|
Re: وجعى و ارخى لى شرق !!! (Re: عصام عبد الحفيظ)
|
الشفتى فيهو أول مرة
عصام ياجميل
الديم شفته فيهو كثير؟ قل لى شنو
لو لاقيت على فضل احتضنه وقبله فى جبينه هو بيمشى فى شوارع الديم كل يوم فى كل الناس ماش وماليهم
وانا مالينى الليله حزن
ومحبتى لك ولناس الديم
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
وست العشاء ماتنساها ياعصام مديدة التمر البتعملها بعصير انسانها وفرحهم بيفرحوا بالجد ديل ناس ذى ناس الرديف بكوستى
هل عرفت السر الآن؟ ليه ناس بيتنا مكنكشين فى الديم
لانهم برضو بحبوا الديم وناس الديم وايام الديم وجاز الديم وعمر عبده وباشاكا وشفع الديم وبنات الديم
ومساء الديم ياعصام
| |
|
|
|
|
|
|
Re: وجعى و ارخى لى شرق !!! (Re: Ishraga Mustafa)
|
وحياتك دى أصعب قصة ديم تمر بى الديم صعب وشوقه أصعب لان الديم وجدان قبل المكان انتى طلعتى من وين بسيرة الديم دى هدى اللعب0000شوية
انا اصابنى حول امريكى وما بصراحة بكتب فى بوست الديم ولا كواتو ورشا000ما عارف وانتى بتعرفى الحول الامريكى ما عندو علاج لطفا بالعباد المساكين
سلام
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
اشراقه يا زوله مالك "مضلمه" كده، ال winterdepressionen وقتها ذاتو ما جا!!!!!!
عصام
كواتو و رشا وعركى وشمت ... ينفعوكم
انا ماشي على "شيخى" خدر، حكمة الله، بنعرفو و بعرفنا و مافى عويق!!!!
الديم،الميز،ابو الليف،حمد العربى،عصفور و سنو وسنو
ممكن نحجز مقعد فى الشريط!! حتى لو صحبة راكب
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
شروق
دى قصه تانيه
افتحى سخانات القلب ولعى لهب روحك البنعرفا دوسي زناد الحياه
واتلمى اكتر على الاصحاب والصاحبات بيدفوك وانتى عارفه
برد بلاد بره ده تلج بس، ما تخليهو يلحق القلب يا مشرقه
تعالى لينا و معاكى الاولاد .. ما عندك عذر بعد ما مشيتى امريكا البعييييييييده ديك والزيت كان ما كفا البيت... مع التقدير لرقيه وخالده وعقد النساء البهيج
| |
|
|
|
|
|
|
Re: وجعى و ارخى لى شرق !!! (Re: esam gabralla)
|
عصام يا صديقى الجميل
{افتحى سخانات القلب ولعى لهب روحك البنعرفا دوسي زناد الحياه}
مازلت افعل جاهده بولع فى لهب روحى التعبت واشتهى ان التقى كل من احببناهم
اعدك بزياره اليكم خت فى بالك انى عاوزه اضحك بس لما اتلاقينا فى ذلك العرس الجميل ضحكتنى لسه ضحتك ذاتها وانشاء الله تبقى ذاتها ذات سخريتك الجميلة قلت لايوب الواحد/ة فينا عشان ينسى احزانه وغربته بيحتاج لجرعات فرح { عصامية}
لك كل محبتى
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
ياقبس المسيح اضئ قلبي:
بتتكلمو عن الديم وعن علي فضل وعن التعدد عن سهر الليالي , عن مزيكة الجاز , عن علي المك , عن دولة ضلت الي قسورة , عن اليوم كله ام عن ايه ولا ايه مظاهرات , و"سِنة" كما ينطقها صبيان بدمورية وجينز, حبش وقبطة ونوبة وهوامش , دينكا وهجين يخص الخيل والانبياء , عن الديم ذاتو بتتداعو , عن مكان اخذ عذريتي عنوةً واقتدار ..! ... ... وانا اراهق يا ناس كنت اتصور الجنه في الاخرة بمكان : المكان كان مهماً لاستقبال المشروع الديني : كانت الجنة من بنات الديم واحتشادها كان المكان : الديم شخصياً ... ...
