|
|
|
 Re: شخصيات تدهشني! (Re: عزاز شامي)
|
الأخت عزاز .. يدهشني جبران خليل جبران وهو يقول - أحب كثيراً أن يغشني ويخدعني الناس لكي أضحك على حساب الذي يعتقدون أني لأ أعرف أن هؤلاء يغشونني ويخدعونني .
ويدهشني الذي قال : (نصف البشر مخلوقين من طين .. والنصف الآخر أيضاً) .
| |
 
|
|
|
|
|
|
|
 Re: شخصيات تدهشني! (Re: عزاز شامي)
|
رشينا البوست موية وزدنا الطرابيز والكراسي احتفاءً بالقادمين ...
وبمناسبة اللمة الجميلة، أهديكم درس جميل، سهل وعصي، كالدمع على فراق الأحبة ...
الشخصية دي استثنائية، من وهج نوراني، قلبها ابيض، أتظلمت كثير ومرت بكل فوهات الحزن من يتم، ترمل، فقر، غربة، وحدة، مرض ...
في سجدة طويلة كدهر تبدأ بهمهمة دافية وبتتلاشى في دموع حارة صامتة ، بتدعي وتقول: ( اللهم أرزقني الرضا بقضاءك، خيره وشره، اللهم اعف عني وعن من ظلمني، ومن أرادني بشر، فأهده لسبيلك وأجعله ممن يخشوك فيني، واعف عنه وعني وأهدنا لسواء السبيل، وأجزي عني كل من نوى لي خيرا او أراده لي)!
يا ترى بنقدر؟
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
ازيك يا عزاز
اكتب ليك عن شخصية لذيذة جدا
راعي الغنم في حلتنا
راجل بسيط جدا
ايام نميري الجماعة بشاغلو فيهو
اسمو محمد ابوصقور
قالو ليهو يا اب صقور
حنديك مسدس فيهو طلقة واحدة
وتكتل نميري وتاخد مائة جنيه
فرد بكل بساطة
طلقة واحدة لكن كان جلت مابليس الحيطة
| |
|
|
|
|
|
|
|
|
 Re: شخصيات تدهشني! (Re: khaleel)
|
خليل عاشق وردي ..
مساءك ورد ...
شفت البسيط ده، نقش الموضوع وقدر البلا قبل وقوعه، ورأى فيما يرى المتبصر تليسه مجريات الأمور لو خابت رصاصة الخلا مقتل، وبالتالي تليسه للحيطةفي أحسن الأحوال، واعتقد والله أعلم انه تعبير مجازي عن سوء المنقلب وبئس المصير!
البسطاء يا سيدي أسعد الخلائق، لسبب زيهم، انهم يروون الحقيقة كما هي، بلا مواد حافظة أو نكهات...
انا لو نهجت نهجهم كنت لاقيتني اسعد زولة في الدنيا، بقش الحوش الصباح، وبعوس كسرتي، وقشتي كانت بقت معدن كروم، ولكنها الفلهمة يا هذا التي ودرتنا..
تسلم على المرور
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
| Quote: طلقة واحدة لكن كان جلت مابليس الحيطة |
هههه خليل اخونا
الحيطة القصيرة دي!
..
ما قالو الأستاذ سأل طلبته عن مثال لكائن طائر ..
اها البقول: الكربه والبقول: القرد والاستاذ يقول ليهم:
لا.. لا..قام (ود الرئيس) ثم احد طلبته قال : الفيييييل!
فالأستاذ قال: ايوه! واعترض الطلبه: يااستاذ الفيل بطير 
..يطير كيف يعني!!..قال ليهم ايوه بطير وكان ما طار بنطير نحنا!
الشخصية المدهشة هنا هي الأستاذ.. والشاهد خليل 
| |
|
|
|
|
|
|
|
|
 Re: شخصيات تدهشني! (Re: saadeldin abdelrahman)
|
| Quote: ..يطير كيف يعني!!..قال ليهم ايوه بطير وكان ما طار بنطير نحنا! |
أخوي سعد الدين
مساءك عالي وبنكهة الـ(هازل نت) ...
طبعا، ردك اعلاه، لضيفنا خليل، بس بما انو انا زول متسلبطة، وباعتبر البوست بوستي، حرد عليك من هذا المنطلق...
مما يقودنا لسؤال، عليك الله الزمن ده ما خلى الافيال تطير؟
الفيل بيطير، والنملة من الثديات، والخرطوم بتبدأ بحرم الهاء المسكنة...
الزمن بقى يا روح ما بعدك روح، الحقائق تطير تلحق الفيل، والعلوم الطبيعية والثوابت لأهلها، المهم (انا)والفيل بتجيبه الجاذبية راجع ...
