|
|
|
 Re: يا ناس الخرطوم أسعار الأراضى بالخرطوم....................... (Re: nazar hussien)
|
تحذير
هنالك عقارات يتم بيعها كشقق قبل اكتمال البناء وطريقه شراء الشقق بالاقساط تتم كالاتى
يتم توقيع عقد بيع مبدئ بين مالك العماره وصاحب الشقه وتحدد له الشقه وطابقها وينتظر المشترى اكتمال البناء
بعد اكتمال المبنى تقوم الشئون الهندسيه بزياره الموقع والتصديق على البناء وثم مخاطبه التسجيلات بتحويل العقار الى شقق ويتم استخراج شهاده بحث لكل شقه منفصله بعد ان كان العقار كله بشهاده بحث واحده
مثال شقه رقم 7 العماره رقم 3 القطعه رقم 4 مربع 10 الازهرى
الخطوره هنا ان بعض ضعاف النفوس يقومون وقبل اكمال المبنى برهن العقار لبنك او بيعه لجهه اخرى والهرب بالقروش او عدم سداد اموال البنك فيحجز البنك عاى العقار ويبيعه
وهنا يكون صاحب عقد البيع المبدئ قد شرب المقلب وضاعت كل الاموال التى دفعها مقدما وعند رجوعه للبائع اما يجده قد هرب او فى السجن او لا اموال لديه للسداد
عليه الحذر الحذر
| |
 
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: عصام دقداق)
|
يا اخوانا والله انا مغيوظ من السودان واسعار الاراضى جدا
يعنى واطة الاخ فيصل محمد خليل دى تجيب مليون دولار فى المنشية الواطتها فايرة وطينية طيب شوفو البيت ده فى المانيا ومطل على منطقة مخضرة وهادئة تبعد ٣ كلومترات من قلب هامبورج وشغال بالطاقة الشمسية ودايرين فيهو ١٨٠ الف يورو يعنى واطة فيصل خليل البلمنشية ده بتجيب ليهو هنا بارتياح خمسة بيوت جاهزة زى ده ومن مجاميعه وبالاثاث والمنافع والحديقة حوالى ١٠٠٠ متر وشغال بالطاقة الشمسية كمان
سبحان الله
إبراهيم عبد الحليم
| |
|
|
|
|
|
|
|
|
 Re: يا ناس الخرطوم أسعار الأراضى بالخرطوم....................... (Re: abdelgadir mustafa)
|
Quote: بسم الله الرحمن الرحيم
السلام عليكم ورحمة الله وبركاتة
ود الصايم كيفنك
قبل فترة كنت متابع بوست في سودانيز اونلاين بخصوص اسعار الاراضي والبيوت
واغلب المتابعبن مغتربيين زينا ومسطحين= على العموم انا لقيت موقع جميل والله وفيهو 4 بيوت
معروضة للبيع وممكن تشوف صور العقار وكذلك عن طريق خرائط قوقل
فياريت تقدر تنزل المعلومات دي في سودانيز مع رابط الموقع صدقني في ناس كتير
حتستفيد من الموقع = مع خالص تحياتي لك
رابــط الموقـــع
اخوك سكراب = جدة
|
شكرا سُكراب!
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: munswor almophtah)
|
الأخ منصور وضيوفه الكرام ..
أسعار الأراضي بالخرطوم غير منطقية
ونصيحتي لك أن لا تشتري في الخرطوم
الأفضل أن تستثمر أموالك في أي دولة أخرى
فالأسعار في السودان لا تخضع لمنطق ولا حركة سوق..
المتحكمين في الأسعار سماسرة جهلة لا يهمهم أمر أحد
ولا يحركهم سوى جشعهم وحبهم للمال ، وتساعدهم الحكومة
بوقوفها موقف المتفرج ..
في اجازتي الفاتت عرض علي قريبي منزل بمبلغ 800 ألف دولار!!!!!
