|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: الجيلى أحمد)
|
Quote: ياكيكى
بالله حاول تخلص من حصة الجلاعيم والأركلوجيا دى سريع,
عندنا أركلوجيا جاهزة للتحليل و(الحريق).. |
هلا يا الجيلي ويا صحبي جيب اركلوجيتك وتعال سااااكت يا الجيلي فاخوك لسع عندو نقة كثيرة خلاااااااص.. بعد نخلص الجابتر الفوق ده عندنا لسع كلامات عن 1-روية اركلوجيا مقارنة ما بين اي سلميان وملاسي والاوفر لاب الحاصل بينهم في الخصوم الاسفيرين ودرجات الاوفر لاب ده كم؟ 2-شوية نظرة كده عن الية صناعة وتكتيكات صناعة الخصم الاسفيري سودانيز اونلاين نموذجا 3-الاحتقان الاسفيري نظريات معالجة وجدوي تطبيق وعندنا امثلة من اللحم الحي مع التحليق في النظريات الاخري ودواعيها 4-اثار الاحتقان ودورها السلبي او الايجابي في الاسافير السودانية سودانيز اونلاين نموذجا.. 5-كم جلكسات كده ما بين هذا وذلك.. ... طبعا يا الجيلي الكلام ده كلو بعد الجابتر الفوووق داك بتاع ملامح خطاوي اي سليمان الاسفيرية وشبال كده نهابش سحس وملامح ادائه ...
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
سلام و عيد سعيد للجميع،
طبعا ملاحظة بما إنو دة بوست خشن، أى محاولة من الجنس الناعم لتلطيف الحوار، يقابل بالرفض،،
عشان كدة، ما ح نحاول نعمل أى تلطيف، لكن رجاء، بما إنو الشربكة كترت،، و موضوع نرجع للصفحة السابقة دة كدة صعب شوية، ممكن زول قلبو على القراء، يعمل لينا ملخص للعلاقات المتباينة، عشان نقدر نفرز، لزوم المتابعة و كدة،،
و....
شكرا،،،
كيكى يا حريف، تفسير و تحليل المنازعات و المقصات الإسفيرية دة، يستحق يكون فى موسوعة للفايدة العامة،،
إنت وينك يا راجل؟؟؟
عماد عبدالله،،
Quote: فوق ده و داك بيمشي مشتح رجلينو و يدينو و عامل صدرو سماوي سماوي كده و فوووووق ( الود نظام مقانصو كبيرة و ما مساعداهو في المشي إلا مفشق ) و هو تشطيبة أصلية لمن صاح .. مشيتو زي البلقلبة كده و معاها صوت كركبة في المفاصل و الراس سغير هنااااك .. و يزوزي .. |
إنت متأكد دة ما فيلم كرتون؟؟؟؟
اقعدوا عافية،،،
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Hala Hassan)
|
Quote: ممكن زول قلبو على القراء، يعمل لينا ملخص للعلاقات المتباينة، عشان نقدر نفرز، لزوم المتابعة و كدة،،
و....
شكرا،،،
كيكى يا حريف، تفسير و تحليل المنازعات و المقصات الإسفيرية دة، يستحق يكون فى موسوعة للفايدة العامة،،
إنت وينك يا راجل؟؟؟
|
هلا يا هالة وعيد سعيد وتحياتي واخوك اليومين الفاتن دول كان (داكي المنبر) فغبنا خلف كراكير الغربة العجيبة ومتلوم بالجد مع اليوم الحار واهله... بجيك ياهالة للتلخيص وبرواقة وبديك المفيد المختصر في البوست ده من قولة تيت.. بس اصبري لاخوك يخلص ليهو جابتر جابترين من الردوم الفوق ده
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Hala Hassan)
|
Quote: ممكن زول قلبو على القراء، يعمل لينا ملخص للعلاقات المتباينة، عشان نقدر نفرز، لزوم المتابعة و كدة،،
و....
