|
|
 ملائكــــة فى المـــنبر ،،،
|
..
.
والله بصراحة الناس الخاتين صور وليداتهم فى المنبر ديل
بهيجو اشجاني .. بالجد بكون اشتاق اصاحب وليداتهم ديل ..
عندى عشق ..
لجمال الطفولة قبل الفطام وبعد الفطام ..
اها بس جاتني فكرة الملم الشفع ديل عندى هنا وافتح روضة ..
بس الابلة لازم تكون نادية عثمان .. عارفين السبب ..!!
نبدأ ..
جنية بنت جني وهى تقف امام احد استديوهات مركز الشرق الاوسط
بشارع فلسطين ..
عليكم الله ما جنية عسل ..
ربنا يحفظها ويغطيها من شياطن الانس والجن
|
|
 
|
|
|
|
|
|
|
 Re: ملائكــــة فى المـــنبر ،،، (Re: Tabaldina)
|
تبلدينا اخوي
مسكاقمي
دايما طلعاتك رهيبة ولذيذة وممتعة
بس المجنني
جني عنده بنت حلوه وامورة بالشكل دا
انا متخيل جني مكرضم كدا واهل عوض
صحيح ممكن يطلع من الفسيخ شربات
جني
يا جني منو
ولدي محمد شاف الصورة
وقال عايز يجكس
من حسع محجوزة
واوعك تعطونا شاكوش
شكرا لك يا تبلدينا
| |
|
|
|
|
|
|
|
|
 Re: ملائكــــة فى المـــنبر ،،، (Re: Tabaldina)
|
..
.
Quote: بدون صورة يا تبلدينا....
مــلاك الامــين.... |
عليك الله جيب لينا صورة ملاك دى ..
وهى أكيد رحمه .. علينا
Quote: عيني عليك باردة،، خفت اقول بسم الله
القى الصورة وجـني مافي.. |
الصورة بتلقاها فى .. لكن جنى بطفش من المنبر شهر ..
بالمناسبة خايف يا وليد 399 يجى (واحد) طاير هنا
ويفتكر ديل اطفال انابيب .. هؤلاء الملائكة من ارحام
امهاتهم فهذه التكنلوجيا لم تصلنا هنا ..
عندى ليك نكته واقعية بخصوص .. التكنلوجيا التى لم تصلنا هنا ..
تحياتي ،،
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
الاخ الكريم تبلدينا
| Quote: عبدالرحمن واخوه ولا ما كدا يا عصام الدين عبدالرحمن.. |
لا والله جلت يا تبلدينا ، انها :
النذير و اخيه أحمد عصام الدين عبدالرحمن ، وفي انتظار قدوم فارس آخر ان شاء الله منتصف ديسمبر القادم .
Quote: وعشان البراعم ديل خفف على البروف شوية ،،،
واعتبرها خوه لله ،،،
وعفى الله عما سلف .. دا نظام واسطة بينى وبينك .. |
تعرف يا تبلدينا لو ما البراعم ديل الدنيا دي غايتو شكلها بيكون قبيح خلاص ، تعرف مرات امل من المسافة في طريق العودة للبيت من الشغل بالرغم من انها 40 دقيقة ، لانو بكون خايف ارجع و القاهم نامو من غير ان اداعبهم .
البروف انا ما عندي معاه مشكلة علي الاطلاق ، و ما حصل شاكلت لي زول في المنبر ده عشان وجهة نظره ، لكن لما دور مع الجماعة و جيت انا في النص احتمال في توقيت غير مناسب ، و الجمهور بكورك دجانقو افرز دجانقو افرز ، البروف راح طوالي ملصق لي بالتقيل حتي من غير انذار او لفت نظر او تهديد او اي حاجة ، فما كان عندي حل ، كتب علي القتال وهو كره لي ، فكان لازم ارد الاعتداء ، و بالرغم من اني الذي وقع عليه الظلم والله بتنابز معاه و جواي ما في اي غل تجاهه ، حتي اكتر من مرة قلت ليه لو بطلت السباب في ردودك انا بتوقف ، و من الليلة انا ما ح اتعرض ليه الا اذا اخطأ في حقي ، وواسطتك مقبولة و حباب الخوة في الله سبحانه و تعالي .
