اهااااااااااااا دا كلام شنو الصورة حقتي ياخ ما حقت السماء حسا الجاب سيرة البحر منو ؟؟؟؟ يعني حتحقدوا علي عشان ود وجيه و حلو و حاخرت منكم الورق كلو موش ((•̪●.ZZZV ((•̪●.)٩(-̮̮̃-̃۶٩(-̮̮̃-̃۶ L ٩(●̮̮̃•̃۶ O
ثم انتا ما ادوك تأمين و عمل سري
تـامين ياخ تأمين وانشالله كمان دايما تامييين ترلا لا لاااا
12-04-2008, 11:44 PM
خضر حسين خليل خضر حسين خليل
تاريخ التسجيل: 12-18-2003
مجموع المشاركات: 15087
Quote: يا جماعة اختنا رحاب خليفة ضربت تلفون و قلت ليها ملمومين في ديوان اشراقة و قالت بتدور تجي علينا و اسي ضربت قالت هي في الباب
النمشي نفتح ليها و نجيكم
عماد و كوجان ديل ضايرهم يا خضر ما يفضوحونا مع البت اول مرة تجينا
ياسلام يارحاب ياختى ادخلى لجوة
ولع النور يا امجد- نور الحوش القدام
رحاب مايقوم يطقش حجر قلت ليكم من امس لموا الحجارة دى ابيتو سويتوها كلها ونسة وكوتشينة وضمنة
---- يا امجد ياخ ديوان شنو ياخ نحنا فى حوش كبير عنقاريبو مجدعة هنا وهناك انا غايتو لمن اجى انوم مالقى واحد فيكم راقد فى العنقريب المكعوج داك اصول بحب انوم فيهو
بعدين ياخ مالك على عماد ده ياخ اوعى بالله شوف طريقة لكوجان اصلوا مقروضة فى فائدة من مشوار المعونة اللى مشاهو امس
فياخ بالله ماتلخبت الكيمان
كوجان ذاتو راق حسع- حيدر عرف ليهو
12-05-2008, 00:14 AM
Amjed Amjed
تاريخ التسجيل: 11-04-2002
مجموع المشاركات: 4430
well, not sure how he took it, but I said wot came to mind at the time
what bugs me more is the attitude ya Amjed which is not befitting a presidential candidate you should not chase people around to vote for you, and in that way ---------- عثمان الريح مرشح رئاسي، ما سمعت عنه قبل كده
12-05-2008, 00:26 AM
Amjed Amjed
تاريخ التسجيل: 11-04-2002
مجموع المشاركات: 4430
والله لمن اتزكر انى كنت من انصارها ومحبيها اتحير فوق روحى دى زول ياكل لحمة نية؟ لاحولااااااااااااااا ولاقوة الاّ بالله
تعال نحكى ليك قصة..
أختى النجيو لمن جاتنى فى الصيف الفات ده مشت معاى السوق عشان نشترى حاجات المعيشة للبيت بتى وولدى بيحبوا نوع معين من شرائح الفراخ {ماعارفه بتشبه شنو اصلو بعيد عنك نحنا كنا ناس الويكة والكجيك والكمونية اللى اغلبها فشفاش ديك}
المهم هى شرائح مدورة ايوه اتذكرت اكلت مرة زمان فى بيت من بيوت اثرياء كوستى لمن عزمتنى بتهم حاجة كدى اسمها {باسطرمة} بس عرفتها بس الشرائح هنا اكبر شوية..
ياخ انا حسع نسيت القصة عشان اوصل ليك صورة الشرائح دى..
ايوه.. يوم السبت بنعمل الفطور فى الغالب على الطريقة النمساوية وبينما يأكل الصغار بتشهى اكون انا ممتعضة والحمد لله اها الوجبة النمساوية دى فيها مصائب كتيرة الشرائح دى واحدة منها اختى عاينت كدى وبعد شوية قالت بطنها طمت فى شين شنو يا بت امى؟
بتأكلوا لحمة نية؟ انتو بعاعيت؟
اها وام فتفت والمرارة دى شنو؟ وكت غلبها الرد قالت لىّ مالك ما اكلتيها لمن قام ليك خروف فى معدتك
----
يوم الاحد وهو برضو اجازة هنا بيكون يوم الاكل السودانى {ده قانون اشراقى فى سبيل تعريف صغارى {بالهوية} السودانية} التقلية اللى اتحولت بقدرة قادر لى البتاع البراون على قول واصل ولاّ الاورانج على قول مرافىء والكسرة اللى بيسألنى واصل عنها اسئلة نكير
مدهش انهم بيحبوه وبيأكلوه بس الفرق واضح لمن يكون الاكل نمساوى تلقاهم بياكلوا بطمأنينة مطلقة لانو عارفين الجن البيأكلوا فيهو ده..
