|
|
 سيدتي اني احبك
|
الي صاحبتي في الملمات .. حبيبة تلطف اوجاعي ..
مذ كنت طفلة في دمي
احببت وقعك في الحنايا
فعينيك ابتسامة الوليد
وقوامك لين كنسمة في اعقاب المطر
وهمس اناملك رقيق ..
كالندي علي صفحات الزهر
اهواك ..
تمشين في الروح كرسم الموسيقي
وكصدح العصافير في مساء الحديقة
سيدتي
ساتيك ..
والخيل مسرجة بالاماني
فما الحياة ؟!
سوي فتاة سمراء !!
رضعت من ثدي امها رحيق النيل !!
|
|
 
|
|
|
|
|
|
|
|
Re: سيدتي اني احبك (Re: ودرملية)
|
ما كنت ممن يدخل العشق قلبه و لكن من يبصر جفونك يعشق .
- غرك مني أن حبك قاتلي و أنك مهما تأمري القلب يفعل .
- يهواك ما عشت القلب فإن أمت يتبع صداي صداك في القبر .
- أنت النعيم لقلبي و العذاب له فما أمرّك في قلبي و أحلاك .
- و ما عجبي موت المحبين في الهوى و لكن بقاء العاشقين عجيب .
- لقد دب الهوى لك في فؤادي دبيب دم الحياة إلى عروقي .
- خَليلَيَ فيما عشتما هل رأيتما قتيلا بكى من حب قاتله قبلي .
- لو كان قلبي معي ما اخترت غيركم و لا رضيت سواكم في الهوى بدلا ً .
- فياليت هذا الحب يعشق مرة فيعلم ما يلقى المحب من الهجر .
- عيناكِ نازلتا القلوب فكلها إمـا جـريـح أو مـصـاب الـمـقـتلِ.
- و إني لأهوى النوم في غير حينه لعل لـقـاء فـي الـمـنـام يـكون.
- و لولا الهوى ما ذلّ في الأرض عاشق ولـكـن عـزيـز الـعـاشـقـيـن ذلـيـل.
- نقل فؤادك حيث شئت من الهوى ما الــحـب إلا لـلحبيب الأول.
- إذا شئت أن تلقى المحاسن كلها ففي وجـه مـن تـهـوى جـمـيـع المحاسن.
- لا تحـارب بنـاظريك فـؤادي فــضــعـيــفــان يــغـلــبــان قـويـا.
- إذا مــا رأت عـيـني جـمـالـك مـقـبلاً و حـقـك يـا روحـي سـكـرت بـلا شرب.
- كـتـب الـدمع بخـدي عـهـده لـلــهــوى و الـشـوق يمـلي ماكـتـب.
-أحـبك حُـبـين حـب الـهـوى وحــبــاً لأنــك أهـل لـذاكا
يتبع....
| |
|
|
|
|
|
|
|
|
|
Re: سيدتي اني احبك (Re: يوسف سعد)
|
سلامات
وعوافي
يوسف ..
الريدة يا اخوي مي سمحة والا شنو عليك الله ..
هسي الواحد كان عايش لي رقبتو دي بيقدر يستحمل الايام ..
عشان كدا الجزء التاني من المسالة من اعظم الظواهر الصحية ..
شكرا ياجميل ..
| |
|
|
|
|
|
|
|
|
|
Re: سيدتي اني احبك (Re: ودرملية)
|
ود الرملية ما اجمل البوح والصهيل
عندما ياتي صادقا شفيفا من اعماق زول مرهف فنان.صوفي يعشق
الجمال.....
انت قلت سيدتي اني احبك...
فانا اقول ودرملية...اني احبك...فواصل هذه الدهشة ..واصل..
| |
|
|
|
|
|
|
|
|
|
Re: سيدتي اني احبك (Re: عبدالكريم الامين احمد)
|
Quote: ود الرملية ما اجمل البوح والصهيل
عندما ياتي صادقا شفيفا من اعماق زول مرهف فنان.صوفي يعشق
الجمال.....
انت قلت سيدتي اني احبك...
فانا اقول ودرملية...اني احبك...فواصل هذه الدهشة ..واصل.. |
وانا احبكما معاً.. على وزن اني رايتكما معا
لكما من المودة غاليها.. وانتما تبوحان دوماً بما يعتمل في دواخلنا..
احسكما الان اقرب من اي وقت مضى الى ما كنت انوي.. لكما كل الود
| |
|
|
|
|
|
|
|
|
|
Re: سيدتي اني احبك (Re: nashaat elemam)
|
نشات
ياصديقي الغائب الحاضر ..
مشتاقين طبعا ..
واكيد انتو كلكم مبسوطين اليومين دا لان العراب الاكبر بطرفكم
سيف النصر محمد المبارك .. قمر امسياتنا الاخوية النبيلة ..
بعدين عبدالكريم الامين دا قصة قايمة بي ذاتا وهو واحد من هبات الله التي مناني بها ..
سلم علي الشباب الحلوين وقول ليهم (عقرب) بيكتب تعالوا اقروهوا ياخي الواحد غير تنبزوهو وتدعكوهو وتوجعوهو مابتشوفوا فيهو حاجة تاني والا كيف؟...
| |
|
|
|
|
|
|
|
|
|
Re: سيدتي اني احبك (Re: ودرملية)
|
ودرملية ايها العاشق الصوفى
قلبك اخضر
ودربك اخضر
وعشقك مخضر
وامالك مخضرة
واكتر من كده لابقدر اصرح ولا بقدر اقول0000000
| |
|
|
|
|
|
|
|
|
|
Re: سيدتي اني احبك (Re: بدر الدين الأمير)
|
العراب ..
ياسيدي بهار مرورك ظبط حلتنا(ما انت اصلو جنك حلل) ..
تحياتي لباقة الورد الربيعي التي تنفحك بشذاها بين كل فينة واخري ..
قلت لي اكتر من كدا مابتقدر تصرح او تقول .. يجازي محنك
| |
|
|
|
|
|
|
|
|
|
Re: سيدتي اني احبك (Re: عبدالكريم الامين احمد)
|
كريم
من ناحية عذوبة الصوت مابجادلك ..
ومن ناحية الجمال الفاره مابجادلك ..
ومن كل ناحية ما بناقشك ... نيفين دي واحدة من اللائي وهبهم الله نعيم الجمال لينثروا في فراغ الكون ملامح اليفة تأثر النفس وتريح الخاطر ..
