|
Re: لكن ما بالغت يا الحبيب الإمام !!! (Re: Tabaldina)
|
Quote: خوووووووود دا شنو يا جورج بن بوك آل الدينق نحنا موش بقينا عسل على سمن واسع انا بتعلم في عربي جوبا ولغة الدينكا بعد 21 سنة من لوية اللسان بكلام الدناقلة وقلت خلاص غيرنا باب الخباء تجي انت تقلب لي ظهر المجن جيت تقول على جلابة واسع خطبة الرزيركشن تفك ارجع ظلامية.. وكوزة وشينة.. هاااااااااك الشاكوش دا |
بيان.
كمان نكرتي جلابيتك؟
دينق.
| |
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
Quote: و السؤال للمهندس بكرى أبوبكر المحترم : هل تجيز لوائح المنبر للأعضاء تناول المناسبات الخاصة للقيادات الوطنية أو غيرها بطريقة مشوهة و مسيئة ؟؟ هذا فى رائ ما فعله العضو تبلدينا وأمل أن يحاسبه المنبر و إلا فالنيل من عرض الإمام سيدفع عنه بشكل لايق . |
الحبيب عبد المنعم
بالعكس البوست ده كويس جدا عشان بكشف تهافت المتفرغة والخوارج
تاني في شنو الزول في خصوصياتو متدخلين عشان ينالو منو و.. بعدهم
بس المشكلة انو صاحب البوست حتى فارغتو ما قدر ينجضا
| |
|
|
|
|
|
|
Re: لكن ما بالغت يا الحبيب الإمام !!! (Re: د.أحمد الحسين)
|
Quote: اها حزب الصادق المليوني الواقعي الما اسفيري عمل شنو في كل تاريخو للسودان ؟؟ |
اعتقد انهم حرروا السودان سابقا من الاتراك... وساهموا و حرروا السودان من الاستعمار الثاني الانجليزي...
و قادوا النضال ضد كل الانظمة العسكرية التي سقطت... و التي الي طريقها للسقوط
| |
|
|
|
|
|
|
Re: لكن ما بالغت يا الحبيب الإمام !!! (Re: محمد عبدالرحمن)
|
الاخ محمد عبد الرحمن
تحية طيبة ..
يا اخي لم أقرأ ما كتبه الاخ تبلدينا عن المظاهرات ولو قرأته لما وافقته عليه؛ كما لا اوافقكم اليوم على التبرير الاعمي لموقف الصادق المهدي الذي اتضح انه منعدم فيه الحس بالاخرين تماما ..
يا اخي انا قلت ان الموضوع هنا هو نموذج بسيط فقط - مضحك مبك - لشحصية هذا الرجل؛ وشخصية الانسان تظهر في الامور الصغيرة ناهيك عن الامور الكبيرة؛ وهنا يبدو ان نرجسية الرجل وحبه للكلام والتنظير دون مراعاة الظرف والزمن والناس قد ملكته ؛ ويا اخي معروف ضعف الصادق تجاه الكلام او ما اسماه دينق بالثرثرة؛ فما بالك بانسان لا يستطيع ان يكبح جماح هواه وشهوته - في الكلام - في مناسبة كهذه؛ ان يريد لنا البعض ان يحكم السودان ؟؟
يا اخي لم يعرف السودان سياسيا اكثر فشلا من الصادق المهدي واكثر ترددا منه واكثر تضييعا للوقت والجهد والموارد اكثر كلاما منه؛ وهذه طبعه الذي طبع عليه؛ والطبع يغلب التطبع؛ فيا اخي اما ان يتفرغ الرجل لقضية الطائفة ويكون رجل دين وتاتون بقيادة سياسية جديدة؛ او فليستمر في ثرثرته وفشله وحينها لن نسكت ابدا عن هذا الثرثار؛ ولن نقبل ان يحاول تسويق نفسه من جديد لنا ولمواطني السودان؛ او يحاول الاخرون عنه ذلك ..
مع كثير تقديري واحترامي ...
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
يا جماعة الحساسية المفرطة لزومها شنو؟ متى -بالله عليكم- نال تبلدينا من عرض الإمام لا سمح الله؟
السيد الصادق المهدي اشتهر بكثرة الكلام حتى سمي بأبي كلام ولا أظنه قابل هذه التسمية إلا باسما ثم معلقا عليها بأسلوبه المميز فمثله لا يقابل النقد -بأنواعه- بالثورة والهياج!
ما نقله تبلدينا يصب في ذات الاتجاه... نحن نمـل الخطب في موضعها فما بالكم بخطبة عصماء في حفل زفاف؟! أنا شخصيا أكتر تعبير بيغيظني [تبودلت الكلمات]
أنا ما قادر أفهم كيف يمكن لتبلدينا -وغيره- الاستفادة سياسيا من هذا الأمر! دهشة تبلدينا -وآخرين- لا تتعدى الدهشة إلى ما سواها فلا تحملوا حديثه ما لا يحتمل. _________________________________
Quote: اسه - عليكم الله – ناس كمال عباس ديل ما أخير منهم السيد الصادق |
أضحكني ملاسي -رغما عني- يا كمال عباس!
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
الاخ ولي الدين الفكي
تحية طيبة ..
--------------------------------- اعتقد انهم حرروا السودان سابقا من الاتراك... وساهموا و حرروا السودان من الاستعمار الثاني الانجليزي...
و قادوا النضال ضد كل الانظمة العسكرية التي سقطت... و التي الي طريقها للسقوط -------------------------------
لا والله لم يحرروا السودان من الاتراك؛ بل حرره المهدي العظيم والغبش من الانصار وحينها لم يكن حزب الامة موجودا ..
اما قصة مساهمتهم في تحرير السودان من الاستعمار الانجليزي الثاني فاحسن تخليها مستورة وما نرجع تاني لقصة حصان طروادة وذلك التاريخ القديم من اهداء عبد الرحمن المهدي الملك جورج الخامس لسيف الامام المهدي مروا بمحاربة ثورة 1924 وكذلك افساد اضراب طلبة كلية غردون في 1931 وتخريب مؤتمر الخريجين الخ الخ الخ
اما محاربة الديكتاتوريات فاشهد فقط للسيد الصديق المهدي والامير نقد الله من القيادات بانهم جاهدوا.. اما عبد الرحمن المهدي فقد ايد انقلاب عبود وعبد الله خليل اسلم السلطة لعبود؛ والصادق المهدي صالح مايو وهادن الانقاذ وتهاون في الانقلابين ..
اما الديكتاتوريات الآيلة للسقوط فيمكن ان يكون لشبابكم دور في اسقاطها لكن الصادق المهدي التكتحو ما بساهم فيها ..
هو يا اخي فاضي من الكلام الكتير ؟؟؟
| |
|
|
|
|
|
|
Re: لكن ما بالغت يا الحبيب الإمام !!! (Re: Ahmed Alrayah)
|
.. .
