|
|
|
 Re: ... كـفـارة وسـلامـتـك .. الملكـة منى عوض خوجلي ... (Re: عادل عوض بلال)
|
Quote: الأخت العزيزة منى خوجلي (بنت الخليفة)
ألف حمدًا لله على سلامتك وإن شاء الله ماتشوفي شر
أخوك
عادل عوض بلال
امتداد الدرجة الثالثة مربع |
13
عادل اخوي من بطن واحده اسمها الأمتداد..
بفرح وبشعر في بيتي اكتر لما القي زول من حلتي..
اقاسمه تذكر شكل الميادين..وأرقام المربعات..
اتذكر زيو المحكمه وشارع الصحافه شرق والتاني غرب وفي نصهم شارع بيتنا..
يا حليلكم وحليل الامتداد وناسه الطيبين..
ياحليل بروش رمضان والمرور في الحي وروابط الأمتداد..
ياحليلهم كبارنا الرحلوا وخلوا المكان ضبلان!
شكرا عادل أخوي..ماتشوف شر أبدا..
| |
 
|
|
|
|
|
|
|
|
Re: ... كـفـارة وسـلامـتـك .. الملكـة منى عوض خوجلي ... (Re: سمية الحسن طلحة)
|
Quote: سلااامتك يامنى الجمال مسحور تضوي نور في نور زي بنات الحور
أنا عيان جيبو ليا بخور ...
جايبة ليك المحاية والسبحة والدواية والبخرات والحجبات
سلام ياود الشايقي تسلم إنشاء الله |
حليلك اختي وحليل البخور البيقرولو..
تعالي بمحياتك وسبحتك ودوايتك وحجباتك وبخراتك..
وانا علي البرش والفحم في المبخر..
يسلمك الله ويسعدك..
| |
|
|
|
|
|
|
|
|
|
Re: ... كـفـارة وسـلامـتـك .. الملكـة منى عوض خوجلي ... (Re: أحمد الشايقي)
|
Quote: تعرضـت أختنا منى خوجلي لحادث
أصيبت على إثـره بكسـر في كـف الـيـد
وهي تحـت العلاج الان
بشجاعتها المعهودة : قالت أنها بخيـر
ألـف سلامـة اختنا منى,
وما تشوفي شــر
أحمد الشايقي |
في البدء:
ميجا ميجابيت سلامتك يا بت عوض خوجلي ويابتنا
وكرامتك البورد والبورداب والإنترنيتاب
وكل نبضة حرف كي بورد لك دعاء
وحمداَ لله على سلامتك كتير وكتير
بس خبر مولانا
شايقي الصعيد ده
لا جاني ولا فصل لي
والشي يومي في وشي
ومن يوم داك
ما شوفت لي شي
غير أنك بقيتي حبوبه
وأصلك حبوبه ودايماَ حبوبه
الله يديك العافية ويخليكي لي بتك وود بتك
بس مولانا الشايقي ده
حسابي معاه كله كسور
ورابط ليه في العقبه كان يجي بي غادي
(طبعاَ داك مولانا الشايقي وأنا الشايقي المراسي)
ما تعملي لي لخبته...!!!!!!!!!!!!
الشايقي
| |
|
|
|
|
|
|
|
|
|
Re: ... كـفـارة وسـلامـتـك .. الملكـة منى عوض خوجلي ... (Re: Al-Shaygi)
|
الشايقي اخوي..
ما شوفت خيتك وقت وقعه حاره كيفين!
والله أنا قلت يدي كلها تاني ماهي مانافعي شي ..
والأسعاف دي لما جات متأخره.. وصلت امكن بعد ربع ساعه ولا امكن خيل لي كده من الألم..
حسيت باطمئنان شويه..
لكن الناس ما خلتني اصلها..
لقيت الساندني بناحيه ساندني..
والتاني الجاب الكرسي من الدكان قعدني فيه..
والتالت الماسك كتفي وراسي علشان متألمه..
والله انا قلت بيكون في حاجات كتبره اتكسرت فيني..
راسي لافي ومعدتي غامه علي وألم فظيع!
الله لا عاد الوجع داك!
...........
...........
أحمد يكن اتلخم وما اتذكر يقول ليك..
