سؤال شرعي !!

مرحبا Guest
اخر زيارك لك: 03-29-2024, 08:25 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة تيسير عووضة(تيسير عووضة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-10-2007, 06:16 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
سؤال شرعي !!

    سؤال لأهل العلم والإختصاص ولا مانع من المنظراتية أيضاً
    علّهم يعطوني إجابة شافية لما يدور في خاطري بإلحاح ..

    في الشريعة الإسلامية هنالك ما يعرف بالحدود الشرعية
    وأعني تحديداً الحدود التي يمارس فيها (البتر العضوي)
    حد السرقة وكما نعلم عقوبته بتر اليد (أداة الجريمة)
    حد الحرابة وعقوبته بتر اليد والقدم من خلاف (أداة الجريمة)
    مع ملاحظة إنتقال البتر للعضو الذي يليه في حال (تكرار الجريمة)

    فكرة العقاب تقوم على أساس القصاص للضرر المعنوي والمادي لمن تضرر

    طيب ياخوانا ..
    في حالة جريمة زي إغتصاب الأطفال ..
    الإغتصااااااب ولا شئ آخر
    وكلنا نعلم هول الضرر النفسي(المعنوي) والجسدي(المادي)
    الواقع على المغتَصَب أو المغتَصَبة مدى الحياة
    يعني بالبلدي كدا بباري العُمر!
    أليست أقل عقوبة عادلة تكون ببتر العضو( أداة الجريمة)؟؟
    بغض النظر عن كون المجرم كان سكران ولا مسطول
    ولا شارب (شاي بلبن) في حينها !!
                  

07-10-2007, 06:34 AM

ثابت محمد
<aثابت محمد
تاريخ التسجيل: 10-17-2005
مجموع المشاركات: 2006

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    تيسير سلام
    حد القتل قطع الرقاب .. وهذه ليس أداة الجريمة
    مفروض يعدمو العصا أو السكين أو المسدس
    شارب الخمر عقوبته الجلد وأدوات الجريمة كتيرة
    يعني مفروض يجلدوهو في خشمو مش ؟؟

    ضرر بتر العضو المستخدم في الإغتصاب ربما لن يقف عند العضو فقط
    .
    .
    Quote: ولا مانع من المنظراتية أيضاً
    واحد من المنظراتية

    خارج الحدود الشرعية
    وييييينك ؟؟ حمد لله ع السلامة
                  

07-10-2007, 07:58 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: ثابت محمد)

    إزيك يا ثابت ..
    Quote: حد القتل قطع الرقاب .. وهذه ليس أداة الجريمة
    مفروض يعدمو العصا أو السكين أو المسدس
    شارب الخمر عقوبته الجلد وأدوات الجريمة كتيرة
    يعني مفروض يجلدوهو في خشمو مش ؟؟

    أنا قصدت الحدود الفيها (قطع مباشر) وحددت السرقة والحرابة
    لأنو القتل وشرب الخمر والزنا وما إلى ذلك
    ما فيها قطع عضوي أصلاً ..
    القتل: نفسٌ بنفس (شنقا, رمياً بالرصاص, بالكرسي الكهربائي بس مافي ضبح)
    شرب الخمر: الجلد والغرامة (أظن)
    الزنا: على حسب .. بس ما في قطع
    Quote: ضرر بتر العضو المستخدم في الإغتصاب ربما لن يقف عند العضو فقط

    عارفة إنو الموضوع متعلق بالأوردة والشرايين والأربطة العضلية
    يعني ممكن يموت ؟ خليّ يموت ..
    بس كمان بالمقابل في أطفال أبرياء بيموتوا جرّاء الإغتصاب ..
                  

07-10-2007, 08:11 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    من حيث المبدأ أنا ضد العقوبات الجسدية الدنيوية
    طالما في يوم قيامة كل زول يحاسبو الله ويعاقبو الله ..

    لأنو ماممكن يكون البيسرق يقطعوا يدو
    والبيغتصب وبيدمر يحوم ساي كدا ..

    هسي ألعن السرقة ولا الإغتصاب ؟
                  

07-10-2007, 08:11 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    الأخت تيسير سلامات,

    أولا أين هي هذه الشريعة التى يتحدثون عنها
    فأحيانا نسمع عنها ولكن لم نراها إلا لماما
    وغالبا حينما تكون هنالك تصفية حسابات أو
    جرائم عادية وصغيرة!!!!