ياخ كفاية قصص الشفع مابتنتهى...
قلت لىّ ام فتفت؟ انتو بعاعيت؟
12-05-2008, 09:00 AM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
petrovic never had only a bath when he wants to appear shiny and clean in his wedding day and the second bath when they want to decorate him for bravery after the war امجد.....
from the arms and the man
also flwers to mes haris
( they said mrs harris things about her dress like a little girl things about sex for the first time(
ديل اجمل مقاطع وصفيه اتذكرها من ايام الثانوي ..
المهم الحي بتاعكم اسمو شنو..
بنات العباسيه بيقدمنكم ليهو قالو
والعهده علي الراوي اخوراويه؟؟
12-05-2008, 12:21 PM
Amjed Amjed
تاريخ التسجيل: 11-04-2002
مجموع المشاركات: 4430
أمجد إنت النسألك البوست بتاعك بتاع الخطاب المأزوم وينو؟
ثم إستشارة للشباب الحلوين هنا كلكم في زول مطمم بطني وعامل لي غثيان روح أنا بستأذنكم عايز أعملي بوست وسأسميه بسفهاء الأسافير رجاءاً أعفو لينا قبح الكلام الحيرد هناك
اجي يا امجد!! اوعك تكون راجيني اجيب ليكم صونية اكل و محمر و مشمر ! يا حليلك يا دكترة .. ما كانش يتعز .. الفرن قافل و الحلة اتكسرت و الثلاثة وجبات كورن فليكس مرشوشين موية ...
تحضرني الآن حكاية نبيلة بت الجيران لما اتقمصت شخصية قاطعاها من راسها و ردت على راجلها لما قال ليها جيبي العشا بقولها:
-لم أخلق لهذا العبث و لفت راسها و كلمت فيلم السهرة ...
سمعنا بيها في موقف بصات الرياض جدة تودع المودعين بعين حسيرة و وصتني اجيب ليها طقم العشا لانو مرقوها بالعليها ...
وبما انني لست نبيلة ولا معرسة ولا مرتبطة ولا جايبة خبر وفوق هذا و ذاك لا احفل كثيرا بطقم العدة الناقص كام صحن ...
بالفم المليان ...
بقول لجمعكم الكريم:
أنا لم اخلق لمثل هذا العبث ... نامو خفاف
12-06-2008, 00:49 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
ما دايرة حوارات في موضوع الاكل ده يا اخوانا ابن جبريل يا طارق البوش ده إلا تفتو ليكم انا دي؟ نان محننين انتو؟
____
كوجان، انا ما شايتة لي أي حتة لانو ما ادوني كورة في باب البوست و ماما قالت لي ما تعلب بكورة الناس و الكيك بحبو مع شاي المغرب و البسطرمة ريحتها قوية وماما ما بتجيبها البيت .. ممكن كلوب ساندويش بالديك الرومي لايت ؟؟؟ .... ...
____ دقيقة يا عمو ... انا راجعة معاك وديني عند ناس خالتو سوسو
12-06-2008, 01:07 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
برعي مشى يجيب خروف العيد و مسكني الطبلية لحد ما يجي ..
حدثني انو سؤالك عن (كنه) الكلوب ساندويتش أو ما قيل في أكل الاعاجم و الفرنجة هي (شطيرة) بكلام افلام الكرتون بتاعت اب كستور البيفوق ده فيها بيض و مارتديلا (وما تجي تسأل منها برعي بعدين حاول تجتهد حبة ) وبين الطبقة و الطبقة حتة مخلل عجور رقيقة ..