ياخي اتخيل انها جات ماشا بي شارع مليان زهج وكوابيس ومشاكل .. البيحصل شنو ؟
اكيد الناس بعد ماتشوفا بيقعدوا يتباوسوا ويعتزرو لي بعض لانو بعد هذه الوجبة البصرية تستكين الروح ويستعدل المزاج ويستحيل يحصل غير كدا.. عشان كدا بنقول الجمال رسول محبة ووئام ..
| |
|
|
|
|
|
|
|
|
|
Re: سيدتي اني احبك (Re: عبدالكريم الامين احمد)
|
Quote: نيفين موريس....ماجمل الاصوات عندما تمتزج ام كلثوم ..مع
فيروز...مع النيل..مع الاهرامات مع روح الاله
امون رع ...ومع هيبة اخناتون...................
شكرا بدر الدين....ساكسر كل الاقلام وامزق الاوراق...
وساحضن التلفون عشما في ان ياتي
صوت تلك التي تبحث عن (كويكي).......
|
يالا حظى العاثر الذى لم يمكننى حتى من اصتياد رائحة
الجميله نيفين موريس كما يقولون فى المصعد
الذى قال( ود رمليه) وجده حائرا من عبيرها....
وعند وصولى قال لى بدر الدين
( مالاقتك نيفين قلتا ليهو (لا) قال لى ماليك فى الطيب نصيب .....)
وحينها لم اكترث للموضوع كثيرا وقلبت الصفحه
ولكنى علمت مؤخرا اننى كنت اقلب
( جمرتا من نار وبنيه من خبز الفنادق.....)
لم اهتم هناك , ولكنى اشد اهتماما ان ارها هنا
وذلك للاننى اثق فى اصدقائى (كيكى وودرمليه) واصدق ماوصفوه
نيفين يابدر الدين.......
| |
|
|
|
|
|
|
|
|
|
Re: سيدتي اني احبك (Re: ودرملية)
|
يا صاحبي القتيل ..
أو صنو الحمداني في كثرة دمك المهدر .. تتخذه الغواني خضابا .. ويحك :
فقلتُ كما شاءت وشاء لها الهوى ========= قتيلك , قالت أيهم ؟؟ فهُمُ كُثرُ .
( فقلت في نفسي: إن كان صاحب النغمة مليحاً فقد جمع بين الملاحة وحسن الصوت ثم دنوت من الباب وجعلت أرفع الستر قليلاً قليلاً وإذا بجارية بيضاء كأنها البدر في ليلة أربعة عشر بحاجبين مقرونين وجفنين ناعسين ونهدين كرمانتين رقيقتان أقحونتان وفم كأنه خاتم سليمان ونضيد أسنان يلعب بعقل الناظم والناثر كما قال فيه الشاعر:
يا در ثغر الحبيب من نظمك ============ وأودع الراح والأقاح فمك
ومن أعار الصباح مبتسمـك ============ ومن بقفل العقيق قد ختمك
أصبح من قد رآك من طرب ============ يتيه عجباً فكيف من لثمـك
وبالجملة قد حازت أنواع الجمال وصارت فتنة للنساء والرجال لا يشبع من رؤية حسنها الناظر وهي كما قال فيها الشاعر:
إن أقبلت قتلت وإن هي أدبرت =========== جعلت جميع الناس من عشاقها
شمسـية بـدرية لـكـنـهـا =========== ليس الجفا والصد من أخلاقها
يا صاحبي .. إهنأ :
يا ليت نُجلاً للفؤاد تنوش
فتحفنا - قتلى - دِعاج رموش
فيك بسم الله الرحمن الرحيم
فاستعذ ..
يا ود رملية .. يا صاحبي
| |
|
|
|
|
|
|
|
|
|
Re: سيدتي اني احبك (Re: Emad Abdulla)
|
سلامات
وعوافي
عماد ..
اعشق وجودك في براحي المتواضع ..
واعشق اكثر هذه اللغة الدسمة ..
فكن هنا .. وفي الجدران متسع لخيال الريشة ..
معزتي ..
| Quote: أو صنو الحمداني في كثرة دمك المهدر .. تتخذه الغواني خضابا |
| |
|
|
|
|
|
|
|
|
|
Re: سيدتي اني احبك (Re: ودرملية)
|
ودرميلة ده طبعا حسب نطق اسمك عندها اي تقديم الياء
مع كيكى تم تاخير الياء مع اضافة واو كويكى ولا ادرى هل العتب هلى الناطق ام المنطوق
وبعدين ياودرملية انت ناسى ان عمادعبدالله هو كبيركم الذى علمكم السحر او المسحور قبلكم
| |
|
|
|
|
|
|
|
|
|
Re: سيدتي اني احبك (Re: بدر الدين الأمير)
|
ود رملية
جينا نسلم ونقول ليك الله يجبر كسركم زي ما جبرتو خاطرنا في فقيد بيت (كلام ناس مكسرين) والذي
طفش اثر مؤامرة غادرة هدفت للنيل من وجوده بيننا.
غايتو انواع الكسير هينة, كدي ما تشوف لي من قاموسك انواع لجنس الغتاتة الحاصلة عندي بهناك دي.
الله يكفيك شر خلقو!!!!!!!!!
| |
|
|
|
|
|
|
|
|
|
Re: سيدتي اني احبك (Re: Rasha Hatim)
|
Quote: تمشين في الروح كرسم الموسيقي
وكصدح العصافير في مساء الحديقة |
مساء الحدائق .. يا صاحبي .
لهفي عليك .. يرسم وقع الخطى صوته على نياط قلبك !!
أيوجع ؟؟ ..
أعلم .
هذا ( كونشيرتو ) المساءات الشهية .. فاستعد ( لعصرة البرش ) .. طويلا .
أتشم هذا ؟ .. ثمة عطر في الهواء ..
أشواء روحك هو ؟؟
أم ( نبل مقلتها ترمي به كبدك )
فيسبقك إلى دمك .. يقيم حواجز التفتيش فيه ..
و يصادر صدح العصافير و غرغرة ( معالق الجوف ) و صهيل كتلة يقينك ..
يوجع هذا .. أليس ؟؟
هل تعوذت ؟؟
إفعل إن لم تكن بعد ..
فلا عاصم يحول بينك و كواريك عصبك غير الإستعاذة .
يا قتيل .
.. الفااااتحة .
| |
|
|
|
|
|
|
|
|
|
Re: سيدتي اني احبك (Re: ودرملية)
|
ألا ليت الحب يعشق مرة
فيري ما كان بالناس يصنع
يقولون خذ بالصبر فإنك هالك
و الصبر في مقامي اجذع
اللة يرحمكم جميعآ في مصابكم الجلل
NOON
| |
|
|
|
|
|
|
|
|
|
Re: سيدتي اني احبك (Re: noon)
|
سلامات
وعوافي
بدر ويوسف تقدرو علي المحن ..
