صحي الغُربة حارة ؟؟

المؤتمر السنوي الأول لتجمع قوى الهامش السوداني العريض بالمملكة المتحدة - بيرمنغهام
مرحبا Guest
اخر زيارك لك: 02-28-2020, 10:05 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-02-2007, 01:51 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
sssss
صحي الغُربة حارة ؟؟

    صحي الغُربة حارة ؟؟

    إلى
    كل من خرج عن حدود أرضه ..





    ممكن زول ينزل لي ..(أيها الراحل في الليل وحيدا) كاملة..
    هبة الحسين

    (عدل بواسطة هبة الحسين on 09-03-2007, 10:44 AM)

                  
|Articles |News |مقالات |بيانات

09-02-2007, 02:04 PM

يسرى معتصم
<aيسرى معتصم
تاريخ التسجيل: 12-25-2006
مجموع المشاركات: 4033

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    نـااااااار وخصـوصـآ العشـر سنين الأولى
    الله لا ولاراك ليها
    تسلمى أختنا هبه
                  
|Articles |News |مقالات |بيانات

09-02-2007, 02:27 PM

سلمى الشيخ سلامة
<aسلمى الشيخ سلامة
تاريخ التسجيل: 12-14-2003
مجموع المشاركات: 10754

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: يسرى معتصم)

    الغربة
    كلمة عشتها طويلا
    لكن ماهو (احر منها )الغربة فى الداخل
    عشت غربة فى داخل وطنى (الله لاوراك)
    رجعت لقيت اصدقائى وصديقاتى (متغربين )وهم فى داخل الوطن
    لكن غربتى ربما سادها ما جعلها اخف وطاة عن التى يمكن ان يعيشها انسان اخر
    تعلمت فيها كيف تحيل ليلك الى ضوء وصلاتك الى تخفيف
    وقراءتك الى عالم تشتهى ان يكون
    حولت غربتى الى معمل تعلمت تعلمت فيه انواع جديدة من الكتابة
    والقارءة لما حولك ومن حولك
    صادفت انماطا عديدة من البشر
    تعلمت منهم ان اكون ما شئت
    خبرات كبيرة اكتسبتها لولا غربتى لما حدثت
    تعلمت لغات جديدة (يونانية انجليزية وبعض السواحيلية )
    لكنى مع ذلك اكون مشدودة الى هناك
    دائما هناك
    مصر ، يا لذلك المكان الذى فتح شهيتى للحياة والكتابة والقراءة التى ساعدنى فيها عم محمد مدبولى وابناءه اشرف وحمدى ، كانوا كلما جئت الى المكتبة اخذونى الى المخزن وامرونى ان احشو حقيبتى الضخمة بما اشتهى وبآخر الاصدارات ، بل انهم فى بعض الاحيان يتصلون محذرين ان اسرع قبل ان تنفد بعض الكتب التى باتوا يعرفون مزاجى عنها ، ومع ذلك كان عم مدبولى لا يتوانى عن اهدائى كتابا او كتابين كلما اشتريت كتابا ، لم تنقطع صلتى بهم حتى الان
    فى القاهرة المدينة التى لا تنتهى مهرجاناتها ولا منتدياتها ولا مؤتمراتها كان لى شرف ان التقى بقامات مسرحية عربية وافريقية ومصرية ، فالصورة من قريب الان ، كنت فى كل مناسبة احرص على الحضور والمشاركة والحوار ، كانت حوارات رصينة مع مفكرين بقامة محمود امين العالم ، وفالح عبد الجبار من العراق (يعيش فى انجلترا )وزوجته الكاتبة المسرحية فاطمة المحسن، وعصام الخفاجى من العراق ويعيش فى هولندا، صحبته دائما يسن النصير العراقى الهولندى ، برهان غليون من سوريا ، محمود درويش ،وغيرهم العديد ،من المغرب محمد برادة ،فى اول مرة التقيه كان طريقى اليه عبر صنع الله ابراهيم الذى كان فى ذلك الحين يحضر لروايته (ذات ) فاعتذر عن اللقاء الصحفى لكنه دلنى على محمد برادة الذى كان ينزل فى فندق سميراميس كلمته من الاستقبال فرد علىّ متسائلا :
    ــ انتى سودانية
    ــ قلت نعم
    قال تعالى فى الغرفة وتحاورنا طويلا فى الشان الثقافى العربى والمغربى ، فى ذلك اليوم بعد ان اكملنا حوارنا ، اهدانى علبة شاى مادا بها الى قائللا :
    ــ فى المغرب اذا زارك احد اول مرة فلابد من هدية له مهما كانت
    وبات كلما جاء الى القاهرة يحمل لى معه هدية ، لكن اجمل هداياه كانت تعريفى بالكاتب محمد شكرى :
    ــ تعرفى انك مجنونة وعندى صديق بنفع معاك مجنون هو ايضا
    قلت دون تردد :
    ــ محمد شكرى ؟
    ــ قال :هو نفسه
    وصار محمد شكرى يهاتفنى من مكان اقامته فى طنجة
    ذات مرة وكنا فى احد مؤتمرات القاهرة ، ازعم انه مؤتمر الرواية العربية ، كنا وقوفا ـ شخصى ودكتور محمد برادة ، الدكتور فالح عبد الجبارمن العراق ، ودكتور عبد السلام بن عبد العال من المغرب ، وتصادف ان كان معظم الوقوف فى تلك اللحظة عراقيين ومغاربة، كنت بطبيعة الحال من السودان ، مر ّ فى تلك اللحظة الدكتور برهان غليون الذى ضحك قائلا :
    ــ نفسى افهم ما هو سر العلاقة بين السودانيين والعراقيين والمغاربة
    فما كان منى الا ان قلت له
    ـ انه الشيخ عبد القادر الجيلانى الذى ربطنا الى وثاق صوفيته
    ارايتى كم ان غريتى مغايرة
                  
|Articles |News |مقالات |بيانات

09-02-2007, 02:45 PM

Elawad Eltayeb
<aElawad Eltayeb
تاريخ التسجيل: 09-01-2004
مجموع المشاركات: 5301

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: سلمى الشيخ سلامة)

    الأخت العزيزة هبه،

    الغربة زي "الشَرَك" لا تقدر تستحمله، ولا تقدر تنفك منه، إلاّ وأنت مجروح.

    عن شخصي المتواضع فأنا اغتربت أكثر من عشر سنوات وكنت حريص جداً أن لا يغترب أي شخص آخر أحبه...
    إلاّ للزيارة أو للدراسة فقط.

    لأنني أعتبر الغربة تضحية ليس إلاَّ، لا يقوم بها إلاّ مجبور.. ومهما استفدنا فيها من خبرات أو غيرها فالغربة في النهاية لا تعادل لحظة واحدة في حضن الوطن رغم مرارة هذا الأخير.

    والحمد لله.

    عوض الله
                  
|Articles |News |مقالات |بيانات

09-02-2007, 03:00 PM

Elkhawad

تاريخ التسجيل: 02-05-2002
مجموع المشاركات: 2843

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Elawad Eltayeb)


    هبة ..
    ..

    الغربة ..
    خمه نفس

                  
|Articles |News |مقالات |بيانات

09-02-2007, 03:08 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
إلى متى تضج بنا مطارات الوداع؟ (Re: Elkhawad)

    هبة سلامات وقولى واحد والواحد الله، نفتح الجرح

    Quote: تداعيات امرأة لا تكف عن إجتراح الذاكرة
    إلى متى تضج بنا مطارات الوداع؟


    وقفت مشدودة على وترين من الحزن والحزن، ارتجفت فرائص وجهي وأحلامي المجنونة بالانتماء إلى هناك حيث ثورة الفقراء تشتعل رويدا رويدا في ساحات الوطن. تمعنت في الوجوه ألا ليفه التائهة، ركزت في العيون التي سكنها الحزن وأوجاع غربة لا ندرى إلى متى تدوم؟ سودانيون من كل بقاع الوطن، مسافرون ومودعون، بصمت المعاناة والحزن على وجوههم، تشردوا في وطنهم وهان عليهم الهوان في بلاد أخرى، مسافرون دون قرار بالعودة، نظرتهم ونظر ونى، كالغرباء لم نبتسم حتى لبعضنا، يا ألهى الهذا الحد من الحزن الساكن عصب أيامنا نتجاهل بأننا من صلب واحدة؟ غصة في حلقي وقاطرة الذكرى تجرى سريعا إلى ذلك اليوم الذي ألبستني فيه الغربة جروحا لا تبرأ، غسلتني دموعي المالحة وغبت في حزن مازال يكسو ملامحي وينخر عظمى، تذكرت أمي وهى تحتضنني بكل أشواق أمومتها ودمعة صلدة تحجرت في عينيي أبي، في ركن بعيد انزوت أختايا تنتحبان بان الزمان سيطول ألي أن نلتقي من جديد في تلك الحجرة التي تئن تحت رذاذ المطر، لم أقو أن أنظر في عيني الرجل الذي أحببت، غرست سمرته فى جسدي المنهك بفعل الرحيل والحنين، حزمتهم جميعا في حقل من الحلم بأمل اللقيا وقذفتهم في أقصى القلب.
    أقلعت الطائرة وبدأت لي الإضاءات باهته وحزينة، بكيت الوطن، الشجر، البحر، أطفال المدارس والنساء الفقيرات، تقرفصت على المقعد لا أملك ألا صوتي المخنوق ودموعي التي انجرفت بكل عمق الذكريات والأيام الدافئة فى تلك المدن البعيدة وطارق جبارة بكل إنسانيته يرطب على جرح الرحيل مغنيا أغنيات العودة لأجلي. داهمني زوربا وغسلتني دموعه صادقا ضحك منتحبا {يا م سماسم حا ترجعى هامة وقامة بس ما تنسى الفرس الأبيض لجدة خالتنا}، شريط سينمائي مر سريعا وأنا أمعن النظر فى وجوه المسافرين والمودعين.
    اختفت تلك الحنية والحميمية فى لحظات الوداع، جمود يكسو الوجوه التي اعتادت أوجاع زماننا، فى وجوههم خوف من المجهول وحزن ساكن كل خلية فيهم، على جانبي احتضنت امرأة من جنوب الوطن شابة يافعة بكت.. بكت.. بكت.. وبكيت بصمت حارق أصب لعناتي على الحرب وسطوة حكامنا، رفعت بصري إلى السماء استنجدها أن ترحم حزني، داعبت أنامل واصل، طفلي المولود فى بلاد الصقيع، البلاد التي تخافها الشموس، هنا حيث لا أهل ولا صحاب ولا صوت من الجيران يسأل حنيناً{ كيف اصبحتوا؟}، حكيته بان الزمان جار بنا وصار لا حديث لنا ألا أل UN وقرار السفر إلى كندا أو أمريكا، يقولونها من تعلق {بقشاية الغريق}
    كلما يضج أنين الوداع فى دمى وصوت الراحل الساكن فينا مصطفى سيد أحمد يدندن:سافر.. سافر
    مطارات الوداع ضجت قدامك ووراك سافر

