|
|
|
 Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
Quote: خالد حاكم كيفنك
ماوريتنا ساكن وين
|
امنة ... مسكاقمى
عارفة موقف بصات دنقلا؟
احجزى فى سفريات ابووليد او ابوهشام او ابوعادل وانزلى فى محطة كرمة ومشرع البنطون قدامك ( بنطون كرمة - بدين) وادخلى الجزيرة واسالى بيتنا هناك اى زول من طرف بيوريك ليه وتحياتى للوالدة فاطمة محمد عثمان بلال , بالنسبة للخرطوم ماعندى او ماعندنا بيت فيها... بس كنت بتكل ما خالى كل ما اجى الخرطوم ( امتداد الدرجة التالته مربع 8 جوار مستتشفى الاطفال وشمال مجلس الامتداد)
| |
 
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: خالد حاكم)
|
Quote: امنة ... مسكاقمى
عارفة موقف بصات دنقلا؟
احجزى فى سفريات ابووليد او ابوهشام او ابوعادل وانزلى فى محطة كرمة ومشرع البنطون قدامك ( بنطون كرمة - بدين) وادخلى الجزيرة واسالى بيتنا هناك اى زول من طرف بيوريك ليه وتحياتى للوالدة فاطمة محمد عثمان بلال , بالنسبة للخرطوم ماعندى او ماعندنا بيت فيها... بس كنت بتكل ما خالى كل ما اجى الخرطوم ( امتداد الدرجة التالته مربع 8 جوار مستتشفى الاطفال وشمال مجلس الامتداد) |
بتعرف ناس عمك عوض عبد الرحمن فضل ساكنين الصحافة وهم من بدين برضو
اولادو محمد ومرتضي وبناتوا ذكريات وامل ومياسة
لانو عندهم علاقة بي ناس حاكم الفي الشجرة.....
صاح...............ولا دي لخبتة من ساااااي
لك الود...
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
Quote: بتعرف ناس عمك عوض عبد الرحمن فضل ساكنين الصحافة وهم من بدين برضو
اولادو محمد ومرتضي وبناتوا ذكريات وامل ومياسة
لانو عندهم علاقة بي ناس حاكم الفي الشجرة.....
صاح...............ولا دي لخبتة من ساااااي
|
بدين 5 شياخات ومن الصعب جدا تعرف كل الناس وخاصة الاسر المتواجدة من بدرى فى الخرطوم والاقاليم الاخرى من السودان..
بالنسبة لناس حاكم الفى الشجرة بعرفهم... بس انا ما من اسرتهم ( يعنى اسم على اسم)
لك الود
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: humida)
|
Quote: المربوع القبل معرض الخرطوم ..
شارع بري ..
قصاد الفرن الآلي ( عيشه كعب ما تشتروا منه ) ..
قاردن سيتي ..
..
..
الاصل امدرمان ..
منزلنا جدنا خلف مدرسة المليك ( مقابلة الاذاعة ) ..
واهلنا ما بين العرضة ( قصاد جامع فيصل ) .. وفريق الرباطاب ( حي البوستة ) .. |
ياابوحميد بالطريقة دي ماجهجهتنا
الواحد يجي وين يعني
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
كلا م والله العظيم
طيب انا سكن الامتداد 8-11
شوفتي مركز سمير تمشي شرق علي الرابطة يسارك مدرسة الامتداد واحد
بيتنا فاتح علي الدرسه غرب في الزايه . دوين مربع 8
اما مربع 11 اكيد بتعرفي محطة سبعه امشي غرب اخر بيت الامتداد بيت السفير الجمبو طوالي يبتنا
سلامي لي علي معتصم ابةو البيه ووليد سجنل
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: عبدالله كع)
|
انالسة بتفاوض في الاسمنت وما بنيت
لكن لما ابني حا اكون ساكن في حلة ندي القلعة الواحدة دي
بيني وبينها بيتين...في جبرة...
هسي طاشي ...لكن للضمان كدي...