وشكورن 
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
أختنا عزاز
إزيكم وعساكم طيبين
قلنا الفيل بطير وشرحنا الكيفية اعلاه..اما النملة من الثدييات
دي لمن امشي ال Mall بقدر اثبتا بس كده سااي ما اظن ..ما لاقتني
لسه السيدة/ نملة .. اذا حصل ليكم الشرف يا أخوانا/تنا افيدونا
رجاءا 
| Quote: مساءك عالي وبنكهة الـ(هازل نت) |
اما الhazzle nuts دي بقى خوفتني عدييل..من أين لكي انى متيم بها
انا قلت البنوته دي يا بتقرا فنجان يا عندها فكي!
الhazzle ده شديد في كلو حاجه..في الشوكلاته ولون العيون
(دي غير صالحه للأكل)و زميلتنا في الجامعه ست الإسم Hazzle زااتا.
| Quote: الزمن بقى يا روح ما بعدك روح، |
!Agree
*جهجتونا بكتابة الانجليزي بالعربي !..(هازل نت) دي غلبني افهمها
اول شئ بالمرة..رفقا بالباب يااحباب.
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
الاخت عزاز شامي
كل عام و انت و اهلك بخير ،،،
اكيد اذا حاولت حتقدر ، بالذات اذا كان ندمان و سافي التراب .
بعدين الصفح من شيم الكبار ، و هي حسب وصفك ليها هي اكبر من كبيرة .
ياخي و الله خليتينا اقل من السمسم ، معقول نحن بالسوء دا كلو ؟؟؟
| |
|
|
|
|
|
|
|
|
|
Re: شخصيات تدهشني! (Re: حمد فتح الرحمن)
|
أخوي حمد نصير الغلابة ومسلف المفلسين لتلفونه،
جعل الله مواقفك في ميزان حسناتك ...
مساءك جميل وطاعم زي صحن فول بجبنة وزيت سمسم وطعمية شغل بيت
| Quote: اكيد اذا حاولت حتقدر ، بالذات اذا كان ندمان و سافي التراب . |
انا مدركة تمام الإدراك أنو انت من غير الناطقين بها، لكن، مداخلتك دي حيرتني لمن ما عرفت انا البدعي،ولا البدعو عليهو، ولا مضاف إليه حايم ساكت في الجملة، وتشابهت على تاء المخاطب ..
لذا، ارجو الاستعانة بمترجم ضليع في اللغتين شلرح ما عسر علي
| Quote: ياخي و الله خليتينا اقل من السمسم ، معقول نحن بالسوء دا كلو ؟؟؟ |
سجمي! انا جبت سيرتكم يا اخواني؟
و إن كنت قاصد جنس الرجال،الرجاء التوديح اكتر علشان ما يختلط علينا لاختساس، ويجوني جمع المذكر السالم ناطين بعكاكيزهم
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
Quote: يرى بانه طيب، حنون، كريم، متسامح، ذكي، عميق و و و و
ليته يعبر الجدار ليرى نفسه كما يراه الآخرون!
لو فعل،
لما عاد حيث كان! |
عزاز ياخي انتي مباااااالغة
دا فاكيها في روحو شديد
| |
|
|
|
|
|
|
|
|
|
Re: شخصيات تدهشني! (Re: تيسير عووضة)
|
اختي تيسير
كل سنة وانت طيبة وأمنياتك تتحقق وأمالك تطولها ايدك
يا ستي، انا الفاقع الـ 3 سنتمتر الفاضلة من مرارتي شنو؟ مركب FFRM الحايم في البلد، وكل زول بقى بيشوف روحه زي ما هو عايز مش زي ماهو حاصل..
الله يرحمك يا حكيم حلتنا ويبشبش الطوبة اللي تحت راسك، صنف الرجال ( والناس على المطلق علشان الجندرة ) إلى اربعة:
من يدري و يدري انه يدري فذاك عالم فاتبعوه
من يدري و لا يدري انه يدري فذاك غافل فايقظوه
ومن لا يدري و لا يدري انه لا يدري فذاك FFRM فادوه على راسه حتى يفيق
واحلاهم من لا يدري و يدري انه لا يدري فذاك جاهل فعلموه...
انا غايتو دايره إحدىالطرفين، كان الدنيا بتستجسب لمنايه...
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
زلزلت كيانه حين إلتفتت وكانت إلتفاتتها كشروق الشمس أو كالمغيب.. زلزلته مره أخرى حين علم أنه يقف في آخر صف طويل يقف أمامها.. وأنه عليه أن يعرف الإجابة الصحيحة ليأخذ مفتاح قلبها...
فشل الآخرون ونجح...
حمل المفتاح وتزلزل أخرى من السعادة...
وحين فتح الباب.. وجد أنها حديد صديء مطلي بذهب مشع
بنت الحسين
| |
|
|
|
|
|
|
|
|
|
Re: شخصيات تدهشني! (Re: مريم بنت الحسين)
|
مريومة بنت الحسين ..