المنزل ليس فيه ما يميزه ، فهل يعقل أن اشتري منزل بهذا السعر؟؟
ثم إنو أنا من وين أجيب قروش قدر دي؟؟؟؟
الغريبة سمعت إنو البيت اتباع ، والمشتري قاعد في السودان ما فارقو يوم
الناس دي قعد تجيب القروش دي من وين؟؟
يا زول أخير ليك قروشك دي تشتري بيها عقارات في أي مكان مضمون ، وأنسى سودان الجن ده..
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: munswor almophtah)
|
Quote: Arabic
دمشق ثامن أغلى مدينة في العالم في أسعار العقارات
في دراسة لمؤسسة كوشمان و ويكفيلد المتخصصة بمتابعة أسعار العقارات حول العالم، احتلت العاصمة السورية دمشق المرتبة الثامنة من بين أغلى عشر مدن في العالم في مؤشرات أسعار المكاتب والعقارات.
وتعد هذه الدراسة الثانية من نوعها التي تضع العاصمة السورية ضمن أغلى عشر مدن في العالم من حيث غلاء أسعار العقارات.
وتسبق دمشق في الدراسة الأخيرة جميع مدن العالم بما فيها نيويورك وسنغافورة في ترتيب الغلاء، ولا تسبقها سوى هونغ كونغ وطوكيو ولندن وموسكو ودبي ومومباي وباريس.
وفي تصريح لبي بي سي استغرب محمد الحسين وزير المال السوري نتائج هذه الدراسة وقال " لم يستشرنا أحد بشأن هذه الدراسة، ولم تطلب منا معلومات لتبنى عليها، أنا أشك في صحة نتائجها، الرقم ليس بدقيق، أن دمشق بهذا السلم العالي جداً بين المدن الاغلى في العقارات في العالم "
وتابع السوريون بدهشة واستغراب مؤخراً أنباءً عن بيع منزل مساحته 300 متر مربع، مطل على حديقة تشرين وسط العاصمة بمبلغ 250 مليون ليرة سورية أي ما يزيد على خمسة ملايين دولار، في وقت تحول فيه الحصول على منزل بثمن يقل مائة مرة عن ثمن هذا البيت، إلى حلم صعب المنال بالنسبة للكثير من السوريين وخاصة الشباب وذوي الدخل المحدود.
وقال لبي بي سي سائق حافلة تلاميذ كان يوصل تلاميذا إلى حي المالكي في العاصمة السورية الذي تباع فيه المنازل بملايين الدولارات " أحتاج للعمل 1700 سنة وتوفير كامل دخلي لأتمكن من شراء شقة في هذا الحي "
وتعاني سورية من أزمة سكن مزمنة منذ نصف قرن، حيث يبلغ الفارق بين المعروض من المساكن وبين المطلوب منها مايقرب من 750 ألف مسكن.
المهندس وليد ملص مدير شركة للتطوير العقاري أجمل لبي بي سي أسباب الأزمة "هجرة الريف الى المدينة والزيادة السكانية، وضعف موارد الدولة السورية وتكريس جزء كبير منها لمواجهة التحديات العسكرية للصراع مع اسرائيل، وعدم توفير الحكومة لأراض بسعر معقول لكافة فئات الشعب وعدم توفر أدوات اقتصادية كالقروض بفوائد مناسبة، وسوء إدارة الازمة وغياب خطة منهجية لمواجهة الزيادة في الطلب على السكن"
وينجم عن النقص الفادح في حجم المعروض والمبني من المساكن وغلاء أسعارها توسع ظاهرة السكن العشوائي الذي يفتقر الى الحد اللازم من الخدمات، وظاهرة العقارات الخالية من السكان والتي يقدر الخبراء عددها في سورية بخمسمائة ألف شقة تستخدم في المضاربة والادخار والتداول في سوق العقارات .
ولا زال الكثير من السوريين ينظرون الى تملك العقارات باعتباره أكثر وسائل الاستثمار والادخار أماناً وبساطة ، ما يضاعف الطلب على العقارات ويزيد من أسعارها حتى في أوقات الأزمات الاقتصادية.
