابتعلق في شجرة الميلاد
بدشدشه
وانت من زمن الخروف ياكل العلم
هسي في عدم مواكبة
ظهر الخروف البياكل الاكياس بعد بتاع الدلاقين
ونحن في زمن الخروف الحايكلنا نحن زاتنا
الخروف الضبح مسعود تزكريه
اها نحن في زمنو
سلام مربع لي خالده الجنيد
وللجالية كلها
وعيد ميلاد مجيد وعمر مديد
وسنةخير وبركة
وربنا اغطيكم واحفظكم في غربتكم
وعام جديد للسودان الذي نريدp
| |
|
|
|
|
|
|
|
|
|
Re: خروفين ..واحد مضبوح معلق فى شجرة كريسماس والتانى بياكل فى العلم السودانى (Re: Abureesh)
|
Quote: الخورف يكون صوفـه باللون الأخضـر (شجـرة الكرسماس) وعليـه لمبات صغيـرة.. ووجـه الخروف يكون عالى مثل أبوالهول ويأخـذ وجـه وذقن سـانتـا، ويحمل بين يديـه صندوق الهدايـا ملفوف فى علم الســودان.
رأيك شنـو؟ |
لكن اللمبات ما من ضمن الادوات يا ابو الريش
وثم ثانيا ...الخروف عايز توقفو شايل صندوق الهدايا من ليلة الكريسماس حتي الضحية...
ولا أكل لا شراب...ولافيه بالعلم كمان....؟؟؟ يا راجل....يا قول حمدي بدرالدين
| |
|
|
|
|
|
|
|
|
|
Re: خروفين ..واحد مضبوح معلق فى شجرة كريسماس والتانى بياكل فى العلم السودانى (Re: mamkouna)
|
لا انتو اتبحرتو فى العلم يا شباب
قرأت مداخلاتكم وأعجبتنى القفشات والخيال واللذاذات
كل عام وانتم بخير يا ...فطاحلة السخرية
قرجة
ابو الريش
عماد عبدالله
محمد السنى دفع الله
لؤى
الرحمابى
فاروق حامد محمد
المعز
خدورى
عصام عبد الحفيظ
معروف سند
محمد عادل
عادل البدوى
المسافر
زول واحد
ابو الريش "تانى"
معاذ حسن
نزار "لسه"
محمد سيداحمد
ممكونة اللذيذة
اهو كلكم طلعتو وجوديين وسيرياليين
انا حسة كان على اجيب حلة كبيرة واكب الكريسماس والخروف والاستقلال
واعمل ليهم بيكنج بودر وافركهم ..واعمل ليهم كسرة رهيفة وشطة ليمون ونضربهم ونغسل ايدينا ويجى "بابا" يغسل العدة ونكون خلصنا من الموضوع
ومالدنيا سوى حلة مفروكة ..وهذه الاعياد نصنعها لينشط السوق...ويزدهر البيزنيس
زمان شفت لى كاريكاتير مصرى بخصوص عيد الام
لانه الاولاد بيشيلوا القروش من أماتهم عشان يشتروا ليهم هدية "عيد الأم"
الكاريكاتير بيصور الام وهى بتتكلم مع ولدها وبتقول ليه: عندى سر ظليت محتفظة بيه كل السنين دى ..ودلوقت حأكشفوا ليك لاول مرة،
أنا مش أمك..أنا أبوك ..
لكم ولاسركم جميعا ..اصدق التهانى بالاعياد السعيدة،
جعل الله أيامكم أعيادا
ومحافظكم مخادا "جمع مخدة"...
| |
|
|
|
|
|
|
| |
Tumadir
nazar hussien
garjah
Abureesh
Emad Abdulla
محمد سنى دفع الله
لؤى
AlRa7mabi
فاروق حامد محمد
خدر
عصام عبد الحفيظ
Marouf Sanad
محمد عادل
المسافر
معاذ حسن
mohmmed said ahmed
mamkouna
Elawad Eltayeb
فيس بوك
تويتر
انستقرام
يوتيوب
بنتيريست