|
Re: نفرح بيهم (Re: ملكة سبأ)
|
دايما معانا يا ملكة سبأ فى الافراح والاتراح
نجازيك كيف؟؟
غير بالحب المقابل ..والقلب النضيف
شكرا كثيرا..
| |
|
|
|
|
|
|
Re: السمحين متخرجين (Re: Nasr)
|
Thank You
Nasr
شايفاك بقيت خواجة شديييييييد ..الكلام بالقطارة "قايلنى ما عارفاك منو؟؟"
ما شغلتنا
نحن فاتحين بوست عدييييل للتخرج ده
هههههههههه
مع تحياتى
| |
|
|
|
|
|
|
Re: السمحين متخرجين (Re: Tumadir)
|
يا سلاااااام
خبر جميل الآباء والأمهات يحسبوا نبضات العمر في انتظار اللحظات دي.
لا أعرف كيف أستعديتي لتحمل هذا الفرح الطاغي
تهنيئة لك ولـ : قصى/سيرين.
يبدو أنَّ أجمل الشيخاب قادمون.
تحياتي
| |
|
|
|
|
|
|
Re: السمحين متخرجين (Re: خالد العبيد)
|
خالد العبيد
ومن ذا الذى يكون صديقا لك ولا يمشى مرفوع الرأس؟؟
شكرا يا عزيزى على انك انت انت...
ومحبتى للأسرة واولادك الحلوين عقبال ما نسمع بأخباكم السعيدة ونفرح معاكم ..ونمشى قدام ..براس مرفوع وقلب له اجنحة
| |
|
|
|
|
|
|
Re: السمحين متخرجين (Re: Tumadir)
|
ام السمحين وسمحات
فنانتنا الرائعة لقد وجدت ثمرة من ثمار تعبك وشقائك
امتعتي الجميع بوقفة الخشبة بالفن الجاد و كنا نفرح بوجود
اسمك واسم عشه مبارك ونادية بابكر واخواتك المسرحيات الاخريات
مع شقائق النعمان
لقد قدمت نموزج للمراة في شخص سيرين فهي فنانة وعالمة ليس
كعوالم قاردن سيتي فهي افرحتني بهذا النجاح المشرف
فستدخل بوابة علماء وعالمات العالم باذن الله
ادهشني ولا يزال قصي همرور بكتاباته والان بشهادته له مستقبل
زاهر وغد افضل
يستاهلوا ويستاهلن الضبائح ونحن جنوبكم الحبيب نعد لكم
الارض بالزهور والياسمين وحالفين حرام تجونا ونحتفل راي الجميع
شنو
رابطين خرفانا من اليوم ول بكرة
| |
|
|
|
|
|
|
Re: السمحين متخرجين (Re: Sabri Elshareef)
|
سيرين قصي وتماضر مبروك الف مبروك أل شيخ الدين ان شاء الله ما تكون كملتو الخبيز الا انا جاياكم بي حلاوتي وكل المحبه . وعقبال الدرجات العليا . قصي همرور وعيه اكبر من سنوات عمره ربنا يحفظه . وسيرين اكيد طالعه لامها التفاح لا يتساقط بعيد عن الشجره وتماضر دي وحاه ربي مكمله وما شاء الله عيني بارده عليها هي وبنياتها . مبروك ليكم ولي كل الحبان البريدوكم وانا منهم.
| |
|
|
|
|
|
|
Re: السمحين متخرجين (Re: doma)
|
مكملة انتى يا ست الذوق
الخبيز كان كمل
لو جيتى ..نخبزو نانى
ونضبح ليك ..يا جميلة ..
وشكرك لى قصى ..وسيرين ..أنعش روحى ..
لك محبتى الفائضة ..ومودتى الذاخرة
وعقبال العندك يا جميلة الخلقة والاخلاق
| |
|
|
|
|
|
|
Re: السمحين متخرجين (Re: Sabri Elshareef)
|
صبرى الشريف
يا ايها الرجل اللطيف
والله اخجلت تواضعنا بكلامكم الحلو المرتب
ارجو ان تهبنى الزمان مزيدا من السعد بلقائكم ..وجمهور نيوجيرزى ..فاللقاء بكم كان دافئا ..ولا ينسى
كلامك عن قصى .وسيرين .يسعد الروح..