تحياتنا لي نيفين مورس يااصدقاء ... واذا دار محور سؤالها عن شخصنا الضعيف فنحن في اتم الصحة ولا ينقصنا شيء سوي رؤياها الغالية ..
| |
|
|
|
|
|
|
|
|
|
Re: سيدتي اني احبك (Re: يوسف سعد)
|
سلامات
وعوافي
رشا مرحب بيك في محرابنا المتواضع وارحب بيك اكسر في برنامج الكسير التقدمي ..
وطبعا دا برنامج ح تدعموا منظمة حقوق الانسان واكيد انتي كمكسرة اصيلة وليك خبرة جامدة في الموضوع عاوزين نتشايل كتف الغني الميل ..
اها يارشا ما تمشي تكبي الزوقة تعالي لينا بي جاي طوالي والا (بكسرك) تاني..
وبقول ليك
بي زيارتك بيتنا نور والله نور كل زينة
..............
ونسال الله الرحمة والمغفرة للفنان ابراهيم عوض بقدر ما تغني للجمال ...
| |
|
|
|
|
|
|
|
|
|
Re: سيدتي اني احبك (Re: يوسف سعد)
|
عجبي لمحمد السنى مؤسس الحزب الجمالى بمعهد الموسيقى والمسرح
بعد ماشبع بكاء جاب ود اخته يبكى معاه
والمصيبة الولد طلع بكاى اكتر من خالو تأمل ياقرشو عشنا وشفنا الخال جنى
وليس العكس
| |
|
|
|
|
|
|
|
|
|
Re: سيدتي اني احبك (Re: بدر الدين الأمير)
|
سلامات
وعوافي
عماد ..
اوجعتني وافرحتني .. فتقاصري يلا يوافق خاطري ..
Quote: هذا ( كونشيرتو ) المساءات الشهية .. فاستعد ( لعصرة البرش ) .. طويلا .
أتشم هذا ؟ .. ثمة عطر في الهواء ..
أشواء روحك هو ؟؟
أم ( نبل مقلتها ترمي به كبدك )
فيسبقك إلى دمك .. يقيم حواجز التفتيش فيه ..
و يصادر صدح العصافير و غرغرة ( معالق الجوف ) و صهيل كتلة يقينك ..
يوجع هذا .. أليس ؟؟
|
اخخخخخخخ انا يوم بعضيك في راسك الملان دا اصبر لي ساي (ساي بي لبن)..
| |
|
|
|
|
|
|
|
|
|
Re: سيدتي اني احبك (Re: ودرملية)
|
سلامات
وعوافي
نون
شكرا لمرورك هنا...
Quote: ألا ليت الحب يعشق مرة
فيري ما كان بالناس يصنع
يقولون خذ بالصبر فإنك هالك
و الصبر في مقامي اجذع
اللة يرحمكم جميعآ في مصابكم الجلل
NOON |
ونساله كذلك ان ينزل عليك شأبيب رحمته اللطيفة
| |
|
|
|
|
|
|
|
|
|
Re: سيدتي اني احبك (Re: ودرملية)
|
رأيـت بهـا بدراً على الأرض ماشـياً ولــم أر بـدراً قـط يـمشـي عـلى الأرض.
-قـالوا الفراق غـداً لا شك قـلت لهـم بـل مـوت نـفـسـي مـن قـبـل الـفـراق غــداً.
- قفي و دعيـنا قبل وشك التفـرق فمـا أنـا مـن يـحـيـا إلـى حـيـن نـلـتـقي.
- قبلتها و رشـفـت خمرة ريـقـهـا فـوجـدت نــارَ صــبــابةٍ فـي كـوثـر.
- ضممـتـك حتى قلت نـاري قد انطـفت فـلـم تـطـفَ نـيـرانـي وزيـد وقـودها.
- لأخرجن من الدنيا وحبكم بـيـن الـجـوانـح لـم يـشـعر بـه أحد.
-تتبع الهوى روحـي في مسالكه حتى جـرى الحب مجرى الروح في الجسد.
- أحبك حباً لو يفض يسيره على الـخـلـق مـات الـخـلـق من شـدة الـحب.
-فقلت : كما شاءت و شاء لها الهـوى قـتـيلـك قـالـت : أيهم فـهـم كـثـر.
-أنـت مـاض و في يديك فـؤادي رد قـلـبـي و حـيـث مـا شــئــت فـامـضِ.
- ولي فؤاد إذا طال العذاب بــه هـام اشــتـيـاقـاً إلـى لـقـيـا مـعـذبه.
- ما عالج الناس مثل الحب من سقـم و لا بـرى مـثـلـه عـظـمــا ًو لا جــسداً.
- قامت تـظـلـلـنـي و من عجـب شـمـس تــظــلـلـنـي متن الـشـمـس.
- هجرتك حتى قيل لا يعرف الهـوى و زرتـك حـتى قـيـل لـيـس لـه صـبرا.
- قـالت جنـنت بمن تهوى فقلت لهــــا الـعـشـق أعـظــم مـمـا بالـمـجـانـين.
- ولو خلط الـسـم المذاب بريقها وأسـقـيـت مـنـه نـهـلـة لـبـريت.
- و قلت شهودي في هواك كـثيرة و أَصـدَقـهَـا قـلـبـي و دمـعـي مسفوح.
- أرد إليه نظرتي و هو غافل لـتسـرق مـنـه عـيـنـي مـالـيـس داريا.
-لها القمر الساري شـقيـق و إنها لـتـطـلـع أحـيـانـاً لـه فـيغيب.
- و إن حكمت جـارت علي بحكمهــا و لـكـن ذلـك الـجور أشـهى من العدل.
- ملكت قـلبي و أنـت فـيـه كـيـف حـويـت الـذي حـواكا.
- قـل لـلأحبة كيف أنـعم بعدكم و أنـا الـمـسـافر و الـقـلـب مقيم.
| |
|
|
|
|
|
|
|
|
|
Re: سيدتي اني احبك (Re: يوسف سعد)
|
مررت عابرة
أتفقد الأثير
وأندس بين ذبذباته
_وإذ بأحدهم يفصل غشاء التاموري عن القلب
ويدسه خرقة في ثقب به
_من قال أن الحبيبات يورثن ثقبا في القلب
وعوجا في اللسان!
_تلك قيامة الروح
يا ود رملية
| |
|
|
|
|
|
|
|
|
|
Re: سيدتي اني احبك (Re: أيزابيلا)
|
انتظريني
أيتها الصبية النيــليــة
الجمــيــلة
إنتظريني
لنمشي سويا الى منبع الفردوس
ايتها الحبيبية
التي سافرت بعيدا وتركتني
اعاني الإعتيادوالملل الكثيف
فارقتني دهشتي وأحلامي
مالي سوى الذكرى والانتظار المميت
ايا فتاة رضعت من ثدي أمها رحيق النيل
| |
|
|
|
|
|
|
|
|
 Re: سيدتي اني احبك (Re: ودرملية)
|
ود رمليه العاشق الولهان سلامات وهاك الابيات .
