|
|
 جــــــدو معتصم .. فرحــة خاصة جداً
|
أعرف أن العمر بيجري وما كنت فاكر أن السنين بتجري كدا .. المهم مرت السنون وكبروا العيال وكبرت همومنا واختلفت اهتماماتنا وزادت التزاماتنا لا زلت أتذكر زواج والدتها شقيقتي كأنه أمس رغم طول المدة .. زي ما قال حسن عبدالوهاب وغنى وردي خلاس كبرتي وليك 19 سنة عمر الزهور عمر الغرام عمر المنى وأظنها كانت 17 سنة ولكن لجنة المصنفات وقتها أقرت بأن عمر الـ17 سنة صغير على الحب وها هي الآن تزف الأمورة الصغيرة (زوبة) إلى عرش مملكتها وقفصها الذي اختارته بيدها وشريك حياتها ومليكها زوبة الصغيرة ابنة التسعتاشر ربيع والتي كنت أراها تكبر أمامي اليوم عروس الفرحة تملأ جوانحها وصويحباته في كامل حلتهن سعيدات معها منتظرات فارس أحلامهن هن الأخريات ، إنها لحظات اجتمع فيها الفرح باللهفة لحظات ترقص فيها الدواخل وتزغرد ، جميل أن يكون لك أبناء أخوان وأخوات يكونوا قريبين منك تصاحبهم وتخاويهم جميل أن يتربوا على كلمة يا عم ويا خال كنت حين أسمعها أحس بأني أنا الخال أو العم الوحيد في الدنيا ، سرق مننا الزمن لحظة أن نكون بجوار من نحب وأخذتنا الغربة إلى أماكن الأحزان والحرمان أخذتنا وما تبقى من لهفة على الوطن والأهل أخذت لحظات جميلة من عمرنا وما أظنها ستعطينا شيئاً ..
ألف مبروك ( زنوبة ) ولك أن تعلمي مدى سعادتي وفرحتي بك ..
وسأغني مع أبو عركي ( معاااااااااك بكون الزمن أجمل ) ..
|
|
 
|
|
|
|
|
|
|
 Re: جــــــدو معتصم .. فرحــة خاصة جداً (Re: معتصم دفع الله)
|
Quote: نعس جرحي القديم وإرتاح ..
عرف رمش الليالي النوم ..
وغسل نبعك ملح دمعي ..
وإنزاح الضلام مهزوم .. |
يا سلام عليك يا معتصم....يا سلام
شكرا علي صوت عركي الحنون...شكرا
معك ومع كل الرائعون هنا يصبح الزمن بالتأكيد أجمل وأنضر...
معزتي
سحر
| |
|
|
|
|
|
|
|
|
 Re: جــــــدو معتصم .. فرحــة خاصة جداً (Re: Muna Khugali)
|
Quote: مبرووووك جـدو..
زول شمتان وخايف من كلمة حبوبه |
كيفك يا منى ..
والله أول حاجة فكرت فيها انتي ..
وقلت ياخ طالما منى بقت حبوبة يلا أنا كمان أبقى جِد وسجن سجن غرامة غرامة ..
العيال كبرونا الله يسعدهم ويهنيهم ..
ربنا يديك الصحة والعافية ودائماً في أفراح ..
محبتي ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: هاشم أحمد خلف الله)
|
| Quote: يا خال قصدي يا جدو |
والله يا هاشم الحاجة دي ما مسببة لي أي إحراج بالعكس أنا فرحان بيها شديد وفرحان بالمناسبة دي أكتر ..
زي ما انت عارف عمر الفرح عندنا قصير وطولنا ما فرحنا بي فرحة خاصة ..
عقبال ما نفرح بي أولادك ونشوفك جِد جد جد (حلوة موووش)
تسلم يا قريبي ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: أحمد الشايقي)
|
معتصم ..
الف مبروك لزوبا ، وكل الامنيات لها بالسعادة المقيمة ..
وعقبال صاحباتها ..
بمداخلتي دي ، أكون ثالث ( رجل ) يدخل ، والبقية كلهم بنات حلوات ظريفات ..
