انا ساكن الردميه مربع 6 في نفس شارع محمد سليمان الزنجي وفعلا" كل ما ذكرته هنا حقيقه وهذا ابسط ما يقال عن الزنجي وان رجعت السودان اجازه شهر 8 لقيت شارعنا اتعملت فيه ردميه والموضوع بقي تمام ايام المطره وعرفت انو الزنجي هو الكان محرك الموضوع فله الشكر . وعلي ذكر الزنجي هناك ايضا" عمر اخوه الاصغر الملقب بعمر داموكه كوتش فريق المورده الضلع الثاني في اندية الحاج بوسف مربع 6 مع العوده النادي العريق ولقد كانت النديه بينهما اشبه بهلال مريخ.
للعضو البسأل عن ود البدوي والي الزميل عامر جابر زميل جامعة جوبا بعد التحايا والاحترام كله : الزول تمام 100 100 وبسلم عليكم
للتذكير عن الفناينوالمملثين في الحاج يوسف: 1-الشاعر عبدالرحمن مكاوي 2-عماد فقيري 3-عثمان رمضان 4-محمود عبداللطيف كابو
وكلهم في الامتداد شارع الردميه.
11-06-2007, 03:58 AM
عمر عبد الخالق سعيد عمر عبد الخالق سعيد
تاريخ التسجيل: 08-14-2005
مجموع المشاركات: 2235
بتعرفو شام ورام,,,اسم كنا نطلقه على تؤام له قهوة فى مربع 10 يسمون العرب عندهم ولد اسمه خوجلى له شعر خفيف,,,يروى ان هولاء العرب سكنو اول مرة فى حلة حمد ومرة خوجلى ثم تدحروجو الى كوبر ثم حلة كوكو ثم المايقوما ثم شارع واحد ثم الردمية ويقولون انهم قد رحلو للشقلة وعد بابكر,,,يقال انهم يحبون البداوية,,,
هنالك اجزخانة الدوش,,ياربى هل هم اقرباء الشاعر,,,
فى زول كبسنجى من ناس اردمية شغال فى محطة بحرى ,,الزول دا قصير خااااااااااالص لكنه ظريف ونكة ,,,,فيكم زول بعرفه
نقزو....نازل
11-06-2007, 10:16 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: أنا من مربع 5 شارع الردميه محطة شندى, جوار مركز صحى كمبونى..... ومن المايقوما درس معى على مختار عبدالله و محمد رحمة الله عبد القادر و عصام الين رضوان و يوسف صديق الكلس و عبدالرحمن الطيب و طه محمد طه. و على ما اذكر من المغاربه على العالم و و ابو عبيده و قدامنا كان المرحوم سف الدين حسب الرسول و اسامه عبدالله جوهر بدفعه. من مربع 8 كان حسبوا عبدالله كوكو و حذيفه محمود و مختار عبدالله و من 6 كان الصديق جبريل ادم القونى و عادل كرومه و خلف الله حسن مساعد و عماد الدوش و الصادق ... و عبدالله عثمان و الصديق عبد الخالق محمد نصر و امير حسن الريح. معليش الذاكره تعبانه شويه و مرحبا با لجميع.
يا محمد أخوي الشباب الذكرتهم ديل دفعتي ، إنت كنت قاعد في ياتو كنبه
(الردمية مربع 19)
يابروبر
البوست دا باسطه عدييل
11-07-2007, 07:09 AM
Mohamed Omar Salem Mohamed Omar Salem
تاريخ التسجيل: 10-06-2005
مجموع المشاركات: 247
Quote: يا محمد أخوي الشباب الذكرتهم ديل دفعتي ، إنت كنت قاعد في ياتو كنبه
(الردمية مربع 19)
محمد عبدالله هارون مرحبا بك يا عذيذ و كيفنك, زمن طويل و مصير الحى يلاقى. أنا كنت قاعد جنب امير حسن الريح و عبد الخالق محمد نصر و عبد النعم خضر و كان قدامنا الكلس و عصام رضوان و محمد رحمة الله و محمد مصطفى احمد و خالد إنجليزي.