    فى حالة جريمة الإغتصاب وخاصة إغتصاب أحباب
    الله يجب أن تطبق كل الحدود على التوالى !!
    حد الزنا وحد الحرابة وحد القتل أما قطع
    أداة الجريمة فهو ما كان يجب أن يفعله أهل
    الضحايا منذ البداية مع ضمان موت هذا المجرم
    لأنه لو ترك حيا فسينتقم من المجتمع بأسره!

    مازلت غير مصدقا أن مغتصب الطفلتين ومرتكب
    تلك الجريمة البشعة القذرة الحقيرة قد حكم
    عليه بأربعين جلدة وشهر سجن!!!!!المجرم نفسه
    لن يرضى بهذا الحكم إذا كان لديه ضمير أوصحا
    ضميره الغائب!!! مرتكبو جرائم الإغتصاب والعنف
    خاصة ضد الأطفال لهم وضع خاص داخل السجون وفى
    أوساط الإجرام والمجرمين!! فهم كثيرا ما يتمنون
    الموت على ما يحدث لهم ومعهم داخل السجون!!!!
    فهم مستباحون ولا أحد يحترمهم ويتسلط عليهم بقية
    النزلاء داخل السجن ولك أن تتخيل ما يفعلونه بهم!!

    تحياتى.

    (عدل بواسطة أيمن الطيب on 07-10-2007, 09:27 AM)

                  

07-10-2007, 08:51 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: أيمن الطيب)

    أيمن الطيب
    إزيك ..

    أوريك الشريعة بتكون وين ومتين ؟
    الشريعة لمن أنا تيسير المسيكينة دي أقوم أسرق
    ويجي يقطع لي يدي ضابط ولا قاضي يكون ضارب قروش البلد كلها
    أو ساكت عن الناس الضاربين قروش البلد !
    يا ها دي الشريعة البعرفا ..

    الزول البيغتصب أطفال دا زول ما سوي
    وما يتعذروا ليهو بإنو كان في حالة لاوعي
    لانو الحكاية دي لو ما كانت راسخة في عقلو الباطن
    ما كانت ظهرت للسطح عند أول محك
    ولا أول جغمة بتاعة سكَر ..
    ما الناس دي كلها بتسكر
    بس ما كلها بتغتصب وهي سكرانة

    السكَر ما عذر ..

    Quote: مرتكبو جرائم الإغتصاب والعنف
    خاصة ضد الأطفال لهم وضع خاص داخل السجون وفى
    أوساط الإجرام والمجرمين!! فهم كثيرا ما يتمنون
    الموت على ما يحدث لهم ومعهم داخل السجون!!!!
    فهم مستباحون ولا أحد يحترمهم ويتسلط عليهم بقية
    النزلاء داخل السجن ولك أن تتخيل ما يفعلونه بهم!!

    ومن أعمالكم سلّط عليكم ..
                  

07-10-2007, 08:15 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    Quote: أليست أقل عقوبة عادلة تكون ببتر العضو( أداة الجريمة)؟؟


    تيسير.. حبابك يا صديقة..

    يعني نفهم من كده انك عايزة تجيبي لينا حد شرعي جديد؟
    Just Kidding

    الحدود الشرعية محددة سلفا بنصوص قرآنية..(يعني رفعت الأقلام و جفت الصحف)..
    و فكرة القصاص.. العقاب من جنس الجريمة (يعني العين بالعين..و السن بالسن..الخ)..و لو اعتمدنا منطقك ده.. ح يكون المجني عليه (افتراضا) ان يقتص بالطريقة التي عانى منها..و هنا نكون دخلنا في حيص بيص..

    الإغتصاب من اقسى الجرائم (يعني في معناها و اثارها عندي اشد من القتل)..و لغاية اليوم.. كل قوانين الدنيا ما قادرة تجد ليها عقاب مناسب..و كل الإتجاهات السائدة تتوجه نحو وضع الضحية في الإعتبار..و محاولة تقليل اثار الجريمة..

    لكن اقول ليك.. سنين ..مالاقاني سؤال كيفني شديد زي سؤالك ده..


