|
|
 أركولوجــيـا في إسبوع السودان الثقافي بالدوحة
|
الفترة من 11/11 الىــ 16/11
يالدوحة الإسبوع الثقافي
نتمنى ان نقدم إبداعنا السوداني
بجانب العروض القادمة من السودان
سوف نقدم
مسرحية حكاية الطاهر
و
مسرحية أركولوجيا لشخصيات لم يكتبها الرواة
كولاج
لأعمال
من كمبو الري
حكايات شعبية
وشخصيات من الذاكرة الشعبية
مزيد من المعلومات والبرنامج
واعمال الفن التشكيلي
لمجموعة من فناني الدوحة الأماجد
ونتواصل مع
مهرجان الجمال
|
|
 
|
|
|
|
|
|
|
 Re: أركولوجــيـا في إسبوع السودان الثقافي بالدوحة (Re: محمد سنى دفع الله)
|
طلال عفيفي
شوق بحر دميرة
كنت منتظر صورك وتقاريرك
لحظة بلحظة من لندن
وسعدت سعادة بهيجة
بكورس الإخراج التلفزيوني
لكن رحيل نازك الملاك
جعلني اتوقف
بلتقي وتحكي لي عن الرحلة
المهم عايزك معانا في موقعنا
أطفال السودان
عايزين كمية من الصور للوطن الحبيب
وللمدن ونواحيها
عارف اطفالنا في المهجر لايعرفون شيئا عن السودان
والفي الداخل ايضا
همتك معانا
وسوف نوصل لك اخبار العروض
مودتي
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: Amir Omer)
|
اميرعمر
التحية والتقدير
والمحبة الدائمة
وللصديق ياسين زايد
الشوق المصفى
والمودة النقية
والذكريات الطيبة
وله مني السلام وإطيه الرحمن بالعافية
وإنجح مقاصدوا وإعليهو على المابيهو
ولك مودتي
اخي امير يمكن ان تدعمنا
بصور اطفالكم واطفال اصدقائكم
الصورة وتحتها الإسم والعنوان الصف ان كان بقرا
حنتراسل على الماسنجر
مودتي
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: محمد سنى دفع الله)
|
ود العباسية
سلام ومحبة
عزيزي كل التفاصيل تتابعها على هذا البوست
المهم :
الإسبوع الثقافي جاء لتفعيل التبادل الثقافي بين قطر والسودان
ومن هنا نرفع اسمى ايات الحب والعرفان لهذه الدولة التي تقدم كل يوم
مثل للعطاء ..
سوف تكون فعاليات هذا الأسبوع متنوعة ومتناثرة على مسارح وقاعات قطر
هناك الشعر والغناء والتراث الشعبي والفنون التشكيلية والمسرح
بجانب العروض القادمة من الخرطوم سوف يشارك في هذه الفعاليات
مبدعين الدوحة وتكونت لجنة فنية لوضع البرنامج المصاحب
رئيس اللجنة
الفنان محمد آدم المنصوري
نائب الرئيس
أ. عادل التجاني
وعضوية كل من :
دكتوره منار حسن عثمان
دكتور ابو الحسن مصطفى سيداحمد
أ المخرج السينمائي
عبد الرحمن نجدي
أ عثمان بشير
أصديق الطاهر
أ صالح سلمان صالح
أ محمد عثمان كباكا
وشخصي الضعيف جدا
والبروفات شغالة
وجايكم بالبرنامج
مودتي
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: معتز القريش)
|
Quote: الفترة من 11/11 الىــ 16/11
يالدوحة الإسبوع الثقافي
نتمنى ان نقدم إبداعنا السوداني
بجانب العروض القادمة من السودان
سوف نقدم
مسرحية حكاية الطاهر
و
مسرحية أركولوجيا لشخصيات لم يكتبها الرواة
كولاج
لأعمال
من كمبو الري
حكايات شعبية
وشخصيات من الذاكرة الشعبية
مزيد من المعلومات والبرنامج
واعمال الفن التشكيلي
لمجموعة من فناني الدوحة الأماجد
ونتواصل مع
مهرجان الجمال |
السنى يالملتقى الابداع والمبدعين
لك التقدير
بس ان اتقدم تلك الاعمال المسرحية الجديدة
طبعا باستثناء حكاية الطاهر بتبقى الحكاية
أخنق فطس ولافن من غير فن الاتقان
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: نادر السوداني)
|
نادر السوداني
محبتي بلا حدود
وانت في بلاد الكاوبوي
والله خرمان لي افلام كاوبوي
وسخان نازل من حصانو مليان تراب
وين افلام :
كيرك دوغلاس
وبيرت لانكستر
وجاري كوبر
وجلين فورد وجون واين
