براي والناس وراي دا يا برنسة النوع الويكيبيديا العامل فيها مرجع لكل شاردة وواردة عندو مداخلة لكل بوست وبوست لكل مداخلة النوع دا الأنا بتاعتو بتكون وارمة زي الهنبوكة وعرضة للطرشقة بي أقرب دبوس منطق مصدراً فرقعة عالية
النوع اللي لمن تقري ليهو مداخلة بتشمي ريحة كركار كركار
الحالتين ديل وصلو مرحلة لقيط الورق والوقوف جنب الصوانى ...صح? ..بقى ما اختصاصنا الحالتين ديل وصلو مرحلة لقيط الورق والوقوف جنب الصوانى ...صح? ..بقى ما اختصاصنا
____________ فعلا انت محقة يا اميرة، هم اختصاص هيئة شؤون المغتربين و سعد قشرة ... بس هذا لا يمنع .. حقو نحتفي بيهم كونها اصدقاء للبيئة و بينظمو المرور ... انظري للجزء الممتلئ من الكوب ... قبل فترة زي يومين أو قبل سنتين أو يمكن بكرة شوف عيني في الوردية المصابين شايلين الدكاترة في النقالات وناس الزيارة جارين ساكين ناس البوليص و عيييييييييييييك
03-15-2011, 01:13 PM
تيسير عووضة
تيسير عووضة
تاريخ التسجيل: 12-20-2005
مجموع المشاركات: 7136
براي والناس وراي دا يا برنسة النوع الويكيبيديا العامل فيها مرجع لكل شاردة وواردة عندو مداخلة لكل بوست وبوست لكل مداخلة النوع دا الأنا بتاعتو بتكون وارمة زي الهنبوكة وعرضة للطرشقة بي أقرب دبوس منطق مصدراً فرقعة عالية
النوع اللي لمن تقري ليهو مداخلة بتشمي ريحة كركار كركار ___________________________________________________________-
بتوعين الويكيبيديا وريحة الكركار ديل ما بتلمو يا تيسير ما تخمونا ياخ ..... يخيل بتوعين البتاعة الاولى اخف قدر من ريحة الكركار و ممكن تتطلع منهم بحاجة ووممكن ما يأذوك .. لكن الاخيرين الركزت عليهم عزوز ديل ممكن يفطسوك عدييييييييييل
03-16-2011, 07:45 AM
تيسير عووضة
تيسير عووضة
تاريخ التسجيل: 12-20-2005
مجموع المشاركات: 7136
Quote: النوع المتأمل الغارق في ملكوت الله اللي لمن يفتح خشمو ويفكر بصوت عالي ويربط بين الأشياء ويتساءل أسئلة على شاكلة: ليه في سندباد و مافي هندباد؟ مع إنو فى جوز هند بس مافي جوز سند! وطالما في جوز هند ليه مافي تلاتة هند و ليه في شهرزاد بس مافي اسبوع نقص و ليه في باكستاني و مافي باكستالت ولا رابع؟؟
وصيتنا للنوع ده يا تيسير:
لابد من جامايكا و إن طال السفـــــــر فـ (الكايّا ) لا تتوفر لدينا.
الكركار و الوكيبيديا بتلمو لو النفوس اتطايبت يا اميرة يا بتي ... وشوف عيني النفوس متطايبة لمن بقو نسابة عديل لووولز (وقامت برسم قلبين شاقيهم سهم و قطرتين دم) حديث الكركار ملغم يا تايسا و أميرة ... وفي الخاطر أيضا الكتابة ام ملاحق و توضيحات كتابة ناس (بنعرف الذوق ,ومستوانا فوق .. اسكيلنا عالي ,ومهرنا غالي ) وذلك شأن آخر سنتطرق له ملحق ملحق .. زنقة زنقة.. حليفة حليفة في وقت آخر وفي العمر متسع لتفكيك أمر كل القذافين من حولنا ... المهم الآن .. ألا نسكت كي لا يحق فينا قول (اتقنا الصمت فحملونا وزر النوايا) إلى الأمام .. ثورة ثورة ...
في أمر الوكيبيديا- الكركار: ثعبان اللغة الماكر التف على الكثيرين، وأوهم آخرين بأن تحت القبة فكي وأوهم الكركار زات نفسو انو ليس محض دهن مسيّح ... وكل مافي الأمر خطأ جسيم في تقدير النفس حق قدرها (+) حسن ظن قراء .. المهم برطمانية الكركار تتمتع بقدرة (ما شوية at all ) على قولة ود صاحبتي على ايراد كم هائل من مفردات رصت بعناية طلبة متدين ببني في مسيد... ولا يختلف مضمونها ان قرأت من اليمين إلى الشمال أو من أعلى لأسفل، و غالبا ما تختم المسرحية اللغوية بصادق الدعوات بالنصرة على الزمن، و سؤال ينذر بأن وارء الأكمة ما ورائها وهي سئيلي الله- وان شاء الله قهوتي دي تبرد و تلفوني يقطع بطارية - ما وراها التكتح عاد بس الله غالب و الأكمة في حقيقة الأمر غواية لم تكتمل فصولها أو لنقل لم تختم كما ينبغي أو كما قُدر لها بس هووووي وتاني هووووي! من انتم؟ من انتم؟
--و سكتت شهرزاد عن الكلام غير المباح
03-16-2011, 09:36 AM
Sana Khalid
Sana Khalid
تاريخ التسجيل: 02-01-2005
مجموع المشاركات: 2740
الويكيبيديا X الكركار الأيديلوجياX الويكليكس الليبرالى X كمبو كديس
Quote: (بنعرف الذوق ,ومستوانا فوق .. اسكيلنا عالي ,ومهرنا غالي )
وإنت كان عاجباك روحك نحن برضو العزة فينا,,
Quote: ايراد كم هائل من مفردات رصت بعناية طلبة متدين ببني في مسيد... ولا يختلف مضمونها ان قرأت من اليمين إلى الشمال أو من أعلى لأسفل،
لاحول ولا قوة إلا بالله,,
Quote: من انتم؟ من انتم؟
ومن أين جئتم
Quote: سئيلي الله-!
