|
|
 درر ودرّاب... مقتطفــات فضــائية.. فاضية...
|
قبل يومين في سهرة بتلفزيون السودان الفضائي.. (ماشالله)..
إستضاف المذيع والإعلامي المخضرم.. عوض إبراهيم عوض
اسرة مصنع للبلاستيك بالسودان..
(لا ادري إسم المصنع بالضبط لاني لم أحظى بحضور السهرة منذ بدايتها)...
المهم..
خلال السهرة
قدّم عوض إبراهيم عوض مهندس شاعر من إدارة المصنع
إسمه على ما أذكر ربيع موسى..
وخلال معرض حديثه..قال عوض شئ كالآتي..
"مهندس شاعر..
ما عارفين الشعر جا من البلاستيك..
ولا البلاستيك جا من الشعر؟"
(!!!!!!)
____
بعد الأرشفة توقعوا رصد للدرر والدرّاب الفضائي السوداني في هذا المكان..
ولانه إحنا شعب متضامن ومتكافل..
فلابد أن تتكافلوا معي
وتضوقوا معي الويل الذي تبثّه فضائياتنا كل عشية..
ومرحب بمساهماتكم
وميتة الجماعة عرس..
حاشية:
(علي مهدي وقلتوا اصلا هو كده..
طيب ده مالو)
|
|
 
|
|
|
|
|
|
|
 Re: درر ودرّاب... مقتطفــات فضــائية.. فاضية... (Re: نجوان)
|
التلفزيون السوداني يدعو للغثيان .ليس هناك ازمة مقدمي برامج مبدعين وانما الازمة في من يديرون هذه الاجهزة .حتي تلفزيون النيل الازق الذي قلنا انه المخرج من السخف بتاع القومي هاهو يسير في نفس دربه واخونا سعد الدين يتساخف مع زوجات عمر النقي وابراهومة في سهرة بثت قبل ثلاث ايام المخرج موجود في الرموت كنترول
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: ابو يسرا)
|
| Quote: (علي مهدي وقلتوا اصلا هو كده.. طيب ده مالو) |
دا الاصلاً هو كدا
_______
استضافت أمس إحدى مذيعات النيل الأزرق الممثل محمد المهدي الفادني؛
و في نهاية اللقاء شكرته قائلة: نشكر ضيفنا محمد المهدي المجذوب؛
هز رأسه و نظر اليها بأسى ثم همس: الفادني!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: Hussein Mallasi)
|
| Quote: هز رأسه و نظر اليها بأسى ثم همس: الفادني! |
أتوقّع ردّها كان (دون أي أسى):
"سوري.. أقصد الفادني".. ثم ضحكة زي ضحكات سعد الدين المفتعلة ديك..
يعقبها إستعدال للتوب..
and life goes on
______
ألوم (وبشدّة) الضيف على إستجابته للدعوة..
والمشاهد يا حسين على تضييع وقته..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
سلام نجوان - رمضان كريم، وبصراحة كدة منظر قهوتك دة زاد علينا الصداع
الدراب هو الأصل، خاصة من ناس زي صاحب الابتسامة المصطنعة والذي يعطيك احساساً بأن القيامة ستأتي بعد نصف ساعة - الدكتور عوض إبراهيم عوض. ويا ريت نميري يوم داك قطروا اتعطل ...
أما الاستثناء في تلفزيوناتنا فهو الجيد. والجيد هنا كانت سهرة في شكل مسابقة احتفت بالراحل عبد العزيز محمد داؤود.
الاستثناء كان صوت إبنة الراحل أبو داؤود والتي أدت أغنية جميلة للغاية
أما "الأصل" فقد كان مقدم ومقدمة البرنامج بكل ما يحملانه من إرث ثقيل في التصنع وتخفيف الدم والتفزلك والتزلف وطرح الأسئلة بدون الالتفات لأجابتها؟ خاطب المقدم أحد المتسابقين عند وصوله للمايكروفون "شايف في رجفة كدة. أول مرة تظهر في التلفزيون؟" الولد طلع ظاهر في التلفزيون أكثر من المقدم نفسه وغنى بشكل ممتاز
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
نجوان
سلامات
ورمضان كريم
قبل ما اجيب الدراب
عاوز اقول ليك ( عجبنى مزاج القهوةالفيك دا )..
قال الشاعر :
Quote: " تطفِّر من نزيف آهة
يجدّف فى الوَجَع سيفِك
تقَرْيِفى ألَمِى البِقَردِن قشعريرة القهوة
كُل ما سَطَل فُنجان السفر كيفِـك" |
وانتى كيفِك ..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
يا نجوان شكلكـ ممغوصة اكتر مني!!
ألحمد لله في ناس زي حالتي..
المشكلة لو اي زول (غير) سوداني إنتقد تلفزيون السودان تشيلنا الهاشمية ونسل سكاكينا!!
أنا ما عارف المشكلة وين!!
يا ربي عدم توظيف سليم من البداية..!!
ولا عدم تدريب وتاهيل!!
ولا الشغلانة بس تقلة دم مستشرية زي الوباء.!!