كل سنة وأنتي طيبة والقابلة على أمنياتك يا ست البنات
Quote: زلزلت كيانه حين إلتفتت وكانت إلتفاتتها كشروق الشمس أو كالمغيب.. زلزلته مره أخرى حين علم أنه يقف في آخر صف طويل يقف أمامها.. وأنه عليه أن يعرف الإجابة الصحيحة ليأخذ مفتاح قلبها...
فشل الآخرون ونجح...
حمل المفتاح وتزلزل أخرى من السعادة...
وحين فتح الباب.. وجد أنها حديد صديء مطلي بذهب مشع |
زلزلته الأولى حب غر من النظرة الأولى يحسب عليه،
وزلزلته الثانية هزت غرور رجولته فأعمته عن حقيقة ما تنازعوا فيه،
والأخيرة، سعادة حصوله على المفتاح المفضي للحقيقة،
وعليه،
المتهم برئ ويخلى سراحه!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
Quote: زلزلت كيانه حين إلتفتت وكانت إلتفاتتها كشروق الشمس أو كالمغيب.. زلزلته مره أخرى حين علم أنه يقف في آخر صف طويل يقف أمامها.. وأنه عليه أن يعرف الإجابة الصحيحة ليأخذ مفتاح قلبها...
فشل الآخرون ونجح...
حمل المفتاح وتزلزل أخرى من السعادة...
وحين فتح الباب.. وجد أنها حديد صديء مطلي بذهب مشع |
هكذا كنت أود أن تتناولي الشخصيات يا عزاز فتارة هنا وتارة هناك ولكن وخوفاً من إنحراف البوست ربما فضلتي الإكتفاء قولة " هلا والله " ...
شكراً بت الحسين وشكراً عزاز
المندهش عمر الفاروق!!!
| |
|
|
|
|
|
|
|
|
|
Re: شخصيات تدهشني! (Re: عمر الفاروق)
|
أخوي عمر الفاروق ...
مساءك عابق ومنبشق بالفواكه
بركة اللقيت ليك دراما شاكوشية تبهجك ...
كده تتهم (هلا والله) بانها (تحويلة أمامك منعطف) ؟
الله يسامحك بس!
عنوان البوست شخصيات تدهشني، والتاء تاء الفاعل، راكبة في المقعد الأمامي لانو الكلمة مليانه، يعني دي شخوص يتدهشني انا فغط، وشاركتكم فيها كلي امل تحاوروني وتثروني بشخصيات تدهشكم، ويبقى الإندهاش بالكوم وتجيبوا تارة من عندكم و تارة من مبروكة وسوسو وكل التارات ، ده حتى البوست بيشيل من الحبايب ألف لو النفوس اتطايبت ...
وتعيش وتندهش يا سيدي
شوكرن اتنين اتنين
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
Quote: أخوي حمد نصير الغلابة ومسلف المفلسين لتلفونه،
جعل الله مواقفك في ميزان حسناتك ... |
و احيانا نصير الجلود و الما عايزين يطلعوا الريال .
| Quote: انا مدركة تمام الإدراك أنو انت من غير الناطقين بها، لكن، مداخلتك دي حيرتني لمن ما عرفت انا البدعي،ولا البدعو عليهو، ولا مضاف إليه حايم ساكت في الجملة، وتشابهت على تاء المخاطب .. |
يا عزاز التاء هنا عائدة للانسانة المظلومة ، او المفتري عليها ، فهي اي هذه | Quote: الشخصية دي استثنائية، من وهج نوراني، قلبها ابيض، أتظلمت كثير ومرت بكل فوهات الحزن من يتم، ترمل، فقر، غربة، وحدة، مرض ... |
اذا حاولت صادقة ان تسامح هذا الظالم المفتري الندمان السافي التراب اكيد حتقدر .
Quote: | Quote: سجمي! انا جبت سيرتكم يا اخواني؟ |
و إن كنت قاصد جنس الرجال،الرجاء التوديح اكتر علشان ما يختلط علينا لاختساس، ويجوني جمع المذكر السالم ناطين بعكاكيزهم |
بااااااااس انا قاصد جنس الرجال ، و لا انت قاصدة زول معين ، غايتو اذا كنت قاصدة زول معين يستاهل الغبيان العميان ، و اذا كنت قاصدة جنس الرجال اعملي لي استثناء ، لاني زول فاهم و كويس و ما زي الناس القاعدة توصفي فيهم فوق ، و الباقين ديل ما مشكلة طلعي عينم .
| |
|
|
|
|
|
|
|
|
|
Re: شخصيات تدهشني! (Re: حمد فتح الرحمن)
|
اخوي حمد
سلامات يا ناصر الجلدة والمقترين
يا سيدي أنا أواجهه مشكلة حقيقية فيما اكتبه، يظن الكثيرين بأن ما اكتبه نتاج تجربة شخصية لي بشكل ما، وينسون بأننا فلزات نوصل ما يمر به الآخرون أيضا!