دى بتاعة نوتة ولا أنا غلطان!!! وهنا لا يفوتنى مرة أخرى أن اشكر الأخ عزاز على هذه الوجوه الضاحكة المتقافزة المتناططة التى كان هو أول من أحضرها هنا وله براءة ذلك وقصب السبق دون منازع وبعدها إنتشرت ثقافة الضحك مع النطيط,,
أعفى لى ياخ,,
وكان داير وشوشك برجعا ليك,, والله لا وقعنى فى دربك ياخ,, Damage Control 1000(@-@)
>.<
03-16-2011, 12:23 PM
Sana Khalid
Sana Khalid
تاريخ التسجيل: 02-01-2005
مجموع المشاركات: 2740
أريتم يجوا بي جاي أماني الأيام دي رافعة القزاز وهدير أظنها بتولع ليها في راكوبة تانية
هواري
Quote: لابد من جامايكا و إن طال السفـــــــر فـ (الكايّا ) لا تتوفر لدينا.
جماعتك ديل مع الفرع المستطيلات الحاتفتحو لينا أميرة دخلتك من الباب تلاقيك صورة بوب مارلي وش
عزاز ..
Quote: و توضيحات كتابة ناس (بنعرف الذوق ,ومستوانا فوق .. اسكيلنا عالي ,ومهرنا غالي ) وذلك شأن آخر سنتطرق له ملحق ملحق .. زنقة زنقة.. حليفة حليفة في وقت آخر وفي العمر متسع لتفكيك أمر كل القذافين من حولنا ... المهم الآن .. ألا نسكت كي لا يحق فينا قول (اتقنا الصمت فحملونا وزر النوايا) إلى الأمام .. ثورة ثورة ...
بالله ركزي لينا مع ناس حليفة حليفة ديل وكتّري من ناس أنا المجد
سنو إنتي وين من الصباح أنا أمي حمّتني مرتيييين .. قعمزي قعمزي
أم الوليد نزيلة مين؟ هنا كلنا دكاترة بس
أيمن يا باشتمرجي امنع الشغب
03-16-2011, 01:11 PM
Sana Khalid
Sana Khalid
تاريخ التسجيل: 02-01-2005
مجموع المشاركات: 2740
يا شباب هوي ممنوع جيب سيرة العقيد هنا بدون اذن اخدر رسمي .. حقوق فكرية ؤ كدا ح نجي نطهر البوست دا من الصحراء للصحراء .. بيت بيت .. زنقة زنقة .. شبر شبر امس كمان جابت ليها - بعد حيطة حيطة - كمان دولاب دولاب ذاتو
مشتاقين يا شباب " عنبر المجنونات " كووووووووولكم بدون فرز
صدق اللقال : المجانين في نعيم
03-16-2011, 02:05 PM
ناصر احمد الامين
ناصر احمد الامين
تاريخ التسجيل: 03-29-2009
مجموع المشاركات: 2913
Quote: Quote: سئيلي الله-! دى بتاعة نوتة ولا أنا غلطان!!!
يا ايمن .. سئيلي الله دي النصيحة سمعتها من عمدة اللي هو عمك شنبو، وفي الاثنين خير كثير و كليهما اولاد بلد و دخريين. أما في أمر الضحكات النقّازة، فحلال و بلال عليك انا البيهمني في الفترة الحالية هو الجري و الطيران وهذا أمر آخر نعود له بعد ما نسيّح الكركار ونحدد اماكن السلوك العريانة ونلبس الموية الحفيانة شبط أخضر
Quote: و دا كلو كوم و قروب (المخاليع) دا كوم تاني. النوع البتلقاهو دايما منطط عينيهو و فاتح خشمو داك في الفاضيه والمليانة. و دا خطورتو انو ممكن يضارب !!
حولاااا... ءءءءءءءء (الصوت الغامض داك بتاع ايوه ايوه فاهمك فاهمك ) نوع للمخاليع ده نوع كأأأب بيــأوقك بيديك في الانكل و يشيل الباقي
_______________
اوعي ايدك من الماوس! الفقرة القادمة عن الناس الحُــنااااان الشفيفة تايسا ... المايك معاك
03-16-2011, 06:49 PM
تيسير عووضة
تيسير عووضة
تاريخ التسجيل: 12-20-2005
مجموع المشاركات: 7136
ناسنا الحنان ديل الزيهم منو يا عزوز حنااااان آي لكن على روحهم بس شفتوا آية أشداء على الكفار رحماء بينهم بس ياها باقية عليهم ما بيرضوا في بعضهم نهائي وينطبق عليهم حرفياً المثل التايلندي "أنا وأخوي على ابن عمي وأنا وابن عمي على الغريب" شداد ولضاض وأي شي بيقعدوهو في محلو فهم أسياد الشي زاتا ولا غرو لكن عندهم مشكلة كبيرة في الأوضة الجوانية في نفوسهم الحذر ثم الحذر من محاولة هبيش السلوك العريانة معاهم أو محاولة الدخول لتلك الأوضة بدون إذنهم ساعتها سينقلبوا إلى كائنات متوحشة وممكن تعوق في أي لحظة في سلوك مباغت وغريب الحركة دي بتخلي الناس البتعاملوا معاهم بحسن نية (تقرأ رواشة أحياناً) يتخلعوا ويتساءلوا في قرارة أنفسهم بإستغراب الزول دا مالو؟
أقرب تفسير لهذه الحالة بحسب حسن صامولة الميكانيكي جارنا إنو فلان دا عندو (كك) في مخو ..