في الكاميرا الخفية امبارح ربيع طه ومعاه واحد مدغلب وبتاع امجاد...والفين جنية وغلاط والموضوع بقى زي النكتة الطويلة ومسيخة..في النهاية لمن بتاع الامجاد شال ليه طوبة من الارض..في سري قلت إن شاء الله يليس ليه عشان يبطلوا العباطة!!
ربنا يصلح الحال!!
كنت عاوز أجيب الدليل على خفة على مهدي وشلاقتو في البوست التاني إنشغلت..
لكن بجيبا بجيبا!!
موقف في طيارة بين السماء والارض!!
وموقف تاني قدام مكتبو في شارع الجمهورية..مكتب منظمة شكلو كدا!!
وحكايات.
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: سامى عبد الوهاب مكى)
|
أمبارك شفت خمسة دقائق من الكاميرا الخفيّة يا سامي..
وتعجبت..
أولا بحثت عن عنصر الفكاهة فيها.. فكان غائبا
وبريء كل البراءة..
ثانيا.. أشفقت على الضحية.. (كان ضحية حقيقة)..
في محل.. (أظن في العفراء مول) ..
شاب إشترى حذاء ودفع ليهم قروشهم..
راحت البنت الكاشير مطلّعة من كيس الشاب كرافتة!
قائلة "دي شنو؟؟"..
طبعا هو أسقط في يده.. قال ما عارف الكرافتة جات في الكيس كيف..
وكان هناك بعد ذلك حوار طويل وعريض..
ومضمونه إتهام الشاب بالسرقة..
وعبارات غاية في اللؤم والحدة.. من الكاشير..
وبعد سنة كده .. أٌخبروا الشاب بأن هذا البرنامج الكاميرا الخفية..
مسح الشاب العرق من على جبينه... وحاول إبتلاع الصدمة..
وسامح طاقم البرنامج .. (على مضض حسب ما شفت)..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
[object width="425" height="355">
طبعا قصه الكاميرا الخفيفه دي في السودان ومع الظروف الاقتصاديه مابتنفع لانو نحن حسب التركيبة ناس انفعاليين خالص لكن شوفو الناس دي بااااارده وبتتعامل مع الحاجات والمواقف دي كيف؟لاعندهم صف رغيف ولا كهرباء قطعت المابخليهم باردين شنو؟؟سبب واحد ماف..
بعدبن اتهام المواطن بالسرقه ده موضوع كبير خاصه السوداني لانو نحن ربونا علي طريقه ماتهبش الحاجه دي ..وامشي مع القدرك العب بي هناك وعدم الثقه في اطفالنا متواجد لذا احساس عدم الامانه برضو متواجد فماتقول لي كاميرا خفيه لا جن ماف وزول بصدق ليك كاميرا بعدين الناس زهجانه من اي شي كاميرا شنو ياخ(ده تفكير مواطن بي صوت عالي)
محبتي
عليش
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
last night
بالنيل الأزرق ..
إستضافت مذيعة .. تبدو صغيرة في السن..
المخرج بدرالدين حسني..
وقالت فيما قالت..
"طبعا إنت كبير يا بدر الدين..
لكن ما كبير خالص.."
______
تحدّث بدرالدين حسني عن الإيقاع السريع للحياة الآن..
وكيف تغّيرت متطلبات إخراج العمل الجيّد..
وذكر بأن المذيع والمذيعة لابد ان يكونوا ملّمين بمجال الضيف
لدرجة تقارب التخصص.. حتى يكون الحوار مفيدا..
(وفي خاطري..
تلفزيوننا ده بيعمل العكس تماما..)..
______
خلال الحوار ..
ذكر بدرالدين أنه أحيانا بيقابل ناس
كانوا في برامج الأطفال عندما كانوا صغارا..
وذكر.. قبل سنوات كان مع زوجته..
على وشك أن يقيفوا في صف طويل لشراء فرن تركي
فإذا بشابة..(من بنامج الأطفال سابقا) تسلّم عليه..
(وكانت فيما يبدو من المسؤليين في موضوع الفرن ده) ..
"وطلعت بالفرن في أقل من ربع ساعة.."
يعني.. درابة خفيفة كده من بدرالدين..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: هاشم أحمد خلف الله)
|
كادر تم تعينه بالواسطه دون الاهتمام الى القدرات حاتنتظرى منه شنو.
الاسبوع الفات شاهدته سهره الفنان كان عامر الجوهرى
تسمع فقط صوت الفنان وكم اله موسيقيه وبقية الالات فى اجازة
كانت حاجه قبيحه جدا تلفزيون مافيهو مهندس صوت
اى فنى sound system بتاع حفلات ممكن يعمل صوت افضل من ده.
الكلام يطول عن التلفزيون ومشاكله , يعنى مرض مزمن.
وحقيقة شينه شاشتنا.
احمــد خضــر
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: ahmed khidir)
|
عفـوا نجوان ..
وبقية الأعزاء ..
أتفق معكم أن مستوى الأداء
في الفضائية السودانية غير
مشرف ..
وأعتقد أن السبب الرئيس ليس
خلو الوطن من الابداع والمبدعين فهم
كثر والله ، والحمد لله ..
لكن الخلل الأساسي في تحجيم قدرات
المبدعين والمبدعات ، ومحاربة الذين
بيدهم تحويل الفسيخ لشربات ..