وراندلوف إسكوت وألن لاد
وادي ميرفي الأبيضاني الزمان
وروري كالهون
والخ اخر القائمة الجميلة
قالو عندكم قنوات فضائية بتعرض افلام زمان
سجل لينا منها
ينوبكم ثواب
تابعنا وشوف الصور
محبتي
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: بدر الدين الأمير)
|
بدروو
الجميل
صاحي انت للفنون المجهبذه
طبعا ياراقي
لو البروفات ظبطت والجماعة حفظوا
والعرض بقى منساب زي الشلال
ما بنعرض
لابنبضع في تجارتنا
ولا بنقدر على نقدكم
انا قلت مهرجان الفراح والجمال
المهرجانات حتكون مستمرة لحد عيد الإستقلال
يعني فرقة شتات مستعدة من بكرة
بعد اسبوع الثقافي في شهر 11
في اسبوع تاني للجالية في شهر 12
وفي عروض في عيد الإستقلال وفي دهشة
سوف تعلن في حينها
امسكو الخشب
محبتي
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: محمد سنى دفع الله)
|
الحبيب سنى
اخبار جميله ورائعه من الدوحه سمعتها وقراتها
هنا فى السودان وهى افتتاح المركز الثقافى السودانى
بدولة قطر , الحدث الذى طال انتظارنا له وانشاء الله سوف اقطع
اجازتى واكون معكم نهاية هذا الاسبوع لاشارككم هذا الفرح الجميل ,
واستمتع بالاركولوجيا بعد ماطمم المريخ بطنا ,
تحياتى ياجميل ,,
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: محمد سنى دفع الله)
|
يا السنى مزيد من التوفيق طبعا اشكاليتنا انو دائما كسودانيين
عندنا رمضان بجى فجاة والعيد بجى فجاة وبنخش الجمعة فجاة
لكن التحضير يجب ان يتواصل حتى الاسبوع الثقافى للجالية السودانية
فى نهاية 12 ان شا اللة لو اللة هون .........
وهذا الاسبوع اصلا موجة لغير السودانيين فى قطر لعكس الثقافة السودانية
حسب ما اعلم ...فانا ليس عضو فى لجنة من لجانة ....
ولكنى متابع من قريب جدا لكل التفاصيل
ان شا اللة نكون معاكم كما اليوم اول باول ومزيد من التالق
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: رأفت ميلاد)
|
سنى يا زول يافن
ازيك
شوق عدد ذرات الموية الفى الدنيا كلها
منتهى الروعة انه يكون فى نشاط مسرحى اركيولوجى
انت بقيت احمد طه امفريب ولاشنو ؟
ياخ اتذكرت الزول الجميل دا
واتذكرت ايام ما كنت ابو فصلنا فى المعهد
وناس عبد الله فضل السيد عليه الرحمة وفاضل كباشى وناس الرشيد احمد عيسى ومصطفى
وبيان رقم واحد
ومهرجان الاصدقاء
خليتنى ابكى يا سنى اصلو الايام دى دمعتى فى طرف العين
اتمنى لكم النجاح والتوفيق
وخلى بالك من بنات طارق الشيخ اخوى
ديل مغنيات وممثلات ممتازات حاول معاهم سبيل التطوير
لكم حبى جميعا
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: عمر سعد)
|
عشان العيد ما اجينا فاجوتي
نحن بدينا بي هجمة فاجوتية لكل الناس
يعني مستعدين من هنا
لحد المهرجان البعدو
مستعدين لي الأسبوع الثقافي
ومستعدين لي اسبوع الجالية
ومستعدين لي مهرجان الإستقلال
وعندنا فاجوتا مدهشة لناس الدوحة
خليك قريب
محبة وسلام
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: محمد سنى دفع الله)
|
بالأمس إجتمعت اللجنة العليا
للأسبوع الثقافي مواصلة
لأجتماعاتها المتعددة برئاسة
البروفسير محمد إبراهيم الشوش
وأعضاء اللجان المتعددة
للثقافة والفنون ولجان المعارض
والإشراف والإعاشة والمواصلات
والمسارح والتنظيم
وشارك فيها العديد من المبدعين
وكان هناك الريس المنصورى
والفنان طه العطا
وهناك مشاركة فاعلة من المدارس السودانية
يا جماعة المهرجان
برعاية :
المجلس الوطني للثقافة والفنون والأداب والتراث
وفعاليات المهرجان سوف تكون منوعة