شكرا،،،
كيكى يا حريف، تفسير و تحليل المنازعات و المقصات الإسفيرية دة، يستحق يكون فى موسوعة للفايدة العامة،،
إنت وينك يا راجل؟؟؟
|
هلا يا هالة وعيد سعيد وتحياتي واخوك اليومين الفاتن دول كان (داكي المنبر) فغبنا خلف كراكير الغربة العجيبة ومتلوم بالجد مع اليوم الحار واهله... بجيك ياهالة للتلخيص وبرواقة وبديك المفيد المختصر في البوست ده من قولة تيت.. بس اصبري لاخوك يخلص ليهو جابتر جابترين من الردوم الفوق ده
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
كيكى،
رد سريع كدة على الماشى، عشان ما نعمل إنتربشن،،،
Quote: ومتلوم بالجد مع اليوم الحار واهله... |
و لا يهمك، إنشالله خير بس،، و بينى و بينك اللوم محصلنا كلنا،،
Quote: بجيك ياهالة للتلخيص وبرواقة وبديك المفيد المختصر في البوست ده من قولة تيت.. |
أى بالله، و لو كمان جبت معاها شوية نبذة عن الهيستورى بتاع الصراعات قبل التأزم، طبعا من شاكلة ما خفى كان أعظم، تكون ما قصرت، أنا متأكدة، فى كتيرين ح يدعوا ليك فى شهر الحج المبارك دة،،،
أختك والله ما شمشارة، لكن داخلين على قراية، ما تسوطوا لينا راسنا ساكت،
يكون فى إتنين ماشين فى الطريق، فجاءة يكون بينهم حوار مأزوم، هم ذاتهم ما يكونوا عارفين الأزمة فى شنو،،،
دايرين نفهم بس،،،
Quote: بس اصبري لاخوك يخلص ليهو جابتر جابترين من الردوم الفوق ده |
والله جنس قراية لكن، ياخى بحثك دة بديك بروفسور عديل،
الله معاك،،،
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Hala Hassan)
|
Quote: أى بالله، و لو كمان جبت معاها شوية نبذة عن الهيستورى بتاع الصراعات قبل التأزم، طبعا من شاكلة ما خفى كان أعظم، تكون ما قصرت، أنا متأكدة، فى كتيرين ح يدعوا ليك فى شهر الحج المبارك دة،،، |
هلا هالة بديها ليكم صرة في خيط..والهيستري ده طبعا مهم شديد وكل شي مر علي البوست ده حنربطوا في ركزتو التاصيلية(حلوة التاصيلية دي) وتخيلي الكركبة الكبيرة وعريضة دي كلها تفسيرها وااضح وصغيرونيييي كده... ودرجة بروفسير دي بتغري ياهالة الواحد انو يجضم الموضوع ده وخاصة انو القصة احلوت اووووي مع رسومات عماد عبدالله التوضيحية دي
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالكريم الامين احمد)
|
هنا نقطة اخري ضروري نديها مساحة وزمن في مهرجان وكرنفال الاحتقان المنبعج ده.. وهي طريقة المان تو مان الشهيرة التي تمتعنا بها في سماعيات (شواطين- بلية) وشاهدناها ما بين كولبالي وصلاح دوشكا.. مان تو مان ولصقة امريكاني وتفقيل لاعب وتشتيت... هنا اسفيرا تمارس هذه المطاردة والمراقبة باليات لا تخطئها العين المراقبة.. ولا تستطيع المواضيع مهما كانت درجة اهميتها ان تقف حائط صد ضدها.. تحديد الخصم الاحتقان االسادة صناعته كخصم الاحتقان المنبعج ثم المطاردة والرقابة المان تو مانية.. اعلاه تماما هي مراحل تكوين المطاردة.. اي سليمان عالي التخصص في هذه الجزئية النادرة وله مقدرات عالية وقدرة علي تنويع اساليب المساككة ومخلص تماما لمساككته.. تحول الاسافير الي تربيزة (كوشتينة الهارت الشهيرة) وهي لعبة للذين لا يعرفونها ورغم الاثار التي فيها والمتعة الا انها ترسخ ولو مرحا لفلسفة المساككة والتوم جيرية والانانية... اي سليمان هو نموذج للاعب هارد جيد فهو يتملك كل الادوات الاسفيرية.. يجيد استخراج الدس كارد في شكل بوستات يجيد الزوق بالدو او ما فوقها له مقدرة علي امتلاك مساكات لتونيع اللعب والسيطرة علي كل الوعي الاحتقاني الاسي... ........... اسفيريا هنالك مساككة من بوست لبوست وتتطور ايضا من منبر لمنبر... محسن خالد وعصام جبرالله..ولاحقا عمادواخريين صاروااهداف واعضاء دائمين في تربيزة (وهارد اي سليمان) يسكهم اينما حلو او ادلو بطريقة صلاح دوشكا الشهيرة.. ادوات 1-كوتات مبهمة مبتورة 2-حوادث شفاهية قديمة علي وزن زماااااان انت قلت لي كيت كيت (وده ملمح احتقاني تخزيني لاجدال فيه)... 3-مياه الاحداث الكبري الساخنة علي مستوي المنبر (وهنا سياتي الحدث لاحقا في وليمة اعشاب البيان بتاع المبدعين).. ..................
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: فيصل عباس)
|
Quote: (عدل بواسطة Mohamed E. Seliaman on 17-12-2008, 05:48 ص)
|
Quote: مافي زول سامعني ولا شنو؟؟ |
يا فيصل اخونا الجاء عمل تعديل قبل شوووووووووووية قبل شوووووية بس بكون سامعك وممكن يديك سفة لو بسف باقي انا كنت بعيد من البوست
اسمعني التمباك في مطعم النيل الازرق بس في الدوحة الليلة وحيتنهي حصل سررررريع..او انتظر ابو خليل بجي يوم سبعة يفك الحيرة..