ومع ذلك لا يخلو التلفزيون القومي
والنيل الأزرق من بعض البرامج التي تشدنا
إليها ..
إيه رايك أحيانا نشرة العاشرة ( رقم قلبنتها)
تشدني ولا أحول الريموت اطلاقا !!!
كما يجب ألا ننسى أن الخلل الابداعي ليس
في التلفزيون فقط ، فهو ( ما شاء الله ) شامل
كامل لكل وسائل الاعلام اذاعة وصحافة وتلفزيون ..
وربما يكون ربنا رحمكم لأنكم لا تنفقون أموالا في
شراء صحافتنا أو بالأصح وريقاتنا ..
فهي شأنها شأن التلفزيون بل أضل سبيلا وأكثر مللا
85 % منها اعلانات وتنويهات ووفيات ..
وكل من هب ودب يكتب عمود ..
وكل من هب ودب يحكي لنا عن قصص مملة شاهدها هو
في الشارع ( وأشك في شاهدها هذه ) وتقابلنا
هذه القصص يويميا ، كأنني اشتري الصحيفة ليحدثني
عن يومه الخاص ..
يا عزيزتي ..
شئنا أم ابينا سيكون هذا حال اعلامنا حتى يعود إليه
كل المبدعين الذين أجبروا على التنحي ..
ولن يحدث ذلك حتى نجبر نظام الجبهة الاسلامية وشركائها
الجدد على التنحي ..
ولن يحدث ذلك حتى نوحد جهودنا ونؤمن بجماهير شعبنا
وقدرتها على التغيير والابداع ..
ولن يحدث ذلك حتى نؤمن أن خلاص الوطن ليس في الاستعانة
بالأجنبي وانتظار الحلول الآتية من وراء البحار ..
وحتى يحدث ذلك دعواتي لك بمشاهدة طيبة لمسابقة زين !!!
وإن شاء الله تفوزي بعربية ..
مودتي ..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: حسين يوسف احمد)
|
أتفق معك تماما يا حسين يوسف..
هو دمار شامل..
Quote: كما يجب ألا ننسى أن الخلل الابداعي ليس
في التلفزيون فقط ، فهو ( ما شاء الله ) شامل
كامل لكل وسائل الاعلام اذاعة وصحافة وتلفزيون ..
وربما يكون ربنا رحمكم لأنكم لا تنفقون أموالا في
شراء صحافتنا أو بالأصح وريقاتنا ..
فهي شأنها شأن التلفزيون بل أضل سبيلا وأكثر مللا
85 % منها اعلانات وتنويهات ووفيات ..
وكل من هب ودب يكتب عمود .. |
أنا خليني يا حسين مع التلفزيون ده..
الصحافة وناس الزومة ديل تخصص جنّي وآخرين..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: jini)
|
Quote: هو الإثبات محتاج وقت قدر ده؟؟
عموما أنا خليني..
أقنعوا بقية امّة محمد دي.. |
هلا يانجوان
وخليل بس بعيد عن النت وهذا هو السبب
وعلي مهدي ده زولو هو براااهو يازولة هووووي
انا مش معاهو ابدا...
وعموما كلنا في انتظاره لاقناع باقي امة محمد..
وعفوا للخروج عن سيرة الدراب مع انو علي مهدي ذااتو اكبر دراب مسرحي
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: مع انو علي مهدي ذااتو اكبر دراب مسرحي |
واكبر شنــــــب كمان
حرام عليكم الزول ده ياما شرفنا في المحافل العربية بشنبو الكبير وعوارتو الاكيده
بس صراحة كده انا معجب بيهو لانه جــــــــــــــــــرئ
وعبيـــــــــــــــــــط ودمو تقيييييييـــــــــــل
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: عبد المنعم سليمان)
|
العزيزة نجوان
تحية ورمضان كريم
موضوعك في الصميم اصلة تلفزيون السودان دة فاقع مرارة مية وخمسين في المية من الشعب السوداني.
في الحقيقة انا من فترة ما بشاهده وافتكر اي زول يلقى البديل ما بيتردد في تركه لانو احسن قناة في تطفيش الزباين.
لفت نظري تعليق احد المتداخلين
| Quote: ليست هناك ازمة مقدمي برامج مبدعين |
لكن يبدو لي انه ازمة الازمات في تلفزيونا المقدمين وعدم تأهلهم واعدادهم
بعض المقدمين تلقيهو مش ما بيملك ادني مقومات التقديم بس بل بيفتقر للبديهة العند عامة الناس تلقيهو هو في وادي والضيف في وادي. ردود الضيف ما بتقوده لفتح منافذ جديدة في النقاش بيكون باقي عشرة على اسئلتو الكاتبها في ورقتو وردود الضيف دي يسمعوها المشاهدين بس.