ياخى وين مجدى حسن عبدالله و عاطف سعيد و اسامه فتح الرحمن......وهل عندك إتصال بهم....؟ و الله زمن طويل و دايما انا بتذكر هذه الدفعه الفريده, كانوا صفوه.
أنا صاحب بروبر وما مشيت الحاج يوسف دي إلا لي بيتم سكنا سوا في داخليات العهد وكنت للأمانة والتاريخ ولمدة اربع سنوات متالية بسمع كلمة الحاج يوسف في اليوم أكتر من خمسين مرة بس من شخم عمر سلام ع البروبر
11-07-2007, 08:42 AM
عمر عبد الخالق سعيد عمر عبد الخالق سعيد
تاريخ التسجيل: 08-14-2005
مجموع المشاركات: 2235
Quote: أنا في شارع واحد .. كل يوم أمشي لحدي الكرتون أجيب البوست وارجع كداري
ود الصايم
انتا متاكد انك مشيت الكرتون بس عشان البوست دا والا لى حاجات تانيه ؟ بعدين بوست عمر دا البيوديه الكرتون شنو ؟ ماكان يمشى على حلة كوكو والا على الشقله والا على ام دوم .. اشمعنى الكرتون والا متعود
11-07-2007, 04:01 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
طبعل للماعارفين الكرتون دا مقسوم لى قسمين كرتون كسلا وكرتون بارونا كرتون كسلا يا هو المقابل اشلاق البوليس وكرتون بارونا ياهو المقابل شارع واحد شرق والردميه
وبعدين الوحده حى قائم بزاته وهى بيوت الجالوص التى يوجد بها سوق سته او سوق الوحده وطبعا خلف الكلام دا بيجى عيد بابكر بعد منظمة الدعوه مباشره
بالمناسبه : -
وانا فى الغربه وقعت لى قطعة ارض فى الوادى الاخضر وطبعا نحنا زمان كان حدنا عيد بابكر والوادى دا بيقولوا بعد عيد بابكر فياريت واحد يكلمنا عن الوادى الاخضر
11-07-2007, 04:51 PM
Mohamed Omar Salem Mohamed Omar Salem
تاريخ التسجيل: 10-06-2005
مجموع المشاركات: 247
ارجوا إثراء البوست بكل ماهو جميل... و انا متاكد للكل ذكريات جميله و اصدقاء و اولاد دفعه. و اكيد للحاج يوسف عمق اكبر من نداءت الكماسره و محطات البصات . يلا طلعوا الجميل المفيد و انا واثق من مقدراتكم و خبراتكم
11-07-2007, 07:06 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
الحاج يوسف مدينة تسكن الذاكرة 0 كانت تسمي حاج منفي وحاج حفر لبعدها من الخرطوم ولرداءة طريقها للخرطوم(قبل التغير والاصلاح الذي تم مؤخرا 0 0 تسكنها قبائل السودان المختلفة في تعايش سلمي وتكاتف سوداني غير مسبوق 0 بداية سكني بمربع 3 ومن ثم انتقلت لمربع 13 ومربع16 وأخيرا بمربع 19 ولكل حي حديث وذكريات 0 عملت أستاذا للغة الانجليزية(بمعهدالقرشي ) بمربع 5 لاأدري أين مؤسسه الان قاسم والاستاذ/ بادي 0 كانت تقام بالمعهد منتديات أدبية وثقافية 0 الراحل الشاعر الفذ أباذر الغفاري 0 الشاعر والاديب اسماعيل الاعيسر 0 أسست معهد النجاح للخدمات الاجتماعية بمربع 13 شكرا صاحب البوست محمد الحسن عبد المطلب
11-09-2007, 04:32 PM
Asma Ali Asma Ali
تاريخ التسجيل: 10-06-2005
مجموع المشاركات: 404
اهلا با ناس حلتنا. كنا ساكنبن الردمية اللفة و قبل كدة فى التقاطع و الوالد كان عنده عيادة دكتور توبي في التقاطع. كنا بنسك الكفر فى نادى التضامن وكمان مع قورماهيا في مطة الصقعي....