ووكذلك الحال فيما يخص ضمير المخاطبة للرجل، ففي اغلب الأحيان اقصد الجنسين، خاصة فيما يتعلق بالأخلاق والقيم وهي لا تتجزأ ولا تعترف بالجندر، إلا فيما ندر من المواقف ذات السمة الرجالية لموروثات المجتمع.
وعليه جنس الرجال ده ما جاي من كوكب تاني وحاله حال الجنس الناعم الماناعم !
ولو انا قاصدة جنس الرجال ببقى ظلمت أبوي وأخوي واخوالي واعمامي وكل رجل احترمته أو انجب لي شخاص احبهم واحترمهم... لا اؤمن بالمطلق ولا التعميم، وهذا ينسحب على الرجال والنساء،وانا شخصيا مؤمنة بأننا مزيج من شر وخير متصارعان مادامت فينا حياة...
و عليه، فانبسط يا عم، شملك الاستثناء!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
يا ناس عزاز ولذاذ:
اها ياااااااااااااااا اللخت دحين بدور أشارك في المسابقة ممكن ؟؟؟
طرق كثيراً عند باب قلبها .. ولما أذنت له بالدخول كان قد نسي المشي !!!!!!
شكرنننننننننننننننننننن جزييييييييييييييييييلاً ...
اها يا الكاشف أخوي زولي ده من ياتو شخصيات ؟؟؟
الماسكاهو أم دهيشانة عمر الفاروق..
| |
|
|
|
|
|
|
|
|
|
Re: شخصيات تدهشني! (Re: عمر الفاروق)
|
الماسكاهو أم دهيشانة ، عمر الفاروق
حبابك ألف، هو انت للحين ما شاركت ياللخو؟
| Quote: ..طرق كثيراً عند باب قلبها .. ولما أذنت له بالدخول كان قد نسي المشي... |
وحسي بقى كيف؟
لعله بقى طيب ؟
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
Quote: وحسي بقى كيف؟
لعله بقى طيب ؟ |
بسيييييييت بسيييييييييييييييت ..
ما بتالة !!!!!!!!!
عمر الفاروق في حالة ام دهيشانة ونص ( دي أخت اه ونص )...
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
عزاز مساء الخير وبطلي قطيعة فيني الناس الطيبين قالوا لي عزاز قاطعة فيك في البوست
جيت طاير ...
ومبدئياً كدا دي عجبتني شديد وضحكتني
| Quote: الماسكاهو أم دهيشانة عمر الفاروق.. |
| |
|
|
|
|
|
|
|
|
|
Re: شخصيات تدهشني! (Re: Badri)
|
أخوي بدري ...
مساء النور والسرور .. ياخي حمدلله على السلامة!
نورت البوست وبركة الجابك كلام (الطيبين)
Quote: عزاز مساء الخير وبطلي قطيعة فيني الناس الطيبين قالوا لي عزاز قاطعة فيك في البوست
جيت طاير ...
|
عاد أخوانا الطيبين دي حيروني حيرة!
ما قدرت اعرفهم هم منو؟ تخيل؟
حاولت احصر العدد ومين اللي عارفة تفاصيل الحادث لقيتهم نفر وااااحد!
يعني يا هو كلم غيره وبالتالي واصلت المعلومة نموها المعتاد افقيا وطوليا، وواصلت وبخط (الجا) و( الجتا) حتى وصلت إليك، مما يفسر اسم الجمع (ناس)، أو، والله يكضب الشينة، يا هو زاته الناس ، وانت ببراءة منقطعة النظير داير تستر عليهو!
عموما، عرفت عنك حاجة جديدة، انو انت طيب وبريء
المهم، تأكد انو انا ما قطعت فيك، إن شاء الله أعدم اللي في بالي، انا اوردت حقائق وحبيت اشكر (الطيب) على حسن صنيعه ومعاونته (للطيبيين) التانيين في عمل الخير وإشاعة الامل في نفوس المهمشين في ليالي السنة الجديدة وباقي ايام السنة والعطل الرسمية....
وشكورن
| |
|
|
|
|
|
|
|
|
|
Re: شخصيات تدهشني! (Re: تيسير عووضة)
|
العزيزة تيسير ...
مراحب عديدة مديدة ...
| Quote: وانا اقول مالا ما ظابطة معاي ! |
لست وحدك في هذا الشقاء!
نطرق بوابات الحب محملين بكل مقاييس الكمال التي يمليها علينا مجتمعنا وما استنتجناه من علاقات الآخرين....
