|
يــــا زول يـــا حبيب ... !!!
|
يا زول يا حَبيب
يَا زُول يا حَبيب وَكِت طََشَّت مَعَاني الإلْفَة فِي الزَمَن البِسَاسَق مِنَّنا وفِينا وشُوك الدَربْ مَغَزَّز في رُجُول أَحرُفنا حَافيات القَصِيد كَاشْفَات الأَنين رِئتين والغُنْيَة بتْدَندِن وَجَع أشْوَقنا زَفَرات الفُراق للخِير جَهْجَهَة المَطر أحلام صُغار للنُوم وخِير بَاكِر مَلَبَّد فِي حَشَا المُوية التَشَاوِر فِي سِحَاباتا النِزول يَا زُول مَسَوَّا مِن الغُنَا البَرَّاد حَشَا الغُربة المَلَتَّقَة بي صَبُر حَبّوبة لي شُوفَة جَنَاها الزين خَريف الخُوُّة قَرَّب وَكْتُو واتْهَادَن نِسِيمَات فَجْرو بَطَّلن الرَحيل مِنِّي وجَايات لِيك كَارْبَات الخَوَاصِر حِِنْ مَشَلْهَت خَاطِر الفَرحَة مَشَحْتَف صَبْري حَرْفِي عِوينَات البَصِيرة تَشُوف مَسَافَة طَلَّة مِنَّك إضِينَات الغِيوم سِمْعَت مُنَاجَاتك فَتَر حِيلي دَخَرْتَك رِيقْ يَبِل حَلْق المَشَاوير المُسَتَّفَة كُل دُروبا أنِينْ ويَا زُول يا حَبيب أَقِيفْ خَلِيني أَحْكِيلَك سَاسَاق البَحَر بِين مَواجِعنا وهَجِيرَك طَاف صَرير قَلمك مَسَامِعْ بُكْرَة بالأَلحَان وغَنَّى .. طيرَك يَا بَلَد واقِفْ عَلي حَافَة صَبَاح أُمْبَارح !! إِيشْ رَاح يضِيرَك إِذا بَرَحَتْ بطَل الوَرْدَة كيمَان من سَفِيرَك ؟ قَدَل الحَريق ضَاع الطَريق بَشْتَنَتْ حَال الفَرِيقْ كَتَّاحَة الخُوف مِن مَصِيرَك ؟ إِيشْ رَاح يضِيرَك ؟ إِذا كَان الخَريف رَسَمَتْ عِوينَاتو المَوَاعيد لي بِنَيَّات الخَلا صَفَّقَنْ وإِنْدَلَّلنْ راجْيات قُدوم الغِيم عِصير إِنْهَلَّلنْ كُل الوُجُوه وكتين تَسَاب الشُوق قَدَل كَاحِل عِوينَاتو الخَدَار .. مَلْهُوف قِليبك لِيشْ ؟؟ مَتْكُول هَوَاك عَلي حَافَة مَسَاك مُسْتَنِّي إِيشْ ؟؟ ما الغُنْيَة شَارَفَت الخِتَام وإِنْوَقَّفَنْ هَزَّات أصَابع الدَنْدَنة نِيلَك بَرَّدَنْ لهْفَاتو لي عِناق المَصَب ضِيق المَشَاوير الطُوال
ويَا بَلد واقِفْ علي حَافَة صَبَاح أُمْبَارِح الليلَة مَا زَيّ كُل يُوم شَقِّق جِيوب الفَرحَة وألطُم خُدود الضَحكة وإنْوَشَّح غِفَار مُتْلَهْفِنَّك كَم حَبيب رَافعين أَيَادي الإلْفَة سَانْدِنَّك جِرَس باكيِّين أَنِين سَاكْتِين طَنِين شُوفُم طَشَاش مُتْلَفِّحِين رِيحتَك دُعَاش ومَا عِرْفوا إنّو القَمْرَة قَفَّت تَال بِنَيَّات الخَلا الإِنْبَرَجَنْ كَشَفَنْ سويقَاتِنْ قَصِد فَتَحَنْ جِيوبِنْ لي وَعِد سَاعة يَقِلْدَنْ فِي شَبَقْ دَفْق المَطَر واتخَصَّبَنْ وحِبْلَنْ فُجُور
مَا رَاح يضِيرك غِير حُزُن قَيَّل قُصَادك وبَاقِي حِلْم ضِليلو واقِف مِن أَمِس مِتْمَدِّي فِيك فَرَّش مِلايات لي ضِيوف الدَّمْعِ واسْتَقْبَل أَنين مَكْسُور خَوَاطِر إِنْتَكَا مَجْرُوح مِن الزَمَن القَدِيم دَنْقَر عَليك مَا بَاقي ليك غِير هَذا وشِويَّة أَنين مَا بَاقي فِيك غِير دَهْشَتَك أَفْتَح خِشِيمَك وإنْشَدِهْ