Thanks for the memories
Parek
11-11-2007, 11:23 AM
عمر عبد الخالق سعيد عمر عبد الخالق سعيد
تاريخ التسجيل: 08-14-2005
مجموع المشاركات: 2235
Quote: السلام عليكم الاخ/ محمد عبدالماجد طبعاً أنا من القراء المداومين علي سودانيز أونلاين بوست ناس الحاج يوسف دا عجبني شديد وحبيت أشارك فيه أنا من ناس الحاج يوسف زاتم عشان كده كان نفسي أكون عضو معاكم لكن أخونا بكرى أبوبكرقدر ما حاولنا معاهو ما لقينا طريقة .. أن شاء الله نحاول نطور المنطقة دى باي طريقة ..طبعاً عندي مشاريع بتاعة خرائط باستخدام نظم المعلومات الجغرافية(بتنفع ناس المحلية لو مشينا هناك بنساعدهم أن شاء الله ) لكن انا لسع فى البداية حسع انا مرسل ليك صور منطقة الامتداد من مربع 1 لي مربع 20 موضح فيها المدارس والمساجد ..
طبعاً انا لقيت ايميلك فى بوست سوق البورد بيع واشترى و اتفرج
عبدون جلال
السعودية
الصور جاية في الطريق
شكرا عبدون جلال أنا في الانتظار
11-10-2007, 07:29 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
اها يا الملكه بت الحسن طلحه ح اتكلم ليك عن اسره تعتبر علم فى الحاج يوسف
وهى اسرة اولاد الامين كرار وكبيرهم الاستاذ المرحوم احمد الامين كرار نائب الدائره 35 الحاج يوسف رجل علم وتقى وورع ويملك علاقات واسعه مع سكان الحاج يوسف بمختلف ميولهم السياسيه وانا شخصيا كنت وقتها اتحادى ديمقراطى ولكنى كنت املك علاقه طيبه جدا بالرجل ورغم فارق السن فقد كان يعاملنى كصديق وقد بنى هو واخوته مسجد جميل جدا فى قطعة ارض يملكها والدهم ويؤمه خلق كثير من اهل المايقوما
واخوه على الامين كرار استاذ ايضا ورجل خير وبر واحسان ومن اطهر واشرف الناس الذين عرفتهم من الكيزان فحينما كان يتقدم الكيزان فى بداية الانقاذ اقتصاديا وماليا فى فترة ما يعرف بالتمكين كان على الامين كرار يبيع سيارته الوحيده التى يملكها ويمشى على رجليه ورغم ذلك فقد قدم ابنه الملازم عبد الرحمن شهيدا فى حرب الجنوب والحقه بزوج ابنته الضابط فى الجيش ايضا
واخوهم الاخر العميد مهندس عمر الامين كرار قائد الدفاع الشعبى والذى توفى فى حادث طائرة السلام وهو على فكره يا سميه اخواله ال الشلهمه بابرق ومنهم فى المايقوما على الشلهمه صديق الشلهمه ومحمد طه ومحمد احمد وعثمان الشلهمه
واخوهم الاخر المهندس مصطفى الامين كرار قدم ايضا ابنه شهيدا فى حرب الجنوب وهذه الاسره لها صلات قربى بال ود العطايا ولكنى نسيتها مع طول الغربه
ولا انسى من البطاحين المؤثرين سياسيا فى الحاج يوسف العم محمد الصديق قدور القطب الاتحادى البارز وصديق ابو المعالى ( صديق فرن ) والعم حاج موسى ( كبجه ) وود العطايا والشيخ احمد على الامام
علي محمد علي بشير شكرا جزيلا وكلامك دا بحولو معاي من الصفحة للصفحة ولي طلب ضروري منك لازم تجمع لينا معلومات عن جدنا الحاج يوسف ود دهاشة سيييد الإسم .