وظنا منا بأننا أذكياء، نرسم حدودا للشخصية المثالية التي نريد أن نحبها، لنوفر على قلوبنا ما مر به من سبقونا إلى الهوى ....
و أول ما تلوح لائحة أن احدهم يستوفي كراسة الشروط، نغدق عليه من حنانا ونخلع عليه ثوب فارس الأحلام الراقد في سلام في قاع المخيخ الأصغر!
ومع الأيام، ومع توالي المواقف والتجارب، نجد ان مميزات أميرنا المتوج اقل من المواصفات!
وفي غمرة الانفعال، نرفض قبوله كما هو حتى ولو كان (كويس) بس مختلف عن الفورمة المعدة سلفا، وننغمر في ذاتنا ونتهمه ظلما وبهتانا بأنه خدعنا!
نحن من نخدع أنفسنا يا سيدتي، ونحشرهم حشرا في قوالبنا العتيقة...
لو تحررنا منها، لقبلناهم كما هم، وأحببناهم لذلك،
من يدري،
ربما هم أجمل من التمثال ؟!
| |
|
|
|
|
|
|
|
|
|
Re: شخصيات تدهشني! (Re: maia)
|
بلدياتي maia،
مساءك ورد وقل ..
ويا ستي ما لازم تندهشي، بس اثيري هذا النوع من الأسئلة الذكية...
| Quote: وكان ما عرف الفرق؟؟ |
بالرجوع إلى المعادلة السابقة :
| Quote: في البداية، عاملها كإحداهن، وعندما أحبته بصدق، عرف الفرق! |
نجد أن
الصدق هو الفرق!
وإن لم يشعر به، فهو جاهل لا تثريب عليه وعليها الدعاء له!
| |
|
|
|
|
|
|
|
|
|
Re: شخصيات تدهشني! (Re: فيصل نوبي)
|
أخوي فيصل نوبي
مساء الخير والجمال، ونورت البوست ...
| Quote: الكلام كلام القلب و العين ما كلام اللسان |
يا سلام عليك يا فاهم انت! الكلام ده سااااهل، المعضلة، على قولة المثقفاتية، التصرفات ، فهي المحك... بس العيون دي ما فهمتها، نرجو التوديح...
كدي نسعلك يا اخوي، الابتسامة المنكشحة دي من القلب؟
الله يديم هناك وسعادتك ...
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
Quote: بطبعي، بصدق!
بس ما عارفه ليه الضحكة دي ، في الزمن ده، بتجي من ورا غيوم!
يمكن بتخيل؟ |
بطبعي بتكون بصدق مع من هم صادقين ..
الغيوم دي ما عملها الزمن جات من رطوبة في علاقات ...
برضو يمكن بتخيل
| |
|
|
|
|
|
|
|
|
|
Re: شخصيات تدهشني! (Re: فيصل نوبي)
|
Quote: بطبعي بتكون بصدق مع من هم صادقين ..
الغيوم دي ما عملها الزمن جات من رطوبة في علاقات ...
برضو يمكن بتخيل |
بناء على ما تقدم،
فهي انكشاحة صادقة خالصة لوجه الفرح!
الله يدوم صفاك، و تتشتت الرطوبة في مياه الود....
دع عنك التخيل، واخزي شيطان الهاجس، وابتسم، علها تبتسم كما قالوا!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
Quote: بناء على ما تقدم،
فهي انكشاحة صادقة خالصة لوجه الفرح!
الله يدوم صفاك، و تتشتت الرطوبة في مياه الود....
دع عنك التخيل، واخزي شيطان الهاجس، وابتسم، علها تبتسم كما قالوا! |
انكشاحة اصدق ما تكون
تبتسم دوما عشان عندي كشافات للرطوبة ( Forg Lights )
| |
|
|
|
|
|
|
|
|
|
Re: شخصيات تدهشني! (Re: فيصل نوبي)
|
| Quote: عندي كشافات للرطوبة ( Forg Lights ) |
عفيت منك!
شغلها طوااالي طول ما انت بعيد من الوطن، بس وطنك ما وطنا اللي ليهو علم!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
Quote: نطرق بوابات الحب محملين بكل مقاييس الكمال التي يمليها علينا مجتمعنا
وما استنتجناه من علاقات الآخرين....
وظنا منا بأننا أذكياء، نرسم حدودا للشخصية المثالية التي نريد أن نحبها،
لنوفر على قلوبنا ما مر به من سبقونا إلى الهوى .... |
Quote: نحن من نخدع أنفسنا يا سيدتي، ونحشرهم حشرا في قوالبنا العتيقة...