Capital Building
Flat 28
Road 1230
معليش كتبت ليك العنوان زي ما مكتوب في بطاقتي وخايف اترجم اسم المبني الي:
مبني العاصمة القاهم قاصدين مبني رأس المال مش جائز
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
نحن بيتنا تمشي طووواااااااااااااالي وبعدين تلفي يمين أول بيت على يمينك تخليهو وتاني بيت على يمين تخليهو بتلقي ناس بيصلّوا العصر تمشي منهم طوالي خامس بيت تاخدي شمال في كلبة والدة تمشي بعدها بي 100 متر لفي شمال في بتاع قدّر ظروفك الديانا عندو المسحة بي 500 جنيه والمنكير اليد الواحدة بي الف جنيه واليدين بي 750 ..
نحن في ال ِArea دي..
| |
|
|
|
|
|
|
|
|
 Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
امنة في البنوت فريدة ومتفردة( بوست روعة )
ساكن في حبيب الكل الامتداد وعشقي الامتداد,ومولود في الامتداد, وبيتنا في الامتداد ,,,,من ركن
جحا اتجاه الشمال يمين تلقي شارع الخور اتجاة الشرق تمشي طوالي اخر شارع يسار قبل فيديو الواحة
تاني بيت تدقي الباب تفتح ليك حاجة( سلمي) صلاة النبي عليها سمحة ومشلخة وتقول ليك اتفضلي بنيتي
ده بيت عمك يعقوب ابو بدرالدين ,,, المربع ده مربع 4 وبيك عمك يعقوب ده رقم 105
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: بدرالدين يعقوب)
|
بدر الدين اخوي
Quote: وبيتنا في الامتداد ,,,,من ركن
جحا اتجاه الشمال يمين تلقي شارع الخور اتجاة الشرق تمشي طوالي اخر شارع يسار قبل فيديو الواحة
تاني بيت تدقي الباب تفتح ليك حاجة( سلمي) صلاة النبي عليها سمحة ومشلخة وتقول ليك اتفضلي بنيتي
ده بيت عمك يعقوب ابو بدرالدين ,,, المربع ده مربع 4 وبيك عمك يعقوب ده رقم 105 |
أنت ما جارنا عديل الشافني في بيتكم قريب ما كضب
وصي لي ناس البيت
لك الود..
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
تسلمي يالبنية .. الموضوع شيق وله ابعاد تتجاوز الونسة الاسفيرية ... تباعدت المسافات بين البشر السوداني كثيرا وحتي وهم في حي او حارة واحدة .. تفرقت الاسر الممتدة (رصيد الانسان السوداني لمقابلة ملاوعة احتياجات الدنيا ) ..ذهبت ملامح حارات واحياء بذهاب معالمها من البشر والبيوت وحتي الاشجار.. صار الوطن يبعد تدريجيا وحتي عند الذين في داخله ... رسالة امنة في وجهة نظري لتعارف يتجاوز خطوط رسائل في منبر اسفيري الي ما يجمع من تفرقت بهم السبل في حارة وحي ومدينة واحدة ...
ربما هي وجهة نظر كهل تباعدت به المسافات والسنين عن البلد الا ان المسافات صارت تتباعد اكثر بين من هم في الداخل
مودتي
| |
|
|
|
|
|
|
|
|
 Re: انت ساكن وين في السودان؟؟؟ خش ووصف لينا بيتكم (Re: abubakr)
|
ـــــ
Quote: جنب الجامع تاني لفة علي يدك اليمين ..
بيت فيهو شجرة كبيرة ..
ملحوظة:
الجرس ما شغال .. |
يعني جرسكم دا بيقرا؟ يا مسكين إنت . حسع بلاي دا وصف شنــو ..؟
ــــ
Quote: انا ساكنة الامتداد مربع 7 منزل رقم 5
شفتو ركن جحا بس تاني بيت منو
يعني شارع الصحافة زلط خطوتيت مننا
وسوق العشرة اخر الشارع
دي انا
|
ود البشرى ..
ابقى مارق من هنا .. والله انا خايف عليك، الفلم دا مصور 
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
ولانو البوست ده حتصل الفورة فيهو مليون قبل ماتجي المسكينة صاحبة البوست وترد..
ولانو حيغلبها الرد على كل هؤلاء ..