    وسافر مصطفى دون رجعة وسافر حزن البنيات الجميلات فى دمى وتضج هذه الأغنية فى عصبي وأنا أرقب كل الرايحين والقادمين، رجالا ونساء يهربون من جحيم الفقر والحرب وصلف الحكام، يبحثون عن أرض يحسون فيها الأمان ولا يدرون انه لا أمان ألا هناك حيث ينتفض الوطن عاجلا أم آجلاً.

    الرحيل النازف فى تاريخ أرضنا السمراء، الهروب إلى المجهول حيث يختلف إيقاع الحياة.. لونها.. ضجيجها..تختلف اللغة الدين وطقس الحكايات وطعم الابتسامة، أفتقد كل الوجوه الأليفة التي لا تبرح أناشيدي التي شاخت بفعل الجدران الميتة، يستفحل الحزن ونتجرعه كا لمرار والوطن ينزف ومازال باب الهروب مفتوحا حيث تقتلنا المنافي ويلفحنا صقيعها حتى برودة القبر.
    مبدعات ومبدعون تبتلعهم مدن الشتات وتطحن فيهم جذوة الحياة والإبداع، هناك حيث تمتشق تماضر شيخ الدين تعطنها حكايات النساء النبيلات، مقاومة ضجر الرحيل لتسكن الجراح.
    خالد كودى، أسامه خليفة والنقر وما زال الباب مفتوحا ويا حزني الممتد أن كفت تداعيات يحي فضل الله أن تضئ مساحة من غربتنا وتعلقنا بأمل اسمه العودة إلى وطن ينزف كل صباح بسبب أبنائه وبناته منتظرا بشغف أن يمهوره بالحرية.
    خالد عبد الله، احمد طه امفريب، السمانى لوال، فيصل محمد صالح، ديرك والفاتح المبارك ويا نبض نبض لا تكف عن عشق منعمشوف والصباحات. نرقص بانتشاء كما رقص يومها حكيم، وبفرح يصافح النعمان وطارق محمد عثمان الجميلات فى شارع الجامعة، هناك حيث بكى إدريس تبيدي وهو يهجر بحره الأبيض. عادل القصاص، عاطف خيري، أين هن وأين هم؟ خالدة الجنيد، انشراح، سمية خالد، منى الحوش، النوالين، نساء ارتبطن بأشجان الوطن، أين رسا بهن زمان المنافي والشتات؟ أين هن ينسربن خفافا فى نجوم زرقاء تفرهد مغنية لنجاة عثمان ورقية وراق.
    أتحسس جسدي، فى كل مرة افتقد عضوا فيه كان فاعلاً. يأتي صوت ثريا إبراهيم مخترقا المدى تحكى مع أيوب عن ذكريات ارتبطت بالربوع والسهول البعيدة وبين كل مفردة والأخرى تفرهد بت أحمد كوردة لا تعرف الذبول.
    أين رفاق ورفيقات النضال فى الجامعات والمعاهد العليا أمال جبر الله، تارك، دحدوح، إدورد، أحمد إبراهيم، خليل، أسامه سعيد، عادل عبد العاطى، الجلاد، عز العرب، عبد الرحمن، وعصام جبر الله القائمة تطول أين هم وأين هن؟ فى المنافي أم فى الوطن يقاومون نزف المعاناة التي تخطها سلوى سعيد المرأة المسكونة بالأناشيد والصباحات الآتية. أين المبدعات الآتي لونّ تلك الحقبة من الزمان بكتاباتهن التي تلامس عميقا الوطن وقضايا الثورة والعشق الساكن كل حرف من حروفهن عوضية يوسف، آمال حسين وسلمى الشيخ سلامه، أين هن وأين رست بهن مراكب الحزن والسفر اللانهائي؟
    وفى أي مدن يرتد صوت إلهام عبد الخالق وهبه؟ أفي الخرطوم لتغنى أغنيات الانتماء لثورة الفقراء هل ستنطلق أصواتهن يغنين لعاطف خيري وعثمان بشرى أم سيكون الغناء فى زمن العزلة التي أبكت الصادق الرضى؟ هل سنحتسي جميعا نبيذ الانتصار والرقص فى فضاءات الوطن؟
    أين هن ؟ ,أين هم والى أين يذهبون فى هذا الليل الحزين؟ سألت أحمد محمود عن شعوره يبدو متماسكاً ولكن خوف ما سكن عصب وجهه الذي أرتجف لحظة الوداع قال أحس بعض الاضطراب، قلت ضاحكة بمرارة ليس بعض إنما كل الاضطراب. الإحساس بالمجهول يسيطر عليه يقف أصدقاؤه محمد الأمين وآخرين بصمت يبكون ليالي الشتات، يبكون أيام الضيق والمعاناة ويترقبون بتوجس المجهول يقاومون دمعة طفرت بحرقة مفترق الطريق، يا لقسوة هذا الزمان، يالقسوة واقعتا نحن جيل الهزائم والانكسارات المريرة.
    أحمد العربي كما كان يحلو لنا تسميته إبان الثمانينات الضاجة، يضحك ساخراً كعادته يردد جملا كان الفاعل فيها كوفى عنان، حزن ممزوج بمرارة السخرية، يعلق مجروحاً وهو يعطى زوجته أوراقاً: دى أوراقك قالوا هناك {كل شاة معلقة من عصبتها}
    على ركن آخر يقف أحد الشيوعيون الذين كنت أطالع صورهم و مقالاتهم حزينة أجترّ مقالا للعم التجانى الطيب { الشيوعيون ملح الأرض} وهاهو الزما يجور وملح الأرض تبتلعهم منافي الرأسمالية، الأّ يدعو هذا أن أجترح ذاكراتي لتتداعى تلملم في أشلاء حلم ما يسكن عصب أيامي وتواريخ ما برحت ذاكرتي؟
    لقد كنت فرحة بعد قطيعة دامت أعواما مع الفرح بأني سألتقي كل الذين أحببتهم واقتسمت معهم الحلم والخبز والنضال بل ذكريات الطفولة الحلوة التي مازلت اشتم فيها إخلاص مهدى ذات النكهة الاستوائية الطازجة. لم أنسهن ولم أنساهم كأنما أحداث العشرين عاماً حدثت بالأمس أو اليوم بل اللحظة، بقدر هذا الفرح كنت حزينة لحد انطفاءه الروح، حزنت ونحن ننحسر داخل منافينا نلملم حكاياتنا القديمة ونرطب على جروحنا ونسترق ابتسامات فقدت بريقها، هناك بصيص ما لا يخبو، المحه فى عيون كل سودانية وسوداني هو الحلم بأن نلتقي يوما فى شوارع أم درمان والأرياف البعيدة، نعانق على المك وخالد الكد، نطرب لمصطفى سيد أحمد، نتسكع بعد عرض مميز للسديم فى شارع النيل، ننتشي فرحا بعروض كلية الفنون الجميلة، يا لله يالها من أزمنة.
    هل سنلتقي يوماً بعد ما رتقنا كل خرم فى ثوب الروح؟ هل ستنطفئ شهوة الخلاص من القهر والظلم أم ستطوينا الغربة تحت أجنحتها الثقيلة وتطمس فينا إنسانيتا وتحولنا من بشر إلى آلات، بطحننا إيقاع هذا الزمان وتضيع ملامحنا الأصلية حين يسألنا صغارنا المولودين فى الأصقاع البعيدة من أنتم لأن أنظمة تلك البلاد التي تحترم حقوق الإنسان مجازا ستلقنهم منذ الميلاد بأنهم أمريكيون يتذوقون الهامبيرقر والكوكاكولا ونبقى نمسح بأسى على جرح قديم، جرح هويتنا، أعرب نحن أم أفارقة؟
    تبتلعنا مدن العولمة، نهرب لمدن الشتات من خصخصة القيم والأخلاق وعلى بطين قلب أم درمان يطمس محجوب شريف صوت الغلابة وحميد ويا أرضنا البكر الحنون لماذا حولك أعداء الفكر والثقافة ألي كومة خراب ينعق فيها البوم؟
    ذات الحلم يسربل روحي ليلا ونهارا أن نعود إلى هناك، أن ألقاهن وألقاهم، أشتهي أن أعود لتلك الحجرة الطينية وان أنام على ذات العنقريب المتدلية حباله تلامس حلمي الأرض، إلى ذات الفانوس المشع بتماسكنا وحبنا واحترامنا إلى ذات الشوارع الضاجة بالحياة حيث تضيء مسبحة عم الزبير عتمة بيوت الطين، حيث تضرب المدائح فى بيت الخليفة فتح الرحمن وصوت جدتي يستغيث يا لشيخ حامد {أب عصاية سيف}، اشتهى أن أعود إلى كوستايا، تلك المدينه التي لا تكف عن الاطلاع ومكتبة رحمي لأستاذنا القدير الطاهر أضاءت سواحل بحرنا الأبيض، أسالوا عنها آل أبو إدريس، شفع الفلاتة وبنات الدينكا الجميلات، أسالوا عنها طبلها فى العصريات واسألوا عنها بيوت الطين وأنات الفقراء، أسالوا عنها جدتي حليمة بت أبو شالية واسألوا عنها أبى ومعلمي فى الحياة مصطفى حامد.
    أحن إلى هناك حيث ينام عفيف قرير العين وشمس تشرق من دمه حبااًلربوع الوطن وعبد الملك يدندن بأنغام حنينه تبكيني من شجوها.
    هل سنلتقي نشاهد مسرحية يخرجها خطاب حسن أحمد؟
    هل نسمع فى اتحاد الكتاب السودانيين قراءة نقدية لمعاوية البلال بتداخلها عثمان بتراثه الثر، هل سيهدأ هاجس الثقافة الهوية فى دم مجذوب عيدروس؟
    هل يجد مرتض الغالي حلا لمسألته الشائكة الشابكة فى دمه عشقا لامدرمان وربوع الوطن؟ وهل ننتشي ومحمد عبد الخالق يتلونا شعراً، ربما نلتقي وصديقنا رامبو لا يتخلى عن عاداته الجميلة فى نسخ أشرطة الموسيقى واقتناء المميز منها، نلتقي وشجرة الليمون فى حوشهم الذي أخذ من نوال الندواة تعطرنا وتزكينا.
    ومحمد خلف يحتفظ بذات الهدوء والألفة، قد نلتقي صبايا وصبيات يحفظون وانجا، إمرأة لا تكف عن تصويب سهام عشقها لكل فجر.
    ربما التقى النساء الصامدات فى عروقي النازفة حنينا لا يهدأ، حولية، سعدية، آمنه قرندة وفاطمة دكة وخالتي رقية.