وتقام على العديد من مسارح وقاعات وصالات الدوحة
الثقافية والفنية
المعارض التشكيلية سوف تعرض
في قاعات المركز الثقافي السوداني
والفعاليات تتابع اللجنة الفنية
إستعدادها لوضع اللمسات النهائية
لوضع برنامجها الفني
وهذا تصحيح لمقولتي
ان اللجنة تضع البرنامج المصاحب
البروفات قائمة يوميا
إستعدادا للعمل مع القادمين من السودان والمشاركين من الدوحة
وحتى الأن هناك إشراقات
( نجوم البالنمبوو)
الفرقة الموسيقية الغنائية الشعبية الإستعراضية
الموهبة الصاعد  محمد بدوي ابو صلاح )
ونواصل
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: محمد سنى دفع الله)
|
الاستاذ محمد السني
تحية لك ولكل من يسعى لعكس وجه السودان المشرق
فرقة البالمبو اصبحت محفوظة للناس هنا - كل المناسبات موجودة فيها - يا ريت لو كانوا رشحوا فرقة غيرها أو حتى مجموعة فنانين زي مجموعة عقد الجلاد وبعض الفنانين الجيدين اللي اغانيهم واضحة في الكلمات والحانها اقرب للطابع العربي لأنه الطابع الافريقي اخد حقه كاملا في كل الاسابيع الثقافية السابقة ويحق للطابع العربي في السودان انه يعلن عن وجوده
منتظرين الموقع الالكتروني ومجهزين صور الاطفال
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: عمر سعد)
|
الأخت شادية
تحياتي وأمنياتي
فرقة نجوم البالمبو لم تحضر الى الدوحة
انت تعني الفرق التي وصلت الى الدوحة
أيام مهرجانات الثقافة
الأولى بقيادة ابوعبيدة
الثانية بقيادة بريقع
الثالثة بقيادة محمد طلب
فرقة نجوم البلمبو حاجة تانية
فرقة بها المغني الصداح محمدج سليمان
مجتهد وفنان تجريب ورئيس الفرقة المطرب الهادي
وبها ممثلة وزمخرجة إستعراضية
والفرقة نقلة في فنون البلمبو
وله جولات فنية ل اوربا ووافريقيا
واخر عرض شاهدته لهم في الشارقة
وهي فرقة تفرح بجد
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: عمر سعد)
|
عمر سعد الدكتور الفنان
مافي مواجع ولا شئ
اي فرقة تمثل السودان
بتبهر الناس
للتعدد والتنوع
والفرقة دي بالذات
طابعها إفريقي
بجانب تجوالها
بحثا عن الأغنية
الخفيفة الشعبية
في كل السودان
وبعدين لمن تحضرها اول من يطرب لها هو انت لاني عارف وين بتسلطن
بعدين لمن إعرضوا ديل
الإسبوع البعدو
نشوف حاجة تانية
ــــــــــــ
إبداع متعدد لوطن واحد
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: عادل التجانى)
|
أستاذنا المبدع محمد السني ،، الإخوة الكرام
أود أن أضيف إلى معلوماتكم أن مشاركة الجالية من الداخل ستكون كبيرة جداً وسيتم التركيز عليها لضمان استمراريتها فبالاضافة للجهود المقدرة التي يبذلها أستاذنا السني هناك معارض تشكيكلية لفنانين سودانيين في الدوحة ومعارض للتراث تعكف عليها أخوات لنا في المدرسة السودانية ورابطة المرأة بالإضافة إلى براعم المدرسة السودانية بنين وبنات الذي أبدعوا في حفل وضع حجر الأساس للمدارس ،، كما تم تجهيز أكثر من فرقة شعبية في الشيحانية تمثل أقاليم السودان المختلفة من رقصات شعبية وفن الدوبيت وشعر الحماس الوطني وقد سررنا جداً خلال زيارتنا لهم الخميس الماضي في معية سعادة السفير إبراهيم عبدالله فقيري عندما استمعنا لنماذج يقشعر لها البدن من أهلنا الجعليين والشكرية والهدندوة والرشايدة والبقارة وغيرهم من أبناء السودان العاملين في سباق الهجن بالشحانية ،،وقد أبدوا استعدادهم للمشاركة بالرغم من ظروف عملهم القاسية،، ومن هنا أبشر الجميع ببرنامج شيق يليق وعظمة السودان وأبنائه في كل مكان وأن الدوحة ستكون نقطة انطلاق للإبداع السوداني من وراء البحار.
