|
|
|
 Re: سعة الأخلاق في فتح الإستغلاق .. (Re: تيسير عووضة)
|
مقدمة لا بد منها:
سأقوم في هذا الكتاب بإستعراض كثير مما إستعلق في نفسي، وإستغلق على عقلي، ولما أجد له كافي التفسير، ولا وافي التبرير، بما يهدد إمامتي وعلمي،
ويعكر بحر سلامتي وفهمي، ويضعهما على محك الإختبار، وإعادة النظر والإعتبار، وهذا مما لا يرضي الأصدقاء، ويجلب شماتة الأعدقاء*
ــــــ
*حقوق الكلمة لأستاذنا حسن الدين بن موسى الباريسي
(أها دا ما بنقدر نغالطو  )
| |
 
|
|
|
|
|
|
|
|
Re: سعة الأخلاق في فتح الإستغلاق .. (Re: تيسير عووضة)
|
الباب الأول
أخبار الساسة والسياسة في بلاد السودان
وبه عدة فصول:
1. فصل التسويها بي إيدك
وشعب السودان أمة عرفت بالشلاقة والإستعجال وقصر النظر، فكان أن أخرجوا الفرنجة من ديارهم غير آسفين، تشيعهم اللعنات والأغاني الساخرة، ظانين آثمين أنهم الأقدر على حكم أنفسهم والأولى بإدارة خيرات البلاد وحسن الإنتفاع بها، ثم أثبتت الأيام والتجارب فداحة خطأهم وتسرعهم في المطالبة بما يسمى "حق تقرير المصير".
إستغلاق:
ما الحكمة الكامنة وراء إخراج الفرنجة من بلاد السودان؟
سأكتفي بطرح هذا السؤال وذلك أضعف الإيمان، على مابه من سلبية إلا أنها أفضل من إيجابية الدكتورة إحلام حسب الرسول التي طالبت علناً بإعادة حكم الإنقليز فتم إرسالها إلى السراي الصفراء السودانية والتي تعرف بـ التجاني الماحي ..
| |
|
|
|
|
|
|
|
|
 Re: سعة الأخلاق في فتح الإستغلاق .. (Re: تيسير عووضة)
|
ما الحكمة الكامنة وراء إخراج الفرنجة من بلاد السودان؟
لكي تكونوا مثل بني البشر لكم بلد ودولة وأشياء أخري يعلمهامن يعشق السودان ويعرف قيمة أنسانه وأهله ونيله الحياة
بئس الطرح !
أنتو أقتصاديين مش كدا
| |
|
|
|
|
|
|
|
|
 Re: سعة الأخلاق في فتح الإستغلاق .. (Re: تيسير عووضة)
|
Quote: كتابك الدور ده خطي بي قلم بوص..
يلحقنا وينجدنا جد المية |
مولانا الملك ..
يا ليتني لم أوتى كتابيه !
الكتاب دا عامل زي الصفارة بتاعة حلة البريستو (تنفيس لدرء الإنفجار)
يلحقنا الشيخ القارح 
Quote: رمضان كريم
وسلامتك
لعلك بخير كما نود ونتمنى كل الخير لكم |
تسلم وتعيش يا فقيري وتصوم وتفطر على خير
كل سنة وإنت طيب ..
| Quote: لكي تكونوا مثل بني البشر لكم بلد ودولة وأشياء أخري يعلمهامن يعشق السودان ويعرف قيمة أنسانه وأهله ونيله الحياة |
أبو الزهراء هدي أعصابك
أول كلمة في العنوان هي "سعة الأخلاق"
ونحن يا دوب إبتدينا
لو ما بتقدر عليها عفيناك
لعمري ما ضاقت بلادُ بأهلها ولكن أخلاق الرجال تضيق !
| |
|
|
|
|
|
|
|
|
|
Re: سعة الأخلاق في فتح الإستغلاق .. (Re: تيسير عووضة)
|
وفي ذلك كان يقول التني على لسان العطبراوي:
يا غريب يلا لي بلدك
لملم عددك
إنتهت مددك
وعلم السودان يكفي لي طردك
الآن
يقولها الأخ لأخيه في الإنسانية والوطن
كل زول شايف روحو سيد بلد والآخر غريب يستحق الطرد واقعياً أو معنوياً أو حتى إسفيرياً
حتى الحكومة ترى نفسها صاحبة أرض والشعب غريب فيقولها رسمياً والي الخرطوم (يا غريب يلا لي بلدك)
وألم السودان يكفي لي طردك !
| |
|
|
|
|
|
|
|
|
|
Re: سعة الأخلاق في فتح الإستغلاق .. (Re: تيسير عووضة)
|
ما الحكمة الكامنة وراء إخراج الفرنجة من بلاد السودان؟
سأكتفي بطرح هذا السؤال وذلك أضعف الإيمان، على مابه من سلبية إلا أنها أفضل من إيجابية الدكتورة إحلام حسب الرسول التي طالبت علناً بإعادة حكم الإنقليز فتم إرسالها إلى السراي الصفراء السودانية والتي تعرف بـ التجاني الماحي ..