الله يا خلاسيّة
يا حانةً مفروشةً بالرمل
يا مكحولةَ العينين
يا مجدولةً من شعر أُغنية
يا وردةً باللون مسقيَة
بعض الرحيق أنا
والبرتقالة أنت
يا مملوءة الساقين أطفالاً خلاسيين
يا بعض زنجيّة
يا بعض عربيّة
وبعض أقوالي أمام الله
رايك شنو يا ود رمليه
| |
|
|
|
|
|
|
|
|
|
Re: سيدتي اني احبك (Re: ودرملية)
|
سلامات
وعوافي
Quote: مررت عابرة
أتفقد الأثير
وأندس بين ذبذباته
_وإذ بأحدهم يفصل غشاء التاموري عن القلب
ويدسه خرقة في ثقب به
_من قال أن الحبيبات يورثن ثقبا في القلب
وعوجا في اللسان!
_تلك قيامة الروح
يا ود رملية |
سعيد بمرورك ايزابيلا ..
وابقي طلي علينا ياسيدتي النبيلة ...
| |
|
|
|
|
|
|
|
|
|
Re: سيدتي اني احبك (Re: ودرملية)
|
سلامات
وعوافي
السني ..
السني طمَنَي ..Quote:
انتظريني
أيتها الصبية النيــليــة
الجمــيــلة
إنتظريني
لنمشي سويا الى منبع الفردوس
ايتها الحبيبية
التي سافرت بعيدا وتركتني
اعاني الإعتيادوالملل الكثيف
فارقتني دهشتي وأحلامي
مالي سوى الذكرى والانتظار المميت
ايا فتاة رضعت من ثدي أمها رحيق النيل |
اعجبني مرورك الجميل ... وابياتك الكثيفة ..
ياسيدي والله حلوة الف الالف ....
واعلم انا جيدا افتتانك بشعر الهايكو .. الذي يعمل علي تكثيف الحالة الشعربة ويخصترها في سطرين..يمثلان اغني المفردات
احبك (ياسمين) المشاعر
| |
|
|
|
|
|
|
|
|
|
Re: سيدتي اني احبك (Re: ودرملية)
|
سلامات
وعوافي
Quote:
الله يا خلاسيّة
يا حانةً مفروشةً بالرمل
يا مكحولةَ العينين
يا مجدولةً من شعر أُغنية
يا وردةً باللون مسقيَة
بعض الرحيق أنا
والبرتقالة أنت
يا مملوءة الساقين أطفالاً خلاسيين
يا بعض زنجيّة
يا بعض عربيّة
وبعض أقوالي أمام الله
|
داجيل (ابومهند)
سعيد ياسيدي بهذه التحفة ..
وتعجبني تصاويرها العالية ..
وروحها السودانية الاصيلة ,,,
شكرا لمرورك من هنا .. ولك متسع المكان
| |
|
|
|
|
|
|
|
|
|
Re: سيدتي اني احبك (Re: عبدالكريم الامين احمد)
|
سلامات
وعوافي
عبدالكريم
Quote: كانت فضاءتك مليئة بالدهشة....
وان كنت تسبح ليلا في احضان القمر
تسامر القمر..وتعانق النجوم..
ويعزفون لك لحن الليل..
ويحدوثونك بما يدور..
وتراها وردة ..وتترك لنا الطيف و,الاشجان..توقف
ان كنت تري بلقيس نائمة وانت بالقرب منها...
تنحي........
فنحن من سنملي الفضاءت بالدهشة
ونحن من نرتمي فوق احضان القمر..
نسامر القمر ..نغني
ونعزف للقمر...ونحدثه عما يدور
ونراها...وردة...زهرة...
...واه منك يا طيف |
انا عارف المحراب ملان .. ياخي لذيذ تحذيرك ..
البركة في حبيبتنا الخلتك تطلع حاجاتك ذات مساء اسفيري
لا تغب ياصديقي وكن معنا ...
| |
|
|
|
|
|
|
|
|
|
Re: مازلت احبك (Re: ودرملية)
|
العزيز ود رملية.هنا تجدك بعض من الفرمالات (هكذا تداعيات)...
وبعدين اظهر عليك الله..حرام عليك..
موناليزا شارع المرقاب...
ارسل ضجيجك فوق عواصم العرب
واذكر كنافك والاسي...
واذكر ان حظك دقيق جماع..
حزن..حزن..حزن
قطار الفرح ولي
زمن الضياع افتي..
ان مثلها ليس لك
ان الاسي هو لك
ستون مضن
ستون اتيات
ستون نصلا في داخلي هي..
..............
عنتر عد
وترنم في دار سلوي..
اين؟ الملوح..اين قيس..
ود حد الزين..كجراي..بازرعة
سلام,,,,سلام..
تعالوا...
قباني ..جويدة..عتيق
ابوصلاح..ود الريح..
وردي ترنم الطير المهاجر...
وغناوي الشوايقة....
| |
|
|
|
|
|
|
|
|
|
Re: مازلت احبك (Re: عبدالكريم الامين احمد)
|
ودرملية ..
رفعتوا الفراش وألا لسه ؟؟
إنها (لقمة العيش ) يا صديقي التي تباعد بيننا وهذا الإبداع الراقي ..
لله درك يا صديقي ، إذا كانت هذه هي ملهمتك التي فتحت كل هذه الشلالات ، فلك العذر كله ..
أبكي ... وكورك .... وثكلب ... وأملأ الدنيا ضجيجاً واحتجاجاً ، فهولاء الملهمات يمررن كالطيف ،، فاستغل هذا المرور ،، وأسكب كل دواخلك هنا ..
فسننتظرك ..
والى أن تعود ... هذه أمنياتي لك بالسعد والفرح ..
صلاح عبدالله
| |
|
|
|
|
|
|
|
|
|
Re: مازلت احبك (Re: بدر الدين الأمير)
|
بدر ..
صديقنا ودرملية راجل ( فنان ) ومرهف جداً ، يحب الجمال ، ومن منا لا يحب الجمال ، فالله جميل يحب الجمال ..
والله يا بدر لولا أنك مدير ( العدة ) التي ألهمت أخانا ودرملية ، وعلاقة العمل بتفرض عليك التعامل ( كمدير ) مع موظفينك ، والله كان كواريكك تجيب الطاش ( وجرستك أنا عارفها كويس ) ..
أنا يوم كده ح أقعد معاك ( بالليل ) وأدردقك و أطلع منك ( المدسوس ) كلو ..