فلك منى بالنيابة عنهما كل الشكر ..والاحترام
هم ابناءكم ويتعلما منكم ..هذا الخلق النيبل.
شكرا كثيرا وفيرا ..
| |
|
|
|
|
|
|
Re: السمحين متخرجين (Re: Tumadir)
|
وياناس البورد
قطعتوا يدى بالكتابة
التخريج الجايى
كتامى
لا والله بهظر
الكلام معاكم كان جزء هام من احتفاليتنا والتواصل بيكم كان تواصل مع الاهل.
وفى افراحكم
| |
|
|
|
|
|
|
Re: السمحين متخرجين (Re: Tumadir)
|
Quote: وياناس البورد
قطعتوا يدى بالكتابة
التخريج الجايى
كتامى |
فى زول قال ليك ابقى رائعه
الف الف الف الف مبروك لسيرين والامر طبيعى مش هى بنت تماضر الحمد لله القدرتا اكتب
| |
|
|
|
|
|
|
Re: السمحين متخرجين (Re: waleed500)
|
شكرا يا وليد 500 الكوز الرقيق
والله الله مرق ليك مداخلتك دى من انها تبيت القوا ..
لانه كنت على وشك قفيل "المحل" ..والانشتات نحو قبلة اخرى ..
المهم لحقت سيد الدكان فى آخر لحظة ودة من حظك
انت لو ما حظك كارب كان "جماعتك" فرحانين بالسودان قدر ده ونحن زعلانين؟؟
المهم ..
"جزاك الله خير" على حضورك ..والتعب التعبتو
وبالمناسبة ياخواض فى ناس كتيرين اشتكوا انه البوست بيقفل قبل ما الزول يقراهو ..ويتخيل لى ده من الفيديو
وليد ده اشتكى لى ..فى المسينجر ...
ممكن تعمل حاجة..الله يبارك فيك؟؟
شكرا وليد
| |
|
|
|
|
|
|
Re: السمحين متخرجين (Re: تولوس)
|
الوافر ضراعو يا هشام ليك يا زول خصوصي انتي يا تماضر تشوفي بس . انت عارف الوافر بشبه منو ابوكم بس ،نفس التقاطيع والايقاع والروح الحلوة ... ربنا يخليكم يا اولاد شيخ الدين، انا فرحانة بعشرتكم القاعد تكبر كلو يوم.. لازم اعمل البوم من صوركم يعني حسي باقي لي اصور هشام وهمرور والمقداد ..والصادق لازم بلم فيكم يوما ما ستكون عدستي فرحانة جدا، باكتمال الالبوم ...
| |
|
|
|
|
|
|
Re: السمحين متخرجين (Re: عشة بت فاطنة)
|
... .. . تماضر الأنثى البهيّة والحاضرة دوما .. لك كل الفرح .. ولقرة عينك سيرين وكمان لقصىّ الجميل عارفه ياتماضر مفروض سيرين تزيد سنين عمرك لكنها أنقصتها تماما لازلت نضرة بكل بهاءك هذا .. لك .. ولهم صادق الأمنيات ...
| |
|
|
|
|
|
|
Re: السمحين متخرجين (Re: hero)
|
Quote: لازلت نضرة بكل بهاءك
|
اهاااااااااااا
لازلت دى لزومها شنوووووووو؟؟
وشكرا لبهاء كلماتك وحضورك السخى يا هيرو
والعاقبة عندكم فى نجاحات اولادكم ..
| |
|
|
|
|
|
|
Re: السمحين متخرجين (Re: Tumadir)
|
..
