|
|
|
 Re: حتى الطيف رحل خلاني ما طيّب لي خاطر .. ياااا محمد كرم الله (Re: عبداللطيف حسن علي)
|
يا عبد اللطيف البركة في فننا الجميل
لكن الفاتوا ما بيتعوضوا
Quote: اها ياتيسير قولي للموت يقدر يشيل اللحن والاداء
في الاغنية الاثيرة دي !! |
ما يقدرش!
أو كما قال الحلفاوي في النكتة الشهيرة ..
ربلاي أبدي .. بالضبط كدا
لدرجة لا أستطيع سماعها غير بصوت كرم الله وبالطنبور تحديداً
أي محاولات للتهجم على هذا الطنبور بأورقن أو ماشابه بيحصل ليها رجكشن فوري
وردي همسلف "حاول" يغنيها بالعود غلبني أتمها
أما هادم اللذات دا بس اسكت خلي
نحن بنقول داقس وأشتر "وحاجات تانية حامياني"
لكن تحت تحت سميع وعزااال
هد حيلنا من بداية السنة دي ياخ !
| |
 
|
|
|
|
|
|
|
 Re: حتى الطيف رحل خلاني ما طيّب لي خاطر .. ياااا محمد كرم الله (Re: عبدالله الشقليني)
|
العوض المسلمي
رحل فناننا تبراه محبات قلوبنا والدعوات ..
أستاذنا العزيز شقليني ..
كتابة تبرد القلب
وتساؤل حزين: لماذا الرحيل الجماعي؟
بهم وبإبداعاتهم كنا نستمد المقدرة على الإحتمال
كأني بهم يقولون بلسان واحد "بعد دا اكلوا ناركم"
وبيني وبينك .. ما آلت إليه حال البلد لا يغري من هو مثلهم بالتمسك أو حتى التماسك!
Quote: إن الرحيل الجماعي قد ترك الغِربان تعشش وتستريح و تنعق في بيوت الوطن وأطرافه في الأرياف وفي أشباه المدائن . غابت الأيادي الطيبة و غاب خُلُق التَسامُح والفأل.كأن الضروع قد جفّ عنها الحليب.
عبثَ الذين يحبون الحروب ويقتاتون من شرِّها ، حين تلاعبوا بمصائر البلاد وشعوبها واستلذوا بعذابات أهلها.كسروا منابت الأرزاق واستباحوا الخطوط الحُمر.إن هنالك أكثر من رسالة غامضة تقول إن الوطن يمُر بمحنة أكبر من السكوت عليها . |
| |
|
|
|
|
|
|
|
|
|
Re: حتى الطيف رحل خلاني ما طيّب لي خاطر .. ياااا محمد كرم الله (Re: تيسير عووضة)
|
سر غرامك فينا كامن شوق العين شال منامها
ثغرك الدر المنضد منو حيتنا ابتسامة
النسيم غازل ضفايرك بعثرها وغير نظامها
الخدود أداها طلة رشن الندى كالغمامة
القوام فاتن مكمل مافى فى أمثاله قامة
والنغيم لهجه المعطر خمرة الحب للندامة
الصدير هودج وراحل مافى للعشاق سلامة
والضمير الواهى فتر لى قلوبنا وزاد هيامه
فى خطاك لحن المشاعر وبهجة الحب يا مدامة
حكمة الريل طبعه نافر ما عليكم تب ملامة
فى الجمال أول وآخر والنفوس هيج غرامة
للوداع أنا مانى قادر الا برضو مع السلامة
الله الله يا تايسا ياخي
ما لهذا الحزن يطبق علينا
مال الجميلين يرحلون عنا
الف رحمه ونور على قبره
تقبله الله قبولا حسنا
| |
|
|
|
|
|
|
|
|
|
Re: حتى الطيف رحل خلاني ما طيّب لي خاطر .. ياااا محمد كرم الله (Re: احلام وهبي)
|
إبقى أنا ما ألم فيك تاني
مين عارف المصائر؟؟
رحمك الله أيها البلبل الصادح..
إنه الصوت الذي أدار أعناقنا صوب أغنية الدليب
صوت ملئ بالشجن غناء ملئ بالقيم الجمالية..
يحزنني رحيلك أيها المبدع..
زميلنا بدر الدين أحمد موسى عندو بوست مسميه
| Quote: يا جماعة ليه بس الشيوعيين قاعدين يموتوا...... هل هناك تفسير? |
لكن أنا شايفو مركز على الشايقية أبّان كلامن طاعم..
أستغقر الله العظيم
إنا لله وإنا إليه راجعون
| |
|
|
|
|
|
|
|
|
|
Re: حتى الطيف رحل خلاني ما طيّب لي خاطر .. ياااا محمد كرم الله (Re: أمير عثمان)
|
فليرحم الله أهل السودان من هذا الحزن المتوالي..
حزن الحياة اليومية وحزنهم على رحيل أوتاد وجدانهم الذي عاشوا به
منتصرين على دقائق الظروف وكافة تصاريف القدر.
كامل التعازي لك يا تيسير ولكافة محبي المغني الجميل محمد كرم الله،
وتعازي لصديقي عصام عبد الحفيظ الذي ما فتئت الدنيا توجعه بضراوة
في شهورها الماضية.
ربنا يعوضنا ويخفف عننا مرارة الإفتقاد ولوعة الغياب.
| |
|
|
|
|
|
|
| |
تيسير عووضة
معاوية المدير
عبداللطيف حسن علي
ابو جهينة
أحلام إسماعيل حسن
الامين موسى البشاري
Abdlaziz Eisa
mekki
Ahmed al Qurashi
العوض المسلمي
عبدالله الشقليني
طارق جبريل
محمد المرتضى حامد
Mahmoud Mustafa Mahmoud
Yasir Aloob
احلام وهبي
خالد عبد الله محمود
أسامة عبد الجليل
أمير عثمان
طلال عفيفي
Omer Abdalla Omer
حسين نوباتيا
فيس بوك
تويتر
انستقرام
يوتيوب
بنتيريست