>>>>>>>>>>>>>>>>>>>>>>>>>>
الموضوع ده ياتيسير انا عندي فيهو نظرية كالأتي :
منظمة الامم المتحدة تقوم بتقسيم دول العالم الثالث الى مجموعتين :
المجموعة الأولي : دول توضع تحت مراقبة واشراف من دول في العالم الأول لمدة تترواح بين 10 سنين الى 20 سنة
يعني دولة من العالم الأول تشرف وتراقب دولة واحدة او عدة دول من دول العالم الثالث
المجموعة الثانية : دول تتم خصصة الحكومات فيها بمعني وزراء خواجات عدييييل كده والابقاء على رئيس الدولة فقط كرمز للسيادة بدون صلاحيات
وبرضو الحكاية دي تستمر مابين 10 الى 20 سنة حسب تقييم الامم المتحدة
* بعد كده انا ما مسئول عن الامثلة ههههههههههههههههه
| |
|
|
|
|
|
|
|
|
|
Re: سعة الأخلاق في فتح الإستغلاق .. (Re: omer osman)
|
| Quote: سعة الأخلاق في فتح الإستغلاق .. |
وقليل من العولاق..
تخريمة :
غايتو انا شيتن ماغسني في مرقت الفرنجة غير عدم لحقان لبس الرداء وانت كبير ده مااااف..ياخ الأردية دي إختراع موبالغة وعن نفسي لحددي أسة أي مشوار بشوتو ليك بي الرداء زي الما حصل شي
| |
|
|
|
|
|
|
|
|
|
Re: سعة الأخلاق في فتح الإستغلاق .. (Re: Hani Arabi Mohamed)
|
رمضان كريم وبالمرة كدا عيد سعيد
تعرفي الاستعمار دا زي شركة النظافة
دخل لقى السودان خبوب
اشتغل فيهو تنظيف تمام وطلع خلاهو نظيف في كل شيئ
أخلاق نظيفة ونفوس نظيفة وعقول نظيفة ومدن نظيفة وشوارع نظيفة ولبس نظيف
لكن يا حسرة على العباد
| |
|
|
|
|
|
|
|
|
|
Re: سعة الأخلاق في فتح الإستغلاق .. (Re: حافظ انقابو)
|
Quote: وشعب السودان أمة عرفت بالشلاقة والإستعجال وقصر النظر،
فكان أن أخرجوا الفرنجة من ديارهم غير آسفين، تشيعهم اللعنات والأغاني الساخرة،
ظانين آثمين أنهم الأقدر على حكم أنفسهم والأولى بإدارة خيرات البلاد وحسن الإنتفاع بها،
ثم أثبتت الأيام والتجارب فداحة خطأهم وتسرعهم في المطالبة بما يسمى "حق تقرير المصير". |
تايسا البايسه
وصاحت وهى تجرى بالكمشة من المطبخ
وجدتها ..... وجدتها .. وجدتها ....
تانى لما يتعولقوا ويسالونا ماهو البديل؟
نقول لهم البديل هو عودة اهلنا الفرنجة لحكم اهل السودان .. بس !
شنو الحكمة فى انو يتعلموا الحجامة فى قفانا ؟؟؟ لانهم اهلنا ؟ وشنو يعنى ؟
الفرنجة ذوق وادب ...
شطارة وحظ ...
اخلاق وفتح استغلاق ....
هم البديل بعينه
زمن مافى للخمج ...
ــــــــــــــــــــــــــــــ
هسه يجوك ناطين بورداب الفرنجة ما يخلو ليك واحد تنظير
فى فوايد حكم اهلنا وتعديد مساوىء الفرنجة !!
طيب ياخ تعالوا ليهم انتو .. نحن نجضنا ... قلنا الرووووووب !
الفرنجة ديل انتو ماشيين ليهم لييه ؟؟
تعالوا ياخ ,,, هنا جارى الشى ,,,,,
| |
|
|
|
|
|
|
|
|
|
Re: سعة الأخلاق في فتح الإستغلاق .. (Re: خدر)
|
Quote: هسه يجوك ناطين بورداب الفرنجة ما يخلو ليك واحد تنظير
فى فوايد حكم اهلنا وتعديد مساوىء الفرنجة !!
طيب ياخ تعالوا ليهم انتو .. نحن نجضنا ... قلنا الرووووووب !