لو تحررنا منها، لقبلناهم كما هم، وأحببناهم لذلك، |
ياخ انتي سكّرة والله
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
يدهشني الكاشف العبقري
ويدهشني جكسا وكمال عبد الوهاب وعلي قاقارين
ويدهشني ابوصلاح وعوض جبريل
ومحمد احمد عوض
وام كلتوم وحليم وعادل امام واحمد زكي
وتدهشني قلة ادب روبي وهيفاء ونانسي عجرم
تدهشني عائشة الفلاتية وحواء الطقطاقة
ويدهشني مزارع فقير علم كل ابنائه وخرجهم
يدهشني عزيز قوم زل
وتدهشني ارملة توفي زوجها وصبرت علي ظروف الحياة
واخرجت ابناء صالحين للمجتمع
ويدهشني الترابي ونقد والصادق والميرغني وقرنق ونميري وكل المثقفاتية
اللي اغلبهم كيف احكموا السودان
واخيرا يدهشني الدوش الذي قال
تجيني واجيني معاك زمن امتع نفسي بالدهشة
| |
|
|
|
|
|
|
|
|
|
Re: شخصيات تدهشني! (Re: khaleel)
|
خليل الوناس ..
كل دول حتة وحده!
ايه الكرم ده؟
واصل،
دنيانا دي شنو لو ما ادهشك زول ؟
سواء دهشة جميلة تقيف منها موقف المتأمل،
او دهشة خيبة أمل من انو ده ممكن يحصل!
و تأمل بأمل، في انو بكره يكون أجمل...
| |
|
|
|
|
|
|
|
|
|
Re: شخصيات تدهشني! (Re: yasir Abdelgadir)
|
الشفيف د. ياسر...
الجميل يرى الكون جميلا ...
ابقى ما سنح لك الوقت، أقرانا وترجم صمتك كلاما يشجينا ..
لا تبخل،
فقد رأينا ما تحويه روحك الشفافة في غير مورد للجمال ...
لك كل الود
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
Quote: ظن أن المشاعر تخضع لقانون الإزاحة ..
وان الآتي يحل مكان الماضي
ومرت أخريات، وامتزجن بقايا حبها العالقة بجدران قلبه ! |
إذا وضعنا جسم داخل سائل فإنه يزيح وزنا من السائل مساو لوزنه.
حسب قانون الإزاحه الفيزيائي
---
* منهج التعليم الثانوي لجمهورية السودان (البتحلم بيوم تكون ديمقراطية)
المنهج يعود في ذاكرة المتداخل لعام 1990 م بتصرف *
اي تغيير حصل بعد كده مالييش دعوه!
| |
|
|
|
|
|
|
|
|
|
Re: شخصيات تدهشني! (Re: saadeldin abdelrahman)
|
أخوي المذاكر دروسه، سعد ..
مساءك ورد اينما كنت وصباحك رايق ...
بالله انت من سنة 90!
انت يعني عمو جد جد
| Quote: وضعنا جسم داخل سائل فإنه يزيح وزنا من السائل مساو لوزنه. |
و إن وضعت
شخصا،
روحا،
صوتا،
لون عينين ،
مكان روحك،
كيف تقيس الإزاحة؟
ما هي وحدة القياس؟
عمر؟
سعادة؟
و إن حل مكان السابق آخر، هل هي إزاحة؟
اثبتت الدرسات الحديثة وبعد تكرار التجربة، أن (...) لا يفنى ولا يستحدث من العدم، بل يتجدد ما دامت فينا حياة!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
الاستاذه عزاز: لك التحيه والشكر علي التحريض....اردت فقط رفع البوست بهاتين النقطتين...حتي لايضيع مني ...واصلي فأنت كاتبه متميزه وانا قارئ متمرس...واود الابقاء علي طرفي هذه المعادله
لك المعزه الصادقه
د.ياسر
| |
|
|
|
|
|
|
|
|
|
Re: شخصيات تدهشني! (Re: القلب النابض)
|
Quote: بختك لازالت هنالك أشاء تدهشك
اما انا
فما عادت الأشياء تدهشني !! |
القلب الي بيدق دق دق والنابض حنان ....
سلامات من هنا إلى القبة الخضرا وبالعكس...
من متين بقيتي تحسي بكده؟
الاعراض ابتدت من زمان؟
طيب، لما بطلتي تندهشي، ما اندهشتي؟
يا حنينة، طول ما قلبك نابض، الدهشة ساكناك..
الدهشة خشم بيوت،
دهشة جميلة من لفتة حبايب...
دهشة لذيذة تضحك من الأعماق لمن تغلبك القهقهة ودموعك تجري...
دهشة مغسة، الله يجيرك منها، لمن تشوفي حالا مايل ...
دهشة دهشة من شئ ما كان بيدهش!
الله يديك الاثنين الأوائل، الباقين خليهم لي انا بجردهم ليك هنا دي وبشيل مغستهم عنك ...
الله يديم هناك ...