غايتو انا - باختصار - لما اكون بشاهد في برنامج في تلفزيونا بكون متنشنة مع المقدم جدا وعندي احساس انه في طوبة فوق راسي في اي وقت ممكن تقع
وزي ما قال الاخ سامي عبد الوهاب:
| Quote: المشكلة لو اي زول (غير) سوداني انتقد تلفزيون السودان تشيلنا الهاشمية ونسل سكاكينا |
صحي لكن اتخيل لما تجي واحدة ما سودانية وتقول قدامي: تخيلو امس من عدم الشغلة شاهدت تلفزيون السودان وتقعد تضحك
أها في حالة زي دي عاد ما عندي خيار غير اني اسل سكيني
آسفة على طول المداخلة لكن قلبتي علينا المواجع يا نجوان
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
| Quote: احاول ان اقنع نفسي بانه لابد ان اشوف حاجة سودانية |
مضبوط يا ابوبكر..
هذه الحنيّة .. والأمل..
لأجلهما نعاني ما نعنانيه من إعلامنا..
تلفزيون النيل الأزرق كان بارقة أمل.. ولكن!
قناة هارموني تتعُثّر حتّى قبل أن تبدأ مسيرتها بصورة رسمية..
same same
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
الاخت نجوان
والمتداخلين الاعزاء
لكم التحية والتقدير
Quote: لكن السؤال المتكرّر في مجال إعلامنا: هل هو إنعدام الكوادر المؤهلة..
أم هو إحتكار للمفاتيح والمداخل من قبل فئات معينة؟ |
للاجابة على هذا السؤال الكبير يجب ان نكون دقيقين حتى نثري الحوار
بوجهات نظر سليمة وبعيدة عن الاتهامات العشوائية التي يطلقها البعض.
انا هنا لا امثل التلفزيون سواء كان قناة النيل الازرق او (القومي)
اوالقنوات الوليده الاخري فقط اطرح ملاحظاتي كمشاهد
منذ انطلاقتها درجت قناة النيل الازرق على امتاعنا
بالجديد والجيد من البرامج وقد اولت الجانب التقني
اولوية يلاحظها المشاهد في مقارنة بينها وبين التلفزيون
القومي مع العلم بان الاجهزة المستخدمة في القناتين هي
نفس الاجهزة المستخدمة في كافة دول العالم من حيث تقنيها
العالية سواء كان ذلك في مجال الصوت والصوره او الاضاءة
وكثير من الاخوة العاملين في قناة النيل الازرق هم نفس العاملين
في تلفزيون السودان , ولكن الفرق في الادارة والبرمجة وزمن البث
فاي قناة وفي اي مكان في العالم لديها خطة برامجية تتراوح بين
ثلاثة اشهر , ستة ., او تسعة اشهر , وذلك على حسب امكانيات
القناة التقنية والبشرية حتى لايصبح الكم على حساب الكيف
وهذا ماتفوقت فيه قناة النيل الازرق على تلفزيون السودان
حيث ان مدة البث في قناة النيل الازرق اقل,
وزد على ذلك استقطاب قناة النيل الازرق لكوادر
متخصصة في التقديم والاعداد يعتبر اضافة لشكل القناة ومضمون
المادة المقدمة زد على ذلك روح التحدي التي يتميز بها فريق
القناة بغير الروح السائده في تلفزيون السودان , حيث وحيث...
ولكن درجت قناة النيل الازرق في الاونة الاخيره على المجامله
والابتعاد عن الحرفية العالية التي بدات بها , شاهدت في فترات
ليست بالبعيدة بعض الاعمال لهذه القناة وحزنت كثيرا لمايحدث
وانا هنا اتحدث عن التكنيك والاعداد وطريقة الاخراج وحركة الكاميرات
والتقطيع على مكسر الصوره قطع على كاميرا وهي متحركة واللقطة مهزوزه
توجيه الكاميرا بلاهدف , يعني ذي ماتجي تجي , وهكذا
تقاس دائما جاهزية القنوات الفضائية ويعتبر المحك الحقيقي
لاي فريق عمل الا وهو العمل على الهواء مباشرة(خارج الاستديو) حيث الظروف غير
ظروف الاستديو المعزول صوتيا والذي يتم توزيع الاضاءة فيه باستخدام
تقنية الكمبيوتر وهي اضاءة سقفية تساعد كثيرا في تغطية مساحة
العمل حيث انها وبهذه الوضعية تقلل كثيرا من الظلال وهي كشافات
متعددة المهام ليست مجرد اضاءة والسلام , اضف الى ذلك بان اكثر
الاستديوهات اصبحت تستخدم تقنية متقدمة جدا وهي الvirsual studio
وهي تستخدم كبديل عن الديكور التقليدي المصنوع وتتم عن طريق
الجرافيكس عبارة عن لوحات توضع في خلفية الاستديو الزرقاء والتي
يتم فصل اللون منها وبطريقة معينة توضع هذه اللوحات , فمثل هذه
التجهيزات دائما نفتقدها في الاعمال الخارجية , فكما ذكرت في البداية
بان التحدي الذي يواجه اي قناة تلفزيونية هو البث المباشر والتلفزة الخارجية
كت اووت :
نتمنى ان تتسع صدور الجميع لما سيأتي .. فـــــــــــــــــاصل ونواصـــــــل
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: خضر الطيب)
|
سلام خضر.. ومشكور على المداخلة المفصّلة..
شكلك مختص.. أو قريب جدا من مجال التلفزيون..
