|
|
|
 Re: يوم .. لثقافتنا نحنا (Re: محمد سنى دفع الله)
|
أستاذ السني
نقول معك(نعم والف نعم للعمل سوياًللإرتقاء بالفنون السودانية) ليس فقط بتحديد يوم معيّن للإحتفال بالفنون السودانية بل ولنجعل كل يوم هو إحتفال بنصر فنيّ جديد للفن السوداني الأصيل ، وأيضا نقول معا لإيصال فننا إلي كل ركن من أرجاء الكون الفسيح لنجعله يردّد صدي أنغامنا الشجية..
وسودانّا فوق هام السحاب،،
ودمت
أبو عزه
| |
 
|
|
|
|
|
|
|
|
Re: يوم .. لثقافتنا نحنا (Re: محمد سنى دفع الله)
|
عزيزنا الأستاذ محمد السني
أولاً لك التحيـة ومرحب بيك في هذا البورد حيث لم أتمكن من الترحيب بك في البوست المخصص لذلك.
أما دعوتك النبيلة: بالتأكيد ستجد منا كل الدعم والموازرة . فهي دعوة للحب والتسامي.
لك التحية،
الحلاوي
| |
|
|
|
|
|
|
|
|
|
Re: يوم .. لثقافتنا نحنا (Re: ALHALAWI)
|
الحلاوي
المحبة والسلام وطالما هناك من يحملون مثل افكارك ولهم ابواب مفتوخه للامل ستنمو الفكرة وتزدهر الاماني تابع معنا تصورنا للا حتفاء بمبدعي بلادي
| |
|
|
|
|
|
|
|
|
|
Re: يوم .. لثقافتنا نحنا (Re: انعام عبد الحفيظ)
|
اولا منورنا ايها الرائع محمد السنى
اولا انا عاتب عليك اشد العتاب وهذا من حقى
ثانيا سبب العتاب هو مبدعى بلادى والهروب وهذا موضوع لنقاش طويل فيما بعد
ؤ عن يوم لثقا فتنا انحنا
ماذا فعلنا لها؟
وهل القائمين على امر الثقافه ببلادى لهم علاقه بها؟
اللهم ارحم الاستاذ بدر الدين هاشم هذا المبدع الراحل عندما كان بهذه الوزاره وماذا انجز وانت ادرى منى استاذى.
والحمد لله العام لم ينقضى والخرطوم عاصمة للثقافه ماذا قدمت للمبدعين امثال عادل ابراهيم محمد خير والاخوه فى فرقة الاصدقاء وهذه امثله ثم هل استفادت من مكتبة الراحل بدر الدين هاشم ام ماهو دوركم وانتم تحملون هذا الهم ثم لماذا لا ترتقى ثقافتنا عربيا كما سبقتها السوريه والان الخليجيه.
استاذى باذن الله لى معك مداخلات كثر عبر هذا المنبر بخصوص موضوع الثقافه هذا واين انت طول هذه المده.
| |
|
|
|
|
|
|
|
|
|
Re: يوم .. لثقافتنا نحنا (Re: ayman haroun)
|
والله الليلة جد بيتنا نور بالعلم المسرحي والتاريخ والتألق والإبداع
يا ريت لو كنا في السودان عشان نعاضدكم بكل ما نملك
لا يتبقي لنا من علي البعد إلا جميل التمنيات لكم
وبالجد دارنا نور
صبوحة
| |
|
|
|
|
|
|
|
|
|
Re: يوم .. لثقافتنا نحنا (Re: صباح حسين)
|
صبوحه مرحبا وحبابك
الدار منورة بي اهلها وكلكم فيكم الخير ةالبركه فكروا معنا كيف نحتفل بالفنانين الحقيقين وكيف يكون عندنا يوم للفن يوم 3 يناير موعدنا
| |
|
|
|
|
|
|
|
|
|
Re: يوم .. لثقافتنا نحنا (Re: محمد سنى دفع الله)
|
الأســتاذ الســـني
ســـلام
ياخي أنا عندي ســـؤال نفسي أسألك ليهو من زمن والحمد لله لميت فيك
والســـؤال:
كيف رضيت بالدور الغريب جدا في فيلم الإرهاب والكباب مع الفنان عادل أمام؟
ياخي دورك كان إنك تقول في "أوربا والدول المتقدمة" وتسكت!!!!.
