|
|
|
 Re: تور بقر الجواميس الرقادن لُخ (Re: lana mahdi)
|
حسة جواب الاعنية دى طلع كم؟؟
لى شهرين اظن ما حمت فى البورد
شفتك قلت اشوف رايك شتو يا تيسير عووضة ومعاها زى اشواق كده ...
ألقى ليك مسألة الرياضيات دى قعدت اضرب ما عرفت الجواب
الف ، خمسطاشر تسعمية ....ههه
تسلمى يا اصيلة
| |
 
|
|
|
|
|
|
|
|
Re: تور بقر الجواميس الرقادن لُخ (Re: محمد حامد جمعه)
|
سلام من الملكية
وطيري يا عصفورة
وركي في النافورة
بلغي لي سلامي
لي جنابو أبو دبورة
| Quote: ويبقى الود ما بقى الرجاء ، فى ان مقامات الجميع محفوظة |
كلو محفوظ يا عزيزي
المقامات محفوظة
والمظالم أيضاً محفوظة
ـــــــــ
محمد حامد جمعة:
الفوق دا كلو هظار
بجيك للجد بعدين
ويبقى العود ما بقي اللحاء
| |
|
|
|
|
|
|
|
|
|
Re: تور بقر الجواميس الرقادن لُخ (Re: Emad Abdulla)
|
عمدة
Quote: هلا هلا ..
أنا العوووووع .. أنا الكتاحة في يوم السواد ..
أنا البُردُلوووب هجّاما .. و أب كُرضُمه لفّاخ الكُتاشه كلاما ..
هييييييييييييع .. |
أنا الصاحي والناس نايمين
أنا الككو الفجخ الطين
أنا الشافو خلو
وأنا الجكو تفو
هييييييع
| |
|
|
|
|
|
|
|
|
|
Re: تور بقر الجواميس الرقادن لُخ (Re: تيسير عووضة)
|
تايسا يا حبيبتى ,,, لوووووووووووووووووب !
عنوان البوست
وكامل مداخلاتك ..
شايفة مداخلة سيف الفوق دى !
مفهومة اكتر منها ...
ــــــــــــــــــــ
كلمناكم كم مرة بان تعملوا حسابا للحناكيش وناس الشهادة العربية
ونحو ذلك ,,,, ارجو الاسراع بشريط الترجمة ..
تماضر من امريكا تداخلت بما يعنى انها فهمت حاجة .. فتامل .
| |
|
|
|
|
|
|
|
|
|
Re: تور بقر الجواميس الرقادن لُخ (Re: Tumadir)
|
ومادام لا ياجمعة شنو الخلاك تكتب ماكتبته وكأن تيسير كتبت البوست من أجلك أو الأغنية إتقالت فيك.
| Quote: شايفك اليومين دى بتضرى عيشك |
نضرى عيشنا كل ما أتانا منك ريح
فقد كنت تسكن الرياح بادعاء العقلانية فما إن غلبت رياح الطبع على سكون التطبع حتى إمتلأت بها أشرعة مراكب الحق التى تأباها.
| |
|
|
|
|
|
|
|
|
|
Re: تور بقر الجواميس الرقادن لُخ (Re: Balla Musa)
|
| Quote: فقد كنت تسكن الرياح بادعاء العقلانية فما إن غلبت رياح الطبع على سكون التطبع حتى إمتلأت بها أشرعة مراكب الحق التى تأباها |
يا بله موسى ( اعدك من العاقلين )
ياخ ما تمشو فى الشارع الغلط ، الزول قبل ما يباصى منكم حقو يرفع راسو ، المهم ، ما نخرب للبت البوست حقها ، الصيوانات كتيرة امرق عزى فى واحد منها ونكمل القطيعة هناك
| |
|
|
|
|
|
|
|
|
|
Re: تور بقر الجواميس الرقادن لُخ (Re: محمد حامد جمعه)
|
| Quote: ياخ ما تمشو فى الشارع الغلط ، الزول قبل ما يباصى منكم حقو يرفع راسو |
رغم كل شيء لا أنكر إنك زول حريف و fair player
| Quote: المهم ، ما نخرب للبت البوست حقها ، الصيوانات كتيرة امرق عزى فى واحد منها ونكمل القطيعة هناك |
النبي فوقكم كان ما كملتوا قطيعتكم هنا دا
البوست شن طعمو ما يخرب !
يا بت جيبي الجَبَنة
( )
| |
|
|
|
|
|
|
|
|
 Re: تور بقر الجواميس الرقادن لُخ (Re: Tumadir)
|
تماضر دا مدح بما يشبه المدح
دينا قصدها إنو ناس أمريكا حناكيش ما بعرفو التيران والجواميس وما شابه
هي ما عارفاك النسخة الأنثوية من الطيب محمد الطيب في التراث والفنون الشعبية ..
| |
|
|
|
|
|
|
|
|
 Re: تور بقر الجواميس الرقادن لُخ (Re: دينا خالد)
|
دندون يا قلب ..