    كبر
    (واحد لا فقيه ولا منظراتي.. لكن عجبو السؤال و بث)
                  

07-10-2007, 09:01 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: Kabar)


    Quote: الأخ تيسير سلامات,
    دي عجبتني ..
    المهم ..
    كل البلاوي دي جاية من الراس .. الدقنوس .
    كل الجرايم بتبدا من فكرة أو نزوة او .. بس كده ساكت .. بلا سبب ..
    و كلها مصدرها الدماغ المهبب ..
    اليد وللا الرجل وللا اللسان وللا النصايب العضوية الطرفية كلها ذنبها شنو ؟؟؟

    أي عمل يأذي المجتمع و يسبب عاهة نفسية / جسدية ليهو وللا لأفراده ..
    ده طوالي المفروض يقطعوا الراس المرق منو الفعل ده .. و نرتاح .




    مع تحيات
    الفقيه / عماد عبدالله


    ......
    حمدلله ع السلامة و كده .

                  

07-10-2007, 09:07 AM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: Emad Abdulla)

    والله يا تيسير المفروض يكون في حكم ذي
    دا..
    لانه مافي ابشع من جريمة اغتصاب الاطفال...

    راسلت المحامية.. وهي زولة مفخرة بالفهم
    والوعي..
    وقالت لسع الزول دا ما اتحاكم في قضية الاغتصاب..
    اتمنى القاضي يسقط حجرو للابد
    زول ذي دا المفروض ما يشوف عين برة كلو كلو
    دا لو ما كتلوه..
    لعنة الله عليه..
                  

07-10-2007, 10:32 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: bayan)

    بيان العزيزة ..
    Quote: والله يا تيسير المفروض يكون في حكم ذي دا..

    مش كدا عليك الله عشان يكونوا عظة وعبرة ..

    مغتصب الأطفال لا رحمة له عندي أبداً
    وأتمنى أن توفق المحامية في إثبات حق هاتين البريئتين المتأخر
    لأنو بي الطريقة دي القاضي حيعاقب الجاني بتهمة الشرب والقيادة بإهمال !
    وينسى حكاية الإغتصاب دي خالص ..
                  

07-10-2007, 09:11 AM

yassir mphammed

تاريخ التسجيل: 06-20-2006
مجموع المشاركات: 134

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: Emad Abdulla)

    مع التشدد في العقاب على الجاني في جريمة الاغتصاب ، التي هي من أسوأ أنواع الاساءة الجسدية والنفسية للأطفال، يجب العمل على خلق الببئة الحامية للأطفال من التعرض لكافة أنواع الاساءة
                  

07-10-2007, 10:39 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: yassir mphammed)

    ياسر محمد ..

    Quote: مع التشدد في العقاب على الجاني في جريمة الاغتصاب ،
    التي هي من أسوأ أنواع الاساءة الجسدية والنفسية للأطفال،
    يجب العمل على خلق الببئة الحامية للأطفال من التعرض لكافة أنواع الاساءة


    جبت المفيد
    تسلم ..
                  

07-10-2007, 09:14 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 8544

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: Emad Abdulla)

    Quote: أي عمل يأذي المجتمع و يسبب عاهة نفسية / جسدية ليهو وللا لأفراده ..
    ده طوالي المفروض يقطعوا الراس المرق منو الفعل ده .. و نرتاح .


    ده ياهو الكلام الصاح

    إزيك -كسرة وشدة على الياء- يا تيسير

    Quote: مع تحيات
    حوار الفقيه / أبوذر بابكر
                  

07-10-2007, 11:16 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: أبوذر بابكر)

    أستاذي أبوذر ..
    إزيك

    تعرف أنا ما راضية بحكاية قطع الراس دي
    لو قطعوا ليهو راسو بيرتاح ودا ما المطلوب ..
    لازم يتعذب بالطريقة القلناها فوق دي قبل ما يموت
    لأنو عذب أبرياء بدون ذنب ..


    حوار الحوار / تيسير عووضة
                  

07-10-2007, 10:09 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: Emad Abdulla)

    الفقيه عماد عبدالله بن يوسف الثقفي ..
    Quote: أي عمل يأذي المجتمع و يسبب عاهة نفسية / جسدية ليهو وللا لأفراده ..
    ده طوالي المفروض يقطعوا الراس المرق منو الفعل ده .. و نرتاح .

    لو كل واحد عمل جريمة يقطعوا راسو .. البلد كلها حتبات في الشارع


    أخوك تيسير ..
                  