الحاج كلوب سندوتش ارخص بتاعة في منيو الفنادق امهات نجوم .. باطلبها بلباقة علشان الشيرنق ما يعمل لي خرم في الجيب بيجيبوهو ليك متحكر صحن كبييييييييييير زي الشوير و راشين فوقو خس مقطع دقاق و بالجنبة (فرنش فرايز) يعني بتاتس محمر بلغة السكان المحليين لشمال النهر
اها ... هو لا اكل لا مقبلات .. شيتن ما بشبع لا بيسد جوع اتعلمناهو على كبر لزوم الشوسلايزنق مع الاعراق التانية الي بتمشي اللوبي في الفنادق و تسيب وراها (تب) يأكل عيلة مما نأكل
** برعي يخلي مسؤوليته من اي "سرة" حايمة برة البوست ده كي لا يختلط الاختساس على الفضيحة
12-06-2008, 10:47 AM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
اااااااااااااخ يا يدى... حرام عليكم ماتفقدوا اختكم الكبيرة كيكى عزمنى لعرس سيجمان من عوضية مجروس وقلت كدى مشيت ولمن عوضية مجروس كترت الكبع قام قلبىّ رقّ انا جنى وجن الدق ده فصاحة معانا لكن مع الدق جرررررررررررررررررى على طول
المهم اخدت لىّ كم حبته فى رأسى ويدى و...{ بحب الزول الالجن}
المهم كويس انكم متلمين ياحلوين
------
عزاز ياخ بركة الجيتى قلت ليك مرة مرة بريك بيكون كويس
وبعدين الديك الرومى دى عندى معاهو قصة
فى سنة 95 ايام الكفاح المسلح كنت شغالة مع سيدة من سيدات المجتمع العربى النمساوى ,مغندلة جنس غندلة هى.. قروشها قدر وزنها المجهبص ياخ دى بتعمل اكل آمنت بالله
المهم لمن عرست- {انا قلت شنو؟} ايوه لمن عرسونى هدتنى ديك رومى مطبوح ومنطف الطريق كلو كنت خائفه الديك الرومى ده يقوم يفرفر وقيامة النمسا تقوم اصلنا هنا ضد الذبح ومع حقوق الحيوان والطيور
يازولة الديك الرومى ده فرحت بيهو الداخلية كلها حاولنا نطبخوا الشىء ده بيغلى فى النار اربعة يوم وكلما يغلى كلما يبقى بلاستيك كبيت فيهو قرفة الدنيا كلها والقرنفل عشان ريحتو عندى مشاكل مع الروائح النافذه بعيد عنك الاّ ريحة هناى النافذة جوى قلبى الاسمر الهوى..... حمممممممممممممم
المهم فى النهاية هديناهو لاصحابنا طلبة معانا من تونس والمغرب عزمونا ابو القنفد- بتكلم جد... شعوب العالم منفتحة ياخوانا
---------
يا امجد ياخ ماتكتر المحلبية مع عماد ده ياخ وبعدين قصدك شنو يعنى اميرة ورحاب ديل ماحسان؟ نظام المديدة حرقتنى وكدى
وانا حاسبنى شنو يا امجد؟ من سيدات المجتمع اللى بيهدن ديك رومى؟
بعدين ياخ انت مالك بقران من حظوة الحسان ديل؟ ياحسان يابنات ياحلوات مايحجمكن ابو كستور اسود ده حسان وحلوات وانا ذاتى مكسرة فيكن {ووووووب الليلة ياعزاز خلاص بقت فينا} مع العلم انى مرتبطة وكدى حتى اسألوا رحاب لانو الشاى الجابتو ده فيهو مصيبة ما
امجد بطريقتك دى بعاكسك فى الفيزا فانتبه يا {يارعاك الله} بعدين ماتنسى ايدى لاحقة فى البلد دى
النمسا نمستى ونحنا اسيادها هيييييييييييييييييع
---------
عماد انت بتغطس ووين؟ جبت الخروف ولا لسه؟ عليك الله اكل لىّ اللحمة الهشة ديك اللى تحت اباط الخروف- ياخ دى بموت فيها كبدتها رطبه وريحتها زنجبيل معتق بالقهوة مش زى بتاعة الديك الرومى دلك ياخ ولو عملتوا شربوت فماتنسى اختك امجد ده ماتشربوا كتير منو خلى ليهو مساحة عشان هو حايجى فيينا كما تفيد تصريحاته الختييييييييييرة
---------
اميرة انتى ووين ياخ؟ بتجهزى للخطوبة؟
--------- ياسر كيف اخبار النعلات بتاعة امجد؟
ياخ مفردة النعلات دى بتخجنى من جوووووووووووووووووووووووووووووه بيقولها زول كان حبيبى بيقولها ببساطة ريفيه حميمة
ياخ حسه الجاب سيرة الحب ده منو؟ خلونا فى الفطور اللى على الطريقة النمساوية
اتفضلوا...
وده الخبز الاسمر الفاتح اللكلر ياعماد { كلا ايه انا قلت} والله صحى اتحنكشت
يالله باااااااااااااااى نشوفكم بعد السيما
كوجان استلم...