Quote: ما نقله تبلدينا يصب في ذات الاتجاه... نحن نمـل الخطب في موضعها فما بالكم بخطبة عصماء في حفل زفاف؟! |
Quote: أنا ما قادر أفهم كيف يمكن لتبلدينا -وغيره- الاستفادة سياسيا من هذا الأمر! دهشة تبلدينا -وآخرين- لا تتعدى الدهشة إلى ما سواها فلا تحملوا حديثه ما لا يحتمل. |
والله يا ود الريح بتقول حكم بس الفهم قسم ؛
______________________
لا اسكت الله لك قوله حق؛
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
خلاص العسل أنتهى بين ناس حزب الامة بالبورد وبين عادل عبد العاطي صاحب الحزب الكبير, الكبير أوي أوي؟ قبل كم أسبوع مش كنتوا بترحبوا بي عودة عادل وكنتوا في تأييد تام لحزبه الليبرالي؟ الحصل شنو, خوة فرتقت؟ مش كان أحسن ليكم تكونو واضحين زي دينق ده من الاول؟
يا عادل عبد العاطي.
كلمة"تاريخي" في ذلك اللقاء الصحفي مع الزولة المنصبة أنت رئيسة لحزبك القاطعوا من راسك ده, مخجلة جدا. كلمة تاريخي دي توضح لي بأنك أنسان لا تستحي أبدا. التاريخي شنو في نور تاور تاور ولا في عادل عبد العاطي وحزبه القاطعو من رأسه؟ قال تاريخي قال.
دينق.
| |
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
المشبوه دينق
يا زول خوتي مع اعضاء حزب الأمة في هذا المنبر لن يفرتقها الا الموت او يفرتقوها هم من طرفهم .. انا مخلص في اخوتي وفي صداقاتي ..
خوة لي مع الصادق المهدي واسرتو واسلوب قيادتو لي حزب الامة وتطلعوا لان يحكم السودان ويفسد فيهو تاني ما كانت ولا هي كائنة ولن تكون؛ لكن شايفك انت قلبت والان تدافع عن "الامام" ابو كلام ..
مبروك عليك واهو برضو احسن من علي كرتي ...
| |
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
انت عارف يا عادل عبدالعاطى كلنا اخوان فى الله ومن المنطلق ده, الخوة مع الفساد لا يمكن استمرارها وزى ما تفضلت انت انو الصادق المهدى زول فاسد وبالتالى ان كل الذى ينتمون الى تلك المؤسسة هم جزء من هذا الفساد والذى انت ضده علاما النفاق اذن وده زى لا بدورك ولا بحمل بلاك يعنى انت والله صديقى لكن عندما نكون فى السياسة بتآمر عليك ,عليكم الله فكونامن كلام المنبر ده.
| |
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
الاخ عبد المنعم خير الله
تحية طيبة ..
والله يا اخي المسؤولية عندي فردية كما الجريمة فردية .. الخير عندي يعم والشر يفرد وليس العكس ..
انا اخ لاعضاء حزب الامة واهلي الانصار في الانسانية اولا وفي الوطن ثانيا وفي النضال ثانيا لمن اختار منهم النضال وانا اعرف ان الكثيرون منهم مناضلين اشداء رغم تقاعس قيادتهم وتخذيلها لهم ..
الصادق المهدي واسرته وبطانته الذين يظنوا انفسهم اسيادا علينا ويظنوا انفسهم ملائكة ويريدوا ان يضيعوا مقدرات الشعب السوداني للمرة الثالثة؛ لا يجمعني بهم شي ولن ااخيهم ولا ارى شيئا مشتركا بيني وبيتهم الا ان يرجعوا عما هم فيه يعمهون ..
في ظل هذا الامر اذا انت اردت ان تستبعد نفسك دفاعا عن امامك من الاخوة فانت حر
رسالة مفتوحة الي شباب وشابات حزب الامة السوداني
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
.نعم قد يكون الصادق المهدي كثير الكلام قليل الانجاز و للرجل أخفاقاته وسلبياته ولكن تبقي حقيقة أن الرجل أعتلي سنام الوزارة علي أكتاف الجماهير ولم يسرق السلطة بليل لم يقتل أو يعذب أو يسرق ..... .......عندكم من سلب حرياتكم ومزق بلادكم بالفتن العرقية والجهويةوفرط في سيادة بلادكم وترابها الوطني وخلق الواقع الذي أفرز التدويل وربط بلادنا المسالمة بالارهاب دونكم هولاء وأعني عصابة الانقاذ فصوبوا سهامكم نحوها!!!!! .....وأن كان القضية كلام وثرثرة فدونكم من جعل أجهزة أعلام الدولة أبواقا تمجد سلطانه وملاء الدنيا زعيقا وشعارات خاوية فوجهوا سهامكم نحوهم..... .....أفهم وأتفهم أن يأتي نقد مسالب المهدي ممن يتصدون لأس الفظائع وأم الكوارث الانقاذ ولكني أتعجب حقا حينما تنتاش المهدي سهام أنصار الانقاذ أو من يتواطئ بالصمت علي فظائعهم..... أتري أهو كيل بمكياليين أم أن عين الرضاءعن كل عيب كليلة وعين السخط تبدي المساويا ........كمال
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
العزيز تبلدينا..
سلام وتحية..
تابعت البوست من day one لكن الكترابة حمتني الدخول.. أولا ألف مبروك للشاب الهادئ المهذب "محمد أحمد" وعروسته.. وربي يديم عليهم اليمن والهنا السيد الصادق المهدي رجل مثقف يحترم كل من حوله.. وهو رجل "شعبي" - بمعنى - لا تحس ابدا في حضرته أنك مع رجل دولة مهم كما يحدث مع أقل باشكاتب من ناس الإنقاذ. وهو أب سمح لبناته واولاده بإختيار شركاءهم بقلوبهم وليس بترتيبات صالونية أو مصالح إستراتيجية..
إطالته في رسالته لنجله وعروسه لا تعطينا الحق في ذبح الرجل وسرد تاريخه السياسي المحبط.. فلكل مقام مقال..
هذه مناسبة خاصة أدوات محاكمتها تكون (إن وجدت) في ان العشا ما كان سمح، كما هو الحال والتعليق في أي زواج حضرته في حياتي.. أو أن فستان او توب العروس كان (بلدي) وما ظريف.. الخ من التعليقات..
ويمكن بعد كده وفي بوست منفصل نأتي لنتحدث عن كبوات فترات حكم الصادق المهدي.. وما أكثرها من بوستات..
مبروك تاني لمحمد أحمد الضابط المثالي في الكليات الفنية العسكرية هنا في القاهرة.. ومبروك لعروسته..
تحياتي..
| |
|
|
|
|
|
|
Re: لكن ما بالغت يا الحبيب الإمام !!! (Re: Raja)
|
Quote: وهو رجل "شعبي" - بمعنى - لا تحس ابدا في حضرته أنك مع رجل دولة مهم |
وهنا تكمن المأساة! تميز طيلة فترة حكمه بافتقاره للحزم وهيبة الحكم! الاخت رجاء معذرة للاختزال والابتسار فى الكوت والذى لا يغير لعدم جدوى المقارنة جنى
| |
|
|
|
|
|
|
Re: لكن ما بالغت يا الحبيب الإمام !!! (Re: bayan)
|
تبلدينا !!!