طمطم،.. الزولة اللابسة خشبة المسرح كَعَب عالي، وخايجة عُمُرها نصوص في نصوص،... أما مشتاقين بصحيح مبروك لسيرين العسل وللشباب الحلوين ديل كلهم،.. بلغيهم تحياتنا، وفرحة قلبنا ليهم وبتّك ما شاء الله "تماضر" بالكتشاب
...
| |
|
|
|
|
|
|
Re: السمحين متخرجين (Re: محسن خالد)
|
Quote: طمطم،.. الزولة اللابسة خشبة المسرح كَعَب عالي، وخايجة عُمُرها نصوص في نصوص،... أما مشتاقين بصحيح مبروك لسيرين العسل وللشباب الحلوين ديل كلهم،.. بلغيهم تحياتنا، وفرحة قلبنا ليهم وبتّك ما شاء الله "تماضر" بالكتشاب |
طيب يا محسن خالد انت لمن بتقول كلام لذيذ "زى ده" بلهجة كردفان دى طبعا
لما بتقول كلام سمح زى ده
محاربنى ليه؟؟
اما زول ما مقهوم..
اضرب التلفون ده كلمتك قلت ليك تلفونك ما بجينى ..
وشكر معفر بالمسك..وود مضمخ بالعطر..وشوق شديد
| |
|
|
|
|
|
|
Re: السمحين متخرجين (Re: Tumadir)
|
Quote: وحلاة بنيتك ام نونات دى يا طارق
عينك ملانة ..
"انت جبريل دى شنو؟؟ بتبقى لينا عمنا ونحن وما جايبين خبر ولا شنو؟؟" |
تسلمي يا بت القبايل يا ريت لو كنت عمك كان على الاقل اقول لي ناس المنبر هوووووووووووووي انا عم تماضر يا ستي دا اسمي الحقيقي لا تزوير لا حاجة وانا شايقي من البركل على فكرة اخوي الكبير معاكم في امريكا وهو مدير مكتب الشرق الاوسط في واشنطن واسمه طلحة جبريل
طارق جبريل الرباط - المغرب
| |
|
|
|
|
|
|
Re: السمحين متخرجين (Re: طارق جبريل)
|
مبروك تماضر لسيرين وقصي ... وعقبال الدكتوراه ... قلت لي سيرين قلدت الهنديه لامن عرفت حاجه ... ما أصلوا إبن الوز عوام ....
وعليك الله لمه ترسلي الخبيز لتامبا بالـ DHL ما تنسينا ... سمح ...
ألف ألف مبروك ...
| |
|
|
|
|
|
|
Re: السمحين متخرجين (Re: إدريس محمد إبراهيم)
|
Quote: وعليك الله لمه ترسلي الخبيز لتامبا بالـ DHL ما تنسينا ... سمح ...
|
ادريس محمد ابراهيم
هاك الكونفيرميشن نمبر بتاع الدى اتش ال:
a564564032156405646546khabeez5013216245640 41 .3249687+8974 651 645
DHL
لما تستلمو ادينا( خبز)...
هههههههه
تشكراتى ياسيد..والهنود شن طعمهم؟؟
| |
|
|
|
|
|
|
Re: السمحين متخرجين (Re: طارق جبريل)
|
سجيمان الغتيت
إن شاء الله يباركوا ليك السمح
سجيمان الغتيت: طبعا البوست ده محروس بالدبابات ، عشان نوع (غتاتك) دى ، ترد قبل شوية فى الصفحة التانية ، عشان تدقس تماضر ، وتعمل نفسك زعلان رديت ليك كم يوم وتماضر طنشتك
سجيمان الغتيت: ألعب غيرها ، قلت مبروك قلنا مبروكين
سجيمان الغتيت: بنحبك والله عشان نوع (غتاتك) دى
سجيمان الغتيت: ودعتك الله
(عجبتنى ليك الغتيت دى)
| |
|
|
|
|
|
|
Re: السمحين متخرجين (Re: سجيمان)
|
سجيمان الغتيت وهشام التفتيحة هشام الغتيت وسجيمان التفتيحة ..شنو يا جماعة مالكم؟
تخريجنا دايرين تقلبوه لينا مغارز؟؟
ههههه
شكرا يا سجيمان ..والحمدلله العرفت نوع فرحة الامهات بى بناتهم واولادهم فى النجاح..
ربنا ينجح ليكم الاتنين ..ويفرحكم ..ونفرح معاكم..
| |
|
|
|
|
|
|
Re: السمحين متخرجين (Re: يازولyazoalيازول)
|
..