ويَا زُول يَا حَبيب لَمْلِمْ حَبَايبك وأَبْقَى ليهُم وَنِّسُم بالإلْفَة والحُب الكَبير بَاكِر بيتْوَلِد الحَنين وتَغَنِّي لِيك كُل البِنَيَّات بالسَمِحْ والَّلمَة فِي نُصْ الفَريق لا عَبْرَة بِتْسِد الحَلِق ولا حَرِيق قَدَال علي قَلْب الطَريق ولا السَفِير بِجْرَح خَوَاطر وَرْدَتَك
يوليو 2007 م
مر فق: حبي الكبير بـــادي
|
|
|
|
|
|
|
العنوان |
الكاتب |
Date |
يــــا زول يـــا حبيب ... !!! | مهند الجيلي بادي | 06-13-08, 03:42 PM |
Re: يــــا زول يـــا حبيب ... !!! | سارة حمزة | 06-13-08, 03:48 PM |
Re: يــــا زول يـــا حبيب ... !!! | مهند الجيلي بادي | 06-13-08, 03:53 PM |
Re: يــــا زول يـــا حبيب ... !!! | عبدالله وداعه الامين | 06-13-08, 05:16 PM |
Re: يــــا زول يـــا حبيب ... !!! | مهند الجيلي بادي | 06-16-08, 07:21 PM |
Re: يــــا زول يـــا حبيب ... !!! | فدياس نجم الدين | 06-13-08, 05:22 PM |
Re: يــــا زول يـــا حبيب ... !!! | مهند الجيلي بادي | 06-16-08, 07:30 PM |
Re: يــــا زول يـــا حبيب ... !!! | تماضر الخنساء حمزه | 06-15-08, 11:49 AM |
Re: يــــا زول يـــا حبيب ... !!! | مهند الجيلي بادي | 06-17-08, 07:33 PM |
Re: يــــا زول يـــا حبيب ... !!! | تماضر الخنساء حمزه | 06-20-08, 11:16 AM |
Re: يــــا زول يـــا حبيب ... !!! | يازولyazoalيازول | 06-15-08, 02:54 PM |
Re: يــــا زول يـــا حبيب ... !!! | مهند الجيلي بادي | 06-18-08, 08:05 PM |
Re: يــــا زول يـــا حبيب ... !!! | هند محمد | 06-15-08, 04:05 PM |
Re: يــــا زول يـــا حبيب ... !!! | معتز تروتسكى | 06-17-08, 08:30 PM |
Re: يــــا زول يـــا حبيب ... !!! | معتز تروتسكى | 06-18-08, 08:44 PM |
Re: يــــا زول يـــا حبيب ... !!! | مهند الجيلي بادي | 06-19-08, 09:05 PM |
Re: يــــا زول يـــا حبيب ... !!! | مهند الجيلي بادي | 06-18-08, 08:11 PM |
Re: يــــا زول يـــا حبيب ... !!! | ودرملية | 06-19-08, 01:06 AM |
Re: يــــا زول يـــا حبيب ... !!! | مهند الجيلي بادي | 06-19-08, 09:14 PM |
Re: يــــا زول يـــا حبيب ... !!! | مهند الجيلي بادي | 06-20-08, 05:16 PM |
Re: يــــا زول يـــا حبيب ... !!! | تماضر الخنساء حمزه | 06-20-08, 06:52 PM |
Re: يــــا زول يـــا حبيب ... !!! | مهند الجيلي بادي | 06-20-08, 07:30 PM |
Re: يــــا زول يـــا حبيب ... !!! | تماضر الخنساء حمزه | 06-20-08, 08:00 PM |
Re: يــــا زول يـــا حبيب ... !!! | مهند الجيلي بادي | 06-24-08, 12:13 PM |
Re: يــــا زول يـــا حبيب ... !!! | تماضر الخنساء حمزه | 06-25-08, 09:09 PM |
Re: يــــا زول يـــا حبيب ... !!! | مهند الجيلي بادي | 06-25-08, 09:30 PM |
Re: يــــا زول يـــا حبيب ... !!! | تماضر الخنساء حمزه | 06-25-08, 09:37 PM |
Re: يــــا زول يـــا حبيب ... !!! | عبد المنعم ابراهيم الحاج | 06-26-08, 03:11 AM |
Re: يــــا زول يـــا حبيب ... !!! | ابوبكر يوسف إبراهيم | 06-26-08, 06:11 AM |
|
|
|