بما إني أنصارية وبت أنصار أقول ليك إنت اللي باااااااااااااااالغت ,, المقعدك الوقت دة كلو شنو
هناك طالما المعازيم والفنانين كسحوا وأم العروس بدت تذرف في الدمع السخين؟عشان تشيل حالنا وتنقح
طارنا؟ أنا غايتو لوشفتك بعد كدة في أي عرس بتاع أنصار حأقعدك خلف الكواليس وأعمل عليك حراسة
مشددة وأمنع منك العشا! ومن الحب ما قتل !! مودتي إختلاف الرأي لايفسد للود قضية .
| |
|
|
|
|
|
|
Re: لكن ما بالغت يا الحبيب الإمام !!! (Re: عواطف ادريس اسماعيل)
|
.. .
Quote: تبلدينا !!!
بما إني أنصارية وبت أنصار أقول ليك إنت اللي باااااااااااااااالغت ,, المقعدك الوقت دة كلو شنو |
سمعت بمقولة مجبورة خادم الفكى على الصلاة .. كنت مجبوراً ولكن اتيح لى كيفية وضع الضريرة واستمتعت بحق المراة فى حياتها مع التطبيق العكسى
_____________________
منورة يا رائعة
| |
|
|
|
|
|
|
Re: لكن ما بالغت يا الحبيب الإمام !!! (Re: رأفت ميلاد)
|
.. . الثلاثى رأفت / بيان / دينق شايفك يا رأفت شغال منتج وتهدى لدينق شعيرية كمان .. غايتو البوست دا تفرع لعدد من الخيوط كمال عباس ماسك خيط ودينق وبيان وانضمام رأفت خيط ملاسي وناذر خيط اخر خطبة الامام والجرتق خيط واخيرا خيط الاغبياء رجعونا للتراك يا جماعة
بمناسبة الشعيرة دى قال ليك : واحد بلدياتنا دخل الدكان فى الحلة لقاهو مستف شعيرية للسقف سال صاحب الدكان دا شنو الراصيهو فى الكيسه دا ؟؟؟ سيد الدكان قال ليهو : دى ما شعيرية فرد باستغراب وتعجب يشوبه الفرح هيع .. الشعيرية السنة الولده ولدتها دى ما حصلت عانمول .. ( طبعا دى ترجمتها صعبة شوفوا ليكم بقارى ولا غرباوى ولا اهل عوض يمكن يفك الطلاسم )
_________________
الفطيرة المشبكة والشعيرة التلاته انواع دى أريتو عرس بنياتك يا دكتورة
بس بينى وبينك العشاء كان مخفرة الصحن - ماشاء الله - يعشى تلاته والعشاء زاتو زى الشعيرة 3 انواع فى تلات اوقات
| |
|
|
|
|
|
|
Re: لكن ما بالغت يا الحبيب الإمام !!! (Re: رأفت ميلاد)
|
يا رافت ميلاد سمعت الفيديو ولا لسه والله انا لو من تبلدينا اخلى ناس ديل كلهم وحتى بيان التى اتت بالمنقول العجيب ده واقبل عليك انت تباصى لينا باص جميل زى ده فى خط ستة بتاع تبلدينا ووالله انا لحدى هسع بموت من الضحك لمن اعاين للفيديو واقبل اشوف اخونا تبلدينا الاقيهو بينطبق عليهو ما قالهالفنان نفس الملامح والشبه والمشية زاتها وقدلتا
| |
|
|
|
|
|
|
Re: لكن ما بالغت يا الحبيب الإمام !!! (Re: Raja)
|
.. . العزيزة .. بت العباسي
والله الكترابه عملوها اهلك الانصار ديل .. اعتبروا الامام فوق النقد الهيبة مهمة وقالو لو الكلام من فضة فالسكوت من دهب والله بكلامو دا اثار امتعاض الكثيرين جداً
Quote: إطالته في رسالته لنجله وعروسه لا تعطينا الحق في ذبح الرجل وسرد تاريخه السياسي المحبط.. فلكل مقام مقال.. |
ركزى لى بس فى ما تحته خط !! دا المهم
___________________
والتهانى القلبية من العمق للعريس والعروس
| |
|
|
|
|
|
|
Re: لكن ما بالغت يا الحبيب الإمام !!! (Re: Raja)
|
الاخت العزيزة رجاء
طبعا ابناء وبنات الصادق المهدي ولدوا وفي فمهم ملاعق من ذهب؛ وسيموتوا وفي فمهم ملاعق من ذهب والان نصفهم او جلهم اعضاء في المكتب السياسي لحزب الامة ويعرسوا كاحسن ما يكون بينما اهلنا الانصار يعيشوا الشظف والمسغبة ويموت العشرات منهم في دارفور؛ وشباب الانصار الذين استشهدوا تلبية لنداءات الصادق المهدي لا شافوا حنة لا جرتق في قبورهم والصادق يحتفي بعرس اولاده وبناته بالخطب الطويلة والبذخ والخمج ..
يا رجاء ارجو ان تفهمي وانت اللماحة ان هذا مثال فقط لذهول هذا الرجل عن الواقع؛ وان هذا الرجل النرجسي الذي لا يفهم حكم الوقت في حفلة عرس ؛ لا يمكن ان يفهم المشكل السوداني ناهيك عن ان يحله ..
ما كنا لنتحدث عن الصادق او كلامه او عرسه او خمجه؛ لولا ان الرجل يريد ان يحكم بلادنا ويدمرها مرة ثانية؛ وهيهات ..
| |
|
|
|
|
|
|
Re: لكن ما بالغت يا الحبيب الإمام !!! (Re: د.أحمد الحسين)
|
Quote: كالعادة آل البيت قايدين الرسن والتبع يهرولون خلف القافلة ..
وانت يا عبدالمنعم عمر بلاشك لم ولن تقود الضعينة يوما ولن تمسك الرسن وستظل تتبع الامام اخطاء او اصاب .. وستظلون فى غيكم تعمهون .. وما هو تقيمك لمراعاة فيم الشعب السودانى ومشاعرهم هل آل البيت هم الشعب !!؟ اظنك تقصد ذلك .. هل فى الموضوع علاقة بالمشاعر .. اظنك لا تعلم المعنى ولا تعلم انك لا تعلم فأنت جاهل .. وانى لمعلمك .. |
ما شاء الله يا تبلديهم لسانك ينقط عسل !!! هو إنت بتشتم فى السيد الصادق و أسرته فى مناسبة خاصة بيهم !!! خلي أنا المسكين ده !!!!
| |
|
|
|
|
|
|
Re: لكن ما بالغت يا الحبيب الإمام !!! (Re: Hussein Mallasi)
|
الاخ ملاسى طابت اوقاتك المسالة ما مسالة قسوة,بل بالعكس انفضح امر تبلدينا وضيق صدرو على تقبل الراى الاخر ,ووالله يا ملاسى ما لقيت لى تعبير تانى اقل رحمة كنت اتفضلت بيهو, ومعليش يا ملاسى لو كنت قاسى عليهو.
Quote: عبدالمنعم الفديو دا جبتو انا ورافت ساعدني في نصبه لجهلي بهذه الامور |
د.بيان ده نفى اثبات
| |
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
.. .
Quote: الاخ ملاسى طابت اوقاتك المسالة ما مسالة قسوة,بل بالعكس انفضح امر تبلدينا وضيق صدرو على تقبل الراى الاخر ,ووالله يا ملاسى ما لقيت لى تعبير تانى اقل رحمة كنت اتفضلت بيهو, ومعليش يا ملاسى لو كنت قاسى عليهو |
.