Tumadir،.. إزيك يا نونا، والله مشتاق ليك، غاية الشوق، بالصح صح، عارفة؟ لو ما جيتينا هنا، وشفتيني براك زي التور المتجكّن بين الكردة، وبين جزيرة حَرّم لو ضراعي مطلوق، أناضمك وأتونّس معاك لامن بنوّت الآخرة ذاتها يلمّن عدة الجبنة من وشينا وحَرّم أنا مفهوم بالعربي والتنكليزي، قللي مواد الحساسية شوية وقلّبي صفحاتي من تاني وبعد دا، هاك دا عُذر نجييض، أنا آسف، وبيناتنا التلفون دا ذاتو، الواحد لو ما خايف حردتك تطول، كان يقول ليك أوّل مرة أشوف تلفون بشتغل بالعكس، من عندي بودي ومن عندكم ما بجيب،.. أها نتم الشكلة دي بعدين في التلفون هسّع عليك الله مساختي دي بتسويبها شنو؟ بالله قبل خمسة دقائق بس، كانت مداخلتي ليك دي، وشوفي كترة حبّانك ديل، الجوا بعدي في لمح البصر غايتو عندك مغنطيس قلوب، مبروك على هذه النعمة،.. ونعمة سيرين
...
| |
|
|
|
|
|
|
Re: السمحين متخرجين (Re: محسن خالد)
|
Quote: نعم الإله على العباد كثيرة أجلهن نجابة الأبناء |
ألف مبروك وأعذب زغرودة لنجاح سيرين ونجاح قصى
وعقبال النجاحات القادمة والشهادات المميزة
وان شاء الله تفرحى بيهم كمان وكمان ياأم سيرين
وربنا يغتيهم ويحفظهم..ودقر يا عين
والتهنئة موصولة للأخت صفية ساتى أم قصى
ولعموم آل شيخ الدين
تحياتى
| |
|
|
|
|
|
|
Re: السمحين متخرجين (Re: مهيرة)
|
سماحة و شطارة
قيل: ذاك الشبل من ذاك الأسد
صاذق التهاني لقصي، سيرين، تماضر، هشام، رشا، و كل من ينتسب لبيت شيخ الدين
الأيّّام حبلي، ان شاء الله، بفتوحات كبري
| |
|
|
|
|
|
|
Re: السمحين متخرجين (Re: محسن خالد)
|
Quote: غايتو عندك مغنطيس قلوب، مبروك على هذه النعمة،.. ونعمة سيرين
|
طبعا انا وانت متنافسين فى المغناطيس ده زااااتو
ديب ليك بت اسمها سيرين ..ووديها الجامعة تقرا فيزيا..وخليها تتخرج وشوف بعد داك البحصل شنو
هههههه
كان جميلا ان اسمع منك..
وامسحها لى فى فويس ميلى ..
شكرا محسن ..اخونا ...الدايم
والدوام لله وحده.
| |
|
|
|
|
|
|
Re: السمحين متخرجين (Re: طارق جبريل)
|
Quote: على فكرة اخوي الكبير معاكم في امريكا وهو مدير مكتب الشرق الاوسط في واشنطن واسمه طلحة جبريل
|
يا خى اخوك ده ما معانا ..نحن المعاه
وهل يخفى القمر فى سماهو..
فرصة سعيدة العرفناك يا طارق..
وحسة زاد الشرف..
تحياتى للبت الجميلة دى ولاسرتك كلها ولى الاستاذ طلحة جبريل.
| |
|
|
|
|
|
|
Re: السمحين متخرجين (Re: Tumadir)
|
عشة ياخ انا وافر ده بحبو حب يمكن اشربو عديل... ... ... مبروك يا طمطم ، مبروكة فرحتك بالشباب الحلوين ، الشاطرين الفنانين أولاد الفنانين لا خوف عليهم ولا يحزنون .. أمبارح مشينا أنا وديدي لعمك همرور ابو قصي "أخوي" ما لقيناهو لقينا شاب وسيم عمرو ذي 10سنين كده بلعب (قيم) في اللابتوب ، سالتو قال اسمو محمد همرورـ ابوك وين ؟، قال بمشي وبجي ، انتظرناهو مشينا... ..