رسالة الي اي سليمان شايفك جيت خاشي البوست ده خلسة وعملت تعديل في مداخلة موجهة لشخصنا الضعيف نفيد علما بان اي كركبة اي مداخلة اي (ووك كروك)او تعديل تحت تحت كده مرصود وبالاقمار الصناعية.. فعشان كده تعال بالدرب عديل كده بلاش مداخلات كرباوية في شكل تعديلات وزارية
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
انت يا محمد اي سليمان
قالوا ليك أنا الحيطة القصيرة هنا ؟!! يغلبك تشتم محسن تقبل علي
Quote: فاستنصر الحرس الثوري للعقيد |
استنصر الحرس الثوري لشنو؟ للمناشدة يعني !! دي ثاني مرة يا اي سليمان , وما تفتكر اني نسيت ليك تعليق ( النساء الهمل ) القلته قبل كدا بس انت اتذكرهم كويس , علشان بعدين ما تقوم تتنطط زي نطيطك الهسي دا وتقول متين ختيت عليك
بدل الجقلبة البتعمل فيها دي والنطيط من بوست لي بوست ومحاربة طواحين الهواء يا دونكي شوت , أركز وحدد خلافاتك مع الناس الكل يوم بتزيد في عددهم, وعليك الله أرجع أشبط لينا في حسبو تاني
انت فكيته لشنو ؟!
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Ishraga Mustafa)
|
عودة علي عجالة الي الاستديو التحليلي. وتفصيلة مواكبة لجزئية (الرهط) ليس ببعيدة عن افاداتنا اعلاه عن وعي الاحتقان الهارتي.. وحكاية رهط تهابش (الزواقة الشهيرة)...ومستلزم منحوت بعناية احتقانية عالية ومقدرات منبعجة فذة للزوقان وتشتيت اللعب...وتطفيش الكورة عن الموضوع الاساسي كما قال الشهير عمر اومو ذات يوم بركسي
وكان الفاصل جميل ومدهش وملهم وضخ ملامح للتحليل ستظهر لاحقا لمن يجي وقتها
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: عبدالوهاب علي الحاج)
|
Quote: دي سياسة كويسة لو استمريتي فيها |
اطمئن ياهيبة
حا افوت بمزاجى وحا استمر فى السياسة دى بس لازم يعرفوا ان التفويت ده بالمزاج يعنى ماخوف
الموضوع ده شغال من يوم اربعد اتناشر وانا جيت على التعترنى يوم 15 اتناشر طالبتك تتكلم لغة بنفهمها ياهيبة وده كان فى الصفحة التانية عدد مداخلتى ماتجاوزت ال 11 فى هذا الأمر {المأزوم} من عدد 242 مداخلة لحدى الآن
طيب السؤال اللى بيطرح نفسو ياساده ياكرام منو اللى كان الرهط ليدر قبال ما اجىء واسلم عليك وعلى ود البشرى؟
المهم ياقول صديقنا الغائب تبارك منو كان قائدكم قبلى عشان نعمل حسابنا من اى انقلابات محتملة
-----------------
كل منك يا ود البشرى جيت اسلم عليكم بقيت فى واجبات قيادة وكدى واعمل حسابك بقيت منافسة ختييرة فى { ونسات البورد}
الغريبة كان متوقع انو يتم تشجيع هذه {الانصرافية} التى تصرفنى عن السياسة والسياسة نصيبى منها اديتو لعصام جبرالله- كدى انكر!!
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: محمد البشرى الخضر)
|
Quote: مصائب البورد دا كلها من ود البشرى وود الصايم |
اها الليلة يوم الاعترافات العالمية..
لمن تكون قافلة معاى ومحتاجة لحاجة تنزعنى من السأم اللى ممكن يسببو ليك زول لا ايدك لا كراعك تلقى نفسك مدبس بيهو اها .. لمن احس بالعسم بقوم جرى افتش بوستات ود البشرى. بضحك والعسم بيروح وبعد ده بكون طماعة. اقوم اقرأ حتى اللى بيكتبوا فى الكورة مع العلم انا مالى فى الكورة ولا من انصارها {نظام بنشجع اللعيبة الحلوة وكدى}
مايكتبه ود البشرى من اسابيع وونسات البورد هى بهار البورد ده والانتماء الحققيقى للحياة البسيطة والغير معقده والترفيه واحد من اهم وظائف وسائل الاتصال الجماهيرى والبورد واحد من الوسائل دى تقرأ وتضحك وتخج روحك بشاى مغربية فى حوش امدرمانى/ تتونس وتضحك وانت بتناقش فى اهمّ الامور يعنى لازم تنتبه بالله يا ابوحتوت لمن تجى تناقش موضوع مصيرى عليك بكرفته النوع اللى بيخنق داك وصرة وش ولازم تبود مخيفا ياخ- مافى داعى للوشوش المريحة دى يا ود خالتى
اتشجعت وكتبتت مابين الناس المعسمين وونسات البورد {دى غايتو حاتنافس بوستات ود البشرى} نشوف نهايتكم هنا واتفرغ لقيادتكم الرشيدة{يامايو حبيب} وبعدين نواصل فى العسم
ياخ معقول الزول يكون مكرضم النهار كلو وماخد كلو شىء بعكاز وسوط عنج الصرصير ومزازاة الناس؟ ولمن تسكت يفتكروك خائف ويحقروك كان مرة الله قول بقولك وللاخوان يقوموا يلوحوا ليهم بعكازة {اها قائدكم مرة}
رغم انو الناس المقصودين بالكلام ده ماعندهم مشكلة فى انو قيادة السودان كلها تكون فى يد امرأة لانهم بيتعاملوا معاها كانسانة ناهيك عن بوست من حسناته اثبت انو فعلا فى محن اخرى { من يومك طويل النظر ياعصام يااخو آمال وناهد واشراقه}
