إني أتهمك يا خالد عويس ...

Quote: و ما جوابت على موضوع بخيتة المهدي و موضوع عبد الرحمن فرح دا لفت نظر

خليني يا ثروت أعيد كلامي عشان يقع ليك و ما تتوهم ليك عدو ما موجود :
‎- البوست ده ‎- في تقديري ‎- إتفتح لذر الرماد في العيون .
‎- أنا ضد الأحزاب الطائفيه و بفتكر إنهم سبب رئيسي من أسباب تخلفنا ، و فتحت بوست قبل البوست ده بمده طويله و وجهت فيهو أسئله و إنتقادات لشباب حزب الأمه:

اسئله لأعضاء حزب الأمه المعارضين !

-وجهه نظري في موضوع الأحزاب الطائفيه تكاد تكون نفس وجهه نظرك إنت و عادل ، الفرق إنو أنا شايف الشباب ديل عكس ما إنتم شايفنهم ، أنا شايفم جادين و صادقين و قلبهم علي البلد دي زيهم و زيك و زي عادل ، بس هم ‎- في تقديري ‎- واقفين في الحته الغلط ، ما ممكن تجي إنت و عادل تطلعوهم كذابين و انتهازيين علي أحسن تقدير بس لانكم مختلفين معاهم ، و مع فكرهم ، ما ممكن تكونو قاده في حزب بيدعو للدمقراطيه و ما عندكم مساحه للاختلاف مع أي زول .
-المشكله يا ثروت في موضوع الشتايم و الإساءات و فهمك لأدب خالد و ترفعو عن إساءتكم إنو تمثيل و مسكنه و إدعاء ، مش في الشتايم و الإساءات في حد ذاتها ‎- ما أي زول شغال سياسه عارف إنو معرض لأشياء أقلها الشتايم و الإساءات ‎- المشكله يا ثروت في إنو القصه دي بتورى إنو دمقراطيتكم دي حنك ساي ، لانو ألف باء دمقراطيه إنك تعترف بالاخر المختلف و حقه في الاختلاف عنك !
- ياخي أنا اللي متفق معاك في وجهه نظرك ، خايف من اليوم البتمسكو فيو البلد دي ، لانو اليوم البختلف معاكم إنت و عادل ما بيصبح علي صباح ، أخير لي بتعين الطائفيه ديل عندهم tolerance للزول المختلف معاهم !
-ما رديت علي كلام بخيتة المهدي و عبد الرحمن فرح لانو الموضوع بالنسبه لي حسي بقي أكبر من موضوع التعويضات ، يا ثروت أكان دي الطريقه البتحاربو بيها الطائفيه ، ياها الطائفيه الحاكمانا بعد الكيزان ديل للميه سنه الجايه !