اشراقه : براحه عليك , لاتتركيه يغادرك , الديم ده والعياذ بلاه مهم , فيهو زوربا وبوب مارلي وبنات باثداء نافرة , الديم ملك النشيد الذي انتهي للتو
عصامين بحجر واحد : الديم حجاب : تصريف عن مولانا ابن عربي حضرتك تعرف الديم , تحكي لي لو سمحت
| |
|
|
|
|
|
|
Re: وجعى و ارخى لى شرق !!! (Re: Ibrahim Algrefwi)
|
ابراهيم سلام وشوق
هل تعرف ان هناك علاقة عشق جدلية بين الديم والرديف عشان اكتب عن الديم احتاج ان اتداعى فى ذاك الحى الصاخب... حى الرديف... الحلة الجديدة بكوستى بيوت الطين البتتمايل لمن المطر تشيل تقع البيوت والحيط المتهالكه ومع ذلك تتماسك القلوب..... ياود مروة مابتكون طلعت من قلب الوجعة وتلقى بنات مرؤة جن قبال اولادها عارف بعد المطر تقيف وكم حيطة وقعت كم دمعة غرقت فيها احزاننا اللى اتعودنا عليها بعدها بنتلم وناكل عصيدة خالتى فاطمة عصيدة بملاح مرس
بتكون بتعرف ملاح المرس..... خالتى كلتوم جارتنا بتسميه ملاح مصران
آه ياله من زمن بحتاج لنهر خاص اغطس فيه عشان اهطل خصوبة كوستى فينى الرديف الديم
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
عزيزي عصام، وين انت ياخي؟ ان شا الله ما تكون رميت وصيتي. حاشاك. فأنا أعرف صعوبة التنقل في بطن "أمنا الخرطوم" بعد أن تمَّ إنقاذها من نفسها. ان شالله الكلام دا ما يجيب لك وَغرَه؟ (نعم "وَغَرَه" ماني كاتبا غلت. كلام بُدوان وتعني مشاكل وأحقاد وتلاتل)، فمسئوليه تقع علىَّ وحدي، وانا على استعداد لأن أبصم على ذلك بأصابعي التسعة لأنو فيها واحد مدهوس ووارم ليه أكثر من شهر ونص ما يتفشا. بوستك سلس وظريف جداًً. إلا أنني اقرأه كمن يقرأ حلماً قديماً 27 وعشرين سنة ياعصام قضيتُ فيها سنةً واحدة "لا فقط لا غير" في الخرطوم وبضعة أشهر أجازات كانت متباعدةً جداً. وستاشر سنة صماء منذ أن تم إنقاذها. وأنا شيخ هالك فزودني بأخبار الصحاب والصحابات وأحوالهِن وأحوال هُنْ، ينالك ثواب. وأؤكد لك أن حوشك في الجنة سيكون معتبراً وعامراً جداً، مع الصديقين والشهداء. عاد البتسووا فيه ده مو شهادة؟ قاعدين مقابلين الغول وش لي وش!!!جملة الأيمان فرسان وفرسانات.
مع خالص محبتي. بــــولا
بــــولا
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
عزيزي عصام شفتَ البِقت على عمك؟ شَي عجيب ضُمَّتُهْ. كتبت لك مداخلع قضت فوقا نص ساعة بالتمام والكمال. وٌُتْ كدي دفرتها. لي بوستاً حق زولاً تاني، وما عرفته. وقد عضت بقلبي حسرةٌ لن يتتيسر لي معها الكتابة إلا باكر. وين انت يا شيخنا؟ (شي عمك وشي شيخنا ربنا يستر). وهذه بالطبع فرصة فريدة لعصام جبر الله "عَلَشان" يتزبلع علي. قل لُه "كراع البقر جيابه" ياسِيدي أنا بقيت مَدير كبير في أصحار الكمبيوتر لكن مخير الله في خلقه: قَسَم المداخلة لي غيرك.
وقول لي خدر "قر قر قر قر قر قر"، دي ظريفة جداً بربراويه صُرُفْ.
مع مودتي
بــــولا
| |
|
|
|
|
|
|
Re: وجعى و ارخى لى شرق !!! (Re: عبد الله بولا)
|
أستاذى بولا سلام هذا المساْء فتحت لى طاقة كبيرة ماب تنسد بهين, اولا: هذا الديم يعاد تحديثه كلما 0000000 آٍسف جدا00 سأبدأ من جديد هذا البوست يتم تجميله كلما ما مر,طلال ,قرمبوز,اشراقة,تماضر,أحمد المرضى ,كواتو,خدر ,ندا ,مزن,ع0 جبر الله,أيمان ,سوسو,وفاضلابى,ضياء,عثمان صالح, بيان,رايوة ورجاء,000وابو ساندرا وعادل وابو بكر,و0000محمد صالح ونوسة,ونجاة محمد , وحمزة وتاج السر ,والهلال و00000000 ومعز الشاعر واحبابه00 وسيجمان وبدر شنا 00وكل الاحباب فى البورد0000ورجاء اعذرونى للسهو والنسيان000