كده نرجع لموضوع الوليدات ، انت يا اخوي حقينك وينم ؟ ولا لسع شايلهم بين الصلب و الترائب ؟
البوست عجبني لخفة دمه
وحتما سأعود ان شاء الله
| |
|
|
|
|
|
|
|
|
|
Re: ملائكــــة فى المـــنبر ،،، (Re: سجيمان)
|
أخ سجيمان والله انت اكتر واحد عسسسسسسسسسسسسسل فى الموقع ده وطريقه كلامك بالجد بتكيفنى شديد مع اعتزارى لبقيه الزملاء فى المواقع لكن بالجد طريقه كلامك مباااااااالغه
| |
|
|
|
|
|
|
|
|
 Re: ملائكــــة فى المـــنبر ،،، (Re: صديق الموج)
|
..
.
| Quote: نحن ما بندى بناتنا للناطقين بغيرها.وهذا للعلم فقط |
عارف يا صديق الموج انا هنا بنعلمهم لغات ولهجات عديل
انت داير ياتو لغة فى فرنساوى وانجليزي وطليانى
وعندنا لهجة دنكاوية ورطانة دنقلاوية وكلام بقرنيس بتعرفهم
غير ونسة اهل العوض وناس البحر.
اها كلامك شنو؟؟
ما كمل ليك فى صوفاتك ديل ..
يا عمو حمزاوي بطل حركات وجيب صورة ولدك ..
جنية دى زولة رقيقة وسنستف اوى ..
ولازم تقعد مع الولد وتتفاكر ..
| |
|
|
|
|
|
|
|
|
|
Re: ملائكــــة فى المـــنبر ،،، (Re: صديق الموج)
|
الموج العالي .. صورة ( الجغبوره ) بالله .. عشان تفحم الناس دي - وايه حكاية الناطقين بها دي كمان ؟.. ان شا الله يا صديق من هنا ولي قدام يلاقو ليك الويكه و ....................................
الحب لك يا رائع
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
..
.
سلام يا عمو حمــزاوي ،،،
والله حلوة تبلدينا مستغانمي
معقولة بس تقارني بالزولة الرايعة دى ..
شوف هى ووين وانحنا ووين !!؟؟
شن لما الرقة للكلام الدراب .. بس الحنية كاتلاني ساي ..
بالمناسبة فى ناس بسالو عليك وقالو انت فى الخرطوم ومقاطعهم
وانا شخصياً بسال اين اراضيك !!
بعدين خليك واضح وجيب صورة ولدك هنا .. وورينا مؤهلاته شنو!!؟؟
انت قايل بناتنا لعبة .. الزولة دى عندها 1500 عم و500 عمة ...
يا وليد 400-1 وينك ..
جيتك بخصوص التكنلوجيا اللسه ما وصلتنا هنا ..
طبعاً اخوك ليهو شهر متحسس من مسألة الفسيوجكال جيك ..
وشغال ليك جيكات تقيلة مره عند الحلاق لو شفت لى اى صوفاية مسبسبة طايرة
بقول ليهو تراجي قالت يخلو سبورت وزى المارينز وابقي ستايل ..
لو جاتني قحة ببلع انتى بايوتك 500 ملجرام ..
المهم شوفت ليك فى خدشة صغيرة فى النضارة قلت الله وحاتك لازم لوكنغ قلاص جيك
وجرى لمركز تارا فى شارع القصر .. دخلت قلت ليهم عايز اعمل جيك للنظر والنظارة
قالو لى جدا .. ادخل على الدكتورة بتشيك على النظر ..
دخلت ليك وعينك ما تشوف الا النور .. دكتورة حلاااوة لكوم بس ..
زولة مسمسه واباوت 25 سنة كدا ..
والقوام اللادن والحشا البروم .. المهم كلام عجيب
وشبكتنى اقعد بهنا ..وعاين للجهاز دا ...اوزن دقنك تحت المنظار ..
طبعا معدات حديثة بس فى جهاز كدا شفته فى دبي ما لقيتو ..
قلت ليها: والله يا جميل ..
طوالى ردت بلهجة صارمة تحمل العتاب الظاهرى والرضا الداخلي
نعم !!!؟؟
طبعا استدركت قلت ليها والله يا دكتورة فى تكنلوجيا متطورة ليه ما تستعينى بيها ..