07-10-2007, 09:39 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: Kabar)

    الأستاذ كبر
    سلامات وحبابك ..
    Quote: ح يكون المجني عليه (افتراضا) ان يقتص بالطريقة التي عانى منها..
    و هنا نكون دخلنا في حيص بيص..

    أبداً .. السارق ما بيعاقبو المسروق منه بنفس الفعل (السرقة)
    لكن بتعاقبو الدولة بالسجن أو قطع اليد
    بنفس المفهوم, المغتصب ما يعاقبو المغتَصَب أو أهله بنفس الفعل (الإغتصاب)
    لكن بتعاقبو الدولة بالسجن أو الجلد فقط (على أيامنا هذه)
    وكدا ما حيكون في لا حيص ولا بيص

    Quote: الإغتصاب من اقسى الجرائم (يعني في معناها و اثارها عندي اشد من القتل)..
    و لغاية اليوم.. كل قوانين الدنيا ما قادرة تجد ليها عقاب مناسب..
    و كل الإتجاهات السائدة تتوجه نحو وضع الضحية في الإعتبار..
    و محاولة تقليل اثار الجريمة..

    ما دا المجنني !
    معقولة لا شريعة ولا قانون ولا الاثنين معاً
    ما قادرين يختوا أصبعهم في عين الجاني
    بس فلاحتهم في الحرامية المساكين ديل ؟

    الضحية أظنك تقصد الجاني يا أستاذ كبر ..

    وشكراً لك على المشاركة في السؤال العجبك دا
                  

07-10-2007, 11:26 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    Quote: تعرف أنا ما راضية بحكاية قطع الراس دي
    لو قطعوا ليهو راسو بيرتاح ودا ما المطلوب ..
    لازم يتعذب بالطريقة القلناها فوق دي قبل ما يموت
    لأنو عذب أبرياء بدون ذنب ..
    .. والله يا تيسير فكرتك كويسة .. لانو كان انتهو من الراس ده دقة سريعة الموضوع بنتهي .. احسن كل يوم يترمو منو حبة كدا ..


    بعدين:
    في زول قبل كدا قال ليك مشتاقين ..؟
                  

07-10-2007, 11:52 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: tmbis)


    Quote: احسن كل يوم يترمو منو حبة كدا
    تامبا .. يا ساديين إنت و أخوك تيسير ده ..
    حصان مولد هو تترموه حتة حتة ؟؟
    المرتكب الجريمة خلاص هو عملها عملها .. و الحصل حصل ..
    تعذيبو بيبقى ما ليهو طايووق .. لأنه بيكون كأنه عقاب ليهو هو و بس ..
    المفروض يجزو الراس ده أو يوقفو عملو عشان تاني أي ككو يعي الدرس تمام , و ما يفكر مجرد تفكير ساكت إنه يعمل زيو .


    يا أصلي ..
    معاك حاجة نشيل ؟؟

                  

07-10-2007, 04:03 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: tmbis)

    يا تمبس ..

    لا لا كل يوم يترموا حتة شنو ؟
    مرة واحدة عشان يعرف الله واحد ..
    دي جريمة ضد أي شي ..



    وإحنا ذاتنا مشتاقين ..
                  

07-10-2007, 12:03 PM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    عذرا مرة أخرى الأخت تيسير عووضة,
    Quote: تامبا .. يا ساديين إنت و أخوك تيسير ده ..


    يا عمده تيسير أخو تامبا ده منو!!!!! عضو معانا هنا فى البمبر ده!!
    بعدين تمبس صاحبك ده أمشى شوفو عمل شنو مع عمو محمد عادل
    نحن زمان قلنا البمبر ده محتاج مدقق ومراجع قانونى ومعاهم حكم مع
    تأكيد دور البوليس فى منع الشغب وحماية الأعضاء


    تحياتى لكل الديامة
                  

07-10-2007, 12:10 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: أيمن الطيب)


    و الله مشيت يا أيمن ..
    و مرقت جاري و أنا فطسان ضحك ..
    عمو تامبا ده مفروض يعمل ليهو جنزير مدغلب و في نهايتو جُله كبيرة ..

    بعدين الموضوع جامعة عربية و حاجات .. هو الدخلو شنو في الحاجات الكُبار دي !!