ياخي الدور ده أضاف ليك شخصيا شنو وأضاف للدراما السودانية شنو؟
مودتي
| |
|
|
|
|
|
|
|
|
|
Re: يوم .. لثقافتنا نحنا (Re: عبدالماجد فرح يوسف)
|
عبدالماجدفرح مرحبا دايما اسال هذا السؤال
والاجابه انو الدور لحدي الان معلق معاك سلبا او ايحابا ليس هناك ادوار صغيرة وانما هناك ممثلون صغار وكان لي ادوار في مصر بطوله في مسرحيات مثلت مصر في مهرجان المسرح التجريبي ولو كنت مواصل في السينما المصريه لكنت رايتني فيما تحب دورك شنو في المشاركه معنا في الاحتفال بيوم الفنون السودانية ومودتي
| |
|
|
|
|
|
|
|
|
|
Re: يوم .. لثقافتنا نحنا (Re: محمد سنى دفع الله)
|
الأستاذ السني
تحية
وأشكركك علي إجابتك علي السؤال, ويبدو لي أنك مقتنع بدورك الصغير في الارهاب والكباب
وهو في تقديري أمر يخصك من ناحية فلسفتك في إختيار الأدوار التي تمثلها
ولكني كمشاهد سوداني يسرني أن أري ممثلي بلادي يقومون بأدوار رئيسة ذات قيمة فنية وليس تمامة عدد أو فقط لمبدأ الظهور
وهذا ما تفعله ستونة وجواهر في مصر؟؟.
___
أعتقد أن فكرة "يوم لثقافتنا السودانية" فكرة جيدة
وأرجو ألا تكون مجرد رد فعل مضاد لفعاليات الخرطوم عاصمة للثقافة العربية فحسب
وأن تكون فكرتكم منبثقة من فهم عميق للتعدد الثقافي في السودان
لأن الثقافة السودانية إصطلاح عريض وعميق وهو رافد من روافد مشكل الهوية التي يجب التعامل معها وتحديدها بدقة
فليس في السودان ثقافة واحدة
بل هنالك ثقافات سودانية متنوعة ومتعددة
وأنتم أهل المسرح غالبية أعمالكم لم تخرج من القوقعة العربسلامية
ولانجد أعمالا مسرحية تعكس التعدد الثقافي في السودان
نتمني أن نبدأ من هنا.
مودتي
| |
|
|
|
|
|
|
|
|
 Re: يوم .. لثقافتنا نحنا (Re: عبدالماجد فرح يوسف)
|
عبدالماجد فرح افرح في العام الجاي
قدم المسرح السوداني منذ عام 67ـ68 الموسم الأول مسرحية اهل المستنقع للكاتب النيجيري ولي سوينكا،واصبح يقدم في كل موسم مسرحية أفريقية،وعندمافتح المعهد العالي للمسرح والموسيقى ابوابه تخرج فيه طلاب من كل انحاء السودان ونقلوا تجاربهم وطقوسهم وقدموا عروضا متنوعة عبرت عن كل قبأئل السودان المسرح السوداني غني بالتجارب من ابوناكاموسي الىتجارب المداحين والهدايين والحكواتية وتجارب صوصل والفريدأويا واستيفن أوشلاوقامت العديد من الفرق التي تهتم بتراث مناطقها وكل عام وأنت في الافراح
| |
|
|
|
|
|
|
|
|
|
Re: يوم .. لثقافتنا نحنا (Re: محمد سنى دفع الله)
|
يوم لينا أنحنا ، لا هو للعرب مننا و لا الأفارقة الصـر..
إنما للسـودانويين .. نسميهو كوش على قول منان .. أو أماني شاخيتو .. ولا نسميهو مورلانو زي بت أحمد عوض صاحب محمد شريف أخوي و قال مورلانو معناها المطر بلغة الشـلك .. لو فتشنا ليها بنلقاها يا أستاذنا السـني ..بنلقاها ..بنلقاها ..ثقافتنا نحن ..نشوفك يوم تلاتة واحـد..