03-17-2011, 03:48 AM
Sana Khalid
Sana Khalid
تاريخ التسجيل: 02-01-2005
مجموع المشاركات: 2740
Quote: يا سنوية اتداعي تداعيك ... التأمين علوية شداد
يا عزنا و الله التأمين من يومو علوية شداد.. لكن البذار لزومو شنو؟ ما تدفعي للبيصلك براه لحدي عندك فور فري.. و أحياناً ملفوف بورق سلوفان.. النوع البيقعد يفرك في يدينو و (يا المارقوت ليك يوم) و يخزن في الألعاب النارية و يمني نفسو بحفلة كاربة دا ..بيدفع كل الفواتير براااه
Quote: حلاة الأستاذة قمر بوبا بالتوب الأبيض والصلعة والسجارة حلااااتا. أما تايفور , فمتبرعة ليو بدستة شعر مستعار مختلف الألوان يرحمنا من تِفتو دى شوية.
يشهد الله ياندى انك حريفة ..دى ملقوطة من بوست الاعتذار اياهو ..... غايتو لو ابصلعة سلمنا مفاتيح السراى دى ليومين بسسسسسسس والله يكون ما قصر معانا ومن اسى نرشح عزاز لاستلام المفاتيح .. والسيرة بشلة الكركار والصبحية بشلة حصلونى دقونونى ومافىفيكم زول بغيث المظلوم يا ناس السراى اما الباقى حمدو فى بطنو ..
_______________________________________ والله ياجماعة غياب مامقصود لكن اهو نحن اهل الوجعة جينا .
والله يا شباب فى كوتة ناس حنان نزلت جديدة لنج ..ماعارفة مرت عليكم ولا لا..لكن موبااالغة... سؤال .... هنا روابط وكوتيشنات ما معانا صح??? لكن النصيحة لله الحنان الجديد دا يستاهل تتعرفو عليه ..والله مسكت روحى يا الله من معركة معاهو ولو دا حصل كان بقت على البقت على تيسير..... ومعيار ما يحلنى ,,لانو ناس ياعسل وياسكر مايدوك فرقة تفشى مغستك ..
اها قلتو لى لصيق روابط نهىىىىىىىىىى ..طيب والحل
(عدل بواسطة Amira Elsheikh on 03-20-2011, 10:22 AM)
03-20-2011, 10:05 AM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
بوست كعب ..ينم عن حقد دفين ومحاولة الشماتة في أقرب ملف وبما انو الناس شغالة بسيستم خوة لستك فغالبا الترخيص الجديد حنعمله بإستمارة أصلية تحمل إسم حقيقي وبائن وبروفايل بفلاش متحرك صلعات وسيجارات وصور من مختلف الأوراق الرسمية من شهادة ميلاد والبكلاريوس بمرتبة الشرف ..كما ننوه للذين يرسلون المسجات ليلا ويسألون الاستاذة نامت ولا صاحية انني سأفتهم مسج مسج، مسنجر مسنجر ،استاتيوس استاتيوس ، لايك لايك.ولا عدوان الا علي الظالمين،واللهم اجرنا في مصيبتنا وابدلنا خيرا منها وكله من حمور.
Quote: بوست كعب ..ينم عن حقد دفين ومحاولة الشماتة في أقرب ملف وبما انو الناس شغالة بسيستم خوة لستك فغالبا الترخيص الجديد حنعمله بإستمارة أصلية تحمل إسم حقيقي وبائن وبروفايل بفلاش متحرك صلعات وسيجارات وصور من مختلف الأوراق الرسمية من شهادة ميلاد والبكلاريوس بمرتبة الشرف ..كما ننوه للذين يرسلون المسجات ليلا ويسألون الاستاذة نامت ولا صاحية انني سأفتهم مسج مسج، مسنجر مسنجر ،استاتيوس استاتيوس ، لايك لايك.ولا عدوان الا علي الظالمين،واللهم اجرنا في مصيبتنا وابدلنا خيرا منها وكله من حمور.
يبدو الاستاذة قمر بدت البوست من الصفحة التانية او من مداخلة ندى(الغياظة) واعتقد هناك تار بايت بين ندى والاستاذة عاوزين يصفو لينا هنا ,,,,
غايتو ايمن بالغ فى المسج ..والله حلفتو يا استاذة بانو مايزعجك .لكن تقولى شنو؟
03-20-2011, 11:44 AM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
والحل أيضا الإسراع فى إيجاد حلول معقولة لأخوتنا وأخواتنا فى الإنسانية أصحاب متلازمة الF.H.S (FHS Syndrome ) والعودة للمقترح القديم بإفتتاح عنبر كامل التجهيز والمستلزمات برعاية من تختارونه ومن تأنسون فيه الكفاءة المطلوبة...
الحلول كتيرة بس إنتو قولو خير,,
03-20-2011, 12:06 PM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
لأ...معانا انتو وكت ما قادرين تكلموا الشغلة بادنها ليه؟؟اي زول يجي يكتب هنا يجيب كوته معاه..أو انا بمش بجيب الكوت والرابط بجي ألتخه مع اقتباس المداخلة المعنية يعني بالواضح كدة انا حخلي الناس تشاكلكم..وده دربي أفتش كوتة الحنان ولو ما لقيت البوست بجيب واحد بشبهه بجي اكبه هنا وامشي البوست المعني اخت رابط المداخلة هنا....انا اصلا كنت ممغوس من البوست لانه ما فهمته...والبفهم اخيرا بفهم كثيرا
ومن الليلة انا حقرا ليكم البورد مداخلة مداخلة..