قالت لي ان شاء الله قريب طبعاً بعد ما عملت فيها ابوعرام فى الجهاز ..
الشفتو زمااااااااان
المهم كشفت وعملت الجيك ومسكت القلم باناملها الرقيقة وكتبت مقاس النظر فى الكرت ..
واخوك يتابعها بنظرات دقيقة وهى ترسم مقياسي على الورق ..
وبدون مناسبة قلت ليها يادكتورة انتو ما بتكبو رقم موبايلكم فى الكرت ليه !!؟؟
فرفعت راسها وبابتسامة تذوب نظارتي القديمة ردت بهدوء :
والله التكنلوجيا دى ما وصلتنا هنا لسه يا صالح ..
هيغ .. هيغ .. هيغ .. شفت الكباب دا كيف !!؟؟
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
..
.
محمود عادل فضل المولي
والله يا حودة شيخ عرب من حسع ..
يا زول انت خليت لهاشم نوريت شنو !!؟؟
هيع .. ادروب جد .. بس ناقصك سيف ..
ربنا يحفظك ويغطيك من كل شر ،،،
الناس الخلت الروضة ..
ومكنكشين فى الابلة ديل جايهم
هو انا عملتها ابلة .. ليكم وللوليداتكم
غايتو كبابكم حرق عديل كدا ..
يا ابلة عوووووك .. الحقى المايكروويف ،،،
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
يا تبلدينا
ألف شكر لك بالنيابة عن اطفال روضتك الجديدة
وكمان الشكر للأبلة
...
وتصدق نقلت دعواتك لي محمود
وقلت ليهو قول تبلدينا
قال: تبدينا
بعد محاولتين نجح في نطق الاسم بصورة واضحة وسليمة
قلت ليهو بيسلم عليك ..
قال لي : انا
قلت ليهو نعم
ضحك وقال لي تبلدينا ..عمو..؟
قلت ليهو : نعم
ضحك مرة أخرى
وقال لي أنا بحبـــــــــــــــــو..
ضحكت طبعاً من المحبة الجات نازلة عليك
يا صالح من السماء
... والله بختك بالجد
خلاص كل سكة مقفولة ستنفتح لك
(جيب البياض) ...يلا
ومبروك عليك الروضة وأولاد الروضة وغفير الروضة...والأبلة... إن وافقت!!!
تخريمة
شايف الأولاد كترو
نعمل معاها أساس..؟
| |
|
|
|
|
|
|
|
|
 Re: ملائكــــة فى المـــنبر ،،، (Re: عادل فضل المولى)
|
..
.
| Quote: ومبروك عليك الروضة وأولاد الروضة وغفير الروضة...والأبلة... إن وافقت!!! |
الله يبارك فيك بس موافقة الأبلة دا الكلام البجنن زوزو زاتو
الابلة دا الا ننتظر فك التسجيلات .. سورى لى انا وسجيمان زاتو
وكل اولياء الأمور .. بس أنا متأكد الشفع ديل حيحبوها من اول نظرة
ومال انحنا اخترناها من فراغ
Quote: شايف الأولاد كترو
نعمل معاها أساس..؟ |
تم أعتماد مرحلة الأساس فى المنشور ادناه ..
والله يا عادل ما قصرت تّب الخليتو ينطق تبلدينا ..وكمان معاها عمو
جيبوا تعال بودى ليك البحر ..
وقول ليهو عم بحبك و دا بياضنا هنا
طبعاً للاسف لا توجد حديقة حيوان ولا ملاهي تذكر
منتزه المقرن حالتو تعبانه وشوية طوطحانيات فى بعض الحدائق.
يا ربي ما تحرم بيت من الأطفال
| |
|
|
|
|
|
|
|
|
|
Re: ملائكــــة فى المـــنبر ،،، (Re: ودقاسم)
|
..
.
| Quote: في الروضة أنا بشتغل بواب عشان الشفع ديل ما يمرقوا في الشارع ... |
يا خال قشة ما تعتر ليك ...
بس والله انا خايفك تحرس الأبلة وتخلى وليدات الناس .. 
يتجاروا فى شارعنا المليان ركشات وبلدوزرات دا ..
