|
|
|
 Re: بورداب الخرطـوم العوض المسلمي داعيكم بكـرة غـداء بمنزلـه بشمبات (Re: عبدالوهاب علي الحاج)
|
قال الشاعر ...
رأى تنظير (1) بوستا
يتهادى بي رواقة
فعمل فيها ظريف
وحريفا في السواقة
دخل البوست بسرعة
ودوَّر فيه شلاقة
وكرَّه الناس الكتابة
تنحنح
و تحسحس
و تجنصص (2)
و تشظلف (3)
ثم أرغى ثم أزبد
وزاد على القوم الكآبة
ثم عبَّر
ثم نظَّر
و تفلسف و تقعَّر
وتحنطر(4) و تقهقر
ثم كالعادة
تورور (5)
هامش...
(1) الإسم العلمي لطلحة
(2) من جنصصة
(3) من بنات أفكار و ابداعات طلحة تنظير
(4) أي آكت لايك الحنطور
(5) لا معنى معروف لها
| |
 
|
|
|
|
|
|
|
 Re: بورداب الخرطـوم العوض المسلمي داعيكم بكـرة غـداء بمنزلـه بشمبات (Re: عبدالوهاب علي الحاج)
|
طبعا جرجير الشهير بود البشري وشيبوبه وهبة المعروف هنا بداقس البورد عندهما اعتقاد جازم بالتلاتة أنهما مشعران وبمقدروهما
طرح أيا كان شعرا ونثرا وطلابيش * لكن هيهات ..
جرجير شغال هنا بمبدأ الفيك بدربو وغتغتوا بسفنجات قديمة حتى لا يقترب منه أحد ويظل سرك في بير علي نحو ما طبخه من شعيرية اعلاه فهو مغشوش يا ولدي مغشوش ومنفوخ ساي ولا احد يعرف من الذي قال له أنك زول كويس وفيك الرجاء لدرجة تجعله يداقش اي بوست ويخبت علي باب أي موضوع فهو الساخر المتظارف اذا قالوا النكات والمتسايس الحصيف اذا تكلموا عن السياسة والفنجوظ الحبيب الجهبوذ إذا شاف الجكس ، وقس علي ذلك مختلف الشلاقات واللقافات والعياقات التى ياتي بها في سبيل إثبات نجوميته الكذوبة المضروبة ..
وهو يستحق قول الشاعر فيه :
أيا دعي يا كبير القنابير
يا الكرهت الناس الأسافير
في كل بوست ناطي وحشير
وان لم تقل كلام الطير في الباقير
فحتما تجود بالفطير من التنظير
ان تهاجوا ** عملت فيها جرير
ثم اذا بك تصم الاذان بالصرير
وان ترمنسوا فلت انا حبيب خطير
وكالعادة تصك الاذواق بكلام كالشخير
وان تفاننوا أجزمت انك فنات كبير
وجدت لهم بكل ما هو طارد ونفير
وان ترايضوا حلفت انك دفعة جكسا وزغبير
فاذا بالقوم يكتشفون أنك قزم كالشبير
عملت لينا هارت وجبت لينا سمير ***
إنقرع يا معفن ياعوير
وانت ماشي تترنح كالسكير
يلاقيك مجنون يدفرك يوقعك في البير
شرح المفردات
*الطلابيش : في لغة السوقة والهوام الكواريك الشديدة
** تهاجوا من الهجاء أي هجأ بعضهم البعض .. وقس علي ذلك ترمسنوا اذا تكلموا في الرومانسية، وتفاننوا اذا طرقوا باب الفن ، وترايضوا من الرياضة .
*** سمير كما هو معروف مرض يصيب الجداد .. 
| |
|
|
|
|
|
|
|
|
|
Re: بورداب الخرطـوم العوض المسلمي داعيكم بكـرة غـداء بمنزلـه بشمبات (Re: عبدالوهاب علي الحاج)
|
العوض المسلمي
حجاً مبروراً وسعياً مشكوراً وذنباً مغفوراً
وحمداً على سلامة الوصول والعودة ،،،
---
دحين يا أخوي شربوت لع ما تبوظ حجتك ..
ما تبقا عليك حكاية المره الودها راجلها الحج
ومنتظرها تجي بفارق الصبر .. اها لمن جات من الحج ..
زولك منتظر بتين الضيوف والزوار يشتتو .. حتى يحلو له الجو مع الحاجة ..
المهم لمن قرب منها .. المره نفضتو ليك نفضة شديدة .. مالك يا حاجة .. قالت ليو انت حاسد ..
