|
Re: اركلوجيا الكنفوت...وصهيل الدخن وكرنفالات ام جنقر....!!! (Re: عبدالكريم الامين احمد)
|
Quote: صاحبك الما يسماش دا لا بعرف أم جنقر ولا أم حليبين ولا أم دُفانة ولا القنقو جاي يطابز بجاي مالو؟ |
هلا يا كنتونا وقبل ما نمشي لقدام من الضروري ان احي سيرة القنقو ده ويا سسسلام ياخي علي القنقو ده وتخيل لي سنين ما شفت القنقو ده ولا سمعت خبرو.... وزول ما اكل القنقو ولا ام جنقر ولا ام حليين ولا ام دفانة ده زول عيونو رمدانة مثله ومثل الزول الما شاف دينقا ام ديار التي قيل في امرها دينقا ام الديار الما شافكي عينا رمدانة
| |
|
|
|
|
|
|
Re: اركلوجيا الكنفوت...وصهيل الدخن وكرنفالات ام جنقر....!!! (Re: cantona_1)
|
Quote: يا عبد الكريم قُل ليك: زول ما سلّ العقش... وأم مشبط.. وفتل حقو وعاجية أم مُشبط.. ولا سلّ أم تقنتيس دقن التيس... ولا كسر فرع قضيم كع .. دا بنحسب معانا ولا مع التانيين؟ لك التحايا والود. |
وهلا يا كونتا ووضبت جماعتي ديل وضيبة كبيرة خلاص وزول برضو ما سل ستيب وفي الستيب النوع (الام كع) وما اكل جوغان او ام مديكة ثم عام وسبح في دحل بتاع بوطة كبيرة وعريضة ثم حاكي عيال مونج جانق مصاويط العرد واصطاد (ام كورو) بكوكاب نمنم ده زول حكايتو بايظة بوظ شديد خلاص
وكل الود والتقدير
| |
|
|
|
|
|
|
Re: اركلوجيا الكنفوت...وصهيل الدخن وكرنفالات ام جنقر....!!! (Re: cantona_1)
|
Quote: عبد الكريم يا ولد عمي سلامات... ما قلت ليك الناس ديل إتكلم معاهم عربي ما بعرفوا عنقليزي! .. هل تصدق كلمات كثيرة مما ذكرت عربية فصحى إندثر استخدامها في السودان بعد أن لخبطت لغة هجين الخرطوم اللغة العربية الفصحى. الله يديك العافية. كبـّـاشي الصـّـافي
|
هلا يا سجليك وعفوا علي التاخير فالرمضان كبس واخوك عيونو بقن مدفنات دفنة شينة خلاص وصغااااااار وقدر ما فتشت علي شجرة بتاعة تبلدي وريفة وظليلة انجم تحتها واتهبهب كالشجرة الشهيرة ام قور في اطراف دينقا لم اجدها في صحاري ورمال الخليج العربي فلذا وجدنا من المكيفات الفريون عندك ده سلوي وملاذ وجقب رمضاني عسي ولعل ان يتمتص بعض هذا التعب الرمضاني والشوق لظلال التبلدي .. ----------- وناسي ديل شايفهم كرسو والعنقليزي ده قطع راسهم فاللغة فعلا عند البقارة لغة عربية فصحي وكلمات عربية فصحي كثيرة اندثرت من التعامل اللغوي اليومي في السن كثيرة ولكنها متواجدة بكثرة في تلك اللغة وهي فرصة للمهتمين والدارسين يا يشوتو في هذا الاتجاه وتحياتي
| |
|
|
|
|
|
|
Re: اركلوجيا الكنفوت...وصهيل الدخن وكرنفالات ام جنقر....!!! (Re: عبدالكريم الامين احمد)
|
تلك الراكوبة التي حطينا برحلنا فيها وبدات كصالة استقبال في مصنع ريفي وبلدي ينتج (دقيق الجير) كانت هي اخر نقطة في رحلتنا صوب ذلك الدقيق الابيض المتفرد ولسنين طويلة وحتي الان ظلت الية صناعة ذلك الجير الابيض غامضة بالنسبة لي ولا ادري حتي الان كيف تتم عملية التقير وازاحة تلك البثور الذهبية من حبة الدخن والبقاء فقد علي الجزء الدقيقي الداخلي ,,, ولكن الظهور الجمالي لذلك الدقيق في الاعياد والمناسبات ذات النبرة العالية يجعلك تاكل صوابعك خلفة وتنسي حتي التفكير في الية صناعته وخاصة ان وجد ملاحا للشرموط وجدعت فيه حبيبات من الكول مع قليل من وش سمني من بقري معتق ومنتج قبل مدة طويلة ومحفوظة عبر اليات حفظ منتوجات البانية تفوق كثيرا الامر الهولندي في نظري
وسنعود
| |
|
|
|
|
|
|
Re: اركلوجيا الكنفوت...وصهيل الدخن وكرنفالات ام جنقر....!!! (Re: hameem)
|
Quote: هلا يا كيكي وهل أتيتم على ذكر العقش والفايو ودقن أم تيس ؟؟؟ ولعلكم لم تذكرو أم دقلقل ؟؟ يا سلااام يا كيكي ياخ لقد هبشت ذاكرة حبيبة إلى النفس الميرم مهد الصبا الباكر أوائل الثمانينات تحياتي وإلى حين عودة |
هلا يا حميم ونعم انه زمن الصبا والايام البعيدة ويارتك تعود وتحلق بنا في عوالم ام دقدقل وزكريات الميرم تلك المدينة الحي التي تقع في قلب التماس مابين شمال وجنوب السودان الجميل وحتما في انتظارك
| |
|
|
|
|
|
|
Re: اركلوجيا الكنفوت...وصهيل الدخن وكرنفالات ام جنقر....!!! (Re: عبدالكريم الامين احمد)
|
الاشواق اليوم ضربت اكباد ابلها صوب منتج دخني ابن لذينة ورهيب يسمي العجينة والعجينة تلك هي قمة المتعة الدخنية في رمضان بالتحديد حيث ياتي العرديب الكردفاني العريق فرحا حتي يمتزج مع حبيبات الدخن التي تكون قد دمرقت وغسلت جيدا في خلطة بها اروع كيمياء يمكن لانسان ان يتزوقها فالعجينة مشروب رمضاني متوفر بكميات اساسية في المائدة الرمضانية حيث تقبع حبيبات الدخن (الحرشرش) او الهبوت الدخني وتوكل في زمن الحنكشة الذي زارات حتي تلك الفيافي بالمعلقة ولكن متعتها هي ان تشربها من الكورة بحرفنة ومهنية دخنية عالية تتيح ليك ان تجقم البقة بدخنها وهذه مهنية عالية لا تاتي الي لمن قبعت رمضانات طويلة وعديدة في فيافي دينقا ام الديار وتخومها الطويلة ونعود
| |
|
|
|
|
|
|
|