لكن هذا البوست يتم تحديثه و يعاد00 بدل المرةألف مرة فى الثانية عند مرور أستاذى بولا 000اعذرونى بالحب الخاص والغزل 00فهو أستاذ فى كل شىء0,لو تعلمون000000000000000 كل لحظة 00فى فكرة وجودنا الآنية,وعذاب العسكر المتوالى ونحن دائما(أسد) بمقاومتهم000الى متى ونحن فى هذه الفكرة الحربائية للمقاومة0 يادوب جينا لسلامتك والعيال ازيهم ونجاة الصغيرة حبى لها بلا حدود,وانت أدرى بحبى لها وايضا بأيام غوايتى وايزيس وذاك الزعل وسألتنى أنت000 أتشتهيها0000 كان الرد أن تزوجنا00بعد فترة يعنى فيك شىء ما من اهل الصلاح 0 فا الاساتذة00يس وسهيل بملأون البيت فوضى وجمال واسئلة تجاب ولا تجاب000
والان عزيزى نواجه واقعا جديدا وبعثا لواقع جديد, يبحث عن كيان وبالاحرى عن وجدان مكانى وزمانى وله الحق فى ذلك كما كان لنا,انها فكرة انها زمان انها مكان , باالبساطة ده مجتمع فى اوج لحظات التحول لا الانكسار0000000
0000 وديل فى منهم مجموعة مقدرة متخفين وظاهرين فى هذا البوست ربما00000 وكما يقول صديقى طلال عفيفى وأنت تعرفه كتابة 00وانا أضف انه يمثل تيارا جديداوامتداد متقدم للاضافةفى الاسهام فى تشكيل وجدان بلا وهم ورؤيةتحطم الذات الانهزامية وتؤسس للشفافية الحقيقية, لعالم يحلم بسودان جديد,و له علاقة بفكرة الحياة, التى لا تعرف غير الجمال ومنتهى صيغ الخيال0
وصلت العزيز بولا كل الوصايا وانا معك ننتظر الرد000وعفوا انه السودان000 تعال يا بولا 000فا الديم جميل وله فى وجداننا مكان حميم يحتفى 00بك ونجاة 00والعيال واحبابكم ومعاك احمد المرضى وايمان شقاق وصغيرهم0000
لى عودة فهناك صديقة تنتظرنى هذا المساء
وسلام
| |
|
|
|
|
|
|
Re: وجعى و ارخى لى شرق !!! (Re: khider)
|
والله بوستن جاب لينا ابونا بولا ده بوست تحفه البركه من كل جانب اذ ان العفة والصدق النكران والجمال وبديع الدل والغنج وسلطان المهج وان بيتا ان ساكنه غير محتاج الى السرج؟ وديم عبد الله هندى ده من حجازى للعالى والعكس ونفحات اليجانه المتارجحه ما بين ثقافة الديم السلكيه؟ وسلمانها وارض حيوانها؟ وساحتها الشعبيه وبن الحبش الامهر وجبنة التقرنجه؟ وذكرى عشه ووكر تلك الماركه السودانيه الاصيله واللهم انى صائم فتقبل صيامى؟ انور
| |
|
|
|
|
|
|
Re: وجعى و ارخى لى شرق !!! (Re: anwar abu gaidaa)
|
عصام .. البنات التشكيليات يسكبن على الليل ألوانه المنسيه . تعود الينا روحنا في غفله عن هذه البلاد الكالحه . وينعدل مزاجي اثر خرابه .
أستاذي العزيز .. أعرف أن لديكم خاطر في المجتمع التشكيلي .. فأرجو ان تتوسط لي عند جمعية التشكيليات السودانيات لمنحي العضويه , سأكون شاكرا لك طول العمر .. (وزي ما قلت ليك ممكن اكتفي بصفة مراقب ) ..
... طلال
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
**** اليوم مساْء كنا نحتفل مساء اليوم(ALL NATIONS ) وموسيقى(الحبش) بمقدم التشكيليات السودانيات من اديس ... وقدموا معرضا مميزا احتفت به اديس بوزير ثقافتها,وكان السودان هناك بعطر أنثوى وتشكيل سودانوى أصيل.. يا سلام ..علي الخبر ..والسيرة ..وعليكم إنتو زاتو .. -وقدموا معرضا مميزا احتفت به اديس بوزير ثقافتها.. - وقدموا معرضا مميزا احتفت به اديس بوزير ثقافتها.. بالطبع كان متوقعاً من هؤلاء المبدعات ..في تواصلهن مع الجارة أثيوبيا ..كما فعلن من قبل ..وما سيفعلنه لاحقاً..
سلامين..