تحياتي
صلاح عبدالله
| |
|
|
|
|
|
|
|
|
|
Re: مازلت احبك (Re: بدر الدين الأمير)
|
بدرالدين ..
شكراً لك ،، فقد كفيتني شر ( دردقتك ) واخراج ( المدسوس ) منك ..
يا ودرملية .. يا كيكي .. يا ضحية .. يا فيصل عباس .. يا عماد عبدالله زولكم ما ( فكّ آخرو ) ..
يوسف ، عليك الله تاوق بي هناك وشوف عمك بدر الدين وجرستو !!
لكن والله يا بدر يا أخوي أنا عاذرك ، السماحة مرات كده بتكتل ..
| |
|
|
|
|
|
|
|
|
|
Re: مازلت احبك (Re: Salah Abdulla)
|
صلاح عليك الله هل هناك اى ضرورة فنية
وانت بتتكلم مع يوسف لكلمة عمك بدرالدين عمى كباسة
يا ابوصلعة بنتك دخلت الجامعة وانت ماجابيب خبر يامهترش
| |
|
|
|
|
|
|
|
|
|
Re: مازلت احبك (Re: بدر الدين الأمير)
|
سلامات
وعوافي
الاحباب كيكي - صلاح-الامير
سعيد بي تواجدكم هنا والله - ويابدر وصلاح انا اكان لي مراد تكونوا دايما في حالة منواشات .. ياخي زيدوني شغبا زيدوني ..
صلاح
ممتن لكلماتك الطيبة وياسيدي الجمال يستحق كل هذا العناء صدقني ...
| |
|
|
|
|
|
|
|
|
|
Re: مازلت احبك (Re: بدر الدين الأمير)
|
Quote: زولكم ما ( فكّ آخرو ) ..
|
صلاح..انت زولك ده اخرو فاكي الليلة ولا امبارح...ما من زممممممممممان
وين ودرملية البكاي جابوا لينا الهواء ولبدو..
لستة المطلوبيين لمحكمة كيكي الدولية
1- بدرالدين الامير.التهم..التامر ..والتخابر مع العدو_وممكن تضاف تهمة لها علاقة بكمبو الري
2- ضحية او قل فتحية__الجمجرة ونشر الاشاعات .والشمارات
3- ود رملية__كتابة قصيدة رمزية_ وحيازة -المادة 6
4-فيصل عباس..وصلاح عبدالله متهمين ولكن تم تحوليهم لشهود ملك!!!!!!!!!!!
| |
|
|
|
|
|
|
|
|
|
Re: مازلت احبك (Re: عبدالكريم الامين احمد)
|
سلامات
وعوافي
ياشباب ياحلوين
عماد عبدالله ياخي مشتاقين عديل كدا ابقا جر لينا سلك وكدا تلفونا متاح للجميع
كيكي : انا متهم ياخي حرام عليك انا غير الحب شن سويت وشن بسو
........
| |
|
|
|
|
|
|
|
|
|
Re: مازلت احبك (Re: ودرملية)
|
ياجماعة
ما تسيبوا الكلام الكتير وارحعوا لينا لي موضوعنا
مازلت أحبك
ورحعونا للحب الدفاق والشعر المموسق الكلمات
ولاشنو ؟؟؟؟؟
| |
|
|
|
|
|
|
|
|
|
Re: مازلت احبك (Re: ودرملية)
|
بعدين الكلام الفتحتا بيهو البوست دا ناقص ولسة ماتميتو لكن الشفقة تطير..
حرقتني ختتو في البيت قلتا النجي نكشحو علي حباني هنا ..
اها يا السني جماعتك بيدسوا في الحاجات الحلوة تجاه الجزء الثاني من المسالة ..
ماعارف ليه ... تكون وزارات الداخلية شايفة شغلا تمام صاح ... اخخخخخخخخخ انا من الجرسة المغتغتة..
وانت يا السني برضك عطشان صاح ..
عليكم الله وروني زول (روا من بحر المحبة وشبع من زادا) ..
| |
|
|
|
|
|
|
|
|
|
Re: مازلت احبك (Re: محمد سنى دفع الله)
|
السني ..
أستاذنا الكبير .
تحياتي
المذكورين أعلاه جميعهم بما فيهم العبد الضعيف ، متورطين في الشغل ده ، بصورة أو بأخرى وستطالهم المحاكمة ،وسيردوا على السؤوال الكبير:
( أثر الملهمات في تأجيج المشاعر ، وتحريك ملكة الشعر ) ..
وباعتبارك ( الزعيم ) ورئيس الفرقة المسرحية ، والناس بتخاف من ( الألفة ) فقد اتفقت مع أحدهم على تنصيبك ( قاضياً وحكماً ) لشعر هؤلاء المذكورين أعلاه ، لذلك لم يرد اسمك ضمن المتورطين أعلاه ( أسأل صاحبك عماد ) .. لكن ما دام رجعتنا للشعر ( ونحن أصلاً ما طلعنا منو ) فلا بأس من ايراد آخر دفقة شعر جادت بها قريحتكم ، وذلك لتحفيز البقية ( لكب ) الشعر هنا :
Quote: انتظريني
أيتها الصبية النيــليــة
الجمــيــلة
إنتظريني
لنمشي سويا الى منبع الفردوس
ايتها الحبيبية
التي سافرت بعيدا وتركتني
اعاني الإعتيادوالملل الكثيف
فارقتني دهشتي وأحلامي
مالي سوى الذكرى والانتظار المميت
ايا فتاة رضعت من ثدي أمها رحيق النيل |
ويبدو أن زعيمنا أيضاً تورط هذه الورطة ( الجميلة ) ..
يلا يا شباب ... شعر وكلام حلو ..
ودرملية .. في انتظارك ..
| |
|
|
|
|
|
|
|
|
|
Re: مازلت احبك (Re: ودرملية)
|
للامانة يعني
كلام الصادق ود امنة ماعارف انا كتبتو صاح والا لا لكن المهم انا كتبتها ..
صلاح المصحيك لي هسي شنو يازول
| |
|
|
|
|
|
|
|
|
|
Re: مازلت احبك (Re: ودرملية)
|
صلاح عبدالله
ودرملية
ياخوي غرقان ومتورط وماخايف
صدقني يا صلاح ..!!
لمن الاقيها قلبي
بزح من مكانو
وصوتي بنحبس جوه ضلوعي
ولســــاني ببلع كلامو
من قســوتو
مش كفاية بتخوني كل يوم
مع زوجها
في أقسى من كده ؟؟؟؟
| |
|
|
|
|
|
|
|
|
|
Re: مازلت احبك (Re: ودرملية)
|
Quote: فما الحياة ؟!
سوي فتاة سمراء !!