شفت الفرق بيننا وبينهم ؟ البنات بيدخلوا المحلات الفيها الفرح والسعادة ، وغيرهم ( عجاجتو في السماء ) ..
الله يخلي زوبة ويسعدها ..
ويخلي لنا بنات ( منبرنا ) الظريفات ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: Salah Abdulla)
|
الحبيب صلاح عبدالله كيفك يا صاحب ..
| Quote: بمداخلتي دي ، أكون ثالث ( رجل ) يدخل ، والبقية كلهم بنات حلوات ظريفات .. |
مقدرة يا أبوصلاح ..
ونحن بيكم نسعد وتكتمل فرحتنا ..
العجاجة والكتاحة دي خليها ساي مدورة مدورة ..
لكن بي كلامكم السمح والطاعم بتنطفي ويحل محلها نسيم عليل ..
ربنا يسعدك وعقبال ما نفرح بي أولادك ..
محبتي بلا حدود ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: walid taha)
|
ولي يا صديق ..
ليت كل الليال مقمرات وعلى ضوئها نعيش البهجة والأفراح ..
إنها ليلتي كما قالت أم كلثوم وعلى طريقتي عشتها وحدي في فراغ حزين ممدود بخيط رفيع من الفرحة والتي كنت أمني نفسي بحضور هذه المراسم ..
أدرك ذلك جيداً يا صاحبي ولكن عجلتي توقفت عن الدوران في محطة اللا وصول ..
ولكن ..
نفرح بفرح أحبتنا ونبتهج معهم ..
لك كل الأماني الطيبة ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: عماد محمود علي)
|
والله يا عمدة عليك جنس محن
معانا هنا قرايبنا وأولادهم أنا بمثابة الجِد لهم ..
ودائماً ما يقولوا لي جِدو معتصم وفي المناسبات الدهشة تلجم كل من لا يعرف العلاقة حين يسمعوهم ينادوني بها ومرات يقولوا ليهم يا أولاد ما تكبروا الزول دا لسه (سغير وجاهل) أها هسي يا صاحب بقت بالباب عديل وسيك سيك خلاس ..
تسلم يا صديق وعقبال ما نفرح بي أولادك ..
محبتي ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: ابو جهينة)
|
يا ريس أبوجهينة تعرف الإحساس الحاسيهو بالجِدودية دي احساس عظيم ..
وإحساس الفرحة أعظم ..
الزمن شايفنا وعامل عمايلو فينا
وأظنها بدأت تظهر هناك تجاعيد على القلب المنهك بالسفر في المجهول ..
ورحلة البحث عن مقر إقامة دائمة لا فيها أوراق هوية ولا جواز سفر ..
عقبال ما نفرح بي أولاد إن شاء الله ..
كل الحب ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: بهاء بكري)
|
| Quote: اها من الليلة نحن مع دفعتنا تامبا وشتات |
خلاس رميتو طوبتي يا بهاء ..
هسي شتات وتمبس ليهم كم يوم متحسسين مني وما قادرين يقولوها لي تجي هسي ترميها (بب) كده
ليك وحشة والله يا صديق ..
جمل الله دواخلك وأسعدك ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: معتصم دفع الله)
|
والله يا معتصم أنا لي زمن من اجتماعيات المنبر...
الليلة جيت لقيت منبر جديد ، ولقيت معتصم على مشارف الجدودية ، قلت متين معتصم بقى خال عشان يبقى جد ؟...
والله يا معتصم مبروك على زينوبة إنكإنت خالها ،،، ومبروك عليها العرس ، ومبروك عليها إنها تكون أول من يمنحك هذا الاللقب ... وبيت مال وعيال ..
سلم لي عليها ، وعلى كل الحبايب ...
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: ودقاسم)
|
يا سلاااااام يا خال جيتك دي بالدنيا ..
والله مشتاقين ليك كتير وللعيال سلامي لهم من على البعد ..
إنها زنوبة بنت شقيقتي ولك أن تعلم كمية حبي لها كبرت وأصبحت عروسة لذلك فرحتي بها أكبر ..