| |
|
|
|
|
|
|
|
|
|
Re: يوم .. لثقافتنا نحنا (Re: الطيب بشير)
|
الطيب بشير مرحب حبابك
اهو الافكار نزلت علينا زي مطرك والمطر فيه الخير والخير عايز الاطفال والاطفا ل عايزين الحب والحب عند الكبار والكبار البخليهم شنوا اقعدوا في بطن الارض وامدوا السلام والتسامح بينهم شكرا كثيرا للفكرة
| |
|
|
|
|
|
|
|
|
|
Re: يوم .. لثقافتنا نحنا (Re: الطيب بشير)
|
يا أستاذ طبعاً أهم حاجة في يوم زي دا إعادة الإعتبار للرواد ، المفروض يكونوا هم في مقدمة الصحف والإذاعات والتكريمات ، أكيد إهملوا إهمال شديد ولا ندري إن مات بعضهم بالحسرة والفقر، إعادة الإعتبار الأدبي لهم أهم من كل شئ ، ومش بس الكانوا نجوم منهم بل حتي الكمبارس ومن كانوا يشيلون نجاح العمل علي ظهورهم ومن تحت الكواليس ، ممكن الناس تبدأ بحصر الأسماء للحي منهم ومن مات زي حسن عبدالمجيد وخالد أبو الروس وغيرهم ..ثم ممكن إعادة الحياة لنماذج أثرت الساحة وامتعت الناس في الماضي ..ممكن برضو التفكير في الجوانب المادية والتي لا مناحة عنها والدولة مسئولة ترجع بعض الضرايب وغيرها في شكل دعم لرموز الفن التي أمتع حياة دافع الضرايب. يدعن الدولة تدفع بدون منة..برضو لازم المبدعين الجدد والقدام مثل قريبي الياس حسن الياس يساهموا بدخل ليالي من أعمالهم لصالح تكريم الرعيل الأول والتاني والحتي عاشر...وبرجع ليك تاني
صبوحة
| |
|
|
|
|
|
|
|
|
|
Re: يوم .. لثقافتنا نحنا (Re: bushra suleiman)
|
يا ريت اليوم ده يا السنى كمان يكون يوم مفتوح وتتواصل فيه محطة التليفزيون الأهلية حتى ولو دراما إذاعية. يمكن لو رجعنا شىء من حاجات الزمن السمح ترد الروح فينا,أصلو نحن شعب كاتله الحنين للماضى.
| |
|
|
|
|
|
|
|
|
|
Re: يوم .. لثقافتنا نحنا (Re: محمد سنى دفع الله)
|
بدرالدين ودالحلاويين
الحب والسلام والمودة والشووووووق قلتلي شغال في القش كده بعد ماتبل القش فكر معانا في الطريقة التي نكرم بهامبدعي بلادي وانا معول عليك الكتيروشششششششششوقي ومحبتي
| |
|
|
|
|
|
|
|
|
|
Re: يوم .. لثقافتنا نحنا (Re: محمد سنى دفع الله)
|
الحبيب ود فع الله
معاك ...
من أجل ثقافة مشاعة للجميع ...
من أجل مسرح مفتوح الفضاء ... غير منغلق ....
ليكن الثالث من يناير ...
وأقترح عليك فتح بوست عن واقع المسرح السوداني والمشكلات التي تواجهه في نفس هذا اليوم وسندلو بدلونا معك ....
مع محبتي
| |
|
|
|
|
|
|
|
|
|
Re: يوم .. لثقافتنا نحنا (Re: محمد سنى دفع الله)
|
أستاذنا محمد سنى يالون الزهر
كل السعد والهناء والصحة ليك رفيق طول العمر المديد..
دعنا نعلن هنا عن مدى شوقنا والفرح بهذه النافذة التى أشرعت بالضياء ومقدمكم..
معك نعلنهاالثالث من يناير يوما سودانيا للمسرح..
لك الود صادقا والتحية خالصة
عبدالعزيز خطاب
| |
|
|
|
|
|
|
|
|
|
Re: يوم .. لثقافتنا نحنا (Re: عزيز)
|
عزيز دنيانا
عبدالعزيز خطاب كل عام وانت في السعاده صباحك ومساك وشكري الجزيل وعايزنك معانا في الثالث من يناير ويوم لكل الفنون الود ودام صفانا
| |
|
|
|
|
|
|
|
|
|
Re: يوم .. لثقافتنا نحنا (Re: محمد سنى دفع الله)
|
العزيز/ كرنفال النشاط الجميل، فالأجمل...
والمسمى مجاز (ود السني)... وهل تكفي الحروف كي تقاربك....(ترجع خاسئة كعادتها)
فلتكن الحياة مسرح، كي نعد مسرحها، وشمسها وفلستفها (على ضوء الحب والعاطفة والؤئام)...
معكم، نحو ... أفق بعيد، أفق سعيد، أفق جديد...
قلتم، فقلنا بقولكم، فليكن المجد لنا ولكم في الثالث من يناير...