    معليش يا تيسير ياخ ..
    واصل .

                  

07-10-2007, 04:24 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: Emad Abdulla)

    عماد ..

    كدي خليني من تمبس دا ووريني
    جامعة الدول العربية دي فيها كليات شنو وشنو
    عشان أنا ناوية أكمل تعليمي




    بعداك جيب حق الأرضية ..
                  

07-10-2007, 04:16 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: أيمن الطيب)

    يا أيمن الطيب ياخي عادي ما تتحسس
    مريت بالموقف دا كتير جداً على المستويين الرسمي والشعبي

    بعدين دا إسم (جندري)
    بيكرس لإزالة الفروق بين الذكور والإناث
    وتمييزهم جندرياً حسب الإسم






    أخوك تيسير ..
                  

07-10-2007, 04:23 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    تايسـا

    حمدا لله على السلامة

    مفقودة ياخ

    إلا تحصل (جريمة) حتى تظهري ؟

    البوست مليان اساتذة

    وأستاذنا كبـر , كفاية في احكام القانون

    بس الجريمة دي بالذات جريمة (حقيرة)

    وبتستاهـل , وهي من الإفساد في الأرض

    (إنما جزاء الذين يحاربون الله ورسوله ويسعون في الأرض فساداً أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض ذلك لهم خزي في الدنيا ولهم في الآخرة عذاب عظيم)

    صدق الله العظيم

    أحمـد الشـايقي
                  

07-11-2007, 05:14 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: أحمد الشايقي)

    أحمد الشايقي ..
    إزيك يا مولانا
    وما يفقدوك بي شينة (على قول حبوبتي )

    Quote: بس الجريمة دي بالذات جريمة (حقيرة)

    وبتستاهـل , وهي من الإفساد في الأرض

    طيب يا أحمد طالما هي حقيرة ليه ما إتوجد وإتحدد ليها عقوبة رادعة ومفصّلة ومنفصلة
    بدل دمجها مع حكاية الإفساد في الأرض واللي بتعتبر عبارة مطاطة وممكن تتحمل أي شئ ؟؟
    أو لو سلمنا بإنها داخلة تلقائياً في باب الإفساد في الأرض, ليه الجرايم
    الأقل (حقارة) منها عندها عقوبات واضحة ومفصلّة وهي لا ؟؟

    Quote: (إنما جزاء الذين يحاربون الله ورسوله ويسعون في الأرض فساداً
    أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض
    ذلك لهم خزي في الدنيا ولهم في الآخرة عذاب عظيم)

    طيب لو إنت قاضي حتحكم على مرتكب جريمة زي دي بشنو من الأشياء الفوق دي
    وإنت عندك خيارات متعددة ؟؟


    ومرحب بيك وبأستاذنا كبر ..
                  

07-10-2007, 04:24 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16049

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    عاينتا
    لقيت بوست على يمينه إسم تيسير عووضة
    فكرتا
    قلتا أكيد زول رافع بوست قديم
    تيسير دي زمانك سابت هنا و (ضلّمنا)!!
    سرعان ما تذكرت إنو دة منبر جديد
    بسرعة أكبر دخلت البوست بي (هجمة) كدي و أمل
    لقيتو مكتوب يوم عشرة شهر سبعة
    عشان ما (أُحبط) عاينتا للسنة
    لقيتا 2007
    عشان ما أُحبط تاني
    وباعتبار نظري ما من ال(ثقات) طالما بلبس نظارة+عدسة لاصقة قمتامشيت ختيت قطرة عيون و جيت عاينتا تاني

    لقيتا 2007
    الما بتغباني،،،ياخواني أعمل شنو يعني من الفرحة؟؟
    سؤال ما فرعي: (إنتي يا بت ما ح تبطلي تهجميني)؟
    مرااااااااااحب حبيبة غالية
                  

07-11-2007, 08:53 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: lana mahdi)

    لناالحبيبة ..
    والله مشتاقين

    دي أنا ذاتي وكلك (نظر) يا أم عدسات إنتي ..

    نعمل شنو يا لنا , عليك الله الحاصل دا ما بيخلي الأبكم يتكلم؟
    غايتو أنا لو كنت قاضي (والله ستر) البلد كلها كانت حتكون في السجن
    بسبب الجرائم ضد الإنسانية ..