والرد على الجماعة التي تهرول عبثاُ يسرة ويمنة هو فعلا من المتعبات..
ولاني زول منقة..
ولانو الشرك السويتو خربو فيصل وشتت ورقو..
قررت مساعدة صاحبة البوست بالرد نيابة عنها ..
| |
|
|
|
|
|
|
|
|
 Re: انت ساكن وين في السودان؟؟؟ خش ووصف لينا بيتكم (Re: DKEEN)
|
تماضر الخنساء..
أنا بيتنا ما بوصفو بالساهل .. ممكن اوصفو بعد تلاتة أربعة ايام كدا ..
لحدي ما اشوف البوست دا ماشي وين ..
أنا بوصف بيتنا بالتلفون بس .. لانو خطي كعب في الكتابة
| Quote: قررت مساعدة صاحبة البوست بالرد نيابة عنها .. |
حسع قالت ليك تعال ساعدني ..؟
الزولة دي كتبت عنوانه الافتراضي .. افترضت انو دا عنوانه ..
بقيت ساكي لي الفرضيات .. يا منقــه..؟
دكيــن..
إنت ما بتتوب مش كدا..؟
بوست ابو النــاء أول واحد قبضوك بالثابته ..
والله تاني يقبضوك هنا دا .. ما تلقى ليك بوردابي واحد يجيب ليك (عمود) ولا ساندوتش..
دني جدا إنت بس العاجبني فيك إنك مغامر وانتحاري ..
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: tmbis)
|
صدقني يا تمبس في الدنيا دي في ناس بريئين جنس براءة
بس انتا عالمك الكلو مؤامرات ده ما حيستوعب انو دي بت سمحة وختت وصق البيت عادي لانو الموضوع عادي ..
دي تلقاها جاية من منتدى سودان صن او منتديات البحور السبعة..
ـــــــــــــــ
| Quote: بوست ابو النــاء أول واحد قبضوك بالثابته |
البلبل راسو بستحمى يا حبة..
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
Quote: الجريف غرب الشيطة اخرمحطة
شفتي مدرسة صلاح ادم نحن فاتحين عليها غرب جم دكان ابراهيم كلب جيرانا احمر راقد جنب الباب(0ما بعضي)
البيت طوب ساي ما مبيض كان سمعت الاسمنت رخس ممكن تلقيهو مبيض ما تتلخبتي |
| Quote: غرب جم دكان ابراهيم كلب جيرانا احمر راقد جنب الباب(0ما بعضي) |
سيد الدكان اسمو ابراهيم كلب ولا انتو عندو دكان ابراهيم وكلب جيران..
اعمل فاصلة بين ابراهيم والكلب عشان نفرز منو البعضي ومنو المابعضي في حلتكم دي!!
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
آمنة بدالكريم
سلام متلت
بيتنا ما داير ليهو وصف لانو ما فيهو لا مربعات ولا شوارع مرقمة ولا مسمية
جبل اولياء حلة اسمها اللدية الشيخ حبيب الله تقبضي أي زول من طرف وتسعليهو
من بيتنا أو بيت أي زول في الحلة , امسكك من شعبة ايدك ويوصلك لخشم الباب ,
بعد ما يسالمك ويطايبك .
وحبابك تب اتي والعقاب
مودتي
ابو عواطف
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: البشير دفع الله)
|
Quote: بيتنا ما داير ليهو وصف لانو ما فيهو لا مربعات ولا شوارع مرقمة ولا مسمية
جبل اولياء حلة اسمها اللدية الشيخ حبيب الله تقبضي أي زول من طرف وتسعليهو
|
البشير دفع الله
تحياتي
إنتا كده بستفزني , مافي زول في اللدية دي أشهر من جدي (حاج عثمان موسى عميري ) الله يرحمو ..
بيتكم وين لي ناس جدي ..
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: كمال علي الزين)
|
Quote:
البشير دفع الله
تحياتي
إنتا كده بستفزني , مافي زول في اللدية دي أشهر من جدي (حاج عثمان موسى عميري ) الله يرحمو ..