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
نسيت يدهشني
ابو عدي صدام حسين لماذا
لم ينتحر واراد هذا الاذلال
يدهشني ومازال صامدا وقد فقد الابناء والزوجة والاحفاد
والسلطة
يدهشني وهو فاتح فمه للعدوه للفحص
عالم مجنون
| |
|
|
|
|
|
|
|
|
|
Re: شخصيات تدهشني! (Re: khaleel)
|
عوزاز
سلامي وسندوتش حب بالكاتشاب
Quote: دهشة جميلة من لفتة حبايب...
دهشة لذيذة تضحك من الأعماق لمن تغلبك القهقهة ودموعك تجري... |
الأول احسستها الآن منك
الثانية فارقتها في السودان عندما أجلس مع أبي في نص حوش الديوان واشرب معاه قهوة
وتكمل أمشي جوة أملاها وأجي تاني .
ويرسلني للموية الباردة وجيبي معاك حبات بركاويات في يدك.
شفتي كيف مدخل التعاسة هنا.
اشياءنا الصغيرة والتفاصيل التي نفتقدها.
ولكن مثل هذا البوست يَغْمِتِك شوية وتوعى تاني
آخر حاجة انت تبري يايمة.
| |
|
|
|
|
|
|
|
|
 Re: شخصيات تدهشني! (Re: عزاز شامي)
|
اقتراح للأخ بكري أبو بكر، مدام المنبر مقبل على تقسيم، ممكن نعمل منتدى للمدهشين؟
لو لأ،
ممكن نسمي المنبر (المنبر المدهش)؟
لو دي برضو لأ،
ممكن نرشح شخصية مدهشة كل شهر ونسميها (مدهش الشهر) ؟
بصراحة في بودار مدهشين لازم نحتفي بيها ونشجعها بدلا من تبديد مقدراتها الاندهاشية في (الفارغة)...
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
| Quote: حاولت احصر العدد ومين اللي عارفة تفاصيل الحادث لقيتهم نفر وااااحد! |
و لا يزالوا ، فقط باضافة الطيبين ، و الطيبين جدا .
| |
|
|
|
|
|
|
|
|
 Re: شخصيات تدهشني! (Re: عزاز شامي)
|
يا وردة نبتت على غصـن جميل نـاضـر
ما انتي الا بـهجـة و مسـرة للنـاظر
----
من مقرر الاناشيد بمنهج بخت الرضا التربوي
للمدارس الابتدائية في الثمانينات.
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
الرائعة عزاز شامي
حزين أن جاء دخولي هذا البوست متأخرا بسبب شواغل الحياة، وسعيد أن حصاد دخولي كان "الدهشة" بمعناها الجميل! قال شاعر المقاومة الفرنسية لويس أراغون:
العار للذين لا يتنهدون لمرأى السماء الصافية
والعار للذين لا يقع سلاحهم أمام الطفولة!!
سلامي ومحبتي.
| |
|
|
|
|
|
|
|
|
|
Re: شخصيات تدهشني! (Re: فضيلي جماع)
|
شاعرنا المرهف ..
فضيلي جماع ..
اقف لك احتراما وبيدي باقة من ورد للترحيب بقدومك الثري ...
الدهشة حالها حال باقي المفردات، تحمل معنيين متناقضيين!
سرني أن ترى منها جانبها المضئ، واترك لي مضغ ألمها!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
| Quote: أنظر مليا لنصف الكأس، لأنو كباية الشاي القاعدة في النص دي هي الحقيقة الوحيدة في المساحة الممتدة بين اليدين! |
كلام جميل ..
فعلاً ...
متابع مداخلاتكم بمنتهى الاندهاش ..
المندهش ::
جاد
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
الأخت عزاز ..
الذين يتوسلون للسلطة بالأسباب المشروعة وغير المشروع .. ويمارسوا المحسوبية في أقبح صورها .. ويدعون الطهر والإستقامة .. ولا يتورعوا عن زرف الدموع على ضحاياهم .. ثم يقولوا أن أعمالهم هذه كلها لله!!! ألا ينبغي أن تعلق على ظهورهم بطاقة يكتب عليها(منافق كذاب).
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
أقلام تدهشنى .. عوزاز
حمد الله على السلامة و فرحين بعودتك
| Quote: فكل ما اخاف منه، هو أن اصبح يوما مثلهم بذريعة الدفاع عن النفس، |
و فعلا قرّبتى فى ذاك البوست اللعين .. حتى أننى لم أتعرف عليك
واصلى إندهاشاتك .. و حنواصل إندهاشاتنا
| |
|
|
|
|
|
|
|
|
|
Re: شخصيات تدهشني! (Re: Ali Alhalawi)
|
أخوي علي الحلاوي،
مساء طاعم بالقرفة والهبهان ...