    Quote: إنتي يا بت ما ح تبطلي تهجميني


    تاني خلاص حأوفر عليك الهجمات المرتدة
                  

07-10-2007, 04:29 PM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    سلامات اخونا تيسير,

    حسس ما معانا لكن الأخ عماد ما مهلنى!

    من اطرف المواقف بخصوص الأسماء المشتركة

    فى دفعتنا فى الجامعة كان تيسير وملاذ

    ونضال وكلهم إخوة أعزاء لكن ناس الخدمة

    الإلزامية قررواإسقاطهم من كشوفات الشباب

    وكانت قصة!!!!!


    لكن ياتيسير سؤالك رجالتو عينة

    بعد مانبقى أصحاب شوف ليك بلد يا اللخو
                  

07-11-2007, 10:25 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: أيمن الطيب)

    أيمن الطيب ..

    أخوك برضو لما إتخرجنا الوحيدة في الدفعة
    القالوا ليها جيبي (خلو طرف) من الإلزامية هي أنا
    قال شنو يمكن يكون تيسير دا ولد وزايغ من الإلزامية ..

    شفت الإضطهاد دا كيف؟


    وبعدين سؤالي الرجالتو عينة دا داير ليهو إجابة أرجل منو
    يمكن الجرائم دي تقل .. ولا ما كدا ؟

    ومرحب بيك أخو وصاحب لأخوك
                  

07-11-2007, 11:34 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    سلامات أخونا فى الإنسانية تيسير,

    إنشاء الله قدرت تجيب خلو الطرف! !!!
    بعدين الوحيد القالو ليهو جيب خلو
    طرف من دفعة كاملة! !دي شكلها كانت
    قراية جندرة للطيش! !
    Quote: وبعدين سؤالي الرجالتو عينة دا داير ليهو إجابة أرجل منو
    يمكن الجرائم دي تقل .. ولا ما كدا ؟

    كان الموضوع ده بيدى يا اللخو!!!!الحيوان ده وحرام زاتو نوصفو بالحيوان
    لأنه ثبت أن الحيوانات لا تفعل ذلك!!! نقطع راسو وياقيهو جالون بنزين ما
    خسارة فيهو وماتشتغل بقصة أخذ القوانين باليد وشريعة الغاب لانو ده حنك
    بيش فى بلد زي السودان !!!!!!!قوانينو كلها فى إجازة وأزمة الضمير ضاربة
    الجميع.

    مودتى وإحترامى يا أخو.
                  

07-11-2007, 04:40 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: أيمن الطيب)

    الأخ* أيمن الطيب ..

    طبعاً قدرت أجيب خلو الطرف إنت قايلني هينة ؟
    لمن مشيت لناس الخدمة طوالي قالوا لي (أهو دا طرفنا منك)
    شفت كيف ؟

    Quote: كان الموضوع ده بيدى يا اللخو!!!!الحيوان ده وحرام زاتو
    نوصفو بالحيوان لأنه ثبت أن الحيوانات لا تفعل ذلك!!! نقطع راسو
    وياقيهو جالون بنزين ما خسارة فيهو وماتشتغل بقصة أخذ القوانين باليد
    وشريعة الغاب لانو ده حنك بيش فى بلد زي السودان !!!!!!!
    قوانينو كلها فى إجازة وأزمة الضمير ضاربةالجميع.

    تسلم يا أيمن على حرارة قلبك ووقوفك إلى جانب الإنسانية ..





    * بكرة الشافهم صنفونا مع جماعة (الإخوان المسلمين) ما كضّب
                  

07-11-2007, 07:23 AM

معتصم دفع الله
<aمعتصم دفع الله
تاريخ التسجيل: 12-18-2003
مجموع المشاركات: 12684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    تيسير حمد لله على السلامة ..
    البركة في الشوفه ..

    لا تزال البشرية في بحث عن خلق مجتمع معافى ..
                  

07-11-2007, 10:49 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: معتصم دفع الله)

    معتصم العزيز
    إزيك ..

    Quote: لا تزال البشرية في بحث عن خلق مجتمع معافى ..


    وحتى ذلك الحين ستُحصد المزيد من الأرواح البريئة
    بسبب الإستهتار من الجناة ومن محاسبي الجناة ..