رضعت من ثدي امها رحيق النيل !! |
يا صديقي الجميل ودرملية
حيثما هطلت
تنزل معك رهافة الكون
ونقاء الكلمات الندية
تصير الشوارع، خضراء، خضراء
لهذا هنا
على هذا الضياء الذي فتحته يا صديقي
جاء
محمد السنى
وبدرالدين الأمير
وكثيرونن يمثلون اشارة للجمال
وروح الحياة النضيرة
إذن
هنا عى انغامك لتلك التي ناديتها ( ما زلت أحبك )
بذلت أغنية للعشق والمحبة
وبساطاً للأحبة
على هذه التي شربت مياه النيل
تجسد الحياة
وتفتح بابها أنت بكل هذا النشيد الرهيف
وهي
بهاء يليق بك .....
من جهاتك دائماً يهطل الضوء
ونرقص نحن سكارى كما الريح .....
نصار الحاج
| |
|
|
|
|
|
|
|
|
|
Re: مازلت احبك (Re: nassar elhaj)
|
عزيزي ود رملية ، العاشق الفصيح
دعني أقرأ عليك ، مرة أخرى ، ما قاله الطيرُ لي ذات مساءٍ بعيد
وليكن في ذلك تحيتي ومودتي.
نعمان
Quote: قـلْ لها:
لديني على نهـر ٍ
لأقترحَ
على نيل ٍ مالكيٍّ معصية ً أخرى ، وأذهبُ
نحو وطن ٍ أسَرَته ُ الأساطيرُ
جريحاً
بين صدوع ِ الخريطةِ
لأمنحه من فطنةِ ريشي
مهـباً إلى سفحِهَا ، وأكتبُ
سيرتي على ترقوةٍ ومضتْ
في سطوع ِ الأرض ِ ، فجأة ً
بين كتفيّ غريبةٍ ، وأركبُ
نحو غيبها موجة ً
من دمِـكَ
كلما قالَ الله ُ اهبطوا منها
اغرورقتْ على حَصَىً موحش ٍ ، دمدمتْ نشيدَهَا:
متـاهي مناصّي
وإنَّ بيتي بعـيدُ.
|
| |
|
|
|
|
|
|
|
|
|
Re: مازلت احبك (Re: محمد النعمان)
|
سلامات
وعوافي
محمد النعمان ياااااااااااااااااااااااااااه
يازول اولله الشوق مالي الروح لي متل طلتك دي ..
انا سعيد بيك ياصديقي العالي ..
وسعيد اكتر بنصك الثمين فانت من اولاد الذين احبهم بحق وحقيقة ..
وغيبتك يانعمان طالت شديد ... اشكر الحبيبة والبوست علي كسرهم لهذا الغياب
اتمني ان تكون بخير والف خير يانعمان ...
وتقبل دوما محبتي العالية
Quote: لديني على نهـر ٍ
لأقترحَ
على نيل ٍ مالكيٍّ معصية ً أخرى ، وأذهبُ
نحو وطن ٍ أسَرَته ُ الأساطيرُ
جريحاً
بين صدوع ِ الخريطةِ
لأمنحه من فطنةِ ريشي
مهـباً إلى سفحِهَا ، وأكتبُ
سيرتي على ترقوةٍ ومضتْ
في سطوع ِ الأرض ِ ، فجأة ً
بين كتفيّ غريبةٍ ، وأركبُ
نحو غيبها موجة ً
من دمِـكَ
كلما قالَ الله ُ اهبطوا منها
اغرورقتْ على حَصَىً موحش ٍ ، دمدمتْ نشيدَهَا:
متـاهي مناصّي
وإنَّ بيتي بعـيدُ.
|
كن بخير يانعمان ونكن نحن محملين بالحنين
| |
|
|
|
|
|
|
|
|
|
Re: مازلت احبك (Re: nassar elhaj)
|
سلامات
وعوافي
صديقي الشاهق ..
نصار ..
ممتنا انا لهذا البوست وممتنا اكثر لحبيبة بفضلها (تحولق) حولي الاصدقاء ..
اشكر الله كثيرا كوني مازلت اتنسم عبير المحبة ..
Quote: من جهاتك دائماً يهطل الضوء
ونرقص نحن سكارى كما الريح .....
|
يملاني الشرف يانصار الحاج ياصديقي الشفاف ..
تقبل محبتي العالية حتي السماء
| |
|
|
|
|
|
|
|
|
|
Re: سيدتي اني احبك (Re: ودرملية)
|
ودرميلية الجميل..
بديعة هذه الـ.. سيدتي
وبجيك صادي برواقة
برة الجك
شايف العصابة القطرية
عاملة شغل كويس
ربنا يوفقكم دايما
| |
|
|
|
|
|
|
|
|
|
Re: سيدتي اني احبك (Re: طيفور)
|
سلامات
وعوافي
طيفور صديقي الحبيب
شنو انت لابد برضك بس ياااااك وتزوق ..
والله مشتاقين شديد واخبارك شنو وانشاءالله ضلك رامي ..
مستنيك ياصديقي عود متي ماشئت بتلقاني حارسك ومستنيك
محبتي العالية ياصديقي
| |
|
|
|
|
|
|
|
|
|
Re: سيدتي اني احبك (Re: ودرملية)
|
سلامات
وعوافي
يوسف مايا
ياخي والله ليك شوق الشوق ..
وحاولتا اضرب ليك كم مرة بلقا التلفون مشغول ..
المهم وصلتا كيف طمنا عليك ياخي ..
انت خربتا طبعنا ياحبيب ... بعدين انت جاييك الذ زول في الدنيا بعد اسبوعين .. بقصد المعدو كيكي .. اليومين ديل هو حاسي بي حمي السفر ..
ولحدي ما نتلاقا يايوسف كن بالف خير ..
محبتي العالية
| |
|
|
|
|
|
|
|
|
|
Re: سيدتي اني احبك (Re: ودرملية)
|
Quote: فما الحياة ؟!
سوي فتاة سمراء !!
رضعت من ثدي امها رحيق النيل !! |
كل مرة أتاوق
فى النهاية كتبت النهاية الجميلة دى ..
وبس
| |
|
|
|
|
|
|
|
|
|
Re: سيدتي اني احبك (Re: معتصم الطاهر)
|
سلامات
وعوافي
ياهندسة
سعيد بي رايك جدا جدا ..