أشاركك الرأي بخصوص التدهور في أداء النيل الأزرق..
لكن لا أدري إن كان إنطباعنا الأول عنها متضخّم شوية
بسبب المقارنة مع التلفزيون القومي الممل..
Quote: وكثير من الاخوة العاملين في قناة النيل الازرق
هم نفس العاملين في تلفزيون السودان |
أجد مشكلة في هذه..
تلفزيون السودان فشل تماما في أداء دوره..
أن تسكن معه النيل الأزرق في نفس الحوش.. وتقاسمه الموارد البشرية
حتما ولابد .. أن ترى روح تلفزيون السودان في النيل الأزرق..
في ظرف كهذا.. تغيير بيئة العمل وثقافته بصورة جذرية
يصبح أمرا صعبا إن لم يكن مستحيلا..
بالكتير .. ستظل النيل الأزرق، نسخة محسنّة (قليلا) من التلفزيون القومي..
وهذا سوء تخطيط..
أو طموح غاية في التواضع..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
عوض إبراهيم عوض وسهرات هارموني..
امبارح.. مستضيف اسرة شركة زين (موبيتل سابقا)..
شركة عندها حملة إعلامية قوية جدا.. (وما بهمها القرش)..
تحاصر ناس الداخل من كل جهة..
المهم..
عوض..
سال إحدى موظفات زين عن مديرهم (خالد خورشيد) بالحرف:
"خالد ده زول ظريف ولا ما ظريف؟"..
الموظفة كانت لبقة.. وعملت من الفسيخ (اللي هو سؤال عوض) شربات..
وأجابت (بعد أن إحتوت دهشتها) بأنه إنسان جيّد..
وان التعامل معه كان سهل رغم انه غير سوداني.. إلخ..
سؤال عوض كان يكون مناسب جدا
لو كان ضيوفه دون السابعة في العمر..
ثم سأل مجموعة الموظفّات "إنتوا ناس ظريفين في عملكم ولا بتعصلجوا؟"
وسأل أيضا: "الزولة البنسمع صوتها في زين دي واحدة منّكم؟
صوتها جميل.. عايزين نعيّنها معانا في هارموني"..
ثم سأل بالإنجليزي مدير الموارد البشرية (أجنبي)..
سأله: "how did you find the Sudanese Humans"
_______
قامت شركة زين (في السهرة) بتكريم شاب سوداني لانه إسمه سودان..
بعد التكريم قال عوض: "نهدي الأغنية الجاية لسودان
لازم يرقص رقيص خاص.. ونحن معاه"
!!!!
(تعليمة؟؟)
حكايتك حكاية يا عوض ابراهيم عوض..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
يا نجوان
أنا طبعا القناة السودانية ]d عامل ليها Delete عشان ماأقوم بالغلط أقع فيها.
قبل يومين مشيت على هارموني وقلت يمكن يكون فيهم رقشة الناس ديل .
لقيت لقاء عاملو واحد مهبب اسمو د. عمر مسعود مع سيف الجامعة.
سيف طبعا حسب رأيي الشخصي زول غناي وزول راسو مليان.
مقدم السهرة المهبب قام سأل سيف عن أسباب لبسو للكاب دايما.
إجابة سيف كانت منطقية.
قام مقدم السهرة قال ليهو أسي ممكن تشيل لينا العمة دي عشان نشوفك بالصلعة.
طوالي قمت برضو عملت ليها Delete
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: sudania2000)
|
Quote: ثم سأل بالإنجليزي مدير الموارد البشرية (أجنبي)..
سأله: "how did you find the Sudanese Humans"
|
البشر السودانى!
قادر الله سودانيز تعنى الجماد والتبات والحيوان والبنى ادمين!
عوض لمن لا يعلم اذاع خبر اعدام الاستاذ محمود محمد طه متشفيا ولم يكتفى بانه مذيع للخبر بل اضاف من عنده مفردات لا يمكن ان تصدر الا من شخص مريض!
انا شخصيا لو لاقيتوا فى السوق بخلى ليهو السوق عشان يمرح فيهو!
والله عوض دا تلفزيون ريفى كتير عليهو خليك من قومى!
جنى
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: shammashi)
|
Quote: أنا طبعا القناة السودانية ]d عامل ليها Delete عشان ماأقوم بالغلط أقع فيها.
|
Quote: قبل يومين مشيت على هارموني وقلت يمكن يكون فيهم رقشة الناس ديل .
|
رقشة شنو يا شمّاسي؟ درّاب ع إبرهيم ع ده كلو في هارموني..
الظاهر كتار اللي ح يستعملوا الdelete
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
Quote: لقيت لقاء عاملو واحد مهبب اسمو د. عمر مسعود مع سيف الجامعة.
سيف طبعا حسب رأيي الشخصي زول غناي وزول راسو مليان.
مقدم السهرة المهبب قام سأل سيف عن أسباب لبسو للكاب دايما.
إجابة سيف كانت منطقية. |
ذكر كل التفاصيل و لم يذكر الإجابة
التي وصفها بالمنطقية!!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
أبوبكر.. منعم.. وجنّي..
