كنا هناك كعادتنا.. خلقنا فرحا للنيل على خاصرة الأطلسي.. ضحكنا من قلوبنا عند «منحنى» أبي رقراق أكلنا وشربنا وأرتوينا.. قاسمنا المغاربة ذلك الحب وطابت لنا «الونسة» احتفلنا بأبنائنا الطلبة ككل عام.. لم نكن سوى أنفسنا.. كانت المحبة حاضرة بيننا.. صلينا ودعونا لبعضنا بكل ما هو جميل.. أطفالنا لعبوا وضحكوا... نساءنا كن غرة أعيننا..
08-28-2011, 11:11 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
أموت واعرف الجخنون، العملتوا فيهو الزردة دي ياربي يكون البيت الليلتك يا اب صلعة في ضاحية تمارة بتعملها. وبعدين صديقي وزهراته الثلاث مشكلين غياب، وصديقي الاخر نزار ود البلال، هائما لوحده، وبعدين رئيس الاتحاد دة كان بيشتغل مساعد حلة، قبل مايعرف انو عليهو جامعة وتعليم. الليلة شكلها جميل، الاسلاموي ود مختار، فتح الدرب للاخريين بينما تشربك هو بالمغرب، سوف ينكروه اذا رجع للسودان
تسلموا يا اروع جالية، اجمل ليلة.
08-28-2011, 01:22 PM
حمزه بابكر الكوبي حمزه بابكر الكوبي
تاريخ التسجيل: 04-13-2009
مجموع المشاركات: 2121
بكون حريص كل سنة أشوف صور فطوركم وبكل صراحة حاجة جميلة جداً (المودة والألفة والسرور في وجوه الناس) وجمال المكان ، وكمان (العضة) حقتكم سمحة بالحيل (كوكتيل الطواجن والأكلات المغربية وعصايدنا السودانية) حاجة ماتخلص ، ربنا يتقبل صيامكم وأعمالكم ويديم عليكم المحبة، في ظل العرش العلوي المجيد
المشكلة الوحيدة ياطارق إنك (شناف) جداً وماخليت ليك بوست فطور سوداني إلا دخلت وشنفت للناس فطورها،عشان كده اتحمل البجيك والبادي أظلم
ياطارق ياخي لي كم سنة بقول ليك شوف لينا خطابة من جيرانكم تفتش عروس مغربية لي قريبك الازهري خلاص باقي سنة سنتين والقطر يفوتناولازم مواصفات سوادنية مغربية:
الوش قمر سبعتين الليها دارة، والنخرة قمقم الدهب عند النصارى،والرقبة كوز الدهب وسط الجرارة، والضهر فتر و شبر ليه انفزارة، والإيد كرباج العنج عند البطارة ،والبطن طاقة الهنود عند التجارة، والشعر هضليم نعام خاتي انقصارة، والقدم قدم الحمام فوق الحجارة. طبعاً بالإضافة إلى المواصفات المغربية عالية الجودة .
تحياتي وتقديري
. .
08-28-2011, 02:16 PM
فايزودالقاضي فايزودالقاضي
تاريخ التسجيل: 11-27-2007
مجموع المشاركات: 10091
اللوكاشن هو ما يميز هذا الافطار في تلك البقعة من العالم ... اللوكاشن براهو 50%
استاذ طارق رمضانكم كريم و كلو عام و انتم بخير .. لكين بوستك دا برااااهو دعاية للمغرب ... غايتو ربنا يهون اول اجازة بنمشي المغرب .. بلد ذو طبيعة جميلة بحق زي ما باين في الصور
في واحد (رباطابي) هنا قال الجماعة ديل حتت افطارم سمحة خلاص .. أمال لمن يحبو بيشمو ويينن؟!