عندما تحتفل بعيد ميلادك الثانى - بلا انقطاع - فى هذا المنبر .. خبرنى فوقتها سوف اقتنع بأنك صرت تستوعب هذه الملاسيات
__________________________
لولا غبائكم هذا لما قادكم - الامام - خمسون عاماً ونيف .. يعنى البوست دا ظهر وكشف عددية من الاغبياء لا تحصر ولا تعد
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: عندما تحتفل بعيد ميلادك الثانى - بلا انقطاع - فى هذا المنبر .. خبرنى فوقتها سوف اقتنع بأنك صرت تستوعب هذه الملاسيات
__________________________
لولا غبائكم هذا لما قادكم - الامام - خمسون عاماً ونيف .. يعنى البوست دا ظهر وكشف عددية من الاغبياء لا تحصر ولا تعد |
اهلنا بيقولوا :- البيقول ليك حمار ارفسو واهو نحن بنرفس
| |
|
|
|
|
|
|
Re: لكن ما بالغت يا الحبيب الإمام !!! (Re: دورنقاس)
|
.. .
Quote: العرس عرس ولدو يتكلم ولا يفرتق الحفلة ... طالما الولد راضى شن بدخل القاضى |
لا اظن ان العروس كانت راضية !!
____________________
تطرقت الخطبة فى جزء كبير لحقوق المراة وومساواتها وتناسي - الامام - فى غفله انه يهضم حق العروس الجديدة بالاستماع وصويحباتها بالعروس .. ناسياً حقها بالاحتفال بالطريقة التى تودها فى مهرجانها الاول والاجمل والاوحد
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: مش قلت ليك دفاعك ما مستميت اها عندى طلب اضربي تانى قولى ليهم |
إنتا يا مسكين قايل إني ممكن أضرب لي أي مخلوق أقول ليه قالو كذا و كتبو كذا في سودانيز أها انتو سويتو في العرس أو المناسبة الفلانية شنو؟؟؟؟ضحكتني حتى بانت نواجذي
| |
|
|
|
|
|
|
Re: لكن ما بالغت يا الحبيب الإمام !!! (Re: lana mahdi)
|
عليك الله يا لنا انتي مصدقة انو الصادق المهدي عندو بركة ؟؟ يا زولة لو الامور هكذا لقلنا انه اكثر زول نحس في تاريخ السودان خلينا من سجله العامر بالفشل ومهادنة ومصالحة الدكتاتوريات والدجل السياسي والديني ..
يا زولة بركة شنو والله الا تكون بركة ( بفتح الياء وتسكين الراء والكاف ) الله لا يخلي يبرك مرة تانية على كاهل الشعب السوداني ..
| |
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
Quote: عليك الله يا لنا انتي مصدقة انو الصادق المهدي عندو بركة ؟؟ يا زولة لو الامور هكذا لقلنا انه اكثر زول نحس في تاريخ السودان خلينا من سجله العامر بالفشل ومهادنة ومصالحة الدكتاتوريات والدجل السياسي والديني ..
يا زولة بركة شنو والله الا تكون بركة ( بفتح الياء وتسكين الراء والكاف ) الله لا يخلي يبرك مرة تانية على كاهل الشعب السوداني .. |
تعرف يا عادل كلامك دة كلو على العين و الراس يا حبيب الإختلاف في شنو؟الإختلاف إنو البوست دة و مناسبته غير مناسبين للكلام دة...نقد الصادق المهدي في أدائه و سياساته و منهجه إلخ مكفول للكل و بكل أريحية و شفافية مش خارج الحزب بل جوانا..لكن العبور من بوابة مناسبة شخصية و فرصة هذا البوست غير موفقين..دة الفرق الحبيت أوضحه ليك. أنا واثقة تماماًلو كان الصادق المهدي بارك لي ولدو و قعد ما تفوه ببنت شفة كان تبلدينا حيفتح بوست عن الكوشة..مش لأنه تبلدينا مغرض لا ما كدة..ولكن لأن تبلدينا ممتليء بغضب يبرر له ذلك و يبعده قليلاً عن الموضوعية في تناول ما يخص سيد الصادق و الحزب برمته..غضبه مبرر؟ نعم..التعبير عن غضبه بهذه الكيفية؟لا ما مبرر..
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: ابتسامة تدل على غباء مستحكم وحديث يصب فى مساحات شوارعية |
بالمناسبة يا تبلدينا الافلاس ما حل لى مشكلتك,وكان اجدى ليك تقدر للخطوة موضعها قبل ان تخطوها وبالمناسبة حتى الان منذ بداية البوست لم اقدم لك اى اساءة بل حاولت اجد تعبير يصف سلوكك فى هذا البوست فلم اجد اى تعبير يناسبك يعنى ما اساتك وصفتك وليه وصقتك بذلك الوصف للاتى:- لانو كلامك كلو كان فلانة ما رضيانة , والبنات اتململن, ومسخ على بتنا الفرح وهضم حقها فى فرحتها عليك الله ده كلام زول بيشيلو ويجى يفتح بيهو بوست فى منبر حوار فكرى ثقافى سياسى ,وداييرنا نحترمك ونصفق ليك ونقول ده هو الكلام ,وحقيقة انحطاط الخطاب فى هذا المنبر ناتج من وجود اقلام تخط ما يخطه قلمك ,اقلام مكرة وقتها للكتابة لما يدور فى بيوت الاعراس . ومصر تصفنا بالغباء حقيقة نحن اغبياء لاننا نهدر وقتنا الثمين فى الرد على اللاموضوعية الصادرة منك, وبعدين لو غباء لى غباء اها ناس رافت ميلاد وبيان جابوا الفيديو ده ليك مخصوص وحمدوا الله لانو انا وصلت ليهم رسالتهم كنت تلمحها وهى طاييره لكن الدماغ ما مليان تبلدى بل المخ
| |
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
.. .
Quote: عليك الله ده كلام زول بيشيلو ويجى يفتح بيهو بوست فى منبر حوار فكرى ثقافى سياسى |
ممكن اسألك سؤال ؟؟ موضوع البوست شنو !!؟ بصراحة بس ما تقول لى الشعيرية وملل البنات ___________________
لا ادرى كلما انظر لصورتك احسن انك اغم القفا
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
يا تبلدينا اتعشيت ولا لا؟؟؟ شربت بارد ولا لا؟؟؟؟؟ كمان كل زول بي فنانو بيطرب تحمد الله العرس كان تمام عشا بارد كرسي كوشة عريس وعروس اها كمان مافي فنان ورقيص دا ما سبب يخليك تبشتن العرس قدر دا اما لو مزعلاك البرية شديد فمعليش ليس كل ما يتمني المرء يدركة وكفاية عليك شوفة الحسان بي الحراير لانو قالو ما من عاداتهم يجيبو فنان في العرس كان تمشي الحنه قالو كانت رابة شديد الغريبة انو الحفلة في الحنة من عاداتم
الله في
| |
|
|
|
|
|
|
Re: لكن ما بالغت يا الحبيب الإمام !!! (Re: Ahmed Mohammed Osman)
|
كتب تبلدي
Quote: لا اظن ان العروس كانت راضية |
ياخ ده كلام عيب عليك
شفت الفارغة بتوصل لي وين
ياخ اتمنى ليهم بالسعادة والهناء وراحة البال وشهر عسل عسل بدل الفتنة والتدخل فيما لا يعنيك
من الاول قلنا خلي البوست مباركة للعروسين وبيت مال وعيال
ربنا يهديك
| |
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
.. . حاضر يا عادل والله كلامك على العين والرأس ولكن دعنى اوضح لهؤلاء الاغبياء جملة العروس ما كانت راضية المقصود ليس عدم الرضاء بالعريس او الزواج او النسب ولكن المقصود خطبة - الامام فى الحفل - وهذا اعتقاد شخصى للمعلومية استنتجه من بعض الملاحظات وقتها فلا تخلطو الامور وتلفوا وتدور
____________________
يبدو انكم تحاولون الانزلاق بالبوست فى اتجاه اخر ولامر فى نفس يعقوب
| |
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
يا عادل
Quote: ولن نقبل ان يحاول تسويق نفسه من جديد لنا ولمواطني السودان؛ او يحاول الاخرون عنه ذلك .. |
اها يا عدولة دي برضو ما حلوة منك .. انت بكلامك ده بتعارض المبادي بتاعتك .. لانك زي ما بتسمح لنفسك تسوق نفسك وحزبك برضو من ابسط حقوق الاخرين بسوقو نفسهم ولا شنو يا حبيب ؟
لن نقبل دي كحزب ولا فرد ولا وصي ولا فوقيه ولا شنو
| |
|
|
|
|
|
|
Re: لكن ما بالغت يا الحبيب الإمام !!! (Re: محمد حسن العمدة)
|
الحبيب محمد الحسن العمدة
تحياتي القللية ..