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
..
.
Quote: آآآآآآآآآآآآآآآآآخ
سدلوني معاتم
الطفل\ سديمان |
اعمل حسابك .. الابلة فى راسك
شنو يا دوك ما قلت نواكشوط نسوان زى البط
قلبت على الأستايل .. والخدود الوردي .. الشتلوها جوه قلبي ..
ناصر البطل ..
| Quote: و كمان كان لقيت لى فرقه انا زاتى ما بقول لا |
يا كافي البلاء يا حايد المحن
دى بقت روضة .. ولا فسيوجكال انستتيوت ..
غايتو منكم جفلة .. بقيتو بكايين خلاااص ..
مع الإعتزاز لابلتنا الرقيقة الرائعة ،،،
دا اطفال شواطين الله يقدرك عليهم ...
واتحمل البرودة .. فى مستودع التلج دا ..
| |
|
|
|
|
|
|
|
|
|
Re: ملائكــــة فى المـــنبر ،،، (Re: WadAker)
|
..
.
حححححححي أنا..
من العسسل الوية بت عكر ..
لبستها امها اللون الاحمر الخطر ..
والشعيرات اربع ببكل زى الزهر ..
تصارع ابوها وترمي عشرين بطل ..
كن قربتو منها تشرشر فيكم البول مطر ..
عمها يقول فيها شعر ولوحبت يكتب ليها نثر ..
| |
|
|
|
|
|
|
|
|
|
Re: ملائكــــة فى المـــنبر ،،، (Re: نهال كرار)
|
..
.
| Quote: أها ميساء كرار قالت برضو عاوزة تخش الروضة دي مادام الأبلة نادية |
الابلة نادية والابل تبلدينا .. مالو تعبان ويعين ويحنس ..
اهلاً بميساء .. البت الهادية الرزينة ..
ولا المره دى برضو جلت ..
وتكون مشاغبة وظلامية زى السجلوها هنا ديل ..
بعدين ابلة نونو ما بتاعت مشاكل .. الكلام فى الأبل ..
عليها رسوم مرحلة الأساس .. شيكم بدخل الصباح .. دا تحذير
تحياتي ،،
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
و أنا مكين .. طفل من دارفور
أقيم بمعسكر للاجئين شرق دولة تشاد .. قتل أبي و أغتصبت أمي و أحرق بيتنا و باقي قريتنا و لا أدري أين بقية أخوتي و أخواتي ... و كما ترون فأنا لست نظيفاً مثلكم وثيابي متسخة لأنني أرتدي كل ما أملك من ملابس .. ليس لي لعب مثلكم و لكن رمل دارفور يكفيني فمنه خرجت و عليه ألتصقت بصمات طفولتي و إليه سأعود لأتدثر به مع أبي .. أرغب في التسجيل في روضتكم حتي أتعرف بالأطفال و أعرفهم من أنا فهل من مجيب؟
مكين
| |
|
|
|
|
|
|
|
|
|
Re: ملائكــــة فى المـــنبر ،،، (Re: elsawi)
|
..
.
سلام يا عمو الصاوى ،،
وحباب مكين ،،،
أنحنا فى روضتنا دى اولاد الهامش ديل ليهم اولوية وخصوصاً وليداتنا من دارفور
ومحتاجين لرعاية خاصة واهتمام ولازم نعين باحثة اجتماعية وباحث نفساني عشان نوفر ليهم
الظروف النفسية بعد سنوات من القهر والخوف والجوع ..وكل متوفر فى القريب بأذن الله
بس قول يا رب يا قاهر يا قوى ..
وبالمناسبة انحنا عندنا ركن الرمال دا بس عشان الوليدات اللابسين الجزمة والشراب
يلعبو بالتراب خصوصاً حناكيش الوسط ..
وعشان يحسوا انهم واحد مافي ود غرب ولا ود بحر
آها قلت شنو !!
سؤال عرضي :
بالمناسبة جلسة الإدارة الاهلية ( الونسة )
فى موقع ( حكومة القرية ) villages government
فى اى بقعة من وطنا الحبيب !!؟؟
وانت دورك شنو!! فى الموقع دا !!؟؟
تحياتي ،،
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
ألف شكر يا Tabaldina علي قبول مكين في روضتكم ونحلم معكم بتحويل كل ربوع بلادنا الي رياض.