--------------------------------------------------------------------------------
http://www.bbc.co.uk/arabic/business/2010/05/100501_syr...realestate_tc2.shtml
© BBC 2010 |
نحنا مابرانا ولا شنو
حد يعرف ترتيب الخرتوم ياناس؟
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: الامين موسى البشاري)
|
الاخبار
تخفيضات رسوم الأراضي تشمل القطاعات السكنية والتجارية
الخرطوم: عمار آدم
كشفت مصلحة الأراضى بالخرطوم عن اتجاه لتخفيض رسوم تراخيص المبانى والأراضي كافة لأقل من (50%) مطلع الشهر المقبل، في وقت أكدت استمرار سريان قرار تخفيض الأراضي الذي أعلنته في أكتوبر من العام الماضي حتى الآن. وأكد محمد سالم أحمد المسؤول بمصلحة الأراضي بالخرطوم لـ «الرأي العام» أمس أن المصلحة تسعى إلى إعلان مزيد من التخفيضات في رسوم الأراضي تصل لـ (40%) اعتباراً من يونيو المقبل ستشمل رسوم فرق السعر والتحسين والتخفيض للقطاعات السكنية والتجارية، مؤكداً أن اجتماعاً إلتأم نهاية الأسبوع الماضي بين مولانا عصام الزين مدير المصلحة والمهندس عبد الوهاب عثمان وزير التخطيط العمراني، قرر ضرورة الإعلان عن مزيد من التخفيضات لجهة تخفيف العبء على المواطنين.
المصدر
http://www.rayaam.info/News_view.aspx?pid=607&id=46596
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: زول ساكت)
|
معليش يا اخوانا حا ادخل لفت رغم انو لا ناقة لي ولا جمل في أرض السودان
وترانا ماكلين شاربين ساكنية وناسين موضوع بيت في السودان ومعتبرو انا ونسة غلابه ساي ..
جاتني رسالة من : yamamah.com تقول الاتي : Quote: السلام عليكم ... أحفظ مالك وأمن سكن لاولادك/مقابل 3000 ريال مقدم و 1055 ريال
قسط شهري لثلاثون شهراً 300 م2 بمخطط الخيل السكني بشرق النيل .. البيع بالسفارة السودانية بالرياض |
إضافة إلى اسم المرسل وتلفوناتو ...
وده الموقع : http://www.yamamah.com/
أدونا النجيضة
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: عثمان عووضة)
|
سلام للجميع
من منكم يمدنا بمعلومات عن مدينه النيل الازرق
المعلومات العامه انها تقع فى المنطقه الموازيه للجريف شرق وسوبا شرق حتى كبرى سوبا المقترح
هنالك ظلط جارى العمل به وقد تمت بعض الردميات بالقرب من كبرى المنشيه ناحيه بحرى
الجزء الذى يقع بين الظلط المقترح والبحر تم بيعه لكويتين سيتم انشاء مبانى به
والجزء الى يقع بين الظلط المقترح والجريف وسوبا سيتم بيعه عن طريق للسودانيين مباشره
الاسعار الاوليه لهذه القطع تتراوح بين 350 مليون للقطع بالقرب من كبرى المنشيه وتصل الى 120 مليون جنيه للقطع التى تقع بالقرب من كبرى سوبا المقترح
نامل مزيد من المعلومات فالمنطقه واعده وستتضاعف الارقام لهذه القطع بعد مرور عام باذن الله
لكم الشكر
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: عثمان عووضة)
|
Quote:
سلام للجميع
من منكم يمدنا بمعلومات عن مدينه النيل الازرق
المعلومات العامه انها تقع فى المنطقه الموازيه للجريف شرق وسوبا شرق حتى كبرى سوبا المقترح
هنالك ظلط جارى العمل به وقد تمت بعض الردميات بالقرب من كبرى المنشيه ناحيه بحرى
الجزء الذى يقع بين الظلط المقترح والبحر تم بيعه لكويتين سيتم انشاء مبانى به
والجزء الى يقع بين الظلط المقترح والجريف وسوبا سيتم بيعه عن طريق للسودانيين مباشره
الاسعار الاوليه لهذه القطع تتراوح بين 350 مليون للقطع بالقرب من كبرى المنشيه وتصل الى 120 مليون جنيه للقطع التى تقع بالقرب من كبرى سوبا المقترح
نامل مزيد من المعلومات فالمنطقه واعده وستتضاعف الارقام لهذه القطع بعد مرور عام باذن الله
لكم الشكر |
هاك شوف دى :
قطعة ارض الجريف شرق مقابل( جنوب) المستشفى الصينى وخلف المدرسة الابتدائية:
LATITUDE : 15°35'52.06"N
LONGITUDE: 32°36'10.06"E
على القوقل ايرث ......
