الا تؤكـــد هــذه الجريمــــة ان البـــلاد كلهـــا فـي حاجـــة الـي قـــوات دوليـــــة؟؟؟

Quote: الاخ عمر علي سلامات اتفق معك في الكثير الحقيقه ( البتغيظ) انه انا معارف انفعال الانقايين ده كله عشان شنو، واعتقد انهم فعلا خايفيين من المحاكمات الدوليه. الاغرب من ده كله، ربما تذكر ويذكر الكثيرون انه في عام 1998 طالب المفكر الافريقي الاشهر البرفسير علي مزروعي في مقال مشهور كتبه في الانترناشونال هيرالد تربيون ( باعادة استعمار افريقيا) وليس تدخل الامم المتحده، والي هنا وهذا الامر قد يبدوا مستغربا، لكن المامفهوم انه جماعة الانقاذ دعوا الراجل السنه الفاتت وهاك ياندوات ومقابلات ومحاضرات الخ... لا ادري لماذا لم يقولوا انه خائن وانه يدعوا لاستعمار افريقيا ولا ادري لماذا يخونون السودانيين عندما تاتي دعوه اقل من دعوته تطالب بتدخل الامم المتحده لحماية ارواح المواطنيين!!! بستمعوا لدعاة الاستعمار والخونه ليه ما تعرف! عايزين يعرفوا منهم شنوا ما تعرف ! الان التدخل جاييهم تحت علم الامم المتحده، وهذه افضل بكثير من الاستعمار الدعي ليه مزروعي، لكن ما اعلمه انهم لورفضوا الامم المتحده حا يجوهم الامريكان بعلمهم عديل ... وافتكر احسن ليهم الامم المتحده من الامريكان، من الخطاء الكبير ان يعتقدوا انه يمكن ( يخوفوا) الامم المتحده بالعياط البعملوا فيه ده.. ما يحدث في السودان يستحق فعلا تدخل الامم المتحده وبصوره عاجله.. والله ( موت الضان) البحصل في شارع مدني براه كفايه للمطالبه بتدخل الامم المتحده خليلك من دارفور وغيرها. السودان حقيقة وبعد خروج البريطانيين اصلا ماكانت فيه دوله.. كان في نوع من الهرجله المنظمه.. والان وصل الامر الي فوضي عارمه واصبح قتل المواطنيين بجهاز الامن ممارسه عاديه لا يرتد لها طرف الحاكمين.. وبعدين يا اخي نحن جربنا كل الاحزاب الموجوده في السودان واثبتت فشلها.. لذلك هنالك حوجه لدخول الامم المتحده لحفظ النظام.. حتي يتاح للسودانيين وقت مناسب يقعدوا يتفقوا فيه لادارة حياتهم... في غير ذلك سيستمر مسلسل القتل.. والذبح ... اشكرك علي هذا البوست الجيد