على العموم اشارة حسين ملاسى دى مافاتت علىّ وبفوتها برضو بمزاجى وبمحض ارادتى زى مافوتها غيرها
اها ياهيبة ماتنادينى تانى عشان تدى فرصة لو البشرى يقود البوست ده الى بر ضاحك- الضحك اللى بينتمى لانسانيتنا
ياخ كفاية وارجوك لا تسبب لىّ بمزيد من التعسيم
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: سارة علي)
|
Quote: مش انتا وعدتني؟؟؟ يلا نشوفك في الصفحة الجاية.. وبوعدك اني املا ليك الصفحة دي لغو كلام(كالعادة) عشان عاااااارفة يدك حتكون حارقاك.. |
هلا سارة.. ووينك انتي ياخي زولك المتهم الهارب ظهر وبان جابو الشديد القوي عقب عمادية عبدالله وقفت الاسافير كلها بكراع واحد الوعد دينا علينا واستلمي موقعك ... بس الرسول سرعة سرعة باقي الملفات الراجيا اخوك في البوست ده جبال عديل كده.. واليد اكولة شديدة...بس انشاء الله نقدر ننستر ونصبر شوية
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
يا عماد عبد الله الكاراكتير دا عجبني و الله، أخير من بتاع البعير و فيه تعبير جيد عن مشروعية الاختلاف و سببه
غير إنو المحيرني هنا و منذ باكر من البوست، هو سؤال: لماذا يتكالب بعض من أفضل كتاب المنبر على قارئهم الأفضل و ناقدهم الأنشط المتابع لكل ما يكتبون (و بما لا يقاس ) حتى و لو اشتّطت به الأحوال كما يقول الكاراكتير بينما يتغاضون بالكلية عمن يقول لآخر التي تهدر أي انسانية ممكنة في أي كاتب أو قارئ؟؟؟
ــــ حقيقة أريد أن أفهم ـ ينوبكم ثواب!!
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
حختلف معاك يا اشراقة ومثال قبل ذلك , في هذا البوست كان في حوار مأزوم , ومتأزم وحاد جدا , لكن كان في حوار تحول بقدرة قادر بعد الصفحة الأولى الى ونسة واختفت الحوارات !!
وقيسي على الحصل دا حال البورد لكن هل ممكن تسمي هذه الونسات ترفيه للقراء ؟ أي ترفيه يا إشراقة ؟ الترفيه موجود في بوستات الأغاني مثلا والكورة وليس في مثل بوستات الونسة الحاصل في البورد انه البوستات بقت محدده ومعنونه لأشخاص محددين, وونسه دايرة كونسات الشات , لا تخص إلا أصحابها يا إما تنصرف الى حالك وتكوس بوست تكتب فيه مشاركة أو رأيي , أو تقع في فخ الشللية وتمشي مع الموجة لكن لمن تلقى يوم وراء يوم الموجة بتكبر وتتسع الدائرة لتشمل أعضاء وكتاب وفنانين وسياسيين, ومساحة بوستات الحوار والنقاش تتقلص. يبقى الموضوع عايز ليه وقوف طويل ومحاولة للفهم
لا أطلب نوع واحد من البوستات ,ولطالما كان المنبر العام شامل بكل المواضيع المختلفة, ولا في زول قال لازم الناس تشك كرفته وتكتب بجدية , لكن برضو دا اسمه منبر للحوار , يعني ماممكن بأي حال من الأحوال نحوله لغرفة شات وونسة ,القارئ البره ذنبه شنو يقرأ ونسات بتخص ناس ببعضهم!! والكتابة ماذنبها أن تبتذل الى هذا الحد ومثل تلك الونسات يا إشراقة عندها أماكن مخصصه , الماسنجر والإيميلات مثلا
______
للأخ كبر بوست سابق عن بشاشا وتطفيشه لأقلام كثيرة , أظن الآن بأن بشاشا بحاواراته المأزومة وشكلاته الكثيرة والأسطوانة إياها أصبح أفضل من الحاصل الأيام دي الخطر الأكبر الذي يهدد وجود واستمرار هذا الموقع ليس الهكر فحسب بل تحويل المنبر العام لغرفة شات وونسة
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: نهال كرار)
|
العزيزة نهال
كل سنة وانتى طيبة
الاختلاف مشروع وظاهرة صحية
بالنسبة لبوستات الونسة انا حددت بوستات معينة حتى البوست دى اللى فى وجهة نظرك تحول الى ونسة ممكن تلقى فيها مادة كويسة جدا لتحليل الأزمة
بالنسبة لىّ اى تعليق بيتكتب بقرأ ماوراهو وفى الاشارة للبوست ده ورغم انى قريتو من البداية وتابعتو واكتفيت ببعض وجهات النظر اللى حسيت انها بتمثلنى وقالت اللى عاوزة اقولو لكن {الونسة} دى نفسها ممكن تقرى وشها التانى يانهال وبتعكس حال الازمة اللى نحنا فيها
{الونسة} اللى كانت سبب دخلتى هنا هى فى الحقيقة بداية لحوار حول استخدامنا للغة- اللغة اللى ممكن نقدر نصنعها مع بعض من خلال الحوارات المفيدة وعدم وجود لغة مشتركة هى واحدة من أس الازمة والحوارات المأزومة المعنى بيها الحوار هنا وازمة بلد بحالها. رغم انو الكلام ده جاء فى شكل بسيط وكان ممكن بعد تعليقى اتخارج وانجز بعض اشغالى لكن التعليق اللى رماهو ملاسى خلانى اقيف واحسب عدد مداخلاتى وكأن الحوار اللى كان ماشى هنا تفرمل بدخولى!!