فجأة سأل عوض نفس الرجل (مدير الموارد البشرية)
"are youmarried"
رّد الضيف بدهشة "pardon me"
كرّر عوض السؤال.. وواضح انه كان سؤال عشوائي كغيره..
سؤال تسأله لزول تلاقيه في المواصلات...
في عيادة.. مكتب خطوط..
لماذا لا يأتي عوض لسهراته بخطة حوار..
معلومات عن ضيوفه.. شركات أو غيره
بدلا عن إرتجال حوار سخيف ..
كل ليلة..
ومافائدة الخبرة.. التي لا تضيف للآداء much بعد عقود أمام الكاميرا؟
| |
|
|
|
|
|
|
|
|
 Re: درر ودرّاب... مقتطفــات فضــائية.. فاضية... (Re: عبد المنعم سليمان)
|
شكرا نجوان ورمضان كريم .. والله مكان الواحد يتفشي فيهو ....
احمد خضر الفنان والله قصة عامر الجوهري دي انا كنت مفتكر انه عازف الايقاع طلع
من الزمن لكن فجأ شويه شويه ظهر الايقاع كما هو والاخ عامر ارتبك شويه في البدايه
ماكنت فاكر الحكايه طبزه فنيه..
وفي سباق مثير جدا لرمي الدرّاب..
قال الزوج أن النساء الغربيات طمّاعات (greedy) وماديّات..
وعوض (طارت منه كل الإنشاء) يفكر في إحتواء الموقف.. وهكذا تصريحات..
مكتفيا بـ "yeah.. aha"
وسأل عوض أحد الأبناء..
"إنت عارف تسريحة شعرك دي بتاعة بنات؟"
"عندك حلق ولا ما عندك؟"
الحمدالله الواحد لسع عايش ما طقه فيهو عرق ..........
تسلمي
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: ذكر كل التفاصيل و لم يذكر الإجابة
التي وصفها بالمنطقية!! |
عبيط زمانو ملس....
أنا مداخلتي كانت عن ثقالة مقدم السهرة (والله تقول أخوك) ولم تكن عن إجابة سيف الجامعة باعتبار أن موضوع لبسه شيء يختاره ويحدده هو طالما لم يكن مؤذيا لعين المشاهد.
يعني مقدمالسهرة زول ثقيل ودمو دم قرادة زيك كدا. وهذا ما كنت أقصده. يعني شنو يقول لسيف الجامعة طلع لينا عمتك عشان نشوفك بالصلعة.
والله كلامو دا أحسن منو تهبيبك التهببوا هنا وفي شظـــــــــــــــــايا داك.
المستغرب ليها أنا إنو إنك بثقالتك وحبك للظهور دا. ليه ما بقيت مذيع في واحدة من قنوات الإنقاذ.
أشوف ليك عمر الجزلي؟؟؟؟؟؟؟؟؟؟؟؟؟؟؟؟؟؟؟
بالمناسبة مالك الأيام دي خليت كمال الجزولي.
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: shammashi)
|
أختي نجوان
كتر خيرك في تسليط الضوء علي الشاشة البلورية
السودانية حيثما تبث تجدي التسلط والتظارف وا....وا...
حد الدهشه تعرفي السودانيين ديل الله يكون في عونهم
بتكون المرارات مفقعه ومتوَرمه شديد جدا وأنا في المهجر
برضو لاحقني وأختصرت المشاهده في الأغاني الجميلة والكورة
وحتي دي ينط ليك فيها مذيع أومذيعة يكرهوك البتحبي نعمل
شنو ماعارفين نستجلب مذيعين من بره ذي الأحتراف بتاع اللاعبين
ولا كيف وبالمناسبه التقنية الرقمية في كل المحطات موجود ولكن
دايره ناس بتفهم عشان تعكس أهمية هذة التقنيات ولكن جماعتنا
ديل الفيديو كليب يدهوا ليكي من ذاوية ضيقه عكسه ماترفعه لينا
الله يكون في عونكم ياكوادر أعلامنا القومي وفي كل المجالات الصورة
مكرره تسلمي والواحد بعد ده يحضر عشان يرصد ليكم المبتكر من الألفاظ
والمجاملات اللغوية لو ماصابتك برضو تصيبك خيبة الأمل في بكره.
،،،،أبوقصي،،،،
| |
|
|
|
|
|
|
|
|
|
تستاهلو:) (Re: مجدي عبدالرحيم فضل)
|
الحبيبة نجوان..
كل عام وانت بخير..
تصدقي ما بفتح تلفزيون السودان إلا في النشرات.. ولما كنت مع أمي كنت مرة مرة بتفاجأ بحاجات كده.. طبعا أمي محنًة ساااكت ما بتتفرج إلا على القنوات السودانية.. ولما تجي تشتكي زيكم كده بقول ليها: تستاااهلي..
وبرضو بقول ليكم: تستاهلو إنتو البوديكم تهابشو شنو..؟
القنوات البتفرج عليها وتلفزيوني عارف دربها هي: mbc2,mbc4,Dubai one,JSC,Aljazira intrnational,BBCW, smash TV, Melodey Aflam and Rotana Cinema
عارفة نفسي systematic لكن better safe than sorry
ودي
| |
|
|
|
|
|
|
|
|
|
Re: تستاهلو:) (Re: Raja)
|
إزيّك يا رجاء..
| Quote: better safe than sorry |
صدقتي والله.. لأنه إحنا لافّين في sorry دي
day in and day out
بعدين انتي إذا بتشوفي دستة قنوات كاملة ..أكيد ما عندك وقت لي ناس سعد وعوض..