    كلنا يا معتصم يطمع في خلق هذا المجتمع المعافي

    شان عيون أطفالنا ما تضوق الهزيمة

    وتسلم يا صديق
                  

07-11-2007, 10:59 AM

احمد العربي
<aاحمد العربي
تاريخ التسجيل: 10-19-2005
مجموع المشاركات: 5829

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    واخيرا
    تدفق الدم في شرائين البورد
    وعادت الحياة للازهار
    الزميل تيسير
    عودا حميدا
    وهو القلم الذي نعرفه
    واضم صوتي للناس الجميله السبقتني
    ومعا ضد جميع انواع الفساد
    وخلخلة مجتمعنا
    واقصي انواع العقوبه للجاني

    لكن في سؤال محيرني
    لو في واحده اقتصبت ليها طفل؟

    مودتي
                  

07-11-2007, 12:20 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: احمد العربي)


    Quote: غايتو أنا لو كنت قاضي
    يا ربي ليك الحمد ..
    تف من خشمك ياخينا ..
    يقوم باب السما يكون فاتح و كلامك ما يقع واطـه ..
    تقوم الحكاية تصدق و نبقى بعد داك في حاو و تُر .
    ناقصين يعني نحنا ؟؟

    ثم إن لو تفتح عمل الشيطان .

    بمناسبة الشيطان :
    واحد قريبك دنقلاوي طراوة خالص ..
    كان في السعودية زي ديشيليون سنة كده ما رجع البلد ..
    ضغطوا عليهو يجيب المره .. إن شا الله حج ..
    قعد يسجل لمرتو شريط عشان تجي الحج ..
    و هو مكجنه و زهجان منها :
    تمشي تعمل ستة صورة أشان البظبورتي , هو من قير البظبورتي دي إنت بتجي في السأودية ؟؟ .. إهبل ده .
    بعد كده تمشي في حرتوم عند صالح سعيد , السجانة ما تمشي .. أشان إنتي أصلاً واهد درويش ميّا .. آآآآ
    تركب الطيار على طووووول تنزل في إسم إيه ده .. جده , خليك عند أبداللزيز إبن عمي .. هو بيجيبك في مِكة , إنت أصلو واحد فُشوش أنا بنعرفك ..
    بعد كده كمان تمشي في الهرم تآمل التواف .. لف مع الخلق دول كدددده لغاية إيه هُمّن يوقفو إنت كمان توقف آآآآ .. يعني الدرويش بتاآك ده ما تروح تعمل هناك آآآآ؟ مره إهبِل .
    تجي بآد كده على توووووووول في .. اللهو مصلي أنبي : الحجر بتاع الشيتان ..
    شيللك شوية حجر كده آآآآ .. و أمشي مع الناس أرمي الشي ده عشان الشيتان ..
    ياني إذا ما رميت شوية الحجر دول في الشيتان .. ما بيكون أندك حج .. فاهم ؟
    الشيتان ده تضرب كده بالحجر لغاية ما إيه .. يعني كل الإسم إيه ده يخلص ..
    لأنن الشيتان ده كـ ......
    و بعدين تعال هنا !! .. بالله في شيتان غيرك ؟؟؟

    و ضرب المسجل وقفو .




    ياخي دي نكتة طويلة طول ...
    توّرت نَفَسي .

                  

07-11-2007, 05:19 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: Emad Abdulla)

    Quote: تف من خشمك ياخينا ..
    يقوم باب السما يكون فاتح و كلامك ما يقع واطـه ..

    يا عماد قاضي شنو بعد دا والله أنا (لقمة قاضي) ما أبقى خلي (قاضي) ..
    بس كمان الظلم حار !

    وبعدين نكتتك دي تورت نفَسي أنا ذاتي
    بضحك من أول كلمتين لغاية النهاية ..
                  

07-11-2007, 01:16 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: احمد العربي)

    أحمد العربي
    إزيك يا فنان ..

    Quote: الزميل تيسير


    حتى أنت يا بروتوس ؟؟
    بالمناسبة ..
    إنت معزوم عندنا يوم الجمعة الجاية
    عشان حا أغير إسمي الجايب لي الكلام دا
    وحا أختار إسم بنّوتي شديد ..
    رشا, ريم, هبة , نانسي
    وكدا ..
    نشوف الناس دي تاني بتعمل شنو ..
    وعليك الله كلم معاك أيمن الطيب وعماد عبدالله ديل للسماية ..
    وبالمرة جيبوا معاكم الخروف

    نجي للجد ..
    Quote: لكن في سؤال محيرني
    لو في واحده اقتصبت ليها طفل؟

    ما ممكن ..
    دا بكون إسمو (تحرش)
    لعدم إكتمال (أي شي)


    ولك المودة ..
                  