واهو قلنا نفتح ليها (شباك حنينا) علي مصراعيه.. باقيلك مقصرينا مع ست الريد شديد
ولها مني المودة اذ بفضلها غمرني كل هذا البهاء .. بهاء وجودكم(بيني) ..
| |
|
|
|
|
|
|
|
|
|
Re: سيدتي اني احبك (Re: معتصم الطاهر)
|
ود رملية عوافى عليك بعد السلام
ثم خذ ياصادق ياصنديد ياصديقى من جهينة اليقين قبل الاخبار
صاحبك كيكى بعد النهرة الجاتو من وزارة داخليته ماشى يكوس العودة عند فكى قوبى
لكن جبل الرجاف ضحية فلك ان تضحك اولا واخيرا
بعد اكتشاف وزارة داخليته لبوست المكالمة الهاتفية تم منعه تماما
من أى مكالمة هاتفية مع اى بوردابى وبالتحديد ود رملية والسنى وكيكى
والشيطان الاكبر بدرالدين الامير
| |
|
|
|
|
|
|
|
|
|
Re: سيدتي اني احبك (Re: بدر الدين الأمير)
|
ودرملية..السني..بدرالدين..
صلاح عبدالله..وكل بورداب الدوحة البكايين..
ابكوا ياخ..واشعلو الصهيل فالبكاء كان فينا منذ تاريخ بعيد..
فقد بكا امرو القيس..
وقال
فقا نبكي من ذكري حبيب ومنزل بسقط اللوي بين الدخول فحومل...
وعنترة انشد..
يا دار علبة بالجواء تكلمي عمي صباحا دار عبلة فاسلمي...
واخر قال..
يقولون ليلي بالعراق مريضة...فياليتني كنت الطبيب المداوية....
ابكوا...واطلقوا العنان لهذا الصهيل (المكبوت)...
وغرد يا ودرملية برحيق النيل...
والنساء السمر....
وانشدنا يا السني اناشيد الجمال وحول (استاذ مجمد استاذ محمد) لقصيدة...ووتاكد ان (ابوعركي البخيت)
يسصدح بها يوما...ما....
بدرالدين...حول تلك الوجه السمواية التي تقابلها ..في ردهات
الفنادق(الخمس نجوم)..وحولكم دخان (السيجارة) الفاخر
وقهوة (الفور سيزون) المدهش...حول ذلك الجمال الذي وهبك لك الله الي قصيدة
حتي نقراها ..واقراها انا وصديقي بهاء بكري (احنا ناس قريعتي راحت)..
نريد ان (ندش) الي (الفور سيزون)..والشيرتون)
وكل الاماكن الفارهة عبر كلماتك..وبكاك...ابكي عليك الله ايها
الامير السوداني المظلل.....فنحن في بكاك سنبكي....
ابكو عليكم الله..وقولو (وااااااااااي)
| |
|
|
|
|
|
|
|
|
|
Re: سيدتي اني احبك (Re: بدر الدين الأمير)
|
Quote: كيكى امانة ماوقع بكاى
عازرك وشايفك مندرش فى السوق وشايل الاكياس وطنطن |
انتو والله جواسيس كبار..يعني الواحد بعدده يمشي سوق الشيحانية عديل كده
عشان ما تجيبو الشمار بتاعو!!!!
(وش مفكر بكرة يمشي السوق بتاع الخور)..
| |
|
|
|
|
|
|
|
|
|
Re: سيدتي اني احبك (Re: ودرملية)
|
سلامات
وعوافي
الاحباب كيفكن ..
يابدر قلت لي :-
| Quote: عازرك وشايفك مندرش فى السوق وشايل الاكياس وطنطن |
اها كيكي مسافر عارفنو انت البوديك الاسواق شنو ..
| |
|
|
|
|
|
|
|
|
|
Re: سيدتي اني احبك (Re: ودرملية)
|
شد اوتار الغربة وارحل..
تشتت....وطر..
اذكر ان في نفسك الاسي...
ارحل
عانق الصدي..
ستجد الطيف يعبق المكان..
ستجد الدهشة..في الانتظار..
اين انا الان..
اين ورق الكناف..
اين تلك المرافي..
اين هي الان......
قالوا.. ستجدها ذاهبة مع الريح..
قالوا..ستجد في المكان عبق عرسا انتهي..
ستجد رائحة الحناء تعطر المكان
لتشويك...لتتامر مع الصحراء
وتقيم لك...حفلا من الشواء..
لروحك التي اضناها السفر....
ودرملية...هل ستتامر رائحة الحنة مع الصحراء...وتقيمان لصحبك..0(حفلا لشواء الوجدان)..
| |
|
|
|
|
|
|
|
|
|
Re: سيدتي اني احبك (Re: عبدالكريم الامين احمد)
|
سلامات
وعوافي
العزيز كيكي
| Quote: هل ستتامر رائحة الحنة مع الصحراء...وتقيمان لصحبك..0(حفلا لشواء الوجدان).. |
يالها من رائحة ياكيكي تلك التي تحتقب نوايا التآمر ذات حفل وجداني بهيج ..
اسرتني رائحة الحنة ياكيكي ..
سلمت ياراقي ..
Quote: اين هي الان......
قالوا.. ستجدها ذاهبة مع الريح..
قالوا..ستجد في المكان عبق عرسا انتهي..
ستجد رائحة الحناء تعطر المكان
لتشويك...لتتامر مع الصحراء
وتقيم لك...حفلا من الشواء..
لروحك التي اضناها السفر.... |
| |
|
|
|
|
|
|
|
|
|
Re: سيدتي اني احبك (Re: يوسف سعد)
|
سلامات
وعوافي
يوسف سعد ..
واحبك واحب دينك ياصديقي العزيز..
مالك قطعت الطلة في المنبر ..
ياولد شحتفت روح الدوحة بعد سفرك ..
تعال لينا تاني سمح .. نحن محبوسين نرزح تحت وطات الاجازات السنوية والمرضية ونشتهي البلد واهل البلد وريحة البلد والبنية الابنوسة وباقليك اليومين ديل اخوك بيدرس في مسالة العودة النهائية للسودان وربك يهون لانو الواحد فقد اكتر من ما اكتسب شفتا كيف .. والبلد سمحة والله ..
تحياتي لي هايل الزين
| |
|
|
|
|
|
|
|
|
|
Re: سيدتي اني احبك (Re: ودرملية)
|
يا ود رملية
كدي غفل لي ضحية ده
لأنو قال لي ما أشوفك حايمة حيث نيفين
وأماندا وأخواتها
عشان ما عندك انقليزي قدر ده
اسة والله أنا عارفة الوشيش والخلقة ما قدر ده
لكن قلت كدي النمد قلمي
ونشوف جداول المشاعر المنهمرة دي وصلت وين
يا خوي حبو وقسموا الفمتة
دي على وزن حسي وقسمي الببسي
بس الفمتو بالأنقليزي ده بوستات آخر الليل
والحبكانات الحائرة
كسرة
يسمكم في أي لغة راقية وقول لي إماد أبدالله ثاني الحب عندكم الا اعد
| |
|
|
|
|
|
|
|
|
|
Re: سيدتي اني احبك (Re: شادية عبد المنعم)
|
انا احبكم واتقطع اربا اربا للقياكم
تعالوا والله ماقادر اتحمل اعيش هنا من غيركم
والله السودان فى قلوبكم انتو
تعالوا عشان اقدر احس بانى لسه حى
لانو انا فاقد الاحساس باى حاجه جميله عشتها معاكم
حافظوا على قلبى عندكم
| |
|
|
|
|
|
|
|
|
|
Re: سيدتي اني احبك (Re: يوسف سعد)
|
سلامات
وعوافي
ياسمح يازين ..