تعليق سخيف ولا يخلو من غرض - واعية لكدى ومع ذلك تجاوزت غيرو
الونسة مهمة يانهال وماممكن اكون ضدها باى حال من الاحوال لانها ملح حياتنا لكن بيبقى السؤال تتونسى مع منو وليه ومتين مرات بيكون ماعندك رغبة تقرى فى الكتاب اللى عصلج معاك فى حتة ومحتاجة تتونسى
ويبقى ماطرحتيه هنا من وجهات نظر قابلة لنقاش مفيد ومثمر ومستفيض لكن بالنسبة لى ماهنا- باى حال من الاحوال- هنا اقصد البوست ده
مودتى
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
Quote: إنتي متدسيّة عشان بتكتبي في شنو النبي؟ مش عشان تاخدي راحتك في وووب علي من وجاااااهتك يا قيسقاح و جنس سفلستك البتسوي فيها هنا؟ و مش عشان تلصقي صورة أوباما يتباوس مع هيلاري و طين العفانات الشاغلك دا؟ |
اضحك الله سنتيك الاماميتين يامحمد حسبو كما شرطني الضحك.. ما اعجبني كلاٌمٌ قط في هذا البورد مؤخرا كما مقال محسن المفترى عليه وكلام محمد حسبو بتاع تباوس العفانات المشار اليه اعلاه..
دينا دي ماشماتة يعلم الله ..بس حنك السنون العاضي ده ما شرك تشركي بيهو لي حسبو ..
| |
|
|
|
|
|
|
محمودٌ (وقيل محموأ) يريد أن يفهم (Re: Ashraf el-Halabi)
|
Quote: حقيقة أريد أن أفهم ـ ينوبكم ثواب!! |
كنت قد كتبت (و"ليل" هذا البوست طفلٌ يأكل رُز بي لبن أُمّو مع الشياطين والملايكة) مناصحة لعصام في شأن اطلاقه أوصافاً على الناس من شاكلة قرمبع وقراد وما إليه وقد ألهمني المناصحةَ قولُ كريستيان أمانبور، ببرنامجها التوثيقي عن الابادة الجماعية،"Cockroaches." It was an echo of past genocide. In Cambodia, the Khmer Rouge called their victims "worms." In Germany, to the Nazis, Jews were "vermin لكنّني عدلت عن نشر تلك الرسالة حين شتم عصام ملاسي.
وملاسي، يا ناس، رجلٌ يمكن أن يُدرج معظم رأيه، في رأيي طبعاً، بخانة الشناف. هو يفتح باب الشناف فإذا كان المشنَّف محظوظاً فإنّ كيد المشنِّف يرتد إلى نحره. أمّا إذا كان المشنَّف شقي حال فإنّه يقع في قيد نهوض "الجماهير" إلى نصرته فيغرق المشنَّف و/أو منقذوه في شبر (وقيل سطر) من شناف ملاسي.
ملاسي حريصٌ جداً على هذا البوست بدرجة فشله، وهو الحريص، في اخفاء مشاعره حيال ذلك وليس ذلك، بالطبع، بسبب أنّ الصحون تطّاقش فيهو بما لذّ وطاب من هذه المائدة التي نزلت بفضل دعاء عصام فصارت عيداً لملاسي ومحمد إي سليمان وإنّما لأنّ الصحون تطّاقش فيه فتتدشدش ترقد قروش...وهو المطلوب!
أمّا محمد إي سليمان فأكاد أجزم بأنّه يعمل (شغّال يعني) ذلك النوع من العمل الذي أوردتُ اقتباساً عنه بإشارتي، بهذا البوست، إلى مسح مستقبل الانترنيت III، وهوprofessionals are happy with the way work and play are seamlessly integrated in most of these workers' lives بمعنى إنّه (محمد إي سليمان) يخلط العمل بالعبث وهو "إز ديفنتلي هابي" إذ توفّر له "سبيل" يطّاقق الناس على كوزو المقدود دا بالعِصي فالمنبر الأيّام دي يعتبر خريف أبو السعن يُرعد لمحمّد إي سليمان على طبقٍ من غضب الغاضبين وتداعيات أزمة بيان المبدعين في وقتٍ كان فيه (محمد إي سليمان) يستحلب "بياناته" من "ونسة جنب الكولر"، مجالس الاستفزاز وفضل النزاعات...فهنيئاً له...
