|
|
|
 Re: انا اعترف بانى عنصرى وهذة اسبابى!! (Re: Hisham Amin)
|
هشام أمين كيفنك؟
Quote: اها انا شايف انة الامبوبة ملوية وكمان شايف انة مرونة الجسم تمام
لكن المحيرنى فيها انة المرونة بقت مطلوبة علشان يتعينوا ؟ |
التحتو خط ده ما خطير يا ود أمين!!!
عموماً البوست جميل ... لكن ما بتتفق معاب إنو المنافسة مهمة لاجل التجويد!!!
العامل السودانى مشكلتو كبيرة جداً مع التوقيت ومع الجدية فى العمل!
بدرى ونحن فى الثانوى إشتغلت مرة مع صينيين (طلبة) الناس ديل خرافيين فى الشغل وما بيرضوا التاخير كلو كلو.
__________________________
البيطالبوا بطرد العمالة الأجنبية وهم شغالين خارج السودان... بيكون كيف لو طالب ناس البلد الإنت معاهم يطردوكم من هناك بيكون منظرك شنو؟
| |
 
|
|
|
|
|
|
|
|
Re: انا اعترف بانى عنصرى وهذة اسبابى!! (Re: شول اشوانق دينق)
|
Mohamed Suleiman
Quote: ليس هناك مكانا حساسا مثل منطقة سان فرانسسكو من ناحية مواصفات اللحام .
لأنها منطقة زلازل .
و بها صناعات من كل الأنواع و علي رأسها البترول و كباري رمز لفن الهندسة و صناعة علوم الفضاء و هنا طفرة صناعة الكمبيوتر ...
فشيفرون و بكتل رئاستها هنا ...
و لشيفرون مدن و موانئ لتفريغ البترول و مصافي علي طول الشاطئ و بها كل أنواع الانابيب .
كل المباني الحديد هو عمودها الفقري لمقاومة الزلازل ,
لذلك مواصفات اللحام في كليفورنيا من أشق و أكثر المواصفات صرامة .
و برغم ذلك يمكن للمكسيكي المهاجر الذي لا يفقه الإنجليزي لكنه يعمل بجد أن يضغط و يتدرب علي االلحام و يتأهل في ستة أشهر . |
انا اتفق معاك تماما...لكن عاوزه اقول انو معرفة الانجليزى ما ليها اى دخل فى الموضوع.
الموضوع حول "لكنه يعمل بجد" دى...اقرا الكلام اللى كتبه ناذر محمد الخليفة.. و ح تلاحظ انه السودان و العمال فى السودان اتغيروا..و اتغير الوضع من زمن الانجليز ...و الان مع المنافسه من الاجانب ح يتغيروا تانى ..للافضل المره دى "ان شاء الله"
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: smart_ana2001)
|
alsngaq
Quote: يعني اتاحة مبدأ الفرصة فى ظل موازنة لاتضر بأي من الطرفين. دا البضمن لينا اننا نرتقي ونتطور على مستوى كل القطاعات ادارية و مهنية وااكد ليك اقتصادية كمان.
المسئول الاول والاخير حكومــــــــــــــــــــة البشير دا شغلهم ودا واجبهم |
انا لا انفى مسؤليه الحكومه..انا بصراحه ادافع عن القطاع الخاص و حقه فى تحقيق ارباح..و ذى ما كلنا عارفين ..ارباح تعنى مصانع و مشاريع اكتر..و ده بيعنى شغل اكتر...لو السودانيين شدو حيلهم ممكن يستفيدوا منو..
انا شفت كتير من المهندسين فى القطاع الخاص فى فترات تدريبيه خارج و داخل السودان...الان القطاع الخاص بيستثمر فى المهندسين و شويه شويه ح يتجه الموضوع للعمال و كل الوظائف الاخرى.