| |
|
|
|
|
|
|
Re: وجعى و ارخى لى شرق !!! (Re: gessan)
|
قيسان ازيك عايزين تقرب منك اكثر دائما, تدخل علينا وما اى فرصة ونسة معاك ودائما انت بتسرق ذاكرتى لقيسان الجميلة ايام ايام الرحلات000
كدى هسه قولى انت مريت بكلية الفنون وهل اصابك ما اصابنا
0000 انت عارف الكلية دى فيها سر لو تعلمون عظيم 00000 ونخاف عليه وعليها ــــــــــــــــــــ
قرب تعال وما تبعد
ــــــــــــــــــــ
هـــــــــــــــوى يا اشراقة سلام انتى وين آخر زيارة لك وكتبتى الكلام التحت ده ولا حس ولاخبر لعل المانع خير ومشتاقين كتير
(هناك علاقة عشق جدلية بين الديم والرديف)
سلام
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
Quote: هذا البوست يتم تجميله كلما ما مر,طلال ,قرمبوز,اشراقة,تماضر,أحمد المرضى ,كواتو,خدر ,ندا ,مزن,ع0 جبر الله,أيمان ,سوسو,وفاضلابى,ضياء,عثمان صالح, بيان,رايوة ورجاء,000وابو ساندرا وعادل وابو بكر,و0000محمد صالح ونوسة,ونجاة محمد , وحمزة وتاج السر ,والهلال و00000000 ومعز الشاعر واحبابه00 وسيجمان وبدر شنا |
ممكن أخت اسمي مع الناس الحلوة دي؟ بس ما عرفت الحته دي سموها كده ليه!
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
سلامين عصام عليك وعلي المعاك هنا وهناك ..
هل اصابك ما أصابنا؟؟؟؟ طبعاً (وأكيد) لا ..لا لم يصبني ما اصابكم يا عصام .. تعرف انا السؤال دا شلتو ومشيت بيهو لي نجاة عثمان ..بعد السلام .. سألتها هذا السؤال "ما الذي أصابكم ؟؟ حتى اعرف إن كنت انا مصاب مثلكم ام لا؟؟؟.. لم تجيب نجاة على سؤالي بسكوت غير معهود فيها..فضحك عادل حجر وضحك .. عليه انا لم يصبني ما اصابكم يا صديقي ..لا .. ---------------- التشكيليات ..أديس ..ونيروبي كمان.. ---------------- عصام إياك ان تخاف على كلية الفنون ..إياك .. فكل المجموعة التي شاركت في معرض اديس ابابا قبل ايام ..والمجموعة التي عرضت في هيلتون الخرطوم قبل ايام ايضاً (ناس عادل وخالد وعفيفي والبقية )..وحتى (شربيني ومي) الذيّن سيعرضان في بلجيكا بعد ايام ..وغيرهم وغيرهم .. كل هؤلاء القاسم المشترك بينهم انهم رأوا ما لم ترونه في زمنكم ..نعم .. فقد رأوا بأمهات اعينهم حادثتي الإعتداء على اعمال النحت في نجيلة الكلية ودار الاساتذة (شافوا الحادثتييييين)..عندما كانوا طلاباً وكان الهوس الديني يحيط بهم من كل جانب ..(ياخي ما كنا كويسين..)..
= عليك الله امش موقع العزيزة ايمان شقاق وإتمعن في الناس الهناك تلقاهم غالبيتهم "شهود" ..وبالتحديد زي واحد اسمواسماعيل حسن ..دا اتخرج هسع دي ..يادوب ..
لا تخاف على الكلية يا عصام .. فأجمل الغناء ..قادم ..
سلامين
قيسان
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
عصام عبد الحفيظ .... شخص اجمل و اطيب ما يكون.... ابتسامة دائمة .... تتغلغل سريعا في انحا الروح... بالاضافة لي التلوين البرد الروح.... تسلم لينا يا رائع.... انا سعيد جدا بوجدك قريب هزي الايام....
ضياء
| |
|
|
|
|
|
|
Re: وجعى و ارخى لى شرق !!! (Re: Raja)
|
كلكم يا لمتعة الرد وعذابى فى تشتشته رجاء يا ست الكل قدام وووفوق ويسلمو لى كل العباسيين _______________________________ وعملنا السطور وهل تجدى نفعا00000 لحظة فاالحب وحدوه الذى يجدى نفعا ________ سطر قصير من وجد وحب ـ واقصر منه وجعى هى حالة من الوجد والعذاب فى آن واحد
أحد هىحالة وجودنا الكونى هى حالة الوجد حينما تضيق الامكنة و الا زمنة هى ذ1ك وهذا هى بعض من جنون واحساس بالامكنة
هى هى
سلام
| |
|
|
|
|
|
|
Re: وجعى و ارخى لى شرق !!! (Re: Abu Mariam)
|
عليك الله يا عصام شوف الصادق شيخ الدين ده؟؟ بهددنى فى بوستك؟؟؟لا حول الله والله ما قايلها بتجى كده؟ طيب منبرك؟ اها العيد معانا ومرحبتين حبابك هوى واليوم السعيد الليله جابك يا الصادق الفنان والله يا رجاء اختى صدقتى الواحد قدر الزمن البلقاهو لا يعرف اتم ليهو موضوع لا يعرف برد وهو زاتو رمضان قرب انتهى؟ ليكى الود وكل عام وانتو بخير انور
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
------------------------------- * ابو مريم يكتب من بيت الكلاوي (شربيني ومي).. يا الصادق انتا عارف انهم حيعرضو بعد اربعة ايام ..يلا ما تمشي منهم بعيد ..