هسي نترجم ليك شنو ونخلي شنو؟
نترجم مفردات الغنية
ولا نشرح سبب النزول
حددي
وكان غلبك
عليك بعماد عبدالله
فإن لم يوجد، فبكيكي
وإن لم يوجد فملاسي وذلك (ما) أضعف الإيمان 
Quote: كلمناكم كم مرة بان تعملوا حسابا للحناكيش وناس الشهادة العربية
ونحو ذلك ,,,, ارجو الاسراع بشريط الترجمة .. |
غايتو إنتي إلا تكوني نحو ذلك
لأنو ما ممكن تكوني حنكوشة
وقطعاً ما شهادة عربية
| Quote: تماضر من امريكا تداخلت بما يعنى انها فهمت حاجة .. فتامل . |
تماضر كعضو مؤسس في البورد دا لازم تكون فهمت
وكان ما فهمت بتكون نست ما أكتر
| |
|
|
|
|
|
|
|
|
|
Re: تور بقر الجواميس الرقادن لُخ (Re: الطيب شيقوق)
|
ود شيقوق مرحب بيك ..
الداير ينقش يتعب روحو حبة وحتماً حا ينقش
أنا رطانية، لكن دا ما بمنع إني أطّلع على ثقافة الآخر
وأحاول أعرفا وأفهما وأجي أغالط فيها فيما بعد 
والحمد لله الذي هيأ لنا بلداً زي السودان متعدد الأعراق والثقافات ..
| Quote: إدريس صاقعة التلوي المقابلة السيح |
مبارك حسن بركات بقول إدريس
و د. أحمد القرشي بيقول أدر ومعناها الأسد "ودا الأرجح"
لكن أنا كتبتها هنا زي ما غناها بركات ..
| |
|
|
|
|
|
|
|
|
|
Re: تور بقر الجواميس الرقادن لُخ (Re: Mohamed E. Seliaman)
|
من احمد الصديق بله موسى الى الجد الدكتور بله موسى ,,
(ولا يجرمنكم شنآن قوم على ألا تعدلوا اعدلوا هو أقرب للتقوى ,,,),,,الاية
المدعو محمد حامد جمعة ,,اول من نشر هذه العبارة على البورد
(تور بقر الجواميس الرقادن لُخ) وكان خاتها توقيع لشحصو المحترم
فتناولتها الاقلام العروبية وقتذاك وانا منهم ,لكنها وجطناها معنى وحرفا
فى بوست خاص ,,
الى ان انبرى لنا كاتبنا المرموق طيب الذكر (محسن خالد) فافتى فيها فتاوى مالك,,فافحم القوم,فاصبح ود جمعة يملكها حصريا
ردحا من البوستات ,,الى رايتها اليوم فى بوست تيسير عوضة,,فحق لها الملكية الثانية
ودمت ودامت المحبة
| |
|
|
|
|
|
|
|
|
|
Re: تور بقر الجواميس الرقادن لُخ (Re: abuguta)
|
ياتايسا
انا برضو بره الشبكة بالله ممكن تعيديها لينا في اغنية طلب خاص ياطابق البوخة لووووولز
بالمناسبة اغنيتك دي انا سمعتها من مبارك حسن بركات وليس خلف الله حمد
تحياتي
زاتووووو
| |
|
|
|
|
|
|
|
|
|
Re: تور بقر الجواميس الرقادن لُخ (Re: abuguta)
|
Quote: من قومة الجهل ما بخوفوك بي أُخ
تور بقر الجواميس الرقادن لُخ
نقرولو أم هبك الضربخانة يدخ
قرنك يفرطق الهامة وبمرق المخ |
تيسير... ما قادر أفهم حاجة؟ الكلام ده ما بيشبهك... ده كلام ناساً غليظي الأكباد والحس.. عنف.. صور وتصوير ظلامي.. عبارات سمجة.. أخ ولخ وبقر وجواميس ومخ وكدة.. هبك وضربخانة وأدبخانة..