تحياتي لكم
عبدالرحمن أبوشيبة
أمين أمانة الإعلام بالجالية السودانية
نائب رئيس اللجنة الاعلامية لاحتفالات افتتاح المركز الثقافي السوداني.
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: رقم صفر)
|
طيب طالما ما الامور كده ،،،،،
انتظروني في البوست الجاي ده
سيناريو الهوان (جالية السجم الديمقراطي) والسفير البعاتي ....الدوحة ....
وبالمناسبة ، ستكون علي شكل قصة ، بها حوار وشخصيات ، يعني ممكن تمثلوها في اركلوجيتكم (ولا شنو ماعارف ) دي ....
الوسطاء يمتنعون
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: رقم صفر)
|
هههههههه رقم صفر براحة مالك قايم سدارى كدة ......نعم للحوار لا للهدم
اول حاجة رئيسو ما الشوش وحاتك الشوش م ارئيس المهرجان والشوش زى كدة انا الما
عضو دة ......بعدين الناس بتمشى لى قدام والاستاذ عادل التجانى قد يكون لة راى قديم
لكن ان اتينا الى قياس افعالة على ارض الواقع نجد ان احتفال الجالية يوم العيد
كان احداركان نجاحة الاستاذ عادل التجانى وفتح دارة واول من اخبر بالاحتفال وقال لى
بصدر رحب انا تحت امركم والمركز لانجاح الفعالية وكان من عناصر ومفاتيح النجاح
الاساسية للاحتفال.........فلا تغمط الرجل حقة والناس تتحرك ولا تتقوقع ......
بعدين من حقهم زى ما من حقك تجيب ناسك من حقهم يجيبو ناسهم لكن ترك الساحة لهم
ذلك ما اضعف الجركة النضالية فى وجة الطاغوت......نعم هم طواغيت ولكن الحراك
افضل من التقوقع كما اسلفت....(ولان تشعل شمعة خير من ان تلعن الظلام مليون مرة)
انا لست عضوا فى هذا المهرجان ولك ان تشاهد ما تريد ...ولنرى (مبدعيهم) وحواريهم
اما الزبد فيذهب جفاء ويبقى ما ينفع الناس ......اصلا هذا المهرجان موجة لغير
السودانيين كما اعلم وهو اسبوع ثقافى متبادل بين دولتين وتمويلة من المجلس الوطنى
للثقافة والفنون .......موجة للقطرييين والعرب داخل الدوحة لعكس الثقافة السودانية
لى ماخذ كثيرة على الاختيار لكن العقلية الشمولية هى العقلية الشمولية ...
فقل لى زى ما حكى واحد من عتاولة متنفذيهم هنا لمن اعترض الناس علىالاسماء
قال يعنى نجيب ناس يعارضونا ويبقو ضدنا ..زهكذا تفكيرهم ...لكن ما هو المضاد
ان نقف مكتوفى الايدى ام نتحرك لرمى حجر فى هذة البركة الساكنة دعوهم يفعلون
وقيمو التجربة واستفيدو منها هكذا صارو يعملون ونحن اصحاب النظرية نسينا
ان نفعل ذلك ...........................................
لك ودى اخ معتصم والتحية ونعم للحوار لا للهدم
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: عمر سعد)
|
Quote: نعم للحوار لا للهدم
|
يا زول هدم شنو ؟ انت مالك يا ناس الجالية ، بقيتوا كيزان اكثر من الكيزان ،،،، بالمناسبة انت والسكرتير العام ستلعبون دور البطولة في (سيناريو الهوان )
Quote: بعدين الناس بتمشى لى قدام والاستاذ عادل التجانى قد يكون لة راى قديم
|
مشيتكم لي قدام دي نزار قباني سماها الهرولة زمااان .... عارف يا عمر انا جني وجن التبريرات الغير منطقية ، قال قدام قال ، يازول والله انتو راجعين ورا بسرعة البرق ، عارف ليه ، لان السفارة (وناسها ) اصلا ورا .....
عادل التجاني انا بعرفوا تماما ، وعارف اسهاماتو ، لكن انا اتكلم عن موقفه عن الجالية (السياسية) .... وكلنا
يعرف عادل واسهاماتو علي كافة الاصعدة ، ولعل اخرها مشاركته في الندوة الشعرية التي اقامتها الجالية ... ..