07-11-2007, 04:55 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    Quote: أليست أقل عقوبة عادلة تكون ببتر العضو( أداة الجريمة)؟؟



    البتر لغة هو فصل الشي من اصله
    واصطلاحا هو القطع من المفصل ..

    لذلك يجب ان يكون هناك مفصل للشي المراد بتره..

    فلو قدرتوا تحددوا وين مفاصله
    اقطعو..













    وتاني مرة ماتخرفي..
                  

07-11-2007, 05:25 PM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: DKEEN)

    دكين ..
    أها قول غيرنا الكلمة من بتر لقطع
    هل الحقيقة الواقعة بتتغير ؟؟



    كالعادة سايب الموضوع الأساسي وماسك في القشور ..


    بوصفك قانوني, أنصف لينا الأطفال ضحايا الإغتصاب بما تراه مناسباً !!
                  

07-11-2007, 05:32 PM

غباشي
<aغباشي
تاريخ التسجيل: 01-19-2007
مجموع المشاركات: 1729

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    Quote: بعد كده تمشي في حرتوم عند صالح سعيد , السجانة ما تمشي .. أشان إنتي أصلاً واهد درويش ميّا .. آآآآ
    Quote: تركب الطيار على طووووول تنزل في إسم إيه ده .. جده , خليك عند أبداللزيز إبن عمي .. هو بيجيبك في مِكة , إنت أصلو واحد فُشوش أنا بنعرفك ..
    بعد كده كمان تمشي في الهرم تآمل التواف .. لف مع الخلق دول كدددده لغاية إيه هُمّن يوقفو إنت كمان توقف آآآآ .. يعني الدرويش بتاآك ده ما تروح تعمل هناك آآآآ؟ مره إهبِل .
    Quote: أندك حج .. فاهم ؟
    الشيتان ده تضرب كده بالحجر لغاية ما إيه .. يعني كل الإسم إيه ده يخلص ..
    Quote: لأنن الشيتان ده كـ ......
    و بعدين تعال هنا !! .. بالله في شيتان غيرك ؟؟؟
    و ضرب المسجل وقفو .
    عماد عبدالله ...
    يجازي محنك ... قول آمين
    ضحكتني لمن تورت نفسي ... خصوصا لما مريت بكلمة ميا و إسم إيه ده (اسميده)
    بالمناسبة دي أنت من وين ؟
    تحياتي للجميع
                  

07-11-2007, 05:44 PM

DKEEN
<aDKEEN
تاريخ التسجيل: 11-30-2002
مجموع المشاركات: 6772

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    Quote: تعرف أنا ما راضية بحكاية قطع الراس دي
    لو قطعوا ليهو راسو بيرتاح ودا ما المطلوب ..
    لازم يتعذب بالطريقة القلناها فوق دي قبل ما يموت


    تعرفي يا ما بتعرفي حاجة

    الزول يادوووووب لو قطعو ليهو البتاع القتيهو ده بيرتاح في الدنيا دي..


    تاني مافي اي سبب بخيلهو يجري عشان يبني بيت او يجلس ساعات طويلة مكوما اوراقا ً عديدة عشان يقبض راتب اخر الشهر او يخاف من مدير ممكن يقطع عنه الراتب
    او يشقى في اختيار شريكة حياة ..
    انتاج النسل والمحافظة على المنتج حيًاً على ظهر الارض في هذا الزمان مسالة مهلكة وصعبة..
    لدرجة انو عادي لو البتاع ده انقطع ممكن تخلو الى عبادة ربك ومحبة الاشياء من حولك بصورة مجردة من كل شوق غير قاصد..
                  

07-12-2007, 05:23 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)
                  

07-12-2007, 05:30 AM

تيسير عووضة
<aتيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: سؤال شرعي !! (Re: تيسير عووضة)

    هذا البوست إستنفذ غرضه
    إلى هنا سأتوقف عن التداخل فيه
    مع خالص الشكر لكل من مرّ وشارك ..



    ألف شكر ..
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de