"وحدها الدائرة تستبيح الإنحناء ثم لا تنحني .." (نجلاء عثمان دي.. كمان بتغني؟؟؟؟؟؟؟؟؟) ------------------------------- عصام البوست دا شكلو كدة ..ما داير يجيبا البر ..
كل سنة والجميع بخير ..
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
سلام تاني,
ابو النور انت ما بتهدد في حيشان الفنانين ولا في أي محلة تانية, كمان انت قايل نفسك هين ولا لين.
يا أستاذ عبدالعزيز قيسان.. نحن وجودنا معاهم ( مي وشربيني) بديهم الهامات وخصوصا نامن اعمل ليهم شاي وهم شغالين, ولو كتروها وطلبوا مني اغسل العدة ح أمشي اخليهم. تحية واشواق خاصة منهم أليكم جميعا
صادق
| |
|
|
|
|
|
|
Re: وجعى و ارخى لى شرق !!! (Re: Abu Mariam)
|
صادق سلام هو العيد وانتى معى احييك وسلم لى على الجماعة العيدهم بدون اطفال وهيصة الصباح ديك اظنك عشتها وسلام يا ابو مريم وعيد سعيد ليك وموصولة كل آل شيخ الدين فى كل بقاع الارض والاصدقاء كلهم بدون فرز
كل عام وانتم بخير
سلام
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
صرخه00 جميعنا نقف على حنين وذكرى00 و عندما نقف على الاطلال يشتعل فينا الحنين بلهب الذكرى 00 *المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00 كل عام وانتم بخير والسنه دى قبل الجايه تتحق امانيكم00 عصام عبد الحفيظ 00
وياوجعى و ارخى لى شرق !!!
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
الاخ عصام تحياتي لك وللاسرة الكريمة وكل سنة وانت طيب بلغ وافر تحياتي لمسى الخليفة إن صادفته هذه الايام وللأصدقاء والمعارف بالسودان. اطلعني نور الهدى على غلافي الطبعة الثالثة لكتابي القصصيين وهما من ابداعك وقد راقا لي رغم أنهما متشابهان في اللون مما يجعل التمييز صعباً لقارىء علاقته باللون مماثلة لحالتي . ووددت أن تخبرني بمآل تلك الطبعة . في المستقبل ساسعى لطبع كتبي على نحو مغاير. دمت
| |
|
|
|
|
|
|
Re: وجعى و ارخى لى شرق !!! (Re: Bushra Elfadil)
|
الحبيب بشرى الفاضل عيد سعيد وشكرا على الطلة الجميلة وموضوع الاغلفة اود تغييرها,بفكرةمختلفةوسارسلها لك حالما, انتهى من تنفيذها,ففكرتها المنفذة تصميما تراجعت عندى كثيرا0 المشاكل التقنية للطباعة فى مصر تحتاج لاعادة نظر.من المطابع لمراكز الفرز, والسوريين فى دى قدراتهم اكبر, عموما هو هم مشترك,وعندى لطباعة كتاب مترجم من الالمانية للاستاذ الشاعر النور عثمان, سأرسل لك نسخة احتاج عنوانك
سلام
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
العزيز عصام بعد البوح بالمحبة يمكنك الكتابة لي على بريدي الإليكتروني الايميل الموجود صحبة البروفايل الخاص بي في هذا المنبر اضغط على رسم اسمي هنا ويمكنك أيضاً الكتابة على الإيميل الآخر في عامودي الصحفي الاسبوعي كل ثلاثاء بصحيفة الخرطوم والعامود بعنوان لاشيء يعدل الوطن. بخصوص النشر الآن افكر ببدائل خارج هذه الدائرة وليت نور لا يصدر الطبعة الثالثة فهل تخطره بألا يفعل؟ كم اصبحتم؟ وكيف اصبحتم هذا اليوم ؟ بشرى
| |
|
|
|
|
|
|
Re: وجعى و ارخى لى شرق !!! (Re: Bushra Elfadil)
|
العزيز بشرى المعذرة غبت عنك فى الرد قليلا فنحن لانعرف اين نكون واين نكتب المهم 0000رسالتك للنور اعتبرها وصلت والاهم أكثر عذاب الكتابة والنشر هو موضوع يؤرقنى ولازم ان تكون هناك صيغ جديدة للفكرة نفسها الواقع مختلف والتقنيات اختلفت والرؤية نفسها ما عادت تلك خلينا نتحاور ونشوف تجارب ونبتدع اخرى
0000
سلام
| |
|
|
|
|
|
|
Re: وجعى و ارخى لى شرق !!! (Re: بارعة)
|
Quote: بارعه امشي رضعي الشافع بكي عصام تتزكر التلفون ده حـــــميد ... ليلة شـعرية في الخرطوم شفت انا قوال كيف !! |
سوري لمن تكون زوجتك بتستخدم كمبيوترك .. بتحصل دقسات زي دي عـــــــــادي
الفوق ده انا
| |
|
|
|
|
|
|
Re: وجعى و ارخى لى شرق !!! (Re: Ishraga Mustafa)
|
عفوا اشراقة جاييك
ـــــــــــــــــــــــــــــــــــيحىراشدعيدسعيد وانشاءالله انت طيب, انا البى كله هين,ومشتاق جدا للشباب راشد والصيدلى الشاعر شهابوالاصدقاء احيانا تغيب الاسماء عند لتأتى مجللة فى الصباح فسلامى لهم الشديـــــــــــــــــــــــــــــــــــــــــــــد
ــــــــــــــــــــــــــــــ اشراقة ازيك ياعيد ونشيد لينا زمن ما اتلاقينا هنا مرحب والشوق مطر استوائى
سلام
| |
|
|
|
|
|
|
Re: وجعى و ارخى لى شرق !!! (Re: khider)
|
خدر .. كل سنه وانت طيب . أتمنى لك دنيا كتلك التي غادرتها قبل سنواتك السبع .. دنيا لها باع في الصبر علينا,لتمتد لسبعمئة عام(أو يزيد)..