Quote: فلا تغمط الرجل حقة والناس تتحرك ولا تتقوقع ......
|
يازول منو النال من مجهود عادل التجاني ، انت ما قريت كلامي ولا شنو ،،،، بعدين شنو ما تتقوقع دي ، ده كلام شنو ده ، انت عارف كلام مثل (عدم التقوقع ) ، والمشاركة الايجابية ، دي الخلتكم تهونوا نفسكم ،،، لدرجة انو السفيير كل يوم بديكم علقة (مرة المركز الثقافي ، ومرة الخمسة ريال ، القال امام اكثر من الف شخص باننا ندعم بيها المحتاجين ، وخير دليل هو دعمها لحفلتكم بتاعت العيد ،،،،
عمر عليك الله ما تقدني بالكلام المابغشني ولا بقنعك انت زاااتو .... ، اغايتوا الدينا دي بقت عجيبة ،،، عارف والله لو استمريتوا بطريقتكم دي (اعني لجنة الجالية) ، بكرة ح تجيبوا لينا (محمد بشير ) رئيس للجالية ، وطبعا ممكنوا تقولوا والله نحن نسعي للانفتاح علي الآخر ، ولا مزيد من التقوقع والانطوائية .... لكن عشان ما احرق راويتي المنتظرة (سيناريو الهوان).... اصبروا...
Quote: ان نقف مكتوفى الايدى ام نتحرك لرمى حجر فى هذة البركة الساكنة دعوهم يفعلون
وقيمو التجربة واستفيدو منها هكذا صارو يعملون ونحن اصحاب النظرية نسينا
ان نفعل ذلك ...........................................
|
لا وبكل بساطة اعملوا برنامجكم الوطني ، وستجدون منا الدعم ..... ولكن ان يشارك سكرتير الجالية ، واعضاء اللجنة التنفيذيه في هذه نشاطات(المؤتمرية الوطنية) فهذه مصيبة ,,,,وان تصبحوا تابعين للسفارة فالمصيبة اكبر ،
يا ناس انتو نزلتوا الانتخابات ليه اذا ما كنتم قادرين علي الالتزام بالمواقف الصاح ؟....
| Quote: ونعم للحوار لا للهدم |
يازول شايفني شايل فاسي ولا شنو .... هذه نقاط ، انا كمناصر للجالية الديمقراطي كنت اتوقع منها مواقف اكثر قوة ، لكن كل يوم اراك (تهرولون ، وتخسرون ) .....
والله انا كنت قايل مشرحنا (مقعد المحاسبين ) هو الوحيد الشاذ عن القاعدة ، لكن يبدو هو القاعدة ....
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: رقم صفر)
|
الا خ معتصم لك الود والتقدير
اقرا كلامى فى سياقة العام ولا تجتزء الاشياء
لك ودى يحق لك ان تصنف الناس ما شئت فذلك لن يحول من الحقيقة
اانا قلت كان راى مسبق لعادل لكنة تحرك خطوات الى الامام حين تبين لة المستور
لا جديد اقولة لك هنا حتى لا اقحم بوست الاخ السنى فى متاهات اخرى
نعم للحوار الهادفالبناء.................لا
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: محمد سنى دفع الله)
|
الاستاذ السني
فرقة البالمبو بكل اشكالها وتسمياتها وتفرعاتها وجه تاني لعملة واحدة قديمة قدم التاريخ هي فرقة الفنون الشعبية السودانية بس بصورة مختلفة شوية
وبرضو الناس ملت من سماع اغاني الرطانة ورقصات الكمبلا والناس اللابسة قرون واعتقد خلاص ثبتناها في اذهان الغير انه السودان كله عبارة عن ناس لابسة قرون وبترطن
نحنا بصراحة دايرين ناس تانية خالص ناس تقول انه السودان افريقي - عربي يعني دايرين ناس غناها يتفهم والحانها تطرب الغير ديل اللي نحنا عاملين النشاط ده وسطهم وفي ارضهم والجاليات التانية تعرف شي جديد عن السودان
كفاية انه عندي زميلة قطرية سألتني (انتو في السودان عندكم مدن ؟ عندكم اسواق ؟ صحي الفيلة بتحوم وسط الشوارع في السودان ؟)
وزميلة تانية كانت راكبة معاي في العربية شغلت ليها الكاشف مافهمت كلمة منو ولما شغلت عقد الجلاد قالت لي وين الاسطوانة العربية دي من قبيل ؟ ليش ما شغلتيها ؟ يا دوب فهمت واعجبت جدا باغانيهم وموسيقاهم