والله لأشغلنكم بأنفسكم...عشان تشوفوا عدم المسئولية... قال الاستاذة قال ...من أنتم...من أنتم...من أنتم؟؟؟
_ بعد المداخلة الفوق دي يا ندي وأميرة ممكن نوقع علي برتوكول لوقف العدائيات ان اردتم والا العرض ساري واحتمال نلحقه بتخفيضات كمان
03-20-2011, 12:17 PM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
الاخيرة يا ايمنوف بتاعة نجيب الاقتباس هناونعمل مداخلة بعد نقتبس كلام اميرة مثلا وبعد داك نودي رابط المداخلة هنا للبوست الجاي منه الكلام حركة تحذيرية واضحة يعني حركب في البوست ده سيستم زي بتاع الكروت الفي المستودعات
Quote: يعني بالواضح كدة انا حخلي الناس تشاكلكم..وده دربي أفتش كوتة الحنان ولو ما لقيت البوست بجيب واحد بشبهه بجي اكبه هنا وامشي البوست المعني اخت رابط المداخلة هنا....انا اصلا كنت ممغوس من البوست لانه ما فهمته...والبفهم اخيرا بفهم كثيرا
مش لو بقيت قمر بوبا لو بقيت بلدي يا حبوب زاتو ما حتعرف الحنان ديل منو
يا تيسير ما مشكلة كان ما عرفت الحنان بجيب ناس من طرف شربكة يعني ...انتي تخلي بوستيك ما تديريه كويس لا نقطة نظام لا لفت نظر يتفسحوا فينا وتحت ناظريك ..نسكت؟؟؟لازم يكون في رد فعل
عزاز... التهديد ده عام لكن انتي ما مشمولة لانك بتناهضي السدود معانا وخليك محضر خير ما تقيفي مع الاعداء...
03-20-2011, 12:49 PM
تيسير عووضة
تيسير عووضة
تاريخ التسجيل: 12-20-2005
مجموع المشاركات: 7136
Quote: الاخيرة يا ايمنوف بتاعة نجيب الاقتباس هناونعمل مداخلة بعد نقتبس كلام اميرة مثلا وبعد داك نودي رابط المداخلة هنا للبوست الجاي منه الكلام حركة تحذيرية واضحة يعني حركب في البوست ده سيستم زي بتاع الكروت الفي المستودعات
يعني شغال معانا بي مبدأ يا فيها يا نطفيها؟
03-20-2011, 12:56 PM
تيسير عووضة
تيسير عووضة
تاريخ التسجيل: 12-20-2005
مجموع المشاركات: 7136
لا ده كان في البداية قبل ما افهم مرامي البوست ..لكن ضرب لي اخونا ايمن للسلامات والتحية وهو بقول واداعا وقفته قلت ليه البتاعة الصفرا دي شنو يا حبوب..رساني علي الفولة فدحين انتو بتتعاملوا مع زول عارف هو بعمل في شنو..ومحسب خطواته...ولا أخفيك سر..انا من موضوع الاستاذة ده حصل كل مرة بتاوق البوست ده لانو قلت ارض خصبة للتحليل أما وقد حدث،فنبشركم بأن ليبيا ليست كمصر ولا تونس.
Quote: وين الكلام دا؟
يخيل لي بوست 21 مارس والخروج للشوراع...عملتي فيها رايحة مش؟؟ وبعدين انا بفتش في بوست الحنان ما تسأليني كتير وتشغليني من الهدف الاساسي...أو ما تمسكيني ضنب ككو ساي علي قول الشفت
_ وبعدين انا هين ياسر طيفور لو صحا بوستكم ده حتلقوه في نواحي اليابان بإذن الله
Quote: والله كان مرقنا ريحة الكركار الا تكتم نفسك.....
لوووووووووووووول لا لا ما تخافي البرطمانية مشغولة في جبهات أخرى و بتلم في القرنفل بعدين الكركار ده عندو اهداف نبيلة (من نبلة) وما فاضي حسي ...
Quote: لا ده كان في البداية قبل ما افهم مرامي البوست ..لكن ضرب لي اخونا ايمن للسلامات والتحية وهو بقول واداعا وقفته قلت ليه البتاعة الصفرا دي شنو يا حبوب..رساني علي الفولة فدحين انتو بتتعاملوا مع زول عارف هو بعمل في شنو..ومحسب خطواته...ولا أخفيك سر..انا من موضوع الاستاذة ده حصل كل مرة بتاوق البوست ده لانو قلت ارض خصبة للتحليل أما وقد حدث،فنبشركم بأن ليبيا ليست كمصر ولا تونس.
رساك على فول بايت خلي بالك لوووووووووولز والله يا قمر بوبا وما طالبني حليفة، البوست ده مافي زول عارف مراميهو بما فيهم ايمن المُهدى اليه البوست البوست ده اتعاملو معاهو على انو جنازة بحر وما تأمن و ليبيا لحقت العراق و الناس الزينين
السادة إدارة السرايا ... لا رابط لا فك الشيء ده يا فهمو عزيزي القارئ و الكاتب يا حسبناهو هدر للباندويث مع اني ما ظنييييييييييت شوف عيني الحُنان و الكركار و ما بينهما عينو من البوست و بيحاول يفك الشفرة و الخوف يجي يشارك نظام ما انا المقصود و كده
______________ تيسير أمني المداخل اختك ما بتقدر تمسك خشمها لو جوني هنا
نسمح ليكم بالتظاهر ( السلمي ) و أي حاجة .. بس ما تتطلعوا الميادين و الشوارع .. سمح؟
ذاتكم ما بتعرفوا ليهو .. حتى ( بعض ) الشيوعيين المحترمين ذاتم
حيرتني البعض ديفي حناني ذاتو!
