..................الرجال من المريخ .. النساء من الزهرة..............

وينك يا زلمه ؟
بالغلط أمبارح عيني وقعت على قناة لبنانية ، برنامج اسمو (سيره وانفتحت) على ما أظن ، الخللاني أتابع أنو اتفاجأت بيهم أول مره يجيبو واحده محجبه في قناتهم أو -قناتهن- دي كان الموضوع عن الحياة الزوجية أو حاجه متعلقه بيها ، حضرت بكل أسف آخر 5 دقايق منو ، المهم المرا وأظن اسمها منى الصواف من السعوديه اقترحت انشاء هيئات أو جمعيات تسمى مراكز تحسين الزواج ، أو جمعية نجدة المتزوجين ، حاجه زي كدا
واقترحت أظن اسم جمعية تحسين مفهوم الزواج ، واتمنيت لو مرة واحدة في العمر أشوف كلام زي دا يطلع من خشم واحد أو واحده في القناة السودانية
بس كويس أهو طلع من خشم أخونا مكسب هنا والجماعه المسخنين البوست معاهو

يا ريت لو زول يشوف لينا لو احنا عايزين نعمل حاجه زي دي في السودان ، فكيف ممكن ؟ أو حتى في دول المهجر وتكون تابعة للأندية السودانية ، وتقوم بعمل محاضرات متواليه ، وليس شرطا أن نجلب لها متخصصين سودانيين ، بالعكس عايزين نستفيد من خبرات خارجيه ، وأظن البورد فيهو كم واحد مسؤولين في الأندية السودانية
ان شاء الله ما يعملو لينا أضان جلد