بعدين كل الانشطة الثقافية السابقة شارك فيها فرق سودانية كانت على شاكلة البالمبو والفنون الشعبية
تخريمة
اللجان دي اتعملت متين وكيف ووين ؟؟؟؟ وين الاعلانات ؟؟؟؟؟ ولا زي كل مرة يا جالية السرور نسمع بالاحداث بعد انتهائها بشهر
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: شادية الطيب)
|
شادية الطيب
تحياتي وتقديري
كلامك طيب وغيرتك بتقديم الفن الجميل
من حقك
كيف عايزة فن عربي وإفريقي وانت بتقولي فترت من القرون والرطانة
ماتنسي المهرجان بشوفوه مقيمين من عرب وعجم وبشم المهم عندي إحسو فنوننا
ولا يفهموها لوجانا مهرجان غريغيزي ولاهندي ما بنفهم لغتهم ولا دلالات طقوسهم
ولكن نطرب لمويسقاهم الخماسية ولرقصاتهم المعقدة جدا في حرفيتها
الفرق كبي بين فرقة الفنون الشعبية ونجوم البالينمبو
فرقة الفنون الشعبية فرقة راقصة تعتمد على الرقص بخلفية موسيقية اوإيقاعبة
او غنائية
المهم الرقص بأنواعه وهذه فرقة لاتمل وله العديد من الرقصات الجديدة
البالينمبو فرقة غنائية فيها الكلام البتقولي عن التنوع الغنائي
فيها اغاني بالعربي والرطانة والرقص فيها خلفية تعبيرية
وانت ماشي بعيد ليه ما في ناس في مصر بفتكرو ان النيل بدونا ليهو
يعني نابع من مصر وبكب في البحيرات ؟؟؟!!
مهرجان الحالية أخر شهر 12
ده اسبوع ثقافي من السودان
بفعاليات من الدوحة والسودان
\ حتى نتحرك لفعاليات مستمرة
لوجود مركز ثقافي سوداني بالدوحة
شكرا لدعمك وتواصلك معنا
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: شادية الطيب)
|
تخريمة
اللجان دي اتعملت متين وكيف ووين ؟؟؟؟ وين الاعلانات ؟؟؟؟؟ ولا زي كل مرة يا جالية السرور نسمع بالاحداث بعد انتهائها بشهر
الكلام الفوق دة اقتباس من الاخت شادية
واللة يا اخت شادية المهرجان دة ما حق الجالية دة تبادل ثقافى بين حكومة السودان ممثلة فى السفارة وبين الحكومة القطرية
السفارة هى المحلرك الرئيسى للموضوع الجالية ما عندها دور لا فى اختيار البرامج ولا اختيار المشاركين ولا الفقرات
ارقدى عافية الجالية ستقيم مهرجانها اواخر ديسمبر ان شا اللة ونشوف البحصل شنو للو قت داك
اتمنى اكون شرحت ليك الفكرة العامة
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: شادية الطيب)
|
Quote: الا خ معتصم لك الود والتقدير
اقرا كلامى فى سياقة العام ولا تجتزء الاشياء
لك ودى يحق لك ان تصنف الناس ما شئت فذلك لن يحول من الحقيقة
اانا قلت كان راى مسبق لعادل لكنة تحرك خطوات الى الامام حين تبين لة المستور
لا جديد اقولة لك هنا حتى لا اقحم بوست الاخ السنى فى متاهات اخرى
نعم للحوار الهادفالبناء.................لا |
يازول سياق شنو ، كلامك واضح ، وردي اوضح ،،،،
عارف اسوأ حاجة في الطرف الآخر في اي نقاش هو محاولة النيل من الطرف الآخر بدلا من مناقشته ، يعني انا طرحت نقاط ، جيت انت (توش رديت علي ) ، بكلام (هدم ، وحوار هادف ) ، تري ماذا في كلامي هذا يمكنك ان تعتبره هايف ،،، او (غير هادف)....
والآن تأتي وتقول لي (انك لن تتداخل ) طيب قبيل الدخلك شنو ... ما اعضاء اللجنة في المنبر في غيرك ، ليه رديت ؟؟؟
كان من الاول تقول لي نفسك مافي داعي ادخل بوست السني في متاهات اخري ، وتسكت او حتي تتصل علي .....
والله جالية تجيب القلب للناس ...........................