يوسف مايا..شيييييييييييييكومايا
كيف ياحبة الامور .. والمواضيع انشاء الله ظبطت تمام .. والمعلم بتاع (اوروبا) (وسل) والا لسة في (الترييق) ..
سلم علي الخرتوم ..
لك عالي المحبة يامايا يا سنترا
| |
|
|
|
|
|
|
|
|
|
Re: سيدتي اني احبك (Re: شادية عبد المنعم)
|
سلامات
وعوافي
شادية
Quote: يا ود رملية
كدي غفل لي ضحية ده
لأنو قال لي ما أشوفك حايمة حيث نيفين
وأماندا وأخواتها
عشان ما عندك انقليزي قدر ده
اسة والله أنا عارفة الوشيش والخلقة ما قدر ده
لكن قلت كدي النمد قلمي
ونشوف جداول المشاعر المنهمرة دي وصلت وين
يا خوي حبو وقسموا الفمتة
دي على وزن حسي وقسمي الببسي
بس الفمتو بالأنقليزي ده بوستات آخر الليل
والحبكانات الحائرة
|
والله الريس بالغ معاك لكن يا شدوية .. بعدين ياستي انا (شخسيا) مرحب بي وجودك معانا هنا..
ومسالة الريس خلينا نشوفا معاهو ..بعدين ياستي الريد كمان دايرلوا اذن ما ديمة بابو مشرع الجدة شنو في الحكاية .. وبالنسبة لي (الجزء الثاني من المسالة مهم جدا في هذا البوست) اذ انه يمنح اللوحة بعدا اضافيا باذخا ...
رايك شنو في الحنك بتاع
| Quote: يمنح اللوحة بعدا اضافيا باذخا |
ما اتقطع فيهو عليك الله ياشادية ..
معزتي الشديدة
| |
|
|
|
|
|
|
|
|
|
Re: سيدتي اني احبك (Re: ودرملية)
|
صديقى ودرميلة تحية وشوق
دعنى اواصل معك البوح قليلا كثيرا
بعد ان من الله علينا بفراق ودعبدالرحمن و(قطع وشو)
عقبال البقية حتى لايتحول البوست لجلسة فى رمال الوكرة ... ( باشمهندس عوافى )
ساعود بعدالتأكد من ان انفى لايشتم رائحة دسائس
ودرملية مشتاقين
| |
|
|
|
|
|
|
|
|
|
Re: سيدتي اني احبك (Re: ابوبكر الامين يوسف)
|
سلامات
وعوافي
يابكة مابالغتا ياخي ..
السلام عليكم ورحمة الله تعالي وبركاته وكيف الحال ..
يازول انت حي ترزق زينننننننننا كدا ؟؟؟!!
كنت وين لابد ياباشا ...
الف حمدا لله علي السلامة وانشاء الله ات طيب وماعندك عوجة ...
محمد عبدالرحمن ياحبيب الان يرتشف شاي الصباح بي مزاج عالي .. ليه ما يكون عالي مادام الشاي عاملاهو الوالدة الطيبة..
اسمعني لو عندك ليهو تلفون اديني ليهو سمح ...
شكرا لمرورك من هنا ..
تحياتي لي صاحبك لقمان همام وهو لي اخر لحظة ما جايب خبرك الحكاية شنو يازول ...
عبدالرحيم
| |
|
|
|
|
|
|
|
|
|
Re: سيدتي اني احبك (Re: ودرملية)
|
الغامر ودرملية.....
فلتقل لها..
اندسي في كل التفاصيل وانفلتي
عند الكتابة
حين تسترسل في الصمت
وفي الغرابة
في كل وقت وحين
حرضها عى البقاء
علك عند الحضور
تشتم رائحة المطر وترسم لوحتك بألوان الشوق
اطغى في العشق
وقل لها
انك لا تبتغي رجعا لذنبك فيها او انابة
لا تتدرج في محبتك
لا تفلسف امر الحب
اقطف ابهى الزهور
زين كل لحظة
واسرج الأماني
في زمن الكآبة
| |
|
|
|
|
|
|
|
|
|
Re: سيدتي اني احبك (Re: REEL)
|
سلامات
وعوافي
يااااااااااااه ريل ياساحرة الكلام النبيذ ..
كلما شهق الحرف عندك كلما تجدل سبيب الروح ..
ارتاح كثيرا علي نغمة هذا الكلام الجميل ..
وعلي عتبات القلب وقفت سيدتي الجميلة .. وشرعت في الدخول ..
كل يوم تدخل في عمقي مليون حنين ..
تنساب في تويجات دمي .. وتنسال في عصبي شوقا وحنين ..
انها ياسيدتي خلاسية ... من حمرة الشفق تجملت شفتاها .. ومن عتمة الليل انساب فرعها الناعم..
هي السمراء تتمشي في ايامي بلطف وحب .. وتجدول الانغام في تواريخي ....
..
Quote: اندسي في كل التفاصيل وانفلتي
عند الكتابة
حين تسترسل في الصمت
وفي الغرابة
في كل وقت وحين
حرضها عى البقاء
علك عند الحضور
تشتم رائحة المطر وترسم لوحتك بألوان الشوق
اطغى في العشق
وقل لها
انك لا تبتغي رجعا لذنبك فيها او انابة
|
يا لهذا البريق ياريل ..
| |
|
|
|
|
|
|
|
|
|
Re: سيدتي اني احبك (Re: ودرملية)
|
فــتاة الـــنــيــل
في صــحـوي وفي مــنــامــي
طــيفـك ساكن حــــواســــي
اصــلــي شـــفــرت عـلـيـك
عــقــلـي...
| |
|
|
|
|
|
|
| |
ودرملية
يوسف سعد
عبدالكريم الامين احمد
nashaat elemam
بدر الدين الأمير
Emad Abdulla
akram saeed
Rasha Hatim
noon
أيزابيلا
محمد سنى دفع الله
nassar elhaj
محمد النعمان
طيفور
معتصم الطاهر
ابوبكر الامين يوسف
فيس بوك
تويتر
انستقرام
يوتيوب
بنتيريست