(ارتحلوا أيها الرحالة، فانكم لكن تكونوا، كما كنتم في بدء الرحلة)... اليوت..
| |
|
|
|
|
|
|
|
|
|
Re: يوم .. لثقافتنا نحنا (Re: الطيب بشير)
|
الطيب الطيب
أخي مالك نكت لينا البوست ده
خلاص نشد الحيل ونبدا
يأخوي عايزين نقدم اقتراح بالترشيح لعدد من الفنانين وكل مرة نضيف لهم مجموعة اخرى ثم نقوم بعمل تصنيف كل شهر حتى نصل للفنانين الذين يمكن ان نكرمهم في العام القادم ايه رايك الشهر الجاي نبا ترشيحات الفنانين الرواد في كل المجالات
التلحين الموسيقى الغناء الفنون الأدائية التمثيل الديكور الإخراج التأليف ووجدت دعم من كلية الموسيقى والدراما
نتابع
| |
|
|
|
|
|
|
|
|
|
Re: يوم .. لثقافتنا نحنا (Re: محمد سنى دفع الله)
|
.
حبيبنا السّـنّـي..يا رايع..حبيبي أنا ضايع
Quote: ايه رايك الشهر الجاي نبدا ترشيحات الفنانين الرواد في كل المجالات
التلحين الموسيقى الغناء الفنون الأدائية التمثيل الديكور الإخراج التأليف |
جمـــــــــــــــيــــــــــــــــــــــــل
دة كلام عملي
و خلينا نبدأ
و زي ما قلت على وجه السرعة
عاوزين نكرّم الناس و هم أحياء
ع شان يستمتعوا بجوائزهم
يطلعوا المسرح و نصفّـق ليهم
و بلاش حكاية كان الفقيد دي
معاك يا راااااائع..نبدأ طوّالي..
.
| |
|
|
|
|
|
|
|
|
|
Re: يوم .. لثقافتنا نحنا (Re: الطيب بشير)
|
3مارس يوما للفنون السودانية
وكلنا مع هذه الدعوة المفعمة بالحب والسلام لتمثيل وجه السودان الحقيق ، بفنونه الجميلة ومسارحه ، بكل اثنياته وتراثه ما أحوجنا لهذه الدعوة وما اصدق الدعوة حين
تأتي من فنان في قامة أستاذنا المبدع محمد السني دفع الله ، كلنا معاك ولنعلنها تظاهرة
من أجل سودان مبدع وأصيل
| |
|
|
|
|
|
|
|
|
|
Re: يوم .. لثقافتنا نحنا (Re: محمد سنى دفع الله)
|
الرائع دوما / السنى
لك كل التجلى والاحترام وانت كالعهد بك رائدا من الروادالذين بزروالاشياء الرائعه
فى انسان هذا الوطن . ان الشخصيه السودانيه بحق هى فريده فى جميع ما اتسمت به
من ماانت بصدد الدعوه له من اشاعة لروح المحبه والسلام والتى كما تنادى ان يكون
المدخل لذلك هو التسامح .
فلنتسامح جميعا من اجل هذاالوطن الذى يئن وينوح فى جميع ارجائه ولنقول:
كلهم فى السرى دوافع خير * بنت وهب شقيقة العذراء
فى اعتقادى وجود المسرح الهادف الذى يؤدى الرساله المرجوه من توعيه لهذه الاجيال
ومناقشة هموم الحياة اليوميه هو الدافع الحقيقى لتتطور جميع الفنون( اعطنى مسرحا
اعطك امه ) ولا ماكده يالسنى
| |
|
|
|
|
|
|
|
|
|
Re: يوم .. لثقافتنا نحنا (Re: babiker alsharief)
|
الطيب خدر عاشــة وبابكر الشريف
محبتي
جميل ان تكون هناك خطوة إيجابيةيلا نعمل على ان نرصد الفنانين الحقيقيينمن الاحياء والرواد وكلام جميل ان نكرم الاحياء فعلا هذا التكريم الحقيقي
علينا تنظيم العمل ووضع التصورات خلال هذا الاسبوع
هذه هي ضربة البداية
| |
|
|
|
|
|
|
| |
محمد سنى دفع الله
محي الدين الريس
انعام عبد الحفيظ
ayman haroun
عبدالماجد فرح يوسف
الطيب بشير
bushra suleiman
بدرالدين شنا
عبد الله إبراهيم الطاهر
عزيز
عبدالغني كرم الله بشير
بدر الدين الأمير
عشة بت فاطنة
خدر
babiker alsharief
فيس بوك
تويتر
انستقرام
يوتيوب
بنتيريست