كم اربكتني الحكاوي (حكايا عصام). وكم تمنيت ان لو كان في العمر حظ لملاقتكم في أجوائكم الجميله التي يفتقدها العمر .
لا تدري : كم احبكم . وكم تفتقدكم ذكرياتي (العرجاء بدونكم).
سلامات يا كل الصحاب , يا أولاد الناس الطيبين .
ليعد علينا العام المقبل بحريه(والله مشغول برد غربة الجميع).
سلامات ..
... طلال
___________________________________ *الوجه : صوره شخصيه بالفحم/لبيكاسو. تم توقيعها في 1903.
| |
|
|
|
|
|
|
Re: وجعى و ارخى لى شرق !!! (Re: Adil Osman)
|
صدقت ياعادل
فطلال مسكون باالفن على طريقته, والذى يدهشك فيه, العمق قبل القراية0 يبدأ جملته فتاتيك ألآف من المعان والرؤى , تنساب00000 فهو شاب يمتلك كل ادوات الحضور و الهدوْء وفضاء الكتابة, وشفافية الوصف والحكاية0 الذى لا يحد بمعانى اللغة البسيطة, بل يتجاوزها00 والحوار معه ليل ممتد الى لا نهاية00له 0000
سلام
| |
|
|
|
|
|
|
Re: وجعى و ارخى لى شرق !!! (Re: طلال عفيفي)
|
طلال 000 يا تيتو, موضوع ابوابك أصبح محل بحث فى ابوابنا, دى مش ابواب الريموت كنترول, ابواب الجمال التى نطل عليها وتؤرقنا حتى الصباح فرفقا بى من أبوابك
الباب فى أغلب الاحيان هو مدخل أكثر من رحب لحياة وفكرة لعالم جديد نود ان نكتشفه بحياء
سلام
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
Quote: هو وعد ولا مناص وهو جنون ,لامرتب وهو حنين بلا تجاوز وهو الحنين الاكبر لوجدى وهو انا 0000فىعذاب الروح وانفطار |
عصام ياصديق واحدة بواحدة
يسربلنى ضباب هذه المدينة بطعم الصبار تنسرب روحى هاربة من جسد ماعاد يدندن فيه الشجو الحنين فمنذ وطئت صمت الرحيل لذت فى منفايا المميت وأنكفئت على نيرفانا جراحاتى على قناديل عشقى القديم تهاجم روحى المنسربه ومزامير جسدى النحيب
اشراقه فيينا 11/4/2003
| |
|
|
|
|
|
|
Re: وجعى و ارخى لى شرق !!! (Re: Ibrahim Algrefwi)
|
اشراقة كان صوتك حنبن كما انت وكنت انت
ــــــــــــــــــــــــــ
بعدالسطر جريفاوى مالى اراك والارتباك مالك لساحتك ملى اراك000تخاف وتقف بعيدا وكأنك المحتفى به مالى اراك000ولا اراك
حدثنا با ابو الشباب هل فى الامر سر يقال ولا يقال!!!!!!