12-06-2008, 11:36 AM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
يا ربي ما تمحنا يا الله .. إنتو الطيرة العندها حاجة حمرة ملدلدة من نخرتها دي .. بتاكلوها كيف ؟ يعني ديك الله و ارسول البنعرفوا داك عندو قنبور مزقزق و منظرو كويس غايتو .. بيمشي حالو مع الجدادات .. و العوارة الفوق صنقوعو دي بتشبه تيجان الملوك و كده .. تسر الناظرات من الجدادات . لكن ديككم أبو مخاطة جنباوية حمرا ما دايرة تنقط ده .. تسووا بيهو شنو ؟ و بعدين بشوفوا في عيد الشكر بتاع الأفلام داك .. راقد في التربيزة زي ود الطهور .. و ما أملس زي الجداد حقنا .. فيهو حاجة في جلدو قايمة قايمة كده .. زي شعرة جلدو مكلّبة .. يا كمان لابس بشكير .
زمان جيران ناس خالتنا كانوا أقاريق .. أتاري عندهم ديك الحبش ده ( في مجلة لولو ، هي و طبوش و عرفان كانوا بيسموه ديك الحبش .. ما تسأليني ليه ) .. المهم يوم ساكت كده صرخت لي صرخة بتاعة فرح زول خرت البلي من ود خالتو .. و تحت الحيطة بتاعت الأقاريق ديل . يللا و القيامة قامت عند الأقاريق .. ياخي ديوك الحبش المربينها عندهم عن بكرة أبيها قالت كدي جعرت بأعلى صوتها .. النصيحة أنا إتكيفت من الإكتشاف .. بقيت أخليهم يهيجوا كددددددده و يتعبوا يصنو .. أقوم تاني أديهم ليك : كاااتررررربلللوووككككك .. و العوة تقوم تاني .. ساعة و أنا في الكاااتررررربلللوووككككك و ديوك الحبش الرومية بهناك قيامتهم قايمة بالكواريك .. لامن جات الإقريقية العجوزة جارة خالتنا إشتكتني .. قالت جداد الروم بطل يبيض بسبب ولدكم .. ولدكم قطع خلفتو . غايتو بقن عليهو الإتنين ديككم الرومي ده : عوير و مخاطتو سايلة .
..... إنتو صحي في “ جداد ” رومي ؟؟ إنتايات يعني ..! ما يكون كمان كلو ديوك و تدخلونا في حكاية الصلف الجدادي الذكوري و النقة “ ديك ” تاني !!!
12-06-2008, 12:46 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
Quote: إنتو الطيرة العندها حاجة حمرة ملدلدة من نخرتها دي .. بتاكلوها كيف ؟
حصل اكلت بط ياعماد؟
ياخ الديك الرومى ده ياكلوهو كيف وهو بقى زى البلاستيك؟ بغو الاندنويسى اللى كان معانا فى الداخلية ماعرف ليهو رغم انو بيعمل جكن آمنت بالله من بهارو- ياخ ديل رزهم مبااااااااالغة والاكل ليهو طقوس عندهم يفرشوا سجادة ناعمة كدى فى الواطة ويولعوا شموع نوع اللى بتفطح فى الموية ديك يعنى تاكل فى جو رومانسى...
{عملت الطقس ده مرة لابوى ولوله اختى لمن جونى}- بحب الرومانسية ياخ اعمل شنو؟ الجماعة اتحملونى يومين تلاتة فى قصة الشموع دى وكت كتر عليهم ابوى قال لى يابتى جيبى لى اكلى تانى فى الاوضة دى
زى واحدة سودانية صاحبتى رحلت فى بيت جديد ملكها يعنى قمت اشتريت ليها بلومان بلغة النمساويين يعنى ورد مشكل
قالت لىّ {زهورك مابنباها لكن الفيك اتعرفت}
عشان كدى لمن عزمت الناس لتخريجى فى الجامعة كلمتهم يقدروا سعر الوردة ويدونى ليها نقدا
ماخلاااااااااااااااس رومانسيتنا راحت فى حق الواقعية آآآآآآآخ انا ياكبدى عليك يا خليل مطران
شوفنى بالله حسع دخلت ومرقت فى كم زقاق {إحزرن يانبات الخدلات اللى زى دى تؤدى الى طريق مسدود ينفتح بالطلاق البائن بينونة رجعة}
المهم ياسيدى اللى آمنت عليك..