الفرنجة ديل انتو ماشيين ليهم لييه ؟؟
تعالوا ياخ ,,, هنا جارى الشى ,,,,, |
تيسير ...يديكى العافية.....افهمى كدى و فهمينا معاك.
دينا خالد....خافى الله. امريكا دى (بالذات) انتو ما مدينها فرصة. لو قالوا ليكم (ساى كده بالهظار ) سلموا رئيسكم للمحكمة الجنائية تقعدوا تقولوا تدخل فى شان داخلى....و دول الاستعلاء.... وما عارفه ايه تانى.
| |
|
|
|
|
|
|
|
|
|
Re: سعة الأخلاق في فتح الإستغلاق .. (Re: smart_ana2001)
|
الخير ..
| Quote: قلنا ليكم في العشرة الاواخر دي اتعبدو اتعبدو ساااااااي الكتابة ملحوقة |
نصوم ونتعبد؟
الإتنين؟
يا جنابو ..
Quote: الموضوع ده ياتيسير انا عندي فيهو نظرية كالأتي :
منظمة الامم المتحدة تقوم بتقسيم دول العالم الثالث الى مجموعتين :
المجموعة الأولي : دول توضع تحت مراقبة واشراف من دول في العالم الأول لمدة تترواح بين 10 سنين الى 20 سنة
يعني دولة من العالم الأول تشرف وتراقب دولة واحدة او عدة دول من دول العالم الثالث
المجموعة الثانية : دول تتم خصصة الحكومات فيها بمعني وزراء خواجات عدييييل كده والابقاء على رئيس الدولة فقط كرمز للسيادة بدون صلاحيات
وبرضو الحكاية دي تستمر مابين 10 الى 20 سنة حسب تقييم الامم المتحدة
* بعد كده انا ما مسئول عن الامثلة ههههههههههههههههه |
مالك عملتها زي كاس العالم ..
المجموعة الأولى دي ما ياهو الحاصل هسي بس بشكل غير معلن
أي دولة من دول "الإستكبار" كاشة ليها كم دولة من العالم الطيش قدامها وشايلة ليها عصا وجزرة
المجموعة التانية دي نالت إعجابي خالس
بس عندي تغيير بسيط بدل حكاية عمدة بدون أطيان دي
خصخصوا لينا رئيس الدولة زاتو ونديهو صلاحيات ما بيناتنا
سيادة بتاع فنيلتك يا بشة؟
يا عومر الفاروق ..
Quote: غايتو انا شيتن ماغسني في مرقت الفرنجة غير عدم لحقان لبس الرداء وانت كبير ده مااااف..ياخ الأردية دي إختراع موبالغة
وعن نفسي لحددي أسة أي مشوار بشوتو ليك بي الرداء زي الما حصل شي |
داك كان زمناً ماهل .. البوليس زاتو كان حايم بي ردا
أنا ما عارفة السودانيين ديل منو القال ليهم لبس الردا للرجال والبنطلون للنسوان من الموبقات !
الفرنجة لا يفوتوا لا يموتوا
هييييع (بالإنقليزي)
| |
|
|
|
|
|
|
|
|
|
Re: سعة الأخلاق في فتح الإستغلاق .. (Re: تيسير عووضة)
|
| Quote: لعمرى ماضاقت منابر بأهلها ولكن بوستات النساء تضيق!! |
تحسدوا الأعمى على طول عكازو يا دكتور
يا هاني ..
Quote: ويليه الشرح اليسير في الشر المستطير
بقلم تيسير بنت عووووضة ومن لف لفها من أصحاب الفيل |
يعيش يعيش اصحاب الفيل ومن لف لفهم
Quote: تعرفي الاستعمار دا زي شركة النظافة
دخل لقى السودان خبوب
اشتغل فيهو تنظيف تمام وطلع خلاهو نظيف في كل شيئ
أخلاق نظيفة ونفوس نظيفة وعقول نظيفة ومدن نظيفة وشوارع نظيفة ولبس نظيف
لكن يا حسرة على العباد |
يا حمد مرمي الله ما بترفع
وهسي بعد خمسون عاماً ونيف لسة شغالين بي تركة الإستعمار دا زاتو
تقول لي إستعمار!
قال ليهو والله كافرة أمك دي
Quote: غايتو البديتيه لينا بي مرقة الفرنجة اكيد ح تختميه بسيرة مليون سيدي الإمام
فللضمان كدا من اسي هاك :
بوست بائس :) |
لوووووووووووووولز حريف يا ود البشرى ..