المساحة حوالى : 900 متر .... وثلاثة جيران
القيمة = 350 مليون ج / قديم..... نهائى
[email protected]
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: الامين جبارة الله التوم)
|
اصطف العشرات بالسفارة السودانية بالرياض بسبب أن هنالك خبرية بان الحكومة ابتهاجاً بفوز البشير توزع أراضي للمغتربين ..
وبالتقصي عن هذه المعلومات اتضح انها إشاعة
وبدلأ عن خبرية الملح هذه وجدنا بالسفارة أراضي لمخطط طرح حديثاً وهو من مخططات سوقطرة اسمه النخيل 2 بقسط اول كبير وبأسعار مرتفعة تتراوح بين 65 ألف ريال و 50 الف ريال للقطعة 300 متر وهذا العرض يزيد باكثر من 22% من عرض مدينة طيبة التي نفذت قبل اشهر قليلة
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: abdelgadir mustafa)
|
| Quote: عمارتين تتكون الواحده منهما من ثلاثه عشر طابقا تم بيعهما بمبلغ اثنا عشر مليون دولالالالالالالالالالالالالالالالالالالالالالالالار ما جنيه |
المشتري دا قالو ليه القيامة ما بتقوم في الخرطوم والله شنو؟؟؟
12 مليون دولار دي بتجيب ليه
12 عمارة محل ما انا خات كراعي دي
و24 عمارة محل ما كوستاوي خات كراعو
و48 عمارة محل ما خالد العبيد نائم
و50 عمارة في لندن
و100 عمارة في سوريا
و6 عمارات في البرازيل
و17 عمارة في ماليزيا
و90 عمارة في تركيا
وامكن تشتري اليونان بي نانا...
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: abdelgadir mustafa)
|
تعرفوا يا شباب أعتقد بتحليل إقتصادي بسييييييط للكلام والأسعار البتقولوا فيها دي : السودان فيهو سيولة الناس ما عارفه توديها وين...لكن السؤال هو السيولة دي جاية من وين ؟؟؟؟؟؟
يا عبدالقادر
أنا عندي بيت قديم في شمبات الأراضي مربع 16 مساحته 400 متر ( وممكن تكون 800 متر قطعتين) عاوز أبنيها طوابق وهي علي شارعين رئيسيين ...شارع جاي من شارع المعونة والتاني من مستشفي البراحة
أها أنا مغترب لي 30 سنة وما عندي قروش أبنيها .....أسوي شنو؟؟ أفكاركم بالله
تلفوني وعنواني في البروفايل
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: الفاتح شلبي)
|
اخى الفاتح
اولا طالما قلت اربعمائه متر فى ارض مكتوب عليها مربوع طيبه والساقيه 11 فذلك يعنى مايلى
هذه قطعه زراعيه تم تقسيمها سكنيا
هذه القطعه على الشيوع
تحتاج القطعه الزراعيه لتحويلها لسكنيه
لايتم تحويل ارض زراعيه لسكنى الا اذا كانت فدان او اكثر على ما اعتقد
عليه نصيحه لك ان تبتعد عن الشراء
لاتشترى الا شهاده بحث سكنيه صادره من تسجيلات اراضى سكنيه وليس زراعيه
التلفون فى البوست لمزيد من التوضيح
لك الشكر
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: عثمان دغيس)
|
شكرا يا عبدالقادر علي النصيحة:
Quote: الثانى ان تدخل مع مستثمر مساهمتك الارض وهو يلتزم بالبناء وفق شروط متفق عليها والثانيه مخاطرها اكبر ان لم تكن تفتيحه
لك الشكر B] |