الصيف ده كمل ؟! طمطم ، ابوي انا مشتاقين و مُفلس ومضغوط كنت في المنظمة وحالتي بالبلا وما بجي الانترنيت ومشتاق ليك ارجوك ارسلي سلام ومحبتي الشديدة لسيرين اما فيما يخص قصي فغايتو... .. .. يالحِبيَبه ، من محبتي أنا نفيسة بت الشيخ عبدالرحيم العركي
| |
|
|
|
|
|
|
Re: السمحين متخرجين (Re: Ibrahim Algrefwi)
|
Quote: بلعب (قيم) في اللابتوب |
كلمنى الفاتح وديدى قال بوظت ليهو القيم ..
زول "جريفاوى" الخبرو بالقيمات شنو..امشى شوف ليك "لقيمات" ولا زيت سمسم ولا حاجة ..
ههههههه
شكرا شكرا شكرا ..وعلى زيارة اخونا وكده..
وشكرا شديد على الكلام اللطيف الحنين يا قرمبوز..
وان شا الله الاقيك فى الدنيا دى واعرفك..جد جد ..لانى حاسة بيك ..قريب جدا..وخاصة طلال الشاب المرهف ده صاحبك..طلال ده حقنا تب وبالجنبة التانية الفاتح وديدى ...
ياهلا..
| |
|
|
|
|
|
|
Re: السمحين متخرجين (Re: Tumadir)
|
بزغرودة عالية وفرحانة
جايين نهنيك
ونهني سيرين
وقصي وأهل قصي
تفرحوا بيهم وبجديدهم
وتدوم أيام فرحكم وفخركم بيهم
والله لا يحرمكم من بعض
| |
|
|
|
|
|
|
Re: السمحين متخرجين (Re: Ahmed El Gasim)
|
تماضر الغالية "طمطم" 1000 مبروك ليك 1000 مبروك لسيرين 1000مبروك لقصي ومبروك لينا كلنا بشباب يتفتحون كما الورد ...ويرسمون خطوط زاهية الالوان للوحة جميلة من بكره وبعد
بالمناسبه احنا برضو قاعدين نخبز سفانه حموده فتح الرحمن اقصد سفانه ماوى السر تابر حتتخرج من الهاي سكول وقبلت بجامعه ميتشجان وقاسم حموده اتخرج بتفوق من medical technology وبجهز لاجتياز امتحانات كلية الطب ربنا يكثر الفرح والخبيز ويديكم ويديهم كلهم الصحة والعافية ودالسر!
| |
|
|
|
|
|
|
Re: السمحين متخرجين (Re: Aymen Tabir)
|
اQuote: سفانه حموده فتح الرحمن اقصد سفانه ماوى السر تابر |
Quote: وقاسم حموده اتخرج بتفوق من medical technology وبجهز لاجتياز امتحانات كلية الطب
|
لا انتو تخبزو طوالى..
ههههه
الف مبروك اسفانه وقاسم..ومزيدا من التقدم والتوفيق..
وشكرا عشان خليت خبيزكم وجيت لى خبيزنا..دى عملية ما بعملوها كل الناس الا زول مخبوز من طينة..ودى بى عجينة
هههههه
مبروووووووووك
| |
|
|
|
|
|
|
Re: السمحين متخرجين (Re: Ahmed El Gasim)
|
يا احمد والاسرة ..
اسعد الاوقات هى اللمتنى بيك ..وشفت صور عروساتك ..الجميلات ..
ومازال طعم الونسة الراقية فى حلق الذاكرة ..عالقا..
شكرا ليك والف تحية ليهم وتمنياتى بالسداد والتوفيق فى كل خطوه
| |
|
|
|
|
|
|
Re: السمحين متخرجين (Re: Tumadir)
|
أها يا جماعة ..
الخبيز هدا لسه فى..
والبت لسه متخرجة .. كان جيتو
اهلا وسهلا
وكان كملتو نشوفكم فى افراح جاية ..
وما تخلونا نقول ليكم اجمل الاطفال الذين لم يولودا بعد..