داير تبوظ علي حجتي ... تااااااااااااااني نهائي مافي ماببوظ حجتي .. هاهاهاهاهاهاها
| |
|
|
|
|
|
|
|
|
|
Re: بورداب الخرطـوم العوض المسلمي داعيكم بكـرة غـداء بمنزلـه بشمبات (Re: عبدالوهاب علي الحاج)
|
هاك دي يا تنظير اتصبر بيها لغاية ما أرجع البيت
جاء في متن ركاكتك أعلاه - اللتي تحسبها شعرا - | Quote: عملت لينا هارت وجبت لينا سمير *** |
ثم تهومشت شارحا | Quote: سمير مرض يصيب الدجاج |
قل لي إختصارا دون زيادة
هل انت يا تنظير دجاجة
أم يا ترى القصة عادة
إن شئت تاخد مني راي
شايف اسلم ليك إعادة
يا مطرطش
يا مَطشطش(1)
يا مكشكش
يا قاعد ساي و أطرش
شغال تنظير هبطرش
بالله أختش (2)
فاكر روحك بتكتب
ياخي تش تش (3)
هوامش..
(1) مطشطش لا معنى لها
(2) أختش هي في الأصل إختشي حذفت الياء لزوم الوزنة وكدا
(3) تش تش تفيد "قوم لف "
| |
|
|
|
|
|
|
|
|
|
Re: بورداب الخرطـوم العوض المسلمي داعيكم بكـرة غـداء بمنزلـه بشمبات (Re: عبدالوهاب علي الحاج)
|
جرجير العوقة
وسخا كابي من السبلوقة *
زولا عدمان الذوقا
جملة مع اختها ما بتعرف تسوقا
ومع ذلك هراش وطالع فوقا
حشريا حسكنيتا معا لايوقا
تنطط في البوستات كعنبلوقا**
لو عرف القوم سرك لما استبقوكا
كانوا من توهم شالوك وجدعوكا
في كوشة او في دوكة نجضوكا***
أرجو ان يكشفوا نومتك حتى يعذبوكا
يجروك في الشوك جرا ثم يضربوكا
فتولول وتصرخ واي واكا واكا
فيضحك عليك الشفع وبالحجارة يحدفوكا
ثم يسكوك ومن جلابيتك يجرجروكا
ويقول قائلهم هذا العبيط تبزوهو بالشوكا
وانت جاري تكورك يلمن فيك كلاب يعضعضوكا
عشان تبقي مجنون وسعران بالموسيقا
شرح الكلمات الصعبة :
* السبلوقة : مكب لماء الأمطار في سطح البيوت
** العنبلوق : العتود وهو الذكر من صغار الماعز ( فيهو شية كاربة)
*** الدوكة : صاج من الحديد لعواسة الكسرة وعمل القراصة وما الي ذلك
| |
|
|
|
|
|
|
|
|
|
Re: بورداب الخرطـوم العوض المسلمي داعيكم بكـرة غـداء بمنزلـه بشمبات (Re: طلحة عبدالله)
|
يُروى عن تنظير انه
مرَّة تقَّل في العشا
فتمطى و تجشا و انتشى
ثم اعتدل ثم مشى
ثم توقف ثم أنشد:
" انا الشفيف (1)
أنا الظريف
انا الوريف
انا الفي التنظير حريف
انا الإحساسي كلو رهيف"
أيا لفيف
يا اب راسا خفيف
الناس تمشي لي قدام
و انت في محلك أقيف
العالم بالثابت بتبني
وانت من زمن الصريف (2)
قلت لي كيف يا ضعيف
و المصيبة عامل لطيف
ومهم شديد و الود حريف
في حين وجودك او غيابك
ليهو تاثير just طفيف
يا رديف (3)
هوامش ...
(1) الإسم الفني لطلحة تنظير
(2) القش المستخدم في بناء الرواكيب و القطاطي , و يقال قد الصريف أي شرد من المواجهة
(3) رديف اي غير أساسي
| |
|
|
|
|
|
|
|
|
|
Re: بورداب الخرطـوم العوض المسلمي داعيكم بكـرة غـداء بمنزلـه بشمبات (Re: عبدالوهاب علي الحاج)
|
جرجرة يا قنبوع
يا الفاضحنا في كل الأرجاء والربوع
من منبر لي منبر حايم تزوع
ينفخوك وتدخل في الورطات مدفوع
في كل مشكلة حاشر نفسك وطالع ملبوع
يا مهلوع
يا ملسوع
يا الديمة تابع مو متبوع
يا فرع صغير من ضمن الفروع
ح تعيش طول عمرك مفجوع
لو بتعد نفسك مهم جرب لحس الكوع
سيب البتسوي فيهو دا واتكامل درب الرجوع
العينتك نحن بنشيلو ونطفربو التروع
صد قبل ما تلقي روحك في السوق مبيوع
يتبع ....
