|
|
|
 Re: سؤال توثيقي .... أين كنت يوم الجمعة 30 يونيو1989 (Re: رمضان محجوب)
|
كنت فى طريقى للخرطوم قادما من عطبرة بالقطار شخصي والمهندس هاشم محمد احمد وشخص اخر من التلفزيون لم اتذكر اسمه..
جلسنا نتحدث عن الاوضاع عامة لوقت متأخر من الليل والقطار شارف الدخول محطة شندي وعند المرور القطار بجانب الحامية القريبة من خط السكة حديد كان لافت ان حركة عربات غير عادية تستطيع مشاهدتها من شباك القطار لان الوقت ليل...
وصلنا محطة شندي توقف القطار فترة طويلة على غير العادة نزلنا من القطار وقولنا نعرف الحاصل ذهب المهندس هاشم لا ادري الى اين ورجع بعد فترة محدثنا عن ان انقلاب حدث في الخرطوم..كانت الساعة حوالى لخامسة صباحا..
اخذت جهاز الراديو وبدات اقلب فى المحطات لا خبر ...
بعدها بداء بث راديو ام درمان وبدات المارشات العسكرية...
من اذاعة البيان الاول كان واضح توجه الانقلاب ...
بعد فترة تحركة القطار صوب الخرطوم بحري وصلنا
ودعت المهندس هاشم محمد احمد وكان من ضمن اول ضيوف بيوت الاشباح
وهذه قصة طويلة...........
| |
 
|
|
|
|
|
|
|
|
Re: سؤال توثيقي .... أين كنت يوم الجمعة 30 يونيو1989 (Re: Sobajo)
|
فى داخلية ترهاقـا (الهندسة) وتحديدا فى البروش المفروشـة قدام الكافتيريا..
كنت أتى هناك، وأحيتانا كثيرة أبيت، لإرتباطى ببعض الأعمال فى معمل الإلكترونيات، لساعات متأخرة بالليل.
وبعد إعلان الإنقلاب، حضر الينا أحد أصدقاء صديقنا بمجلة الدستـور الأردنية وفيها تنبؤ بأن
عمر البشيـر، بالإسـم، سوف يقوم بإنقلاب.
باقى الذكريات مافى داعى ليها.
| |
|
|
|
|
|
|
|
|
|
RE (Re: رمضان محجوب)
|
اذكركان فى حفلة ب ابوعبيدة حسن شغالة للصباح الوكت داك
كنت فى المرحلة المتوسطة-كنا انا و اخوى من الساعة 3 فجرا واقفين فى صف العيش
الكهربا كانت مقطوعة لحدى و كت الصلاة
| |
|
|
|
|
|
|
|
|
|
Re: سؤال توثيقي .... أين كنت يوم الجمعة 30 يونيو1989 (Re: khaleel)
|
كتبت في بوست آخر :
Quote: أذكر أنه ونحن في سنة ثالثة (أول) على رأي خليل .. كان عندنا إمتحان Power بتاع الدكتور الفلتة معتصم .. وكان آخر إمتحان في السمستر ..
كان الإمتحان يوم الجمعة 30 يونيو 1989 .. طبعا التاريخ ده معروف ليكم ..
أيوة .. يوم ثورة الإنقاذ
ونحن الصباح متحركين من الداخلية للجامعة .. لاحظنا انه الحركة غريبة والشوارع فاضية .. ولما وصلنا الجامعة عرفنا الحاصل ..
الإمتحان اتلغى طبعا .. وما معروف حا يكون متين .. |
| |
|
|
|
|
|
|
|
|
|
Re: سؤال توثيقي .... أين كنت يوم الجمعة 30 يونيو1989 (Re: رمضان محجوب)
|
كنت ملازم شرطة الضابط المناوب بالقسم الشرقي الخرطوم من الساعة 2 م الخميس الى صباح الجمعة.
يمكن اكون اول سوداني علم بالانقلاب من خارج المجموعة المنفذة وذلك بحكم اني كنت في المرور الاعتيادي الذي يقوم
به الضابط المناوب بعد الساعة 12 ليلاً على النقاط الخارجية للقسم وعربات الارتكاز.
| |
|
|
|
|
|
|
|
|
|
Re: سؤال توثيقي .... أين كنت يوم الجمعة 30 يونيو1989 (Re: رمضان محجوب)
|
كنت في خور عمر الثانوية،،
يوم 29 يونيو كان يوم كريه ،،
ذهبت ومعي العساكر بالمدرسة للأحياء المجاورة للبحث
عن عشاء ، مالقينا رغيف،،
عن سجائر ، مالقينا،،
قلنا نطلع نمشي ودنوباوي (مافي بنزين)،،
الداخليات مقفلة والطلبة في إجازة ،،
==
فارقت العساكر وإستاذ الحسن المبارك وأنا
ألعن حظي وألعن حكومة الأحزاب وألعن الغربة
وفي تلك الظروف تنميت : (والله على ما
أقول شهيد
إن شاء الله نصبح نلقاها مقلوبة،،
=
أول من طرق باب غرفتي عساكر المدرسة
وهم يوقولون: يا أستاذ: إنقلبت : فكنت
أظنهم يمزحون،،
==
في نفس تلك الأيام العصيبة كنت أتابع حركة
الطيران اليومية مساء كل يوم وأدعوا الله في سري:
((الله يجيب جدة)) (كان في مسلسل سوداني لعلي مهدي
فيهو العبارة دي + عبارة عايز عروس مغتربببببة)،،
الله جاب جدة بعد 3 شهور من الإنقلاب ،،
ومازلت أنتظر العروس المغتربة،،
وبنت حلال تفتح الباب،،،،
==
| |
|
|
|
|
|
|
| |
العوض المسلمي
Sobajo
Abureesh
Waeil Elsayid Awad
Hisham Ibrahim
khaleel
ابراهيم محمد الحسن
omer osman
Safia Mohamed
عبود عبد الرحيم
Mahathir
فيس بوك
تويتر
انستقرام
يوتيوب
بنتيريست