طبعاً لو ما أنا شفتك على الطبيعة واتفق لى مجلس بورداب معكم وشهدتك فتاة ظريفة مثقفة عالمة واعية.. مؤدبة ..متدينة.. لبقة.عندك أتوكيت في الكلام في جذب المجلس نحوك بصورة ملفتة وأحاديثك الفكرية تشد الإنتباه.. لو أنا ما شفتك على الطبيعة كنت أقول الزولة دي مالو تفكيرا كدة؟ لكن أكيد عندك وجهة نظر لسه ما عارفنها..
| |
|
|
|
|
|
|
|
|
|
Re: تور بقر الجواميس الرقادن لُخ (Re: منصوري)
|
مع اني و الله ما فاهم الحاصل شنو/مغزي البوست دا
لكن و الله بالجد كدا كتا كايس لي فيهو مدخل/قدة لغاية ما لقيت مداخلة جاري العزيز دي
Quote: ما دام قدمت البوست للخراب
عندي مجموعة من الناس كايس ليهم من زمن
تراني ملفيهم هنا
______
لك الشكر مقدما على الضيافة |
عليك دينك خربوا ليهن/م  و لا تأخذنك فيهن/م رحمة عشان تاني ماف زول/ة يركبنا السطوح و يدفعنا حق التذكرة كاملة بعد داك .
| |
|
|
|
|
|
|
|
|
|
Re: تور بقر الجواميس الرقادن لُخ (Re: منصوري)
|
Quote: تيسير... ما قادر أفهم حاجة؟ الكلام ده ما بيشبهك... ده كلام ناساً غليظي الأكباد والحس.. عنف.. صور وتصوير ظلامي.. عبارات سمجة.. أخ ولخ وبقر وجواميس ومخ وكدة.. هبك وضربخانة وأدبخانة..
طبعاً لو ما أنا شفتك على الطبيعة واتفق لى مجلس بورداب معكم وشهدتك فتاة ظريفة مثقفة عالمة واعية.. مؤدبة ..متدينة.. لبقة.عندك أتوكيت في الكلام في جذب المجلس نحوك بصورة ملفتة وأحاديثك الفكرية تشد الإنتباه.. لو أنا ما شفتك على الطبيعة كنت أقول الزولة دي مالو تفكيرا كدة؟ لكن أكيد عندك وجهة نظر لسه ما عارفنها..
|
منصوري ..
تتخيل الكلام دا كاتباهو امرأة برضو اسمها رقية بت مسمار وكانت بتشكّر في أخوها
معظم أغاني الشكر والحماسة كدا بحكم البيئة الخشنة والثقافة بتاعة المنطقة
البنشوفو اليوم عنف ودموية لم يكن كذلك على أيامو
ما بنقدر نتعامل مع أي نوع من الفنون يا منصوري
لو نزعناهو من الظرف (زماني/مكاني) الإتقالت فيهو
وما بنقدر نتذوقو بمعزل عن ثقافة (culture) أهلو
بنفس الفهم دا ممكن زول يجي يقول أشعار الهمباتة بتاعة ود ضحوية وطه الضرير
ما هي إلا ترويج للسرقة وقطع الطرق وتمجيد للعصابات (بمفهوم العصر) ..
نفس الشي بينطبق على معظم أغنيات الحقيبة
الممكن زول يجي يفرغها من قيمتها الأدبية
لما يقول إنو فيها تجسيد ووصف حسي مسيء للمرأة !!
دي فنون والفنون والآداب لا تخضع للمعايير المتعارف عليها
ولا تحاكم بمفاهيم هذا الزمن ..
أشكرك على إطرائك الرقيق وكلامك اللطيف بحقي والذي (إن صح)
لا يلغيه تذوقي وإستماعي وإستمتاعي بهذه الأغاني التراثية
لك المودة والإحترام 
| |
|
|
|
|
|
|
|
|
|
Re: تور بقر الجواميس الرقادن لُخ (Re: تيسير عووضة)
|
الزول زاتو ..
| Quote: انا برضو بره الشبكة بالله ممكن تعيديها لينا في اغنية طلب خاص ياطابق البوخة لووووولز |
الطابق البوخة دي رمية
ممكن تختها مع أي غنية تعجبك
خلاص الغنية مني
والرمية منك
زي ما بقول عمك الكاشف (بتصرف)
دا طبعاً لو ما لموا فيك ناس حقوق المرأة والإستعلاء الذكوري وبنية الوعي التناسلي
وقالوا ليك الطابق البوخة دي فيها تحقير للمرأة ولسن هن للبوخات فقط ..
| Quote: بالمناسبة اغنيتك دي انا سمعتها من مبارك حسن بركات وليس خلف الله حمد |
بغنوها التلاتة يا الزول زاتو: مبارك حسن بركات وخلف الله حمد وبادي محمد الطيب
لكن الإتوفرت عندي بصوت بركات ونزلتها هنا في البوست
ويا حبذا لو لقيناها بصوت خلف الله حمد
أفضل من أداها وأفضل من يؤدي أغاني الشكر والحماسة
بركات وبادي بيبدعوا في الحقيبة ..
| |
|
|
|
|
|
|
|
|
|
Re: تور بقر الجواميس الرقادن لُخ (Re: Mohamed E. Seliaman)
|
مرحب بيك محمد إي سليمان ..