يا حليله هو كيف؟؟
| |
|
|
|
|
|
|
|
|
|
Re: ... كـفـارة وسـلامـتـك .. الملكـة منى عوض خوجلي ... (Re: نورالدين الفحل)
|
Quote: الف لابأس عليك وكفارة البيك يزول تسلمى ياملكة
انت عارفة انا برلوم جديد والبوست شفتو الليلة
وجعل اللة المك اجر وعافية مع امنياتى بالشفاء
شكرا ودالشايقى واريتك تبقى طيب وانا البى كلو هين0/ |
مرحب نورالدين الفحل..
الحمدلله علي نعمة الصحه..
وشكرا علي الدعاء الكريم..
ان شاء الله سودانيزأونلاين لقيتها زي ما كنت بتأمل؟
| |
|
|
|
|
|
|
|
|
|
Re: ألف سلامة، إن شاء الله (Re: ابي عزالدين البشري)
|
Quote: الأخت منى
كفارة و حمدا لله على سلامتك، وإن شاء الله ما تشوفي شينة
شكراً أخي أحمد محمود و أحسن الله عزاءكم في جدكم بابكر الفضيل، رحمه الله. |
ازيك يا ابي عزالدين..
مالك يازول خليت الناس؟؟
وبت عمي كيفينها؟؟
سلامي ليك وليها ولأبن الشيطان وحلو..
تسلم..
| |
|
|
|
|
|
|
|
|
|
Re: ... كـفـارة وسـلامـتـك .. الملكـة منى عوض خوجلي ... (Re: badr alkalika)
|
Quote: اول حاجة سلامتك من الوقعي
وتاني حاجة دا كلو من البوح
رماك
بعد
ما كسرك
منى
لا تبوحي
ولملمي شعراتك ديك امسكيهن
دايرا تقعي تاني
واوعك
من الاتوغل
والنتعتاق بتاعت رافت دي
لا تنعتقي
سلامتك
بدر الخليفة |
من باكر بدر اخوي..
ماني بايحي!
علي خايفي ابقي بايخي
تسلم يا بدر علي نصايحك السمحه وظريفه..
الله يسلمك وغتيك ومن شرور الدنيا يحميك..
| |
|
|
|
|
|
|
|
|
|
Re: ... كـفـارة وسـلامـتـك .. الملكـة منى عوض خوجلي ... (Re: عبد العظيم احمد)
|
Quote: كفارة قديمة وانا جيت اسه
كفارة قديمة وكفاية بس المعزة
كنت قايلة قرصة بعوضة
ولا انفلونزا حمام السلام
ول...
كتب ليك السيدبقال...عمل...
ولا حركات الشايقي
ولا الزومة ضايقي
المهم سلامتك
ودي |
الله يسلمك ويكفر كل سيئاتك يا عبدالعظيم....
الحادث كان مكتوب والمكتوب لازم يحصل..
الحمدلله كل شيء تمام..
كتر خيرك وشكرا ليك كتير..
| |
|
|
|
|
|
|
|
|
|
Re: ... كـفـارة وسـلامـتـك .. الملكـة منى عوض خوجلي ... (Re: امنة عبد الكريم)
|
Quote: ماما مني
سلامات شوق الشوق
*******
نشرب بواقى السيل
ليه غبتى يا قمرة
نركب جياد الليل
إنشرّ بينّا صباح
سفر العتامير .. ليل
نرجاكَ فى المطرة
أرجع تعال .. يا شليل
دِرع الأميرة .. سـِرِق
سووهو حِدوة خيل
بحر العطاشة .. نِشِف |
بتي حبيبتي ..كيفك؟؟
شكرا علي الأبيات الحلوه ومعانيها الجميله..
والحمدلله الذي جمعنا علي الموده...
شكرا آمنه..
| |
|
|
|
|
|
|
| |
عواطف ادريس اسماعيل
Muna Khugali
محمد سنى دفع الله
عادل عوض بلال
Mohamed Abdelgaleel
بشير دفع الله
عمرو كمال ابراهيم
Mohammed Haroun
Mohamed Omer
أبوعبيدة محمد الأمين
Al-Shaygi
هجو الأقرع
نورالدين الفحل
Kamal Karrar
AnwarKing
عبدالوهاب همت
بله محمد الفاضل
عبد الرحمن الطقي
lana mahdi
Yasier Elsayed
Mohamed Foto7li
ممدوح أبارو
إسحاق بله الأمين
ابي عزالدين البشري
الحارث سرالختم عبد الله
Osman Musa
عبد العظيم احمد
صديق الموج
فيس بوك
تويتر
انستقرام
يوتيوب
بنتيريست