|
Re: الإفطار السنوي لبورداب الرياض .. (Re: Nejmuddin Hassan)
|
القائمين على الأمر و المشاركين بالأمنيات و الحسد
ود قاسم وعدني بأنو ينشر خبر إني في الرياض و كانت نية العمره موجوده لكنني لم أستطع إليها سبيلا.
أنا ما بعرف أيي شيء في الرياض غير المكتب و السكن و ما عارف لو أديت الوصف الفوق دا لبتاع التاكسي ح يوصلني و لا شنو
عموما أنا عازم نفسي معاكم بس وروني أسهل طريقه للوصول.
و كل عام وأنتم بخير
| |
|
|
|
|
|
|
Re: الإفطار السنوي لبورداب الرياض .. (Re: معتصم دفع الله)
|
يا تمبس اعمل ليكم شنو إنت و معتصم و شتات ما عزمتوا أختي و راجلها فقلت أحسن أعزمهم أنا و زي ما إنت قلت الحالة واحدة و كلنا بورداب و لا شنو
إتخيل يا تمبز زي ما قلت رواء بتقولها ليك أنا لحسه ما شفت العسولة رواء، شفت الغربة بتعمل فينا شنو؟ بالمناسبة قالوا هي بتشبهني، لكن ما أظن أنا متأكده إني أحلى
أتمنى لكم إفطار و لمة ممتعة و جميلة و يا ريتني لو كنت معاكم.
| |
|
|
|
|
|
|
Re: الإفطار السنوي لبورداب الرياض .. (Re: Nada Amin)
|
يا ندى من اليوم نحن إعتبرناك عضوة من بورداب الرياض .. ولو ما قدرتي تجي أعملي توكيل .. اليوم محمد وشذى حاضرين معنا .. شفتي عزومتك عملت شنو ؟
Quote: إتخيل يا تمبز زي ما قلت رواء بتقولها ليك أنا لحسه ما شفت العسولة رواء، شفت الغربة بتعمل فينا شنو؟ بالمناسبة قالوا هي بتشبهني، لكن ما أظن أنا متأكده إني أحلى |
رواء دي عسولة عديل كده .. عندها معاي برنامج إسبوعي " رسم " لازم تجيب الكراسة بتاعتها وتقعد ترسم لي .. اليوم نصورها ليك وبكرة ننزله في المنبر .. أها قصرنا معاك ؟ ..
| |
|
|
|
|
|
|
Re: الإفطار السنوي لبورداب الرياض .. (Re: معتصم دفع الله)
|
نرحب بالعزيز مالك الجاك ، وحقيقة فكرت في إعلان وجوده في الرياض لولا أني تأكدت من عزمه على السفر لأداء العمرة ،، وقلت أمهله حتى يعود ،، وبما أن سفره قد تأجل فأهلا به وسهلا بيننا ، وليست هناك مشكلة في إمكانية وصوله إلينا لأننا سنأتي إليه في مكانه لنأخذه للاستراحة ،، ونرحب بمشاركة أسرة العزيزة ندى أمين ، ونقرّ بحقها في دعوة من تشاء ، فهي بيننا رغما عن تباعد المسافات ،، والشكر لراوية واهتمامها ومتابعتها وحرصها على أن يصل كل المشاركين ،، بس يا راوية لو عملتي لينا كنافة أو بسبوسة وجيتي شايلاها بتكوني ما قصرتي معانا ،،
| |
|
|
|
|
|
|
Re: الإفطار السنوي لبورداب الرياض .. (Re: معتصم دفع الله)
|
Quote: وليك الياسمين يالذيذ |
و الله انت الازا يا علاء يا رائع نلتقى قريبا اذا شاء المولى سلامى عبرك لكل من تحب و للصديق الجميل احمد سعيد( قرنفل) و رمضان كريم منتظرين الصور فى البوست التانى لك الياسمين كله .. الياسمين اللزيز
| |
|
|
|
|
|
|
|