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
(( طول عمركم حايمين في بيوت الناس وساعة قلبت هبوب امشير عليكم بقتلكم
واطاتكم حلوي ودايرين حسع تمرقو نمل الله من وطات الله رميتوا بعيد زي ضل الدوم
وحسع بقى البكان بوقل وقراص وسموم ...ارجع من محل ما جيت اصلك ما بتقدر
تخدر ارض اتملت عشر ومسكيت وحراز ودوم ))
نصوص غير مكتمله
ما يحدث فى السودان جزء من ما يعرف بتجليات العولمة او حركة الاقتصاد المعولم
كثير من بلدان العالم اصبحت ابوابها مفتوحه امام هذا القطار ...تستعين
الولايات المتحدة بعمال من جارتها المكسيك ومن غوتيمالا وهندوراس وجمهوريات
الموز في قطاع الزراعة وتستعين كوبا بعمال في قطاع السكر من هايتي والدمنيك
وتستعبن كوريا بعمال صينيون فيتناميون وتستعين البرازيل بالعمال من براغوي
وارغوي والامارات بعمال من الهند والبنغلادش
يجب ان لاننظر للامر بهكذا نظر او انهم شر او انهم مثل اسراب الجراد .علي الدوله
فرض قوانين حمائية تفرض توظيف نسبة معينه من العمال المواطنين وفرض قيود
على الاستقدام والزام الشركات بتوفير السكن المناسب بدلا من تركهم عرضه
للنهب والسلب من سماسرة السكن ....الخرطوم اصبحت عاصمة الهرجله والفوضي
وظواهر ثقافة الاستهلاك وتحمل بين طياتها فجوات عميقة بين (العندو والماعندو)
لذلك اصبحت الخرطوم ليست عاصمة حميمة كما كانت رحل عنها اغاريقها واقباطها
وتجارها وظرفاء المجالس وايامها المفتوحة ......واستبدلتهم باناس آخرين
تقابل احدهم يقول لك (يلعن دينك) قبل ان تقل السلام.....
كما قال الشاعر
وطن الجاتو ما جاتو من السما
الجاتو جاتو من الارض
(من مشاركة سابقة في الخيط)
سليمان ابراهيم
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Sayed Bekab)
|
شوفوا يا خوانا
لا اله الا الله
بعيدا عن الرومانسيات السياسية والمزايدات الوطنية فلنقل الحق ولو على انفسنا
كلام ناذر بصفته مهندس مدني وفي الميدان يتعامل مباشرة مع العمالة السودانية يختلف وزنه وقيمته عن كلام اي سياسي عايش بره يردد في الشعارات الاماني
اذا كنا نريد مصلحة الوطن ووضع الأمور في نصابها فعلينا ان نقول الحق
الصنايعي السوداني ليس بألف خير والدفاع عنه لا يكون بمساعدته على الغلط وهيمنة الغلط
الصنايعي السوداني:
كثير التغيب
رعوي وغير مسؤول
مزاجي
عنيد
انتهازي وجشع
بلا لمسات تجويدية ( bad finishing )
هذا الكلام اقوله عن تجربة محايثة وحقيقية حدثت معي شخصيا
سأحكيها بشرط الا يأتي احد ليقول كلاما من نوع ( حوداث معزولة ولا ينبغي التعميم وفي ناس كويسين وو الخ ) فهذه ظاهرة عامة ونموذج سائد وغيره هو الاستثناء ، كما اكد لي المهندس المدني الذي كان يشرف على بناء بيتي في الخرطوم
قال لي الباشمهندس بصريح العبارة :
يومية الصنايعية اكبر احيانا من يومية المهندسين ، خاصة صنايعية تركيب السراميك والكهربجية وبتاعين الصبة والنقاشة
قلت له : يازول؟ كيف الكلام دا
قال : ما ياهو دا السودان وياهو دا الحاصل ، لأنهم نادرين ، والفي انحن بنخاف منهم بسبب تجارب سابقة اذاقونا فيها المر .. يوم يجيك الساعة اطناشر يقول ليك مرتي عيانة ، ويوم مايجيك خالص لمان يكون مريش ويعطل شغلك بمبرر فراش جيرانهم ومرة يسافر بدون اخطار لمناسبة ومجاملة في الحلة ويوم شنو؟
مع الوقت ( والكلام مايزال للمهندس ) بقينا نعرف نوعياتهم ، البدخلك في مشاكل واعذار ما بتجيبو تاني ، عشان كدا بننتظر الكويسين لمان ينتهوا من مقاولات تانية عشان يجو يدونا شغل كويس وفي المواعيد
حكيت له ما حدث لي مع احدهم
حنفية الحمام اتحلجت والموية ملت البيت وفي السودان الواحد ما بتقدر تتصل بجهة اختصاص تنجدك، مافي الا تركب تمشي تجيب ليك سباك من اماكن تواجدهم
ركبت ومشيت محطة سبعة
الشم خوخت وبردن ليالي الحرة
الراجل جاب الزرديات والعدة وما قصر جا معايي
عاين كدااا صنقع دنقر وقال لي تغير الماتعرف شنو داك كله كامل شامل عشان بتاكل جلب وبتبوش فرتكان ولازم تجيب واحد انجليزي كومبليت أو قال مجري ما بتذكر
قلت له ودا اجيبو من وين؟
قال لي ما مشكلة أنت اديني القروش وانا حا امشي بنفسي ، بعرف لي واحد كويس ووووو
طيب كم؟
فال لي جيب متين وحا اجيب ليك فاتورة وكان زادت بتم ليك على بال ما بعدين هناي ....
