|
|
|
 Re: مسادير يا أهل المسادير إلى ما شاء الله........ (Re: Nasr)
|
يا لافايني في الزمن الغلط فكيني
أنا زماني روح ناحت عليهو سنيني
إتكالبت غصص الزمن سدت علي شرياني
ومات فناني الحزون النغمو كان بشجيني
الزمن إن قسالك شن بسوى حبيبك
ولازم يرضى بى حكم الزمان ما يسيبك
إن فاتك غلط وأكان طردتو بعيبك
وعارف قدرو زيك والبصيبو بصيبك
منصور
| |
 
|
|
|
|
|
|
|
|
Re: مسادير يا أهل المسادير إلى ما شاء الله........ (Re: Nasr)
|
يا منصور أخوي أريتو خاطرك طايب
درب الغرام جايبلو مطرا شديد وهبايب
وسهر ليالي تطول وتلاتل ؤ مصايب
هو ذاتو شن معناه غي زولاً مجلكن وشايب
مافيش زول بعجز وفى الفياقرا عجائب
ما فيش كش ولد مضمون دا كش الشايب
الزول كان كبر عسل الكبور الدايب
وأقفات فوق طريقو أمات خريفا جايب
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: أحمد الشايقي)
|
هـول مقلام أكيـد نجّمتو ما داعـيتو
متعـوس الأنيس والمتلو ياما سعيتـو
تيلاد البهـم مزروق سـمومو حويـتـو
شايتو كسـر شكال مكيّة يوت داويتـو
ود الشايقي
شايقيا فصيح سمح الحروف خاويتو
والنسناس هلكنا بخورو فايح ظيتو
بنراعى الأصول قادرين نطلع زيتو
ما بندور هبوب وإن درتا كان داويتو
منصور
| |
|
|
|
|
|
|
|
|
 Re: مسادير يا أهل المسادير إلى ما شاء الله........ (Re: munswor almophtah)
|
Quote: رافت سيب بيان وأكتب جميع الدايرو
أكتب فى الجمال سمح العيون ومسايرو
الناس فى إختلاف والليك بتصبح زايرو
والكان مابى داك إن جاك بتصبح دايرو |
Quote: يا منصور حبابك ألف و يعلى كتير فى مقدارك
شان طقيعنا شين و أشتر شلناهو غادى من دارك
من د.نجاة ما تشفق البينا عامره وكله متبارك
فى راسى شيتآ شتر خليك فريب كان غرق منك أدارك |
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: حجة امنة)
|
وكتين الفراق سنن ..وسل سنونو
شلنا العقاب ..كيفن نكون من دونو
يا حبان .. بلاكم طار البال وجن جنونو
اقعد و اركز تب.. بيكم يروقو شجونو
حجة امنة
حاجه أمونه روقى القام مشرق برجع
وبرجع بالكتير صاريهو شوق ما بجدع
الماسكك قليل والماسكو داك كم بفجع
وزى لهب الكماين فى الحريق كم بدع
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: الطيب شيقوق)
|
كره ياالطيب من ملوك الرومانس فى بلادى يبيع الطلح ماروقا للنساء ويتوخى أناث الطلح الضواعة الفواحه ويعرف مواعيدالشربه ومواعيد الغب له عباره مأثور يقول لك (العيش يشرب ولا يؤكل) وهو كذلك شريب ظريف وعفيف عليه رحمة الله وكان من زبانية فاطنه السكر
الديش مالو ما شاف الحدود مهتوكه
مالو على التكل ناسيها مى دلوكه
الزول البشيل السيف ويسيب سلوكه
شن فايدة قيادتو والبطون مهلوكه
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: الطيب شيقوق)
|
حماد الرجل تيراب على الكرار قال
نحن سياده مانا بياده
والقبل التمانيه نحن أسياده
الجرح المغور نحن ليهو عياده
عن ساعة الكتال شرطا تجينا زياده
نحن عيال سرور وقت الضحك والفاقه
نحن عيال سرور وقت الحديث إتمادى
نحن عيال سرور وقت الحديد إتلاقى
والجمل والبهيج مشهادنا ليهو الناقه
قولها يا الطيب قالك من السروراب وزول مدينه ساكت وأريتك كان سمعت أبحراحر خالد ودالطيب ودسليمان واللا إدريس ود اللعوير.....................
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
والله امتعتنا يا المنصور اخوى ونحن متابعين بشقف شدييييييييييييد
الاخت سمية بلغتها برسالتك وبتجيك ولو عندك علاقة ببكري نعمل ليها عضوية عشان تجادعك عدييييييييل
شوف سعد السعود الساها لى امبارح
اسهر نومي واصبح في المعالق جارح
قدر ما اقول اتوب واعملي عملا صالح
ابى يتخلى ضوق عجوة شروق المالح
لك معزتى
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
يوسف ود البدرى قال
أسياد نحلا قديم بالراى نحل ننحل
وشن زاد الحديث بنبقالو شركة شل
وقت القلب إفارق والكراع تنقل
بنعرج عليهاإنشاء الله ترقد خل
وقال أبان الحرب العالميه الثانيه وهو ببورتسودان لأبناء عمومته والطليان والإنجليز كانت تهدر مدافعم ومطرالجبخانه ينهمر فوق الميناء قال
الإنذار ضرب والناس تصيح فى الميناء
ويات من يقول الصاقعه وقعت فينا
يا جنيات سرور ختولنا كلمه سمينه
فى حنك هناك الناس تخبر الفينا
وحنك هى السروراب وتقرأ بفتح الحاء وكسر النون وتسكين الكاف
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: كتر خير أبوك وافر الضراع البار
وفاصل المعضلات فارسا عيونو شرار
سماك زى خناس صباره بتنت صبار
وأمك ليها حصحص وفى الحريم إختار |
طريتنى العزيز والدمع رقراق
فرقنا الممات أصلو الفراق حرَّاق
أتذكَّر فضايلو وليهو يوت بشتاق
رفيع المكانة الجورو ماإنضاق
ياسمح الشمايل ياكامل الأخلاق
بسأل فى الكريم موزِّع الأرزاق
إديهوالمكانة السامية فى الآفاق
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: تماضر الخنساء حمزه)
|
نحن عيال سرور كضاب البقول سوينا
و اقفين كجسور ليرضى و المابينا
المحتاج نساعدو و ما بنقول ادينا
و الضعيف ندفرو نشاءالله بيدينا
المال و العلم فينا من زمن ماضينا
طالبين الكريم يزيدو و يحفظو لينا
الناظر نسيت الديمه فاتو الميس
نسيتم ناس فلان والشله فيها كديس
وين الفى ملوص الديمه فيها حديث
وين العند كنابى العيش وديمه جليس
منصور
| |
|
|
|
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
يا المنصور جاتك تماضر شايلة المسادير مزن
تروي أرواحنا بالمعسول بعد ما شقانا الحزن
بتقولك أبشر موفور الضراع ماأختك معاندا الزمن
لكن ما بترتا ليهو، دي ما درة نادرة غالية تمن
ود يوسف خناس ناصحه ومحرقه قارحه
داك سر الكلام مالكاهو طب مى جارحه
عسلا كم مفيد جالباهو يوت كم شارحه
نورا للعقول دافقاهو خير مى طارحه
منصور
| |
|
|
|
|
|
|
| |
munswor almophtah
خالد علي محجوب المنسي
Nasr
Yahia Abd El Kareem
أحمد الشايقي
nashaat elemam
رأفت ميلاد
الطيب شيقوق
فيس بوك
تويتر
انستقرام
يوتيوب
بنتيريست