    من يملك فيكم الإجابة التي تشفى غليل السؤال فى دمى؟ إلى متى تضج بنا مطارات الوداع؟ وهل سيأتي يوما وتضج بنا مطارات العودة حيث حقول الباباى والنخيل؟




    • إشراقه مصطفى حامد
    • صحفية متفرغة ومساعدة تدريس بجامعة فيينا كلية العلوم السياسية

    حاشية: نشر هذا النص بصحيفة الخرطوم فى يوم الاثنين الموافق 27 سبتمبر 1999


                  
|Articles |News |مقالات |بيانات

09-02-2007, 03:21 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
جيلان وغربة واحدة.... هكذا الامر يا صديقتى هبوية (Re: Ishraga Mustafa)

    Quote: غريبان

    رفيقان فى السفر
    متماسكين فى الحلم والشجن
    قلوبنا تتماسك حين يهزمن التعب
    غريبان فى هذا الزمن
    أنتشى لوعة حين يلامسنى بشفافية
    تنتصب احلامى
    اتوه لوعة شجنا
    وحنينا يفرهد
    كالحروف المتناثرة
    حبات نجوم
    تعلن عن هويتى عن من أنا..
    إمرأة أنا
    منزورة للفقراء
    ولاحلام النساء
    ولأنات الوطن
    غريبة أنا
    يرافقنى فى بدء ومنتصف الحلم
    ولايتركنى الا حبلى بالأمل
    وحروف لاتنبض بالتعب
    رفيقان فى السفر
    متماسكين فى الحلم والشجن
    قلوبنا تتشابك حين يهزمن التعب
    غريبان فى هذا الزمن
    أنا وقلمى

    فيينا فى مايو 2002
                  
|Articles |News |مقالات |بيانات

09-02-2007, 03:25 PM

Abubaker Ahmed

تاريخ التسجيل: 06-14-2007
مجموع المشاركات: 1825

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جيلان وغربة واحدة.... هكذا الامر يا صديقتى هبوية (Re: Ishraga Mustafa)

    الغربة حارة خصوصا اذا كنت في بلد انت فيها غريب السان
                  
|Articles |News |مقالات |بيانات

09-13-2007, 08:07 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جيلان وغربة واحدة.... هكذا الامر يا صديقتى هبوية (Re: Abubaker Ahmed)

    الغربة..
    غريبة هي كما الألسنة..ياابوبكر
                  
|Articles |News |مقالات |بيانات

09-02-2007, 03:26 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
Re: جيلان وغربة واحدة.... هكذا الامر يا صديقتى هبوية (Re: Ishraga Mustafa)

    ماتجيبى سيرة البحر ياهبة والا .... فلن يتحمل قلبك النضر هذا النحيب

    (عدل بواسطة Ishraga Mustafa on 09-02-2007, 03:38 PM)

                  
|Articles |News |مقالات |بيانات

09-03-2007, 09:07 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: إلى متى تضج بنا مطارات الوداع؟ (Re: Ishraga Mustafa)

    ياشراقه...
    (شّراقه ..)
    مابقدر أكتب حرف فوق الكلام ده..
                  
|Articles |News |مقالات |بيانات

09-03-2007, 09:14 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Elkhawad)

    يالخواض النفس مكتوم لامتين..
    دايمًا نفسنا مكتوم ياخي..
    (صاح الكلام ده ولا لا؟؟)
    حرقة بس..
    المهم دايرين نرجع للنيل وحضنو، فيضانو، وغضبو..
    والحاجات الغريبة دي تنتهي ..
    أيامنا سرحت ومامعروف البحصل ..
    أنا بهزي وروحي عالقة..
    لاعرفت انضم كويس لاقادره علي السكات..
    المهم شكراً علي خمة نفسك دي أهو مابراي...
                  
|Articles |News |مقالات |بيانات

09-03-2007, 10:05 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Elawad Eltayeb)

    Quote: لأنني أعتبر الغربة تضحية ليس إلاَّ، لا يقوم بها إلاّ مجبور.. ومهما استفدنا فيها من خبرات أو غيرها فالغربة في النهاية لا تعادل لحظة واحدة في حضن الوطن رغم مرارة هذا الأخير.


    الاخ العوض..
    حسيت زي كاني بعمل في إستفتاء للحظة..
    الغربة كريهه ومُرة..
    وأنا أعلم تماماً هذا الشي..
    ولكن ..لاحولاً لنا ولا قوة..
    والجميع هنا يتزوق ذلك الطعم بالاختلاف ..

    شكراً لمشاركتنا..
                  
|Articles |News |مقالات |بيانات

09-04-2007, 06:51 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Elawad Eltayeb)

    قلبي يخفق ..
    بعيداً عن بلادي...
    يدق متسارعاً..
    والغابة مليئة بالاشجار.. والاغصان..
    غزيرة ممتدة..
    مفرهدة ونافرة..
    ترقص دوني..
    أحبها..
                  
|Articles |News |مقالات |بيانات

09-05-2007, 10:01 AM

نزار عبد الماجد

تاريخ التسجيل: 10-16-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    الغاليه هبه
    ما من شئ يعوض الوطن ..وما من شئ لنا في الوطن

    ايها الماخوذ منا
    ايها الماخوذ عنوه
    ايها المسكون فينا ريشة
    داعبت وتر الرحيل
    ثم بين حضن الريح سارت
    إلى حيث انتهى ركب النشيد
    تعدو بعيدا
    تغدو وحيدا
    بين صالات الجمارك ترتحل
    أيها الماخوذ عنوة
    أي شكل تنتحل
    رغم هذا
    انت منا ..انت فينا
    تشتاق بيتا
    بين حضن النيل قابع
    ينفي السفر المواجع
    وينتقي ثوب الرجوع



    اللهم...
    يا خالق السماوات
    وخالق الرسل .. والمعجزات
    وياخاسف الأرض
    بشعوب أدمنوا المعصيات
    ويا مبتلي الكون .. بالبشر
    نشكو اليك
    قوماً
    انتهكوا أماننا
    وأموالنا..
    وحرياتنا..
    وبراءة أطفالنا..
    وحياة شبابنا..
    واورثونا
    الهم والشقاء
    أدعاءاً بدينك
    وايهاماً للناس
    باستلاك
    سلوك رسولك
    وهو من تحب
    ونحب
    اللهم
    أنك تعلم
    ما لا نعلم
    وتدرك ما لا ندرك
    .. اللهم عليك بهم
                  
|Articles |News |مقالات |بيانات

09-10-2007, 04:17 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: نزار عبد الماجد)