...كما وأرقدوا عافية وذلك if، من تدشدش منكم، can pull himself together
| |
|
|
|
|
|
|
Re: محمودٌ (وقيل محموأ) يريد أن يفهم (Re: Adil Al Badawi)
|
صباح الخير يا بوست وصباحات ندية يا منبر.. وكما وعدنا بمواصلة السياحة والاركلوجيا في الوعي المحتقن احتقان منبعج ها نحن نعود ولازلنا قابضين علي جمر نماذجنا الاثنين استنادا لما ذكر في اعلاه لما يتمتعان بخصائص وملامح اري شخصيا بان تنطبق تمام الانطباق علي الحوار المتازم الاسفيري...اثباتا وقرائن احوال ومشاهدات من صميم هذه الشاشة الاسفيرية الحية التي يشاهدها الجميع بالتساوي.... والا من الضرورة وبعد ثبيت الاطر العامة والقرائن والقاء الضوء علي طرق عمل الاحتقان المنبعج من 1-افتعال حواري 2-التصيد 3-الشروكات 4-صناعة الخصم 5-الشخصنة حريا ان نتناول نموذجنا الاول فليكن هو (اي سليمان) لما فيه من تجسيد اسفيري ممتاز عن هذه الحالة اي سليمان سيتم تناوله في عدة محطات 1-محطة وجود الاديب محسن خالد في الاسافير وهو ناشط 2-محطة في غياب محسن خالد(ودي بعنوان قضية اي سليمان ضد اخريين) 3-محطة البيان 4-محطة تداعيات البيان
| |
|
|
|
|
|
|
Re: محمودٌ (وقيل محموأ) يريد أن يفهم (Re: عبدالكريم الامين احمد)
|
Quote: 1-محطة وجود الاديب محسن خالد في الاسافير وهو ناشط |
لا اذكر والحق يقال بدايات الالتحام الاسفيري ما بين (اي سليمان) ومحسن خالد وقد يفيدنا الاخوان في امر البدايات كوني لم اكن متابعا لها.. ولكن الشاهد بان الامر قد وقع في عيني علي شاكلة مساجلات شهيرة ومحمومة شهدها هذا المنبر عندما كان محسن نشطا وكانت تدور في قضايا عديدة..وجدت هوي ومتابعة من الكثيرين وبالتاكيد كنت منهم..وكنت اعتقد ساعتها بانه حوار جيل وممكن ان يرفد الحراك السوداني وهذا المنبر بالمفيد في قضايا الخلاف انذاك...واعترف ساعتها بانني كنت متحسسا لمقدرات الاثنين ومعينهم كوني حليق الراس وجديدا عليهما الاثنين... ولكن والحق يقال باكرا تبدا سطوة بورة الاحتقان عن (اي سليمان) وجنوحه الي التصعيد ومنهج محاورة ملحاح وصار عصي الفهم في كل تفاصيله وشهدت الفترة تلك (اغراق بوستات- ملاحقات للفتي محسن في كل كراكير وزواياهذا المنبر ) ودربكة عالية وومكابرة دون سند علي الارض ... والمقدمة دي مهمة جدا كمدخل لما ياتي
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Hussein Mallasi)
|
- ماتداعي من التحاميات سليمان -محسن زرع بذور الاحتقان وترعرت ونمت واستطالت درجة ثم درجات حتي صارت عند الاي سليمان واصلة الي درجة الاحتقان المنبعج الشديد المفاجي وصار حالة شديدة الالتهاب وقابلة علي الانفجار.... ودلتا الاحتقان عند اي سليمان في كل خصومه الاسفيرين تملكتهاسيرة محسن خالد اينما وردت (سلبا او ايجابا) فصار محسن في شخصه وفي فكره وفي كل اشيائه الخاصة والعامة هي نقطة الفصل والخط الفاصل ما بين خصومات اي سليمان وتحالفاته ومرجعيته التي يقيس عليها الاشياء الاسفيرية .. كانت الامور يمكن قد تكون قد انتهت بمرور مياه الزمن وتراكم الحراك في هذا المنبر وظهور اشياء ومواقف عديدة تجعل من محسن محاور عابر سبيل في فضاء اي سليمان..وفي الحوار المتصالح مع الراي والراي الاخر كنا قد نجد مواقف او روي مهما كانت نوعها يتفق فيها اي سليمان مع محسن..فهذا هو الامر السوي في الحياة الانسانية وفي متطلبات التعايش الفكري والثقافي والسياسي.. ولكن نموذجنا جعل من احتقاناته مع محسن احتقانات مصيرية وخصما وهدف تعليمات الخلاف معه بايتة 24 ساعة دون اعتبار لما قد ياتي به محسن.. وتمت تفعيل الية صناعة الخصم الاعلي (ممكن نسميه الخصم دلتا).. ان صار الخصم هلاليا تتحول انت الي المريخ ان صار الخصم مويدا لمدرسة الواحد تتحول انت الي مقاعد مدرسة السودانوية ان صار الخصم شيعي فانت من اليوم التالي سني.. ان صار الخصم موتمر وطني فانت في الصباح معانقا لشيخ حسن ومعطي فروض الولاء والطاعة للموتمر الشعبي وهكذا دواليك في كل القضايا
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Hussein Mallasi)
|
Quote: هل يتبرع أحدكم و ينبه كيكي بأن مداخلاته دائرية الفكرة باعثة على الملل الشديد.