بالعودة الى ديكنا الرومى ابو مخاتة داك {ياخ بالغت حسع ده كلام يقولوه لحنكوشة}
اصحابنا التوانسة اكلوا الديك الرومى واكلتوا النمساوية صاحبة واحد فيهم وبالليل جابوا ليها الاسعاف
الحمد لله طلعت سلامة والاّ كنت ليوم الليلة اقضى فى عقوبة الديك الرومى اللابس عقد احمررررررررررررررررررررررر فى رقبتو التقول عندو ظار
اها النجيكم كلكلم لقصة ابو القنفد ياخ صاحبنا داك يبمظمظ فى شوكو زى مظمظتكم فى الفسيخ ابو شوك
-----
امجد لمن تجى فيينا جيب لىّ معاك فسيخ
-------
خضر حسين انت مالك بتشرد من الحسان
------ خدر بارعة اخبار عصام جبرالله شنو؟ الولد ده يكون بحب؟ عوجه والله ياعصومى
12-06-2008, 05:49 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
شعب مكشوطة منو الرومانسية والحمد لله من بعد ومن قبل
الرومانسية دى حدها ايام الحب والخطوبة
مرة واحدة سالت راجلها وتزوجوا عن {حب} مشهود قالت ليهو انت مما عرستنى ماقلت لى ياحبيبتى؟
ضحك- تحت تحت بسخرية- معلقا على سؤالها
انت من الله خلقك شفتى ليك راجل بيقول لمرتو ياحبيتى
انا غايتو شفت وانخلعت لمن خدر نادى مرتو ياحبيتى ووقعت من طولى لمن هى ببساطة قالت ليهو نعم ياحبيبى ربنا يحفظهم من شرور الغربة بركة قبايل العيد {السعيد}
ولاّ لمن واحد يجى يعانى لمرتو تقوم المسكينة تسألو وتحبطو ليك { انت بتعاين لىّ كدى مالك؟} ده لو ماقالت فى سرها {العين بحسين}- اموت واعرف حسين ده منو وعمل شنو
وكمان كان بقى ظريف شديد بيكون عامل ليهو عملة مثلا بيكون كتر فى الفسيخ
رومانسية قال...
حبوا وطولوا فى مدة الحب ومن ماتدخل حلة الملاح وجاك وواك الله يكون فى العون
--------
كلامى ده لايعول عليهو يا امجد ياخ كلام ليل يمحوه النهار
12-06-2008, 11:11 PM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
شروق ... الرومانسية بخير يا يمّه وقتن تناديهو في نص الكلام : (......) و يرد ليك يا : يا حبيبة (......) يا دنيا (......) و تنسى الكلام كان شنو و في شنو و تبتدي من جديد ... باااقية هي فينا متى استبشروا صباحهم بنا و غفوا ليلا على كتف اشواقنا التي لا تكف .... ..... اخاف الظلم يا اشراقة ... الرومانسية حية ترزق بين ظهرانينا لو بادرنا بالفينا من شوق و حنية نصبر عليهم حببببة ... زي الأرض تديك خيرها ... نربيهم زي وليد الحشا نوريهم عذب الكلام ... يحيروك وقتن يعرفوا سر الكلام و العجب العيون و كلام العيون ..... لو في حب ما بس (عُشرة) و قدح و غطاه، احلف بغلاوة الغايب انو (كيف اصبحتي) تجيك ملحنّة لمن تغمري ..!! الرومانسية فيه المافي البخت !!
12-06-2008, 11:55 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
Quote: شروق ... الرومانسية بخير يا يمّه وقتن تناديهو في نص الكلام : (......) و يرد ليك يا : يا حبيبة (......) يا دنيا (......) و تنسى الكلام كان شنو و في شنو و تبتدي من جديد ... باااقية هي فينا متى استبشروا صباحهم بنا و غفوا ليلا على كتف اشواقنا التي لا تكف ....
ده فى الافلام ياعزوز ياخ الحمد لله ماخليت لى فلم هندى ماحضرتو
كان نفسى زماااااااااااااان احب لىّ زول يقوم كدى فى ميدان الحرية فى كوستى وينادينى
اشرااااااااااااااااااااااااااااااااااااقة على شاكلة سبنااااااااااااااااااااااااااااا
بس ياخسارة..... لا سبنى ولا سبنتو...