    Quote: تعدو بعيدا
    تغدو وحيدا

    الاستاذ نزار..
    هل من أسواء..؟
                  
|Articles |News |مقالات |بيانات

09-03-2007, 09:02 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: سلمى الشيخ سلامة)

    هذا الذي يُحللني ..ويجعلني بائسة
    ...
    Quote: لكن ماهو (احر منها )الغربة فى الداخل
    عشت غربة فى داخل وطنى (الله لاوراك)
    رجعت لقيت اصدقائى وصديقاتى (متغربين )وهم فى داخل الوطن

    الجميلة..
    سلمى الشيخ.إذيك وكل سنة وإنتي أجمل...
    ياخي غربتك لمتك بالعمالقة ..
    الذين أحبهم ..وعلمتك الكثير.لفطنتِك ونباهتك وعدم قبولك لكل شيء..
    محمد شكري من المفضلين لدي ومحمود درويش..
    ..ممكن تحكي لي لسه ؟؟
    حياتك ثره وممتعه برغم الحزن الذي تحملينه..
    ولايهمك كلنا سوى..
    والوطن مغلغلني اليومين ديل شديد..
    وانا ياداب في بداية الطريق..
    بفكر احرد كل شي وارجع لي حضن أمي..
    والبلد.وإن كانت .......

    بريدك ياسلمى والله...
                  
|Articles |News |مقالات |بيانات

09-03-2007, 08:48 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: يسرى معتصم)

    أظنني ..سوف أبارحه..أيضاً ..
    هذا البوست.
    ألم من ألم..
                  
|Articles |News |مقالات |بيانات

09-04-2007, 08:12 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: يسرى معتصم)

    .....الغربة حلوة، وجميلة،
    وتنومي كويس، وتفكري كويس،
    وما بتبكي يوميا، وتكتبي شعر، وترسمي،
    يالها من رائعة، ووديعه، وطاعمة، وآمنة،
    ملامح الاهل بعيدة عنك، صوت الرقشة، والجرائدة المفروشة على الشوارع،
    ومانشتات حمراء، كل شئ جميل في الغربة، أنها ملح الكون..
    الكلام ده عجبني..

    فلنكذب، كي نعزي النفس...
                  
|Articles |News |مقالات |بيانات

09-02-2007, 03:25 PM

osman righeem
<aosman righeem
تاريخ التسجيل: 06-21-2007
مجموع المشاركات: 10872

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    المشكلة انها دائرية الشكل
    من بالداخل يريد الخروج
    و من بالخارج يريد الدخول

    نموذج غربة صغيرة

    زمان لمن كنا بالمدرسة الثانوية
    حميد ( محمد الحسن سالم )
    انتقل من نوري الي عطبرة الثانوية
    كتب
    غربة وحالا فقر عذبني قبل اصل القبر

    دي بس في 300 كبلومتر
    لو كانت 3000 كيبومتر
    كان قال خالدينا فيها
                  
|Articles |News |مقالات |بيانات

09-02-2007, 03:37 PM

Aymen Tabir
<aAymen Tabir
تاريخ التسجيل: 12-02-2003
مجموع المشاركات: 2612

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: osman righeem)

    هبه
    الحنين ...وجع ..
    والسنين ..متاهه ..
    والعمر ممحوق ..
    والشوق نار الله الموقده ..
    والحبان خيالات ليل ونهار ..
    والمسافه .. مشوار طويل تقبل تعاين ..ينقطع نفس حاجات كتار فيك ..
    اهمه ما فيها انو بتعلمك تحب كل الحبيتو بي طعم ولون جديد ..
    لون حنين و مستحب ..
    ياه يا هبه
    نار ...نار بتحرق حبال الروح!!
    وبرجع ليك تاني بي حكاوي الشوق الكثييييرررر.
                  
|Articles |News |مقالات |بيانات

09-03-2007, 09:22 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Aymen Tabir)

    Quote: اهمه ما فيها انو بتعلمك تحب كل الحبيتو بي طعم ولون جديد ..

    ياأيمن ..
    منتظراك ..
    بكل ماعندك..
    وشكراً للكلام المن جوه دة..

    هبة
                  
|Articles |News |مقالات |بيانات

09-04-2007, 06:58 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: osman righeem)

    Quote: غربة وحالا فقر عذبني قبل اصل القبر


    تأنقت تناسقت كذباً..
    حتى أبدو متناسيةً صوت البلد...
    ياعثمان...
                  
|Articles |News |مقالات |بيانات

09-02-2007, 03:28 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3717

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    الغربة نــــــــــــــار حمراء عديييييييييييل

    لكن وجودنا في الدنيا برضو طالما الدنيا ليست دار قرار

    وكلنا متوجهين لدار القرار ... أها وجودنا في الدنيا غربة أم لا...


    بس ليه بيقولوا: "طوبى للغرباء" أرجو الفتيا من الطوباويين أو الغرباء
                  
|Articles |News |مقالات |بيانات

09-02-2007, 03:53 PM

خالد علي محجوب المنسي
<aخالد علي محجوب المنسي
تاريخ التسجيل: 04-09-2006
مجموع المشاركات: 15968

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Kamal Karrar)


    الزمان الأنقصدنا
    في البلاد شتت عددنا

    يا مدائن يا جناين
    نحن اصبح حالنا باين

    ومافي داعي نقيف نعاين
    ونرجا في مطر السحابة



    والقمرة في ليل الغريب
    ما زي قميراتنا الزمان

    والدنيا في ليل الغريب
    نشفانة عدمانة الحنان

    يا حليل زمان وسط الحبائب والاهل
    يا حليل زمان يا حليل زمان
                  
|Articles |News |مقالات |بيانات

09-03-2007, 09:09 AM

يسرى صلاح

تاريخ التسجيل: 10-26-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: خالد علي محجوب المنسي)

    هبه



    وااااااااااااااي

    20 سنة
                  
|Articles |News |مقالات |بيانات

09-03-2007, 09:10 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: خالد علي محجوب المنسي)

    هبة الحسين سلامات
    رأيك شنو ابرد ليك جوف البوست ده شوية
    ليك ولى كل الاخوة والاخوات المتداخلين
    لانه لو فتحت ليك طاقة وجع الغربة
    بتفرشوا هنا كلكم عديــــــــــل كده
    عشان كده بتجاهلوجعها..
    وبحكى ليك النكتة الظريفة دى
    قالوا فى واحد أخونا شايقى سألوة الغربة حارة؟؟؟
    قال ليهم والله شدة مى حاااااااااااارة
    عينك للجعلى وتمشى تسلم علية
    ما يجونى اهلنا الشوايقة ناطين)
    رد الله غربتنا جميعا بالسلامة
    اسماء الجنيد مسقط/
                  
|Articles |News |مقالات |بيانات

09-04-2007, 07:28 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: soma)

    ياسلام ياأسماء الجنيد..
    الله يخليك ..
    وبعدين الحساسية دي شنو مابين الجعليين والشوايقة..؟؟
    لكن الكلام ده صاح..
    لو لقيت اي زول سوداني بتجري تسلم عليهو ..
    المهم شوق ماليهم..

    شكراً..
                  
|Articles |News |مقالات |بيانات

09-03-2007, 09:13 AM

salma subhi
<asalma subhi
تاريخ التسجيل: 06-29-2006
مجموع المشاركات: 4817

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: خالد علي محجوب المنسي)

    هبة كيفك

    جرب نار الغربة جرب

                  
|Articles |News |مقالات |بيانات

09-03-2007, 09:54 AM

عمار عبدالله عبدالرحمن
<aعمار عبدالله عبدالرحمن
تاريخ التسجيل: 02-26-2005
مجموع المشاركات: 8775

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: salma subhi)

    بت الحسين

    اخف لحظات الغربة عندما تكون في عملك
    وهو كما يقولوا ضحضاح من النار يغلي له اليافوخ
    لذا نساق اليه صباح كما نقاد الي طبيب الاسنان لقلع ضرس
    تشرق الشمس
    وأشعر بشيء من الوجع كل صباح
    تلك حالتي
    حينما انام وفي ذاكرتي
    خفافيش الظلام

    (لا ادري من قائل الكلمات)




    بحق الحسين الله ينجيك من الاثنين الغربة وقلع الضرس
                  
|Articles |News |مقالات |بيانات

09-03-2007, 10:22 AM

محمد عبدالرحمن
<aمحمد عبدالرحمن
تاريخ التسجيل: 03-15-2004
مجموع المشاركات: 9059

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: عمار عبدالله عبدالرحمن)


    يعنى ماشديد ...وبعدين الغربة اظنها كانت حارة زمان
    مش اى حاجة يقولو كانت زمان ..غايتو الغربة الكتب
    فيها صلاح احمد ابراهيم (الطير المهاجر) دى اسى مافى منها
    (خلصت ) فى انواع جديدة ميسرة ..