لن نقبل هذه اقولها اصالة عن نفسي وتعبيرا عمن يشترك معي في الرأى حول الصادق المهدي؛ وهم كثر والحمد لله ..
طبعا انا هنا لا اتكلم باسم الحزب الليبرالي وان كان في ظني اغلب اعضاء الليبرالي يفكروا عن الصادق بنفس طريقتي؛ وربما اختلفت اشكال تعبيرهم ..
بالمناسبة انا لا اسوق ولا اقود الليبرالي وأربأ بك ان تخضع لهذه الدعاية المتشوعنة؛ فانا لست رئيسا للحزب ولا نائبا للرئيس ولا امينا عاما له؛ بل عضو من اعضاء المكتب التنفيذي؛ والقيادة عندنا على كل حال جماعية وليست هي فردية اسرية كحال حزب الصادق الاسري .. ومن حقي كمواطن ومن حقنا كجيل ان نقول للصادق والترابي والبشير ومحمد عثمان الميرغني ونقد كفي .. ولا انتا ما شايف كده ؟؟
| |
|
|
|
|
|
|
Re: لكن ما بالغت يا الحبيب الإمام !!! (Re: محمد حسن العمدة)
|
Quote: ولكن دعنى اوضح لهؤلاء الاغبياء جملة العروس ما كانت راضية |
أممممممممممممك الزول ما فقد المنطق تب يا حبيب منعم
يا عادل ود عبد العاطي
ياخي سيب درب تبلدي ده هو اصلا الموضوع ما جادي ولا اتداخلنا - على الاقل انا بصورة جادة - الا في ما يتعلق بالعام وعشان العام وعشان انت زول بتاع حجة ونضمي علييييييييييييك الله افتح ليك بوست وقول كل العاوزو في حزب الامة وانت اعرض برنامج ونحنا نعرض برنامجنا وتعرض فكرك ونعرض فكرنا وما في مشكلةتب في النهاية حتى نتفق ولو اتفقنا على ان نظل مختلفين والاختلاف رحمة
بس زول ناس المؤتمر الوطني ده ابعد منو وممكن ترجع للارشيف يا عادل وعليك بمداخلة الاخ كمال عباس
تبلدي ده طبعا لسانو زفر وحسع بعد مداخلتي دي ح يجي يفك اخرو عشان كده انصحك بمغادرة هذا البوست وكل من يود ان يسلم مما سيقوله صاحب البوست فيما اتي من مداخلات
| |
|
|
|
|
|
|
Re: لكن ما بالغت يا الحبيب الإمام !!! (Re: محمد حسن العمدة)
|
.. .
Quote: عشان انت زول بتاع حجة ونضمي علييييييييييييك الله افتح ليك بوست وقول كل العاوزو في حزب الامة |
شنو بتاع نضمى دى !! عايز تشبهو بالامام .. شتان بين عكا والأسماعيلية
Quote: بس زول ناس المؤتمر الوطني ده ابعد منو |
يا شيخ .. قول بسم الله
Quote: تبلدي ده طبعا لسانو زفر وحسع بعد مداخلتي دي ح يجي يفك اخرو |
اها نشوفك يا ود العمدة يا بسبوسة بنكهة اللافندر ()الزفارة بتلقاها عند الغافل .. كان ليك ()
_________________________
وهذا لا يمنع ان غبائكم يمنعكم من معرفة أين تكمن مبالغة الحبيب
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
يا تبلدينا لو كان الغباء هو التنزه عن تناول سفاسف الامور وما يدور فى اروغة لمناسبات , واذا كان الغباء هو الابتعاد عن اللاموضوعية والمواضيع الفارغة من المضمون والحتوى اذا فنحن اغبياء لكن لدى سؤال انت البتسوى فيهو ده انت واعى بيهو ولا دافعاك هاشميتك العمياء من العداء لحزب الامة وقيادتو يا تبلدينا اقلع نظارة الحديد الانت لابسها ده وانظر للعميلة من منظار جيد فيه صفاء ونقاء يمكن من رؤية الاشياء بصورة سوية ,كده بضحك الناس عليك ليس الا
| |
|
|
|
|
|
|
Re: لكن ما بالغت يا الحبيب الإمام !!! (Re: Ahmed Mohammed Osman)
|
.. .
Quote: وكفاية عليك شوفة الحسان بي الحراير لانو قالو ما من عاداتهم يجيبو فنان في العرس كان تمشي الحنه قالو كانت رابة شديد الغريبة انو الحفلة في الحنة من عاداتم |
احمد عثمان وينك يا راجل .. زمن ياخى هو ادانا فرصة نشوف !! طلع زيتنا الحنة كانت رابه ساااى .. للسما الطرب
__________________
عليهم عادات تحير .. حنة عريس وخطبة امام وجرتق عروس
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: المشبوه دينق
يا زول خوتي مع اعضاء حزب الأمة في هذا المنبر لن يفرتقها الا الموت او يفرتقوها هم من طرفهم .. انا مخلص في اخوتي وفي صداقاتي ..
خوة لي مع الصادق المهدي واسرتو واسلوب قيادتو لي حزب الامة وتطلعوا لان يحكم السودان ويفسد فيهو تاني ما كانت ولا هي كائنة ولن تكون؛ لكن شايفك انت قلبت والان تدافع عن "الامام" ابو كلام ..
مبروك عليك واهو برضو احسن من علي كرتي ... |
عادل عبد العاطي.
يا بتاع الحزب "الاسفيري"
عندما قرر دينق أن ينتقد الصادق المهدي, أنتقده في ندوة سياسية عامة وجها لوجه. في ذلك الزمان أنت كنت في حالة صراع مع أحد الاحزاب التي جربتها في فترة حياتك ومررت بها. أنا لا أجامل أحد ومواقفي معروفة للجميع. وهي مواقف ثابتة. أنت عادل عبد العاطي تمثل قمة الاضطراب الفكري والتأرجح في تغير ألوانك السياسية. متى سوف تنضج سياسيا يا عادل عبد العاطي؟ أبقى راجل يا عادل وقول للناس هنا العلاقة شنو بين دينق وعلي كرتي.