بالنسبة لسؤآلك عن ال villages government فهذا الموقع يخص صديقي وأخي صديق إسماعيل أبو قرجة والذي أذن لي مشكورا بتحميل صوري عليه وليس لي أي دور فيه. بالمناسبة لقد أنشأ صديق هذا الموقع كجزء من عمل أكاديمي في مجال الكمبيوتر وليس له علاقة بالإدارة الأهلية أو السياسة عموما.
ولك شكري مجددا.
الصاوي
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
اخوي تبلدينا
مسكاقمي
بالمناسبة فى ناس بسالو عليك وقالو انت فى الخرطوم ومقاطعهم
معقول اكون في الخرطوم واقاطعكم
انا في الرياض
ونسأل الله ان يجمعنا في الخرطوم
قريباً
تحياتي لمن سأل عني ولكم وللجميع
| |
|
|
|
|
|
|
|
|
|
Re: ملائكــــة فى المـــنبر ،،، (Re: Habib_bldo)
|
..
.
حبيب بلدو ،،،
ازيك وليك طوله
تعال راجع بسرعة ولييداتك ديل راسهم قووووى
ابو يدخلو الروضة .. الا تنادى عمو معتصم ولا عمو تمبس
يخوفهم بالقوة ..
او انا ارجع لدكتورتنا بتاعت التكنلوجيا الما وصلت هنا ..
| |
|
|
|
|
|
|
|
|
|
Re: ملائكــــة فى المـــنبر ،،، (Re: المسافر)
|
..
.
المسافر ،،،
اولاً ما شاء الله .. كويس فتحنا قسم الأساس
تتصور الزمن دا كلو قايلك لسه فى الحضانة ,, قصدى وليداتك
ولانك سجلتهم فى مدارسنا دى لازم نعمل ليكم تخفيض لانو الاساس عندهم رسوم
لكن الروضة مجانية .. بس عليك الله ما تعادى الوليدات بالجينات الوراثية وصلعتك
البتنزل طيارة وارد الفاشر ديك !!
تاني شئ اسم عنان وعناب ..
روعة بالجد والله شفيتو من ووين !!؟؟
تتصور انا مضطر اسمي حازم وأحمد .. انا ما عارف سمااح الاسماء دا شنو!!
بس الله قادر .. محمد معانا ما تغشا البوست دا ..
تالت هام تم تعين ام عنان أبلة تشرف على اجراءات التسليم والتسلم
غايتو ما عندك طريقة تخش لجووووووووه ..
ربنا يحفظهم جميعاً ويغطيهم وعقبال ما تقبض الهلل منهم
وتزف عنان لعنان السماء بيت عدلها ..
| |
|
|
|
|
|
|
|
|
|
Re: ملائكــــة فى المـــنبر ،،، (Re: WadAker)
|
..
.
يا خلق الله ..
حماده عباس دا جانا متين !!؟؟
من امبارح قال ما داخل الروضة ..
البركة فيك يا عمو ودعكر .. الاقنعتو ..
والله امبارح بتفرج مع بنياتي فى مسلسل ميشيل البنية الامريكية
الشقية ديك وقال كدا وودوها الحضانة وامشى هبشي قفص العصفور دايف
وقام طاااار .. البنية ما جننت ابوها واعمامها جن لمن جابو بغبان تاني اسمو سامى
شوف الله ببغاواتهم اسمهم دايف وسامي ..
والله كن قدرت مع ابلة نونو طلعت ليكم وليداتكم لطيعين وفصيحين زيها
الا وطاتكم خربت ونهاركم تاني ما بصبح
ودعكر ..
عليك الله اقنع لي جيوفاني بتاع الكاريبي دا يجي
دا ود خالي لكن راسو حجر بس .. كدى حاااول عشان ابوه ينبسط ..
| |
|
|
|
|
|
|
|
|
 Re: ملائكــــة فى المـــنبر ،،، (Re: Tabaldina)
|
..
.
ولد محى الدين ابكر سليمان ،،،
على بالطلاق .. الوليد دا ماشاء الله عليهو
فرفرتو دا وكريعاتو الرافعن ديل شكلو مشاغب وهباش
ومكره امو الليل زاتو ..