11-10-2007, 08:51 PM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
سلامات يا حبيب.. معليش في التأخير في الرد كنت في رحلة عمل والفندق مافيهو كيبورد عربي بس كنت ساكي البوست واجيب فيهو من الخلا زي ود عبد الماجد ومحمد علي شى بالانجليزي شي بالنجمات وسؤالك لي
Quote: مهمد هليل انت من اندنا
ولو عرفت الاسم بالكامل (محمد حسن خليل) حتقولي بس خلاص من اندينا مافي كلام زي الاخ الصديق الشاعر عزمي احمد خليل مصر اني من انديهم وبرغم انه عارف اني كردفاني ابا عن جد يوم قال لي حتى ولو .. ناس كردفان الهمباته ديل بكونو خطفو جدك وهو صغير..والراجل طبعا بمزح وانا بعتز بكل السودان ويشرفني انتمي لكل اقاليم بلدي الحبيب.. لكن حاليا انتمائي للحاج يوسف يا عمر اولا واخيرا..يعني من انديكم برضو يا عمر وكلنا من اند بعدينا
ولا شنو يا شباب
11-11-2007, 03:37 AM
عمر عبد الخالق سعيد عمر عبد الخالق سعيد
تاريخ التسجيل: 08-14-2005
مجموع المشاركات: 2235
Quote: بالحيل معاك خالتك دومه يا ود اب حريره وبعرف اهلك البطاحين جت عليهم ولي ناس عد بابكر الا سيد البوست مالوا ما عبرني ؟؟
هي يايما إتي ما كتلتينا تب كلكم أسياد البوست علا تعاليلي بي جاي أنا بعبرك كدي حدثيني عن ناس الشقلة باقي نسابتنا وناس عد بابكر بتعرفي فيهم منو ؟ عاد من يوم الليلة إياكي طبيقتي وياسلام عليييك ياسلاااام
11-11-2007, 11:20 AM
عمر عبد الخالق سعيد عمر عبد الخالق سعيد
تاريخ التسجيل: 08-14-2005
مجموع المشاركات: 2235
طبعا يا حبيب اخوك مرات كتيرة بخش المنبر وسط جوطة شغل كده (اجارك الله) وانا بقرا في رسالتك وانو ما حيكون في مسنجر ابتداء من يوم الاحد وطبعا الكلام ما وقع لي اصلو ولا لاحظت البوست التنبيهي الانزلو بكري بحجب المسنجر..الا لما فضيت من الشغل وجيت بي مزاج للبيت كده وقلت اخد ايميلك بي رواقة كده وارسل ليك رسومات جارك..القي ليك ولا في مسنجر ولا رسائل..وهاك يا تفتيش بعد داك لقيت ليك الخبر اليقين عند بكري ابوبكر وطبعا هاك يا مراسلات وجرسة لكن لا حياة في من تنادي..المهم يا سيدي كتر خيرك كتير على ابداء الاستعداد في مساعدة الراجل ..تقدير تام لهذه اللفتة.. ايميلي هو
ولان البوست ده صاني كده ومافي زول قدم اي شربات لي ضيوفنا الحلويين هاكم التحلية دي للجميع ومطلوب يا شباب انزال حاجات من عندكم وتصبحو على خير انا سلمت الوردية ليك يا ود الصائم
11-20-2007, 04:54 PM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
