اووووه رائد اركلوجيا الليل والعذاب... وبعد حادثة الرجل دي يا طارق نزلنا اركلوجيا جديدة لنججججججج اسمها اركلوجيا النقرشة ودي يا معلم اول مرة تنزل الاسواق ههههه فيها راجمات عذاب ودوشكا بتاعة كسير كده ماحصل قريبات دي في الملاعب هههه وغايتو سجن سجن غرامة غرامة
04-11-2009, 08:42 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
ويا سسلام يا ناذر علي احمودي ده... ياخ ده فعلا بجنن العود ده جنين ابن لذينة... والنقرشة منو ليها طعم خاص...وتجضيم حرم كندورة في زمنو ما سوا في الكفر هههه ومشتاقين يا ناذر يعلم الله ووينك ياخي لينا طولة والله
04-11-2009, 08:53 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا والف تحية ومرحب يا معاوية.. وفعلا عطبرة موطن فن ومعقل جمال وفن ..وناسها ملانين حنية وثورية.. والعازف ماهر بدرجة ماهولة اضاف للكلمات والاداء روعة ما بتوصف
عبدالقادر فنان اغانيه الكردفانية مميزة وبها طعم خاص وفي جيناكي زي وزين وهي كلمات عضو المنبر استاذنا الكبير فضيلي جماع قدم اغنية كثيرة التميز وفيها صهيل غربة حنون شديد يجنن ياخي ورد الله غربة الجميع
يا سسسسسسسسسلام وتاني يا سلام يا عبدالناصر... واهديتني اغنية مفتش عليها لي سنين سمعتها ذات ليل بعيد في لحن طنبوري وخزنتها هناااك في فولدر بعنوان (دهشة جدا) وهاهي عجلة الاسافير تدور وفي يوم النقرشة الدولي تاتي انت من اقاصي الغربة بهذا اللحن الي سيكون هو صديقي لفترة قد تطول يا عبدالناصر... فاخوك خجمان وطبعو شين في الحاجات الزي دي
وباقة من الشكر والتقدير ياخي
04-11-2009, 11:24 PM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
يا سلام يا عبدالناصر...وتاني يا سلام ياخي صديق احمد ده كمان كلام تاني وكده النقرشة بقت نقرشتين وهل لي ببساط للريح يطوي الزمان الي زمانات صديقي عربسات (مهندس النسيج الشاطر) فهو احسن زول في العالم بيعرف يسمع لصديق احمد واهدان لحظات استماع علي زرار امطار خريفية في بقعة عميقة ومغمورة من ذلك العجيب...
ايش فيك بتطالع بطالع في قمرا فتق الخمار طالع...
واه يا زمن عربسات يا زمن يا جميل
04-12-2009, 01:01 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
يا ســـلام... يا جماعة جبتوني تاني, غايتو الليلة بيرفتوني...
كيكي, والخطيب... ياسلام لو كان رجعلك يا بلدنا الهم يزيلوا...
أيه رايكم في أن نحلم بالعودة... بعد غياب عن البلد دام لمدة حداشر سنة, وأنا إستعد للعودة رديت علي هذه الأغنية بقصيدة, أهديكم منها مقاطع قبل نشرها في هذا المنبر...
يا رمال حلتنا زولك ليك عاد هيا أبسميلو جاي يتبع دريبو الفوق بياضك كان دليلــو صوت قماري الشوق يحادى لشدرنا ولضليلــو لبحرنا ولتمرنا ولعنقريبو ومـقيلـو فوقو ينجما ويزحو كلما الرقراق يجـيلـو والعصير يمرق يطايب ناس فريقو الهم يزيلو...
يا جماعة, أحسن أنا إتخارج...
فتكم عافية...
04-12-2009, 01:24 AM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
هلا يا معاوية تتخارج وين ياصاح كلنا نتحاوم في كراكير الغربة بت اللذينة دي وخلينا نجي تمارس فينا هذه الباقة التي جننها الان عبدالناصر الخطيب وسبكها تسبيك عالي الطعامة بحكاية (ياقماري حلتنا) والطنابير التي رقدت هبطرش ومارست فينا النقرشة علي اصولها.... والرجعة للبلد بندورها بالحيل يا معاوية علا الجبهة سلطة ممسوخة خلاص
04-12-2009, 11:02 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: ولا انا ولا أبراهيم ده شوايقة لكين هزّنا أوتاره وكمية الكلام الحنين الفيها
هلا ياعبد الناصر يا عزااال ياخي ولا انا بشايقي ولكن الحنين وشحنات الشوق الوجودة في طنبور الشوايقة الحنان كافي لتطريب كل هذه الدنيا.. غناويهم ملانة ياخ وفيها سيرة السفر والترحال والبلد وياحليل دي برقدوها ليك هطبرش....