    ازيك ياهبة ..
                  
|Articles |News |مقالات |بيانات

09-03-2007, 10:44 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: محمد عبدالرحمن)

    الغربــة يا هبه (=) العســل الملحــو كتير
                  
|Articles |News |مقالات |بيانات

09-05-2007, 08:38 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: tmbis)

    ياتمبس..
    إذيك..
    ده طعم غريب..
                  
|Articles |News |مقالات |بيانات

09-04-2007, 05:15 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: محمد عبدالرحمن)

    محمد عبد الرحمن إذيك إنت...
    وبعدين إنتو ناس الدوحة ديل ضاربين لي الطرب..
    غنى وقعدات وماشة معاكم..
    طبعاً تقول لي ماشديد..
    المهم تحت تحت كدة..
    انا حاسداكم شديد ..
    وبعدين بحبها..
    لشي في نفسي يعقوب البعيد..ياخي..
    بجيكم..
    امكن المكوث احمدُ. ..
    المهم سلامات والبركة البقت ماكدة غربتكم..

    هبة تراسل محمد عبد الرحمن عبر الخلجان..
    دة خطاب زول مغلوب من الغربة ..
    لو تعرف..
                  
|Articles |News |مقالات |بيانات

09-04-2007, 02:53 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: salma subhi)

    ياخي ياسلوم..
    تشة..
    بعدين انتي وين..
    مشتاقة ليك..
                  
|Articles |News |مقالات |بيانات

09-05-2007, 09:24 AM

salma subhi
<asalma subhi
تاريخ التسجيل: 06-29-2006
مجموع المشاركات: 4817

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    كيفك هبة

    قاعدين ....بنعاين بس !
                  
|Articles |News |مقالات |بيانات

09-04-2007, 07:37 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: خالد علي محجوب المنسي)

    لا ليل ولاحزن طايل..
    لا صد ولا دمع سايل..
    لا هم جاك يّام نفايل ..
    والنيل فاض وإنحنى ..
    نيلين وحلمك أنا..
    فرعين شايلين جنى..
    وصابرين...

    شايفين..
    البلد دي بتتخلى؟؟..


    شكراً ياخالد..
    ونخلي الغنى ده يعمل عمايلو ..
                  
|Articles |News |مقالات |بيانات

09-04-2007, 07:12 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Kamal Karrar)

    Quote: بس ليه بيقولوا: "طوبى للغرباء" أرجو الفتيا من الطوباويين أو الغرباء


    والله ماعارفة..أسال الاساتذة قايتو..
    لكني..
    كنت أشعر بإنجذاب إليها..واضح..
    بلدي التي أحبها...
    وأحاول جاهدة أن اخفي من الناس (تلك الاحاسيس)...
    الغربة متداخلة..
    مثل أصدقائي السمر..
    كعادتهم..متساقطين على الطرق في حالة كسل لذيذ...

    أحبهم ..وأحب أرضي..
                  
|Articles |News |مقالات |بيانات

09-03-2007, 12:05 PM

السوباوي
<aالسوباوي
تاريخ التسجيل: 12-31-2002
مجموع المشاركات: 209

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    الموقرة .. هبة الحسين ..

    أزيك يا زولة حريفة في "خت" اليد على الوجع .. وحريفة كمان في فعل

    الانتباه تجاه خدر غربة غير مستحب ..

    ذات غربة نحس باشتهاء الذات لأناس ينسربون عبر خلاياها .. ائتلافاً يؤكد

    خصوبته ماضٍ أنيق هو أجمل أيام حاضرنا .. ليس للانتماء لونٌ إذ نختزل العلاقة في

    الذكريات .. وليس للذاكرة اصل إذ توقظها الخواطر .. ليس للآتين عبر دمائنا لون

    الخصوص إذ لم يكن الصمت مرحلة من التواصل الشفيف .. أو يكن السكون لغة ثرّة

    للحوارات الدائمة .. للانقطاع ضبابية حادة تغيب عنك الاتجاه الصحيح نحو السؤال ..

    فلنسميها النقيض لأفعال التواصل .. أو مواسم الركوض لحجب الحضور الدائم عن الآخرين ..

    هناك أناس ننفعل بهم دوماً ونحن معهم أو بيننا المسافات .. تتعاطاهم اشتياقاً حين

    يصعب الوصول .. ثم نعود لنرتهن لأيام غربتنا السخيفة .. لكلٍ منا غربته الخاصة دون

    سفر كما لكلٍ منا هزائمه الذاتية التي يكون هو طرفيها نشتهي أن تلوح تجاهنا كل

    التفاصيل .. تجاه الشاطئ الآخر ليبدو لنا ضوء الفنارات الطشاش .. شيء يؤسس فينا

    فوضى التشوق للتحدث مع الآخر ..

    (قصاصة من وجع غربة ذات ليلة – سوباوي) .




    وأحياناً يا هبة نحاورها لتردنا

    ** ردني غربة**

    ردني غربة ...

    ردني حزناً أنيقاً في مسام الانتظار

    ردني كادحاً أشتهي معانقة الرصيف

    ويشتهيني أسفلت الشوارع طعماً للتظاهر والانتصار ...

    ردني قافية برغم نشازها تغنيها ماريل الحبيبة

    لأطفال يحدقون نحو الشمس بحثاً عن شعاع

    يضيف للون سحنتهم خطاً للتمترس ضد الطاغية

    ردني قافية

    برغم نشازها تشكلني إيقاعٌ له لون الخصوص ...

    ردني قراراً في قناعة الجوعى

    بأن الجوع لا يطأطئنا للرياح ..

    مثلما ينصبنا عزماً جميلاً ضد الانحناء التراجع والرحيل ...

    ردني خصباً كما كنت مثمراً بفاكهة النضال

    شارعاً ظلي لاستقطاب العصافير الرزاز

    والمخلصين من أبناء السبيل ...

    ردني دون قيد أو شروط نحو العلاقات القديمة

    ضحك البنات المعافى .. جلسة البن وطعم الزنجبيل

    ردني حزناً عبثياً في عيون داري

    حين عودت دافعاً بالرتاج

    تؤكدني حقائبي سعيداً بفراغ جتتها

    ليس فيها سوى حمى الإياب

    وبعض عطرٍ للحبيبة ...

    وبعض عطرٍ للحبيبة


    (مقطع نص أوان غربة حارقة الطعم – سوباوي)


    لسؤالك يا سيدتي الإجابة نعم .. ونعم جداً ...
                  
|Articles |News |مقالات |بيانات

09-05-2007, 02:43 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: السوباوي)

    ** ردني غربة**

    ردني غربة ...

    ردني حزناً أنيقاً في مسام الانتظار

    ردني كادحاً أشتهي معانقة الرصيف

    ويشتهيني أسفلت الشوارع طعماً للتظاهر والانتصار ...

    ردني قافية برغم نشازها تغنيها ماريل الحبيبة

    لأطفال يحدقون نحو الشمس بحثاً عن شعاع

    يضيف للون سحنتهم خطاً للتمترس ضد الطاغية

    ردني قافية

    برغم نشازها تشكلني إيقاعٌ له لون الخصوص ...

    ردني قراراً في قناعة الجوعى

    بأن الجوع لا يطأطئنا للرياح ..

    مثلما ينصبنا عزماً جميلاً ضد الانحناء التراجع والرحيل ...

    ردني خصباً كما كنت مثمراً بفاكهة النضال

    شارعاً ظلي لاستقطاب العصافير الرزاز

    والمخلصين من أبناء السبيل ...

    ردني دون قيد أو شروط نحو العلاقات القديمة

    ضحك البنات المعافى .. جلسة البن وطعم الزنجبيل

    ردني حزناً عبثياً في عيون داري

    حين عودت دافعاً بالرتاج

    تؤكدني حقائبي سعيداً بفراغ جتتها

    ليس فيها سوى حمى الإياب

    وبعض عطرٍ للحبيبة ...

    وبعض عطرٍ للحبيبة


    (مقطع نص أوان غربة حارقة الطعم – سوباوي)


    ده برضو من عمايلا..(الكتابة السمحة )وبي وجع..
    بي صراحة أنا ماحسيت بي كتاباتي..
    إلا بعد طلعت من السودان..
    حنين أخر يتبعني..
    ويُطلعني أني مازلت هناك..
    في المساحات الشاسعة..
    عند نزول المطر..
    ورائحة من الطين تستهويني..
    بقرب النهر..
    شكراً ياسوباوي كتير..
    والحمدلله..
                  
|Articles |News |مقالات |بيانات

09-03-2007, 12:17 PM

محمد عبدالغنى سابل

تاريخ التسجيل: 08-16-2007
مجموع المشاركات: 690

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)
                  
|Articles |News |مقالات |بيانات

09-03-2007, 12:18 PM

السوباوي
<aالسوباوي
تاريخ التسجيل: 12-31-2002
مجموع المشاركات: 209

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    وفيما يخص السؤال .. الفاضلة هبة الحسين

    هنا أيضاً بعض إجابة ..

    لدي أجد التفاصيل المليئة بانبلاج الفجر ...
    لديهم تشهق الخطى .. يتنفس الطريق ...

    هنا .. سفر .. يفوح بالوداع..
    يلوح ملئ ليلنا ولا يفيق ..
    أنها .. إحدى .. الخيارات الجميلة للطريق ...

    السماء بوحها سحائب ..
    جهر .. قولها .. مطر ...
    قد كنا .. قبل .. غير .. ما .. بعد .. السفر ..

    تحل .. أمسيات .. العمر .. على .. مهل ...
    هل هذا الذي .. خبأته لنا .. المسافات .. قد .. أهل ...
    دوائر الأسفار تكبر .. وعند الوصول منحنى ...
    وحدها .. الدوائر .. تستبيح الانحناء ...