ورد في أثر اصحاب الخيال الواااااااااااسع :
ليس على ( العقيد ) حرج!!
------
يا تا
شنو الاستوساخ دا .. دي المشاركة التانية لي في البوست دا..
مفروض اعتذر لنفسي على الزمن الضيعتو هنا .. و انت مفروض ذاتو تكوني ممتنة لتداخلي معاك لوووووووووووووول احي يا نفسياتي البتاوري كلو ما تشوفي بوردي من لا بورد لهو دا
كووووووبح .. النقوم على حبة النفسيات لما بعد دخول المنبر استغفرتك يا مالك روحي
03-20-2011, 01:54 PM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
Quote: البوست ده مافي زول عارف مراميهو بما فيهم ايمن المُهدى اليه البوست
انتو مالكم مستعجلين كدة...ماهو رساني علي دي ذاتا..قال لي خش شوت ساي لو زهجان من اي حاجة في اي حتة
Quote: تيسير أمني المداخل اختك ما بتقدر تمسك خشمها لو جوني هنا
أنشاء الله يجو هسسسسي دي..وانا لو عرفتهم والله من دربي اسوق دفار واجي اكبهم هنا...يارب زول شليق يلقط اقرب طاقية ويكون من ناس المشاكل الجد جد ويقلب ليكم بوستكم ده كمينة طوب _______________________
Quote: الحنان ذات نفسو ولا البوست? خليك واضح ياجميل
يا أميرة...هسة الكورة العكسية بتاعتك دي اضربها هيد ولا اقلب باكورد...الجاب سيرة الحنان منو في الاول؟؟لذا السؤال هو علّلي _______________________
Quote: الناس ديل كان عصرو عليك شوية إحتمال تجيب مسجات,,,,
خليك قريب يا ايمن ..أميرة دي ليها زمن لاعبة معاي ضاغط طوالي غايتو لو غلبتني عديل...بجيب صورة كبييييرة بفتل البوست وبمش...لكن ما بفك البيرك ساي.
_ يا جماعة انا ضحكت كتير الليلة والسودان ده مضمون كفاية علي كدة يجوا يسوقونا ناس النظام العام بحجة الضحك وننجلد باقي اليوم .... سوقوا سواقتكم عشان ما اطلع ليكم البوست من مراميه...وشكرا لهذا الطاقم أن جعل ذلك ممكنا ومع السلامة عليكم
03-20-2011, 03:56 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: سوقوا سواقتكم عشان ما اطلع ليكم البوست من مراميه...وشكرا لهذا الطاقم أن جعل ذلك ممكنا ومع السلامة عليكم
بدري يا خليفة
تعال صاد ضاد يا حبة
وياخ في طواقي هنا قد اينعت و حان قطافها و اني لصاحبها*
تعال و معك آخرون عشان تشوف الانداروة و قديمن قيل : الجن بتداوى .. كعب الاندراوة
بتعرف الاندراوة بالمناسبة؟
---------
* من زمن " طبيبك الخاص " جني اتدرع الطواقي المرضية دي .. أي مرض اسمع بيو اقول بسسسسسسس ياهو دا مرضي .. دايرني اجلي ليك طاقية " عاهة نفسية مستديمة " دي !؟
قيقا.. الإندراوة دي عندها علاقة بالنضال من برة؟؟ النحكي ليك القصة دي بينما أنا أتجول في منبر بكري ده..القي واحدة من الاخوات مزنوقة جدا،قالوا ليها تذكرة بنديك،نثريات يومية في،بدل الراتب ذاتو علينا،قالت الناس عندها شغل.. بالله ؟والناس ما عندها شغلة في السودان..هل في فرق بين دوام الدوحة والخرطوم.. وبينما هي فالحة في رفع في بوستات الجداد وسهره لا وبتتكلم عن التحليلات النفسية في هذا البوست،وترتشف القهوة وتتبادل اطراف الحديث في بهو الفندق مع السيد الصادق ،هو القعد مع الصادق معناه طوالي يطلع مظاهرة يعني ولا الفهم شنو.؟ عليه ننبه..استإذني من ناس (عمو) الشغل وقولي ليهم عن إذنكم أختف رجلي لاحقة لي مظاهرة في السودان نقلب الحكومة ونجيكم...صدقيني ممكن يشحنوا معاكي طاقم من قناة الجزيرة..وكلمي فوزي بشرى قولي عيب عليك وانت تشبك حسني مبارك اليوم ننجيك ببدنك وتقول للملهم القذافي كش ملك،وتحلل مباراة الجزائر ومصر وما تجيب سيرة لأهلك في السودان..لانو التقارير بتعتمد علي مواد مصورة وعليه باليوتيوب. شكرا..المايك مع اي زول يحب تغيير البشير
03-22-2011, 11:54 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: أبدأ بالشرح من هنا لأنو السراية عامرة ما شاء الله بناس الشهادات العربية و الشهادات المقارنه والرطانة,,
هو كان ما كدا يا ايمن تبقى سرايا كيف ؟ .. و الصفار يجيها من وين؟
عشان كدا بنحب " ديارنا العامرة حنية " دي .. اموت ركن انا ياخ في سودانيز
الضهرة دي تسأل منها خالتو دوما .. هي اللصقتا فيني احتمال كبيييير تكون نقيض ( اولاد قلبا ) لانها شايفا مصلبطة معاهم اوانطة ساي كلنا بنحب ( الخرتوم ) .. خصوصاً المنتزها .. بس انقر الفرق شنو؟ اولاد قلبا باعوا بقرم اول و جو غرب المنتزها مباشرة عشان يكونوا قريبين .. و نحن صمدنا كلنا و اتمسكنا بتراب الضهاري إلا ( العوض ) مقطوع الطاري دا .. الشليق قام ودا ليهم جركانة العسل تصدق؟ اها من يوما و نحن ماترنو دار دار .. بيت بيت .. زنقة زنقة .. شبر شبر بيني و بينك نحن ذاتو ما حريصين نلقاهو تاني شن سببنا البجيبنا للمنتزها*