يا سلام على المغرب وناس المغرب احلى واكرم ناس رجعتنا سنين لوراء يا طارق اكيد المرتبة الاولى السنة دى وتستحقوها عن جدارة يا الفاضل نسيت المكان العاملين فيه الفطور دى ولا شنو دى ما السفارة السودانية
سناء مرسى
08-29-2011, 11:22 AM
المكاشفي الخضر الطاهر المكاشفي الخضر الطاهر
تاريخ التسجيل: 08-08-2004
مجموع المشاركات: 5644
لكم تتقوق نفسي لزيارة المغرب وبالاخص زيارة مقامات مشايخي الاشراف السيد احمد التجاني والشيخ عبد السلام بن مشيش وبن ناجي وشيوخ المذهب المالكي اسال الله ان ييسر لي تلك الزيارة يارب
ما أجمل هذا المغرب العربي الذي اتى الينا منه علوم الفقه المالكي يا طارق انت سعيد بصحبة أؤلئك النفر الكريم ما اسعدك ارجو ان لا تنسونا من دعواتكم في تلك الديار الطاهرة الطيبة
كسرة : الزيارة كيف للبلد الجميل دا ؟؟
08-29-2011, 12:06 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22555
الاخ طارق مبرووك الجائزة غايتو لو أنا لو في اللجنة لأعطيتكم الدرجة الكاملة حقيقة وبدون اي مجاملة ماشاء الله جمعتم كل الوان الطيف الدروس الحسنية والسفارة السودانية والنغمة الامازيقية وطلاب كل الكليات بما فيها الهندسة المدنية وملاح ام بقبق والسلطات والشواءات والحلويات الشامية والمغربية ياطارق شغلكم نضيف ومية في المية والسنة الجاية إن شاء الله معاكم لزيارة شيوخي الادارسة ومراكز تكوين علماء المالكية
08-29-2011, 03:02 PM
Kostawi Kostawi
تاريخ التسجيل: 02-04-2002
مجموع المشاركات: 39979
Quote: و اشريركم الليله من صبري الشريف صبري بورداب المغرب ديل ما يغشوك ساي, النسوان جابن الفطور بس, لكن هسه شايف لك واحده قاعده في تربيزه ولا بتاكل, اها ده كمان نسميه شنو.ههههههه
اها شوف ناس المديدة الحارة ديل
Quote: الاخ طارق مبرووك الجائزة غايتو لو أنا لو في اللجنة لأعطيتكم الدرجة الكاملة حقيقة وبدون اي مجاملة ماشاء الله جمعتم كل الوان الطيف الدروس الحسنية والسفارة السودانية والنغمة الامازيقية وطلاب كل الكليات بما فيها الهندسة المدنية وملاح ام بقبق والسلطات والشواءات والحلويات الشامية والمغربية ياطارق شغلكم نضيف ومية في المية والسنة الجاية إن شاء الله معاكم لزيارة شيوخي الادارسة ومراكز تكوين علماء المالكية
يا المكاشفي حبابك يا زول الله يعدل الخطوة
Quote: غايتو بنديكم شوية نمرفي الصلاة بدل الجكس ياخ إنتو لو ما عندكم سلطة في الجكس السوداني مش كان أحس تأجروا ليكم جكس مغربي أو تايوني.....التراب كال مهيرة....إستلموا الرحاطة طيب!!!
هي لجنة فيها واحد زيك خردة كدة ومخرف شن طعمها
Quote: اول مرة تدخلوا في منافسة مع بورداب الدوحة
نحن فوق المنافسة أصلا
Quote: حباب اميرال والله واتشرفنا كثير بالشوفة ويا طارق السنة دي غايتو في تطور نوعي وسنة سنتين كده بتلحقو الدوحة برااااحة
----- والتحايا والشوق للاستاذ صلاح الاحمر والجميع ومالي لا اري المتصفح حاتم فهل رجع السودان الزول ده ولاشنووو..؟؟
يا هندسة عليك الله بطل جاكات المتصفح حاتم رجع إلى الخرطوم نهائي لكن بورداب الخرطوم ما شغالين بيهو ياخي حركات أولاد خرتوم دة
جاييكم بالباقي بس شيلوا الصبر هييييييييييع المغرب حديييييييد
08-29-2011, 06:42 PM
Kostawi Kostawi
تاريخ التسجيل: 02-04-2002
مجموع المشاركات: 39979
الاحباب عموم ناس المغرب... وبالأخص طارق وصلاح الأحمر عيدكم مبارك .. يجعل الله أيامكم أفراح ومودة .. ويعود العام وعموم أهل السودان سالمين وتامين... وكل عام وأنتم بخير
08-31-2011, 11:08 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: الاحباب عموم ناس المغرب... وبالأخص طارق وصلاح الأحمر عيدكم مبارك .. يجعل الله أيامكم أفراح ومودة .. ويعود العام وعموم أهل السودان سالمين وتامين... وكل عام وأنتم بخير
حبيبنا دكتور البندر ياخي كل سنة وانت بالف خير وربنا يحفظ ليك الزهرات
09-02-2011, 04:29 PM
عماد شمت عماد شمت
تاريخ التسجيل: 12-02-2004
مجموع المشاركات: 3857
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طارق جبريل
ABUHUSSEIN
وليد عبد اللطيف
نوفل عبد الرحيم حسن
معتصم محمد صالح
حمزه بابكر الكوبي
معاوية المدير
إبراهيم عبد الحليم
الفاضل يسن عثمان
ALazhary2
فايزودالقاضي
قاسم المهداوى
HAYDER GASIM
الرفاعي عبدالعاطي حجر
ذواليد سليمان مصطفى
جمال الباقر
haroon diyab
Kostawi
ناظم ابراهيم
المكاشفي الخضر الطاهر
Dania Elmaki
SHIBKA
عبدالكريم الامين احمد
Gaafar Ismail
ناصر احمد الامين
Dr Salah Al Bander
محمد أبوالعزائم أبوالريش
ناصر المحسى
Hatim Elmaki
سيف الدولة كامل
عماد شمت
tmbis
فيس بوك
تويتر
انستقرام
يوتيوب
بنتيريست