    زهاء .. عمر .. أو .. بعض .. من ..
    نؤدلج المسير وفق وجهة الخطى ...
    في درب .. رهط ..السائحون .. في فناء دهرهم
    على .. عجل ..

    يحنطون حوالم الأماسي من زمان قد مضى ...
    وفي .. فضاء .. كوننا الرهيب قد نضل ..!!!
    فلا .. يدل .. من لم يزمل النوايامعالم الدروب ..
    يـــا .. عــالم ... الغيـــــــوب ....
    يـــا .. عالم ... الغيوب .. دلنا ...



    "سوباوي - وأيضاً ذات غربة"

    (عدل بواسطة السوباوي on 09-03-2007, 12:20 PM)

                  
|Articles |News |مقالات |بيانات

09-03-2007, 01:36 PM

nazar hussien
<anazar hussien
تاريخ التسجيل: 09-04-2002
مجموع المشاركات: 10209

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: السوباوي)

    الحار ياهو مصاقر المطارات وكنبها... ومعاتلة شنط الآبري والدوم والنبق والقنقليس تاني الباقي كلو موية...

    زي امتحانات الفنون زمان..
                  
|Articles |News |مقالات |بيانات

09-12-2007, 04:47 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: nazar hussien)

    بالجد..
    ياصاح
    ..
    والاسواء من ده كلو عدم الوصول...
                  
|Articles |News |مقالات |بيانات

09-03-2007, 04:02 PM

امل احمد عمر
<aامل احمد عمر
تاريخ التسجيل: 03-21-2007
مجموع المشاركات: 291

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    برانا زهجانين يا منها ..

    افتح البوست ألقاك جايبة سيرتها ..

    حرام عليك ياخي ..
                  
|Articles |News |مقالات |بيانات

09-04-2007, 05:00 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: امل احمد عمر)

    امل..
    والله عارفه وانا مزهجاني .
    الحاجة دي ليها كمين كدة..
    دايرة امشي بس ..
    دي حاجة غريبة ..
    محيرة..
    والله بس العمل عند الله!!..
    كدي لو اتلاقينا ياخي..
    في نجيلة المطار هناك..
    بتونس معاكي والله كتير،
    واحدثك ..
    مااظن في فايدة منها الغربه مهماً كانت..
    بس انا خايفة نجي نندم عليهو العمر دة...
    عشان كدة بسال..
    وخليك طيبة وحلوة..
    ماشبه الزهج انتي ..
    خلو لينا نحن...

    صحبتك..هبة
                  
|Articles |News |مقالات |بيانات

09-05-2007, 08:53 AM

امل احمد عمر
<aامل احمد عمر
تاريخ التسجيل: 03-21-2007
مجموع المشاركات: 291

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    هبوية .. أزيك

    شفتي الزول البكون كايس ليهو سبب عشان يبكي

    ده كان البوست بتاعك ..

    وزي ما قلت لي أماني (الجندرية) ..

    ما عارفين نمشي وين ؟ لا قادرين نفارق السودان ولا قادرين نقعد فيهو..

    شفتي الشبك دي ..

    أكيد ح نتلاقى ..
                  
|Articles |News |مقالات |بيانات

09-03-2007, 04:27 PM

Ali Amer

تاريخ التسجيل: 08-25-2006
مجموع المشاركات: 142

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    بسم الله الرحمن الرحيم

    السلام عليكم ورحمة الله وبركاته

    تحياتى للجميع ,,,,,,,

    أما عن السؤال,,,,,

    هاكم النكته دى

    سالو الجعلى ,,, الغربه كيف ,,, قال ليهم ; آه ,,, من شدة ماحاره عينك

    للشايقى تسلم عليهو ,,,,,,

    مع الاعتزار,,,,,

    على
                  
|Articles |News |مقالات |بيانات

09-03-2007, 04:51 PM

هاشم أحمد خلف الله
<aهاشم أحمد خلف الله
تاريخ التسجيل: 01-16-2007
مجموع المشاركات: 6449

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Ali Amer)

    هبة الحسين والله الغربة حارة نار وخاصة لو كنت في بلدك ؟؟؟؟؟؟؟ صدقيني هذا احساسي !!
                  
|Articles |News |مقالات |بيانات

09-12-2007, 04:54 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هاشم أحمد خلف الله)

    هاشم اهلاً...
    والاحساس جوه وومكونين بيهو ياخي..
    ودي اصعب حاجة..
    لكن كفانا اسئله..
    وخليك بخير...
                  
|Articles |News |مقالات |بيانات

09-03-2007, 04:59 PM

Elsheikh Mohd Aboidris

تاريخ التسجيل: 07-30-2007
مجموع المشاركات: 946

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    الغربة قساية وقلوبنا نساية

    من شدة قسوتها قست قلوبنا معاها
    ارتحلنا بعيدا بحثاً عن علم وبعدها بحثا عن لقمة العيش وطالت غربتنا
    ونتمني ان نرجع للوطن ونحن في انتظار ان تتحسن ظروف بلدنا الحبيب وسنعود

    ما اصعب الغربة عندما تسمع عن مناسبة عند الاهل او الاحباب تفرح لفرحهم وتحزن لانك لم تشاركهم
    والامر والاصعب عندما تسمع عن وفاة عزيز يا الله ويتقطع القلب عند وفاة اي سوداني ببلد المهجر
    يا رب رد غربتنا سالمين
                  
|Articles |News |مقالات |بيانات

09-04-2007, 07:15 AM

Badr Edinn Abdul Rahman
<aBadr Edinn Abdul Rahman
تاريخ التسجيل: 07-30-2007
مجموع المشاركات: 98

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    الأخت هبة، السلام عليكم، ردّ الله غربتك، وغربتنا، لقد طلبتي قصيدة الشاعر الراحل عبد الرحمن ابو ذكرى كاملة وإليك هذه القصيدة كاملة لعلها تكون تخفف عنك وطأة الغربة... وقد قام الراحل الرائع مصطفى سيد أحمد بتلحينها، وبمقطعين، مقطع المقدمة، والمقطع الثاني هو باقي القصيدة أدناه:
    المقطع الأول
    ايها الراحل في الليل وحيدا
    ضائعا منفردا
    المقطع الثاني
    امس زارتني بواكير الخريف
    غسلتني بالثلوج
    وباشراق المروج
    ايها الراحل في الليل وحيدا
    ضائعا منفردا
    حين زارتني بواكير الخريف
    كان صيفي جامدا
    وجبيني باردا
    وسكوتي رابضا
    خلف البيوت الخشبيه
    مخفيا حيرته في الشجر
    وغروب الانهر
    وانحسار البصر
    لوحت لي ساعة
    حين انصرفنا
    ثم عادت لي بواكير الخريف
    حين عادت وثب الريح علي
    اشرعتي المنفعله
    سطعت شمس الفراديس
    علي اروقتي المنعزله
    ومضت تحضنني الشمس النديه
    التي ماحضنتني في الزمان الاول
    في الزمان الغائب المرتحل
    ايها الراحل في الليل وحيدا
    ضائعا منفردا
    انتظرني فانا ارحل
    في الليل وحيد
    موغلا منفردا
    في الدهاليز القصيات انتظرني
    في العتامير
    وفي البحر انتظرني
    انتظرني في حفيف الاجنحه
    وسماوات الطيور النازحه
    حين تنهد المدارات
    وتسود سماء البارحه
    انتظرني انتظرني
                  
|Articles |News |مقالات |بيانات

09-04-2007, 08:51 AM

عبدالغني كرم الله بشير
<aعبدالغني كرم الله بشير
تاريخ التسجيل: 12-06-2005
مجموع المشاركات: 1082

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Badr Edinn Abdul Rahman)

    صحي الغربة حارة؟؟؟


    حظك، يظهر من صيغة السؤال انك ما جربتي الغربة..
    حظ...
                  
|Articles |News |مقالات |بيانات

09-04-2007, 05:14 PM

Mohamed Ahmaed Olyesh
<aMohamed Ahmaed Olyesh
تاريخ التسجيل: 07-31-2006
مجموع المشاركات: 950

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: عبدالغني كرم الله بشير)

    اخخخخخخخخخ عرفتي ياهبه
                  
|Articles |News |مقالات |بيانات

09-04-2007, 05:20 PM

Mohamed Ahmaed Olyesh
<aMohamed Ahmaed Olyesh
تاريخ التسجيل: 07-31-2006
مجموع المشاركات: 950

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Mohamed Ahmaed Olyesh)

    برجع ياهبة للفضفضه
    عليش
                  
|Articles |News |مقالات |بيانات

09-04-2007, 05:46 PM

عماد شمت
<aعماد شمت
تاريخ التسجيل: 12-02-2004
مجموع المشاركات: 3857

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Mohamed Ahmaed Olyesh)

    ماسمعتي الفنان عبدالرحمن عبدالله بقول الغربه حار وحاره

    يعني بعد ما هي حاره حاره تاني ,,,

    فوق الـ15 سنة. خروج بلا عوده الاحساس بالغربه افضل من

    الاحساس بالذل في وطنك ...واهلي ضنو...

    اعيش في غربة لا النفس راضيه ولا الملتقي ...