دينق.
| |
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
بالمناسبة يا عادل عبدالعاطى بالرغم من انو الاميرة لنا ملت بوست هنا عنك وانت اتكلمت فى البوست داك عن شخصيتك وبرهنت كلام واحد اخونا ما دايير ازكر اسمو لانو ما موجود هنا فى المنبر لكن رأيو انك (وهو بتخيل عادل عبدالعاطى عندما يكتب) انك بتضرب الكيبورت بعنف وبتكسر ليك كم كىبورت كده للانو بتخيلك منفعل جدا,وده ما مهم لكن الشئ الدايير اقولوا انك كاييس ليك شكلة عشان تمارس هوايتك المفضلة تكسير الكيبوردات عشان كدة دايير تساعد تبلدينا,طيب ما تفتح ليك بوست بغادى والناس يجوك بهناك وتكون منفرد بيديك مساحة اكتر وما بيكون البوست مشترك
| |
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
الاخ عبد المنعم خي الله
تحية طيبة ..
للحبيبة لنا كل الود والتحية ورحمن الله من اهدي الي عيوبي ...
من ناحية اخرى يا اخي الاسفاف والله لا يليق بك وحات بسمتك الحلوة دي .. والكيبوردات دي لو كسرتها حقتي ومشتريها بي حر مالي الذي سكبته فيه العرق
اها قول لي قروش الصادق المهدي من وين ؟؟ وهل اشتغل الرجل طول حياته ام يعيش فقط على مال السحت ؟؟
اما كوني افتح بوست جديد ما محتاج البوست دا مريحني خالص وواجد فيهو مساحة كبيرة جدا ؛ شكرا ليكم على رفعه فوق ولا اقول اثرائه لاني لا ارى اثراء منكم بل دفاعا اعمى لا يليق بكرامة البشر ولو لم تملوا وتكفوا عن التبرير لاماملكم فلن نمل نحن ولن نكف عن فضحه ...
لك ودي
| |
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
المشبوه دينق يا راجل يا لذيذ
يا اخي الف مرة سالناك توضح علاقتك بي علي كرتي؛ كنتا بتجري ..
اسا عايزني انا اوضحها ؟؟ يا اخي هي علاقتك انت ولا علاقتي انا ؟؟
يا زول يا وضح العلاقة يا انفيها وخلينا من لعب العيال ...
الاشطراب الفكري راكبك انت يا مناضل من منازلهم ؛ ومبدئيتك مع الصادق فشايفنها في البوست دا؛ اها عندك تجارة ولا بيزنس مع ناس حزب الامة ولا شنو ؟؟
وبرضو الصادق احسن ليك من علي كرتي !!
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: المشبوه دينق يا راجل يا لذيذ
يا اخي الف مرة سالناك توضح علاقتك بي علي كرتي؛ كنتا بتجري ..
اسا عايزني انا اوضحها ؟؟ يا اخي هي علاقتك انت ولا علاقتي انا ؟؟
يا زول يا وضح العلاقة يا انفيها وخلينا من لعب العيال ...
الاشطراب الفكري راكبك انت يا مناضل من منازلهم ؛ ومبدئيتك مع الصادق فشايفنها في البوست دا؛ اها عندك تجارة ولا بيزنس مع ناس حزب الامة ولا شنو ؟؟
وبرضو الصادق احسن ليك من علي كرتي !! |
المراهق السياسي عادل عبد العاطي.
دينق لا علاقة له بكرتي أو بالصادق المهدي. دينق مواقفو معروفة للجميع. وبقول رأيه في العلن. من أين أنت أتيت بقصة كرتي يا بتاع الليبرالي؟ أبقى راجل وقول لي من أين أتيت بهذا الخزعبلات؟
دينق.
| |
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
المشبوه دينق
انت شنو قصة ابقا راجل ابقا راجل دي ؟؟ انت ما عندك حساسية جندرية؛ ولا انت قايل "الرجالة "بالكلام يا مشبوه ؟؟..
اها انا مصادري ما بكشفا ليك وامشي انت براك فتش كيف الناس عرفت؛ وكيف اقرب الناس اليك ممكن يفشوا اسرارك .. واعلى ما في خيلك اركبو ولا امشي اشتكيني لي علي كرتي !!
يا زوله اخدا مني نصيحة: الصادق احسن ليك من علي كرتي ..
| |
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
Quote: الملف الشخصي ل Tabaldina اللقب: Tabaldina : .
عدد البوستات: 3939 تاريخ التسجيل: 12-02-2002 محل الاقامة: SUDAN : عنوان مكتبتى بسودانيزاونلاين دوت كم : اكلات مفضلة: ما الذ اكلات بلدى وتحمل رائحة وطنى الحبيب حتى ولو كسرة بملاح ويكة الاسم الحقيقى: إبن جلاء .. وطلاع الثنايا .. متى اكتب حرفاً تعرفوننى !! التلفون: عبر الأثير وللمقربين الجامعة/المعهد: Master.In Public Relations/B.Admistration/Media & Communication الحالة الاجتماعية: Single العنوان الدائم: السودان الخرطوم - الطائف مربع 52 - شارع د. مامون بحيري الفنان المفضل: كل ذو حنجرة يصدح بالنغم الشجى .. ان كان جيل حسن عطية او جيل جمال فرفور اللون السياسى: قومى .. وطنى .. كردفانى ..غرباوى .. مسيرى .. حازمى النوع: Male الهوايات المفضلة: Reading&Writing,Chess,Photography,Travaling,Friendship الوظيفة: Marketing Research Spacaliest تاريخ الميلاد: 00/00/0000 درست المرحلة الابتدائية فى ......و سنة....: القبة الإبتدائية بالابيض/كادوقلى الشرقية/ الدلنج الكاكي/ الثورة الحارة الاولى درست المرحلة الثانوية فى ......و سنة....: خورطقت الثانوية درست المرحلة المتوسطة فى ......و سنة....: كادوقلي الاميرية شاعرك المفضل: كل صاحب كلمة رائعة تهز وتر الازمنة عدد الاطفال: 7 .... ياالله 4X3 معلومات اضافية: حنبنيهو البنحلم بيهو يوماتى وطن شامخ .. وطن عاتى وطن خير ديمقراطى وطن حدادى مدادى ما بنبنيهو فرادى .. ولا بالضجة فى الرادى ولا بالخطب الحماسية مكان العمل: SUDAN مكان الميلاد فى السودان: مدينة عروس الرمال بولاية كردفان الكبرى |
Quote: لكن ما بالغت يا الحبيب الإمام !!! |
بالغ ، والله بالغت انت ، تمشي للناس في عرسهم وتجي تتحدث عن الملل والخطب الطوال ، والجمعة ام عشرة صفحات ، الناس كلها عارفة انو السيد بتاع كلام ، لكن ما معقول تكون اتفاجات بان العريس ود السيد الصادق ؟! يا خي ده السيد الصادق وده عرس ولده ، وانتو اهل الحنان وما عارفين عريسكم منو ، برضو بالغت يا تبلدينا.
