|
|
 Re: التسوق من اجل حلاوة مارس قبل ناس المريـخ مايجوا (Re: shiry)
|
مشروع الركشات وامجاد
من اجل اعانة اهالي المريخ
وانا ادلف الى البيت بعد ان شيلت نفسي شوية ، كان لابد ان انصاع الى نقة امي ، فافرغت كل الاكياس ، وحينها تاكد لي ايضا ان حلاوة المارس نسيتها ..
بـس ، مافي غيرها . هي سيرلانكيتنا اكيد تعرف اكثر من سكان كوكب المريخ . .
وحينما سألتها وانا جادة في ذلك .. تكلمت معي بلهجة شديده ، ثم لهجة اكثر شدة ، ثم لهجة من شكلها فهمت انها نوع اخر من النقة الغاضبة ، ثم شوية شوية زادت وتيرتها لاعرف بعدها ومن احساسي انها غاضبة جدا ربما لانني لا اعرف شيئا عن اللغة السيرلانكية ولا هي تعرف شيئا عن عربيتي التي اتلكم بها معها .. وحينما رفضت نهائيا ان تجلس في غرفتي او حتى تسوي لي شاي .. ان الفتاة مستاءة جدا مني ,وتركتها في حالها .
وكان لابد ان افعل شيئا ، يا حليلك يا ام مازن اين انتي ايتها القيردونه .. ؟؟
وكانما الحظ اسعفني بشوية كده منه .. اذ وجدت امامي كرت اتصال . وكان لابد ان اتصل با ام مازن . واجابتني بت الكومبيوتر ان رصيد الكرت اثنين وثلاثون ريالا لا غير..
الو اما مازن .. ؟ شيري . حبيبة البي ، ازيك يا عسوله .. وينك انت
اسمعيني يا امراة بكل الفصول . اسمعي انت موش خطيبي الزفت داك ، كان بقول ليك كده ؟
فرضنا يعني كان بقول لي كده . هسع جنترتك هي القالت ليك تجيبي سيرة الزفت داك ؟
عايني بتعرفي حاجة عن المارس اقصد عن المريخ ؟
ليه شايفاني محمد ولد ؟؟ لا مريخ ولا موردة ..؟ انا بحب عرض الازياء وبرنامج نحن وانتو .
لا بتكلم جدا . قالوا ناس المريخ ديل جايين علينا اليوم ، وانتي عارفاني حلاوة مارس اصلو ماردتها ، وتاني شي ، عاملين لونهم البرتقالي البيجيب الاخلاق لي هنا دا ؟
عليك الله كيف عايزننا نريدهم ..
عندك فكرة انو الناس ديل مامرتاحين في بلدهم ولا عندهم مشاكل زينا كده ولا كهربتهم بتقطع ولا ناس ديمه مشتاكلين
يعني شمارات ، قصدي شمارات ، ماحصل وانت جنك تلفزيون ،وانت ماسكه الرموت كنترول لقطتي ليك قناة ببتث من المريخ ، ولا شفتي التوب تن بتاع اغانيهم لشهر يونيو ؟
ولا عرض ازياؤهم في قناة بي بي سي مارس ، اكيد طبعا عندهم قناة بالاسم دا ... ولا الجزيرة مارس ..
يعني معقولة ماجاك شمارهم ، انو الناس ديل جاييننا غايرين ولا زعلانين ..
لانو انا عندي مشروع عظيم فشلت اسويهم في الارض ، عشان كده اتبرعت بيهو لناس المريخ ، حتى يعفوا عني .. بش المشكلة لونهم الاحمر دا ، وقشرتهم البرتقاليه .
حد يمشي ليهو على ارض برتقاليه .. ايه الفلكبة دي ؟؟
قال ليك ديل حتى مويتهم لونها برتقاليه .. انت ماسمعت الاشعة فوق البرتقاليه ؟ دي ماجايه من عندهم ، لانو كتيرة عندهم قاموا صدروها لينا ..
المهم ياستي .ايه رأيك في مشروع ركشات في المريخ .. اصلو امجاد قالوا الايام دي زهجانه من الدفارات لانو ما ادتهم طريقة في الشغل .
عشان كده وانت الخبيرة بالمواصلات نقوم نحن نشتري الركشات لانها بقت رخص التراب ، ونصدرها كمشروع استثماري نساعد به سكان المريخ
اهي كلها يومين ونصل هناك .. ومنها نرتاح نحن من محادثات السلام الابت تنتهي دي .
وسمعتها تكورك لامها .
يا امي يا امي ، ياخي ماتجي تشوفي الزفت شيري دي ، عايزه تجنني معاها ..
وكل زيارة للمريخ وانتم بالف خير
الكلام الماخمج
قد نتخاصم وقد نلعننا
في غيرما ذنب
لكن حتما سنعود
اكثر محبة اذ كنا نملك
قلوبا من ماس وذهب
شيري بعد ان افرحها
تصالح اساسي ويا هشام
|
|
 
|
|
|
|
|
| العنوان |
الكاتب |
Date |
| التسوق من اجل حلاوة مارس قبل ناس المريـخ مايجوا | shiry | 08-28-03, 12:17 PM |
| Re: التسوق من اجل حلاوة مارس قبل ناس المريـخ مايجوا | shiry | 08-28-03, 12:21 PM |
| Re: التسوق من اجل حلاوة مارس قبل ناس المريـخ مايجوا | shiry | 08-28-03, 12:25 PM |
 Re: التسوق من اجل حلاوة مارس قبل ناس المريـخ مايجوا | اساسي | 08-29-03, 05:07 PM |
| Re: التسوق من اجل حلاوة مارس قبل ناس المريـخ مايجوا | HAMZA SULIMAN | 08-29-03, 06:40 PM |
| Re: التسوق من اجل حلاوة مارس قبل ناس المريـخ مايجوا | shiry | 09-04-03, 10:22 AM |
| Re: التسوق من اجل حلاوة مارس قبل ناس المريـخ مايجوا | hala guta | 08-29-03, 06:49 PM |
 Re: التسوق من اجل حلاوة مارس قبل ناس المريـخ مايجوا | HOPELESS | 08-30-03, 04:04 AM |
| Re: التسوق من اجل حلاوة مارس قبل ناس المريـخ مايجوا | nazar hussien | 08-30-03, 10:35 AM |
| Re: التسوق من اجل حلاوة مارس قبل ناس المريـخ مايجوا | shiry | 09-04-03, 10:38 AM |
| Re: التسوق من اجل حلاوة مارس قبل ناس المريـخ مايجوا | اسامة الخاتم | 08-30-03, 10:55 AM |
| Re: التسوق من اجل حلاوة مارس قبل ناس المريـخ مايجوا | ابو جهينة | 08-30-03, 11:43 AM |
 Re: التسوق من اجل حلاوة مارس قبل ناس المريـخ مايجوا | alfatih | 08-30-03, 12:29 PM |
| Re: التسوق من اجل حلاوة مارس قبل ناس المريـخ مايجوا | shiry | 09-04-03, 11:01 AM |
| Re: التسوق من اجل حلاوة مارس قبل ناس المريـخ مايجوا | اساسي | 11-17-03, 12:38 PM |
|
| |
shiry
فيس بوك
تويتر
انستقرام
يوتيوب
بنتيريست