    نبكي وننوح لكن في النهايه نرضي بالمكتوب ...الغريب عن وطنه مهما طال

    غيابه مصيرو يرجع تاني لاهله وصحابه

    هبه لك التحاياالقلبيه ...
                  
|Articles |News |مقالات |بيانات

09-06-2007, 07:11 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: عماد شمت)

    الاخ عماد..
    ياخي..انا ماقايله الناس ديل ..
    متجرسين..
    كده.
    وولله الحاجه دي كعبة خلاص..
    بس لمن تكون ماعارف البتسويهو في نفسك ..
    كويس ولا لا..
    تمشي وين؟؟
    الغربه كعبة ..
    والمكان هناك اكعب..
    بتذكر كنت بقراء لي جورج أمادو
    (في بلاد الكرنفال)..
    واتسلط علي شديد الكتاب ده دايره أمرق منو ماقدرته..
    لكن هل في سعاده بالبنعمل فيهو ده؟؟
    ولا اخير نرجع ساكت وفي سكات..
    وياريت لو الراس يسكت ياخي...
    شكراً ياشمت ..
    بعدين انا كلامي كتير ..
                  
|Articles |News |مقالات |بيانات

09-06-2007, 07:31 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: عبدالغني كرم الله بشير)

    Quote: حظك، يظهر من صيغة السؤال انك ما جربتي الغربة..
    حظ...


    عبد الغني ..أذيك ..
    والله ياريتني لو محظوظة..
    بس القدر زاتو متامر ضدي..
    علي الاقل اكون باكل في بطيخ اسي..
    وجارية جري ادافس في مواصلات السوق العربي..
    قبل الدنيا ماتضلم..وكرعيني مغبشات..
    انا في الامارات..
    والغريبه بايخة بياخة..
    مرات اقول مالي ومال القراية ام دق..
    وزاتي لادايره أكتب ولا اكمل دراسه ولا اشتغل ولا اعمل لي عربيه براودو كدة..
    ياخي حردانه مادايره اطور نفسي ولا شي..
    كان اسي ..
    اكون راقده جم امي..
    واونس فيها..
    واتعاور ليها شويه..
    وبعدين انتظر مع المنتظرين..
    لحدي مانفهم البحصل في البلد شنو!!
    واحتمال انو يطول وارد..الحال الكعب ده..
    (ماتفتكر دي اسواء ايام تمر بيها البلد)؟؟
    ..
    وانا بسيطه بالله عليك لو كان لقيت لي معمل بس فيهو ميكرسكوب قديم بي لمبه كان قعدته..
    المهم..
    معليش..
    للنقق


    شكراً للكلام..
    هبة
                  
|Articles |News |مقالات |بيانات

09-04-2007, 05:20 PM

محمد المهدي

تاريخ التسجيل: 08-29-2007
مجموع المشاركات: 31

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    الغربه
    TABASCO
    بس
                  
|Articles |News |مقالات |بيانات

09-05-2007, 09:12 AM

مجدي عبدالرحيم فضل
<aمجدي عبدالرحيم فضل
تاريخ التسجيل: 03-11-2007
مجموع المشاركات: 8850

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: محمد المهدي)

    بالحيـــــــــــــــــل!!

    هبة الحسين

    في الغـــــــربه بقول:

    يوم جيتكم قايل الأمل فيكم
    أنتو لافيكم أمل ولا رجاءوالهم
    كاسيـــــكم،،،
    أقبل وين أحكي الوجعه لوتشوف العين
    وترجع تقول للناس الغربه كذبه
    ومقلب كبير يدُوش الرأس
    والقلب يعمُو يباس وبالقهر ينداس
    تاني يمه ماتودي وليدك لبره
    ناس بره أريتم يتبرو
    الغربه الهم ولو دولارا ورياله بيتلَم؟
    أريتو ياعزة وليدك يتلَم
    وللوطن ينضَم يلاقي اللَم
    يسيل العرق يشيل الهم
    يروي الأرض الطيبه جمً
    أريت الراحة تطير بغربة السم
    نعيش سهادة الفريق بنور لمبه
    والعيال يأكلوا من دفيق نخيلك تمره
    دي الراحة معاك يمه هناك بسمع يابه
    وبقول يمه بالكسرة الشريفه نتحاشي
    غربه بدولارا وريال رياله سايله
    بلدنا بالتعب والشقي بنتعايش
    ونحن في الغربه أجسامنا تتيابس
    برنجع ليك يابلد من تاني
    ونعود ليك الأماني وياحباني
    الآمال تصافينا وتسامرناوتسافرنا
    وفي كنفك ياعزة تجاورنا وتخضرنا.

    ،،،،أبوقصي،،،،
                  
|Articles |News |مقالات |بيانات

09-05-2007, 03:34 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: مجدي عبدالرحيم فضل)

    الاستاذ..
    أبو قصي..
    اول سلامات..
    ووين قطعت دايماً مترغباك انا..
    تفتكر ممكن نتامر ونرجع كلنا..
    عارف لو قعدنا أظن كان الحال ظبط...
    لاني بي بساطة لقيت الناس كلها بره..ومارضيانة.
    غضبانة ..
    علي كل شي..
    والا امكن اكون ببالق وشوفي مسجم؟
    المهم انا بحبهم الناس ديل..
    ودايرة ارجع ليهم
    ..
                  
|Articles |News |مقالات |بيانات

09-05-2007, 09:22 AM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: محمد المهدي)

    جاياكم ياناس الغربة..
    وعليش ازيك..
    ومقامك طيب انشاءالله
    ...
                  
|Articles |News |مقالات |بيانات

09-05-2007, 03:00 PM

يسرى معتصم
<aيسرى معتصم
تاريخ التسجيل: 12-25-2006
مجموع المشاركات: 4033

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)


    ده حـالـى وبـس

                  
|Articles |News |مقالات |بيانات

09-05-2007, 03:15 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: يسرى معتصم)

    يازول إنت جبت الغنية دي من وين؟؟؟ً
                  
|Articles |News |مقالات |بيانات

09-05-2007, 03:06 PM

Mohamed Ahmaed Olyesh
<aMohamed Ahmaed Olyesh
تاريخ التسجيل: 07-31-2006
مجموع المشاركات: 950

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    كنت قايل نفسي براي متغرب لكن لما يحكو لي الشباب بحس بالجميع في غربه بس غربتنا اهون لاننا خارج الوطن وهم داخل الوطن لكن متغربين ولا شنو هبه
    كيفك هبه زمن طويل ماسمعنا عنك
    عليش
                  
|Articles |News |مقالات |بيانات

09-05-2007, 04:08 PM

Saifeldin Gibreel
<aSaifeldin Gibreel
تاريخ التسجيل: 03-25-2004
مجموع المشاركات: 4083

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Mohamed Ahmaed Olyesh)

    الاخت هبة.... واللهى الغربة حارة بشكل.. فعبدالرحيم البرعي.. بقول:

    ليس الغريب غريب اللحد والكفن*** انما الغريب غريب الاهل والوطن

    خالص تحياتى

    سيف
                  
|Articles |News |مقالات |بيانات

09-05-2007, 04:12 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Mohamed Ahmaed Olyesh)

    هبة يابنيتى انتى لسه فى بداية الطريق...
    بكرة بتتكون ليك مفاهيم مختلفة وجديدة وبتتولد من عمق الغربة نفسها

    الغربة وبعد 15 سنة {غربة} لقيتها فى نفسى

    الغربة فى نفسى
    الغربة فى الوطن
    والغربة فى المنفى
    منفى الذات...

    بكرة بتكونى تجربتك براك وبتكون ناضجة بس انتى اديها براحها
    ابكى واكتبى احساسك بيها
    شفتى النص الفوق ده؟ لو كتفونى حسع مابقدر اكتب التداعيات دى
    لانو تجربتى اختلفت
    وكل يوم بكسب شىء جديد، بيضيف وبيأخد منى

    نحنا ناس بكايين جدا، بس ممكن التحايل على الغربة الظاهرة دى
    تخلقى علاقات مع الناس
    والكون
    ومن قبل مع الذات

    اذن المنفى فينا...

    كونى بخير يابنتى ياهبة
                  
|Articles |News |مقالات |بيانات

09-05-2007, 06:09 PM

Amira Elsheikh


للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Ishraga Mustafa)

    هبة الحسين..

    كان تاخرى البوست دا شوية..

    افتح المنبر القى السؤال المر دا...

    ااااااااااااااااااااخ يا هبة ..

    لسة بوست سفرى اخدر....

    السؤال حرقنى شدييييييييييد يا هبة ...

    حرقنى اكتر من غربتى الليها ستة ايام ..

    برجع ...
                  
|Articles |News |مقالات |بيانات

09-06-2007, 08:02 AM

عبدالغني كرم الله بشير
<aعبدالغني كرم الله بشير
تاريخ التسجيل: 12-06-2005
مجموع المشاركات: 1082

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Amira Elsheikh)

    Quote: اكون راقده جم امي..
    واونس فيها..
    واتعاور ليها شويه..