على العموم مبروك للعرسان ونتمنى ليهم حياة زوجية سعيدة وموفقة
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: المشبوه دينق
انت شنو قصة ابقا راجل ابقا راجل دي ؟؟ انت ما عندك حساسية جندرية؛ ولا انت قايل "الرجالة "بالكلام يا مشبوه ؟؟..
اها انا مصادري ما بكشفا ليك وامشي انت براك فتش كيف الناس عرفت؛ وكيف اقرب الناس اليك ممكن يفشوا اسرارك .. واعلى ما في خيلك اركبو ولا امشي اشتكيني لي علي كرتي !!
يا زوله اخدا مني نصيحة: الصادق احسن ليك من علي كرتي .. |
أعضاء حزب عادل عبد العاطي.
مبروك عليكم عادل عبد العاطي ومبروك عليكم سلوكه وأساليبه القذرة. بعد يوم يومين يا عادل عبد العاطي سوف تهرب من الحزب الذي أخترعته بنفسك وسوف تهرب الى حزب أخر. يا لك من مراهق سياسي. بس أووع تنضم للحركة الشعبية لتحرير السودان. الحركة التي أعطتك الامان لكي تزور السودان. أنت من غير ضمانات الحركة الشعبية لا تستطيع ان تزور السودان أبدا. وبعد كل ذلك تقول في الحركة الشعبية ما تقول. عالم ناكرة جميل وجاحدة بشكل.
دينق.
| |
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
Quote: طبعا يا كيكى الخلا عادتو قلت سعادتو وطبلتك دى حتظل شايلها تدق فيها لكل من هب ودب الى ان يرث الله الارض ما عليها ما طبع عادى .. شغل التطبيل دا .. والله ذكائك دا بغطس حجرك وملاسي ما غلطان عليك .. بس اركز لمن يختك كورنه .. بالله عليك منو الزانق ومنو الزنديق !!؟ الروب دى منى ما بتسمعها .. معاكم - معاهم - للحد |
والله ياجماعة بوست اخونا تبليدنا ده دربو دخل في الموية واصبح ملي بالمنحدرات والمزالق القنابل المؤقتة..والواحد عندو باقي كلام ضروري يتمو قبل ما القصة تلحق (غنم زهرة).. انت عارف يا تبلدينا بوستيك الذي وصف بالسماحة و(عيني) دوما باردة صار يذكرني تماما بحادث النفق الشهير في احدي طرقات (فرنسا) وشمشمة الصحافة في خاص الاخريين حتي قضي الله بالاميرة ديانا ودودي الفايد ما قضي.. وكطبال كبير و(مزماري) يعزف لكل من (هب ودب) ..اري ان واجب التطبيل هو حماية السيد الصادق المهدي كانسان من محاكمته هو او اي شخص اخر لشان خاص لا يتعارض مع الشان الجنائي او العام ولمجرد انه اراد ان يمارس حرية اشيائه ورويته لفلسفتها دون مشورة من الذين لا يعنيهم هذا الشان....... حضورك هنا يا تبلدينا وبكثافة محمومة والاصرار علي المزيد من كشف القناع عن خصوصيات الاخريين تجعلني وبحكم (ذكائي)و استشراقي للمستقبل ابشرك باهليتك لريادة مثل هذا النوع من العمل الصحفي في السودان اسوة بثقافة صحيفة الوان في العهد الديمقراطي وخطها الذي ساهم تماما سقوط فترة حكم الصادق المهدي في انتخابه الشهير بجانب اشياء عديدة يتحملها السيد الصادق المهدي و بجانب كل الاحزاب المطروحة علي الساحة في ذلك الزمان وكل قطاعات الشعب السوداني....... ....نطبل يا قريبي نحن لافكار وممارسسة والتطبيل بفهم لا يستوي مع التبشير المحموم بالحسين خوجلية وارسال الانوف عميقا داخل الشان الخاص واسرار البيوتات.. شي اخر وذو علاقة بالدقة الخبرية اري بعض الاخوة جعل من افادتك بخروج الغالبية امتعاضا اساسا لحكمه علي خيطك هذا.. 1- ماهي الية قياس الامتعاض التي اعتمدتها يا تبلدينا في ذلك المكان.. اوع تقول لي اقترعت جهاز جديد اسمو (الامتعاضومتر) .. وسلام..
| |
|
|
|
|
|
|
Re: لكن ما بالغت يا الحبيب الإمام !!! (Re: عبدالكريم الامين احمد)
|
.. . ذكاء خارق .. ومحلل سياسي ضليع ..
_____________________
الامام مسك المايك وبدا يتكلم مرت نص ساعة غادر ثلث الحضور مرت ساعة غادر الثلث الثانى انتهى تبقي ثلث الثلث الثالث .. ان شاء الله تكون شاطر فى الماسمتيك ( دى آليه قياسي للامتعاض ) بالاضافة الى اجهزة التعليقات المجاورة وأتكاءات الحضور..
| |
|
|
|
|
|
|
Re: لكن ما بالغت يا الحبيب الإمام !!! (Re: عبدالكريم الامين احمد)
|
Quote: طبعا لايحق لي التخيل بقوتك الماوراء طبيعية والاستناج بانك عرفت ما بداخل قلوب المغادريين.. |
الاخ عبدالكريم ليك التحية انت فى ده ولا فى قصة مضايقة العروس من مسك المايك, حقيقة العروس فى الوقت داك همها كلوا بيكون فى حاجات تانية وما بتكون جاييبة خبر للحاصل شنو لكن عمك ما مسطح ودايير يقنعنا بى حجة ام ضبيبينة,يا اخونا ما ترحمونا شوية
| |
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
الكذاب دينق
يا اخي انا انضم امرق .. دا خياري وانا استخدمه تماما انت متين حتحدد خياراتك ما بين الصادق المهدي والحركة الشعبية وعلي كرتي ؟؟
---------------- بس أووع تنضم للحركة الشعبية لتحرير السودان. الحركة التي أعطتك الامان لكي تزور السودان. أنت من غير ضمانات الحركة الشعبية لا تستطيع ان تزور السودان أبدا. وبعد كل ذلك تقول في الحركة الشعبية ما تقول. عالم ناكرة جميل وجاحدة بشكل. ---------------
طبعا كلامك هذا كذب فارغ وانا لا اطلب ضمانا من احد ..
| |
|
|
|
|
|
|
Re: لكن ما بالغت يا الحبيب الإمام !!! (Re: bayan)
|
ياعادل عبدالعاطى داير اسالك سؤال اولا وبنات ال المهدى عموما هم ماذيهم ذى باقى الشعب السودانى شايفك متحامل على ال المهدى شديد فى شنو ماعارفك خالص ياخى ال المهدى لم يولدو فى فهمه معلقة ذهب كما قلت هناك بعض الناس من ال المهدى ناس فقراء وعاديين مثلهم مثل باقى الشعب السودانى الاغبش عليك الله لا تزج الخاص بالعام اوكى
| |
|
|
|
|
|
|
Re: لكن ما بالغت يا الحبيب الإمام !!! (Re: محمد عادل)
|
الاخ محمد عادل
تحية طيبة
------------------- ياعادل عبدالعاطى داير اسالك سؤال اولا وبنات ال المهدى عموما هم ماذيهم ذى باقى الشعب السودانى ------------------
قبل ان ارد على سؤالك ارجو ان تشرح لي هذه الجملة تقريرية ام استفهامية ؟
| |
|
|
|
|
|
|
لكن ما بالغتي يا الحبيبة نجاة (وش ضااااااااحك) (Re: bayan)
|
Quote: اها موش بقيت خترية انقل اليوتويب براااااااااي |
والله خطيرة و بس؟والمقطع ظريف لدرجة قف..ضحكني لمن دمعتا..فطير بت المنى اليابس ولا التقلية ام بصلتن محروقة ولا مطفحة ما عارفة..انتي يا حبيبة شناف الأعراس دة عام ولا ماركة مسجلة لينا في السودان؟الملاحظ انو اي معازيم مستحيل مية في المية يكونو مبسوطين من الضيافة و لا العروض(بفتح العين)
| |
|
|
|
|
|
|
Re: لكن ما بالغتي يا الحبيبة نجاة (وش ضااااااااحك) (Re: lana mahdi)
|
.. .