نــــــــــــــــــداء عاجل :
يا تمبس بالله بسرعة حل لى مشكلة ود خالى أدم العشا (جيوفاني )
وود عباس دا .. حمل الصور وصغرها لو سمحت
شــكر وإمتنان :
شكر لك ما تقدم وسجل اطفاله وووليداتو فى الروضة دى
حقيقة نسبة للاقبال الشديد قرننا ان تكون مجانية
ولان السيرفر عندنا هنا ضعيف ما قادر ادخل تعقيبات بس العام الدراسي للحضانة طووويل
بس اهم حاجة تجيبوا البامبرز للصغار وما تنسو العصاير والسندوتشات
الابلة بتدرس امكانية فتح قسم اساس مع الروضة هنا ..
تحياتي لاحبائي الصغار
وابهاتم وامهاتم ..
يوم الأسرة قريب
| |
|
|
|
|
|
|
|
|
|
Re: ملائكــــة فى المـــنبر ،،، (Re: tmbis)
|
..
.
| Quote: اها غايتو اعتمدوني معاكم في الروضة ( سقاي شجر ) |
والله الظاهر حنعمل مجلس اباء قريب
وكمان مجلس امهات ..
شكراً باصيت ليى جيوفاني تلقى ابوهو اساريرو انفرجت فى بروكلين
انت غايتو ما عليك حرج نعينك مصوراتي قصدى مصغراتي صور ..
الكلام على الابهات الديرين يسكنو فى الروضة !!
| |
|
|
|
|
|
|
|
|
|
Re: ملائكــــة فى المـــنبر ،،، (Re: ناذر محمد الخليفة)
|
..
.
يا ناذر ..
يخلق من الشبة اربعين خصوصاً التخرج
وولدك دا امو سيردفي ولا هيما مالين ..!!
انت فتش امو بعدين تعال سجلو هنا ..
| Quote: سجلو في أساس عند عمو الموج وفجأة كدي سجلني أنا مع أبلة نادية |
والله الأبلة دا حطفشوا لينا .. كن ما طالبت بزيادة
وبدل غزل..
ياخى أتصل على الأن ضروري ،،،
جهجهتنا ..
معليش يل جماعة دا قرار إداري مستعجل ..
| |
|
|
|
|
|
|
|
|
|
Re: ملائكــــة فى المـــنبر ،،، (Re: WadAker)
|
..
.
Quote: الشافع ده مولود متخرج ... طفل انابيب والا شنو؟
معليش يا تبلديناعلى التخريمة/المدماك |
قاتلة والله يا ود عكر .. دا مش طفل انابيب سااى
وكمان بتنطط من ركن لحوش .. قطع نفس الأبلة ..
بالمناسبة يا ناذر ،،
الأبلة دى ان شاء الله عوافي .. كم يوم مسجلة غياب
اعتقد بحجم الروضة والحضانة ومرحلة الأساس نشوف لينا
تاني ابلتين كدا .. اى مقترحات !!؟؟
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
تبلدينا
وينك ياراجل مدة طويلة ما شفناك
والبورد رائع ولفتة بارعة منك د
وتقبل تحيات ايلاف و شقيقتها اسراء
وبالمناسبة الصورة دي قديمة شوية
و مبروك افتتاح الروضة
صلاح غريبة - لازلت صايع بالقاهرة
| |
|
|
|
|
|
|
|
|
|
Re: ملائكــــة فى المـــنبر ،،، (Re: ghariba)
|
الأخت نجود
تحية لك
أدخلي في بوست عادل فايد (أطلب المساعدة)
في جماعة شروحه بصورة جميلة
المهم تعطي الصورة اسم انجليزي على المكتب أو المستندات لديك
تضغطي على تحميل الصورة الظاهر أعلاه في البورد
تضغطي على برويز
ثم تحميل الصورة
بعد ما يظهر ليك نجاح أكتبي الإسم عند في ورقة خارجية أو بواسطة نسخ
في المكان الذي تريدين وضع المداخلة بعد ما تضغطي على (reply)
أفتحي مربع (image )
وأنقلي الآتي
www.sudanhosting.com/cgi-bin/bandwidth.pl?type=pic&name=eee
في محل (eee ) ضعي اسم الصورة لو كان نسختيه من قبل أو مكتوب في ورقة خارجية
يعني داخل المربع أنقلي الرابط المكتوب الموضح أعلاه بالأزرق دبليو دبليو دبليو ...إلخ
أضغطي على أوكي يظهر ليك الرابط بين أقواس
وأعملي تجربة بريفيو
تجدي الصورة ظهرت
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
..