وعقبال ما نشوف فدوة وطلال وأخوانهم يرفلون بثوب السعادة والنعيم ..
ولك يا خال كل الحب والتقدير ..
محبتي ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: حاتم هاشم)
|
.
عزيزي معتصم
سلامات
الف مبروك لـ زنوبه
و أخوك مااااشي في دربك..لكن لسع ما وصل
بنت أختي تزوجت بنواحي شيكاغو في الصيف الماضي
سألت منها قبل يومين قالوا:
جمدت السـمـسـتر..عاوزة راحة (تاااامة)..
لاحظت بسمة محدثي عبر الهاتف..ففهمت أن لقبآ جديدآ (جدآ) ينتظرني..
لكن انت جاهل و سغير يا معتصم
شلاقة شفع ساي
مبروكين تلاتة زنوبة
.
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: الطيب بشير)
|
الطيب بشير كيفك يا قريبي ..
ما تعرف فرحتي بالجدودية دي كان قدر شنو ..
إحساسي بالمناسبة دي كان كبير وسعادتي بيها أكبر ..
يمكن الواحد عشان طول من الأفراح وبقت مرور المناسبات السعيدة وين وين ..
الغربة بقتنا (عبطة) يا قريبي ودخلت فينا أشياء كده ما معروفة ..
ربنا يسعد الجميع ونشوف جديد أولادك ..
| Quote: لكن انت جاهل و سغير يا معتصم |
بس البقنع تمبس وشتات منو
محبتي بلا حدود ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: معتصم دفع الله)
|
مبرووك معتصم .. امس وفي حالة تندر حيث اعيش التقيت ببعض من الصحاب والاسرة كبيرة وكان الحديث عن زواج فلان وزواج فلانة. ولدو هنا في غربتناوالان وكبرو وتزوجو .. والمشكلة في شخصي الذي ما زال يصر علي ان يراهم كما كانو فيناديهم بتصغيير لا سمائهم او تصيبه ضحكة وهو يراهم في الكوشة ...الغربة حرمتني والاف مثلي من ان نعيش ونري عشرات من افراد اسرنا ولدو وكبرو وتزوجو وانجبو ونحن ما زلنا نراهم في خانة" صورة لطفل رايناها مرة او طفل رايناه مرة "...
اتمني للعروس سعادة ما فيها اغتراب ...
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: abubakr)
|
سلام أخي الحبيب أبوبكر ..
رد الله غربتك وجعل أيامك كلها سعادة ..
كلامك في محلو والعيال كبرت وزي ما قلت لسه نحن بنشوفهم صغار نزجرهم حين يخطئون ونفرح لفرحهم ..
تعرف أولاد وبنات أخواني وأخواتي أعمارهم متقاربة وأنا مصاحبهم شديد وعلاقتي بيهم صداقة وليس عم وخال بس عشان كده بحبهم وبحبوني وحين أكون في السودان بقضي معهم معظم وقتي ولا يفارقوني في معظم مشاويري ..
ربنا يخلي ليك أولادك ونفرح بيهم معاك ..
محبتي بلا حدود ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: ناذر محمد الخليفة)
|
أولآ نبارك للأمورة زوبة وربنا يسعدها ويرزقها الألفة والموده والزرية
وثانيا ياخي الألقاب دي الناس بتكوسه بالقروش مالاقياها والأحساس ده أحساس
لايحسه إلا من تخلل أو تعمعم أو تجدد ولكل منها طعم خاص وكلنا دخلنا قبلك
وبعدها دخلنا الدنيا ورزقنا بقصى ونسأل الله لك أن يجعل لك الزوجة الصالحه
والزرية من البنين والبنات ولك أن تسعد إيما سعاده غالينا معتصم وأنت تسعد
من حولك بأبداعاتك الحلوه حلاوة قلمك المهياب ودمت،.
أبوقـ مجدي عبدالرحيم ـصى
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: bayan)
|
الله يبارك فيك يا دكتورة بيان ..
عقبال ما نفرح بأولادك ..
كلامك دا ضحكني شديييد وكان بقى على الهرش هييين ..
بعدين عمرنا دا كله نقضيهو متمحنين ؟
ما هي دي حال الدنيا الكنا بنسويهو ونحن صغار يجو الصغار بعدنا يسوهو ..
وبرضو نسعد لسعادتهم ونحزن لحزنهم ..
يديك ألف عافية يا دكتورة ..
محبتي وتقديري ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: sudania2000)
|
الاخ معتصم
اولا الف مبروك للبرنسيسه زوبا وربنايبارك فى زواجها الميمون
باذن الله,وعقبالك يا حبيب ,وحقيقة لقد كانت لكلمات وقع على شديد
حقيقة العيال بتكبر ونحن بتكبر احزانا مع الغربة ,نامل ان يرد الله غربة الجميع
ويتلم شمل جميع الاسر مع ابنائهم فى الغربة ونغنى:
جيناكم يا حبايبنا ....
بعد غربة وشوق نغالب فيهو ويغالبنا
ونكتم آهه..وتظهر آهه...وتتعبنا...
حنين لي شوفة الغاليين بدوبنا...
ومهما قلوبنا تتأوه ونتأوه سنين وسنين
مصيرو الحى يلاقى احبتو لو طيبين
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: عبدالمنعم خيرالله)
|
الله يبارك فيك يا منعم خيرالله وعقبال ما نفرح بيك انت كمان ..
وكانت علي برضو برداً وسلاماً ربنا يرد غربة الجميع ونعود لوطنا وأهلنا سالمين ..
وربنا يبعد عنك الأحزان ما تستسلم ليها يا صاحب خليك مع المحبين تسعد ..
وبرضو أبوالأمين بيقول ..
سماع أهلاً من الأحباب شروق آمال ..
ووصف البهجة بالكلمات محال إتقال ..
يحكي عن الولف أصلو الولف كتااال ..
شكري ومحبتي ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: مجدي عبدالرحيم فضل)
|
يا سلام عليك يا أبوقصي وعلى كلامك السمح وطاعم ..
ياخي خففت علي الكثير وأسعدتني ..
فعلاً الأحساس بالخؤولة والعمومة جميل ولو كان لنا أن ندفع مقابله لما ترددنا ..
الغربة عملت عمائله فينا وهددت شوقنا للوطن ولأهلنا وبعدتنا منهم ..
ربنا يخلي ليك قصي وأخوانه وعقبال ما نفرح بيهم ..
شكريُ ومحبتي ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: معتصم دفع الله)
|
| Quote: أعرف أن العمر بيجري وما كنت فاكر أن السنين بتجري كدا |
أنا مش قلت ليك الكلام ده قبل كده
يا داب عرفت
أوكى
أقعد بس كده لحدى ما تلقى الطيارة قامت
تانى إلا تمشى "كدارى"
مبروك يا حاج
وعقبال كده ما "نقطع البحر"
ونجى بى كامل عدتنا وعتادنا
ونرتاح منك ياخ
زهجتنا عديل كده
يعنى إنت مصر إلا تتم "العدة" و "العِدة" كلها
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: أبوذر بابكر)
|
جـــدو معتصم
ألف ألف مبروك لي زنــوبة .. بيت مال وعيال ..
نصحية من أخــو :
أبعد عن الســــــــهر ... وماتسوق السيارة بالليل .. والشاي أشربه من غير سكر ..
وأبعد عن ملح الطعام .. والزيوت .. والدهــــون ..
لأنــــو السن ليه أحكامـــــه ...
وإنته بقيت جــــــــد .
تحياتي الخالصة لك ..
خالد الأرباب
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: Khalid Saeed)
|
ما أنا زماااان قلت كده ..
شوفوا لينا سمكرة لي روحنا المحرقانا دي ..
ولا ودونا التشليح بيعونا إسبيرات كان تنفع ..
غايتو يا أرباب الواحد إلا يربط بطنه دي منكم ..
ياخي الضحك هسي كاتلني عدييييل كده ..
ولك كل التحايا وعقبال ما نفرح بي أولادك ..