و زعيط ومعيط..
____
بس الجزيرة انترناشونال.. 
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
كيفك يا نجوان..
جيتك رغم هرشة المرة الفاتت.
لكن كان عاصم البنا هرشوهو..شنو لي!؟
المهم...
* قبل كم يوم في سهرة أجراس...و مفروض يكون إسمها أفراس..من فَرسَة و إتفرسَ فهو مُتفرِس..
أو إجراس..من جرسَة..إتجرٌس...فهو مُتجٌرِس.
كانت الحلقة عن الشاكوش الأول..آآآي و الله...
و اضح جداً..they ran out of مواضيع..!
لاحظت إنو البنات و السيدات المُستضافات كانوا بيتكلموا عن تجاربهم العاطفية (( الشاكوش الأول الأخدوهو..و الشاكوش الأول الأدوهو ))بكل قوة عين و دون أن يطرف لهن جفن...بينما خجل شكر الله و كان متحفظ في الكلام عن شاكوشه الأول..و هرب (( صالحين )) عدييييل كدا من الدخول في تفاصيل.
ما عندي أي إعتراض على التجارب العاطفية (( عشان ما تشبوا لي في حلقي )) ..
لكن...الكلام عنها بالإستهتار دا...و على الهواء مباشرةً...و قدام الأب و الأخ و الخال و العم و أخيراً الزوج الممكون...شينة عديييييييييل كدا!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: mamkouna)
|
سودانى ومصرى بتغالطوا كل واحد بقول للتانى تلفزيونا احسن من تلفزيونكم وكل واحد بعدد فى ايجابيات تلفزيون بلدو ويعدد سلبيات تلفزيون التانى!
اها المصرى زهج وقال للسودانى:
والله نحن التلفزيون بتاعنا مقفول احسن من حقكو مفتوح!
شوفتى كيف يا الممكونة!
جنى
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
| Quote: وسهرة أفراس دي وين ومتين؟ |
سهرة (( إخراس )) دي في قناة النيل الأزرق..
بتقدمها البت الحلوة العاجبة ملاسي..
و الظاهر ناس صالحين قاسم مُشترك في كل الحلقات..
ياخي...
دي ما ياها الجابو فيها البعيو و عبد اللطيف البوني ظااااتا!!!
(( محمد معانا..ما تغشانا ))!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: mamkouna)
|
Quote: دي ما ياها الجابو فيها البعيو
و عبد اللطيف البوني ظااااتا!!! |
كانت قبل فترة بتقدم "ألو مرحبا"؟..
إن كانت هي.. خلاص مافي داعي للكلام..
hopeless case
ولو ما هي...
برضو hopeless case
_____
والله يا ملاسي رهام دي (كان ياها)..
فهي وهام تلفزيوني...
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
يجري البث الترويجي هذه الأيام لقناة الشروق..
لمدة شهور... كانت القناة تعرض لقطات من رقصات شعبية سودانية..
بأزياء وألوان زاهية.. من كل بقاع السودان..
في منتهى الروعة..
وفي الخلفية.. remix موسيقي لأغنية "انا سوداني أنا"..
(للشروق خبراء غرافيكس يبدو انهم عارفين شغلهم..)
باقة المذيعين والمذيعات .. متنوّعة.. سودانيين وغير سودانيين..
في تقديري.. هذا قد يؤدي لمنافسة مثمرة.. وفرص للتعلم..(للجميع)..
(رغم انه كتير من القنوات العربية تعاني من عثرات مشابهة لعثراتنا)..
أتمنّى:
1. أن يدرس اصحاب الشأن أوجه القصور في الفضائيات الأخرى ويحاولوا
أن يتحاشوها
2. أن تبتعد الشروق عن الإعلاميين الكروتهم محروقة خلال قنوات أخرى
3. أن تبتعد الشروق -by all means- عن مبنى التلفزيون القومي وموارده
لأن من جاور السعيد يسعد.. والعكس صحيح..
4. أن تتجنّب الدراما السودانية (ضمن درامات أخرى).. في وضعها الحالي..
5. ألا تتعاقد مع سعد الدين.. عوض ابراهيم عوض.. أو علي مهدي..
ونواصل..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
Quote: سلام خضر.. ومشكور على المداخلة المفصّلة..
شكلك مختص.. أو قريب جدا من مجال التلفزيون..
|
لأخت نجوان
شكرا على هذا البوست خفيف الظل، وكامل الدسم
في البداية أنوه إلى أن الأستاذ خضر الطيب، يعد واحد من أميز الكوادر السودانية المتخصصة في صناعة الصورة التلفزيونية، ومن متابعتي لكتاباته، ورأي بعض المختصين الذين زاملوه في قناة العربية، أنه صاحبة رؤية فنية صقلها بإطلاعه على ما يستجد في مجال اختصاصه.