Quote: فعلا قرّبتى فى ذاك البوست اللعين .. حتى أننى لم أتعرف عليك
|
كم مرة مشيت معتدل القامة ورأسك نحو السماء؟
كثيرا، أكاد أجزم!
ولكن،
إن مررت يوما بحقل مليء بالألغام، ستعبره محني الرأس متوتر الخطى...
ونظرك مصوب نحو موطئ قدميك
ولكن،
انت هو أنت
ومشيتك جزء من منك ...
ولكن اختلفت الأرض التي تمشي عليها!
وبعدين انا كل اللي قلته كان حقائق، وان شاء الله اعدم عدويني نفر نفر
تسلم على المرور وحسن الظن..
كل الود
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
حين سارت توقف ريثما تعبر الفاكهة..
وحين سارت امامه قال في نفسة الان وجدت العذر لسيدنا موسى..عينٌ تنهب الكتان..
انا قد رايت كيف ُينهب الكتان الابيض..
خبروني ؟؟
كيف ُيغض البصر في حضرةٍ ذات بهاءٍ مكتملٍ غير منقوص ووجهٍ كقمر تام..
ان غُض البصرُ فلم كل ذلك الكيان ..
لمن تقرع الاجراس ؟؟.
ايها الناس ..قد نهبنا مانهبنا وذهبنا..
غفر الله لي فقد صرتُ اسير شجنٍ غلابٍ سعيتُ اليه بنفسي..
اغض البصر باستثناء ...فالنظر اليك ضرورة فقه..
| |
|
|
|
|
|
|
|
|
|
Re: شخصيات تدهشني! (Re: DKEEN)
|
دكين
مشكلتك بتحب الله كثير
وتتبع سبل أنبياءه متى سنحت لك الفرص...
يا ولدي،
أمسك بصرك عليك،
فالغض هنا فقه ضرورات وأقليات
أما الكتان ومن اشتراه ومن ارتداه فهم ليسوا من حر مالك أو ما ملكت إيمانك،
فعليك بالصلاة والصيام وقراءة ما تيسر لك من السور ...
ودع الفاكهة في أغصانها، فلم يحن بعد موعد قطافها...
واستمتع بغربتك المسيخة بعد ده !
| |
|
|
|
|
|
|
|
|
|
Re: شخصيات تدهشني! (Re: DKEEN)
|
عزاز شامى، تحياتى متابع أنا للبوست المجيد.
دكين تحياتى يا رجل، | Quote: ُترى كيف كان الكتان قبل ان يرتديه البهاء الُمُمسك باطرافِ بهاِئه ؟؟ |
وأتساءل أنا بدورى: كيف أحتمل الكتان غُرَز إبر الخياطة قبل أن يرتديه البهاء؟! 
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
للأسف يا عزاز وجدت حالة تشبهنى هنا
..
فقد نفذت من الحائط ورأيتنى ..
أما أنا فيدهشنى
أن أجد أحدا ما ما زال يؤمن ويتمسك بالطيبة ..
ويدهشنى .. أننى ما زلت أذكر عطرها ذاك منذ عشر سنوات لم أرها بعده ..
| |
|
|
|
|
|
|
|
|
|
Re: شخصيات تدهشني! (Re: معتصم الطاهر)
|
كبيرنا، معتصم الطاهر...
| Quote: ويدهشنى .. أننى ما زلت أذكر عطرها ذاك منذ عشر سنوات لم أرها بعده .. |
هروبنا منا يتكرر في كل المراحل...
ترى هل من كلام يخفف وطأة الرحيل؟
هل من closure statement تخفف من وطأة الليل وتردد ذكرى الأماكن؟
ن منا التم بآخر لقاء معلن عنه؟
ألا نحتال دوما لاستراق لحظات ضد القدر؟
Quote: أما أنا فيدهشنى
أن أجد أحدا ما ما زال يؤمن ويتمسك بالطيبة .. |
أما عن الطيبة، وما إدراك ما الطيبة!
كل ما يعنيني الآن أن ألا انظر للوراء يوما بازدراء، وعدى ذلك يهون!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
تعب هو البرق الذي
لا يضئ اقبية الخفايا
لا ينتمي الا الى العشب الذي
لا يرتوي الا بطعمك
يا عصيرا من (خليط) الدهشة الاولى
و احترافي الاغنيات
(...)
الغناء لمصطفى
----
الاخت عزاز
الشوق قوافي و متون
لكم/ن التحية.
| |
|
|
|
|
|
|
| |
saadeldin abdelrahman
Mohamed Abdelgaleel
khaleel
حمد فتح الرحمن
تيسير عووضة
مريم بنت الحسين
عمر الفاروق
Badri
فيصل نوبي
القلب النابض
فضيلي جماع
JAD
منعمشوف
معتصم الطاهر
فيس بوك
تويتر
انستقرام
يوتيوب
بنتيريست