حتى أنت يا موصلي تدخل دوامة الإجترار!!!

Quote: العزيز يس الخليفة سلامات و عساك طيب Quote: وذاد حزني عندما وجدت (إتهاماً) صريحاً و (باطلاً) من الأخ عتيق للفنان الموصلي بـ (إجترار) ليس في محله! ما عارف ما مدي ملائمة التعاطي مع نقد العزيز عتيق بمفاهيم قيمية مثل (الاتهام ) و (البطلان ) ! - شخصيا شايف فيهو عدم ملائمة و ربما شوية تعسف ! و في النهاية-في نظري - (الاجترار) ما نبذة !بل ممكن يكون مفهوم نقدي عادي ! وفي اقصي الحالات ممكن يتقال انو نقد الاستاذ عتيق للاستاذ الموصلي مثلا ناقص او ما مكتمل او اي معيار ادبي او نقدي اخر - و عموما بغض النظر عن ردود الاستاذ الموصلي لكن الشغل البسوي فيهو هنا نادر جدا في ثقافتنا - و اعني التعاطي مع النقد من النقاد و الجمهور بصدر رحب -و توضيح الحاجات او المعلومات الممكن تكون غايبة - و الطريقة دي هي زاتها جزء اساسي من تاسيس اي مشروع ! و لو الاستاذ الموصلي ما طلع من نقد العزيز عتيق باي شيء كفاية انو يعرف انو علي الاقل الناس قاعد تعاين لمشروعو كيف - بغض النظر عن النقد الموجه ليهو صحيح ولة ما صحيح ! يعني مثلا اذا عتيق شايف مشروع الموصلي بالنظرة دي - دي في حد زاتها ممكن تكون مشكلة ! لكن المشكلة الاكبر انو مثلا الموصلي ما يعرف نظرة الناس او نظرة بعض النقاد لمشروعو !

(عدل بواسطة Elmosley on 02-17-2012, 09:33 AM)