" المنتزها " دي .. اهم شئ كان داير توصف لينا بيتكم - زي ما عملوا الجماعة مع بت عبد الكريم هنا في السرايا الصفراء دي - بس تورينا وين للمنتزها؟ طوالي بننقشوا ليك
اها وقع ليك .. عليك بغير الناطقين بها اشرح .. لكن ما تسرح ... سمح؟
-----
* يا قمر ياخ انت قايلني داير اغير النظام عشان بفهم في السياسة .. ياخ انا زعلان منو لانو طفش لينا حديقة الحيوان .. خفّسا وين ما معروف.. موضوعي معاهو شخصي البشير دا انا
Quote: نسمح ليكم بالتظاهر ( السلمي ) و أي حاجة .. بس ما تتطلعوا الميادين و الشوارع .. سمح؟
يا قيقا ... هي الميادين زاتها فاضية؟ الما (لافي) منو؟
Quote: أنشاء الله يجو هسسسسي دي..وانا لو عرفتهم والله من دربي اسوق دفار واجي اكبهم هنا...يارب زول شليق يلقط اقرب طاقية ويكون من ناس المشاكل الجد جد ويقلب ليكم بوستكم ده كمينة طوبي
يا (استاذ) قمر بوبا ... شوف حفظ المقامات ده كيف ؟ بسسسسسس ... ناس الشلاقاهاب ديل حبايب ألبي ... اخدمهم بعيوني فيش كهربا واحد بس و حيطلعوا منورين بالصلاة على النبي والصباح ان لاح لا فايده في المصباح احنا فاتحين البوست ده ليه اصلا؟ _____________________
و الآن .. فاصل إعلاني
اليك .. وحدك يا تايسا .. اهديك فتيل مناكير و بعض الرحيق فأنتي البسكويت و الناعم في شيالة ايامي ....
ونسمع سواء عمكم ابو داوود .... ويا دمعييييي
*** يا دمعي الاتشتت ويا دمعي الغلب اللقاط ***
يا دمعي السرا بلاني الحبيب فات وخلاني خلاني اشكو آلامي
حبيبي يالفراقك حار اسير حبك أنا ليل ونهار
03-22-2011, 01:00 PM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
والله يا عزاز ما قصرتي ..لكن كمان كان شلتي (أستاذ) برضو بكون مرتاح اكتر لأنو فيه ريحة تاء مربوطة ما عارف ليه
انتي فاصلك الاعلاني ده ما ريحني برضو...أحمر شديد والقزازة كبيرة ده بستعملوه للضفور بس ولا معاها كوارع؟ عموما أهو راجين تيسير تجي تعلق... لو ما فهمنا برضو حنعمل فيها فاهمين بنديكم فاصل بعلبة سيجاير دنهيل بنية ومافيش حد أحسن من حد
_ يا أيمن قيقا ده كلمه لو استمر معاي بعربيه ده حأضطر أشخت ليه أو أشاكله...حبة العربي الاتعلمناها في الخرطوم طيرها لينا في راسنا
03-22-2011, 01:05 PM
Hadeer Alzain
Hadeer Alzain
تاريخ التسجيل: 07-13-2008
مجموع المشاركات: 3530
Quote: اها وقع ليك .. عليك بغير الناطقين بها اشرح .. لكن ما تسرح ... سمح؟
وقع وقع وقع يازول وما بشرح أى حاجة,, لقيتك زول ضريسة ساكت تانى أشرح شنو!!
Quote: * يا قمر ياخ انت قايلني داير اغير النظام عشان بفهم في السياسة .. ياخ انا زعلان منو لانو طفش لينا حديقة الحيوان .. خفّسا وين ما معروف.. موضوعي معاهو شخصي البشير دا انا
سمعت بى قصة الزول اللقى جريو جعان وتعبات وحالتو بلا بفتش أكلو فى الكوشة وبعد ما إتونس معاهو الجريو قال ليهو والله أنا فى الحقيقة زكان كنت اسد لكن تقول شنو بس ودونى الصالح العام شكيناهم لى الله سيدنا دا ووصلونى للحال الإنت شايفو دا!!!!!
يا قيقا والله تمشى مدن تدخل حديقة الحيوانات فيها تخنقك العبرة إذ خلت خرطوم قلب أفريقيا النابض من حديقة حيوانات بعد أن قرروا بيعها للقائد الأممى زنقة زنقة,,وبيع من تبقى من اعضائها لمن يدفع وإهداء البقية لمن عنده ذهب والقرود قالوا ضربوا الخليج هنوووووك قول الحمد لله ما باعونا نحن زاااااتنا ليهو وعمل الخرطوم كلها برج فاتح!!كن بقينا فى أمرا بالحيل ضيق مع ناس الأوديسا ديل,,
الله فى يا زول .. ونسة قرود المنبر
03-22-2011, 01:53 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: يا قيقا ... هي الميادين زاتها فاضية؟ الما (لافي) منو؟
برضو لا مانع لدينا من اللف .. بس اي زول يقوم يلف اند كولكت بيبرز يا قول ود الصايم و كان في الميادين بقى يفلق يكون امنقا شئ .. دسيس عديل كدا
انت عارفة واحدة من علامات ساعة النظام - اي نظام - يعني صفارة قطرو ؤ كدا انو ( المجانين ) يكتروا .. و السجار - بكل الالوان المتوفرة في الاسواق - يبيعوهو بالحبة و يخمسوهو اتنين اتنين و كل الناس اتنين .. اتنين اعرفي انو بح بح خلاس انو طوالي الفرح اح اح اح ح يتكلم بي لغتين
دا كلام شنو اسي دا؟ انا منو ذاتو؟ .. و الجابني بجاي شنو؟*
لقيتك خترية .. اتاك حديث الكوكب النضاح مش؟ اتوقعت قمر بوبا يكون حافظا لكن شايف مكنتو ما مقسمة كلو كلو!؟ اها عزاز دي جدها يعرب ابن قحطان؟ انت ما مسغف بس!