ويلا يا عبدالناصر ايد علي ايد تصنع جمال وروعة بعيد ...
هلا يا مجاهد وحباب في مدارات النقرشة.. وجيتنا ويدك ملانة بنقرشة من نوع خاص...وكلام معلمين كبار حيث العود يمارس الكواريك والمزيكة زاااتها بتكون فرحانة من تونات صوت الباشكاتب ده... حيث الحبال الصوتية العجيبة مرة واحدة نقرشة حيث السني مدني وودازرق... والجريدة غنوة عشق بها جيل كامل ولايزال صداها ولحنها هو من يولع جمر الحي وحبابك وحباب طوبتك... طوبة السرور والهنا دي يا مجاهد وبالله ياخي شيل وجيب وخلي النقرشة تاخد راحتها
04-12-2009, 02:41 PM
محمد الطيب حسن محمد الطيب حسن
تاريخ التسجيل: 03-31-2007
مجموع المشاركات: 1609
هلا يا بتاع طبلية الباسطة 0ههه انها نقرشة الروح يا محمد الطيب فالروح لا ولن تشيخ فتعال يا صحبي لاعمامك ديل بجاي اسمع ليك نقلة نقلتين من المزازيك النضيفة دي وصدقني ما حتندم... فالرهط هنا حريف مزيكة وسمعين من طراز نادر..وفريد..
04-12-2009, 02:36 PM
محمد كابيلا محمد كابيلا
تاريخ التسجيل: 11-15-2008
مجموع المشاركات: 3510
شكرا على الاهداء الجميل ولكن لى تحفظ على اغنية راقصين التوية هذه فقد سمعتها قبل ان يولد هاشم بابنوسة هذا ومع ذلك حينما تقدم فى التلفاز يقال انها من كلماته والحانه بصراحة حاجة ترفع الضغط فهى اغنية تراث قديمة قدم الانسان فى كردفان ولكن بفضل هارمونى ( مع الاعتذار لاختنا نادية) اصبح التراث نسيا منسيا والمؤسف ان القائم عليها من كردفان وكان يجب ان يكون اكثر الناس علما وحرصا على هذا التراث ...
شكرا لنشر الجمال يا سيدى ..........
04-12-2009, 04:19 PM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
Quote: شكرا على الاهداء الجميل ولكن لى تحفظ على اغنية راقصين التوية هذه فقد سمعتها قبل ان يولد هاشم بابنوسة هذا ومع ذلك حينما تقدم فى التلفاز يقال انها من كلماته والحانه بصراحة حاجة ترفع الضغط فهى اغنية تراث قديمة قدم الانسان فى كردفان ولكن بفضل هارمونى ( مع الاعتذار لاختنا نادية) اصبح التراث نسيا منسيا والمؤسف ان القائم عليها من كردفان وكان يجب ان يكون اكثر الناس علما وحرصا على هذا التراث
يااااااا حبابك شديد يا قرشو وفعلا راقصين التوية اغنية من التراث ويبدو ان هنالك معالجات قد تمت عليها علي مستوي الموسيقي وبعض الكلمات ولكن رغم كل شي فالحقوق هي الحقوق وكان يجب ان يحفظ التراث باسمه دون ربطها بشخص اخر... وتراث كردفان غني ياخي وملان بدعاش يقارع في القه دعاش الخريف في ربوعها... والف مرحب بيك في مدارات النقرشة..
البلابل ( عشّة صغيرة ) يا سسسسسسسسلام عليك يا عبدالناصر ياخي ويدك طااااعمة يعلم الله ومكسب كبير لمحبي الفن الجميل في هذه الزاوية وفي كل الامكنة.. وعشة صغيرة والبلابل وصرعة السبيعات التي لا يزال نهر ابداهم هادر وماشي بين مسامنا بالغناوي البجنن البدوزن والبتخلي الزول يبقي فرحان ومسسسسسسسسسسسسسسكين ويبقي نقطة هههه
04-12-2009, 07:55 PM
عبد الحميد حسين عبد الحميد حسين
تاريخ التسجيل: 11-05-2006
مجموع المشاركات: 456
عبدالناصر انت اللو سمحت فسيد ساس وراس ووسط حدائق الاغاني التيي نشرتها بيننا هنا نحن من نتسرب نششارك ونشارك الجميع مدارات هذه النقرشة التي جننتها جنون قبورة بحضور البلابل... ووطنبور محمد كرم الله لابد له ان يجد مكانا... فشوت يا زول شوووت سجن سجن غرامة غرامة نقرشة نقرشة ههههه
يا سلام يا ناظم علي سيرة الراحل المقيم خوجلي عثمان وبصحبة حنان وصاحب الصوت المميز عثمان مصطفي وبين كل هذا وذاك تطل الراحلة الاسطورية ليلي المغربي.. ياخي دي نقرشة عجيبة خلاص...