    والله دي هوايتي زاتو، امارس كل الشقاوة، ولا أبالي، أحس (بالطفولة النائمة بدواخلي"، ولا أبالي، امارس تهور وعواره مستر بين، كلها مع امي، واقول شي، حين قرر التوتر، كتابة "آلام ظهر حادة"، هناك فصل سقط سهوا، اصدقائي قالو لي "ياااااااااااه لم"، وهذا الفصل يحكى عن التهور، والجنون، حين تكون بمفردك، تلك المساحة، التي نلغي فيها الرأي العام (اسعدني مشهد البطل في همس الجنون لنجيب محفوظ".. فقد كان يفعل ما يحلو له، وكأنه يردد مقولة سارتر المشهورة (الآخرين هم الجميع)، لست معه، ولكن (لا يخلو رايه من صواب)...

    الأم براح كبير، يكفي اننا كنا نلعب في رحمها الأمن، والأن نعلب ونعلب في رحم عطفها، وحنانها الأبدي..

    الوطن أم، أم كبيرة، تحس بالحبل السري، يربط بينك وبين الوقائع والوجوه والناس والسحب، ....




    كان الله في عونك، لم ا كن اتصور بأنك خارج (الأم، الوطن، الرب)...
    صحي الغربة حارة؟
    لا..
    بل.. أحر
                  
|Articles |News |مقالات |بيانات

09-06-2007, 10:40 AM

جمال ادريس
<aجمال ادريس
تاريخ التسجيل: 08-08-2004
مجموع المشاركات: 817

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: عبدالغني كرم الله بشير)

    الاخت هبة
    تحياتي ...
    اجابتي سبقتني بها سلمي الشيخ
    وهي : الاحر منها الغربة داخل الوطن
    دي حاجة صعبة خلاص ..

    اسمحي لي ان احي العزيز محمد عليش
    والذي ابتلعتة غربة بلاد اليانكي ولم نعد نسمع عنه شيئاً
    وسعدت كثيراً بطلته هنا ..
    واكيد عليش تدرج في غربته مروراً بمحطة مهمة أسمها القاهرة
    لذا جلدو بقي تخين وما متجرس من الغربة
    ومع كده بتفق معاهو انو نحنا الفي غربة ما هم
    عموما نقدر نقول كده ووب .. كده ووبييييييييييين
    مع ودي
    جمال
                  
|Articles |News |مقالات |بيانات

09-12-2007, 04:38 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: جمال ادريس)

    Quote: عموما نقدر نقول كده ووب .. كده ووبييييييييييين

    يعني بس..
                  
|Articles |News |مقالات |بيانات

09-10-2007, 04:36 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Amira Elsheikh)

    ياسلام ياأميره..
    عرفت طبعاً ..المهم أنتي إستمتعي بالبدايه..
    وخلي الايام تمشي براحة..
    حتلقي كل شي متغير..
    ولولا الصحاب!!!
    كان الحال اعوج..
    خليك بخير..
                  
|Articles |News |مقالات |بيانات

09-06-2007, 02:52 PM

هبة الحسين

تاريخ التسجيل: 06-28-2007
مجموع المشاركات: 509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: Ishraga Mustafa)

    Quote: شفتى النص الفوق ده؟ لو كتفونى حسع مابقدر اكتب التداعيات دى


    ياشراقة وجميلة..
    كيفك..
    عارفه أصارحك بي شي..
    بعرف زوله ..ساخرة وتضحك..
    في كل شي ..
    ودايماً زهجانه وطهقانة ..وهي خاوية الا من..الضحك ..والماعندو معنى..
    بس الغريب فيها لمن تزهج..تفك زهجتها بي الدرامه السودانية وقراية الجرايد..
    (للاسف ضاحكه فيهم)..
    كل البكتبو وبمثلو ديل..
    كانت محيراني وانا بكتب داسه كتاباتي منها..
    وبفكر ياربي الزوله دي فهما شنو؟؟
    لقيت انها زهجانه بس..
    اسي اكون انا زهجته وماسكه الطريق المضاد..
    ..
    والله كتاباتك واقفه عندها..
    جميله ياخي شديد وكلها معاني دفاقه وملهمه كمان..
    و لو كنت مالميت في الناس ديل(الزهجانين طوالي) كنت اظني قريت ليك في الجرايد..
    واتعاملت معاها (الجرايد )..
    وبي احساس تاني.. ياجميلة..
    اهو بي السطحية والعبط ده بنضيع الفرص علينا نحن...
    شكراً ياشراقة ليك..
    شكراً جد جد..

    هبة ..ِ
                  
|Articles |News |مقالات |بيانات

09-15-2007, 11:52 PM

baha eassa
<abaha eassa
تاريخ التسجيل: 07-21-2007
مجموع المشاركات: 6578

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    الرقيقة الرائعة هبة ..

    فتحت موضوع اغلب الاخوة في المنبر بيعانوا منه ..
    غربة داخلية او بعيدا عن الوطن .. والوجع عامل مشترك
    يهز اخصان الحنين داخل كل واحد فيهم ..
    وحينما نزعت القناع عن المشكلة .. ظهر الالم في شكل
    ردود موجعة فاستحملي الوجع ياهبة رغم انك مابتستاهلي
    ولسع بدري عليكي .... لك الود

    بهاء الدين//
                  
|Articles |News |مقالات |بيانات

09-06-2007, 11:09 AM

waleedi399
<awaleedi399
تاريخ التسجيل: 08-20-2003
مجموع المشاركات: 2766

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    والله حارة حرورة ..

    خليها على الله ..

    والله صابرين سااااااااكت
                  
|Articles |News |مقالات |بيانات

09-06-2007, 03:09 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11885

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: waleedi399)

    Quote: اسي اكون انا زهجته وماسكه الطريق المضاد..


    الطريق المضاد ده ياهبة هو طريق الكتابة...
    أكتب
    اشتهى برتقالها الماموجود فى الواقع
    أزهج أقوم أفكها فى عشرات الصفحات
    اتوهم اوهام جميلة تدغدغ حسى المجنون وتقومو مظاهرة حاشدة بلون أخضر...
    واكون عارفة انها اوهام واحلام زلوط- زلوط ده منو ياهبة-
    ومع ذلك احلم، اصلو الحلم بقروش؟
    بس مرات الحلم بتحول لكابوس
    وغربة شقية بتكون جواك وجوا العالم الحولك
    تحسى بغربتك وتلعنيها دنيا...

    اها انا زى صاحبتك الزهجانة دى...
    الايام دى زهجانة من البلد والمطر الغرقها
    وزهجانة من الكتابة ذاتها
    اها عندك لى درب مضاد اتكل فيهو بقايا روحى؟

    * تلاتة يوم على التوالى تمطر ياهبة فى فيينا، بلا انقطاع، مطر شديد وبيمشى ووين ماتعرفى، ما اظن تكون دى المجارى المنظمة بتاعة هنا... الموية دى بتكون مشت انكسرت فى النيل الابيض..
    اتها ده بيزهج... يخلى صاحبتك تحتار فى زهج زولة اسمها اشراقه... اشراقة قال البلد مضلمة...

    والغربة الفينا هى الحارة يابنية ياذكية...محبتى لكلامك اللى يطيب الخاطر ويعدل النفس
                  
|Articles |News |مقالات |بيانات

09-06-2007, 03:52 PM

سامي عبد الوهاب إدريس
<aسامي عبد الوهاب إدريس
تاريخ التسجيل: 11-15-2005
مجموع المشاركات: 1509

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    أيــوا
                  
|Articles |News |مقالات |بيانات

09-10-2007, 05:59 PM

yasir Abdelgadir

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: سامي عبد الوهاب إدريس)

    بعيدان نحن ومهما افترقنا فمازال في راحتيك الامان

    تغيبي عني وكم من قريب يغيب وا كان ملء المكان

    فلا البعد يعني غياب الوجوه ولا الشوق يعرف قيد الزمان

    ي ذكري الغربة ..حارة

    قاعة انيس
    كلية الطب جامعة الخرطوم
    1991

    التعديل للتاريخ

    (عدل بواسطة yasir Abdelgadir on 09-12-2007, 04:56 PM)
    (عدل بواسطة yasir Abdelgadir on 09-12-2007, 07:53 PM)

                  
|Articles |News |مقالات |بيانات

09-12-2007, 05:37 PM

علاء الدين حيموره
<aعلاء الدين حيموره
تاريخ التسجيل: 08-07-2006
مجموع المشاركات: 5689

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: yasir Abdelgadir)

    وكمان كضاااااااااابة مش حارة وبس ..


    الله لا وراها ليك ولا لحبيبا ليك ...



    مودتي ..
                  
|Articles |News |مقالات |بيانات

09-15-2007, 11:59 PM

imad braka
<aimad braka
تاريخ التسجيل: 03-23-2002
مجموع المشاركات: 197

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: علاء الدين حيموره)

    كضب

    والله باااارده موية بس
                  
|Articles |News |مقالات |بيانات

09-16-2007, 01:55 AM

ابراهيم عدلان
<aابراهيم عدلان
تاريخ التسجيل: 01-04-2007
مجموع المشاركات: 3418

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: هبة الحسين)

    حارة الشوية دي

















    مال يتيم بس
                  
|Articles |News |مقالات |بيانات

09-16-2007, 02:00 AM

غادة عبدالعزيز خالد
<aغادة عبدالعزيز خالد
تاريخ التسجيل: 10-26-2004
مجموع المشاركات: 4806

للتواصل معنا

FaceBook
تويتر Twitter
YouTube

20 عاما من العطاء و الصمود
Re: صحي الغُربة حارة ؟؟ (Re: ابراهيم عدلان)

    نااااااااااااااااااار
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de