Quote: انتي فاصلك الاعلاني ده ما ريحني برضو...أحمر شديد والقزازة كبيرة ده بستعملوه للضفور بس ولا معاها كوارع؟ عموما أهو راجين تيسير تجي تعلق... لو ما فهمنا برضو حنعمل فيها فاهمين بنديكم فاصل بعلبة سيجاير دنهيل بنية ومافيش حد أحسن من حد
تست ... تست .. صوت في مكبر السراي الرجاء من الدكتور ايمن التوجه إلى استراحة الدكاتره يا السته علشان يكتبو لقمر بوبا رشته يا ايمن تعال شوف قمر بوبا مصر يفرتك التأمين و تبقى علينا حالة (ولو فؤادك خبى حبك.... من عيونك بحتي بيه) ياقمر بوبا خليك مني انا ده ومن فتيل المناكير، ياخي قدر الظروف (الاستثنائية) الحاصلة في البلد ؟! انت ما زول بتحب بلدك؟ موش انت متضايق من الحاصل؟ وتيب؟
Quote: يا عز و الله انت المجد عديييل كدا Quote: يا قيقا ... هي الميادين زاتها فاضية؟ الما (لافي) منو؟
برضو لا مانع لدينا من اللف .. بس اي زول يقوم يلف اند كولكت بيبرز يا قول ود الصايم و كان في الميادين بقى يفلق يكون امنقا شئ .. دسيس عديل كدا
اهااااا ده البزعل الزول و يخليهو يمرق من طور الشرنقة قبل معادو ... ياخي انا الخيل و البوستات والليل والبيداء تعرفني والسيف والرمح والقرطاس والقلم و الطلبة ومرات مرات بكون اصدق انباء من الكتب ... ما تسخطني تبقيني مجد حاف لوووووولز وهذا مدخل آخر من مداخل الوكيبيديا عموما الشعب حسي في طور لون المنقه يا الشايل المنقه *** ما عارف كيف نحنا بنشقي قالوا اخوهو ما لاقي حق قفة الملاح، تقول لي الشعب ما يخمس في السجاير؟ السجاير لشنو زاتو في المعرج التاريخي ده؟ شجعو الصناعات الوطنية .. منقوع (الذرة) مثالاً .. طوالي كده في البزار؟
Quote: اتذكرتا .. انا المجد ... من انتم؟
طبعا احنا (الما) مجد وما لينا دية ... شلت من طرف جاتنا داهية
03-22-2011, 03:11 PM
تيسير عووضة
تيسير عووضة
تاريخ التسجيل: 12-20-2005
مجموع المشاركات: 7136
يا اخوانا دقيقة بالله.. زي الاتلخبت علينا الاختساس..
قيقا دا دكاترة و الا بيشنتس و الا الكديفر
حدثتني قارئة الفنجان قالت شوف عينها مارق من هنا في نقالة بنهاية عمليات فجر الأوديسا دي و قد همست لي سراً بأنه سيلقى حتفه بسطر طاير من الويكيبيديا أو ربما تصيبه قرنفلاية في موقع القلب تماماً و أخونا قلبو رهيييييف و ماااا بيقدر على الهبباي في عز الصيف فهو يا عيني مقتول مقتول مقتول.. مش كان عمل غمران.. كان عمل ميت ذاتو
و اللليييييلة.. القال ليك تعال خيط طواقي منو؟ زمنك دا كلو بتدرع فوق دقنوسك دا من سكااااات أها شيل شيلتك.. (يوم الحساب) من خيوط الطواقي هولك دي يعلقوا ليك مشنقة ياااا حلاتا و ماااا بوعدك ما أشمت فيك المرة دي
03-22-2011, 03:21 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
Quote: يا قيقا والله تمشى مدن تدخل حديقة الحيوانات فيها تخنقك العبرة إذ خلت خرطوم قلب أفريقيا النابض من حديقة حيوانات بعد أن قرروا بيعها للقائد الأممى زنقة زنقة,,وبيع من تبقى من اعضائها لمن يدفع وإهداء البقية لمن عنده ذهب والقرود قالوا ضربوا الخليج هنوووووك
لوووووووووووب يا قول دينا
ياخ انا جادي في موضوع الحديقة دا بالجد انا و الحديقة دي و سهم مضرج بالدماء المجد لي و ان اكتب سطراً بالدماء في تاريخ امتنا ( المجيد ) ذاتو المافي شنو؟
قليك اللسد جابوه هنا دا .. في حديقة من لا حديقة لهو دي .. اها شبكوهو ليك .. موز .. موز .. موز يوم قام اعترض قال ليهم يا ( اخونا) انا اسد ما قرد؟ ادوهو ليك في حنانو : " يا غريب خلك اديب .. اسد او نمر ترا الفيزا الجيت عليها " قرد " بس !!" و لووووووووب ذاتو صراحة كدي اللسد الشافتو عيني دا احسن ليو الموز ذاتو!.. ياخ دا اللحمة دي الا كان يعملوها ليو شوربة ساي .. سنون ما عندو.. يخربو كلو كلو!! و طواااااااااالي نايم .. قدر ما نمشي " حديقة الانعما " دي نلقاهو نايم .. احرجني ليك مع " فادي " ولدي .. اسي الشقي دا مصر انو " القرد " هو ملك الغابة! .. هو الوحيد البنلقاهو صاحي بيني و بينك و ين لي سهر الجداد العاملو لينا الكفيل دا .. تجي داخل البيت الساعة حداشر و لّ اطناشر .. بعد دا ياتو " حيوان " تللقاهو صاحي ليك الا يكون قرد بس؟ الدوام لله وحدوووووووووووه