|
ذكر ملاسي 1-دائرية الفكرة 2-باعثة علي الملل الشديد دائرية الفكرة كلامك صاح فهي فعلا دائرية الفكرة ...ففكر الاحتقان المنبعج فكرة تدور في دائرة مغلقة ومدار ثابت عند ي سليمان الدائرة هي محسن خالد...وعندك انت يا حسين الدائرة هي الارجاف متي ما تمددت دائرة الارجاف الاسفيري تممدت انت... فلذا نشكر في الاستديو علي تثبت ان تحليل الظاهرة اتي مشبعا بروح وفلسفة الظاهرة.. - باعثة علي الملل الشديد فدي بقي يا سحس مشكلتك تملل مللا شديدا وتطق من الملل (انا مافي مسوول)..نصيحة ممكن تساهم في امتصاص مللك الشديد ده 1-شوف ليك برمامج تاني 2-وما تقرا الكلام البجيب ليك الملل ووجع الراس وحاول دائما حل مشاكلك بطريقتك ..... وبيني وبينك كده خليك صريح وقول النصيحة وكلمني ملل شديد ولا موجع وجع شديد.. قول النصيحة انا بشوف ليك الية تمتص الملل بتاعك ده
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: Hussein Mallasi)
|
Quote: -محطة في غياب محسن خالد(ودي بعنوان قضية اي سليمان ضد اخريين |
لكل انسان مساهم في محفل حواري بالتاكيد قضية اساسية واي سليمان قضيته الاساسية هنا في هذا الفضاء هو محسن خالد وهو كما قل خط القياس عنده واموره الاسفيرية اليومية كلها تبداء وتنتهي عند محسن خالد ولا يخلو له بوست من ورود سيرة محسن مهما كان ابتعاد محسن من مدارات البوست... محسن مدرسة فكرية وروي سياسية وثقافية وابن تيار له مويدين واناس متفقين معاه في مجمل قضايا عديدة ففترة غياب محسن هي فترة ركود والسوق الاسفيري عند اي سليمان بنوم شوية لذا تفعل اليات الرمرمة والبحث عن اخريين من مدارات قريبة من محسن.... وتظهر الوجود ملاحقات يخلص لها اي سليمان ويحاول الباس الامر كما قلنا بسيرة محسن لذا نجد وليمة خطاب محسن لعصام وتداعياتها هي خريف ابو سعن عالي المطر والبرق والرعد لاي سلميان (والسنة دي زراعته ستنمو طويلا في هذا الاسفير) ونعود
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: DKEEN)
|
والحوار بكيد يا دكين بعرفوا بالحيل يا صاح ولكن ياخي هنا داير احاور بالطريقة الانت شايفها كعبة دي...ومن حقي ياخي ولاشنو..؟؟؟
الزمن راقد يا دكين في الدوحة بس انت روق واحلي فيها تعال لي بوديك سوق واقف تشتري زي ما انت داير
عموما يا دكين طلبك علي العين والراس ولكن عفوا القصة دي خياراتي ماشة فيها في الاتجاه الململ ملاسي ده (وتقول لي حوار كيدي) هو في كيد في الاسافير دي اكثر دهشة والق غير ململة ملاسي دي
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
ردود ضرورية قبل الموسم يشطب و رغم انف القراده و القرمبعه (جاييك يا عادل بدوى )
لكمال الزين و عبره لاخرين واخريات
سلام كمال
Quote: والمحنة الأخرى أن رجل كعصام جبرالله (الكاف تفيد أنه في زمرة المحترمين ) .. يقع متل الوقعة دي ..!! والوقعة دي (لاتفيد تبرير الأمر) فحسب .. بل تفيد إقدامه على نشر (مرسول خاص من صديق) به تقريظ أو لوم أو شتيمة أو حتى عتاب بمايفيد (الإغتياب) ..!! هذا رغم أنني أثق تماماً أن رجل كمحسن خالد لن يبالي ولن يضيره إن جاهر بهذا الأمر .. (محسن ) ده معرفتي بيهو معرفة (قارئ) ساي للمعلومة وكمان حسن ظن في كونه يستطيع أن يقول مايريد دون أن يخشى |