قلت له : وحقك انت كم؟
قال لي : ما مشكلة بعدين
قالت له : شوف انا من النوع الما بحب النية ، داير كم عشان ما نختلف بعدين
الزول دا رفض بتاتا يقول كلمة، وكان خلاص حا يخليني ويمشي ، لأني زول فظيع وما معقول وجلدة طالما عايز اقطع مبلغ محدد قبل الشغل ماينتهي
ياخوانا القصة دي ما خيال خلوا بالكم
اضطريت ارضخ ليه لأن الموية كابة في الارض
الكلام دا كان مابين المغرب والعشا كدا
الزول بعد داك غتس محل غتس ما بعرفو
الساعة بقت تسعة وجات عشرة وفاتت
والموية كابة بقبقبقبق
ياخوانا
ولدي قال لي انت اديتو قروش قدر دي وعايزو يجيك تاني ؟
شعرت بالحرج والقلق معا
وفي حوالي الحادية عشرة دق الجرس وجاء الرجل بهمة ونشاط !!!
يا خي الحاصل شنو مشيت وين؟
حمت المغالق الجنبكم دي جت ما لقيت
اضطريت امشي لواحد بعيد شوية ، دفعت حق المواصلات من جيبي غايتو !!!
( فيما بعد علمت من جيراننا انه خلال بعض هذا الوقت الذي تغيب فيه ولعب باعصابي كان يصلح لهم حنفيات جلبتها مبوشة !!)
المهم اعطاني الفاتورة ( التي علمت من الباشمهندس انها مغشوشة ومزورة ربما بسبب تواطئه مع صاحب المغلق البعيد
قال لي : دفعت خمسين الف زيادة
قام باصلاح العطل واخذ العمود القديم بصواميله ، وطلب مني 80 ألف نظير التصليح!!
قلت له هذا كثير
فزعل وقال لي خلاص خليتها ليك الله بعوضني ( والله الشغل دا نحن بنعملو بمية )
فخفت وقلت له خلاص ياخي هاك ما تزعل
ضحك المهندس وقال لي : عرفك واستغلاك كويس ، لكن الكلام دا عااادي هنا
معقولة؟ دي لكن حاجة بتحرق الدم، عايشنها يومي؟
يوومي لكن اكتسبنا مناعة وعرفنا القلة القليلة الكويسة ، بس كويسة دي ما معناها اجورها ساهلة ، بالعكس اجورها عالية جدا واكتر مننا لكنها ملتزمة وما بتغش
انت قايل السودان دا الخاربو منو : السماسرة والصنايعية وتجار الاجمالي
قلت والمسؤولين
قال : ما ياهم ذاتهم ، بس ديلك شغالين في الحكومة!
هسع شوف زولك دا في ساعات طلع منك بقطع غيار مجانا حايمشي يركبها بكرة لزول تاني بمائة ألف مع المصنعية، وقلع منك 80 ولعب في الفاتورة طلع منها بمائة الف تقريبا .. ودا كله بدون وجه حق تقول لي المهندسين
ياتو مهندس بيقدر يعمل كدا في ليلة؟
تعرف حايعمل شنو اليوم داك؟ حايمشي يغيب عن السوق اسبوع لمان تنتهي قروشه كلها حتين يجي تاني!
ياهي دي عمالتنا!!
طيب والحل
قال : الحل في العمالة الاجنبية المحترفة + تشتري المواد بنفسك
العمالة الاجنبية حريصة على العمل والدقة وبتخاف وما عندها مناسبات وتبطح في الضللة وتأخير ولسان طويلة وحردة ومزاجية وو من مشاكل عمالتنا بجانب الاجور المعقولة بدون جشع او استغلال ظروف
قلت له طيب ومن حيث الجودة : ايهما اجود عمل الصنايعي السوداني الكويس وللا الصنايعي الاجنبي
قال : الاجنبي طبعا !!
لكم مودتي
هامش:
الصنايعي السوداني كان ما خاف من خطر الاجنبي ومنافسته ما بتعلم وما بيتطور ولا بتأدب
____________________
رب اشرح لي صدري
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Sayed Bekab)
|
Quote: اتابع فى صمت و حيره و قلق .... ابناء بلدي شهدت لهم المؤسسات من الخليج الي اقصي بقاع الشاسعة بالكفاءة و هاهم يحملون ورقة فى بلدهم يسدون بها جوع يومهم علي ايامنا فى الخرطوم قليل ما كان يآتي احدهم اليك بطلب مثل هذا ايلا فى حالات المرض و عدم الإستطاعة علي شراء دواء معين او مقطوع بعيد من آهله لكن ان يصل الحال ان يشحت نبض المجتمع السوداني و اقصد هنا الطلبة ، العمال، الخريجين، المكافح من آجل اسرته و كما قلت ينعم هؤلاء الغرباء من غير اهل البلد بنعم السودان ووظائفه الراقية و يسهرون و يمارسون ممارساتهم المريضة .... الموضوع يحتاج الي نفره من هنا لوقف هذه الظاهرة و إعطاء ابناء البلد فرصةٌ لإثبات ذاتهم فى السودان كما فعل الكثير منا خارج السودان معا من اجل فرصة عمل لكل حامل ورقة معا من آجل العمالة السودانية و الرقي المهني بتلك العمالة .