لكن الله فى الخوف تسمعى كلام من شاكلة {ده كلام مراهقة ساى} هو خلونا نعيشها؟
طبعا الموضوع ده عندى فيهو كتابة حدادى مدادى عارفة اندراشة الناس فى مسلسل نور ومهند دى ليها مبرراتها
يعنى لمن تشوفى الخواجات هنا {رغم البرمجة} والرومانسية اللى بتظهر ايام الفالنتين والقبلات المخطوفة على عجل ديك لكن مع ذلك قادرين يعبروا عن مشاعرهم يازولة نظرة واحدة للتربية بتاعتنا تكفى الواحدة يكون دايرين يعرسوها وماشة لبيت عدلها يجن النسوان المقعدات ديلك ويدنها الوصايا العشرة
صاح الدلع مثمر- لكن لمن يجى براهو طالع كدى مش بتحريض منهن
طيب ياعزوز انتظرى ايام العيد دى وانزل الموضوع ده وخليك قريبة
يابتى انتى لسة فى البر وخليكى فيهو لحدى ماتلقى اللى يقول ليك ياحبيتى بس لازم تكون متيقنة انو فى علاقة طردية مع الجو والانقلابات والسعلوة والكلمات المعطونة فى الروح دى
الغريبة كنت بسمع قبال شوية والدنيا صانه لاوبرا- بتجى من جوه وبتصحى فيك ديك الشجون اللى نفسك تزرعيها فى روح حبيبك وتشجر بيهو اها دى مارومانسية؟
اسمعى...
12-06-2008, 11:56 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
Quote: نربيهم زي وليد الحشا نوريهم عذب الكلام ... يحيروك وقتن يعرفوا سر الكلام و العجب العيون و كلام العيون
شفتى كلام العيون ده هو العذاب ذاااااااااااااااااتو تصحا فيها اشجار وسحالى وضفادع شوق ومصائب تانية
ياخ ذكرتينى حسع عيون اول حبيب { اظهر لى غرامو وبادلنى المحبة} على قولت الفنان سافرت فيها جنس سفر بكون لحسع مارجعت ياحليلو ياخ....
{{ كان العرق يتصبب من وجهها هبّ الحبيب هبة جيش واحد وجفف عرق المقاومة بعد سنوات من حلل الملاح وجاك وووواك وقرشى وقرشك والبتاع والهناى وهلمجرا
رقدت بعد يوم مجهد رقدت منهكة وماقادرة المسكينة تقوم تبلع حبة صداع - مالك.. مصدعة - ماتقومى تبلعى حبة
قالها وادمدم ونام..
------- بيحب الحياة بيحبها موت... بتحب الحياة اللى فيها هو وبس خنقتو.. الريدة بتخنق وبتحاصر وبتطلع العين اشتاق لى لمسة حنان منها.. مشغولة هى بترتيب البيت وواجبات الصغار والمجاملات الما بتخلص كل شىء تحول لواجب الاكل الغسيل الجنس كلو كلو..
روحه عطشانه وهائمه وهى هائمه فى وادى تانى تحكى عن شىء ويجاوب عن شىء تانى
واغتيلت الرومانسية مع سبق الاصرار والترصد}}*
----- * من كتابة بعنوان { رجال رومانسيون ونساء حالمات}
الجيلي احي انا كان ما الصورة الخاتيها دي قتلت لي بيها حيلي كنتا اتماسخت عليك جنس مساخة خش لي جوا و جر الباب دا وراك بالله
يا اشراقة تعرفي الاعرابي بتاع النوق داك قال شنو قال احبها و تحبني و يحب ناقتها بعيري
الاحساس بالامان ياخي زول تخلي ليو ضهرك و انتا مطمئن انو ما حيطعنك فيو او تنسى الوثيقة (الوثائق اياها يا خضر عرفتها ولا افتك ) جنبو و انتا ما مقلق زاتو غايتو
اطال الرب مراحل حبيبتي و حبيبي دي و ابعدنا من المراحل المتأخرة
عزاز انتي جيتي ؟؟؟
عماد طبعاً النقاش دا انتا ما قادر تشارك فيو مش كدا؟؟؟ نغير ليو الموضوع يا جماعه
12-07-2008, 01:31 AM
الجيلى أحمد الجيلى أحمد
تاريخ التسجيل: 03-27-2006
مجموع المشاركات: 3236
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Amjed
.ZZZV ((•̪●
خضر حسين خليل
Rihab Khalifa
ibrahim kojan
Ishraga Mustafa
خدر
Safia Mohamed
طارق جبريل
Emad Abdulla
الجيلى أحمد
فيس بوك
تويتر
انستقرام
يوتيوب
بنتيريست