أما حكاية دراريب قنواتنا، وخاصة فيما يختص بإدارة الحوار مع ضيوف البرامج "السهرة"، ففي رأي الشخصي
أن الأمر يعود في أساسه للفوضى وغياب التخطيط والاستسهال، والمتابع لبرامج القنوات السودانية يلاحظ غياب
التحضير المسبق لمادة الحلقة، وعدم وجود بحث أو حتى محاور للحوار تغطي موضوع الحلقة، وقد يهتم معدي البرامج بتفاصيل الضيوف وشكل الجلسة والكراسي، ومين حيجي ومين ما حيجي، ويتجاهل تماما الاعداد لموضوع الحلقة، ويترك لاجتهادات مقدمي البرامج، أو على الأصح عشوائيتهم...
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: nadus2000)
|
Quote: في البداية أنوه إلى أن الأستاذ خضر الطيب،
يعد واحد من أميز الكوادر السودانية المتخصصة في صناعة الصورة التلفزيونية، |
سلام يا نادوس..
شكرا على تعريفك للأستاذ خضر الطيب.. ومرحب بيه وبيك..
| Quote: وقد يهتم معدي البرامج بتفاصيل الضيوف وشكل الجلسة والكراسي، ومين حيجي ومين ما حيجي، ويتجاهل تماما الاعداد لموضوع الحلقة، ويترك لاجتهادات مقدمي البرامج، أو على الأصح عشوائيتهم... |
ده حقيقة ثابتة للأسف..
وموجودة في بعض الفضائيات العربية الأخرى
حيث الإمكانيات متوفرة.. لكن العقلية تهتم بالشكليات أكتر من المضمون..
ما يحيّرني سهولة الوصول أمام الكاميرا عندنا وفي الprime time
دون إعتبار للإمكانيات..
عند غيرنا المذيع بيحفى سنوات وسنوات
يزيد من خبرته وساعاته.. يدعّم السيرة الذاتية..
قبل أن يحلم بفرصة كهذه..
وحين تأتي الفرصة الذهبية..
لابد أن يبذل أضعاف المجهود ليحافظ عليها..
ليس لدينا حافز..
لأن الفرص لا تبدو مرتبطة بالمؤهلات والمنافسة العادلة..
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
الايام دي قاعد معاى ود عمتي شغال في الكرين كرهني بقناة هارموني كل ما اغير القناة يقول لي جيب هارموني قمت سالته انت هارموني دي العاجبك فيها شنو؟ قال لي فيها مذيع كاتب لي شيك وداير اطمن انه ما يكون شرد ولا في زول دخله الحراسة!!!!!
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: نجوان)
|
نجوان
بالمناسبة النيل الازرق عادت ولو انو البرنامج فاتنا لليوم التاني .. ومن مساوئ غياب البرنامج الليلة هو اني كنت اتجول بين قنوات اخري وفجاة وجدت حوارا فيها الصادق المهدي وقاسم بدري وثالث لم اسمعه .. المهم انو المذيعة او المحاورة ما خلت الاتنين دييل يجاوبو علي اسئلتا فاول ما الواحد فيهم يفتح خشمو تجي ناطة تجاوب هي والحمدلله انا لحقت بس الدقائق الاخيرة من البرنامج والغريبة انها قربت تعلن الحداد علي البرنامج لانو مات اقصد انتهي بدري وهو في عز شبابو وانها ما كانت متوقعة انو يتوفي البرنامج بالسرعة دي وحي ووب حي ووب ...والغريبة بعد داك كلو قالت " انتظرونا الاسبوع الجاي " .. يعني برنامج بعاتي يموت ويجي طالع تاني بعد اسبوع ....
| |
|
|
|
|
|
|
|
|
|
Re: درر ودرّاب... مقتطفــات فضــائية.. فاضية... (Re: abubakr)
|
سعدالدين: محمد منير إنحاز لفن الأقليات و...
منير (مقاطعا): لأ... أنا لم أنحاز. أنا قدّمت فن الأقليات..
سعدالدين: مابين تحديث الأعمال.. والجدل حول تشويهها.. كيف تجاوزت هذا المطب؟
منير: هو ليس مطب... وانما نشوة في تقديمها..
سعدالدين: ما الذي ميّز غناء منير في أوروبا وجعل الجمهور ينجذب إليه؟
منير: لا أدعي البطولة.. هم في الخارج بيسمعوا بتعددية...
وليس لهم عروش غنائية محددة..
(سعدالدين يكرر السؤال.. منير يكرر إجابته )
| |
|
|
|
|
|
|
| |
نجوان
ابو يسرا
Hussein Mallasi
jini
hassan bashir
معتصم الطاهر
Mohamed Ahmaed Olyesh
walid taha
هاشم أحمد خلف الله
.
ahmed khidir
غادة عبدالعزيز خالد
عبد المنعم سليمان
عبدالكريم الامين احمد
Shayma
سمندلاوى
abubakr
خضر الطيب
اشرف السر
عماد شمت
مجدي عبدالرحيم فضل
Raja
mamkouna
محمد اشرف
salma subhi
nadus2000
محمد عمر الفكي
فيس بوك
تويتر
انستقرام
يوتيوب
بنتيريست