العريس العريس بي شمالك يا العروس - حسن: آآآآآي خليه يقيف بي شمالها الـ#### يقيف بي يمينها ليه الـ### - لكن ليه يا حسن «محنة» ياخ - عشان فارة ياخ... عاجباهو قروشه جايي من السعودية ما لقى غير «حناني» دة لكن - هي لكن يا «محنة» يمكن إنت جلكساتك دي ما لفقت مع البلوم ياخ - كانت لافقة ياخ وانا مشتت ليها السكر زمن ياخ لمن «مقنيتي» بوشت ياخ - هي لكن سكرك دة شكله ما كان حلو - حلو ياخ وفيه رفارف ياخ... أنا نيمتهم ذاتها كنت بسقيها ياخ لمن نعنشت وبقى ليها ضل.. إنت قايل الضل دة من غير جلكسات بيجي كدة... - لكن يا محنة ما يمكن إنت بطاطيرك دي نزلت ياخ قبل ما البلوم يولع - يولع شنو ياخ يمين بطاطيري دي خلته «باقي» رتينة بس ياخ... اتعوقت أنا ياخ... ماشي لي «سلسلة» في العشش تروح عني وتفك لي مكنتي «الشرقانة» دي - كدي روق يا محنة ياخ.. الدنيا جمعة ياخ سليلة دي الليلة جليها ياخ - أجليها كيف ياخ وأنا «لديتري» مبوش ياخ والسخانة وصلت my heart ياخ - إنت بعد دة تشوف غيرها ياخ البتستحق ريدتك دي ياخ.. جازف ليك «بِرتق» غيرها يا محنة ياخ دي خلاص قطرها صَفَر يا الحبيب - «صوفارتي» أنا الصفرت ياخ... ليه ياخ يشيلها العرور دة ياخ وتلقاهو بتاع «بوماستك» في السعودية... حواء مجروس دي بتكون قطعت فيه اغنية «حبيبي فنتاستك يضرب بوهية بوماستك يا ناس» - هههههههه ما خلاص لكن هو ختف البلومة فإنت طوالي تبدل المقنيتة - أنا حسن كهارب ياخ.. المنطقة الصناعية كلها عارفاني بريد البلومة لمن من كهارب بقيت حسن محنة ياخ يجي الفارة دة يلاويني في البلومة ياخ... في اللحظة دي البت بدت أغنية: قلبي قلبي قلبي - حسن: آآآي قلبي وأقلبيني ياخ أنا ماشي أكب «دمعة الشوق» عند «سليلة» ياخ... قولوا لي امي حاجة آسيا ما تجي تتعاور تفتش علي.. أوعى واحد فيكم يجي يفتش علي هناك يا فارات... ههههههههههههههههههههههههههههههه
01-19-2016, 07:58 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20357
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طارق جبريل
محمد حيدر المشرف
ملهم كردفان
فيس بوك
تويتر
انستقرام
يوتيوب
بنتيريست