لكن المستثمر ده ممكن يعمل شنو ليس في مصلحتي....لأني فعلا بفتش في مستثمر لل 400 متر...لأن ال 400 متر الباقية ليس ملكي بل ملك قريبي( شديد) ومحتاج إقناع ...لكني أملك التصرف في 400 متر فقط
لك الشكر ولكل من يمدني برأي
بالمناسبة القطعة موقعها سمح شديد ...وللبعرفوا شمبات الأراضي ..القطعة بتاعت دكان ومحطة الذكريات
| |
|
|
|
|
|
|
|
|
 Re: يا ناس الخرطوم أسعار الأراضى بالخرطوم....................... (Re: بكري عباس علي)
|
الاخ منصور
تحياتي واشواقي
مشكورين جدا على بوست اسعار الاراضي الذي نورنا كتير جدا عن اسعار الاراضي بالخرطوم
عندي سؤالين
اولا :اسعار الاراضي بالحاج يوسف مربع 38،39،40
ثانيا : هناك نقطة هامة جدا لم تتطرقوا لها وهي تاثير انفصال الجنوب على اسعار الاراضي!!!! واعتقد اذا تم الانفصال فانه سيكون هناك انهيار كبير جدا في اسعار الاراضي وفي الايجارات لان ربع سكان الخرطوم جنوبيون وبالتالي سوف يتركوا
الخرطوم ويبيعوا اراضيهم وممتلكاتهم وممكن تصبح الارض بالحاج يوسف ببلاااااش
مع خالص شكري وتقديري
محمد عبد المطلب بساطي
ãÍãÏ ÚÈÏ ÇáãØáÈ ÈÓÇØí(ÇáÓÑíÍÉ) 0
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: بكري عباس علي)
|
صحيفة الراي العام 19-5-2010
تزايد الطلب على الاراضي بالخوجلاب
عاودت أسعار الأراضي في منطقة الخوجلاب بالخرطوم بحري ارتفاعها جراء تزايد الطلب عليها بعد ركود وعدم إقبال ادى الى انخفاض أسعارها، حيث تراجعت سعر القطعة في الدرجة الثالثة الى (4500) جنيه بدلاً عن (9000) جنيه.
وقال صلاح البشير حمزة - تاجر اراضي ببحري - لـ (الرأي العام) هنالك إقبال شديد على منطقة الخوجلاب بعد غياب طويل، وبلغت قطعة الأرض درجة ثالثة (6000) جنيه مع عدم توافرها، والثانية (8) آلاف جنيه والثالثة بلغت (12) ألف جنيهاً، وأوضح ان درجة أولى كانت في بداياتها (20) ألف جنيه، والثانية (14) ألف جنيه والثالثة (9) آلاف جنيه، وتراجعت لاسباب عدة منها اتهامات ببعض التزوير وبعدها عن الشارع الرئيسي ما يقارب الـ (10) كيلومترات، والآن يمر بها الشارع الجديد من الحاج يوسف الى المصفاة «قري» ثم عطبرة، ويذكر ان الخوجلاب اطلق عليها سابقاً المدينة «المحورية».
وأصبحت تحظى بتسابق الكثيرين لشراء أراضي وأدت الى دخولهم السجون بعد التراجع السريع في أسعارها، وأضاف صلاح بلغت قطعة الأرض الدرجة الثالثة بمدينة الفاتح بسوبا شرق بين (20 - 24) الف جنيه، والثانية في حدود (30 - 32) الف جنيه، والأولى (55) ألف جنيه، وتفل على شارع العيلفون إلى (75) الف جنيه، وذلك في مربعات من واحد إلى اربعة.
أما مربعي (18 و19) لا تتعدى سعر القطعة الـ (35) الف جنيه، واضاف: أما في الوادي الأخضر بالحاج يوسف بلغت الدرجة الثالثة (7500) جنيه، والثانية (12) الف جنيه، أما الأولى في حدود (15) الف جنيه.
http://www.rayaam.info/News_view.aspx?pid=623&id=47967
| |
|
|
|
|
|
|
|
|
 Re: يا ناس الخرطوم أسعار الأراضى بالخرطوم....................... (Re: بكري عباس علي)
|
سلام يا شباب
إيميل من الأخ الجربندي!