| |
|
|
|
|
|
|
|
|
|
Re: بورداب الخرطـوم العوض المسلمي داعيكم بكـرة غـداء بمنزلـه بشمبات (Re: عبدالوهاب علي الحاج)
|
هؤلاء كانوا حضوراً
1/ السيد ابراهيم بقال سراج رئيس بورداب الخرطوم
2/ الصديق شول اشوانق دينق
3/صلاح شكوكو
4/ ناذر محمد الخليفة
5/ دوت مجاك
6/ عمر صديق
7/ عبود عبدالرحيم
8/ حسين محي الدين
9/ صلاح الدين نادر
10/ عبدالمجيد صالح
11/ اسماعيل حميم
12/ عثمان رغيم
13/ معتصم محمد صالح
14/ احمد موسى
15/ صلاح عوض الله
16/ بهاء طوكيو
17/ سامي الزبير
18/ محمد صباحي
19/ ناجي الملك
20/عبدالوهاب علي الحاج
21/ انعام حيمورة عربيتها
22/انعام عبدالحفيظ
23/ اميرة الشيخ
24/ تاني في بوردابيتين ما عرفوني بيهم واحد ينزل اساميهم ( السن واحكامو )
| |
|
|
|
|
|
|
|
|
|
Re: بورداب الخرطـوم العوض المسلمي داعيكم بكـرة غـداء بمنزلـه بشمبات (Re: شول اشوانق دينق)
|
سلامات للاخ عبدالوهاب وضيوفه الكرام
وللجميع نقول كل سنة وانتوطيبين
ربنا يحقق امانيكم جميعا
ويكتب لنا رفقة الحاج العوض المسلمي في الحج القادم باذن الله
وتحية وتهنئة صادقة للحاج عوض المسلمي واسرته الكريمة
سعدنا بصحبة الجميع امس في بيت الكرم الاصيل
ولأنني كنت بعيدا عن المنبر خلال ايام العيد
فقد فوجئت بالتفاصيل الدقيقة لما جري خلال هذا البوست
وسعدت حقا بماشهدته في لقاء الامس بضيافة الحاج المسلمي واسرته الفاضلة
هناك كان لقاء الاخوة والزمالة والصداقة بعيدا عن مناكفات المنبر
وهكذا هو السودان
يا جماعة العيد سعيد عليكم جميعا
ونسالكم العفو اذا صدرت منا كلمة في حق أحد
| |
|
|
|
|
|
|
|
|
|
Re: بورداب الخرطـوم العوض المسلمي داعيكم بكـرة غـداء بمنزلـه بشمبات (Re: عبدالوهاب علي الحاج)
|
Quote: وهبة ابن الشعبية
التحية موصولة ليك وكل عام وانتم بخير
والتحية للاخ المسلمي وكل بورداب الخرطوم
وللاخ العزيز الذي غادرنا الي ارض الوطن الحبيب ابو ساندرا
مع اطيب المني لكم جميعا
حسن |
اخونا المستشار حسن طه
ياخي سعيد جدا بمرورك
وكل عام وانت بالف خير والاسرة الكريمة
اللمة كانت جميلة والله وناقصاكم
وابوساندرا رغم تأكيده للحضور لم يحضر
وربما سيل الضيوف وزيارات الاقارب
ولكن نتمنى ان نقابله قبل سفره
فمثله رقم لا يمكن تجاوزه
وشكرا مرة تانية اخي حسن
| |
|
|
|
|
|
|
| |
الحاج حمد الحاج
عبدالوهاب علي الحاج
طلحة عبدالله
محمد البشرى الخضر
Magdi Ahmed Elsheikh
Al-Shaygi
بكري الخير
Ishraga Mustafa
osman righeem
السمؤال بدرالدين
طارق جبريل
ابراهيم بقال سراج
Emad Abdulla
خال فاطمة
شول اشوانق دينق
انعام حيمورة
كمال علي الزين
Yassir Tayfour
عمر صديق
عبود عبد الرحيم
سارة علي
haroon diyab
نصر الدين عثمان
naeem ali
حسن طه محمد
العوض المسلمي
ghariba
فيس بوك
تويتر
انستقرام
يوتيوب
بنتيريست