مبروك عليكم السفارة ، تشبعوا بيها
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: محمد سنى دفع الله)
|
رقم صفر كلامة واضح واسئلة تحتاح لاجابة
نرجو بهدوء توضيح الاجوبة لمن يملك المعلومات
________________________________
سمعنا من قبل ان تفوز الجالية الحالية بان هنالك (من خلال اتفاقيات
التبادل الثقافى)سيفتح مركز ثقافى يتبع للجالية السودانية اكرر للجالية
وليس السفارة
والان نسمع شى اخر ... ارجو التوضيح ؟؟؟
والان لمن يتبع المركز الثقافى الذى نود الاحتفال بة ؟؟؟
وهل تمت استشارة الجالية فى هذة التبعية ؟؟؟
هل تمت مناقشة بنود الاسس الادارية لادارة المركز الثقافى مع ممثلينا فى الجالية ؟؟؟
وكيف سيدار هذا المركز بعد انتهاء فعاليات الافتتاح وعلى اى اسس وهل للجالية دور فى
ادارة هذا المركز ام تخضع الجالية لانتظار الموافقة لاى نشاط يخص الجالية ؟؟؟
وهل اللجنة الحالية ينتهى دورها بافتتاح المركز ؟؟؟
للفائدة العامة نرجو توضيح هذة الاستفسارات
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: عمر سعد)
|
Quote: سؤال برضو داير ليهو اجابة بهدؤ كدة
هل دفعت اشتراكك فى الجالية ؟ وايضا رقم صفر؟ |
عارف يا عمر سعد ، عشان كلامك (الغير مؤسسي) ده، والبشبه كلام الكيزان ، خلقوا ما يسمي بالمتحدث الاعلامي ، عشان ما يهرجل زول زي هرجلتك دي ....
الامر ليس ان تمسك علي نقطة وان امسك عليك اخري ، اسع عليك دخل الاشتراك للجالية والكلام القالوا معاوية وشخصي شنو ؟
عارف الزول لمن يغلبوا يقول كلام منطقي بمشي لاماكن اخري ويحاول يبعد النقاش عن النقطة الاساسية ، بفتح نقاط ليس لها دخل في النقاش الحاصل ، يعني يشتت ذهن الناس ،،، لكن انت ما حريف زي الكيزان ، ونحن ما اغبياء ...
اذا لم تستطع الرد علي نقاطي اعلاه ، احسن ليك تسكت .... لكن تحاول فتح نقاش لا اساس له ، فهذا دليل العجز لا اكثر ولا اقل .....
اقول لك ياعمر سعد ، انا انتمي للجالية اكثر منك ، ومعاوية الطيب ينتمي لها اكثر ، فنحن اللذين بذلنا الجهد من اجل الفوز (وليس انت) .... ونحن اشتغلنا مع كل اللجان ، وليس انت ... واذا كان عضويتك في اللجنة -تظن- انها تجعلك اكثر انتماء فهذا خبل في التفكير ليس الا... كنا نتمني ان نكون داعمين للجالية بكل ما نملك من مال و جهد ، ولكن تخبطاتكم (جميعا) دون فرز اصابت الانسان بالطمام ,,, فخلال خبرتي المتواضعه جدا في العمل السياسي والتطوعي ، لم اجد مجموعه تتخبط مثلما تفعلون ، لم اجد مجموعه (استمرأت ) اتخاذ القرارات الخطأ مثلما تفعلون ... لم اجد مجموعه تتميز بهذا الانسجام والاشتراك في التصرفات والقرارات الخطا مثلكم ... يازول والله الجالية دي لو فازوا بيها الكيزان احسن ....
بس انت ما قلت خليت البوست ده (عشان ما يخش في متاهات اخري ) ، ام قرارك هذا مثلما قرارات لجنتكم ....
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: معتصم دفع الله)
|
معتصم دفع الله
أخوي الحنين
ليك السلام واتمنى تكون بلغت العافية
يا اخوي فرحتنا كبيرة هذه الأيام
نسبة لفعاليات الإسبوع الثقافي
وطبعا كان كتبتب انو الأفراح متواصلة
بفعاليه شهر 12 لكن نما الى علمي
بأنها ربما تكون في بداية العام
والفكرة تحت الدراسة لعمل مهرجان
ثقافي رياضي أعياد الإستقلال
يعني بوظت للناس المفاجأة بتاعتهم !!