------
العقيد حيرنا ذاتو مش المصريين سمو ثورتم " اللوتس " في الاوديسا قليك في " آكلي اللوتس " و ديل عاشوا في " ليبيا " دي ذاااااتا اجمل حاجة بذور اللوتس دي يعتقد انها بتنسي الزول اهلو و حبايبو .. تفقدو الذاكرة عدييييل .. يعني زهايمر بخشم الباب زي ما قالت البرنسيسة ؤ كدا العقيد بكون نسى برج الفاتح .. الكيزان بختهم عاد
Quote: ياقمر بوبا خليك مني انا ده ومن فتيل المناكير، ياخي قدر الظروف (الاستثنائية) الحاصلة في البلد ؟! انت ما زول بتحب بلدك؟ موش انت متضايق من الحاصل؟ وتيب؟
انا فهمتكو علي قول بن علي ..والله العظيم فهمتكو لكن مسألة في غاية التعقيد ... غيروا الماركة طيب
03-22-2011, 03:57 PM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
ياخوانا كدي النصلح لتيسير كمبيوترها ونمش لقدام عشان العنبر ده داير حراسة 1.العلم المرفوع جنب الساعة في الركن الشاشة ده ما راية بيضا رافعا ليك بيل قيتس..ده معنا في اشيوز شود بي سولفد (الفاء في سولفد زيدوا ليها نقطتين) يعني عندك ابديتس وهكذاتابعيها. 2.الانترنت اكسبلورر عندك السكيورتي في الديفلوت..عليه ولما تحتاجي تسمعي غنية نزلي الديفلوت..عشان عمو الهكر بحوم كدة مرات 3.صفحتك بتاعة الفيس بوك والصاين ان بتاع الايميل ده برضو مافي ليهم لزمة...الجهاز لو اتسرق ولا مشي الصلاح ممكن يتجازفوا 4.اسبلورر 9 نزل والسكيورتي فيه افضل.
03-22-2011, 04:03 PM
تيسير عووضة
تيسير عووضة
تاريخ التسجيل: 12-20-2005
مجموع المشاركات: 7136
Quote: ياخوانا كدي النصلح لتيسير كمبيوترها ونمش لقدام عشان العنبر ده داير حراسة 1.العلم المرفوع جنب الساعة في الركن الشاشة ده ما راية بيضا رافعا ليك بيل قيتس..ده معنا في اشيوز شود بي سولفد (الفاء في سولفد زيدوا ليها نقطتين) يعني عندك ابديتس وهكذاتابعيها. 2.الانترنت اكسبلورر عندك السكيورتي في الديفلوت..عليه ولما تحتاجي تسمعي غنية نزلي الديفلوت..عشان عمو الهكر بحوم كدة مرات 3.صفحتك بتاعة الفيس بوك والصاين ان بتاع الايميل ده برضو مافي ليهم لزمة...الجهاز لو اتسرق ولا مشي الصلاح ممكن يتجازفوا 4.اسبلورر 9 نزل والسكيورتي فيه افضل.
لا حولاااا بالله أنا كنت مظلومة قدر دا؟
ـــــ تم إعتماد قمرنا أبصلعة كخبير تفاصيل في السراي كلمة السر: إكسبلورر إكسبلورر فيسبوك فيسبوك هوتميل هوتميل
إلى الأمام ثورة معلوماتية
Quote: الجهاز لو اتسرق ولا مشي الصلاح ممكن يتجازفوا
مشى الصلاح؟
هو قاعد يمرق أصلاً من عندو؟
كمبيوتري أو "التوب لوب" بتاعي يا قول حبوبتي بقى زي راجل المرتين يوم عندي ويوم عند الصلاح
03-22-2011, 04:30 PM
Sana Khalid
Sana Khalid
تاريخ التسجيل: 02-01-2005
مجموع المشاركات: 2740
يا مرمر.. أنا جيت قبيل أضحك ضحكتي ديك و مارقة تقومي انت يا البتعرضي وسط الدارة من الصباح تشيليني الشتم.. و تجي تقولي برة؟ برة وين هو دخول السرايا زي خروجها؟ ما قالوا ليك الخارج منها مفقود[/IMG] أمسكي شتمك دا عليك.. ما قالوا ليك أنا شترا
Quote: كااااااااااامل تضامنى مع تايسا ..هدير..ندى..عزاز...سناء ..ايمن ...قيقا
و الله أنا كامل تضامني بس مع الذي لا قيقا إلا هو[/IMG]
03-22-2011, 05:42 PM
تيسير عووضة
تيسير عووضة
تاريخ التسجيل: 12-20-2005
مجموع المشاركات: 7136
Quote: ياجماعة صممت ورقة عمل مهمة جدا جدا اسمها (safety first ) بس فشلت انى ارفعها.. رستلها لهوارى عسى ولعل .. عمك شال الورقة ومن يومهاماشفتو هنا تانى ,,,,
يا برنسيسة.. ياخ ... انا إعتزلت اللعب.. لوووووووووووووووول.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة