|
|
|
 Re: عجب الفيا عريسا الف مبروك (Re: mohmmed said ahmed)
|
الشكر مجددا باسمي وباسم العروسة لكل الذين زفونا بالتهانئء والتبريكات
ونسال الله ان يتقبل دعواتهم ويجعل ايامهم كلها افراحا ،
وللذين توجوسوا خيفة من امثال مبدعنا محسن خالد اقول لهم لا تخافوا علي ، فمعي (الهام ) !!!
| |
 
|
|
|
|
|
|
|
|
Re: عجب الفيا عريسا الف مبروك (Re: Hozy)
|
الاستاذ عبدالمنعم عجب الفيا
حقيقة قصدت أن تأتي التهاني متأخرة .. فمن جهة أنا ودالبيت قت أدي الناس الفرصة شانوا يعبروا عن فرحتم ونغديهم تمام ونقدمهم وبعد داك نقعد في الصالون ونقول ليك مبروك مع عيالي وكمان نودعكم بعد مانوصيك تبقي عشرة علي بنت الناس وإنتا زولاً مابتتوصي ..والسبب التاني لتأخيري قتا أخلي البوست ينزل صفحة صفحتين كدي وأوم أرفعوا مرة تانية شان الناس الغايببن كمان يدخلو يهنو بعرسك اللي جمع كل الناس وحقيقة كان زي عرس الزين كل الناس فرحت..وشربت الشربات وكدي.. نسرين بتقول ليك مبروك وكمان أسيل وإسراء.. وبيت مال وعيال
| |
|
|
|
|
|
|
|
|
|
Re: عجب الفيا عريسا الف مبروك (Re: صلاح شعيب)
|
ياخوي شعيب أدخل لا جوا خلينا نبارك للعجب العريس
الأخ عجب الفيا
ألف مليون مبروك الزواج الميمون
وربنا يجعله زواجا مباركا وسعيدا والباقي كلو ساهل
تهانبنا للعروسة الجميلة مني ومن المدام
تخريمة:
ماشايف تربيزة القدح وألا مادايرين "خته"
مودتي
| |
|
|
|
|
|
|
|
|
|
Re: عجب الفيا عريسا الف مبروك (Re: mohmmed said ahmed)
|
شكرا لك استاذ محمد سيد احمد على هذه "البشاره" ..
ولو انى تأخرت كثيرا ..اذ منعنى من الاطلاله على البورد رمضان .. "وحاجات تانيه حاميانى" ..
لعزيزنا الاستاذ عبد المنعم وحرمه اجمل التهانى والتبريكات .. والتساهيل فى كل خطوه ..
" والعديل والزين "
تلكم العديله التى تقدمهما وتبراهما وتلف حولهما من كل الجوانب والجوانح ..
والزين .. " الفرح اليقيف لى حولو .."
" يا حنان الكريم طاريك
والفرح ال من الله يجيك ..يا حنان "
| |
|
|
|
|
|
|
|
|
|
Re: عيد سعيد (Re: mohmmed said ahmed)
|
باسمي وباسم العروسة الهام نهنيء كل الذين شاركونا فرحة الزواج ، بالعيد السعيد
ونسال الله ان يجعله الله عيدا بخيت وسعيد ويبدل الحال باحسن حال وان يفسح في ايام الجميع
| |
|
|
|
|
|
|
|
|
|
Re: عيد سعيد (Re: Agab Alfaya)
|
عزيزي عجب الفيا..
أرجو أن تغفر لي هذه التهنئة المتأخرة جدا..
ليس عندي من العذر ما يكفي، غير أني أرجو طيب خاطرك..
وأتمنى لكما حياة زوجية زاهرة، مخضرة، عذبة المدد من كل صوب..
وكمان "كل سنة وانتو طيبين"..
| |
|
|
|
|
|
|
|
|
|
Re: عجب الفيا عريسا الف مبروك (Re: Agab Alfaya)
|
الاخ الاديب و الناقد الأريب عجب الفيا
مليون تبريكات بهذا الحدث الضخم
هل اقول انه زواج " الشجعان " ؟؟؟
.....
......
نتوقع المزيد من الجهد " الابداعى " بعد هذا الاستقرار الروحى و النفسى .
واصل مسيرتك الثرة و لا تتوقف .. و أحصب " المعيقات " ب " طراوة " العش الزوجى الهانئ .
لك و لزوجك اطيب امنياتى .
| |
|
|
|
|
|
|
|
|
|
Re: عجب الفيا عريسا الف مبروك (Re: KOSTA)
|
اخونا العريس عجب الفيا
بالعديل والزين.. والعيد عيدين ..
وفرحة الوالدين
وزغروته ولمة..وطرحه وعمه
نزف تهانيننا الحاره .
وبيت مال وعيال .. وعقبال للبقيه
وكل سنه وانتم بالف خير
***
الحنين ابو قوته .. العيد مبارك عليك
علينا وعليك يتبارك .. العفو لله والرسول
**
تخريمه
المرهف اخونا ود اهلنا عبد المنعم سيد احمد
الشوق محنه.. كل عام وانت بالف خير
تحياتى عبرك للاهل والمدام وولى العهد
لكم كل الموده
| |
|
|
|
|
|
|
|
|
 Re: عجب الفيا عريسا الف مبروك (Re: soma)
|
Dear Muniem
So you have done it! Congratulation my friend
After you had left me a message, I called your number at least 4 times
NO answer and no voice mail to leave you a message
My greetings to Ilham with sincere wishes for the best
| |
|
|
|
|
|
|
| |
هشام هباني
على عمر على
بلدى يا حبوب
Ehab Eltayeb
Agab Alfaya
صلاح شعيب
عبدالماجد فرح يوسف
فارس موسى
Ahmed Daoud
دفع الله خطاب
Yaho_Zato
ثروت سوار الدهب
محمد النعمان
Marouf Sanad
خدر
wedzayneb
تراث
فيس بوك
تويتر
انستقرام
يوتيوب
بنتيريست