Quote: ما دام قدمت البوست للخراب
عندي مجموعة من الناس كايس ليهم من زمن
تراني ملفيهم هنا |
ناسك ديل كان برة البوست دا فاسمح لي
(أنا النجاشي الذي لا يظلم عنده أحد)
لكن لو من جوة البوست قشة ما تعترض طريقك
بس امرق لي منهم بلة موسى لأنو صحبي
وملاسي لأنو صحبك
بعد داك رش من طرف
خسوساً سارة علي ودينا خالد وكيكي ..
ـــــ
من هسي
بصفتي صاحب الأرض يمنع منعاً باتاً جلب إقتباسات من الخارج
"تطبق الشروط وأحكام"
| |
|
|
|
|
|
|
|
|
|
Re: تور بقر الجواميس الرقادن لُخ (Re: تيسير عووضة)
|
الاستاذة تيسير
صباحك
Quote: أنا رطانية، لكن دا ما بمنع إني أطّلع على ثقافة الآخر
وأحاول أعرفا وأفهما وأجي أغالط فيها فيما بعد
والحمد لله الذي هيأ لنا بلداً زي السودان متعدد الأعراق والثقافات |
كمان الرطانة ساهلين يا بت عووضة؟ فخليل فرح يملك مفاصل مفردات البطانة ارضا ونباتا وانعاما لا سيما عندما شبه الباديه والريف بالانثى قائلا :-
في الخميلة انجلت المحــــــاســــــــن
عيني حايرة ومشي قلبي جاســـن
بعض حسنك هي يا محاســـــــن
الحرير حين قدميك ........ داسـن
والزهور حين شفتيك باســـــــــن
والغصون من لدنـــك مياســــــــن
والنسيم فاح بكر الـمـــــــــــلاح
يا الطبيعة الواديك ســـاكن
مافي مثلك قط في الأماكن
يا جمال النال في ثراكـــــن
يا حلاة الــبرعن أراكــــــن
في قفاهن تور قرنه ماكـن
لا غشن لا شافن مساكــن
في الخزام والشيح والبراااااااح
معزتي
| |
|
|
|
|
|
|
|
|
|
Re: تور بقر الجواميس الرقادن لُخ (Re: الطيب شيقوق)
|
ود شيقوق سلامات ..
على رأيك ..
خليل فرح حير العرب والعجم بإمتلاكه لنواصي المفردة في لغة وبيئة بعيدة تماماً عنه
وأعرف جيداً معاناة الرطّانة في التعبير بلغة غير لغتهم
وحجم إحساسهم بالغربة حيال اللغات الأخرى
ذلك أن اللغة النوبية بها مفردات بليغة جداً قد لا تجد لها مرادفاً في العربية
كونو الخليل قدر يكسر الحاجز دا ويقدم لينا الدرر دي
فدا أكبر دليل على عبقريتو غير المسبوقة ..
قوموا خلوا الضيق في الجناين
شوفوا عز الصيد في العساين
يلا نقنص نطرد نعاين
النهار إن حر الكماين
كلبي يا جمجوم أصلو خاين
شوفوا كيفن يبرا الملاين
هب شالا وكشح المراح
في القنيص الخيل خفّ راسن
نحن ما بنخاف من مِراسن
المكارم غرقنا ساسن
والمجاهل مين غيرنا ساسن
إن عطشنا نمز مر وآسن
وإن عشقنا بنعشق محاسن
في محاسن كفى يومنا راح
ـــــــــــــــ
في مرة سألت جدتي التي عاشت في الخرطوم أكثر من نصف عمرها
ولا زلت تتحدث العربية بلكنة مكسرة
إنتي يا حبوبة قاعدة في الخرطوم دي 40 سنة غلبك تتعلمي العربي وما نسيتي الرطانة؟
ردت علي بغضب وهي الحنونة دائماً:
أنا لو ننسى إسمي ما ننسى كلام أهلي
هسي إنتا تقدر تلبس جلابية ما هقك تهوم بيهو وست الناس وتكون مرتاهـ؟
من اليوم داك بطلت أكاويها بالموضوع دا يا شيقوق ..
| |
|
|
|
|
|
|
| |
تيسير عووضة
طارق جبريل
saif massad ali
عبدالكريم الامين احمد
lana mahdi
Tumadir
محمد حامد جمعه
Abd-Elrhman sorkati
Emad Abdulla
دينا خالد
mekki
Adil Osman
Hussein Mallasi
محمد عبد الماجد الصايم
سارة علي
khaleel
Mohamed E. Seliaman
الطيب شيقوق
abuguta
ALZOLZATOO
حمد فتح الرحمن
حبيب نورة
محمد البشرى الخضر
فيس بوك
تويتر
انستقرام
يوتيوب
بنتيريست