ونقرش معاي في خوجلي عثمان في ريعان شبابه ويطل ايضا ود الحاوي وهو في عز الشباب باكوردنه الذهبي يعزف لحن الجمال للراحل خوجلي او البلولة هذا هو اسمه الاصلي
04-12-2009, 09:45 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
وهذه المكان صار قنبلة من النقرشةالتي تدوذن عصب المنافي الاشتر وتعبث باشواق الوجد والهيام... ويانور العين لوردي بصوت شاب تاريخي... اقل ما يمكن ان يقال في حضورك وانتي تحملين وهج الاغاني والعاملة عمايل الله لا وراكم ليها ناس هوووي
04-12-2009, 10:43 PM
BitAlhana BitAlhana
تاريخ التسجيل: 02-14-2002
مجموع المشاركات: 1083
كيكي والمعاك: ياخ دا طرب ما بعدو من زمان ما وقعت فيهو نحن كنا بهناك في جخنون طارق جبريل نبكي لكن البهنا دا ختري عديل ياخ دا كلام ونغم وطنابير ومزازيك تشهيك البلد ويا كيكي حفلة كدا في ودهاشم عجاجها قايم وحدها الصلاة خير من النوم ديك ومنها للبحر وعومة دقش يا حليل البلد وغناها السمح ياخ نلم شنطنا ولا شنو ياخ؟ بهاء/طوكيو
** السمِى الباشمهندس / كيكي ** حلقت بنا فى عوالم أصبحت ذكرى لنا فى ظل إنعدام الفرح الذى اصبح رجساً من عمل الشيطان ** ** عادت بى الذاكره لزمن الفرح الجميل فى أرض المليون ميل مربع (قبل أن نسلم فى 1989) والذى فى طريقه الى ان يصير ارباع أو اسداس او أثمان ولربما يصبح التجول فى عوالم هذا الابداع يحتاج الى تأشيرتى خروج ودخول ** ** نحن شعب يعشق الجمال والطرب ,, والادب والشجاعه ,, والحق ونُصرة المظلوم ,, وبالرُغم من ذلك عشنا الحضاره بأثر عكسي** ** أعيدونا حيثما وجدتمونا وسوف ننقذ أنفسنا ** ## دعنا ننهل من هذا الطرب الاصيل ,, وهذه الايقاعات الافريقيه ,, من البلد القاره ## (ودام الود بيننا) (ابو محمد فؤاد) - الماكيكي..
04-13-2009, 11:00 PM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
هلا يا مجاهد وشكرا ياخي علي سلم النقرشة العالي وابوداوود ووردي مرة واحدة كده دي نقرش علي اصولها وسحب دهشة دايرة ليهاروح قدس واضان موسيقية قادرة ونضيفة ومقدرة وفي انتظار نقرشتك وعفوا علي التاخير لاسباب جيو مودية
04-17-2009, 06:02 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
كيكوفيتش وانا اقول حلقي ناشف لييييه اتاري الاحتباس الحراري عمل شوية تعديلات في الشهور ورمضان جا السنة دي اربعة شهور قبل الميعاد واهو كيكوفيتش وبرنامج غناوي (سابقا اغاني ) ... شايفيين الدنيا دي بتجري كيف ... تسلم كيكي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالكريم الامين احمد
Ishraga Mustafa
طارق جبريل
ناذر محمد الخليفة
انعام عبد الحفيظ
Alsa7afa_30
GamarBoBa
معاوية المدير
محمد الطيب حسن
محمد كابيلا
قرشـــو
جمال السنوسي
شول اشوانق دينق
Abdlaziz Eisa
Rawia
ناظم ابراهيم
Baha Elhadi
khaleel
عبدالكريم أحمد الامين
mohmed khalail
Mamoun Ahmed
abubakr
فيس بوك
تويتر
انستقرام
يوتيوب
بنتيريست