|
Re: منتدى بورداب الرياض .. (Re: معتصم دفع الله)
|
خلاص ياشباب ، الاجتماع يوم الخميس يبدأ الساعة التاسعة والنصف ، وينتهي الحاديةعشرة والنصف كحد أقصى ،، ما عايزين قرقرة فاضية ،، والمسألة فيها دفع ، يعني ما يجينا واحد جيبو فاضي ويقول لينا بكرة وللا بعده ،، يا حبيب بلدو جهز الشقة ، واكتب لينا الوصف هنا ، ولأنك عزابي أنا بجيب معاي جردل حلو مر ، لو فوزية وافقت ،، أها يا جماعة خلكم قصّر معاكم ؟
| |
|
|
|
|
|
|
Re: منتدى بورداب الرياض .. (Re: معتصم دفع الله)
|
أنا جايي الساعة تسعة ونص بكون هناك ،، محمد الشيخ شتات تمبس معتصم وليد طه عبد الباقي الجيلي حمزاوي كان دايرين تمشو معاي تعالوا لي في البيت بعد التراويح ،، ما تعشموا في فطور ..
| |
|
|
|
|
|
|
Re: منتدى بورداب الرياض .. (Re: معتصم دفع الله)
|
دفعتي وشقيقي ودقاسم يا اخوي انت سايق تريلا ولا شنو ما شاء الله علي فكرة انا مخاصم صلاح شتات . . . . يا حبيب بلدو ما تنسى الشعيرية وارسالية خاصة لست الستات ملكة سبأ حبيب بلدو لا ذابح خروف ولا حاجة فول وشعيرية وزلابية من عند ادروب
| |
|
|
|
|
|
|
Re: منتدى بورداب الرياض .. (Re: Rawia)
|
Quote: حلوة حكايه الشعقيبه دى بالله ماتنسوا يا ناس الرياض بعدين فى لمتكم تلموا لى قروش شعقيبتى عاوزاهم بسرعه |
هسي يا رواية القروش دي يدوك ليها بالريال ولا الدولار ؟
رمضان كريم .. تصومي وتفطري على خير ..
| |
|
|
|
|
|
|
Re: منتدى بورداب الرياض .. (Re: حمزاوي)
|
أنا عايز تأكيد بالحضور أو إعتذار عن طريق الهاتف قبل مدة كافية وأي إعتذار بعد عصر يوم الخميس غير مقبول إطلاقا سأكون في إنتظاركم في الموعد ويا حمزاوي ما تشفق محضر ليكم عشا تمام (خمس نجوم)
| |
|
|
|
|
|
|
Re: منتدى بورداب الرياض .. (Re: معتصم دفع الله)
|
Quote: 1- النسيم شارع النخيل (حسان بن ثابت)متجه جنوب من طريق خريص 2 أول إشارة تلف يمين في شارع وهب بن عمير وتخلي مطعم الكروان على يمينك |
(حبيب بلدو شارع حسان بن ثابت ووهب بن عمير) هسع ده حديث والا بيت تكون داير تودر الجماعة ساكت وانا خايف يقول ليكم ولو غلبكم الوصف ارجعوا الى الشيخان وبعدين العم حمزاوى حا يعرف ده كله والمشكلة الكبيرة ساطور وفى اسناد صحيح ابوجهينة كمان ده مش رمضان؟؟؟؟ وبعدين ياود قاسم مع الحلومر جيب تمر(اكل ما شراب..لو سمحتم)اللهم انهم صائمون...
| |
|
|
|
|
|
|
Re: منتدى بورداب الرياض .. (Re: صديق الموج)
|
Quote: عدين ياود قاسم مع الحلومر جيب تمر(اكل ما شراب..لو سمحتم)اللهم انهم صائمون... |
صديق الموج ولا أقول ليك نجيب ليهم الاخضر رأيك شنو ؟
وبعدين هسي هو قاعد يعاين ليك ويعمل ليك في يده كده على وزن أصبر ؟
شفت الشماتة ..
| |
|
|
|
|
|
|
Re: منتدى بورداب الرياض .. (Re: حمزاوي)
|
صديق يا موج البحر رمضان كريم وكل سنة وأنت طيب والله فاقدينك في الرياض هنا وأقعد في الخرطوم محصلينك في نهاية رمضان الوصف أصلا يتوه وأنا عايزهم يتوهوا كلهم عشان أقوم بالعشا براي بس حمزاوي ما بيتوه ويمكن يصحح الوصف شوية ويلم الضهابا كلهم
| |
|
|
|
|
|
|
Re: منتدى بورداب الرياض .. (Re: معتصم دفع الله)
|
الأخت رووية (على وزن رجوية) ..
إنت ماطلعت من أهل العوض عديل كده ..
قلت في بوست غير هذا أننا (بورداب الرياض) سنمح العضوية الشرفية لرجاء العباسي .. كيتن علي عمنا صديق الموج بعد سفره .. وها نحن نمنح العضوية الفخرية لراوية العباسي .. برضو كيتن عليك يا عم ..
راوية .. ما هو القردود .. ؟
| |
|
|
|
|
|
|
Re: منتدى بورداب الرياض .. (Re: عبد الباقي الجيلي)
|
لو بإيدي كنت طوعت المحال ..
معليش يا بورداب بـ..ع..تـ..ذ..ر بشدة ما حا أقدر أحضر الإجتماع .. الله يلعن أبو الشغل ..
والعزوبية زاته ..
هسي عليكم الله العزوبية دخلها شنو هنا ؟
بخصوص الإجتماع عندي ثلاثة أشياء المرجو منكم مناقشتها ..
1- مناقشة فكرة المنتدى وإنطلاقته ..
2- إفطار رمضان ..
3- حفل إستقبال الأخ لؤي ..
وحاجة صغيرة كده .. تعيين مقرر للإجتماع وتسجيل كل ما يتمخض عنه لنقله هنا في هذا البوست ..
سلااااااااااااااااام .. تصوموا وتفطروا على خير ..
| |
|
|
|
|
|
|
|