هن حسناوات وهن ابتدأت عندهن فكرة النساء
وهن من رسمن كلمة (كوين)
ودع ارتباكك وأبدأ بالحروف 00ساكنها
سلام
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
الى اشراقة ,وبولا, وطلال , وضياء, و خدر ,جريفاوى , وابو ساندرا ,وتماضر وراوية, وتروتسكى و وشرنوبى , وود قاسم , ومزن , وعلياء,وماهيتاب, وانور ,سيجمان , وتاج السر, وابهاب , ود0 نجاة , وبيان, وترهاقا وعادل , ورجاْء, والمرضى, بشرى الفاضل , فاضلابى, والذاكرة مصابة بعد العيد,00000000 اصابنى كتاب اسمه(العطر ) كاتبه باتريك زوسكيند وترجمه للعربية نبيل الحفار وقصته تطول000قريبا سنواصل السبرة لكنى اهديكم نصا عذبنى فى هذا (الكتاب)
(لم يدم اضطراب حواسه طويلا0 بل لم يلزمه فى واقع الامراكثر من لحظة ليتاكد من الحالة بصريا, وليستسلم من ثم دون أدنى مقاومة لمدركات حاسة شمه0 لقد شم الآن فقط انها بشر0 شم عرق ابطيهاودهن شعرهاورائحة السمك المنبعثة من000000,وكان شمه ممتعا للغاية0فعرقها وجده منعشا كريح البحر0ودهن شعرها كزيت الجوز0و000000 كباقة من زنابق الماء0وجلدها كزهر المشمش 0000وتركيب هذه العناصر مع بعضها أنتج عطرا,هو من الثراء والتوازن والسحر بحيث ان كل العطور التىسبق ان شمهاوكل تراكيب الروائح التى ابتدعتها مخيلته بدت له فجأة خواء جافا0مئات آلاف الروائح لم تعدى تساوى شيئا أمام هذه الرائحة با لذات0 هذه الرائحة باالتحديد0كانت المبدأ الاعلى الذى يجيب على الروائح الاخرى ان تصنف نفسها وفقه0 قياسا الى هذا المثال الذى كان الجمال التقى بعنينه0
توجه نحو الفتاة ببطء, مقتربا اكثر فا كثر0 تقدم اكثر فاكثر~,و,تقدم تحت السقف وتوقف وراءها خطوة واحدة 0ولم تسمعه0 فى تلك الليله بدا له مأواه التعيس كقصر,ومضجعه كسرير ربانى لم يكن قد عرف معنى السعادة بحيث جافاه النوم0وانتابه شعور بانه سيولد من جديد 0لابل للمرة الاولى0 فحياته حتى الان كانت لا اكثر من وجود حيوانى غارق فى ضباب كثيف يغلف معرفته بذاته0لكن هذا اليوم بالتحديدجعله يدرك هويته الحقيقبة0 اى انه عبقرى0 لا ريب فى ذلك0وان لحياته معنىو مقصداوهدفاو مصيرا علويا0 هو ببساطة:تثوير عالم الروائح0)
سلام
(عدل بواسطة عصام عبد الحفيظ on 11-23-2004, 12:21 PM)
| |
|
|
|
|
|
|
Re: وجعى و ارخى لى شرق !!! (Re: Ishraga Mustafa)
|
اشراقة شوقى اليك كثيف وهذا كتاب , صعب التجول فى سبر اغوار عطره00 وقاس جدا البوح بسحر عطره اعطينى فقط زمن التجول برهة واعود اليك بالحنين000 وربما قصص او جنون او او فلناحفظ على ميزان التواجد والحنين وسلام اليك يا ملاذ كل العاشقين 00000
تسلمى
وسلام
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
الى اشراقة والغائب جدا فاضلابى
(كان شعرها احمرا,وثوبها رماديا دون اكمام,كان ذراعاها بيضاوين ويداهامصفرتين من عصير البرقوق0 وقف غرنوى منحنيا فوقها ممتصا بأنفه شذاها الذى اصبح الان نقيا لا شائبة فيه,شذاها المتصاعد من عنقها وشعرهاوفتحة ثوبها,تاركا اياه لينساب الى داخله كهبة ريح رقيقة0 لم يشعر بمثل هذه المتعة من قبل ابدا0 أما الفتاة فقد سرت القشعريرة فى جسمها0)
من كتاب العطر
سلام
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
على حد الحنين هتفت انت او الطوفان لا انتظرنى على ضفة النشيد المشتهى ولا الطوفان غسلنا من وجع الهزيمة
عصام ده من كتاب الحشرجات
ان تلتقى انسانا تحبه منذ ان رمش خاطر القلب فى عز وهجه ان تحكيه همس العمر فى عطن جراحاته ان يفتح لك لحظتها القلب والروح على اتساعها الاخير يحتضنك حتى تئن كل مراراتك وان تتوهمى بما ليس لك ليلة ويمضى كل فى حاله شوق وزمهرير روح ورغوة اشتهاء ورعشة جسد ويمضى دون ان يترك عنوانا يوصلك الى بوصلة عمقه يذهب كأى عابر ترك بعض انفاسه عالقه فى مسامات الحنين
ودى من كتاب الروح فى انينها الأخير.... لم تكتمل بعد
| |
|
|
|
|
|
|
Re: وجعى و ارخى لى شرق !!! (Re: ahmed haneen)
|
شكرا هى اروتا فى قلب ارتريا لجنة التحكيم, مسابقة الرسم والتشكيل على يمينى اب سفة (عبد الله محمد الطيب ) ايام وجمال لهو العودة واجدة وواجبة ونسات سامى سالم , ونفاريت الصباح
ونقتات انا وصديقى التوم اعشاب برية اشبه بالجرير وبيض وبطاطس تطبخه المهجنة ايطاليا و هى الطبيبة000000 ايام السواءء000
سلام
| |
|
|
|
|
|
|
Re: وجعى و ارخى لى شرق !!! (Re: Dia eldin khalil)
|
جيتنى بي بلال يا ضياء ملك الضياء0
وانا داير من خدر اذا رجع , وراقت بارعة (لى من شوفتو مدة)
عموما حنلتقى اليوم مساْء فى مركز عبد الكريم لحضور معرض000 (احتفالية احياء الفنان التشكيلى الراحل حسن اسحاق ابراهيم)
اخيرا فاضلابى ظهر 000
ودعونا نرحب بالاعضاء الجدد فى البورد صباح اليوم فاجئونى كالورود
نرحب بهم جميعا
سلام
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
Quote: ولسع في لقطات كتيرة |
احمد حنين ازيك انا لى فى انتظار لقطات قليلة لتروى شوقى وتمرق لينا تلك الرحلة, والاحتفالات المسائية والتى تتحقق فى زمن كلمح البصر
ايام اروتا 00كانت كحلم 00وودت لو لم نفق منه00
سلام
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
الصديق الصدوق من فبل الفلوكس "أم شنابرا عاضا" يا فول تماضر بت شيخ الدين - عصام الدين ود عبد الحفيظ ....