بيتكم وين لي ناس جدي .. |
اخوي كمال الزين
سلام وتحية
ان وصلت بيت المرحوم حاج عثمان امكن تلقاني في الديوان , لانو حاج عثمان ده جدي
لكن مسعول من الخير آ اللخو ات ساكن في العرضة العرفك بناس اللدية شنو ؟؟؟
مودتي
ابوعواطف
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: البشير دفع الله)
|
Quote: اخوي كمال الزين
سلام وتحية
ان وصلت بيت المرحوم حاج عثمان امكن تلقاني في الديوان , لانو حاج عثمان ده جدي
|
يازول جدي حاج عثمان جدك كيف ؟؟
أنا أمي (بدرية بت دارالسلام بت المختار عبدالقادر شكرالله )
وجدي حاج عثمان أمو برضو (بت عبدالقادر ودشكرالله) .. فهمتا ..
يعني خال (أمي) ..
ده غير إنو خالي (جادالله )الله يرحمو ,كان متزوج (طيبة بت البشير إبراهيم )يعني بت (الحرم بت حاج عثمان) وعندوا منهابت(إسمها رشا) ..!!
وهنا كمان في بوردابي تاني إسمو (منزر أحمدبابكر) بكتب عن المريخ وفلادلفيا .. ده أمو (دولة بت الطيب ودالمختار) .. بس ده أمريكي خالص ومولود في أمريكا سنة (1968) .. !!
أها جدي ولا لأ ..
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امنة عبد الكريم)
|
تمبس يا عمك| Quote: ابقى مارق من هنا .. والله انا خايف عليك، الفلم دا مصور |
ما تخاف مآاك مألم
ومتابع من زمن الصورة الكبيرة و المتطوعين
تعرف أنا كنت مستني الجماعة بتاعين القوقل إيرث الحايجيبوا الصور و الوصف التفصيلي حتى أجي خاشي
لكن عملية دكين دي غلبني أمسك روحي فيها عديل
تماضر...
إنتي الشغلة دي مش قضت قبل قفلة المسنجر
تاني شنو؟
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: محمد البشرى الخضر)
|
| Quote: ماف زول بيتو خطوتين من شارع الزلط إلا يكون ساكن في تلتوار |
دكين إزيك
أول مرة أعرف إنه في تلتوارات هناك وخصوصا في العناوين الفيها
مربع كده ونمرة كدة ده وكت شفنا البلاد
نحنا بقى يا آمنه ناس الكلاكلات وبيتنا سااااهل بس محطة 3 ملاصق
جامع العركي باب قراش وتلقي ليك تكسي أصفر بنزل ليه في جماعة .
تحياتي
صلاح واسبه
| |
|
|
|
|
|
|
|
|
|
Re: انت ساكن وين في السودان؟؟؟ خش ووصف لينا بيتكم (Re: امير عوض الجمري)
|
انا ساكن في بيتنا !! بيتنا في الصحافة غرب مربع ( 15 )
جنب جبرة او جبرة جنبنا عشان الصحافة أقدم من جبرة شمالا
تحدنا العٌشرة وبس . تلفون البيت والله مقطوع بس الجولات شغالة
تخريمة :-
ودالبشري أزيك
ياخوي مسعول من الخير صاحبي هيثم عبدالعزيز وين ؟؟؟
شايفك بإلله فتش لي معاك ودالصيام كمان !!
| |
|
|
|
|
|
|
| |
Ahmed Abdallah
مازن الجمّال
ibrahim kojan
خالد حاكم
humida
زول ساكت
Nasir Ahmed Elmustafa
الملك
Raja
عمار عبدالله عبدالرحمن
عبدالله كع
يسرى معتصم
محمد الامين محمد
فيصل محمد خليل
عمر الفاروق
محمد البشرى الخضر
بدرالدين يعقوب
abubakr
tmbis
حسن الجيلى سعيد
معتز القريش
البشير دفع الله
كمال علي الزين
حيدر حسن ميرغني
Salah Waspa
امير عوض الجمري
هاشم أحمد خلف الله
فيس بوك
تويتر
انستقرام
يوتيوب
بنتيريست