.
يا أبو السارا ..
شنو جبت الوليد هنا ولا اديتنا تفاصيل ولا اى حاجة
على العموم هو على العين والرأس والأبلة ما بتقصر ..
بس الاسم لزوم التسجيل والاجراءات ما يجى واحد يلفحه
وربنا يحفظه لمن تشوفه فى بيت العدل ..
قول أمين ،،
تنبية إداري :
يا المحارب والله انا صورك دى ما شايفها ..
يا ربي نرجع للدكتورة نعمل أيز جيك ولا كيف ...
يا تامبا ياخى ما تساعدونا بالدفرة .. عالم غتيته بشكل
| |
|
|
|
|
|
|
|
|
|
Re: ملائكــــة فى المـــنبر ،،، (Re: محارب)
|
..
.
أخيراً يا محارب ..
حمدالله على السلامة ،، شايفك رحت من عنوان روضتنا
لكن جوان بنيتك ما بتتمسك الا نجيبوا خالتو شاينغ تلعبها وتسكتها لينا
ما كلها اسما خواجات ..
واهم حاجة البزازة وماء غريب البنية بتسنن ولا شنو !!؟؟
بكاها دا ما عااادى ..
ويبدو ان اكلك كلو دليفري سيرفس بيتزا وكدا ..
بخت امها المطبخ بقي ليها بعيددددددددد
| Quote: عشان كدة حاجي معاها الروضة ؟؟؟؟ |
حتى أنت يا بروتس .. !!
اها قررنا لائحة جديدة يتم تسليم الاطفال من الباب عند الغفير ود قاسم وام عنان
قال جاي الروضة دا كلو عشان جوان !! هى هى هى هى هى
شــحدة عابرة :
يا المحارب عليك الله المساند بتاعتكم السمحة دى ( ماشاء الله )
ما ترسل لي ست .. ام البنية بتاعتى اللسه بنأسس ليها قالت
لازم يجدعو ليها كم مسند كدا
فى الهول وماستر ررووم .. ممكن!!? شاور ام جوان ورسل ايميل انا جااادى
شحاد دخل الروضة ،،،
| |
|
|
|
|
|
|
|
|
|
Re: ملائكــــة فى المـــنبر ،،، (Re: محارب)
|
Quote: بس طبعا البنية صغيرة ودايرة مرافق معاها
عشان كدة حاجي معاه الروضة ؟؟؟؟ |
محارب اخوى :
بطل استهبال مرافق قال انت قايلا ماشة عمرة
البنية فى يد امينة ماتخاف عليها.
ربنا احفظم
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
فعلاً ملائكة ..
ربنا يحفظهم ويرعاهم ..
شغلك جميل يا تنقا ..
عقبال ما نشوف أولادك يا حبيب ..
كتر التلج ولا أقول ليك خزن منو قدر ما الله يديك ..
بدينا العد التنازلي ..
شوية كده وتلقانا متلبين بي هناك ..
| |
|
|
|
|
|
|
|
|
|
Re: ملائكــــة فى المـــنبر ،،، (Re: معتصم دفع الله)
|
..
.
انتَ الأجمل يا أبو الدفاع ..
وجمعاً كدا ..
بس أخوك خلاااص فى اللمسات الأخيرة ..
ليكم الله وعيشة الغربة ..
والله احر من العزوبية فى السعودية يطرشنى ..
وان شاء الله اشوف اولادك فى روضة الملائكة والجامعات ..
والله منتظرنك على احر من الجمر ...
كنت اود ان نلتقى>>
انت
ودومه ..
والجندرية ..
ودكين ..
ولكن للناس ظروف الاجازات ..