وحاتك أدونى نمره فى حلة سودانيز, فرحانبهافرحا شديد..... الله يفرح الكانو السبب ويدى كل زول منهم أو منهن نمرتا تانيه فى حلت الراخين لى شرق ديل
بتمو معاك ... بس إنت أدينى فيك طرف
ودأبحجل
| |
|
|
|
|
|
|
Re: وجعى و ارخى لى شرق !!! (Re: Salah Abuhigill)
|
B]اب حجل
فىهذه الحظة تماما اسمع فى اغنبة (الليلة وين لىوين بتغنيلو بت عباس وفوق القهوة ماجلاس وفوق الكورة ماخد الكاس)
ياحليلك وبرادايس والهلال الليلة شايل الكاس, بتاع الممتاز وتاج البورد فرحان 0000 زمن لاحتراف الغناء الجميل عندك تلك هى ايام الحنين وكل شىء فهل تعود ام تعود بنا الايام وساعتها تقتلنا الدهشة000ونعود تحملنا اجنحة الحنين المجنون ونبدأ 000بنشيد محمد مدنى (دثرونى دثرونى 00فالكلام البكر جاء)
ثم نغنى الذكريات000 حتى تغزلنا خيوط الفجر, وتجد التداعى ملأ المكان فى حبور وفوضى قهوة الصباح الماكرة,
وعندها نكتشف ,وفى ظلمة الحياة,وهزائم السودان العادية,ان للارض رب يحميها, واكتشفنا متعة (برادايس) بعد فقدنا لها, وتصاريف الدهر السودانى فيها00
الحبيب صلاح هل من عودة هل 00يا روحى هل 00
سلام
| |
|
|
|
|
|
|
Re: وجعى و ارخى لى شرق !!! (Re: khider)
|
وكأنها اياكى وأسمعى ياجارة
الحبيب وبارعة ويا خدر وين انت خلاص رجعت, ولا ده وهم امريكى, الليلة قابلنا ابو ساندرا, وساندرا, وماهيتاب, والفنان اللطبف سعد النيل الازرق,وعاصم الحزين,ورفقة, و تهارقا وضــــــياء, وكان كان, وطلال 00قرمبوز ومن أكثرهم عذوبة ولم اذكرهم ,كل ده فى الديم يا أشراقة ذات مساء لف الديم بنسمة شتاء حميم قادم يلتقى فيه قدامى المحاربين فى الزمن الجميل مع شباب قادم وقادم جدا كما جئنا فى مطلع الثمانينات0 ايام عقد الجلاد مارقين يادوب مارقين
وده برضو ليك 000ياأبو غادة
وسلام لنواصل000000 فالديم جاء بوصول ابو ساندرا مرحبا به ولنرفع بوست الديم عاليا بمقدم ابو ساندرا وسلام مجيد اليك ياود بركات
(عدل بواسطة عصام عبد الحفيظ on 12-01-2004, 02:21 PM)
| |
|
|
|
|
|
|
Re: وجعى و ارخى لى شرق !!! (Re: عصام عبد الحفيظ)
|
ابو ساندرا الجميل تحلقو حولك , وانت لاتغيب عنهم , مع ساندرا وطلال000وومرة مع عاصم الحزين اتسعت مساحات الترحاب والحوار, وضاق البيت بالجمال 0000
وتذكرنا ايام (قعربابور)
ولنا عودة لشخصيات الديم والسجانة0000
سلام
| |
|
|
|
|
|
|
|