قولك شنو لو عرفت إنو حديث المليون دا هو اللي ألهمني فكان هذا الكتاب
سيدك الإمام دا بالذات عندو فصل في باب أخبار الساسة والسياسيين وفصل في باب الصبر على المكاره والمحن
إنت بس شيل الصبر ..
| |
|
|
|
|
|
|
|
|
|
Re: سعة الأخلاق في فتح الإستغلاق .. (Re: تيسير عووضة)
|
Quote: | Quote: بقلم تيسير بنت عووووضة ومن لف لفها من أصحاب الفيل |
ما كنت قايلك معانا يا بنت عووضة |
هوي يا أنقابو أنا ما معاكم
لكن بشجعكم من المدرجات بس
إنتو لفوا وأنا بلف لفكم
دينا يا عسل ..
| Quote: شنو الحكمة فى انو يتعلموا الحجامة فى قفانا ؟؟؟ لانهم اهلنا ؟ وشنو يعنى ؟ |
وأريتو بعد دا كان إتعلموها
ما نابنا منهم غير تجريح القفا 
الحجامة دي شغلانية ما عندهم ليها عدة أساساً
Quote: الفرنجة ذوق وادب ...
شطارة وحظ ...
اخلاق وفتح استغلاق .... |
شدة وغسيل عدة
Quote: هسه يجوك ناطين بورداب الفرنجة ما يخلو ليك واحد تنظير
فى فوايد حكم اهلنا وتعديد مساوىء الفرنجة !!
طيب ياخ تعالوا ليهم انتو .. نحن نجضنا ... قلنا الرووووووب !
الفرنجة ديل انتو ماشيين ليهم لييه ؟؟
تعالوا ياخ ,,, هنا جارى الشى ,,,,, |
أجي يا بت أمي
بورداب الفرنجة علاقتهم شنو بالحاصل دا؟
حسب نظرية يا غريب يلا لي بلدك
بورداب الفرنجة ديل تحديداً ما يفتحوا خشمهم
قاعدين ضاربين الترطيبة ونفدوا بجلودهم
مجرد تضامنهم مع الجاري شيهم بالداخل
ومطالبتهم بإسقاط النظام وتحرير البلاد والعباد يعتبر تدخلاً في شئون السودان الداخلية
بل قيل لهم عديل في شأن الثورة وأهدافها: الفول فولي زرعته وحدي وسأحصده وحدي وآكله وحدي
قولي معاي يا بت يا دندون: الفرنجة يا يمة فرنجة الهنا والسرور
والما بتلحقو جدعو
| |
|
|
|
|
|
|
|
|
|
Re: سعة الأخلاق في فتح الإستغلاق .. (Re: تيسير عووضة)
|
Quote: تايسا
أخيراً تيسير تفتح حلة البريستو
لتكون طبختها لماذا خرج الفرنجة |
يا معروف قال ليك التاجر كان فلس بيمشي يراجع دفاترو القديمة
ومع ذلك:
الطبخة ما "لماذا خرج الفرنجة"
دي يا دوب صوت الصفارة
الطبخة لسة
Quote: الكلام ده ما صاح بنوب تئبريني :)
راجعي كتابات الشوام في الشعر و القصو - مثلا - تجليات جفراء 1999 - 2000 |
معلوم خيو معلوم
منشان هيك كتبنا السطر يللي تحتو
| Quote: تيسير ...يديكى العافية.....افهمى كدى و فهمينا معاك |
يا سمارتيز ..
الداير فهم كتير
خليك معنا النشوف آخرتا
| |
|
|
|
|
|
|
|
|
 Re: سعة الأخلاق في فتح الإستغلاق .. (Re: وليد محمد المبارك)
|
Quote: حسب نظرية يا غريب يلا لي بلدك
بورداب الفرنجة ديل تحديداً ما يفتحوا خشمهم
قاعدين ضاربين الترطيبة ونفدوا بجلودهم
مجرد تضامنهم مع الجاري شيهم بالداخل
ومطالبتهم بإسقاط النظام وتحرير البلاد والعباد يعتبر تدخلاً في شئون السودان الداخلية
بل قيل لهم عديل في شأن الثورة وأهدافها: الفول فولي زرعته وحدي وسأحصده وحدي وآكله وحدي
|
والله يا تيسير ديل أكتر ناس محننني ..
كل ما فتحوا خشمهم فى السايبر ..هاك يا شتائم وإساءات ليهم .
حتى الجرسة فى السايبر مستكثرنها عليهم .
بقت عليهم بس :غربة وخراب ديار .
| |
|
|
|
|
|
|
| |
تيسير عووضة
محمد على طه الملك
Asim Fageary
زهير عثمان حمد
الخير محمد عوض
omer osman
عمر الفاروق
Hani Arabi Mohamed
حمد عبد الغفار عمر
محمد البشرى الخضر
حافظ انقابو
دينا خالد
معروف حمدين
خدر
smart_ana2001
محمد حيدر المشرف
هشام المجمر
فيس بوك
تويتر
انستقرام
يوتيوب
بنتيريست