شكرا علي الطرح الجميل يا حاتم |
ونعم ماقلت سيدى
فلنستنفر كل الجهود وساعود لطرحك هذا اخى انشاء اللة
هشام امين
دردقة: ما حاتم هشام
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
ليك وحشة ياوحش
المسالة اكبر من تشغيل العمالة الاجنبية وحسب سوف احكي معانة احد الاصدقاء ويحمل مؤهل عالي في الدراسات البئية ويعمل في الامارات كمشرف بيئي وعلي درجة عالية من الكفاءة والخبرة اراد ان يعطي خبرته وجهده لبلده وفي احدي اجازاته حمل معه دراسة قيمة لمعالجة النفايات والاستفادة منها وذهب الي الجهات المختصة وبعد مقابلات وشرح بالكمبيوتر وعصارة اجتهاده طوال سنين الغربة ماكان من احد المديرين الا ان يقول له وبكل بساطة ممكن تنسخ لي الدراسة في الفلاش درايف بتاعي دا فما كان من صديقي الا ان يقول حسبي الله ونعم الوكيل
اخي وصديقي هشام
نحن نفتقد الي المسؤولين الوطنيين الذين يشعرون بالغيرة علي الوطن لذلك اذا لم تنتهي سياسة الكوبي اند بيست دي ما اظن حانمشي لي قدام
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Mutwali Malik)
|
متولى سلامات
عارف كلامك صحيح لكن صدقنى كل هذة العراقيل فى طريقها الى الزوال
وواجب علينا نحن ابناء البلد المساهمة فى نشر الوعى كل فى مجالة والاصرار علية
وان لا نقف مكتوفى الايدى امام العراقيل التى توضع او الاشخاص الذين لا يعلمون يجب علينا تكرار المحاولات وعدم التسليم
وتقبل تحياتى
هشام امين
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
كتب فارس موسى:
Quote:
مازكرته اعلاه إن كان تبريرا لإيفاد العماله الاجنبيه يمكننا ان نقتنع ايضا باننا تنقصنا الخبره
فى إدارة شؤون بلدنا ، نحتاج لجيش اجنبى ، شرطه ،مهندسين ،اطباء ،قضاه، وحكام كمان وفعلا بدأت
وفودهم ترد !!
انا لست ضد الخبره الاجنبيه لكن شرطى هو حالة إنعدامها ! معقوله بس المهن التاليه
1/داده (دا طبعا شو ساكت والاخوات ممكن يفيدننا )!!
2/عمال لحام!
3/ عمال نظافه (طبعا شفتهم بعينى ديل فى المطار (بنغاليين) !
4/ممرضات فلبينيات !! (ودى داير اعكلت فيها شويه وداير مساعده من اصحاب المهن التى لها علاقه)
|
يا اخ فارس فيما يخص العمالة اليدوية فينقصها الكتير ، اما بقية العمالة او المهن التي اوردتها في مداخلتك فهي جيده عموماً ولكن تحتاج للاهتمام ببعض الامور مثل الاهتمام بالوقت والانضباط وواحترام العمل واحترام المرؤوس والرئيس في العمل ، التطوير والنشاط وو00
| |
|
|
|
|
|
|
|
|
|
Re: انا اعترف بانى عنصرى وهذة اسبابى!! (Re: Hisham Amin)
|
كتب سيد بيكاب :
Quote:
الموضوع يحتاج الي نفره من هنا لوقف هذه الظاهرة و إعطاء ابناء البلد فرصةٌ لإثبات ذاتهم فى السودان |
يا ابوالسيد 000
تحياتي واشواقي
فرصة قدر شنو يعني ؟!!!
فالناس دي موجودة في السودان دة منذ قرون !!!
الفرصة دي ما كافية ؟؟
| |
|
|
|
|
|
|
| |
شول اشوانق دينق
Hisham Amin
smart_ana2001
suliman ibrahim
Sayed Bekab
محمد عبدالقادر سبيل
Mutwali Malik
ابوعبيدة حسن محمد
فيس بوك
تويتر
انستقرام
يوتيوب
بنتيريست