تشكر على الكلام الهادئ والشفقة الطالعة منه. تعرف نوع الكلام عن (نشر مرسول خاص من صديق) بيلفت الانتباه لى حاجة شائعة في مجتمعنا و مجتمعات تانية وهى : الامر ده يتعلق بي منو ? من هو صاحب الشان? رغم ان هناك امثلة واقوال شعبية غير سرية فيها حكم تنفع في مثل هذه المواقف منها: سيد الحق راضي شن دخلك (وقيل نخسك) يا القاضي (وقيل الفاضي) او تدخل في ما لا يعنيك تسمع ما لا يرضيك... و غيرها, الحواجات بيقولو في المواقف دى :mind your own business , انحنا لا, نحش في بيزنس الناس قبل بيزنسنا زاتو. بوضوح اكتر, امر النشر يتعلق فقط - ركز على فقط - بعصام و محسن, الشحص الوحيد الذي له حق الاحتجاج على النشر (ان حدث دون علمه و موافقته) هو محسن وبعدها يمكن لمن يشاء ان ياتى بنصائحه لى. اسئلة بديهية و بسيطة كان ممكن لمن يشاء ان يطرحها على نفسه واجاباتها تقود لفهم افضل: محسن موجود ويكتب هنا لماذا لم " يحتج على نشر الرسالة" ? هل تم تشاور بين عصام و محسن قبل نشرها? الخ . الرسالة خاصة بمعنى انها ارسلت في الخاص لكن هل ما تم تناوله في الجزء المنشور منها حاص ام هى قضايا عامة تم تناولها هنا? حتى ما يعتبره البعض "خاص" كاراء في زيد او عبيد هل تخرج من دائرة العام? وهل لم يوافق محسن على نشرها? ام ان محسن يفضل "اخفاء" مثل هذه الاراء لتبقي في صنوف الاغتياب و النميمة?
اسئلة بديهية يا كمال ممكن تكفي شر الدخول في متاهات بيزنس الناس التانية و تقود للتركيز على ما هو مهم ان وجد.
اعترف بانى اخطات التقدير في ان تقود ما اثارته الرسالة من قضايا لنقاش جيد, بواصل اشوف سبب التقدير الخطا ده شنو عشان ما يتكرر تانى او يقل حدوثه.
اسف يا كمال اذا الكلام فيهو مساخة
سلام
| |
|
|
|
|
|
|
Re: عن الحوارات المازومة,رسالة محسن, كلام في حق تاج السر الملك و محن اخرى (Re: esam gabralla)
|
Quote: تشكر على الكلام الهادئ والشفقة الطالعة منه. تعرف نوع الكلام عن (نشر مرسول خاص من صديق) بيلفت الانتباه لى حاجة شائعة في مجتمعنا و مجتمعات تانية وهى : الامر ده يتعلق بي منو ? من هو صاحب الشان? رغم ان هناك امثلة واقوال شعبية غير سرية فيها حكم تنفع في مثل هذه المواقف منها: سيد الحق راضي شن دخلك (وقيل نخسك) يا القاضي (وقيل الفاضي) او تدخل في ما لا يعنيك تسمع ما لا يرضيك... و غيرها, الحواجات بيقولو في المواقف دى :mind your own business , انحنا لا, نحش في بيزنس الناس قبل بيزنسنا زاتو. بوضوح اكتر, امر النشر يتعلق فقط - ركز على فقط - بعصام و محسن, الشحص الوحيد الذي له حق الاحتجاج على النشر (ان حدث دون علمه و موافقته) هو محسن وبعدها يمكن لمن يشاء ان ياتى بنصائحه لى. اسئلة بديهية و بسيطة كان ممكن لمن يشاء ان يطرحها على نفسه واجاباتها تقود لفهم افضل: محسن موجود ويكتب هنا لماذا لم " يحتج على نشر الرسالة" ? هل تم تشاور بين عصام و محسن قبل نشرها? الخ . الرسالة خاصة بمعنى انها ارسلت في الخاص لكن هل ما تم تناوله في الجزء المنشور منها حاص ام هى قضايا عامة تم تناولها هنا? حتى ما يعتبره البعض "خاص" كاراء في زيد او عبيد هل تخرج من دائرة العام? وهل لم يوافق محسن على نشرها? ام ان محسن يفضل "اخفاء" مثل هذه الاراء لتبقي في صنوف الاغتياب و النميمة?
اسئلة بديهية يا كمال ممكن تكفي شر الدخول في متاهات بيزنس الناس التانية و تقود للتركيز على ما هو مهم ان وجد.
اعترف بانى اخطات التقدير في ان تقود ما اثارته الرسالة من قضايا لنقاش جيد, بواصل اشوف سبب التقدير الخطا ده شنو عشان ما يتكرر تانى او يقل حدوثه.
اسف يا كمال اذا الكلام فيهو مساخة
سلام |
سلامات ياعصام جبرالله
تعرف ياخوي , (بيزنس الناس التانية) دي ماوقع لي ؟ وليس فيما كتبت ماهو (مسيخ) بل (حادق) .. (حادق) لأنني إن فهمت ماترمي إليه فهذا يعني أن (الرسالة) الخاصة تظل خاصة حتى بعيد نشرها ..!!
أها خلاص تاني حانفرد ليك شوارع خاصة ..
بجيك تاني ..
سلام
| |
|
|
|
|
|
|
|