سلااااام على الشباب الزينين اها يا عمر دي واحدة في ميزان حسناتك انك فتحت البوست وصلتني الرسالة المنشورة ادناه من اخ وصديق عزيز فرقت بيننا ظروف الحياة واصبح كل واحد في بلد ومن خلال سودانيز اهتدينا لبعض انشر رسالته كما هي فهو يبلغ الجميع تحياته ومتابع معنا البوست الباسطة على قول سيدو الزاااايغ ولا المزنوق بالشغل.. والاخ بهاء الدين كان برغم صغر سنه في فريق اشبال الاخوة مشهود له بالحرفنه واللعب الممتع(قصير مكير) وقد استمتعت باللعب بجواره حيث كان لي شرف كابتنية ذلك الفريق المدهش ..ويا باهي يا اخوي لسه اخوك ساكي الكورة بس بدل كل الاسبوع بقت يوم السبت بس وبدل شوطين بقى الواحد بلعب شوط واحد والباقي بنتمو نقة وخرخرة اصلو الكبر دخل
ولك كل الود سأعود للحديث بالتفصيل عن اشبال الاخوة: واليكم رسالة باهي وتحياته وانطباعه عن بوست ناس الحاج يوسف:
Quote: اولا السلام عليكم ورحمة الله تعالى وبركاته ثانيا مشتاقييين كتير جدا جدا وثالثا انا متابع للبوست الموجود فى سودانيز اونلاين من الاول موضوع الحاج يوسف وكان نفسى اشارك معاكم بس انا ماعضو فى المنتدى على العموم الموضوع كان رائع جدا جدا وطلع من جوانا شجون كثيرة جدا رغم انى لا زلت متواجد بالحاج يوسف وتحديدا دار السلام المغاربة وسامى لكل اهل المنتدى وابلغهم تحياتى الحارة لاهل الحاج يوسف فى المنتدى وانا معكم لحظة بلحظة ولا تنسى ان تتحدث عن فريق اشبال الاخوة الذى تخرجنا مكنه كلنا وعن دار السلام المغاربة الصقعى والقبة واتمنى ماتكون نسيتنى اخوك / باهى محمد حسن محمد ( بهاء الدين
دي تحيه من حيدراباد الهند ودي المشاركه التانيه لي في البوست الخطير
مكتبة خوجلي لسه فاتحه وكانت اتحرقت في احداث الاتنين الاسود لكن رجعت بكشك اكبر من الاول والحمدلله وشارع 13 بقي شارع الزلط المؤدي الي البان جديد وايضا يم ربط بشارع الردميه قبالة مربع 2 وبين مدرستي ودالسائح بنين وبنات وباقي ناسنا اجتهدو واعملوا فيه خط مواصلات انشاء الله خط داخلي يربط احياء الحاج يوسف الوطن الكبير.
م . محمد عبداللطيف حيدراباد
11-30-2007, 03:19 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
شكرا" لك وحيدراباد بتسلم عليك وعلي ناس الحاج يوسف كلهم
كابو ده عنده اخو اسمه مهدي كان زميلنا في معسكر الالزاميه العيلفون 1998 وكان ود نكته والله زي اخوه وكانت الايام ديك مجازفات ربيع طه جديده وجدعه كبيره وكان بذكرنا بيها مهدي وبفرق علينا من ويلات المعسكر وايامه الصعبه حينما كانت الجبهه الاسلاميه في طغيانها الكبير والمعسكرات مليانه بالطلاب وبي ناس الكشه وانت تكون ماشي وروحك بين يدينك. يا للنوستالجيا ............................... تحياتي لكل شارع الردميه من اللفه حتي اخر محطه القديمه والجديده
11-30-2007, 05:01 PM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر عبد الخالق سعيد
Ahmed Yousif Abu Harira
doma
abuguta
محمد عبد الماجد الصايم
Mohamed Omar Salem
mohmed khalail
على محمد على بشير
amir jabir
mahmed alhassan
Asma Ali
فيصل نوبي
فيس بوك
تويتر
انستقرام
يوتيوب
بنتيريست