وكده بقول انو بقى عندنا وقت
ماهل لعمل بروفات المسرحيات الجديدة
لانو ظروف مجموعة العمل صعبة جدا
ووقتها مع الدوامين ( طنبجة )
ورونو ناس المسرح عندكم في الرياض تجربتهم كيف مع البروفات
شكرا لمررورك وتابع معنا الفعاليات
برضو في غضون الأيام القادمة سوف ينطلق
مهرجان المسرح الشبابي الخليجي
وفيهو عروض مميزة من دول الخليج
والدعوة عامة لمحبي المسرح
والتجارب الجديدة
وسوف يكون بمسرح قطر الوطني
مودتي
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: معتصم دفع الله)
|
Quote: سمعنا من قبل ان تفوز الجالية الحالية بان هنالك (من خلال اتفاقيات
التبادل الثقافى)سيفتح مركز ثقافى يتبع للجالية السودانية اكرر للجالية
وليس السفارة
والان نسمع شى اخر ... ارجو التوضيح ؟؟؟
والان لمن يتبع المركز الثقافى الذى نود الاحتفال بة ؟؟؟
وهل تمت استشارة الجالية فى هذة التبعية ؟؟؟
هل تمت مناقشة بنود الاسس الادارية لادارة المركز الثقافى مع ممثلينا فى الجالية ؟؟؟
وكيف سيدار هذا المركز بعد انتهاء فعاليات الافتتاح وعلى اى اسس وهل للجالية دور فى
ادارة هذا المركز ام تخضع الجالية لانتظار الموافقة لاى نشاط يخص الجالية ؟؟؟
وهل اللجنة الحالية ينتهى دورها بافتتاح المركز ؟؟؟
للفائدة العامة نرجو توضيح هذة الاستفسارات |
يا معاوية
الجالية زاتها ، بكل من فيها (من رئيسها ، حتي عمر سعد البتفاصح ده ) اصبحوا تابعين للسفارة ، وبالذات للسفير ظاااتو ،،، وما حدث يوم الاحتفال بتاع عيد الفطر من تلاسن بين رئيس الجالية والسفير (والتي اداهم ليها السفير صايمة) ما حدث ذاك اليوم ماهي الا فرفرة ذبيح ، يعني الموضوع كلوا مسأل يومين وتعلن:
جالية السجم الديمقراطي استسلامها للسفير البعاتي
| |
|
|
|
|
|
|
|
|
|
Re: أركولوجــيـا في إسبوع السودان الثقافي بالدوحة (Re: معتصم دفع الله)
|
Quote: سمعنا من قبل ان تفوز الجالية الحالية بان هنالك (من خلال اتفاقيات
التبادل الثقافى)سيفتح مركز ثقافى يتبع للجالية السودانية اكرر للجالية
وليس السفارة
والان نسمع شى اخر ... ارجو التوضيح ؟؟؟
والان لمن يتبع المركز الثقافى الذى نود الاحتفال بة ؟؟؟
وهل تمت استشارة الجالية فى هذة التبعية ؟؟؟
هل تمت مناقشة بنود الاسس الادارية لادارة المركز الثقافى مع ممثلينا فى الجالية ؟؟؟
وكيف سيدار هذا المركز بعد انتهاء فعاليات الافتتاح وعلى اى اسس وهل للجالية دور فى
ادارة هذا المركز ام تخضع الجالية لانتظار الموافقة لاى نشاط يخص الجالية ؟؟؟
وهل اللجنة الحالية ينتهى دورها بافتتاح المركز ؟؟؟
للفائدة العامة نرجو توضيح هذة الاستفسارات |
يا معاوية
الجالية زاتها ، بكل من فيها (من رئيسها ، حتي عمر سعد البتفاصح ده ) اصبحوا تابعين للسفارة ، وبالذات للسفير ظاااتو ،،، وما حدث يوم الاحتفال بتاع عيد الفطر من تلاسن بين رئيس الجالية والسفير (والتي اداهم ليها السفير صايمة) ما حدث ذاك اليوم ماهي الا فرفرة ذبيح ، يعني الموضوع كلوا مسأل يومين وتعلن:
جالية السجم الديمقراطي استسلامها للسفير البعاتي
| |
|
|
|
|
|
|
| |
محمد سنى دفع الله
haroon diyab
Alsa7afa_30
ابو جهينة
طلال عفيفي
حيدر حسن ميرغني
Osman Musa
Amir Omer
ودالعباسية
معتز القريش
بدر الدين الأمير
نادر السوداني
kamal ali
عمر سعد
رأفت ميلاد
سلمى الشيخ سلامة
ودرملية
-1.jpg)
معاوية الطيب
عادل التجانى
عبدالرحمن عبدالله أبوشيبة
رقم صفر
Mohamed Ahmaed Olyesh
احمد العربي
خالد ماسا
معتصم دفع الله
الصادق خليفة
فيس بوك
تويتر
انستقرام
يوتيوب
بنتيريست