دوماً لك الود وموقع صغارك محجوز ،،
| |
|
|
|
|
|
|
|
|
|
Re: ملائكــــة فى المـــنبر ،،، (Re: Tabaldina)
|
Quote:
أمرت الابلة بطر الولد ده
لانه مشاغب
وبكااااااااى
|
ود عقيد
الله يجازى شيطانك ياخى
حبيبنا تبلدينا
يا سلام عليك ياخى
حقيقى لفتة بارعه فهؤلاء لا يشاركون فى الكتابة ولا يدلون بارائهم مع انهم السبب الحقيقى لنا لكى نتغرب ونتعب ونكتب ونكافح فى هذه الحياة ولولاهم لكان حالنا عجبا
الفكرة جميلة جدا ما اسلف الاخوان وبالمناسبة دى ادعو الجميع لانزال صور ابناءهم
هذا البوست من عدن ؟؟؟؟
| |
|
|
|
|
|
|
|
|
|
Re: ملائكــــة فى المـــنبر ،،، (Re: قرشـــو)
|
العزيز / تبلدينا
ولا اقول ليك .. الرائع / صالح
سلامــــــــــــــات
المدينة العروس الايام دي في كامل زينتها
ومافي تحت تبلدية فاضي .... كلو مليان
و الجماعة واقعين في (الاقاشي)و(العفوس)
اكل شديد... والظاهر (العفوس) ماحيخلي
للتبلدي ضــــل .
*************************************
رايك شنو في الملاك (الفقع) يادوب....
برضــــــو منتظر زيارتك بالكاش او بالاقساط
جمال حسين
| |
|
|
|
|
|
|
|
|
|
Re: ملائكــــة فى المـــنبر ،،، (Re: سجيمان)
|
| Quote: اها سفتو؟؟؟؟....زي دا البي يحليني احرد اللودة...... حسي ادوم ابتي انا وبدل الابلة ما تسيلني وتستتني.. تسيلو هو........انا ديبيل دتتا... حناتيس ما معانا...... |
لووووووووووووووووووووووول ثم لوووووووووووووووووول ثم لووووووووووول
ياسدومي
بالانابه عن براءه الحنكوسه
| |
|
|
|
|
|
|
|
|
 Re: ملائكــــة فى المـــنبر ،،، (Re: gamal elsadig)
|
..
.
ود حلتنا ،،،
ويا حليل رمال حلتنا ،،
والله يا جيمي قالو ليك جنس رحلات وجنس شيات واقاشي
دخاخينهم حفرة دخان بس ..
العفوس دا ناس البحر ما بعرفو الا تشرحوا ليهم بالفول المزلوط ..
الا النقول ليك وليد دا يادوب فقعوا دى فى مرحلة 10 رضعات فى اليوم
نعين امو ابلة ولا كيف !!؟؟
بمناسبة الأقساط .. هايس ابوسفه سكند هاند مافى !!؟؟
تحياتى والله بمرك بس ادينا صنه ..
الود للابيض ورمالها .. وللاسرة ،،،
| |
|
|
|
|
|
|
|
|
 Re: ملائكــــة فى المـــنبر ،،، (Re: Frankly)
|
..
.
فرانكلي ..
يا دفعة شغلك نضيف ..
بس ما تقنعنى انك زى رئيس مجلس الادارة ..
فاتح روضة ..
وعشمااان بالملائكة ،،،
شكراً ليك نيابة عن مجلس الادارة والاباء والخال ادم ابوجيوفاني ..
عليك الله ما تفتو لى فى اسم جيوفاني دا !!
قال شنو امريكاني لاتينى !!
دى حركات المهاجرين البترفع ضغطي ..
معليش يا خال شوته ضفارية ..
وحليل مريخ كادقلي
| |
|
|
|
|
|
|
| |
waleedi399
سجيمان
صديق الموج
Emad Abdulla
nasiradin
عادل فضل المولى
ودقاسم
Adam D.El-Asha
عماد شمت
Frankly
elsawi
Mohamed E. Seliaman
Habib_bldo
اشرف السر
abas
المسافر
عبدالرحمن عبدالله أبوشيبة
tmbis
Abdulla Ageed
ناذر محمد الخليفة
ghariba
Haytham Abdulaziz
altahir_2
معتصم دفع الله
قرشـــو
gamal elsadig
زول ساكت
فيس بوك
تويتر
انستقرام
يوتيوب
بنتيريست