Quote: و لا العروض(بفتح العين) |
بس والله عرض خالكم - الإمام _ كان عالمى يعنى نشاز عن بقية العروض
_اها اخبار الشمارات الجاتك شنو!!؟؟
________________________
بعدين الدكتورة دى فى حزبنا ما تحاول تستقطبيها معاك بونسة الاعراس والشمشرة .. حركات احتواء البرالمة دى .. انت عارفها خبرة ووبتاعت اركان ومنابر بالسنين
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Dear Tabaldina, Rajaa, and friends
Quote
أولا ألف مبروك للشاب الهادئ المهذب "محمد أحمد" وعروسته.. وربي يديم عليهم اليمن والهنا السيد الصادق المهدي رجل مثقف يحترم كل من حوله.. وهو رجل "شعبي" - بمعنى - لا تحس ابدا في حضرته أنك مع رجل دولة مهم كما يحدث مع أقل باشكاتب من ناس الإنقاذ. وهو أب سمح لبناته واولاده بإختيار شركاءهم بقلوبهم وليس بترتيبات صالونية أو مصالح إستراتيجية..
Well said Rajaa. This is also my personal impression on Imam Alsadig Almahdi. We can agree or disagree with his political views, but on a personal level, he is a polite, respectful, and considerate person. I still remember when he left his meetings in a convention in Doha,Qatar in 2004, to come to our home to celebrate with us my son Ghassan's birthday Regards
| |
|
|
|
|
|
|
Re: لكن ما بالغت يا الحبيب الإمام !!! (Re: Elmoiz Abunura)
|
الأعزاء المعز وعادل..
سلام وتحية..
ولا زلت عند رأيي في شخص الصادق المهدي من الناحية الشخصية.. فهو كما قلت يا معز وأكثر.. رأيته في بيوت عزاء، وفي مستشفيات لزيارة مرضى، وفي بيوت عقد وزواج. في الوقت الذي يستكبر غيره أن ينزل لمستوى الذهاب مع العامة لتقديم العزاء إلا بعد ان يفض الصيوان وتعلن حالة الطوارئ (دي برضو شفتها).. .. يا عادل كلامي الفوق ده وكلامي القبله لا يعني أبدا إني مؤيدة وأسجًد بحمد الرجل سياسيا.. لدي مأخذي التي أعلنتها وأعلنها في قنواتها. ولن يكون صوتي الانتخابي كسبا له باي حال (ما لم يكون هناك تحالف بينه والقوى الديموقراطية الأخرى).
بالمناسبة في يناير 2006 حضر السيد الصادق المهدي لمدينة نيالا في زيارة 4 أيام، صادفت عيد الأضحى المبارك.. وقفت عند باب المنزل الذي كنا نسكنه (وهو في الطريق المؤدي للمطار)، وقفت وزملائي نشاهد أكبر إستقبال رأيته في حياتي.. بالرغم من (تعقيدات كتيرة عملوها ناس الانقاذ عشان الاستقبال ما يكون) ولكنه حصل.. كنت حتى تلك اللحظة أظن مع السواد الأعظم أن وجود الصادق في دارفور قد إنتهى، وانها لم تعد (مقفولة) كما كانت.. ولكن ما رأيته، جعلني أعيد النظر.. يا عادل في ناس جوهو من أماكن خارج نيالا وقعدو ينتظروه بالأيام.. وبالنسبة ليهم الصادق المهدي ليس بشرا من الطين.. بل جبلا من الماس.. سألتني زميلتي (غير سودانية): هو الناس بتحب الراجل ده قدر كده ليه..؟ وما كانت عندي إجابة واضحة.. لأني بدأت في شرح من هو الصادق المهدي (وهي تعرفه بحكم رئاسة الوزارة).. وملت ناحية مآخذه السياسية التي عاصرتها شخصيا إبان وجود حزب الأمة في التجمع.. وبالبلدي (ما خليت ليه جهة يرقد عليها).. وفي العصر ذهبنا للسلام على الرجل، وكان هذا أمر يهني شخصيا لأنه كانت لدي أسئلة كثيرة عرفتها عن دارفور أردت سؤاله عنها.. فاستقبلنا الرجل أحسن إستقبال. وترك ضيوفه وجاء ليجلس معنا (نحن جينا بدون مواعيد بالمناسبة - ودي مهمة عند الناس المهمة).. واجاب على كل الأسئلة.. عندما خرجنا.. قالت لي زميلتي: الآن عرفت لماذا يحب الناس هذا الرجل.. لأنه ببساطة مهذب.
وهذه هي الحقيقة.. الرجل من أكثر الناس تهذيبا.. ودي جزئية مهمة.. لأنه لا يمكن ان تتعامل مع شخص وتحترمه وهو غير مهذب.
أيام وجود المهدي في القاهرة وحتى الآن.. لا زال يحتفظ بعلاقة إحترام متبادلة مع كل الإعلاميين.. وأذكر انه قام بتقديم الشكر لكل الإعلاميين وأعضاء جمعية المراسلين الأجانب في حفل. لا يلاحظ أحدا الصحفيين إلا عند الحاجة.. ودائما علاقة الطرفين (السياسي والصحفي) علاقة منفعة متبادلة.. ولكن في حالة السيد الصادق هي علاقة إحترام متبادلة.. وبالمناسبة جل الصحفيين الذين التقوا مع المهدي يختلفون معه سياسيا ولكنهم يحترمونه لأنه يحترمهم (هناك من يتعامل معنا بكل صفاقة).. وهم معروفين..
في هذا البوست المخصص لمناسبة خاصة وشخصية للمهدي.. ده رأيي وشهادتي عن شخصية عرفتها.. في بوست آخر يخصص عن سياسة الصادق المهدي في البلاد.. سيكون رأيي بحكم ما عايشت ورايت من سياسات..
ملحوظة مهمة: تصنيف الناس في هذا البوست مع أو ضد غير موضوعي. لو عايز تحسبني (مع) فأنا مع حرية الصادق المهدي في فعل ما يريد في زفاف أبنه إن شا الله يعمله ورشة عمل. و(ضد) لخبطة المواضيع مع بعضها.. فلأننا نكره الراجل نحول بوست فرح لساحة قتال,,
مبروك للعروسين..
والود للجميع..
..
| |
|
|
|
|
|
|
|