محبتي ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: أبوذر بابكر)
|
شوف يا مطر كلامك انت وشتات دا هو المودر زمتنا ..
أقعدو لي بس كده لمن تغتسو حجرنا وتستريحو ..
قال عايز ينفك مننا أنا قبل كده ما قلت ليك البحر خلفك والعصابة أمامك ..
كلامي دا ما بقع واطــة شيل شيلتك بس ..
وحرم جدة قريبة بنصلة في ساعات ..
تسلم يا قريبي وعقبال ما نفرح بي آمنة وأخوانه ..
ونرجع سالمين تامين لأهلنا ووطنا ..
أرقد عافية ..
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: معتصم دفع الله)
|
ألف مبروك يا معتصم وألف مبروك لزوبة ووالديها، وعقبال تبقى جِدْ جَدْ جَدْ..
| Quote: سرق مننا الزمن لحظة أن نكون بجوار من نحب وأخذتنا الغربة إلى أماكن الأحزان والحرمان أخذتنا وما تبقى من لهفة على الوطن والأهل أخذت لحظات جميلة من عمرنا وما أظنها ستعطينا شيئاً .. |
برغم الذي ضاع يا معتصم إلا أننا نسأل الله أن تعطينا.. ومن خيرو ما قنعنا..
| |
|
|
|
|
|
|
|
|
 Re: جــــــدو معتصم .. فرحــة خاصة جداً (Re: Yasir Elsharif)
|
والله يا معتصم دي حركة لطيفة جدا كونك تبقى جد من بدري .. أو حار حار كدا..
لكن كدي امسكه بالواحد كدا ..
حجيت تحمد ربك
عمرته تحمد ربك ..
قاعد ( تحب ) الله شديد .. وريني شنو الما ببقيك جد ..
بعد كدا ح اجهز ليك التبروقه من دغشا بدري ..
زمان الواحد كان لما يحج إلا يتكلوهو تكيل .. حسع لقيتوهــا بااارده .. جدو معتصم .. وجدو صلاح .. وجدو سامر وجدو أيمن ..
رايت فرحة الخال والجد في صوتك .. وزغاريد الأهل . ودموع زينوبة العروسة بتحلف فيك شان تجي يوم واحد تحضر وترجع .. لكن اصلها عاملة كدا يا أبو الدفاع .. ما بتدري حريف
الف مبروك لزينب .. بيت مال وعيال
| |
|
|
|
|
|
|
|
|
|
Re: جــــــدو معتصم .. فرحــة خاصة جداً (Re: tmbis)
|
تعرف يا صاحب دموع زينب دي زادت عليّ الغربة مرتين ولكن مكتوب علينا كده نسوي شنو ..
وحكاية التبروقة دي ما ياها الباقية فينا هسي عليك الله حالنا دا بسر ..
وعليك الله بدل التبروقة الواحدة العايز تختها لي خليهم أتنين عشان الحال من بعض
عقبال ما نفرح بيك يا تامبا وتتلم على من تحب ..
ونشوفك كده عريس بي حريرتك وضريرتك ..
| |
|
|
|
|
|
|
| |
معتصم دفع الله
انعام عبد الحفيظ
Raja
هاشم أحمد خلف الله
Sahar Abdelrahman
salma subhi
نهال الطيب
Muna Khugali
غادة عبدالعزيز خالد
أحمد الشايقي
walid taha
محمد علي ياسين
ابو جهينة
ملكة سبأ
بهاء بكري
مهيرة
ودقاسم
essam&amal
الصادق خليفة
أبو الحسين
Mohamed Abdelgaleel
حاتم هاشم
الطيب بشير
abubakr
kamalabas
elsharief
رشا سالم
الجندرية
ناذر محمد الخليفة
مجدي عبدالرحيم فضل
bayan
عبدالمنعم خيرالله
عبد الحميد البرنس
حسام يوسف
عواطف ادريس اسماعيل
أبوذر بابكر
Khalid Saeed
يازولyazoalيازول
Yasir Elsharif
tmbis
فيس بوك
تويتر
انستقرام
يوتيوب
بنتيريست