Quote: ألاخ محمد
السلام عليكم ورحمة الله
الحمد لله علي العودة
أرجو ما امكن توجيه الاسئلة التالية للاخ عبد القادر مصطفي في بوست اسعار اراضي الخرطوم:
1/ما هو المتوقع بالنسبة لاسعار الاراضي في الخرطوم في حالة قيام الاستفتاء وانفصال الجنوب
2/نفس السؤال في حالة تعثر الاستفتاء وحدوث تطورات سلبية ( العودة للحرب مثلا
أرجو ان يفيدنا الاخ عبد القادر عن هذه التساؤلات المهمة
مع خالص الشكر والتقدير |
أرجو أن تجد الإجابة
تحياتي!
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: عبد اللطيف السيدح)
|
Quote: هناك نقطة هامة جدا لم تتطرقوا لها وهي تاثير انفصال الجنوب على اسعار الاراضي!!!! واعتقد اذا تم الانفصال فانه سيكون هناك انهيار كبير جدا في اسعار الاراضي وفي الايجارات لان ربع سكان الخرطوم جنوبيون وبالتالي سوف يتركوا
الخرطوم ويبيعوا اراضيهم وممتلكاتهم وممكن تصبح الارض بالحاج يوسف ببلاااااش |
هو لو أنفصل الجنوب تاني الواطه عاوزين بيها شنو؟!
ما بتكون واطتنا أصبحت
إن شاء الله الجنوب ما ينفصل
واسعار الوطة تنهار
والداير كتيره إن شاء الله ما يلقاهو
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: عثمان دغيس)
|
Quote: قطعتين متجاورتين في حي السلام جنوب الخرطوم بمساحة 348 متر مربع لكل واحدة
وإحداهن ناصية تفتح على ميدان ...
وملك حر ...
بجيبوا كم ؟؟؟؟ |
من 65 وحتى 70 مليون حسب موضع القطعتين ان كانتا شمال الحي ام جنوبه
وهذه المعلومة قديمة وربما ارتفع السعر فالمنطقة تقفز بسرعة في الاسعار فهي بكر وجميع المناطق التي تحيط بها شمالاً لا يقل سعر القطعة الواحدة عن 90 مليون
ارجو من اخي عبد القادر تاكيد المعلومة ..
ونصيحتي لا تبع هذه المنطقة موعودة جداً
| |
|
|
|
|
|
|
|
|
|
Re: يا ناس الخرطوم أسعار الأراضى بالخرطوم....................... (Re: abdelgadir mustafa)
|
Quote:
سؤال فني يا أخوانا
حي السلام جنوب الخرطوم
ملك حر
مساحة 348 م م
أسعاره وصلت كم
|
الاخوان بهاءالدين سليمان وعثمان دغيس . حى السلام ينقسم الى ثلاثه مربعات ( 1, 2 , 3 )
القطعه بتاعتك فى اي منهم اما بخصوص الاسعار تتراوح ما بين 55 الى 70 واحتمال ازيد من ذلك
لنه الاسعار فيه مضهبه بس بينى وبينك الحى دا فى السلك من حيث الموقع ويا دغيس اذا قبضتا لا تطلق واذا طلقته لا تندم .
ارجو من اخي عبد القادر تاكيد المعلومة
| |
|
|
|
|
|
|
| |
munswor almophtah
فيصل محمد خليل
ياسر إدريس حسن
nazar hussien
إبراهيم عبد الحليم
محمد عبد الماجد الصايم
زول ساكت
الفاتح خليل الفكي
الامين موسى البشاري
عمران حسن صالح
عثمان عووضة
أحمد إسماعيل
Awad Omer
الامين جبارة الله التوم
سيف اليزل برعي البدوي
عبد الدائم سيد أحمد
Osama Mirghani
مزمل خيرى
الفاتح شلبي
بكري عباس علي
Abdelmuhsin Said
عبد اللطيف السيدح
Mohamed Abdelgaleel
Elawad Eltayeb
فيس بوك
تويتر
انستقرام
يوتيوب
بنتيريست