اجمل الاطفال ..البتلدهم من بطنك
ومحبة شديدة ...
| |
|
|
|
|
|
|
Re: السمحين متخرجين (Re: Marouf Sanad)
|
Quote: انتي أخبزي وانحنا بنشيل الخبيز نوديهو الطابونة |
ياخى مداخلتك دى عجبتنى عجب..
الطابونة؟؟
انت عارف انا لى كم سنة ماشفت "طابونة" ولا حتى سمعت اسمها ده ؟؟
والله حقو اكلم ناس سيرين وقصى ديل يرجعوا يتخرجوا تانى .. عشان الطابونة دى ..
هههههههههههه
"والله غايتو"
| |
|
|
|
|
|
|
Re: السمحين متخرجين (Re: Tumadir)
|
صاحبتي تماضر تتذكري زماااااااااان لمن كنا في الصفحة التانية من البوست وإنتي قلتي لي
Quote: والله صورة عالية براها تهنئة
لكن ضحكتنى الفكرة
شوووووووووكرن يابدر |
الظاهر الأخت عالية ما ضحكتها الفكرة لأنها ما قالت شوووووووووكرن يابدر وعليه فأنا الآن أتأبط إستيكتي لإجراء بعض التخريبات في المداخلة السابقة
وأنا لمن أدور أتأبط أبيط جنس أباطة
| |
|
|
|
|
|
|
Re: السمحين متخرجين (Re: بدرالدين شنا)
|
Quote: وأنا لمن أدور أتأبط أبيط جنس أباطة |
رشدى اباطة
الزعلك منو؟؟
لا ياخ..عالية دى اختنا وطيبة ..
احسن ليك ما تشيل الاستيكة
ولا انا حسة "بشيل المفراكة"
| |
|
|
|
|
|
|
Re: السمحين متخرجين (Re: Tumadir)
|
ألف مبروك يانديدتي ليك ولي سيرين وعقبال الدكتوراه.. ان شاء الله البنية مشروع عالم..
وألف مبروك لصديقي الشاب النابه قصي همرور.. مزيدا من النجاح.
| |
|
|
|
|
|
|
Re: السمحين متخرجين (Re: Tumadir)
|
الواحد ما يغيب يومين..يلقي الناس اتخرجت .. الف مبروك..للابنه..والابن..وابن الاخ....وعقبالنا كلنا..انا بقرا لي ميه وخمسين سنه ..تقول زايغ من عرس!!!
| |
|
|
|
|
|
|
Re: السمحين متخرجين (Re: Dafi)
|
Quote: الظاهر الأخت عالية ما ضحكتها الفكرة لأنها ما قالت شوووووووووكرن يابدر وعليه فأنا الآن أتأبط إستيكتي لإجراء بعض التخريبات في المداخلة السابقة
وأنا لمن أدور أتأبط أبيط جنس أباطة |
بدر الدين
سلامات
والله انا مداخلتك ما شفتها
لحدي ما نبهتني عشه بت فاطنه
ودخلت علقت ليك راجع الصفحه التانيه
والعفو يا ود القبايل
وشكرا ليك يا طمطم
علي جميل الحكي
محبتي
| |
|
|
|
|
|
|
Re: السمحين متخرجين (Re: Alia awadelkareem)
|
أعزائي..
شكرا لكل كلمة طيبة، ولكل شعور دافئ..
أكتب لكم اليوم من كمبيوتر تماضر، بعد أسبوعين من السفر والترحال (وما زلت على سفر).. لم تتوفر لي فسحة من الزمن والإمكانية التقنية للكتابة بصورة كافية قبل اليوم.. منذ قبل التخرج، وبعده، كنت مشغولا بأمور "تشطيب" مشروع التخرج واجراءات الرحيل والمرحلة القادمة..
أتمنى أن أكون دوما جديرا بحسن ظنكم، ولا أريد أن أوجه شكري لأسماء بعينها، غير أني أشكر كل من ذكرني بحديث طيب هنا، وعندي لكم من المحبة والامتنان وفيرهما.. وأتمنى لكل الطلبة في هذا المنبر يوما سعيدا كهذا الذي أسعتدمونا به..
ومعا جميعا من أجل حاضر متجدد، ومستقبل أكثر اشراقا..
| |
|
|
|
|
|
|
|